Showing posts with label #Tamil Nadu #india. Show all posts
Showing posts with label #Tamil Nadu #india. Show all posts

Saturday, October 12, 2024

வெந்நீரில் சிவனுக்கு அபிஷேகம் நடைபெறும் கோயில்....


உமையம்மை ஈசனின் இடப்பாகம் பெற சிவலிங்கம் அமைத்து சிவபூசை செய்த இடமான, அருணகிரிநாதரால் திருப்புகழ் பாடல் பெற்ற நடு நாட்டுத் தலங்களில் ஒன்றான, தமிழகத்தில் உள்ள முக்கிய சக்தி பீடங்களில் ஒன்றான, கம்சனின் சகோதரி தேவகி சிவபூசை செய்த இடமான, வருடம் முழுவதும் வெந்நீரில் சிவனுக்கு அபிஷேகம் நடைபெறும் தலமான
#திருவண்ணாமலை மாவட்டத்தில் உள்ள 
#தேவிகாபுரம் (தேவக்காபுரம் )(கனகமலை) (கனககிரி)
#கனககிரீஸ்வர் என்ற பொன்மலைநாதர் 
#பெரியநாயகி_அம்மன் திருக்கோயில் வரலாறு:

 கனககிரீஸ்வரர் கோயில் கனகாசலம் அல்லது பொன்னமலை என்று அழைக்கப்படும் சிறிய மலையின் உச்சியில் அமைந்துள்ளது மற்றும் பெரியநாயகி அம்மன் கோயில், நகரின் மையத்தில் உள்ள மலையின் அடிவாரத்தில் அமைந்துள்ளது. பொன்மலை நாதர் கோயில் சராசரி கடல் மட்டத்தில் இருந்து சுமார் 500 அடி உயரத்தில் உள்ளது. இது சுமார் 1000 ஆண்டுகளுக்கு முன்பு சோழ மன்னன் காலத்தில் கட்டப்பட்டதாக கருதப்படுகிறது  . பின்னர்  15 ஆம் நூற்றாண்டில் விஜயநகர காலத்தில் கோயில் விரிவுபடுத்தப்பட்டது .

கனககிரி என்றழைக்கப்படும் மலை அம்மன் கோயிலின் தென்மேற்குப் பக்கத்தில் 500 அடி உயரத்தில் 365 படிகளுடன் 5 கிலோமீட்டர் சுற்றளவைக் கொண்டுள்ளது. மலை உச்சியில் உள்ள சிவபெருமான், தமிழில் கனககிரீஸ்வரர்-பொன் மலை நாதர் என்று போற்றப்படும் சுயம்புமூர்த்தி.

கனககிரீஸ்வரர் மலையின் உச்சியில் சுயம்பு மூர்த்தியாக காட்சியளிக்கின்றார். அம்பாள் ஆலயத்தின் பின்புறமாக தென்மேற்கு பகுதியில் 500 அடி உயரத்தில் கனக கிரி என்ற பெயரைக் கொண்ட மலையில் உச்சியில் ஈசன் அமர்ந்திருக்கின்றார். அம்பிகை பெரிய நாயகிக்கு இங்கு தனி ஆலயம் அமைக்கப்பட்டிருக்கிறது. மலை அடிவாரத்தில் உள்ள பெரியநாயகி கோவில் சக்தி பீடங்களில் ஒன்றாகக் கருதப்படுகிறது. அம்பாள் ஈசனை சரிபாதியாக அடைவதற்கு இந்த இடத்தில் தவம் இருந்ததால் திருமண தடை உள்ளவர்கள் இந்த கோவிலுக்கு வந்தால் திருமணம் நடக்கும் என்பது நம்பிக்கை. அம்பாளின் தவத்தில் மயங்கிய சிவன் பங்குனி உத்திரத்தன்று, மலையில் இருந்து கீழே இறங்கி வந்து அம்பாளை திருமணம் செய்தார் என்பது ஐதீகம்.

மூலவர் :கனககிரீசுவரர் ,பொன்மலைநாதர் 

அம்மன்    :பெரியநாயகி

தல விருட்சம்  :  வில்வம்

தீர்த்தம்      : சிவதீர்த்தம்

புராண 
பெயர்  :தேவக்காபுரம்,கனகமலை 

ஊர்       :    தேவிகாபுரம்

மாவட்டம்:திருவண்ணாமலை

பாடியவர்கள்:
திருப்புகழ் (அருணகிரிநாதர்)

#அருணகிரிநாதர் அருளிய கனகமலை (தேவிகாபுரம்) திருப்புகழ்:

"அரிவையர்கள் தொடரு மின்பத்
     துலகுநெறி மிகம ருண்டிட்
          டசடனென மனது நொந்திட் …… டயராமல்
அநுதினமு முவகை மிஞ்சிச்
     சுகநெறியை விழைவு கொண்டிட்
          டவநெறியின் விழையு மொன்றைத் …… தவிர்வேனோ
பரிதிமதி நிறைய நின்ற·
     தெனவொளிரு முனது துங்கப்
          படிவமுக மவைகள் கண்டுற் …… றகமேவும்
படர்கள்முழு வதும கன்றுட்
     பரிவினொடு துதிபு கன்றெற்
          பதயுகள மிசைவ ணங்கற் …… கருள்வாயே
செருவிலகு மசுரர் மங்கக்
     குலகிரிகள் நடுந டுங்கச்
          சிலுசிலென வலைகு லுங்கத் …… திடமான
செயமுதவு மலர்பொ ருங்கைத்
     தலமிலகு மயில்கொ ளுஞ்சத்
          தியைவிடுதல் புரியு முன்பிற் …… குழகோனே
கருணைபொழி கிருபை முந்தப்
     பரிவினொடு கவுரி கொஞ்சக்
          கலகலென வருக டம்பத் …… திருமார்பா
கரிமுகவர் தமைய னென்றுற்
     றிடுமிளைய குமர பண்பிற்
          கநககிரி யிலகு கந்தப் …… பெருமாளே.

*தேவிகாபுரம்:

தேவிகாபுரம் என்றால் "தெய்வத்தின் நகரம்" என்று பொருள். இங்குள்ள பெண் தெய்வங்கள் பிரம்மாவால் விலைக்கு வாங்கப்பட்டதாக கூறப்படுகிறது. தேவகிபுரம், தேவக்காபுரம், கனககிரி, கனகத்திரி, கனகாசலம், நாராயணவனம் போன்ற ஸ்தல புராணங்களில் தேவிகாபுரம் பல பெயர்களால் அழைக்கப்படுகிறது.

#புராண வரலாறு:

ஒரு முறை பிருங்கி முனிவர் சக்தியை விட்டுவிட்டு சிவனை மட்டும் வண்டு ரூபத்தில் வந்து தரிசித்ததன் காரணமாக சக்தி கோபமடைந்து சிவனின் ஒரு பாதியில் தான் கலக்க வேண்டும் என்ற கோரிக்கையை வைத்து, சக்தியானவள் சிவனை விட்டு பிரிந்து சென்றாள். இதற்காக சிவன் சக்தியிடம், ‘சக்தியான நீ பூலோகத்தில் காஞ்சிபுரம் என்னுமிடத்தில் காஞ்சி காமாட்சியாக தவமிருந்து காத்திரு. காலம் கனிந்து வரும் சமயத்தில் உன்னை மணந்து கொள்கிறேன் என்று வாக்களித்தார். பின்னர் திருவண்ணாமலைக்கு வந்து வழிபாடு செய்யும்போது என் உருவில் இடப்பக்கத்தில் உனக்கு இடம் தருகின்றேன் என்றும் வாக்களித்தார்.’ சிவபெருமான் கூறியபடி சக்தி தேவியும் காஞ்சிபுரத்தில் தவம் இருந்தபோது ஏகாம்பரநாதரை மணந்தார். அடுத்ததாக தேவி திருவண்ணாமலைக்கு செல்லும் வழியில் தேவிகாபுரத்தில் ஒரு மண்டபத்தில் கனககிரீஸ்வரை வணங்கி தவமிருந்தார். இதனால்தான் இந்த தளம் தேவிகாபுரம் என்ற பெயரை பெற்றுள்ளது. இங்கிருந்து திருவண்ணாமலைக்குச் சென்று சிவனின் இடது பக்கத்தைப் பெற்றதாக புராணங்கள் கூறுகின்றது.

புராணத்தின் படி, கம்சனின் சகோதரி தேவகி இங்கு கிருஷ்ணரைப் பெற்றெடுத்ததாகக் கூறப்படுகிறது. அதனால் தேவகிபுரம் என்று பெயர். இங்கு ஸ்ரீ ஸ்ரீநிவாச மூர்த்திக்கு கோயில் உள்ளதால் நாராயணவனம் என்று பெயர்.

