Showing posts with label # Vinayagar #hindu #india #tamilnadu. Show all posts
Showing posts with label # Vinayagar #hindu #india #tamilnadu. Show all posts

Monday, September 18, 2023

பிள்ளையார் உருவான கதை கணபதி உருவான புராண கதை : யானை முகம் எப்படி வந்தது தெரியுமா?

பிள்ளையார் உருவான கதை கணபதி உருவான புராண கதை : யானை முகம் எப்படி வந்தது தெரியுமா?
விநாயகர் ஸ்லோகம்:
ஐந்து கரத்தனை யானை முகத்தனை
இந்தின் இளம்பிறை போலும் எயிற்றனை
நந்தி மகன்தனை ஞானக் கொழுத்தினைப்
புந்தியில் வைத்து அடி போற்றுகின்றேனே.

முழு முதல் கடவுளான கணபதியை பார்வதி தேவி உருவாக்கிய தினத்தை விநாயகர் சதுர்த்தியாக கொண்டாடப்படுகின்றது. கணபதியை பார்வதி தேவியின் காப்பாளனாக உருவாக்கினாலும், இந்த உலகத்தின் நம்பைக்காக சிவ பெருமான் யானை முகம் எடுக்க வைத்தார். வாருங்கள் கண்பதி உருவான புராண கதையும், அவருக்கு எப்படி யானை முகம் வந்தது என்பது குறித்தும் பார்ப்போம்...

ஒரு முறை கைலாயத்தில் ஈசன் இல்லாத போது, பார்வதி நீராட சென்றார். காவலுக்கு நந்தி கணத்தை நிற்க வைத்து சென்றார்.

அந்த சமயத்தில் சிவன் அங்கு வர உள்ளே செல்ல முயன்றார். அவரை நந்தி தடுத்து, பார்வதி தேவி நீராடச் செல்வதாகவும், யாரையும் உள்ளே அனுமதிக்காதே என எனக்கு கட்டளையிட்டுக் காவலுக்கு வைத்து சென்றுள்ளார். அதனால் தாங்கள் உள்ளே செல்ல வேண்டாம் என கேட்டுக் கொண்டார்.

அதற்கு சிவன், பார்வதி தேவி என் துணைவி அதனால் இந்த கட்டளை என்னை தடுக்காது என கூறி உள்ளே சென்றார். அங்கு அமர்ந்திருந்த பார்வதி தேவி சிவ பெருமான் வருவதைப் பார்த்ததும், யாரையும் அனுமதிக்காதே என கூறியிருந்தேனே என்றார். அதற்கு சிவன் நந்தி என் சேவகன். அதோடு நான் உன் மணாளன் என்பதால் என்னை அவர் தடுக்க வில்லை என்றார்.

கணபதியை உருவாக்கிய பார்வதி :
நந்தியின் செயலால் கோபமடைந்த பார்வதி தேவி, அவர் செய்ததில் தவறு இல்லை என நினைத்தார். ஆனால் பாதுகாவலனாக நிற்பவர் யாரையும் உள்ளே விடாதபடி அறிவாளியாகவும், பலசாலியாகவும், தனக்கென பாதுகாவலனாகவும் இருக்க வேண்டும் என பார்வதி தேவி நினைத்தார்.

அந்த ஞாபகத்திலேயே நீராடச் சென்ற பார்வதி, அவர் பூசிக் கொண்டிருந்த மஞ்சளையும், சந்தனத்தையும் பிடித்து ஒரு உருவமாக்கினார். அதற்கு உயிரையும் அவரே கொடுத்தார். அவரே கணபதியானார்.

யானை முகம் எப்படி ?
அப்படி உருவான கணபதி, மற்றொரு முறை நந்திக்குப் பதிலாக காவலுக்கு நின்றார். நந்தியிடம் கூறியதைப் போலவே யாரையும் உள்ளே அனுமதிக்கக் கூடாது என கணபதியிடம் கட்டளையிட்டார்.

