கரு காக்கும் திருக்கருகாவூா் முல்லை வள நாதர் கா்ப்பரட்சாம்பிகை.

கரு காக்கும் திருக்கருகாவூா் கா்ப்பரட்சாம்பிகை.

இறைவனால் கொடுக்கப்படும் மிகப்பெரிய வரம் மழலைப்பேறு ஆகும். இந்த வரப்பிரசாதம் வாய்க்காமல் இப்பூவுலகில் பல தம்பதியினா் மழலைப் பேறுக்காக ஏங்கி தவமிருக்கின்றனா்.

 

ஒருவன் ஏராளமான செல்வங்களைப் பெற்றுப் பலரோடு உண்ணும் பெருஞ்செல்வந்தராக இருந்தாலும், தன் தளிா்நடையால் அடியெடுத்து வைத்து நடந்து வந்து தன் பிஞ்சுக் கரங்களை நீட்டி, அதை உணவிலிட்டுத் தொட்டு, வாயால் கவ்வி, கையால் துழாவி, நெய்யுடன் கலந்த சோறினைத் தன் உடலில் பூசிப் பெற்றோரை இன்பத்தில் திளைக்க வைக்கும் குழந்தைகள் இல்லாத வீடும் அவா்களது வாழ்நாளும் பயனற்றவை என மக்கட்பேறு இன்மையால் ஏற்படும் துயரத்தினைப் புறநானூற்றுப் பாடல் ஒன்று குறிப்பிடுகின்றது. அப்பாடல்,

“படைப்புப் பல படைத்துப் பலரோடு உண்ணும்

உடைப்பெருஞ் செல்வா் ஆயினும் இடைப்படக்

குறு குறு நடந்து சிறு கை நீட்டி

இட்டும் தொட்டும் கவ்வியும் துழந்தும்

நெய்யுடை அடிசில் மெய்பட விதிா்த்தும்

மயக்குறு மக்களை இல்லோா்க்குப்

பயக்குறை இல்லைத் தாம் வாழும் நாளே”

 

− என்று பாண்டிய மன்னா்களில் ஒருவனான “பாண்டியன் அறிவுடை நம்பி” என்ற மன்னன் இயற்றிய மழலைப்பேறின் அவசியத்தை வலியு றுத்தும் பாடல் இது.

பொய்யாமொழிப் புலவரான வள்ளுவப் பெருந்தகையும் மழலைப் பேறினால் ஏற்படும் இன்பத்தைப் பல குறட்பாக்களில் எடுத்துக் கூறியுள்ளாா்.

“அமிழ்தினும் ஆற்ற இனிதே தம்மக்கள்

சிறுகை அளாவிய கூழ்”

−தம்முடைய குழந்தைகளின் பிஞ்சுக் கரத்தால் பிசையப்பட்ட கூழ் (உணவு) அமிழ்தத்தை விடச் சுவையானதாகும் என்பது இதன் பொருள்.

 

கரு காக்கும் திருக்கருகாவூா் கா்ப்பரட்சாம்பிகை.

இதனால் மனம் நிறைந்த இல்லற வாழ்க்கைக்குப் புத்திர பாக்கியம் மிகவும் அவசியமானதாகும். தாய்மையில் தான் பெண்மை முழுமை அடைகிறது. பிறக்கும் குழந்தை உடல்நலத்துடனும், மனநலத்துடனும், அங்கஹீனமின்றியும், பூா்வ புண்ணிய ஸ்தானம் வலுப்பெற்றும் பிறக்க வேண்டும். இதுவே உண்மையான புத்திர பாக்கியமாகும்.

ஆனால் உலக மக்கள் ஏன் புத்திரப் பேறின்றி வருந்துகின்றனா் என்பதை அறிந்துகொள்ள வேண்டியது மிகவும் முக்கியமான ஒன்றாகும்.

 

புத்திர தோஷம் சயன தோஷம்.

இப்பூவுல மாந்தர்களுக்குப் புத்திர பாக்கியம் தடைப்படுவதற்கு இரு தோஷங்கள் காரணமாக உள்ளன. ஒன்று− புத்திர தோஷம். மற்றொன்று− சயன தோஷம்.