இக்கோயிலில் வீற்றிருக்கும் அன்னையின் திருநாமம் பெரியநாச்சியார் என்னும் பெரியநாயகி என்று கல்வெட்டுகளால் அறியப்படுகிறது. தற்போது வடமொழி சொல்லால் ப்ருகதாம்பாள் என்று வழங்குகின்றனர்.

#கனககிரீஸ்வர் என்ற பொன்மலைநாதர்:

தேவிகாபுரத்தில் அமைந்துள்ள தேவிகாபுரம் பெரியநாயகி அம்மன் கோயில் பின்புறம் தென்மேற்கில் சிறிது தொலைவில் 500 அடி உயரம் 5 கி.மி. சுற்றளவும் 302 படிகளையும் கொண்ட கனகாசலம் அல்லது கனக்கரி என்னும் பெயருடைய மலை அமைந்துள்ளது. இதன் உச்சியில் சுவாமி சுயம்பு மூர்த்தியாக எழுந்தருளியுள்ளார். சுவாமியின் திருப்பெயர் கனககிரி ஈஸ்வரர் (அல்லது) பொன்மலைநாதர் என்பதாகும். கல்வெட்டுகள் இவரைத் திருமலை உடையார் அல்லது திருமலை உடைய நாயனார் என அழைக்கின்றன.

இத்தலத்தில் இன்றும் சிவராத்திரி காலங்களில் அம்பிகை பூசை செய்வதாக ஐதீகம். எனவே சிவராத்திரி இரவில் நான்கு காலங்களிலும் இங்கு வழிபடுவது நாமும் அம்பிகையோடு சேர்ந்து வழிபடுவதாகவே கருதப்படும். இங்குள்ள பிரதிக்ஷ்டாலிங்கம் தேவியால் அமைக்கப்பட்டதென்றும் அருகில் உள்ள சுயம்பு லிங்கம் இறைவன் தானாகத் தோன்றியதாக (சுயம்புவாக) எழுந்தருளிய நிலை என்றும் கூறுவர்.

#பொன்மலை:

ஒரு சமயம் உலகம் ஒடுங்கிய ஊழி இரவில் உலகம் வெள்ளத்தால் அமிழ இம்மலைமட்டும் பொன்போல் பிரகாசித்து மிதந்தது. எனவே இம்மலை பொன்மலைநாதர் என்றும் வழங்குவதாயிற்று. இதுவே வடமொழியில் கனகாசலம் , கனககிரி என்றும் இறைவனின் திருப்பெயர் கனக கிரிஸ்வரர் என்று வழங்குவதாயிற்று.

இம்மலையின் மீது பார்வதி தேவியார் சிவலிங்கம் அமைத்து நான்கு கால பூசை செய்தாள். அவள் பூசை செய்யும் சிறப்பையும் நேர்த்தியையும் காணச் சிவபெருமான் அருகில் சுயம்புலிங்கமாக எழுந்தருளினார். அவளுடைய அன்பையும் பத்தியையும் கண்டு அவளுக்குத் தரிசனம் தந்து அவளைத் தன் இடப்பாகத்தில் சேர்த்துக்கொண்டார். அந்த நாளே மகாசிவராத்திரி ஆகும் என்றும் கூறுகின்றனர்.

#மலைமேல் உள்ள
கோயிலின் அமைப்பு:

இந்த மலைக்கோயில் கிழக்கு மேற்காக 185 அடி நீளமும் வடக்கு தெற்காக 75 அடி அகலமும் கொண்ட மதில்களுடன் விளங்குகிறது. இதன் முகப்பில் 36 கால்களை உடைய மண்டபத்துடன் கூடிய மூன்று நிலைகளைக் கொண்ட இராசகோபுரம் காட்சியளிக்கிறது. இம்மண்டபத்தின் முன் திருநந்திதேவர் கொடிமரம், பலிபீடம் முதலியன உள்ளன. இவற்றை வணங்கி உள்ளே சென்றால் பிரகாரத்தில் தென்முகக்கடவுள் விநாயகர், ஆறுமுகர், விசாலாட்சி அம்மாள், சண்டீஸ்வரர் முதலிய தெய்வத்திருவுருவங்களை (மூர்த்திகளை) வணங்கலாம்.

#இரண்டு சிவலிங்க மூர்த்திகள்:

ஒரு சமயம் இம்மலைப்பகுதி அடர்நத காடாக இருந்த போது வேடன் ஒருவன். கிழங்கு அகழந்து எடுப்பதற்காக மலையுச்சியில் இரும்புக் கருவியைக் கொண்டு தோண்டிய போது குபீர் என குருதி கொப்பளித்துக்கொட்டியது. அதைக் கண்ட வேடன் உடனே ஊர் மக்களிடம் வந்து செய்தியைக் கூறினான். மக்கள் சிலர் மலையின் மீது சென்று மேலும் அகழ்ந்த போது ஓர் அழகிய சிவலிங்கத் திருமேனி காணப்பட்டது. அன்று முதல் மக்கள் அச்சிவலிங்கத்திற்கு வழிபாடு செய்து வந்தனர். இவ்வாறு பூசை நடக்கும் நாளில் அவ்வழியாக வந்த அரசன் ஒருவன் இச்செய்தியைக் கேள்விப்பட்டு தான் கோவில் கட்டுவதாகக் கூறினான். பின்னர் அவ்வாறே கட்டி முடித்தான். அரசன் கட்டிமுடிக்கும் காலத்தில் சுவாமி மறைந்தருளினார். சுவாமி மறையவே அவ்வரசன் மிகவும் மனம் வருந்தி காசி விசுவநாதரை அமைத்துக் கும்பாபிசேகம் செய்த நாளன்று சுயம்பு மூர்த்தியும் தோன்றியருளினார். எனவே இங்கு இரண்டு சிவலிங்க மூர்த்திகள் அமைந்திருக்கின்றன.

இக்கோயிலின் அர்த்த மண்டபத்தில் அருமையான வேலைப்பாடுகளுடன் கூடிய சிற்பங்கள் காட்சியளிக்கின்றன. இவற்றைக் கடந்து உள்ளே சென்றால் கருவறையில் இரண்டு சிவலிங்க மூர்த்திகளைக் காணலாம். அம்மூர்த்திகளில் ஒருவர் அரசனால் பிரதிட்டை செய்யப்பட்டவர். அம்மூர்த்தியின் திருப்பெயர் காசி விசுவநாதர் என்பதாகும். மற்றொரு மூர்த்தி சுயம்புவாகத் தோன்றியவர். இவரின் திருப்பெயர் கனக கிரிஸ்வரர் (அல்லது) பொன்மலை நாதர் என்பதாகும். இவ்விருமூர்த்திகளும் தன்னை மெய்யன்புடன் துதிக்கும் பக்தர்களுக்கு அனைத்து நலன்களையும் அளிக்கின்றனர் என்பது திண்ணம்.

*பார்வதி தேவி தவம்:

இம்மலையிலிருந்து இறங்கும் போது இடப்புறம் பார்வதி தேவி தவம் செய்ததாகக் கருதப்படும் இடம் ஒன்று உள்ளது. அங்குத் தேவியின் திருப்பாதங்கள் காட்சியளிக்கின்றன. வலப்புறத்தில் வீரபத்திர ஆலயம் விளங்குகிறது.

இவ்வாலயத்திற்கு அருணகிரிநாதர் எழுந்தருளி ஆறுமுகப்பெருமான்மீது அரிசையர்கள் எனத்தொடங்கும் பாடலை அருளிச்செய்துள்ளார்.

#அடிவாரத்தில் உள்ள பெரியநாயகி அம்மன் 
#கோயில் அமைப்பு:

தேவிக்குரிய இவ்வாலயம் ஊரின் நடுவே அமைந்துள்ளது. கிழக்கு மேற்காக 475 அடி நீளமும் வடக்கு தெற்காக 250 அடி அகலமும் 30 அடி உயரம் கொண்ட அழகிய சித்திர வேலைப்பாடுகளுடன் கூடிய மதில் சுவர்களுடன் விளங்குகிறது. இம்மதிலின் முகப்பில் இராஜகோபுரம் சுமார் 150 அடி உயரம் உடையதாகவும் ஏழு நிலைகளையும் ஒன்பது கலசங்களையும் கொண்டுள்ளது. இக்கோபுரத்திற்கு எதிரே நான்கு கால்களைக் கொண்ட உயர்ந்த மண்டபம் ஒன்றுள்ளது. இக்கோபுரத்திற்கு வடக்குப்பக்கம் சித்திர வேலைப்பாடுகளுடன் கூடிய தேர்மண்டபம் காணப்படுகிறது. இத்தேர் மண்டபம் கிழக்கு தெற்கு ஆகிய இரு திசைகளையும் நோக்கின வகையில் அமைந்துள்ளது.

