Showing posts with label # Vinayagar #hindu #india #tamilnadu #nellikuppam. Show all posts
Showing posts with label # Vinayagar #hindu #india #tamilnadu #nellikuppam. Show all posts

Monday, September 18, 2023

விநாயகருக்கு கொழுக்கட்டை நைவேத்தியம் செய்வது ஏன்?

விநாயகர் சதுர்த்தி ஸ்பெஷல்🙏🙏🙏
***************************************
விநாயகருக்கு கொழுக்கட்டை நைவேத்தியம் செய்வது ஏன்?
விநாயகருக்கு கொழுக்கட்டை நைவேத்தி யம் செய்வது பற்றி தத்துவ ரீதியான விள க்கம் சொல்லப்பட்டாலும், பிள்ளையாருக் குக் கொழுக்கட்டை படைப்பதற்குப் பின்ன ணியில் ஒரு சம்பவம் சொல்லப்படுகிறது. 

அந்தசம்பவம் கதையாகவும் இருக்கலாம். ஆனால்,அது நமக்கு உணர்த்தும் தத்துவம் தான் முக்கியமானது. `கதைக்கு காலில் லை; கொழுக்கட்டைக்குத் தலை இல்லை’ என்று ஒரு சொல்வழக்கு உண்டு. ஒரு கதைக்குக் காரணம் இருக்கிறதா என்றெ ல்லாம் ஆராயக் கூடாது. அந்தக் கதையில் ஆழமாகப் பொதிந் திருக்கும் அர்த்தம் தான் முக்கியமானது. 

இந்தக் கதையில் பிள்ளையாருக்கு கொழுக்கட்டை ஏன் படைக்கப்படுகிறது, படைக்கப்படும் கொழுக்கட்டை யாருடைய பசியை தீர்க்கிறது என்பது பற்றிப் பார்ப்போம்.

ஞானபாலி என்பவன் சத்தியமே வடிவான உத்தம அரசன். முழுமுதற் கடவுளான கணபதி யின் தீவிர பக்தன். விநாயகரின் பக்தனாக நாட்டை நல்லமுறையில் ஆட்சி செய்து வந்த போதும், ஒருமுறை பெரும் பஞ்சம் வந்துவிட்ட து. மக்கள் கஷ்டப்பட்டு விடக் கூடாதே என்று பலவகைத் திட்டங்களைத் தீட்டி, அவர்களைக் காப்பாற்றி வந்தான். 

எனினும் பஞ்சம் தொடர்ந்து நீடித்ததால், ராஜகுருவின் ஆலோசனைப்படி ருத்ர யாகம் ஒன்றைச் செய்யத் தொடங்கினான் யாகத்தின் நடுவே அரசனின் விதி தனது வேலையைத் தொடங்கியது. 

ஆம், அந்த வழியே சென்ற மேனகை, ஞானபாலியின் கண்களைக் கவர்ந்தாள். சிற்றின்ப ஆசையால் அரசன் வேள்வியை பாதியில் நிறுத்திவிட்டு எழுந்து மேனகை யின் பின்னே சென்றான். பின்னே வந்த அரசனை எச்சரித்து விட்டு மேனகை மறைந்தாள். 

ஏமாந்து போன அரசன் ஞானபாலி மீண்டும் யாகம் செய்யும் இடத்துக்கு வந்தான். யாகம் பாதியில் நின்றதால் பெரும் ஆபத்து நேரும் என்று ராஜ குரு எச்சரித்தார். எனவே, மீண்டும் மற்றொரு நாள் யாகத்தைத் தொடங்கலாம் என்றும் அறிவுறுத்தினார். 

அதைக் கண்டுகொள்ளாமல் நின்று போன யாகத்தை தொடங்கிய ஞானபாலி யை அஷ்ட திக் பாலர்கள் தோன்றி சபித்தனர். இதனால் ஒற்றைக் கண் பூதமாக மாறி அலையத் தொடங்கினான் ஞானபாலி.