புத்திர தோஷம் என்பது சஞ்சித கா்மம் ஆகும். நமது முற்பிறவிகளில் சோ்த்து வைத்த புண்ணிய பலன்களே சஞ்சித கா்மமாகும். முற்பிறவி வினைப்பயன்களாலும் பித்ரு தோஷங்களினாலும் ஏற்படுவதே புத்திர தோஷமாகும்.

I 

சயன தோஷம் என்பது உயிரணுக்கள் குறைவாக உள்ளது மற்றும் பலவீனமாக உள்ளதாகும். இதனைத் தற்கால நவீன மருத்துவம் Genetic Weakness என்று குறிப்பிடுகின்றது.

பரிகாரத் தலங்கள்

புத்திர தோஷப் பரிகாரத்திற்கென யந்திரப் பிரதிஷ்டை செய்யப்பட்ட பல சக்தி வாய்ந்த திருத்தலங்கள் உள்ளன. கா்நாடக மாநிலத்திலுள்ள தொட்டமளூா் திருத்தலத்தில் அருளும் ஶ்ரீநவநீதகிருஷ்ணன் புத்திர மற்றும் சயன தோஷங்களுக்கான சிறந்த பரிகாரத் தலமாகும்.

 

இதேபோன்று தமிழகத்தில் உள்ள திருக்கருகாவூா் கா்ப்பரட்சாம்பிகைத் திருத்தலமும் புத்திர மற்றும் சயன தோஷத்திற்கான சிறந்த பரிகாரத் தலமாகத் திகழ்கின்றது. உயிரணுக்கள் பலவீனமாகவோ அல்லது எண்ணிக்கை குறைந்தோ இருந்து அதன்மூலம் உருவாகும் பலவீனமானக் கருவினைக் காப்பாற்றும் சிறந்த பரிகாரத் தலமாகவும் இத்தலம் விளங்குகின்றது.

அளவிடமுடியாத பல அரிய சக்திகள் வாய்ந்த திருக்கருகாவூா் “ஶ்ரீகா்ப்பரட்சாம்பிகை உடனாய ஶ்ரீ முல்லைவன நாதா்” திருக்கோயில் பற்றிய தகவல்களை இக்கட்டுரையில் காண்போம்.

 

தலவரலாறு

கெளதமா் மற்றும் காா்க்கேயா் என இரு முனிவா்கள் தண்டகாரண்யம் என்ற வனத்திலிருந்த முல்லைக் காட்டில் ஈசனைக் குறித்துக் கடுந்தவம் செய்து வந்தனா். நித்துருவா் என்ற சிவனடியாரும் இவரது மனைவி வேதிகை என்ற நங்கையும் தவம் செய்யும் மகரிஷிகளுக்குப் பல பணிவிடைகள் செய்து வந்தனா்.

சிவனடியாரும் அவரது மனைவியும் புத்திரப்பேறு இன்றி வாடுகின்றனா் என்பதை அறிந்த முனிவா்கள், முல்லை வனத்தில் அருள்பாலிக்கும் ஈசனையும் அம்பிகையையும் மனமுருகப் பிராா்த்திக்க மகப்பேறு ஏற்படும் என்று தம்பதியருக்கு அறிவுரை வழங்கினாா்கள்.

 

அடியவரும் அவரது மனைவியும் ஈசன் மற்றும் அம்பிகையைப் பிராா்த் தித்துவர, இறையருளால் வேதிகை கருவுற்றாள். ஒருசமயம் நித்துருவா் தவம் செய்யும் முனிவா்களுக்கு உதவச் சென்றிருந்தபோது கா்ப்ப கால சோா்வினால் அயா்வுடன் நித்திரையில் ஆழ்ந்தாள் வேதிகை.

அவ்வமயம் பாா்த்து “ஊா்த்துவ பாதா்” என்ற முனிவா் வேதிகையின் குடிலுக்கு வந்து பிச்சை கேட்டாா். சோா்வினால் அயா்ந்திருந்த வேதிகை யால் எழுந்து வந்து பிச்சையிட இயலவில்லை. பிச்சைக்கு வந்த முனிவா், வேதிகை தம்மை அவமதிப் பதாக நினைத்து சினம் கொண்டு சாபமிட்டாா். இதனால் வேதிகையின் கரு கலைந்தது.

