விருத்தாசலம் நல்லூர் வில்வனேஸ்வரர் பிரஹன்நாயகி கோயில்.

இறைவன்– வில்வனேஸ்வரர்

இறைவி– பிரஹன்நாயகி (பெரியநாயகி )

பாலாம்பிகை

தல விருட்சம்: வில்வம்

தீர்த்தம்: மணிமுத்தாறு (திரிவேணி சங்கமம்)

புராண பெயர்: வில்வாரண்யம் 

பழமை : 1000 வருடங்கள் முற்பட்டது

ஊர் : நல்லூர் , விருத்தாசலம் அருகில்

மாவட்டம் : கடலூர் மாவட்டம்

மாநிலம்: தமிழ்நாடு 

புராண வரலாறு:

*தக்ஷிண பிரயாக்:

உத்தரபிரதேசத்தில் உள்ள பிரயாக் (திருவேணி சங்கம்) போன்ற மணிமுத்தாறு ஆறு, கோமுகி ஆறு மற்றும் மயூரா நதி ஆகிய மூன்று நதிகள் சங்கமிக்கும் இடத்தில் கங்கை, யமுனை மற்றும் புராண சரஸ்வதி சங்கமிக்கும் இடத்தில் இந்த கோயில் அமைந்துள்ளது. அதனால் நல்லூர் தட்சிண பிரயாக் என்று அழைக்கப்பட்டது.

*வீரகத்தி தோஷத்திலிருந்து முருகப்பெருமான் இங்கே நிவாரணம் பெற்றார்:

அசுரர்களை கொன்றதால் முருகனுக்கு வீரகத்தி தோஷம் ஏற்பட்டதாக நம்பப்படுகிறது. இக்கோயிலில் உள்ள சிவபெருமானை வழிபட்டதன் மூலம் தனது தோஷத்தில் இருந்து நிவாரணம் பெற்றார்.

#பாண்டவர்கள் வனவாசத்தின் போது நல்லூரில் தங்கியிருந்தனர்:

பஞ்ச பாண்டவர்கள் தங்கள் வனவாச காலத்தில் இந்த கிராமத்தில் தங்கியிருந்ததாக நம்பப்படுகிறது.

மதுரை மன்னன் வீரபாண்டி தன் தந்தையின் அஸ்தியை கங்கையில் கரைக்க எடுத்துச் செல்லும்போது வழியில் இங்கு தங்கினான். காலையில் நீராடி நதிநீரை கலசத்தின்மேல் தெளித்ததும் அந்த அஸ்தி தங்க நிறத்தில் மாற வீரபாண்டியன் அந்த அஸ்தியை இந்த சங்கமத்திலேயே கரைத்து விட்டான். இந்த பிரயாகை கங்கையை  விட புனிதமானது. மணிமுத்தாறு, கோமுகி, மயூரா நதிகள் சங்கமிக்கும் இடத்தில் அமைந்துள்ள அற்புதமான கோவில். பாண்டவர்கள் ஐவரும் தனித்தனி லிங்கங்கள் பிர்திஷ்டை செய்து வழிபட்டுள்ளனர். ஆற்றின் மறுகரையில் அவர்கள் ஐவரும் தங்கியிருந்த கிராமம் ஐவதுகுடி.

*சிறப்புகள்:

சந்திரன் தன் நோய் நீங்க பூஜை-சோமலிங்கேஸ்வரர். முருகன் அசுரைக் கொன்ற பாவம் தீர மயூர நதி தீர்த்தம் உருவாக்கி வழிபட்டு தன் தோஷம் நீங்கினார்.

இக்கோயில் சோழர் காலத்தில் கட்டப்பட்டதாகக் கருதப்படுகிறது. பாண்டியர்கள், விஜயநகர மன்னர்கள் மற்றும் நாயக்க மன்னர்களால் இக்கோயில் புதுப்பிக்கப்பட்டது. முக மண்டபத்தின் விதானத்தில் பாண்டிய மன்னர்கள் செய்த சீரமைப்புப் பணிகளை உறுதிப்படுத்தும் மீன் சின்னம் உள்ளது.

இக்கோயில் மூன்று நிலை ராஜகோபுரத்துடன் கிழக்கு நோக்கி அமைந்துள்ளது. மணிமுத்தாறு ஆறு, கோமுகி ஆறு, மயூரா ஆறு ஆகிய மூன்று நதிகள் சங்கமிக்கும் இடத்தில் இக்கோயில் அமைந்துள்ளது. கோயிலின் வடபுறத்தில் மணிமுத்தாறு ஆறும், கிழக்குப் பகுதியில் கோமுகி ஆறும், தெற்கே மயூரா ஆறும் பாய்கின்றன. இந்த மூன்று நதிகள் சங்கமிக்கும் இடத்தில் ஒரு உயரமான பகுதியில் கோயில் அமைந்துள்ளது.