ஆலயத்தின் நுழைவு வாயிலின் இருபுறமும் புடைப்புச் சிற்பங்களாக அமைந்த லிங்கோற்பவர், நரசிம்மர், காலபைரவர், அதிகாரநந்தி, நடன மாதர், துவாரக பாலகர் போன்ற அற்புதமான சிற்பங்களைக் காணலாம். முகம்மதியர் படையெடுப்பால் இவற்றில் சில சிற்பங்கள் சிதைந்து காணப்படுகின்றன.

இவ்வாறு அனைத்து தெய்வங்களையும் அடுத்து உள் மண்டபத்தில் மேற்கில் அமைந்த கருவறையில் அருளே வடிவான அன்னை பெரியநாயகி காட்சி தருகிறாள். அன்னை மேல் இருகரங்களில் அபயம், வரதம் ஆகிய முத்திரைகளைக் கொண்டு நின்ற கோலத்தில் அழகுறக் காட்சியளிக்கின்றாள்.

#கல்யாண மண்டபம்:

இவ்வாலயத்துள் 3 பிரகாரங்கள் (சுற்றுகள்) உள்ளன. நுழைவு வாயிலைக் கடந்து உள்ளே செல்லும் போது முதலாவதாக ஆலயத்தின் வலப்புறம் ஓர் அழகிய திருக்குளம் அமைந்துள்ளது. அதன் கரையில் நான்கு கால்களைக் கொண்ட குதிரைகள் இழுத்துச்செல்வது போன்ற கல்யாண மண்டபம் மிக அற்புதமான சிற்ப எழிலுடன் அமைந்துள்ளது. இதில் மனுநீதிச் சோழன் வரலாற்றைச் சித்தரிக்கும் சிற்பங்கள் பொற்புடன் விளங்குகின்றன. இது காணவேண்டிய அழகிய மண்டபம் ஆகும்.

இவை இரண்டிற்கும் இடையில் பலிபீடமும் கொடிமரமும் உள்ளன. இதை அடுத்து திருநந்தி தேவர் அன்னையை நோக்கிய வண்ணம் வீற்றிருக்கிறார். கோயிலின் வலப்புறம் விநாயகப் பெருமானும், இடப்புறம் ஆறுமுகப்பெருமானும் உள்ளனர். இம்மூன்றாம் பிரகாரத்தின் இருபுறங்களிலும் பண்டை நாளில் நறுமணங்கமழும் சோலைகள் இருந்தனவாக எண்ணுவதற்கு இடமளிக்கிறது.

#ஐந்து நிலைக்கோபுரம்:

அடுத்து மகாமண்டபத்துடன் கூடிய ஐந்து நிலைக்கோபுரம் உள்ளது. இம்மகாமண்டபம் 36 கால்களைக் கொண்டது. இம்மண்டபத்தில் நவக்கிரக சந்நிதி இருந்தது. அது தற்போது வடக்குப்பிரகாரத்தில் தனிக்கோயிலாக அமைக்கப்பட்டுள்ளது. இதைக்கடந்து உள்ளே சென்றால் இரண்டாம் பிரகாரத்தை அடையலாம். அங்கு வலப்புறம் விநாயகர் சந்நிதியும் மற்றும் நவராத்திரி கொலு மண்டபமும் உள்ளன. இந்தப்பிரகாரத்தில் தான் மிகுதியான கல்வெட்டுகள் காணப்படுகின்றன.

இதனைக்கடந்து அர்த்த மண்டபத்தின் உள்ளே தெற்கு நோக்கியவாறிருக்கும் நடராசமூர்த்தி உள்ளார். மேற்படி மண்டபத்தின் தென்பகுதியில் உற்சவமூர்த்திகளும் அடுத்து விநாயகர், நால்வர், சேக்கிழார் ஆகியோரின் திருவுருவங்களும் (மூலவர்கள்) முதல் பிரகாரத்தின் நுழைவு வாயிலின் இருபுறமும் துவாரபாலகிகளின் உருவங்களும் உள்ளன. இதையுங்கடந்து உள்ளே சென்றால் முதல் பிரகாரத்தை அடையலாம். இப்பிரகாரத்தில் விநாயகர், திருமால், வள்ளி தெய்வானையுடன் கூடிய முருகப்பெருமான், சண்டீஸ்வரர் ஆகிய உருவங்களைக் காணலாம்.

#கோயில் சிறப்புகள்:

திருவண்ணமலை மாவட்டத்தில், அண்ணாமலையார் ஆலயத்தை அடுத்து பெரிய ஆலயமாக ஆரணியை அடுத்த தேவிகாபுரம் அருள்மிகு பெரியநாயகி அம்மன் ஸ்ரீகனககிரீஸ்வரர் ஆலயம் இருக்கிறது.

கனககிரீஸ்வரர் மலையின் உச்சியில் சுயம்பு மூர்த்தியாக காட்சியளிக்கின்றார். அம்பாள் ஆலயத்தின் பின்புறமாக தென்மேற்கு பகுதியில் 500 அடி உயரத்தில் கனக கிரி என்ற பெயரைக் கொண்ட மலையில் உச்சியில் ஈசன் அமர்ந்திருக்கின்றார். அம்பிகை பெரிய நாயகிக்கு இங்கு தனி ஆலயம் அமைக்கப்பட்டிருக்கிறது. மலை அடிவாரத்தில் உள்ள பெரியநாயகி கோவில் சக்தி பீடங்களில் ஒன்றாகக் கருதப்படுகிறது.

பொன்மலை நாதர் கோவில் இதன் மற்றொரு பெயர் கனக கிரீஸ்வரர் கோவில். கடல் மட்டத்திலிருந்து 500 அடி உயரத்தில் அமைந்துள்ளது. சுமார் ஆயிரம் ஆண்டுகளுக்கு முன்பு சோழ பேரரசால் கட்டப்பட்டது அதற்கு பின் 15 ஆம் நூற்றாண்டில் விஜயநகர பேரரசால் விரிவாக்கப்பட்டது.
 
‌அம்பாள் ஆலயத்தின் பின்புறம் தென்மேற்கில் சிறிது தொலைவில் 500 அடி உயரமும் 5 கி.மீ. சுற்றளவும் 302 படிகளையும் கொண்ட கனகாசலம் அல்லது கனககிரி என்னும் பெயருடைய மலை அமைந்துள்ளது. இதன் உச்சியில் சுவாமி சுயம்பு மூர்த்தியாக எழுந்தருளியுள்ளார். சுவாமியின் திருநாமம் கனககிரீசுவரர் அல்லது பொன்மலைநாதர் என்று அழைக்கப்படுகின்றது.

வேடன் ஒருவன் கிழங்கு அகழ்ந்து எடுப்பதற்காக மலையுச்சியில் இரும்புக் கருவியைக் கொண்டு தோண்டியபோது குபீர் என ரத்தம் கொப்பளித்தாம்.அதை மேலும் தோண்டிய போது அழகிய சிவலிங்கத் திருமேனி தெரிய வந்தது.அன்று முதல் மக்கள் அச்சிவலிங்கத்திற்கு அபிசேகம் செய்து வந்தனர். காயம் ஏற்பட்டதன் காரணமாக வெந்நீரில் அபிசேகம் செய்தனர்.அது இன்றும் மலை மேல் உள்ள இறைவனுக்கு வெந்நீர் அபிசேகம் நடைபெற்று வருகிறது.சுயம்புத் திருமேனி மிகவும் சிறிய அளவில் கண்ணுக்கு தெரியும் அளவில் இருப்பதால் அருகிலேயே காசிவிசுவநாதர் லிங்கம் பிரதிஷ்டை செய்யப்பட்டு காலங்காலமாக பூஜைகள் நடந்து வருகின்றன. இந்த வேடன் கதை, செவிவழிச் செய்தி ஆகும்.

கற்றவர் போற்றும் காஞ்சி மாநகரில் அன்னை காமாட்சி தனிப்பெரும் ஆலயத்துள் எழுந்தருளியிருப்பது போல, இங்கும் அன்னை ஆதிசக்தி தனி ஆலயத்துள் எழுந்தருளியிருந்து அருளாட்சி புரிந்து வருகின்றாள். இவ்வன்னையின் திருநாமம் பெரியநாச்சியார் என்றும் பெரியநாயகி என்றும் அழைக்கப்படுகிறது.தேவிக்குரிய இவ்வாலயம் ஊரின் நடுவே அமைந்துள்ளது.

7 நிலை ராஜகோபுரம் மற்றும் 3 பிரகாரங்கள் அமைக்கப்பட்டுள்ளன. தேவி இங்கு தவமிருந்து பங்குனி உத்திரத்தின்போது சுவாமி மலையிலிருந்து கீழே இறங்கி வந்து திருமணம் செய்து கொண்டு போகிறார் என்பது இத்தலத்தின் சிறப்பு.