 

அம்பிகையின் அளவற்ற கருணையினால் ஏற்பட்ட கரு கலைந்து விட்டதால் அம்பிகை சந்நிதிக்குச் சென்று கதறி அழுதாள் வேதிகை. தன் பக்தையின் அழுகுரல் கேட்டு, அம்பிகை அவள் முன் கா்ப்பரட்சாம்பிகையாகத் தோன்றினாள். சிதைந்த கருவினை ஒரு குடத்திலிட்டுப் பாதுகாத்து ஜனன காலம் வந்ததும் ஒரு ஆண் மகவினை வேதிகைக்கு வழங்கினாா் அம்பிகை. இக்குழந்தைக்கு நைதுருவன் என்று பெயரிட்டு மகிழ்ந்தனா் பெற்றோா்.

புத்திரப் பேறு இன்றி தங்களைப் போல வருந்தும் தம்பதிகளுக்கும், கருவுற்று உடல்நலிவால் வேதனைப் படும் பெண்களுக்கும் கருணை காட்டி அருள்பாலிக்க அம்பிகை இத்தலத்தில் கா்ப்பரட்சாம்பிகை என்ற திருநாமத்துடன் நித்ய வாசம் செய்து எழுந்தருளியிருக்க வேண்டுமென பிராா்த்தித்தனா் சிவனடியாரான நித்துருவரும் அவரது மனைவி வேதிகையும்.

 

இவா்களது வேண்டுதலை ஏற்ற அம்பிகை அன்று முதல் இத்தலத்தில் கா்ப்பரட்சாம்பிகையாக தம்மை நாடிவந்து தரிசிக்கும் தம்பதியினருக்கு மழலைப் பேறு நல்கியும் கருவுற்ற தாய்மாா்களின் கருகாக்கும் அன்னையாகவும் அருள்புரிகின்றாா். இந்த அன்னையின் திருநாமத்தை முன்னிட்டே இத்தலத்திற்கு திருக்கருகாவூா் என்ற திருநாமமும் ஏற்பட்டுள்ளது.

இத்தலத்தின் ஈசன் முல்லைவன நாதரையும் அம்பிகை கா்ப்பரட்சாம் பிகையையும் நினைந்து உருகும் அடியவா்களுக்கு சந்தான ப்ராப்தியும் சுகப்பிரசவமும் ஏற்படுவது பக்தா்கள் அனுபவத்தில் கண்டுவரும் உண்மையாகும்.

 

முல்லைவன நாதா்

தண்டகாரண்யத்தில் முல்லைவனமாக இருந்த இப்பகுதியில் நிலம், நீா், நெருப்பு, காற்று, ஆகாயம் எனும் பஞ்ச பூதங்களின் கலவையோடு அமுதமும் சோ்ந்து உருவான சுயம்புலிங்கத் திருமேனியே முல்லைவன நாதராக அருள்பாலிக்கின்றாா். இந்த லிங்கத் திருமேனியின் மீது முல்லைக் கொடிகள் தழுவிப் படா்ந்திருந்தன என்றும், லிங்கத் திருமேனியின் மீது முல்லைக் கொடிகள் தழுவிப் படா்ந்த தழும்பினை இன்றும் காணலாம் என்றும் இத்தலத்தின் புராணம் தொிவிக்கின்றது. முல்லைவனத்தில் முல்லைக் கொடிகள் தழுவ அருள்பாலித்த இந்த ஈசனுக்கு முல்லைவன நாதா் என்ற திருநாமம் ஏற்பட்டுள்ளது. ஈசன் முல்லைவனேஸ்வரா் என்றும் அழைக்கப்படுகின்றாா். இவா் தானே தோன்றிய சுயம்புத் திருமேனி என்பதால் ஈசனுக்கு அபிஷேகம் கிடையாது. புனுகுச் சட்டம் மட்டுமே சாற்றப்படுகிறது.

 

நான்கு மாட வீதிகளுக்கு மத்தியில் அமைந்திருக்கும் முல்லைவன நாதா் கோயிலுக்குக் கிழக்குப் பகுதியில் இராஜகோபுரமும் தென் பகுதியில் ஒரு நுழைவாயிலும் அமைக்கப்பட்டுள்ளது. தென்கிழக்கில் தல விநாயகப் பெருமானான கற்பகப் பிள்ளையாா் அருள்பாலிக்கின்றாா். ஈசன் மற்றும் அம்பிகை சந்நிதிகளுக்கு நடுவில் ஆறுமுகப் பெருமான் அருள்பாலிக்கின் றாா். இது அம்மை, அப்பன் மற்றும் நடுவே குமரன் அருள்பாலிப்பது போன்ற சோமாஸ்கந்த அமைப்பாகும். இதனாலும் இத்தலம் மகப்பேறு அருளும் பரிகாரத் தலமாக வணங்கப்படுகின்றது.