கண்ணில்பட்ட மனிதர்களை எல்லாம் பிடித்து உண்டான் ஞானபாலி. கொடிய அரக்கனாக மாறி சகல உயிரினங்களை யும் வதைத்தான். தீராத பெரும்பசியால் உயிர்களை எல்லாம் விழுங்கினான். எனினும், முந்தைய பழக்கத்தின் காரண மாக விநாயகப் பெருமானின் வழிபாட்டை மட்டும் தொடர்ந்தான். 

பூமிக்கே பெரும் அச்சுறுத்தலான ஞான பாலியை தேவர்களாலும் அழிக்க முடியவி ல்லை. அவனுக்கு கஜமுகனின் ஆசி இருந்ததே கார ணம் என்று பூமா தேவி அறிந்துகொண்டாள். தன் மக்களைக் காக்க கணபதியை வேண்டி னாள். தன் பக்தனான ஞானபாலிக்கு அருள் செய்யவும், பூவுலகைக் காக்கவும் கணபதி திருவுளம் கொண்டார்.  

வேடனாக உருமாறி, ஞானபாலியை எதிர்க்க வந்தார் கணபதி. காண்பவர் யாவரையும் அழித்துவிடும் பூத ஞானபாலி யால் அந்த வேடனை  ஒன்றும் செய்ய முடியவில்லை. போர் நீண்டது, இறுதியாக வந்து இருப்பவர் கணபதி என்று கண்டுகொண்டான் ஞானபாலி. கண்ணீரோடு விழுந்து வணங்கி, தன்னை ரட்சித்து ஏற்றுக் கொள்ளுமாறு வேண்டினான். 

தனது பெரும்பசியை போக்குவதுடன், தன்னையும் கணநாதராகிய பிள்ளையார் தம்மோடு வைத்துக்கொள்ளுமாறு வேண்டினான். பிறப்பிலா பெருவாழ்வைத் தந்து காக்குமாறு அழுதான், கண்ணீரால் தொழுதான். 

பரம பக்தனான ஞானபாலியை கொல்லவோ, பூமியில் அப்படியே விட்டுச் செல்லவோ அந்த மூல முழுமுதற் கடவுளுக்கு மனம் வரவில்லை. கொடுமையான செயல்கள் புரிந்ததால், சொர் க்கமும் ஞானபாலிக்குச் சாத்தியமில்லை என்று உணர்ந்தார். 

எனவே, அவன் வேண்டியபடியே தன்னுட னேயே அவனை வைத்துக்கொள்ள எண்ணினார். அதே சமயம் அவனது பெரும்பசிக்கும் வழி செய்ய திருவுள்ளம் கொண்ட கணபதி கடவுள், விஸ்வரூப வடிவம் எடுத்து, ஞானபாலியைத் தன் கையால் பிடித்து, அவனை ஒரு கொழுக்க ட்டை வடிவமாக்கி விழுங்கிவிட்டார். 

இப்படியாக கணபதிக் கடவுளின் பக்தனான ஞானபாலி, கொழுக்கட்டை வடிவத்தில் விநா யகப் பெருமானின் வயிற்றில் அமர்ந்து கொண்டான்.

பெறுதற்கரிய இந்தப் பேற்றை பெற்று ஆனந்தம் கொண்டான். தேவர்களும் மக்களும் இந்தச் சம்பவத்தைக் கண்டு மகிழ்ந்தார்கள். கணநாதரின் ஆணைப்ப டியே ஞானபாலியின் பசியைப் போக்க, அவருக்குக் கொழுக்கட்டை படைக்கவும் ஒப்புக்கொண்டார்கள். 

அன்றிலிருந்து அவருக்குப் படைக்கப்படு ம் கொழுக்கட்டையாவும் ஞானபாலிக்கே போய் சேர்ந்தன. நாமும் இன்று வரை ஞானபாலி யின் நினைவாக கொழுக்கட் டையைச் செய்து படைத்து வருகிறோம்.  