கணபதி காவலுக்கு நின்றிருந்த போது, அங்கு வந்த சிவ பெருமான் மற்றும் நந்தி உள்ளிட்ட பூதகணங்கள் உள்ளே செல்ல முயன்றனர். அவர்களை தடுத்த கணபதி யாரையும் அனுமதிக்க முடியாது என்றார். நான் பார்வதி தேவியின் கணவர் என்று கூறியும் அனுமதிக்கவில்லை.

இதனால் கோபமடைந்த ஈசன், கனங்களிடம் கூறி சிறுவனை அங்கிருந்து அகற்றுங்கள் என கூறி சென்றார்.
ஆனால் கணபதியோ யாரையும் உள்ளே செல்ல அனுமதிக்காததோடு, அவர்களை எதிர்த்து சண்டையும் செய்தார். இதில் கனங்களை அங்கிருந்து விரட்டினார்.
கணபதியின் சப்தத்தைக் கேட்டு அங்குவந்த பார்வதி தேவி, ஈசனே இந்த பிள்ளை நான் உருவாக்கியவன் தான். அவரை அநியாயமாக இப்படி கொன்றுவிட்டீர்களே என்றார்.அவருக்கு உயிர் அளியுங்கள் என கேட்டுக் கொண்டார்.

கணேசன் பிறப்பின் ரகசியம் :
அதற்கு ஈசன், தேவி அனைத்தையும் நான் அறிவேன். கணேசனுக்கு உயிர் அளிக்கும் பொருட்டு, வடக்கில் தலை வைத்து படுத்திருக்கும் ஒரு பிள்ளையும், அவரின் தான் வேறொரு திசையைப் பார்த்து படுத்திருக்குமாறு இருக்கும் பிள்ளையின் தலையை எடுத்து வாருங்கள் அதை கணேசனுக்கு வைத்து உயிர்தரலாம் என பிரம்ம தேவன் ஆலோசனை கூறினார். அப்படியே செய்ய கனங்களுக்கு உத்தரவிட்டார்.

கனங்கள் பல இடங்களில் தேடி அலைந்து ஒரு யானை தலையை எடுத்து வந்தனர். அதை பொருத்திய ஈசன் உயிர் அளித்தார்.

இப்படி யானையின் தலை பொருத்திவிட்டீர்களே சுவாமி என தேவி கேட்டதற்கு, கஜமுகாசுரன் எனும் அரக்கன் உயிர்களை துன்புறுத்தி வருகின்றார். அவரை அழிக்க வேண்டும் என்றால், ஆண், பெண் சம்பந்தப்படாமல் பிறக்கும் ஒருவரால் தான் முடியும். அதோடு, அவன் மனிதனாகவோ அவன் பார்க்க, இருக்கக் கூடாது என வரம் பெற்றுள்ளான்.

கஜமுகாசுரனை அழிப்பதற்காகவே கணேசனாக அவதரித்துள்ளார். அதோடு அவர் முழு முதல் கடவுளாக விளங்குவார். யார் எங்கு பூஜை செய்தாலும் அதில் கணபதிக்கு தான் முதல் பூஜையும், ஆரத்தியும் நடக்கும் என வரம் கொடுத்தார்.

இதன் காரணத்தால் கணபதி யானை முகத்துடன் காட்சி அளிக்கின்றார். அதோடு முழு முதல் கடவுளாக வழிபட்டு வருகின்றோம்.
விநாயகர் சதுர்த்தி தினத்தில் விநாயகரின் அருமை பெருமைகளை அறிந்து கொண்டு வணங்கி அருள் பெறுவோம்.

விநாயகர் ஸ்லோகம்:

கஜானனம் பூத கணாதி ஸேவிதம்
கபித்த ஜம்பூ பலஸார பக்ஷதம்
உமாஸுதம் சோக வினாச காரணம்
நமாமி விக்னேஸ்வர பாத பங்கஜம்

விநாயகர் சகஸ்ரநாமம்:
சுக்லாம் பரதரம் விஷ்ணும் சசிவர்ணம் சதுர்ப்புஜம்
ப்ரசன்ன வதனம் த்யாயேத் சர்வ விக்நோப சாந்தயே

விநாயகர் ஸ்லோகம்:

ஓம் தத்புருஷாய வித்மஹே
வக்ரதுண்டாய தீமஹி
தன்னோ தந்தி ப்ரசோதயாத்.

