செவ்வாய் தோஷம் நீக்கும் செவ்வாடைக் காளி

_செவ்வாய் தோஷம் நீக்கும் செவ்வாடைக் காளி

ஜாதகத்தில் செவ்வாய் தோஷம் இருக்கும் பெண் களுக்கு திருமணம் தடைபடும் என்று சோதிடர்கள் சொல் வார்கள். அதுபோல, ராகு- கேது தோஷம் உள்ளவர்களுக்குக் குழந்தைப்பேறு தடைபடும். இதை 'நாக தோஷம். என்பார்கள்.

காளியை செவ்வாய் தோஷம், நாக தோஷம் உள்ள பெண்கள் செவ்வாடை அணிந்து, தட்டாங்குளம் வழிபட்டால், தோஷம் நீங்கும் என்றும், இக்கோயிலுக்கு வந்த பெண்களுக்கு தோஷம் நீங்கி திருமணம் நடந்திருக் கிறது, குழந்தை பிறந்திருக்கிறது என்றும் தெரிவிக்கிறார்கள்.

*தேவிபட்டணம்*

ராஜபாளையத்திலிருந்து தென்காசிசெல்லும் பாதையில் தேவிபட்டணம் இருக்கிறது. மகிசாசுரனை தேவி வதைத்த இடம் இது. எனவே, இதற்கு 'தேவிபட்டணம் என்று பெயர் ஏற்பட்டது.

தேவிபட்டணத்திலிருந்து ஒரு கிலோ மீட்டர் தொலைவில் புகழ்பெற்ற தட்டாங்குளம் காளியம்மன் கோயில் இருக்கிறது. இந்தக் காளியம்மனே ‘செவ்வாடைக் காரி' என்று சிறப்பு பெற்றவள்.

*தேடி வந்த அம்மன்*

காளியம்மன் இங்கே எழுந்தருளியது பற்றி ஒரு வரலாறுஉள்ளது.

இங்கேயிருந்த ஒரு ஜமீன்தாருக்கு வாரிசு இல்லை. இதனால் அவர் மிகவும் கவலைப்பட்டார். தேவிபட்டணம் சென்று தேவியை வணங்கி வந்தார்.

ஒருநாள் அருகிலுள்ள மலையில் பேய் மழை பெய்தது. ஆற்று வெள்ளம் கரைபுரண்டது. அந்த வெள்ளத்தில் ஒரு காளி சிலை அடித்து வரப்பட்டு கரை ஒதுங்கியது. ஊர் மக்கள் ஓடிச்சென்று ஜமீன்தாரிடம் சொன்னார்கள். ஜமீன்தார் விரைந்து வந்து சிலையை எடுத்தார். மொட்டை மலை அடிவாரத்தில் சிலையை நிறுவி கோயில் கட்டினார். நாள்தோறும் காளியை வழிபட்டார். அதன் பலனாக அவருக்கு வாரிசு பிறந்தது.

நின்ற கோலம்

நெல்லை மாவட்டத்திலேயே பெரிய தாமரைக்குளம் தேவிபட்டணம் கிராமத்தில் உள்ளது. ஏராளமான தாமரைகள் எக்காலத்திலும் பூத்துக் குலுங்கும். தட்டாங்குளத்துக்குக் கிழக்குப்புறம் வடக்கு நோக்கி காளியம்மன் நின்ற கோலத்தில் காட்சியளிக்கிறார். மிகவும் பழமையான இச்சிலை 7 அடி உயரம் கொண்டது.

அசுரனை வதம் செய்யும் கோலத்தில் ஆங்காரமாய்க் காட்சியளிக்கும் காளிக்கு நான்கு கைகள் உள்ளன.

வலப்பக்கக் கையில் சூலாயுதம். ஆனந்தக் கூத்தாடும் முறையில் உடுக்கை. இடப்பக்கக் கையில் அகரனின் வெட்டப்பட்ட தலை. எலுமிச்சைப் பழம் ஏந்தியவண்ணம் ஒரு கையும், பாம்பினைப் பிடித்த ஒரு கையும், மற்ற இரண்டு கைகளில் மணிச்சட்டத்தினை ஏந்திப் பிடித்தவண்ணமும் சிலை உள்ளது.

சிங்க வாகனத்தில் சாந்த முகத் தோற்றத்தில் பராசக்தி. மாரியம்மன் சன்னதிக்கு மேற்கே கிழக்கு நோக்கி விநாயகர் தனிப்பீடத்தில் அமைக்கப்பட்டு-கோபுரம் கட்டப்பட்டுள் ளது. அதற்கருகே கையில் அரக்கனைத் தூக்கியவண்ணம் வனப்பேச்சியம்மன் 8 அடி உயரத்தில் பெரிய சிலை உள்ளது. ஏழு கன்னியர்கள் அமர்ந்த நிலையில் உள்ளனர்.