`ஆன்மா என்ற இனிப்பான பூரணத்தைப் பொதித்து, இந்த உடலையே ஆண்டவருக் காக அர்ப்பணிக்கிறோம்’ என்பதே கொழு க்கட்டை யின் தத்துவம். வாழும் காலம் வரை, தன்னை அப்படியே ஒப்படைக்க முடியாது என்பதால், கொழுக்கட்டையின் வாயிலாகச் செய்கிறோம். ஞானபாலியை வைத்து விநாயகப் பெருமான் நம் ஒவ்வொருவரையும் சரணாகதி அடையச் செய்துவிட்டான் என்பதே இந்தக் கதையின் அடிப்படை. 

முழுமுதற் கடவுளான பிள்ளையாரை பிடித்துக் கொள்ளுங்கள், மனதுக்குப் பிடித்தவாறே வாழ்க்கை அமைந்துவிடும். 

விநாயகா போற்றி... விக்னேஸ்வரா போற்றி...

🙏🙏🙏

Sunday, June 25, 2023

விநாயகரை 💫 முழுமுதற் கடவுளாக வழிபடுவது 🙏 ஏன்? இதற்கு காரணம் தெரியுமா?

🙏🙏🌷🌷விநாயகர்...!!
விநாயகரை 💫 முழுமுதற் கடவுளாக வழிபடுவது 🙏 ஏன்? இதற்கு காரணம் தெரியுமா?

💫 விநாயகர் என்றால், இவருக்கு மேல் பெரிய தலைவர் எவருமில்லை என்பது பொருளாகும்.

💫 விநாயகரை முழுமுதற் கடவுளாக போற்றப்படுவதற்கு பல காரணங்கள் கூறப்படுகிறது. 

💫 எந்த மங்களகரமான காரியத்தை தொடங்கும் போதும், முதலில் விநாயகரைத் தொழுது பின்னர் தொடங்குவதே நமது பாரம்பரிய மரபாகும். அவ்வாறு தொழுவதற்கு காரணம் என்ன? என்று இன்றைய பதிவில் தெரிந்து கொள்வோம்.

💫 ஞானப்பழத்தை அடைய தாய், தந்தையை சுற்றி வந்து ஆன்மிக தத்துவத்தை முதன் முதலில் எடுத்துரைத்தவர் கணபதி. 

💫 பொருள் மற்றும் ஆன்மிக தத்துவங்களின் இணைப்பாக விளங்கும் நம் உடலின் மூலாதார சக்கரத்தை கணபதி ஆளுவதாக நம்பப்படுகிறது.

💫 பல யுகங்களுக்கு முன்பாக அன்னை பார்வதி தேவி குளிக்கச் செல்லும் போது, தன் உடலில் இருந்த மஞ்சளில் இருந்து ஒரு அழகான சிறுவனை உருவாக்கினாள். தான் குளித்து முடித்து வரும் வரை ஆண்கள் யாரையும் உள்ளே அனுமதிக்கக் கூடாது என்று கூறிவிட்டு குகைக்குள் குளிக்கச் சென்று விட்டாள்.

💫 சிறுவனும் கையில் வேல், வில், வாள் போன்ற ஆயுதங்களோடு குகையின் வெளியே காவலுக்கு நின்றிருந்தான். உலகுக்குப் படியளக்கும் வேலையை முடித்துவிட்டு வந்த சிவபெருமான் அம்பிகையை காணும் ஆவலோடு குகைக்குள் நுழைய முயன்றார். அவர் தான் தன் தந்தை என்பதை அறியாத அந்தச் சிறுவன் சிவபெருமானை உள்ளே விட மறுத்தான். இருவருக்கும் கடுமையான வாக்குவாதம் மூண்டது. மிகவும் கோபம் கொண்ட சிவபெருமான், சிறுவனை போருக்கு அழைத்தார். தந்தைக்கும், மகனுக்கும் கடும் போர் மூண்டது. இந்த அதிர்வைத் தாங்க முடியாத பூமி தடுமாறியது. ஒரு கட்டத்தில் கோபம் தலைக்கேற, தன் திரிசூலத்தால் சிறுவனின் தலையை துண்டித்து விட்டார் சிவபெருமான். 