கணபதி ஸ்லோகம்:

அல்லல்போம் வல்வினைபோம் அன்னைவயிற்றில் பிறந்த
தொல்லைபோம் போகாத் துயரம்போம் நல்ல
குணமதிக மாம் அருணைக் கோபுரத்தில் மேவும்
கணபதியைக் கைதொழுதக் கால்.

விநாயகர் ஸ்லோகம்:

மூஷிக வாகன மோதக ஹஸ்த
சாமர கர்ண விளம்பித சூத்ர
வாமன ரூப மஹேஸ்வர புத்ர
விக்ன விநாயக பாத நமஸ்தே.

விநாயகர் காயத்ரி மந்திரம்:

வக்ரதுண்டாய ஹீம்
ஓம் நமோ ஹேரம்ப மதமோதித
மம சர்வ சங்கடம் நிவாரயே ஸ்வாஹா
ஓம் கம் க்ஷிப்ரப்ரசாதனாய நமஹ.

Thursday, March 9, 2023

சங்கடஹர சதுர்த்தி.**************************************கணக்கு சொன்ன பிள்ளையார்.

சங்கடஹர சதுர்த்தி.
**************************************
கணக்கு சொன்ன பிள்ளையார்.
**************************************
கங்கைகொண்ட சோழபுரம் பிரகதீஸ்வரர் ஆலயத்தின் அருகே ஒன்றரை கிலோ மீட்டர் தொலைவில் கனக விநாயகர் அமைந்துள்ளார்.

ராஜேந்திர சோழன் கங்கைகொண்ட சோ ழபுரத்தை நிர்மாணித்தபின், தன் தந்தை ராஜராஜ சோழன் கட்டிய மிகப்பெரிய தஞ்சை பெருவுடையார் கோவில்போல தானும் கட்டவேண்டுமென தீர்மானித்து திருப்பணிகளைத் துவக்கினான். 

அப்போது அனுதினமும் வழிபட அரண்ம னைக்குமுன் இந்த கனகவிநாயகர் கோவி லை அமைத்து, கோவிலுக்கு வடகிழக்கே பிரகதீஸ்வரர் கோவில் அமைக்கும் பணி யை தன் அமைச்சரி டம் ஒப்படைத்தான்.

திருப்பணிகளுக்குத் தேவையான பொன்- பொருட்களை அரண்மனைக் கணக்கர் தினமும் அமைச்சரிடம் தருவார். அவற் றை அமைச்சர் இந்த கனக விநாயகர் திருமுன்வைத்து வணங்கியபின்பே ஆலயத் திருப்பணிகளை ஆரம்பிப்பார். 

இந்த விநாயகருக்கு பால், எண்ணெய் அபிஷேகம் செய்யும்போது இவர் பச்சை நிற மேனியராகக் காட்சிதருவார். இப்படி யே இடைவிடாமல் 16 ஆண்டுகள் அமைச் சர் தலைமையில் திருப்பணிகள் மும்முர மாக நடைபெற்றுவந்தன.

ஒரு நாள் ஆலயத் திருப்பணிகளைப் பார்வையிட மன்னன் வந்தான். ஆலயம் கம்பீரமாக எழும்பிக்கொண்டிருப்பது கண்டு பரவசமடைந்தான். 

பின் அமைச்சரிடம், “திருப்பணிக்கான செலவுக்குரிய கணக்கை நாளைக் காலை தெரிவியுங்கள்” என கட்டளை இட்டுவிட்டு ச் சென்றான் மன்னன்.

அமைச்சருக்குத் தூக்கிவாரிப் போட்டது. திருப்பணி செய்யும் மும்முரத்தில் அவர் கணக்கு ஏதும் எழுதவில்லை.

அமைச்சருக்கு என்ன செய்வதென்றே தெரியவில்லை. தெய்வம்தான் தம்மைக் காக்க வேண்டுமென்று கனக விநாயகர் சந்நிதிக்கு ஓடோடி வந்தார். 