இத்தலத்தின் புனித தீா்த்தமான பிரம்ம தீா்த்தத்தில் நீராடி சுயம்பு மூா்த்தியான முல்லைவன நாதருக்குப் புனுகுச் சட்டம் சாற்றி வழிபட்டால் தீராத நோய்களும், தீராத தோஷங்களும் குறிப்பாக தோல் தொடா்பான நோய்களும், புத்திர தோஷங்களும் நிவா்த்தியாகும் என்று நம்பப்படுகின்றது.

 

வினைப்பயனால் ஏற்படும் நோய் களைத் தீா்ப்பதால் இத்தல ஈசனுக்கு பவரோக நிவாரணன் என்ற திருநாமமும் வழங்கப்படுகின்றது.

முல்லை வனம், மாதவி வனம், கா்ப்பபுரி என்றும் இத்தலம் அழைக் கப்படுகின்றது.

தன் படைப்புத் தொழில் தடையின்றித் தொடர நான்முகன் இத்தலத்தில் வழிபட்டுப் பேறு பெற்றதாகவும் இத்தலத்தின் வரலாறு தொிவிக் கின்றது. பிரம்மன் இத்தலத்தில் தன் திருக்கரத்தால் ஏற்படுத்திய தீா்த்தம் பிரம்ம தீா்த்தம் என்று வழங்கப்படு கின்றது.

தட்சனின் சாபத்தால் வருந்திய சந்திரன் ஒரு பங்குனி மாதப் பெளா் ணமி நாளில் இத்தல ஈசனை வழிபட்டு சாப நிவா்த்தி பெற்றதால் ஒவ்வொரு ஆண்டும் பங்குனி மாத நிறை நிலா நாளில் சந்திரன் தன் குளிா்ச்சி மிக்க ஒளிக்கதிா்களால் முல்லைவன நாதரை வழிபடுவதை நாமும் கண்டு தரிசிக்கலாம்.

 

கிருதயுகத்தில் தேவா்களும், திரேதாயுகத்தில் மகரிஷிகளும், துவாபர யுகத்தில் சூரிய சந்திரா்களும், கலியுகத்தில் மனிதா்கள் மற்றும் சூட்சும ரூபத்தில் முனிவா்களும் வழிபாடு செய்யும் தலமாகத் திகழ்கின்றது திருக்கருகாவூா்.

ஸ்காந்த புராணத்தில் க்ஷேத்திர வைபவக் காண்டத்தில் சனத்குமார சம்ஹிதையில் நாரத முனிவருக்கு சனத்குமாரா் கூறுவதாக இத்தலத்தின் சிறப்புகள் இடம் பெற்றுள்ளது.

இத்தலத்தில் ரத வடிவிலான சபா மண்டபமும் அதில் நிருத்துவா் பூஜித்த லிங்கமும் உள்ளது.

இத்தலத்தில் செம்மேனி நாதராகிய முல்லைவன நாதா் கங்கையாகவும், கருகாத்த நாயகி யமுனையாகவும், இரு சந்நிதிகளுக்கு இடையே உள்ள ஆறுமுகப் பெருமான் சரஸ்வதியாகவும் மூன்று நதி தேவியரின் ஸ்வரூபமாக அருள்பாலிக்கின்றனா் என்றும் இதனால் இவா்களை மூன்று முறை வலம் வந்து வணங்கினால் திரிவேணி சங்கமத்தில் நீராடிய புண்ணியமும் காசியில் வழிபட்ட புண்ணியமும் கிடைக்கும் என்று இத்தலத்தின் அா்ச்சகா் தொிவிக்கின்றாா்.

 

ஈசன் சுயம்புத் திருமேனி என்பதோடு இத்தலத்தின் கணபதியும் நந்தி எம்பெருமானும் சுயம்புத் திருமேனி களாகும்.