ராஜகோபுரத்திற்குப் பிறகு திருமண மண்டபங்கள் மற்றும் முக மண்டபம் ஆகியவற்றைக் காணலாம். கோயில் கருவறை, அர்த்த மண்டபம், மகா மண்டபம் மற்றும் முக மண்டபம் ஆகியவற்றைக் கொண்டுள்ளது. முக மண்டபத்தின் விதானத்தில் மீன் சின்னம் உள்ளது. முக மண்டபத்தில் நந்தி, பலிபீடம், துவஜ ஸ்தம்பம் ஆகியவற்றைக் காணலாம். மூலஸ்தான தெய்வம் வில்வவனேஸ்வரர் / நல்லநாயக்கர் / தர்மேஸ்வரர் என்று அழைக்கப்படுகிறார் .

கிழக்கு நோக்கி இருக்கிறார்.

அவர் கருவறையில் லிங்க வடிவில் வீற்றிருக்கிறார். விநாயகர், தட்சிணாமூர்த்தி, மாதவப் பெருமாள், பிரம்மா, துர்க்கை ஆகிய கோஷ்ட சிலைகள் கருவறைச் சுவரைச் சுற்றி அமைந்துள்ளன. தாயார் பிருஹன்நாயகி / பெரியநாயகி என்று அழைக்கப்படுகிறார் . அவள் கிழக்கு நோக்கிய தனி சன்னதியில் வீற்றிருக்கிறாள். அவள் சன்னதி கருவறையின் இடது பக்கத்தில் அமைந்துள்ளது. அவளுடைய சன்னதி சன்னதி, அர்த்த மண்டபம் மற்றும் முக மண்டபம் ஆகியவற்றைக் கொண்டுள்ளது.அவள் சன்னதியை நோக்கி துவஜ ஸ்தம்பம் உள்ளது. கிரியா சக்தி, ஞான சக்தி மற்றும் பிரம்ம சக்தி ஆகியவை அன்னை சன்னதியின் சுவர்களைச் சுற்றி அமைந்துள்ள கோஷ்ட சிலைகள் ஆகும். வீரபத்ரா சன்னதியை அன்னை சன்னதியின் முக மண்டபத்தில் காணலாம். இவரது சன்னதி தெற்கு நோக்கி உள்ளது. கோவில் வளாகத்தின் வடகிழக்கு மூலையில் நவகிரகங்கள், பைரவர் மற்றும் சூரியன் சன்னதிகள் உள்ளன.கருவறையைச் சுற்றியுள்ள உள் பிரகாரத்தில் 63 நாயன்மார்கள், பிரணதீயாக லிங்கம், தண்டபாணி, லக்ஷ்மி நாராயணன் மற்றும் மகாலட்சுமி ஆகியோரின் சிலைகள் மற்றும் சன்னதிகள் உள்ளன. கோயில் வளாகத்தில் முருகன் தனது துணைவியார்களான வள்ளி, தெய்வானையுடன் வடக்கு நோக்கிய சன்னதி உள்ளது. அர்த்த மண்டபம் மற்றும் மகா மண்டபத்தின் தூண்களில் கல்வெட்டுகளைக் காணலாம்.

இக்கோயிலுக்கு தனி சிறப்பு தருவது மூன்று நதிகள் கூடும் இடத்தில் நடுநாயகமாக உயர்ந்த இடத்தில் கம்பிரமாக இக்கோயில் அமைந்துள்ளது என்பதே,இந்தத் திருத்தலத்தையொட்டி ஆலயத்திற்கு வடபுறம் மணிமுத்தாறு , கோமுகி நதியும் கிழக்கு நோக்கி பாய்கின்றன . ஆலயத்திற்கு முன்புறம் மயூரநதி கிழக்கு நோக்கி பாய்ந்து ஆலயத்தின் முன்பாக மூன்றும் கூடிடும் சிறப்பு கொண்ட தலம் நல்லூர்.

இங்குள்ள மகாமண்டபத்தில் சோழர்கால தூண்களை கொண்டுள்ளது ,தூண்களில் வடக்குபுறம் ஒரு தூணில் கல் வெட்டு காணப்படுகிறது.

“ஸ ஸ் ஸ்ரீ தனித்த

யாண்ட பஞ்சசதி

தகன அறுபடை

யான சுந்தரபட்ட

நான தில்லைநாயக

வேளான் “

என்று வெட்டப்பட்டுள்ளது , சுந்தர பட்டனான தில்லை நாயக வேளான் கட்டி வைத்த மண்டபக இருக்ககூடும் , தூண்களும் மண்டப அமைப்பும், கட்டடக் கலைத்திறனும் ஒப்பு நோக்கும் போது இவை சோழர் காலத்திய கலை முறை என்பதை உணர முடிகிறது. மேலும் இம்மண்டபம் மூன்று பக்கங்களிலும் திறந்த நிலையிலும் ,விதானத்தில் மீனின் பெரிய உருவமும் செதுக்கப்பட்டுள்ளது .