“பெருமானே, மன்னர் திடீரென கணக்குக் கேட்கிறார். நான் என்ன செய்வேன்? தாங் கள்தான் இதற்கு வழிகாட்டவேண்டும்” என கண்ணீர்மல்கி மனமுருகப் பிரார்த்த னை செய்துவிட்டு இல்லம் சென்றார்.

அன்றிரவு அமைச்சர் கனவில் தோன்றிய கனக விநாயகர், “அமைச்சரே, வருந்தாதீர். இதுவரை எத்து நூல் எட்டு லட்சம் பொன் செலவானது என மன்னரிடம் கூறுங்கள்” என அருளி மறைந்தார். 

கண்விழித்த அமைச்சர் கனக விநாயகர் சந்நிதி நோக்கி கைகூப்பி வணங்கினார். உடனே ஓலைச் சுவடியை எடுத்து அதில் “எத்து நூல் எட்டு லட்சம் பொன்’ என்று எழுதி வைத்துவிட்டார்.

மரவேலை, சுவர் வேலை செய்யும்போது வளைவு வராமல் இருப்பதற்காக பயன்ப டுத்தும் நூலை எத்து நூல் என்பர். இதைக் கொண்டே கட்டுமானத்திற்குப் பயன்படுத் தும் கல், மரம், மணல் எவ்வளவு வாங்கப் பட்டது என கணக்கிட்டுவிடலாம். எத்து நூல்தான் முக்கிய இடம் வகிக்கிறது.

மறுநாள் அமைச்சர் மன்னரிடம் விநாயகர் கனவில் சொன்னபடி கூறினார். “இவ்வள வு செலவானதென்றால் நாம் நினைத்த படியே கோவில் சிறந்த முறையில்தான் உருவாகிவருகிறது. மகிழ்ச்சி! அமைச்ச ரே, எப்படி நீங்கள் இவ்வளவு துல்லியமா கக் கணக்கிட்டீர்கள்” என்று கேட்டான் மன்னன்.

நடந்த உண்மைகளை அமைச்சர் அப்படி யே கூறிவிட்டார். ஆச்சரியமடைந்த மன்ன ன் கனக விநாயகர் சந்நிதிமுன் நின்று கண்ணீர் மல்க வணங்கினான். "விநாயக ப் பெருமானே தெரிவித்த கணக்கானதால் அது சரியாகத்தான் இருக்கும்."

"இதன்மூலம் பிரகதீஸ்வரர்ஆலயம் எழும்ப விநாயகரே ஆசி வழங்கவிட்டார். எனவே இந்த கனக விநாயகர் இனிமேல் நமக்குக் கணக்குப் பிள்ளையார் ஆகிவிட்டார்” என பெருமிதத்துடன் கூறினான்.

இந்த விநாயகரை பிற்காலத்தில் எவரே னும் வேறிடத்திற்கு மாற்றிவிடக்கூடாதெ ன்று எண்ணி, 4 அடி உயரம், 3 அடி அகல முடைய இவரின் சந்நிதிமுன் மிகச்சிறிய நுழைவாயிலைக் கட்டிவிட்டான். 

அந்நியர் படையெடுப்பு வந்தபோது, பிரக தீஸ்வரர் ஆலயத்திற்கும் இந்த கனக விநாயகர் ஆலயத்திற்கும் எந்த பாதிப்பும் ஏற்படவில்லை. இதற்கு இந்த கனக விநா யகரின் அருள்தான் காரணம்.


Wednesday, February 8, 2023

சகல சௌபாக்கியம் தரும் சதுர்த்தி திதி.. உங்களின் கஷ்டங்கள் தீர விநாயகரை வழிபடுங்கள்..!!

சகல சௌபாக்கியம் தரும் சதுர்த்தி திதி.. உங்களின் கஷ்டங்கள் தீர விநாயகரை வழிபடுங்கள்..!!
ஐந்து கரத்தனை யானை முகத்தனை

இந்தின் இளம்பிறை போலும் எயிற்றனை

நந்தி மகன்றனை ஞானக்கொழுந்தினைப்

புந்தியில் வைத்து அடிபோற்று கின்றேனே.
 
சதுர்த்தி திதி...!!