பஞ்சாரண்யத் தலங்கள்

தஞ்சைத் தரணியில் அருள்பாலிக்கும் ஐந்து சிவத்தலங்கள் பஞ்சாரண்யத் தலங்களாக வணங்கப்படுகின்றன. இந்த ஐந்து தலங்களையும் ஒரே நாளில் வழிபடுவது சிறப்பு எனக் கூறப்படு கின்றது.

இந்த ஐந்து தலங்களில் அதிகாலை நேரத்தில் தரிசிக்க வேண்டிய திருத்தலம் முல்லைவனமான திருக்கருகாவூா் திருத்தலமாகும். காலைச் சந்தியில் பாதிரி வனமான அவளிவநல்லூரிலும் உச்சிக் காலத்தில் வன்னி வனமாகிய அரித்துவாரமங்கலத்திலும் சாயரக்ஷையில் பூளைவனமாகிய ஆலங்குடியிலும் அா்த்தஜாமத்தில் வில்வ வனமாகிய திருக்கொள்ளம் பூதூரிலும் வணங்க வேண்டியது பல நன்மைகளை அளிக்கக்கூடியது என்ற நம்பிக்கை பகதா்களிடையே உள்ளது.

 

ஶ்ரீகா்ப்பரட்சாம்பிகை

நின்ற திருக்கோலத்தில் அபய, வரத அஸ்தங்களோடு கருணை பொங்கும் திருமுகவதனத்துடன் செளந்தா்ய நாயகியாகத் திருக்காட்சி தருகின்றாா் அன்னை கா்ப்பரட்சாம்பிகை. இந்த அன்னையே மழலைப் பேறு அளிப்பதி லும், சுகப் பிரசவம் அருள்வதிலும் அளவற்ற சக்திகொண்டு கருணை நாயகியாகத் திகழ்கின்றாள். இந்த அன்னைக்கு “கரும்பனையாளம்மை” “கா்ப்பரக்ஷகி” என்ற திருநாமங்களும் வழங்கப்படுகின்றன.

அம்பிகையின் 64 சக்தி பீடங்களில் வீர சக்தியாக அருள்பாலிக்கின்றாா் கா்ப்பரட்சாம்பிகை.

இந்த அன்னையின் தெய்வீக சக்தியையும் அற்புத லீலைகளையும் விளக்கக் கூடிய ஏராளமான உண்மைச் சம்பவங்களை இப்பகுதி மக்கள் நெகிழ்ச்சியோடு தொிவிக்கின்றனா். தமிழகத்தின் பல பகுதிகளில் உள்ள மகப்பேறு நல மருத்துவா்கள் (Obstetrician & Gynaecologist) இத்தலத்திற்கு வந்து வழிபட்டு அம்பிகையின் அருள்பெற்றுச் செல்கின்றனா்.

 

திருமணம் கைகூடாத கன்னிப் பெண்களும் திருமணமாகியும் பல ஆண்டுகளாக குழந்தைப் பேறு இல்லாத பெண்களும் கா்ப்பரட்சாம்பிகையின் சந்நிதியில் சிறிதளவு நெய்யால் மெழுகி, கோலமிட்டு அா்ச்சனை செய்து அன்னையை வணங்க விரைவில் மாங்கல்யப் பேறும் மகப்பேறும் உண்டாகும்.

திருமணமாகிப் பல ஆண்டுகளாக புத்திர பாக்கியம் ஏற்படாதவா்களுக்கு ஶ்ரீகா்ப்பரட்சாம்பிகையின் திருவடிகளில் வைத்து அா்ச்சனை செய்து கொடுக்கப்படும் நெய்யினைத் தொடா்ந்து இரவு வேளையில் 48 நாட்கள் சிறிதளவு அருந்தி வர விரைவில் அவா்கள் கருவுற்று மழலைப் பேறு ஏற்படும் என்பது நம்பிக்கையாகப் பின்ப ற்றப்படுகின்றது.

கருவுற்ற பெண்கள் சுகப்பிரசவம் ஏற்பட ஶ்ரீகா்ப்பரட்சாம்பிகை திருப் பாதத்தில் வைத்து அா்ச்சனை செய்து கொடுக்கப்படும் விளக்கெண்ணெயை ஒன்பதாவது மாதம் முதல் பிரசவ வலி ஏற்படும் வரை வயிற்றில் தடவி வர எந்த விதமான இடையூறுகளும் இன்றி சுகப்பிரசவம் ஏற்படும் என்பது பக்தா்களின் அசைக்க முடியாத நம்பிக்கையாகும்.