ஒரு முறை இத்தலத்தின் வழியே போருக்கு சென்ற பல்லவ மன்னன், இங்குள்ள சிவனின் பெருமை பற்றி கேள்விப்பட்டான். போரில் வென்றால், சிவனுக்கு கோயில் கட்டுவதாக வேண்டிக்கொண்டான். வெற்றியும் பெற்றான். சிலர் கஷ்ட காலத்தில் கடவுளுக்கு நேர்ந்து கொள்வார்கள். செயல் முடிந்ததும், கடவுளை மறந்து விடுவார்கள். மன்னனும் வெற்றிக்களிப்பில் இப்படியே மறந்தான். மீண்டும் ஒரு கஷ்டம் வரவே, சிவனுக்கு கோயில் கட்டினான். ஆனால், வேடன் கண்டெடுத்த சுயம்புலிங்கம் காணாமல் போய்விட்டது. வருத்தமடைந்த மன்னன் காசியிலிருந்து வேறு லிங்கம் கொண்டுவந்து பிரதிஷ்டை செய்து கும்பாபிஷேகம் நடத்தினான். கும்பாபிஷேகம் நடந்து முடிந்ததும், மறைந்த சுயம்புலிங்கம் கிடைத்தது. கடவுள் தன்னை மறந்தவரை தானும் மறந்து விடுகிறார் என்பதற்கு உதாரணமே இந்த நிகழ்ச்சி. அவருக்கு மன்னன் கனககிரீஸ்வரர் என பெயரிட்டு, அதே கருவறையில் பிரதிஷ்டை செய்தான். இப்படியாக ஒரே கருவறையில் எங்கும் இல்லாதபடி இரண்டு லிங்கங்கள் அமைந்தது.

உள் மண்டபத்தின் தூணில் சிற்பக்கலைக்கு எடுத்துக்காட்டாக 9 பெண்களின் சிலையை யானை நிற்பது போல் வடிவமைத்துள்ளனர்.

மலையை விட்டு கீழே இறங்கும் வழியில் தேவி தவம் செய்ததாக கருதப்படும் இடத்தில், அன்னையின் திருவடி உள்ளது. மலையடிவாரத்தில் கோகிலாம்பாள் சமேத காமேஸ்வரர் கோயில் உள்ளது. இக்கோயில் மொத்தமே 9 கல்லால் அமைக்கப்பட்டுள்ளது. மலையில் அம்மன் இல்லாததால், பிரதோஷம் இங்கு நடத்தப்படுகிறது. பவுர்ணமி நாட்களில் 3.5 கி.மீ தூரம் உள்ள இந்த மலையை கிரிவலம் வருகிறார்கள்.

இறைவன் எழுந்தருளிய இடங்கள் நறுமணம் கமழும் சோலைகளாக இருந்தன. எனவே சோலைகள் சூழ்ந்த கோயில்கள் சோலையின் பெயராலேயே வழங்கப்பட்டன. கா என்பதற்கு சோலை என்பது பொருள். திருக்கோலக்கா திருவானைக்கா திருக்கோடிக்கா திருநெல்லிக்கா எனும் திருத்தலங்களின் பெயர்கள் கா என்று முடிவதை கண்டு தெளியலாம். அதுபோல் இறைவன் உறையும் கோயில் தேவக்கா என வழங்கி அதனுடன் புரம் என்ற சொல் சேர்த்து தேவக்காபுரம் என்று வழங்கப்பெற்றது என்றும் கருத இடம் உண்டு. பின்னர் இது மறுவி தேவிகாபுரமானது.

ஆலயத்தின் நுழைவு வாயிலின் இருபுறமும் புடைப்புச் சிற்பங்களாக அமைந்த லிங்கோற்பவர், நரசிம்மர், காலபைரவர், அதிகாரநந்தி, நடன மாதர், துவாரக பாலகர் போன்ற அற்புதமான சிற்பங்களைக் காணலாம். முகம்மதியர் படையெடுப்பால் இவற்றில் சில சிற்பங்கள் சிதைந்து காணப்படுகின்றன.

#சுடுநீர் அபிஷேகம்:

மலையின் உச்சியில் வேடன் ஒருவன் கிழங்கினை வெட்டி எடுப்பதற்கு கோடாரியால் பூமியை தோன்றிய போது அந்த இடத்திலிருந்து இரத்தம் வெளியேறியது. அந்த இடத்தில் என்ன இருக்கின்றது என்பதை தோண்டி பார்த்த வேடனுக்கு லிங்கம் ஒன்று கிடைத்தது. ஆனால் அதிலிருந்து வெளிவந்த இரத்தமானது நிற்கவே இல்லை. அந்த இரத்தத்தை நிறுத்துவதற்கு எவ்வளவோ முயற்சிகள் செய்தாலும் இரத்தம் பாய்ந்து கொண்டே இருந்தது. கடைசியாக வெந்நீரை எடுத்து லிங்கத்தின் மீது வேடன் ஊற்றினான். அப்போதுதான் இந்த இரத்தமானது நின்றது. அன்று முதல் இன்று வரை சிவனுக்கு வெந்நீரில் தான் அபிஷேகம் நடைபெற்று வருகிறது. இந்த வேடன் கதைக்கு எந்தவித ஆதாரமும் இல்லை செவி வழியாக கேட்கப்பட்ட கதைதான் இது.

மலையின் உச்சியில் உள்ள கனககிரீஸ்வரர் திருக்கோவிலில் மூலஸ்தானத்தில் இரண்டு மூலவர்கள் உள்ளனர். இதற்கான ஒரு கதையும் உண்டு. ஒருமுறை இந்த கோவிலின் வழியாக போருக்குச் சென்ற பல்லவ மன்னன் இச்சிவன் கோவிலின் பெருமையை பற்றி கேள்விப்பட்டு இருக்கின்றான். பல்லவ மன்னன், தான் போரில் வெற்றி பெற்றால் மலையின் மேல் உள்ள சிவனுக்கு பெரிய கோயில் கட்டி தருவதாக வேண்டிக் கொண்டான். போரில் வெற்றி கண்ட பல்லவ மன்னன் தன் வேண்டுதலை மறந்து விட்டான். பிறகு மன்னனுக்கு பல கஷ்டங்கள் ஏற்பட்டது. அப்போதுதான் ஈசனுக்கு, கோவில் கட்டி தருவதாக சொன்னது நினைவுக்கு வந்தது. பல்லவ மன்னன் சிவனுக்காக கோயிலை கட்டிய போது வேடன் கண்டெடுத்த சுயம்புலிங்கம் திடீரென்று காணாமல் போய்விட்டது. வருத்தத்தில் இருந்த பல்லவ மன்னன் காசியிலிருந்து மற்றொரு லிங்கத்தைக் கொண்டு வந்து அந்த இடத்தில் பிரதிஷ்டை செய்து கும்பாபிஷேகத்தை நடத்தி முடித்தான். கும்பாபிஷேகம் நடந்து முடிந்த மறுகணமே சுயம்புலிங்கம் திரும்பவும் காட்சி தந்தது. கடவுளை மறந்த பல்லவ மன்னனை, ஈசன் மறந்து இருக்கிறார் என்பதை இந்த சம்பவம் உணர்த்துகிறது. பல்லவ மன்னன் பிரதிஷ்டை செய்த லிங்கத்திற்கு கனககிரிஸ்வரர் என்ற பெயர் வைத்து அதே கருவறையில் இரண்டு மூலவர்கள் வைத்து இன்றளவும் வழிபட்டு வருகின்றனர்.

*தல வரலாறு:

ஒரு முறை பிருங்கி முனிவர் சக்தியை விட்டுவிட்டு சிவனை மட்டும் வண்டு ரூபத்தில் வந்து தரிசித்ததன் காரணமாக சக்தி கோபமடைந்து சிவனின் ஒரு பாதியில் தான் கலக்க வேண்டும் என்ற கோரிக்கையை வைத்து, சக்தியானவள் சிவனை விட்டு பிரிந்து சென்றாள்.

இதற்காக சிவன் சக்தியிடம், ‘சக்தியான நீ பூலோகத்தில் காஞ்சிபுரம் என்னுமிடத்தில் காஞ்சி காமாட்சியாக தவமிருந்து காத்திரு. காலம் கனிந்து வரும் சமயத்தில் உன்னை மணந்து கொள்கிறேன் என்று வாக்களித்தார். பின்னர் திருவண்ணாமலைக்கு வந்து வழிபாடு செய்யும்போது என் உருவில் இடப்பக்கத்தில் உனக்கு இடம் தருகின்றேன் என்றும் வாக்களித்தார்.’ சிவபெருமான் கூறியபடி சக்தி தேவியும் காஞ்சிபுரத்தில் தவம் இருந்தபோது ஏகாம்பரநாதரை மணந்தார். அடுத்ததாக தேவி திருவண்ணாமலைக்கு செல்லும் வழியில் தேவிகாபுரத்தில் ஒரு மண்டபத்தில் கனககிரீஸ்வரை வணங்கி தவமிருந்தார். இதனால்தான் இந்த தளம் தேவிகாபுரம் என்ற பெயரை பெற்றுள்ளது. இங்கிருந்து திருவண்ணாமலைக்குச் சென்று சிவனின் இடது பக்கத்தைப் பெற்றதாக புராணங்கள் கூறுகின்றது.