இவையனைத்தும் வரிசையாக தனிப்பிரகாரத்தில் கிழக்கு நோக்கி உள்ளன. அதற்கடுத்து திறந்த வெளியில் வரிசையாக ஆறு சக்திபீடங்கள் உள்ளன. உள் பிரகாரத்தில் அம்மனுக்கு முன்பு கீழ்ப்பக்கம் மேற்கு நோக்கிக் கையில் விளக்கு ஏந்தியவண்ணம் 'கமலாட்சி' என்ற பாட்டியின் சிலை உள்ளது. இந்தப் பாட்டி தன் வாழ்நாள் முழுதும் அம்மனுக்கு சேவை செய்வதே தன் பணி என இருந்தவர். வெளிப்பிர காரத்தில் கோயிலுக்குக் கீழ்ப்பக்கம் கையில் அரிவாளுடன் தலைமலை வீரப்பனும் கையில் வெட்டரிவாள், நாயோடு கூடி வேட்டைக்குப் போவதுபோல் கருப்பசாமி. தனி கட்டடத்தில் காளியம்மன் கோயிலுக்கு மேல்புறம் நாகப்புற்றுடன் கூடிய ஆவுடைப் பார்வதி சந்நிதி கிழக்கு நோக்கி உள்ளது.

அம்மனை வழிபடும் முறை

இக்கோயிலுக்கு வருபவர்கள் பேருந்து நிலையத்தில் இறங்கி கோயிலுக்கு நடந்து வரவேண்டும். தட்டாங்குளத்தில் நன்றாக மூழ்கிக் குளிக்க வேண்டும். செவ்வாடை அணிந்துகொள்ள வேண்டும். அம்மனை ஒருமுகமாக மனதில் நினைத்துக்கொண்டு முதலில் அரச மரத்தின் கீழ் எழுந்தருளியுள்ள ஆவுடைப் பார்வதியம்மனை வணங்க வேண்டும். புற்றுக்குப் பால், முட்டை வைத்து, சூடம் ஏற்றி வழிபட வேண்டும். கோயிலுக்குள் நுழையும் வாசல் முன்பு அம்மனைக்கண்டு, தலைகுனிந்து வணங்கி கோயிலுக்குள் செல்ல வேண்டும். கருவறையை ஒன்பது முறை சுற்றி வரவேண்டும். பின்பு காளியம்மனை தரிசிக்க வேண்டும். சூடம் ஏற்றுவதைத் தவிர்க்க வேண்டும். நெய், நல்லெண்ணெய், குங்குமம் மஞ்சக்காப்பு போன்றவற்றைக் கொண்டுவந்து பூசாரியிடம் கொடுத்து பூஜை செய்து வணங்க வேண்டும்.

தோஷம் நீங்கும்

காளியம்மன் கேரளா பகுதியிலிருந்து வந்ததால் சக்தி மிக அதிகம். கேட்டவருக்கு கேட்ட வரம் தரும் அன்னை யாகக் காளியம்மன் இருக்கிறாள். செவ்வாய்தோறும் நாகதோஷம் மற்றும் பல குறைகளால் திருமணம் தடைப் பட்டவர்கள் செவ்வாய்தோறும் இங்கு வரவேண்டும். செவ்வாடை உடுத்தி தட்டாங்குளத்தில் குளிக்க வேண்டும். ஈரத்துணியுடன் கோயிலை 9 முறை சுற்றி வரவேண்டும். மஞ்சள் அல்லது கருப்பு நிற கயிற்றினை விநாயகருக்கு எதிரே உள்ள அரச மரத்தில் கட்டிவிட்டு வணங்கவேண்டும். பிறக்கிற குழந்தை ஆண் என்றால் 'காளியப்பன்' என்றும், பெண் என்றால் 'காளியம்மாள்' என்றும் பெயர் சூட்டுவேன் என்று உறுதி சொல்ல வேண்டும்.

9 செவ்வாய் தொடர்ந்து இடைவிடாமல் இங்கு வந்து வணங்க வேண்டும். நிச்சயம் நினைத்த காரியம் வெற்றியாக

நிறைவேறும். குடும்பத்தில் கணவன்-மனைவிக்குள் பிரச்சினை, பொருளாதாரத் தடை, பில்லி, சூனியம், எல்லாவற்றுக்கும் தடைக்கற்கள், மருத்துவர்களால் கவனிக்க முடியாத நோய்கள், மற்றும் படித்து வேலையில்லாமல் அவதிப்படுவோர்க்கும் நல்ல பலன் கிடைக்கும். வெள்ளிக் கிழமை, ஞாயிற்றுக்கிழமைகளில் வந்து வழிபாடு செய்ய வேண்டும்.

நடைதிறப்பு

இக்கோயில் காலை 6 மணி முதல் மாலை 7 மணி வரை திறந்திருக்கும். செவ்வாய், வெள்ளிக்கிழமைகளில் 18 வகை யான நீராட்டுடன் மதியம் 12 மணிக்கு பூஜை நடத்தப்படும். பௌர்ணமி அன்று நள்ளிரவு 12 மணிக்கு சிறப்புப் பூஜை நடத்தப்படுகிறது.

ஆனி மாதத்தில் அனைத்து செவ்வாய், வெள்ளிக் கிழமைகளில் இவ்வூரில் உள்ள அனைத்து சமூகத்தினரும் பொங்கல் வைத்து வழிபட்டு வருகின்றனர். சித்திரை பௌர்ணமி அன்று தட்டாங்குளத்தில் பெருமாள்சாமி நீராடுதல் நிகழ்ச்சி வெகு விமரிசையாகக் கொண்டாடப் படும். ராஜபாளையத்திலிருந்து இங்கு பேருந்துகள் வருகின்றன.