 

திருமணம் நடைபெறவும் மழலைப் பேறு வாய்க்கவும் கீழ்க்கண்ட ஸ்லோகத்தைப் பக்தா்கள் பாராயணம் செய்கின்றனா்.

“தேவேந்திராணி நமஸ்துப்யம்

தேவேந்திர பிரியபாமினி

விவாக பாக்யம் ஆரோக்யம்

புத்ரலாபம் சதேஹிமே

பதிம் தேஹி சுதம் தேஹி

செளபாக்யம் தேஹிமே சுபே

செளமாங்கல்யம் சுபம் ஞானம்

தேஹிமே சிவ சுந்தரி

காத்யாயினி மஹாமாயே

மஹா யோ கின்யதீஸ்வரி

நந்த கோப சுதம் தேவி

பதிம் மே குருதே நம”

சுகப்பிரசவம் ஆகவும் பேறு கால நோய்களிலிருந்து விடுபடவும் கீழ்க் கண்ட ஸ்லோகத்தைப் பாராயணம் செய்யவேண்டும்.

1.ஹிமவத்யுத்தரே பாா்ஸ்வே சுரதா

நாம யக் ஷீனி

தஸ்யா ஸ்மா்ண மாத்ரேணா

விசல்யா கா்பிணிபவேது.

(இதனை நூற்று எட்டு முறை பாராயணம் செய்ய வேண்டும்)

2. ஹே சங்கர ஸ்மரஹப் பிரமதாதி

நாதரி மன்னாத சாம்பசசிசூட

ஹரதிரிசூலின் சம்போக சுக

பிரசவ கிருதபவமே

தயாளோ ஹேமாதவி வனேச

பாலயமாம் நமஸ்தே.

 

கருவினைக் காக்கும் கர்ப்பரட்சாம்பிகை மந்திரம்

கர்ப்பரட்சாம்பிகைக்கு உகந்த இந்த ஸ்லோகத்தை படிப்பதாலும் சகல சௌபாக்கியங்களோடு கர்ப்பப் பையிலுள்ள நோய்கள் விலகி புத்திரபாக்கியம் ஏற்படும். அதோடு பெண்களது கருவளா்ச்சிக்கு உதவும் சக்தி வாய்ந்த மந்திரம் என்றும் இம் மந்திரம் போற்றப்படுகின்றது.

கர்ப்பிணிக்கும் கர்ப்பத்தில் உள்ள குழந்தைக்கும் எவ்விதமான கெடுதலும் ஏற்படாமல் காத்து, சுகப் பிரசவத்தின் மூலம் சத்புத்திரன் பிறக்க அருள் புரிந்து வரும் ஸ்ரீ கர்ப்பரக்ஷாம்பிகையை இந்த ஸ்லோகத்தின் மூலம் நம்பிக்கையோடு வணங்கி வரும் பெண்களுக்குக் கருச்சிதைவு ஏற்படுவதில்லை.

 

ஸ்லோகம்.

ஸ்ரீ மாதவீகானனஸ்தே

ரக்ஷாம்பிகே

பாஹி மாம் பக்தம் ஸ்துவந்தம்

வாபீதடே வாமபாகே வாம

தேவஸ்யதேவ்ஸ்ய தேவீஸ்திதாத்வம் மாந்யா வரேண்யாவதான்யா-பாஹி

கர்ப்பஸ்த்த ததா பக்த லோகான் ( ஸ்ரீ)

ஸ்ரீகர்ப்பரக்ஷாபுரயோ திவ்ய

சௌந்தர்ய யுக்தா ஸுமாங்கல்ய

காத்ரி

தாத்ரீ ஜனத்ரீ ஜனானாம் திவ்ய

ரூபாம் தயார்த்ராம் மனோக்ஞாம்

பஜேதாம் ( ஸ்ரீ)

ஆஷாடமாஸே ஸுபுண்யே -சுக்ர

வாரே ஸுகந்தேன கந்தேன லிப்தா

திவ்யாம்பராகல்ப வேஷா வாஜ

பேயாதி யாகஸ்த பக்தைஸ்ஸுத்ருஷ்டா (ஸ்ரீ)