*பலன்கள்:

திருமணத்தடை உள்ளவர்கள் இந்த கோவிலில் உள்ள அம்பாளை வழிபட்டால் திருமணம் நடக்கும் என்பது நம்பிக்கை. இங்குள்ள ஈசனை வழிபட்டால் மன அமைதி கிடைக்கும்.

திருவிழா: 

பங்குனி உத்திரப் பெருவிழா – பங்குனி மாதம் கிருத்திகையுடன் கூடிய பஞ்சமி திதியில் கொடியேற்றி, அன்று முதல் பத்து நாட்களுக்கு நடைபெறும். பத்தாவது நாள் உத்திரத்தன்று விழா முடிவடையும் அன்று கொடி இறக்கப்படும். இவ்விழாவில் நாள்தோறும் பஞ்சமூர்த்திகளும் மலைக்குச் சென்று வரும் காட்சி மிகவும் சிறப்புடையதாகும். சித்திரை – நடராஜர் அபிசேகம் புரட்டாசி – நவராத்திரி ஐப்பசி – மலையின் மீது சுவாமிக்கு அன்னாபிசேகம் கார்த்திகை – கார்த்திகை தீபத்திருவிழா மாசி- மகாசிவராத்திரி இவை தவிர பவுர்ணமி கிரிவலம் இத்தலத்தில் மிகவும் சிறப்புற நடைபெறுகிறது.
பிரதோசம் மிக சிறப்பாக நடைபெறுகிறது.

#தீர்த்தங்கள் :

கோயிலின் உள்ளேயும் வெளியேயும் பல புனித தீர்த்தங்கள் உள்ளன. 

கோயிலின் உள்ளே பிரம்ம தீர்த்தம் அமைந்துள்ளது.

தென்கிழக்கில் நீராழி மண்டபத்துடன் கூடிய அக்னி தீர்த்தம் உள்ளது. இந்த தீர்த்தம் காத்தான்குளம் என்றும் அழைக்கப்படுகிறது. இந்த அக்னி தீர்த்தத்தின் குன்றின் மீது முருகன் கோவில் உள்ளது.

மலையின் அடிவாரத்தில் அமைந்துள்ள பெரியப்பன் குளம் நவக்கிரக தீர்த்தம் என்றும் அழைக்கப்படுகிறது.

மலையைச் சுற்றி தேவரடியார் தீர்த்தம், செய்யான் தீர்த்தம் மற்றும் பிற தீர்த்தங்கள் உள்ளன.

#கல்வெட்டுக்கள்:

இக்கோயிலில் 55 கல்வெட்டுகள் உள்ளன. கல்வெட்டுகள் விஜயநகர, தஞ்சாவூர் மராட்டியர், ஆரணி ஜாகிர்தார்கள் ஆகியோருக்கு சொந்தமானது. கல்வெட்டுகள் தமிழ், சமஸ்கிருதம், மராத்தி மொழிகளில் உள்ளன. கல்வெட்டுகளில் இருந்து இந்த இடம் தேவக்காபுரம் என்று அழைக்கப்பட்டது, பின்னர் தேவிகாபுரம் என்ற தற்போதைய பெயராக மாறியது. இந்திய மக்கள்தொகை கணக்கெடுப்பு-1961 அறிக்கையில், இக்கோயில் பல்லவர் காலத்தில் கட்டப்பட்டதாகக் குறிப்பிடப்பட்டுள்ளது, ஆனால், எந்த ஆதாரமும் கிடைக்கவில்லை. கிடைக்கக்கூடிய பழமையான கல்வெட்டு 1477 CE விஜயநகர காலத்தைச் சேர்ந்தது. அதிகபட்ச கல்வெட்டுகள் கிருஷ்ண தேவராய (1509 - 1529 CE), அச்சுதராயா (1530-1542 CE) மற்றும் சதாசிவ ராயா (1542 - 1570 CE) ஆகியோருக்கு சொந்தமானது. 

தரிசன நேரம்:
மலையின் மேல் உள்ள கோயில்
காலை 8.00AM – 10.00AM

மலையின் கீழே உள்ள அம்மன் கோயில்
காலை 6.00AM – 12.00PM
மாலை 5.00PM – 8.00PM

முகவரி:
அருள்மிகு கனககிரீஸ்வரர் திருக்கோவில்,
தேவிகாபுரம்-606 902,
திருவண்ணாமலை மாவட்டம்.

அமைவிடம்:

திருவண்ணாமலையிலிருந்து, ஆரணி செல்லும் பஸ்களில் 50 கி.மீ., கடந்தால் தேவிகாபுரத்தை அடையலாம். பஸ் ஸ்டாப்பிலிருந்து சிறிது தூரத்தில் கோயில் உள்ளது. காஞ்சி – செய்யாறு – ஆரணி வழியாகவும், விழுப்புரம் -செஞ்சி – சேத்பட் வழியாகவும், வேலூர்- போளூர் வழியாக தேவிகா புரத்திற்கு பேருந்து வசதி உள்ளது. 

ஓம் நமசிவாய 
படித்து பகிர்ந்தது 
இரா இளங்கோவன்
 நெல்லிக்குப்பம்... 

Thursday, May 23, 2024

திருப்போரூர் அருள்மிகு கந்தசுவாமி திருக்கோவில்,



*அருள்மிகு கந்தசுவாமி திருக்கோவில், திருப்போரூர்*
🌀 400 ஆண்டுகளுக்கு முன்னரே இந்து கோவில் ஒன்றில் முஸ்லீம் மன்னர் ஒருவரின் சிலை பொறிக்கப்பட்டு மத நல்லிணக்கத்திற்கு ஆதாரமாக விளங்கி, மேலும் தாரகனை வதம் செய்து முருகன் குடிகொண்ட கந்தசுவாமி திருக்கோவிலானது காஞ்சிபுரம் மாவட்டம் திருப்போரூரில் அமைந்துள்ளது.

மூலவர் : முருகன்.

அம்மன் : துர்கை, புண்ணிய காருண்ய அம்மன்.

தல விருட்சம் : வன்னி மரம்.

பழமை : 400 ஆண்டுகளுக்கு முன்.

ஊர் : திருப்போரூர்.

மாவட்டம் : காஞ்சிபுரம்.

தல வரலாறு :
🌀 முருகப்பெருமான் அசுரர்களை அழிக்க அவர்களுடன் மூன்று இடங்களில் போரிட்டார். திருச்செந்தூரில் கடலில் போரிட்டு மாயையை (உலகம் நிலையானது என்ற எண்ணம்) அடக்கினார்.

🌀 திருப்பரங்குன்றத்தில் நிலத்தில் போர் செய்து கன்மத்தை (வினைப்பயன்) அழித்தார். இங்கு விண்ணில் போர் புரிந்து ஆணவத்தை அடக்கி ஞானம் தந்தார். இங்கு கந்தசுவாமி என்ற பெயரில் எழுந்தருளியுள்ளார்.

🌀 பொதிகை செல்லும் வழியில் அகத்தியர், இங்குள்ள முருகனைத் தரிசித்துள்ளார். தாரகனுடன் போர் நடந்ததால் இத்தலத்திற்கு போரூர், தாருகாபுரி, சமராபுரி என்ற பெயர்கள் ஏற்பட்டன.

🌀 கந்தசஷ்டி கவசத்தில் இத்தலத்து முருகனை சமராபுரிவாழ் சண்முகத்தரசே எனக் குறிப்பிட்டுள்ளார் பாலதேவராய சுவாமி. இக்கோவில் ஒரு காலத்தில் மண்ணில் புதையுண்டு போனது. சுவாமி சிலையும் ஒரு பனை மரத்தடியில் இருந்தது. மதுரையில் வசித்த சிதம்பர சுவாமியின் கனவில் தோன்றிய முருகன், இதுபற்றி அவருக்கு தெரிவித்தார்.

🌀 சிதம்பர சுவாமி இங்கு வந்து, முருகன் சிலையைக் கண்டெடுத்து பிரதிஷ்டை செய்தார். காட்டை சீர்திருத்தி புதிய கோவில் எழுப்பினார். கந்தசுவாமியைப் போற்றி 726 பாடல்கள் பாடினார். இவருக்கு இங்கு சன்னதி உள்ளது.

தல சிறப்பு :

🌀 கந்தசுவாமி, சுயம்புமூர்த்தியாக (தானாகவே தோன்றியவர்) இருப்பதால் பிரதான பூஜைகள் செய்வதற்காக சுப்பிரமணியர் யந்திரம் பிரதிஷ்டை செய்துள்ளனர். எனவே இவருக்கு அபிஷேகம் கிடையாது.