💫 செய்தி அறிந்து ஓடி வந்த அன்னை பார்வதி தேவி, தான் படைத்த மூத்த மகன் தலை துண்டிக்கப்பட்டு கிடப்பதைக் கண்டு கோபத்திலும், வேதனையிலும் துடித்தாள். காளியாக மாற ஆரம்பித்த போது தேவர்களும், முனிவர்களும் அன்னையை வணங்கித் தொழுதனர். அன்னையே உங்கள் கோபத்தை இனியும் பூமியால் தாங்க முடியாது! மனித இனமே அழிந்து விடும்! கருணை காட்டுங்கள் என்று கெஞ்சினர். மகனை உயிர்ப்பித்து தருவதாக சிவபெருமானும் கூற மனம் கனிந்தாள் பார்வதி தேவி. 

💫 தேவர்கள் அனைவரையும் நான்கு திசையிலும் செல்லும்படி ஆணையிட்டார் சிவபெருமான். "நீங்கள் செல்லும் வழியில் எந்த உயிரின் சடலத்தை முதலில் பார்க்கிறீர்களோ? அதன் தலையை எடுத்து வாருங்கள்"என்று கட்டளையிட்டார். நாலாபுறமும் சென்றார்கள் தேவர்கள். வடக்கு நோக்கிச் சென்ற தேவர்கள், தாங்கள் சென்ற வழியில் யானை ஒன்று இறந்து கிடப்பதைப் பார்த்து அதன் தலையைக் கொண்டு வந்தனர். சிவபெருமானும் அந்தத் தலையை சிறுவனின் உடலோடு பொருத்த உயிர் பெற்றெழுந்த யானை முகன், அன்னையையும், தந்தையையும் வலம் வந்து வணங்கினார். மனம் மகிழ்ந்த தந்தை விநாயகருக்கு சிறப்பான வரம் ஒன்றை வழங்கினார். 

💫 "இன்று முதல் உலக மக்கள் எந்த சுபச் செயலையும் தொடங்கும் முன், உன்னைத் தொழுது தான் தொடங்குவார்கள். அப்படி செய்பவர்களுக்கு நீ செல்வத்தையும், வெற்றியையும் அருள வேண்டும். உன்னை வணங்கும் எல்லா பக்தர்களுக்கும் "நானும், உன் அன்னையும் வரங்களை வாரி வழங்குவோம்" என்று வரமளித்தார் அப்பனாகிய பரமசிவன். பார்வதி தேவியும் மிகவும் மனம் குளிர்ந்து மற்றொரு வரத்தை அளித்தார். உன்னை முதலில் வணங்கி எந்தச் செயலையும் தொடங்கும் பக்தர்களுக்கு வாழ்க்கையில் ஏற்படும் எல்லா விதமான தடைகளையும், நீ தகர்த்து அவர்கள் வாழ்க்கையில் மங்களமும், செல்வமும் நிலைக்கச் செய்வாய்! என்று வரம் கொடுத்தார். 

💫 அதனால் தான் விநாயகப் பெருமானை முழுமுதற் கடவுளாகப் போற்றப்படுகிறார். அவரைப் பணிந்து வணங்கினால் நம் தொழில், வியாபாரம், வேலை ஆகிய இடங்களில் ஏற்படும் தடைகளை நீக்கி நற்பலனைத் தருவார் என்பது நம்பிக்கை.

💫 விநாயகருக்கு உகந்த சதுர்த்தி தினமான இன்றைய நாளில் விநாயகரை வழிபட்டு வாழ்க்கையில் வளம் பெறுவோம்.

🙏  sv. 🙏

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...