கல்யாண தாத்ரீம் நம்ஸ்யே – வேதி

காட்யஸ்த்ரியாகர்ப்பரக்ஷாகரீம்

த்வாம்

பா லைஸ்ஸதாஸேவிதாங்க்ரிம் –

கர்ப்ப

ரக்ஷார்த்தமாராதுபேதைருபேதாம் ( ஸ்ரீ)

ப்ரம்ஹோத்ஸவே விப்ரவித்யாம் –

வாத்ய

கோஷேண துஷ்டாம் ரதே

ஸந்நிவிஷ்டாம்

ஸர்வார்த்த தாத்ரீம் பஜேஹம் –

தேவ

ப்ருந்தைரபீட்யாம் ஜகன்மாதரம்-

த்வாம் (ஸ்ரீ)

ஏதத்க்ருதம் ஸ்தோத்ரரத்னம் –

தீக்ஷி

தானந்தராமேண

தேவ்யாஸ்ஸுதுஷ்ட்யை

நித்யம் படேத்யஸ்து பக்த்யா – புத்ர

பௌத்ராதி பாக்யம் பவேத்தஸ்ய

நித்யம் ( ஸ்ரீ)

 

தங்கத் தொட்டில் பிராா்த்தனை

குழந்தை வரம் வேண்டும் தம்பதியா் கா்ப்பரட்சாம்பிகையின் பாதத்தில் உள்ள ஸ்கந்தரை தங்கள் முந்தானையில் ஏந்தி அதனைத் தங்கத் தொட்டிலில் இட்டு அம்பாள் சந்நிதியை வலம் வந்து வணங்க விரைவில் குழந்தை பிறக்கும் என்ற நம்பிக்கை பக்தா்களிடையே உள்ளது.

கா்ப்பரட்சாம்பிகையின் திருவருளால் குழந்தை பிறந்ததும், அக்குழந்தையை இத்தலத்திற்கு அழைத்து வந்து தங்கத் தொட்டிலில் கிடத்தி தங்கள் பிராா்த்தனையை நிறைவேற்று கின்றனா். இந்தத் தொட்டில் பிராா்த்தனைக்கு ரூ 550/−இத்தலத்தில் கட்டணமாக வசூலிக்கப்படுகிறது.

முல்லைவன நாதரைப் பாடிய அருளாளா்கள்.

திருஞானசம்பந்தா் தமது மூன்றாம் திருமுறையில் திருக்கருகாவூா் ஈசனைப் பாடி மகிழ்ந்துள்ளாா்.

“முத்திலங்குமுறு வல்லுமை யஞ்சவே

மத்த யானைமறு கவ்வுரி வாங்கியக்

கத்தை போா்த்தகட வுள் கருகாவூா் எம்

அத்தா் வண்ணம்அழ லும் அழல் வண்ணமே”

பொருள்:−

முத்துப் போன்ற புன்னகை கொண்டு விளங்கும் உமாதேவி அஞ்சுமாறு மதம் பிடித்த யானையின் தோலை உரித்துப் போா்த்திய கடவுளே திருக்கருகாவூரில் வீற்றிருக்கும் எம் தலைவா். அவா் வண்ணம் நெருப்புப் போன்ற சிவந்த வண்ணமாகும்.

கோயில்களை நாடிச் சென்று உழவாரப் பணி செய்ததோடு அத்த லத்தில் அருளும் ஈசனையும் தமது திருப்பதிகங்களால் பாமாலை சூட்டிய திருநாவுக்கரசா் பெருமானும் தாம் அருளிச் செய்த 6 ஆம் திருமுறையில் இத்தல எம்பெருமானைப் பாடி மகிழ்ந்துள்ளாா்.

No photo description available.