🌀 பிரம்மாவிற்குரிய அட்சர மாலை, கண்டிகை, சிவனைப்போல வலது கையால் ஆசிர்வதிக்கும் அபயஹஸ்த நிலை, பெருமாளைப்போல இடது கையை தொடையில் வைத்து ஊருஹஸ்த நிலை என மும்மூர்த்திகளின் அம்சமாக முருகன் விளங்குகிறார்.

🌀 கந்தசுவாமி இத்தலத்தில் அனுக்கிரகம் செய்யும் மூர்த்தியாக அருளுகிறார். கோவிலுக்கு அருகிலுள்ள குன்றில் கைலாசநாதர், பாலாம்பிகை கோவில் உள்ளது. இவ்வாறு மலையில் சிவனும், அடிவாரத்தில் முருகனுமாக அமைந்த தலம் இது.

🌀 இத்தலத்தில் முருகன் சிலை கண்டறியப்பட்டபோது, அது ஒரு பனை மரத்தில் செய்த பாத்திரத்தில் வைக்கப்பட்டிருந்தது. இந்த பாத்திரத்தை தற்போதும் வைத்துள்ளனர். அள்ளஅள்ளக் குறையாத அட்சயபாத்திரம் போல இந்தப் பானை செல்வத்தை தருவதாக ஐதீகம்.

பிரார்த்தனை :

🌀 செவ்வாய் தோஷம் உள்ளவர்கள் இங்குள்ள யந்திர முருகனை வழிபடுகின்றனர். மாங்கல்ய பாக்கியம் கிடைக்க இங்குள்ள அம்மனை வழிபடுகின்றனர்.

🌀 இங்குள்ள சுவாமிக்கு திரிசதி அர்ச்சனை, அபிஷேகம் செய்தும், பால் குடம் எடுத்தும், அலகு குத்தியும் நேர்த்திகடன் செலுத்துகின்றனர்.

Wednesday, February 28, 2024

உத்திரமேரூர் வட்டத்தில் உள்ள திருப்புலிவனம் வியாக்ரபுரீஸ்வரர் உலகிலேயே தட்சிணாமூர்த்தி சிம்மத்தின் மீது அமர்ந்துள்ள ஒரே இடம்.

உலகிலேயே தட்சிணாமூர்த்தி சிம்மத்தின் மீது அமர்ந்துள்ள ஒரே இடமான,
புகழ்பெற்ற தொண்டை நாட்டுத் தேவார வைப்புத் தலமான,
"புலிக்கால் முனிவர்" என்ற 
"வியாக்ரபாதர்" 
சிவபெருமானை வழிபட்ட தலமான, 
பல்லவர்கள் காலத்தில் கட்டப்பட்டு , சோழர்கள் காலத்தில் சிறப்பு பெற்ற 
1500 ஆண்டுகள் பழமையான, தட்சிணாமூர்த்தி சிம்மத்தின் மீது ஒரு வைத்து அமர்ந்த
"இராஜயோக சிம்ம தட்சிணாமூர்த்தி" உள்ள ஒரே தலமான காஞ்சிபுரம் மாவட்டத்தில் உள்ள 
உத்திரமேரூர் வட்டத்தில் உள்ள
#திருப்புலிவனம்
#வியாக்ரபுரீஸ்வரர் (திருப்புலிவனநாதர்)
#அமிர்தகுஜலாம்பாள் திருக்கோயில் வரலாறு:
திருப்புலிவனநாதர் கோயில் அல்லது திருப்புலிவனம் வியாக்ரபுரீசுவரர் கோயில் தமிழ்நாட்டில் காஞ்சீபுரம் மாவட்டத்தில் உள்ள புகழ்பெற்ற சைவத் தலமாகும்.

இக்கோயில் காஞ்சீபுரம் மாவட்டத்தில் உத்திரமேரூரில் இருந்து காஞ்சிபுரம் சாலையில் ஐந்து கிலோமீட்டர் தொலைவில் திருப்புலிவனம் என்னுமிடத்தில் அமைந்துள்ளது.

மூலவர் –வியாக்ரபுரீஸ்வரர்
அம்மன் –அமிர்தகுஜலாம்பாள்
பழமை – 1500 வருடங்களுக்கு முன்
ஊர் – திருப்புலிவனம்
மாவட்டம் – காஞ்சிபுரம்
மாநிலம் – தமிழ்நாடு

#புராண வரலாறு:

சிதம்பரத்தில் பதஞ்சலி முனிவரும், வியாக்ரபாதர் என்பவரும் வசித்தனர். இவர்கள் சிவனுக்கு தினமும் மலர் மாலை அணிவித்து வணங்குவது வழக்கம். ஆனால், பல சமயங்களில் நல்ல மலர்கள் கிடைக்காது. அழுகல் மலர்கள் கலந்து விடும். மரத்தின் உச்சியிலுள்ள நல்ல மலர்களை பறிக்க வியாக்ரபாதருக்கு முடியாத சூழல் இருந்தது. அவர் மன வருத்தத்தில் இருந்தார். பக்தனின் வருத்தம் போக்க சிவன் அவர் முன் தோன்றினார்.

“பக்தனே. உன் வருத்தத்தின் காரணத்தைச் சொல்” என்றார் தெரியாதவர் போல. வியாக்ரபாதர் சிவனிடம், “தங்களுக்கு பூஜை செய்ய சிறந்த மலர்கள் கிடைப்பதில்லை. அதிகாலையில் நடை திறக்கும் முன் மாலை தொடுத்தாக வேண்டும். இருளில் நல்ல மலர்கள் தெரிவதில்லை. அதற்குரிய வசதியைச் செய்து தர வேண்டும்” என்றார். சிவன் அவருக்கு புலிக்கால்களைக் கொடுத்தார். அந்த நகங்களால் மரத்தை இறுகப் பற்றிக் கொண்டு ஏறி சிறந்த மலர்களைப் பறித்து வழிபட்டார் வியாக்ரபாதர். இவர் புலிவடிவில் தரிசித்த தலமே திருப்புலிவனம். சுவாமியும் தன் பக்தனின் பெயரையே தனக்கும் சூட்டிக் கொண்டு “வியாக்ரபுரீஸ்வரர்” ஆனார்.

இக்கோயில் சுமார் 1500 ஆண்டுகளுக்கு முன்னரே நிர்மாணிக்கப்பட்டதாக இருக்க வேண்டும். பல்லவர்கள் காலத்து கட்டுமானப் பணியே பிரதானமாக உள்ளது. இங்குள்ள வியாக்ரபுரீஸ்வரர் சுயம்புலிங்கமாவார். ஆவுடையார் சதுர வடிவில் தாமரை மீது உள்ளது. லிங்கத்தின்மீது புலியின் பாதங்கள் படிந்துள்ளன. சிவனின் விலா எலும்பும் தெரிகிறது. லிங்கத்தின் மேல்பாகத்தில் ஜடாமுடி உள்ளது.

தஞ்சாவூர் மாவட்டம் திருவையாறு, திருநெல்வேலி மாவட்டம் சிவசைலம் உள்ளிட்ட குறிப்பிட்ட சில தலங்களில் மட்டுமே ஜடாமுடி தரித்த சிவலிங்கத்தைக் காண இயலும். அதே வடிவம் இங்கும் அமைந்துள்ளது விசேஷம். உத்ராயணம், தட்சிணாயணம் இரண்டு புண்ணிய காலங்களிலும் இங்குள்ள சூரியன் சிலையின் நிழல், சாயாமல் நேராகவே சுவரில் விழுவது ஒரு அதிசயம். அம்பிகை அமிர்த குஜலாம்பாள், நோய்நொடி இன்றி ஆயுள், ஆரோக்கிய, ஐஸ்வர்யத்தை அள்ளித்தருகிறாள்.

தெட்சிணாமூர்த்தி ஒரு காலை சிங்க வாகனத்தில் வைத்துள்ளார். மற்றொரு கால் வழக்கம் போல் முயலகன் மீது இருக்கிறது. இந்த அமைப்பை வேறு எங்கும் காண இயலாது. இவரை “ராஜயோக சிம்ம தெட்சிணாமூர்த்தி” என்கின்றனர். இவரை “அர்த்தநாரீஸ்வர தெட்சிணாமூர்த்தி” என்றும் சொல்வர். காரணம், அம்பாளுக்கு உகந்த சிம்மத்தின் மீதும், மறுகால் நடராஜப் பெருமானின் காலடியில் உள்ள முயலகன் மீதும் உள்ளதாலும் ஆகும். ஒருபுறம் ஆண்மையின் மிடுக்கும், மறுபுறம் பெண்மையின் நளினமும் இச்சிலையில் தெரிகிறது. தம்பதியரிடையே மனவேற்றுமை வந்து விவாகரத்து வரை செல்லும் போது கூட, அர்த்தநாரீஸ்வர வடிவில் உள்ள ராஜயோக சிம்ம தெட்சிணாமூர்த்தியை தரிசித்து, பூஜித்தால் ஒற்றுமை ஏற்பட்டு குடும்பத்தில் பல சுபிட்சம் பெருகும் என்கின்றனர். இத்தலம் சிதம்பரத்திற்கு ஒப்பானது என்பதற்கு அறிகுறியாக பதஞ்சலி, வியாக்கிரபாதர், சனகாதி முனிவர்கள் இந்த ராஜயோக சிம்ம தெட்சிணாமூர்த்தியின் இரு பக்கங்களிலும் உள்ளனர்.