விநாயகப் பெருமானை தேய்பிறை சதுர்த்தியில் வழிபாடு செய்வது மிகப் பெரும் நற்பலன்களைத் தரக்கூடியது. சந்திர பகவான் தனது தோஷங்கள் நீங்க தேய்பிறை சதுர்த்தி தினத்தன்று ஸ்ரீ விநாயகப் பெருமானை நினைத்து கடும் தவம் செய்ய, சந்திரனின் கலைகள் எனும் பிறைகள் வளர அருள்பாலித்தார்.

கணபதியை வணங்கினால் காரியத்தடைகள் யாவும் நீங்கும். விக்ன விநாயகரை வணங்க வினை யாவும் நெருங்காது. அப்படி அனைவராலும் போற்றப்படும் விக்ன விநாயகரை பற்றிய சில தகவல்களை தெரிந்துக்கொள்வோம்.

முழுமுதற் கடவுள், மூலப்பொருளோன் என்று சொல்லி அனைவரும் வணங்குவது விநாயகரையே. எந்த செயல்களை செய்யும் முன்பும் பிள்ளையார் சுழி போட்டு தான் ஆரம்பிக்கிறோம். யார் கூப்பிட்டாலும் ஓடோடி வந்து அருள்புரிவார் விநாயகர். அதனால் தான் அவர் எல்லோருக்கும் பொதுவாகவும், சுலபமாக வழிபடும் வகையிலும் இருக்கிறார்.

விநாயகர் பிரணவத்தின் வடிவம். இதன் திரிந்த வடிவமே பிள்ளையார் சுழி. பிள்ளையார் சுழியை இட்டாலே ஆணவம் ஒழிந்து இறை உணர்வு உண்டாகும்.

கணபதி :

கணபதி எனும் சொல்லில் க என்பது ஞானத்தை குறிக்கிறது. ண என்பது ஜீவர்களின் மோட்சத்தை குறிக்கிறது. பதி என்னும் பதம் தலைவன் எனப் பொருள்படுகிறது.

விநாயகர் :

வி என்றால் இதற்கு மேல் இல்லை எனப் பொருள். நாயகர் என்றால் தலைவர் எனப் பொருள். இவருக்கு மேல் பெரியவர் யாருமில்லை என்று பொருள்பட விநாயகர் என்று பெயரிடப்பட்டது.

அகில உலகங்களும் விநாயகருடைய மணி வயிற்றில் அடங்கிக் கிடக்கின்றன என்பதை அவருடைய மத்தள வயிறு கூறுகின்றது.

சதுர்த்தி :

சதுர்த்தி திதி விநாயகருக்கு மிகவும் உகந்த திதியாகும்.

சதுர்த்தி என்பது சந்திரனின் இயக்கத்தை அடிப்படையாகக் கொண்ட காலக் கணிப்பு முறையில், 15 நாட்களுக்கு ஒரு முறை சுழற்சி முறையில் வரும் ஒரு நாளைக் குறிக்கும். இந்த நாட்கள் பொதுவாகத் திதி என்னும் பெயரால் அழைக்கப்படுகின்றன. அமாவாசை நாளையும், பூரண நாளையும் அடுத்து வரும் நான்காவது திதி சதுர்த்தி ஆகும்.

ஆகவே, சதுர்த்தி நாளில் விநாயகருக்கு அருகம்புல் மாலை சாற்றி வழிபடுதல் மிகவும் நல்லது.

ஜாதகத்தில் திருமணத்தடை உள்ள பெண்கள் சதுர்த்தி விரதத்தை கடைபிடித்தால் தடை விலகி நல்ல வரன் தேடி வந்து அமையும்.

ஒவ்வொரு கடவுளுக்கும் ஒருவிதமான பலன்களை தரும் சக்தி இருக்கின்றது. ஆனால் கணபதியை வணங்கினால் அனைத்து சக்திகளை பெற முடியும். வினை தீர்ப்பவன் விநாயகன். விநாயகரை வணங்கி நன்மைகளை பெறுவோம்.

நன்றி
இனியகாலைவணக்கம்
வாழ்கவளமுடன்நலமுடன்

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...