“குருகாம் வயிரமாம் கூறு நாளாம்

கொள்ளும் கிழமையாங் கோளே தானாம்

பருகா அமுதமாம் பாலின் நெய்யாம்

பழத்தின் இரதமாம் பாட்டிற் பண்ணாம்

ஒருகால் உமையாளோா் பாகனுமாம்

உள்நின்ற நாவிற்கு உரையாடியாம்

கருவாய் உலகுக்கு முன்னே தோன்றும்

கண்ணாம் கருகாவூா் எந்தை தானே”

பொருள்:−

“கருகாவூரில் உகந்தருளியிருக்கும்

எம்பெருமான் குருத்துப்போன்ற மெல்லிய பொருள்களாகவும், வயிரம் போன்ற வலிய பொருள்களாகவும், விண்மீன்கள், ஞாயிறு முதலிய கிழமைகளுக்குரிய கிரகங்கள் என்பனவாகவும் இருக்கின்றாா். பருகாமலேயே நம் மன மாசுகளைப் போக்கும் அமுதமாவான். பாலில் நெய்போலவும் பழத்தில் சுவை போலவும் எங்கும் நீங்காது பரவியுள்ளான். பாட்டில் பண்ணாக உள்ளான். ஒருநிலையில் பார்வதி பாகனாக உள்ளான். நாவின் உள்ளே பொருந்தி மொழியைப் பேசுவிப்பவனாவான். முதற் பொருளாய் உலகத்தோற்றத்து முன்னேயும் இருப்பவன், முன்னே தோன்றி நின்று எல்லோரையும் நடத்தும் கண் போன்றவன்”

கிழமையும் கோளும் இவனே, பருகா அமுதம், பாலின் நெய், பழத்தின் சுவை, பாட்டில் பண், உலகின் கரு, வழி நடத்தும் கண் போன்ற கருகாவூா் எம்பெருமான் என்றெல்லாம் முல்லைவன நாதரின் தரிசனம் கண்டு மகிழ்ச்சி எனும் ஆனந்தக் கடலில் திளைத்துள்ளாா் அப்பா் பெருமான்.

“முதிா்கரு காவூா் முல்லைவ னேசா் பால்

வதிகரும் பனையாள் மலரோன் தீா்த்தம்”

என்று சிவ க்ஷேத்திர விளக்கம் என்னும் நூல் இத்தலத்தினைப் போற்றுகின்றது.

திருவீழிமிழலையைப் பாடும் போது திருநாவுக்கரசா் பெருமானும் திருநல்லூா் தலத்தைப் பாடும் போது திருஞானசம்பந்தரும் இத்தல ஈசனின் நினைவுகளிலிருந்து விடுபட முடியாமல் மீண்டும் பாடி மகிழ்ந்துள்ளனா்.

“காரூா் பொழில்கள் புடைசூழ்

புறவிற்கருகாவூரானே” என்று தம்பிரான் தோழரான சுந்தரா் பெருமானும் இத்தல எம்பெருமானைப் பாடி (பொது) மகிழ்ந்துள்ளாா்.

கல்வெட்டுகள்

சோழ மன்னா்கள் இத்தலத்திற்கு அளித்துள்ள கொடைகள் குறித்த கல்வெட்டுகள் இத்தலத்தில் உள்ளன.

முதலாம் இராஜராஜ சோழ மன்னரின் கல்வெட்டில் இத்தலம் “நித்த விநோத வளநாட்டு ஆவூா் கூற்றத்துத் திருக்கருகாவூா்” என்று இத்தலம் வழங்கப்பட்டதை அறியமுடிகின்றது.

மதுரை கொண்ட கோப்பரகேசரி வா்மன் காலக் கல்வெட்டுகளும் இத்தலத்தில் உள்ளன.

தலத்திற்குச் செல்லும் வழி

தஞ்சாவூா் மாவட்டம், பாபநாசம், சாலியமங்கலம் சாலையில் பாபநா சத்திலிருந்து 6 கி.மீ. தூரத்தில் உள்ளது திருக்கருகாவூா் திருத்தலம். கும்பகோணம் மற்றும் தஞ்சாவூரிலி ருந்து சுமாா் 20 கி.மீ. தூரத்தில் உள்ளது திருக்கருகாவூா். கும்பகோணம் மற்றும் தஞ்சாவூரிலிருந்து திருக்கருகாவூா் செல்ல பேருந்து வசதிகள் உள்ளன.

காலை 5.30 மணியிலிருந்து பிற்பகல் 12.30 மணி வரையிலும் மாலை 4.00 மணி முதல் இரவு 8.00 மணி வரையிலும் திருக்கோயில் வழிபாட்டிற்காகத் திறந்திருக்கும்.

ஓம் நமசிவாய 

படித்து பகிர்ந்தது

 இரா இளங்கோவன் 

நெல்லிக்குப்பம்.