இக்கோயிலின் மூலவராக திருப்புலிவனநாதர் உள்ளார். மூலவர் சுயம்பு ஆக உள்ளார். ஆவுடையார் சதுர வடிவில் தாமரை மீது காணப்படுகிறது. லிங்கத்தின் மீது புலியின் பாதங்கள் காணப்படுகின்றன. லிங்கத்தின் மேல் பாகத்தில் ஜடாமுடி காணப்படுகிறது. தஞ்சாவூர் மாவட்டம் திருவையாற்றிலும், திருநெல்வேலி மாவட்டம் சிவசைலத்திலும் இவ்வாறாக ஜடாமுடியுடன் கூடிய லிங்கத்தைக் காணலாம். இங்குள்ள இறைவி அமிர்தகுஜலாம்பாள் ஆவார். மகாசிவராத்திரி, மார்கழி, திருவாதிரை உள்ளிட்ட விழாக்கள் இங்கு நடைபெறுகின்றன.

கருவறை தரை மட்டத்தில் இருந்து 15 அடி உயரத்தில் உள்ளது. சிவன் சன்னதியில் ஒரு சுரங்கப்பாதை இருக்கிறது. இது ஒருபுறம் காஞ்சிபுரம் வரையிலும், மறுபுறம் உத்திரமேரூர் வரையிலும் செல்கிறது என்றும், ஒரு பெரிய பாறை மூடிய முக்கிய அறை இதற்குள் உள்ளதாகவும் கூறுகிறார்கள். சிவன் சன்னதிக்கு பின்னால், உள்ள பெருமாள் சன்னதியில் திருமால் நின்ற கோலத்தில் உள்ளார். இதன் அருகில் ஒரு தூணில் “நரசிம்மர்” சிற்பம் நின்ற கோலத்தில் செதுக்கப்பட்டுள்ளது. கோயிலின் முகப்பில் முருகப்பெருமான் சிலையும், அழகிய விநாயகர் சிலையும் உள்ளது. விஷ்ணுதுர்க்கை, துர்க்கை, பைரவர், சண்டிகேஸ்வரர், நவக்கிரக சன்னதிகளும் உள்ளன. இந்த திருத்தலம் அனைத்து ராசியினருக்கும் பரிகாரத் தலமாகும்.

கோயிலின் முகப்பில் விநாயகர், முருகன் சிலைகள் உள்ளன. கருவறை தரைத்தளத்திலிருந்து 15 அடி உயரத்தில் காணப்படுகிறது. மூலவர் சன்னதிக்குப் பின் திருமால் நின்ற கோலத்தில் உள்ளார். அருகில் ஒரு தூணில் அருகே நரசிம்மர் நின்ற நிலையில் உள்ளார். கோயிலில் விஷ்ணு துர்க்கை, துர்க்கை, பைரவர், சண்டீசுவரர், நவக்கிரகங்கள் ஆகியோரின் சன்னதிகள் உள்ளன. பதஞ்சலி, வியாக்கிர பாதர், சனகாதி முனிவர்கள் ஆகியோர் தட்சிணாமூர்த்தி அருகில் உள்ளனர். பல்லவர் காலப்பணியாக கோயில் உள்ளது. உத்திராயணம், தட்சிணாயணம் ஆகிய இரு காலங்களிலும் சூரிய நிழல் லிங்கத்தின்மீது விழுவதைக் காணலாம்.

கருவறை பூமியில் இருந்து 15 அடி உயரத்தில் உள்ளது. சிவன் கோவிலில் ஒருபுறம் காஞ்சிபுரம் மற்றும் மறுபுறம் உத்திரமேரூர் வரை செல்லும் பாதாள வழி இருப்பதாக நம்பப்படுகிறது. இந்த பாதையின் கீழே ஒரு பெரிய பாறையால் மூடப்பட்ட ஒரு அறை இருப்பதாகவும், இதற்கான ஆதாரத்தை தொல்லியல் துறையால் மட்டுமே உறுதிப்படுத்த முடியும் என்றும் கூறப்படுகிறது.

இவ்வாறாக பகவான் ஆதி சங்கரரால் நிறுவப்பட்ட ஆறு வழிபாட்டு முறைகளை (ஷன்மதா) குறிக்கும் அனைத்து தெய்வங்களும் கோயிலில் உள்ளன.

இக்கோயிலில் உள்ள சிவலிங்கம் லிங்கத்தின் மீது புலியின் கால்தடங்களுடன் கூடிய சுயம்புவாகும். மேலும் இடுப்பு எலும்பும், தலையில் ஜடாமுடி எனப்படும் முடிகளும் தெரியும். கோவிலில் உள்ள தெய்வீக அதிசயம் என்னவென்றால், உத்தராயண மற்றும் தட்சிணாயன இரண்டு காலங்களிலும் லிங்கத்தின் நிழல் இல்லாமல் சூரியனின் கதிர்கள் சிவலிங்கத்தின் பின்புறத்தில் மட்டுமே விழுகின்றன. (உதராயணம் என்பது ஜனவரி-பிப்ரவரி முதல் ஜூன்-ஜூலை வரையிலான ஆறு மாதங்கள் சூரியனின் தெற்கிலிருந்து வடக்கு நோக்கிய பயணத்தைக் குறிக்கும். தக்ஷிணாயனம் என்பது சூரியனின் வடக்கிலிருந்து தெற்கு நோக்கிய பயணத்தைக் குறிக்கும் ஜூலை-ஆகஸ்ட் முதல் டிசம்பர்-ஜனவரி வரையிலான ஆறு மாதங்கள்).

கோவிலில் உள்ள தட்சிணாமூர்த்தியின் ஒரு கால் சிங்கத்தின் மீதும் மற்றொன்று முயலகனின் மீதும் அறியாமையைக் குறிக்கும். இந்தியாவிலேயே இந்த வடிவில் தட்சிணாமூர்த்தி உள்ள ஒரே கோயில் இதுதான். ராஜயோக சிம்ம தட்சிணாமூர்த்தி என்று போற்றப்படுகிறார். அன்னை சக்திக்குக் காரணமான சிம்மத்தின் மீது ஒரு கால் இருப்பதால் அவர் அர்த்தநாரீஸ்வரர் தட்சிணாமூர்த்தி என்றும் அழைக்கப்படுகிறார். முயலகன் மீது ஒரு காலை நடராஜராகவும், மற்றொன்று சிங்கத்தின் மீதும் இறைவன் இருப்பதால், ஆணின் கம்பீரமான தோற்றத்தையும், பெண்மையின் மென்மையையும் பிரதிபலிக்கிறார்.

கருவறைக்கு முன்னால் உத்திரமேரூர் சுந்தர வரதராஜர் கோயிலில் மற்றொரு முனைக்கு செல்லும் பெரிய குழி (சுரங்கம்) உள்ளது. குழிக்குள் கற்பூரத்தை வைத்து காட்டியுள்ளார். பிரகாரத்திற்கு வெளியே தாயாருக்கு தனி சந்நிதியும், முனிவரின் சமாதியின் மேல் சிவலிங்கமும் உள்ளது. வெளியே இருபுறமும் தேர் சக்கரங்களைக் கொண்ட மண்டபம் உள்ளது, ஆனால் அது இப்போது முற்றிலும் கைவிடப்பட்டுள்ளது, மண்டபத்தின் பெரும்பகுதியை உள்ளடக்கிய செடிகள் நிறைந்துள்ளன. முற்றிலும் புறக்கணிக்கப்பட்ட நிலையில் உள்ள அழகிய கோவில், கோவிலின் உள்ளே வௌவால்களின் இருப்பிடமாக மாறியது, மேலும் துர்நாற்றம் தாங்கவில்லை.