கல்வெட்டுக்களை ஒப்புநோக்கும் போது இங்கு சோழர்களும், பாண்டியர்களும்,விசயநகர மன்னர்களும் இப்பகுதியை தங்கள் ஆளுகையின் கீழ் அரசாண்டாமை புலனாகின்றது.இவற்றில் இக்கோயில் மூலத்தானம் முதல் மகா மண்டபம் வரையில் சோழர்கால கலைப்பணியாக திகழ்கின்றது.

குழந்தை பாக்கியம் வேண்டுபவர்கள் இக்கோயிலில் வீற்றியிருக்கும் பாலாம்பிகையை வேண்டிக்கொள்கின்றனர்.

இக்கோயிலில் நடைபெறும் மாசி திருவிழா 10 நாட்கள் வெகு சிறப்பாக நடைபெறும் . அதிலும் ஆறாம் நாள் திருவிழா பெரிய வெள்ளி ரிஷப வாகனத்தில் இறைவன் ஊர்வலம் வரும் அழகை காண கோடி கண்கள் வேண்டும் .

இந்த கோவிலில் மாசி மகம் ஆறாம் நாள் திருவிழா ரொம்ப விசேஷமானது .திருவட்டத்துறையில் 5 ஆம் நாள் திருவிழாவும் ,ஆறாம் நாள் திருவிழாவின் காலை விருதாச்சலத்திலும் இரவு இங்கேயும் வரிசையாக காண்பவர்கள் காசிக்கு போய் கிட்டும் புன்னியம் கிட்டுவதாக ஐதீகம் .அதுபோல் ஆடி கிருத்திகை மிகவும் சிறப்பு வாழ்ந்தது

கடக ராசிக்காரர்கள் பரிகார தலமாகும் .

சுமார் 30 வருடங்களுக்கு முன்னர் இக்கோயிலின் உள் மண்டபத்தில் அழகிய சோழர்கால வண்ண சித்திரங்கள் மேல் சுவற்றில் தீற்றியிருந்தார்கள் அவைகளை பார்த்து நான் வியந்து போனதுண்டு ஆனால் அவைகள் இப்போது இல்லை என்பது எனக்குள் சிறிய வருத்தம் இப்போதும் உண்டு.

பஞ்ச பாண்டவர்கள் வனவாசத்தின் போது இவூரில் சிறிது காலம் தங்கியிருந்ததாக கூறுகிறார்கள் . அதர்க்கு ஏற்றாற்போல் இக்கோயிலில் பஞ்சபாண்டவ்ர்கள் பூஜித்த லிங்கங்கள் உள்ளன , மற்றும் பீமன் மணலால் சிவலிங்கத்தை செய்து பூஜித்து அவர் வராததால் கோபத்தில் தன் கதையால் சிவனின் தலையில் அடித்தார் உடனே இறைவன் காட்சி தந்தார் என்று கூறுகிறார்கள் . இவ் மண்ணால் ஆனா பிளவு பட்ட லிங்கம் இறைவனின் கருவறை முன் மண்டபத்தில் வலது ஓரத்தில் இன்றும் உள்ளது , மற்றும் ஆற்றை கடந்தால் அங்கு பஞ்சபாண்டவ்ர்கள் தங்கி பூஜித்த சிறு சிறு கோயில்கள் உள்ளது .

இக்கோயில் கடக ராசி உள்ளவர்கள் பார்த்து அருள் பெறவேண்டிய தளம் .ஒரு காலத்தில் வில்வமரங்கள் உள்ள காடுகளுக்கு நடுவே எம்பெருமான் உள்ளதால் இவருக்கு வில்வனேஸ்வர் என்ற பெயர் கிட்டியது .இன்றும் ஊருக்கு வெளியே சுற்றிலும் ஆறுகளால் சூழப்பட்டு நிறைய மரங்களுக்கு இடையே ரம்யமாக அமைதியாக காட்சி அளிப்பார் .

*வடக்கு திசை நோக்கிய முருகன் :

இங்கு முருகனும் வடக்கு நோக்கிய சன்னதியில் பெரிய திருஉருவமாக உள்ளார். இது இக்கோயிலின் மற்றொரு சிறப்பு. முருகன் அசுரர்களை அழித்தபோது வீரகத்தி தோஷம் பீடித்தது, அதனை போக்க முருகன் இந்த முக்கூடலில் வந்து இறைவனை வழிபட்டு பேறுகள் பெற்றதாக ஐதீகம்.

*அமைவிடம் :

சென்னை – திருச்சி நெடுஞ்சாலையில் வேப்பூர் என்ற ஊரில் இறங்கி விருத்தாசலம் பேருந்து ஏறி கண்டபங்குறிச்சி என்ற இடத்தில் இறங்கி 4 km சென்றால் இவ்வூரை அடையலாம். அல்லது விருத்தாசலம் சென்று பேருந்து நிலையத்தில் இருந்து தடம் எண் 7 ,22 மற்றும் ஆனந்தன் பேருந்துகள் நேரிடையாக செல்கின்றன . இங்கிருந்து 18 km தொலைவில் உள்ளது .

ஓம் நமசிவாய 

படித்து பகிர்ந்தது 

இரா இளங்கோவன்

 நெல்லிக்குப்பம்.