கோவிலின் ராஜகோபுர நுழைவாயிலுக்குள் நுழைந்தவுடன் வலதுபுறம் தெற்கு நோக்கியவாறு அம்மன் சந்நிதியைக் காணலாம். இது பிரதான கோவிலில் இருந்து விலகி தனி அமைப்பு. அம்மன் நின்ற கோலத்தில் சிரித்த முகத்துடன் சுமார் 4 அடி உயரம் கொண்டவர். கோவிலின் நுழைவாயில் பல தூண்கள் கொண்ட மண்டபத்தின் வழியாக உள்ளது, இது பல அழகிய கற்சிற்ப வேலைப்பாடுகளைக் கொண்டுள்ளது.

வரலாறு மற்றும் கல்வெட்டுகள்
அசல் கோயில், (ஒரு செங்கல் கோயில்) பல்லவர் காலத்தைச் சேர்ந்தது, இது குலோத்துங்க சோழன்-I (1070 - 1125 CE) காலத்தால் மீண்டும் கட்டப்பட்டது. கல்வெட்டுகளின்படி இத்தலம் ஜெயங்கொண்ட சோழமண்டலத்து காழியூர் கோட்டத்து தானியூர் ஸ்ரீ ராஜேந்திர சோழ சதுர்வேதி மங்கலம் என்று அழைக்கப்பட்டது. சிவபெருமான் திருப்புலிவலமுடைய நாயனார் என்றும் ஆளுடையார் திருப்புலிவலமுடையார் என்றும் அழைக்கப்பட்டார்.

பழமையான கல்வெட்டு குலோத்துங்க சோழன்-I உடையது. மற்றொரு கல்வெட்டு ஸ்ரீ ராஜ நாராயண சம்புவராயர், ஸ்ரீ விருப்பண்ண உடையார், ஸ்ரீ வீர பிரதாப தேவராய மஹாராயர், ராஜாதி ராஜன் ஆகியோருக்கு சொந்தமானது மற்றும் இன்னும் சில கல்வெட்டுகள் உள்ளன. நிரந்தர விளக்குகள் எரியும் வார்டுகளுக்கு நிலங்கள், பசுக்கள் (32) வழங்கப்பட்டதை கல்வெட்டுகள் பதிவு செய்கின்றன. வேட்டையாடும்போது கவனக்குறைவாக ஒருவரைக் கொன்றதற்காக நிரந்தர விளக்குகளை எரித்ததற்காக 15 பசுக்களை பரிசாக வழங்கியதாக மற்றொரு கல்வெட்டு பதிவு செய்கிறது. குலோத்துங்க சோழன் காலத்தில் விக்ரம சோழ மண்டலம் கோயில் அபிஷேக மண்டபத்தில் முத்து பந்தலின் கீழ் குலோத்துங்கன் அமர்ந்திருந்தபோது 60 வேலி நிலம் இறையிலியாக வழங்கப்பட்டது.

ஒரு சம்புராயரா கல்வெட்டு ஒரு எரியை சரிசெய்து நிலத்திற்கு பாசனம் செய்ய நிலம் தானம் செய்யப்பட்டது. மற்றொரு 17 ஆம் நூற்றாண்டின் சம்புவராயர் கால கல்வெட்டு, நெசவாளர்கள் சுமை வரி காரணமாக கிராமத்தை காலி செய்ய முயன்ற 5 ஆண்டுகளுக்கு தரி (கை நெசவு இயந்திரம்) மீதான வரி நீக்கம் / ஒழிப்பு பதிவுகளை பதிவு செய்கிறது. கோப்பெருஞ்சிங்கன் கல்வெட்டு, தேவரடியாள் பிச்சியாரின் மகன் ஜெயநாயனன் 60 பசுக்களையும், 2 காளைகளையும்/ ரிஷபங்களையும் தானமாக அளித்து, 2 நிரந்தர தீபங்களை எரிப்பதற்கு ஒரு உரி நெய் அளித்ததாகக் குறிப்பிடுகிறது.

திரிபுவனச்சக்கரவர்த்தின் திரிபுவனவீரதேவாவின் (அதாவது குலோத்துங்கசோழன் III) தனது 37வது ஆண்டில் (கி.பி. 1215, ஜூன் 7, ஞாயிற்றுக்கிழமை) தேதியிட்ட இந்தப் பதிவு, திருப்புலிவனம்-உடையார் கோயிலின் சுவர்களில் பொறிக்கப்பட்ட அபராஜிதாவின் கல்வெட்டைக் கவனிப்பதால், இங்கே சேர்க்கப்பட்டுள்ளது. இந்தப் பதிவின் நகல் உத்தரமல்லூரிலும் (AR எண். 67 of 1898) காணப்படுகிறது. ஜெயங்கொண்டச்லமண்டலத்தின் உட்பிரிவான களியூர்-கோட்டத்தில் உள்ள ஒரு சுதந்திரக் கிராமமான உத்தரமேலூர் என்ற ராஜேந்திரசோழ-சதுர்வேதிமங்கலத்தின் பேரவை, திருப்புலிவனமுடைய-நாயனார் கடவுளின் முன் பராமரிக்க ஒப்புக்கொண்டது. 14 ஆம் ஆண்டில் தேதியிட்ட அபராஜிதவிக்ரமவர்மனின் அத்தகைய பதிவுகளில் ஒன்று ராஜமட்டாண்டனை அபராஜிதாவின் குடும்பப்பெயராக வழங்குகிறது. சூரிய கிரகணத்தன்று, கோவிலில் நான்கு விளக்குகளை எரித்ததற்காக 100 கழஞ்சு தங்கத்தை அரசன் பரிசாக அளித்ததாக இந்த கல்வெட்டு கூறுகிறது. இருப்பினும், பதிவில் குறிப்பிடப்பட்டுள்ள சூரிய கிரகணம், அபராஜிதாவின் ஆரம்ப தேதியை நிர்ணயிக்க உதவாது. உள் பிரகாரத்தின் தூண்களில் உள்ள  10 ஆம் CE கல்வெட்டுகளில் நாயன்மார்கள் (63 var) மற்றும் சோழ மன்னர்களின் பெயர்கள் அவர்களின் பட்டங்களுடன் பதிவு செய்யப்பட்டுள்ளன.

விஜயகண்டகோபாலனின் கிபி 13 ஆம்  நூற்றாண்டு கல்வெட்டு, ஒரு நடனக் கலைஞர் அருகிலுள்ள உத்தரமேரூரில் உள்ள கோயிலுக்கு பசுக்கள், விளக்குத்தண்டு, தங்க நெக்லஸ், வெள்ளித் தகடு, தேர் ஆகியவற்றைப் பரிசாக அளித்ததாகவும், அதற்குப் பிரதிபலனாக அவளுக்கு அசையும் பாக்கியம் வழங்கப்பட வேண்டும் என்றும் குறிப்பிடுகிறது. தேர் திருவிழாவின் போது தெய்வத்தின் முன் சாமரம். மேலும் இது பரம்பரை உரிமையாகவும் ஆக்கப்பட்டது.

வியாக்ரபாதர் சிவலிங்கத்தை சுற்றி வருவதால், அந்த இடம் திருப்புலிவலம் என்று அழைக்கப்பட்டு, தற்போது திருப்புலிவனம் என்று அழைக்கப்படும்.
   
இந்திரன் இந்த கோவிலுக்கு வந்து சிவனை வழிபட்டதாக நம்பப்படுகிறது. பராந்தக சோழனும் குலோத்துங்க சோழனும் சிவபெருமானை வழிபட்டனர்.

கோரிக்கைகள்:

விவாகம் நடக்க, பதவிஉயர்வு பெற, குழந்தை பாக்கியம் பெற, நவக்கிரக தோஷம், நாகதோஷம் நீங்க, பணி, தொழில் விருத்தி பெற, அரசியல் ஈடுபாடு உள்ளவர்கள், பதவியில் உள்ளவர்களுக்கு ராஜயோகம் பெற வரமளிக்கும் தலம் இது.

நேர்த்திக்கடன்:

வேண்டுகோள் நிறைவேறியவர்கள் இறைவனுக்கும் அம்மனுக்கும் திருமுழுக்காட்டு செய்து, புத்தாடை அணிவித்து, வில்வத்தால் அருச்சனை செய்து, சிறப்பு பூசைகள் செய்து நேர்த்திக்கடன் செலுத்துகின்றனர்.

காலை 6 மணி முதல் 11 மணி வரை, மாலை 4 மணி முதல் இரவு 8 மணி வரை திறந்திருக்கும்.

உத்திரமேரூர் காஞ்சிபுரம் சாலையில் உத்திரமேரூரில் இருந்து 5 கிலோமீட்டர் தொலைவில் உள்ள திருப்புலிவனம் கோயிலை சாலையில் இருந்து எளிதாகக் காணலாம். அருகிலுள்ள ரயில் நிலையம் காஞ்சிபுரத்திலும், அருகிலுள்ள விமான நிலையம் சென்னையிலும் அமைந்துள்ளது.
ஓம் நமசிவாய 
படித்து பகிர்ந்தது
 இரா இளங்கோவன் 
நெல்லிக்குப்பம். 

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...