🌹 சிவராத்திரி கதைகள்

🌹 சிவராத்திரி கதைகள்... 

🌻 காந்தன், மகா காந்தன்:

நந்திகேஸ்வரர் இன் வேலை ஆட்கள் காந்தன், மகா காந்தன்... சிவா பூஜைக்காக பூலோகம் சென்று கொன்றை மலர்களை பறித்து வர சொன்னார் நந்தி... பூலோகம் வந்த இருவரும் வேலையை மறந்து நந்தவன நிழலில் படுத்து உறங்கிவிட்டனர்...

நந்தி தேவருக்கு கோபம்... ஒருவனை வேடனாகும் படியும் இன்னொருவனை பூனையாகும் படியும் சாபமிட்டார்... இருவரும் உருமாற பூனையை வேடன் துரத்தினான்... பூனை அருகில் இருந்த சிவன் கோவிலுக்குள் புகுந்து லிங்கத்தை கட்டிக் கொண்டது... வேடனின் அம்பு சிவலிங்கம் மீது பட்டு ரத்தம் கொட்டியது...

பூனை அங்கிருந்து பயந்து ஓடிய வேகத்தில் கோவிலின் தீர்த்த குளத்தில் விழுந்தது... வேடனும் சிவலிங்கத்தின் மீது அம்பு எய்தோமே என்ற பயத்தில் தன் பாவம் தீர்க்க தீர்த்தத்தில் மூழ்கி எழுந்தான்... இருவரும் மீண்டும் காந்தன், மகா காந்தனாக மாறினர்...

அன்றைய தினம் ஒரு சிவராத்திரி தினம்...

🌻 இறைவனுக்காக கட்டிய மனக்கோவில்

ஒரு ஏழை விவசாயி மனதிற்குள் எப்போதும் சிவனை வழிபடுவான்... ஒரு நாள் அவன் காட்டு வழியாக சென்று கொண்டு இருந்த பொது பலத்த மழை பெய்தது...ஒரு பாழடைந்த சிவன் கோவில் இருப்பதைக் கண்டு அங்கே சென்று ஒதுங்கியவன் இடியும் நிலையில் இருந்த கோவிலைக் கண்டு வருந்தினான்... நமக்கு வசதி இருந்தால் இந்த கோவிலை புதுப்பிக்கலாமே என்று நினைத்தவன் மனதில் கற்பனை விரிந்தது....

ராஜகோபுரங்கள், பிரகாரங்கள், மண்டபங்கள், மூல சந்நிதிகள் எல்லாம் அமைத்து கும்பாபிஷேகம் செய்து சிவபிரானுக்கு சிறப்பு பூஜைகள் செய்வதாக கற்பனை செய்து கொண்டு இருந்தான்....

திடீரென்று அங்கிருந்த புதரில் இருந்து கருநாகம் சீறியது.... அந்த விவசாயி பயந்து நடுங்கி கோவிலுக்கு வெளியே ஓடினான்... அதற்காகவே காத்திருந்தது போல அப்பாழடைந்த கோவில் தட தடவென்று இடிந்து விழுந்து தரை மட்டமானது...

தான் உயிர் பிழைத கதையை ஊராரிடம் சொன்னான்... அப்போது ஒரு பெரியவர்... அப்பா... இன்று சிவராத்திரி... நீ மானசீகமாக சிவனுக்கு கோவில் கட்டி வழிபட்டதால் பெரிய கண்டத்தில் இருந்து இறைவன் உன்னை காப்பாற்றி இருக்கிறார் என்று சொன்னார்.

🌻 பூஜை பூ...

சிந்து என்ற இடத்தை ஆண்ட குஞ்சரன் என்ற மன்னனிடம் ஒரு பிராமண உத்தியோகத்தர் இருந்தார். அவரது மகனின் பெயர் சுகுமாரன். அவன் பிரமண சாதியைச் சேராத ஒரு பெண்ணைத் திருமணம் செய்தது மட்டுமல்ல பிராமணியத்தையும் முற்றாகத் தலை மூழ்கிவிட்டான். ஒருநாள் அவன் தனது மனைவிக்கு ஒரு பூவை வழங்க எண்ணி அதனைப் பெறுவதற்காக சிவன் கோயிலுக்குப் போனான். அன்று மகாசிவராத்திரி. கோயிலில் அதற்குரிய சிறப்பு பூசை நடந்து கொண்டிருந்தது. பூ ஒன்றைப் பெறுவதற்காகக் கோயிலுக்குச் சென்ற சுகுமாரன் தவிர்க்க முடியாத நிலையில் அந்த விழாவில் கலந்து கொண்டான். அவ்வாறு நடந்து சில காலத்தின் பின்னர் அவன் இறந்த போது அவன் தனது சமயத்தையும் தர்மத்தையும் விட்டிருந்ததால் யமனின் தூதர்கள் நரகத்திலிருந்து அவனை அழைத்துச் செல்ல வந்திருந்தார்கள். அதே நேரம் சிவனது தூதர்கள் அவனைக் கைலாசத்ததுக்கு அழைத்துச் செல்ல வந்திருந்தனர். அவன் மனைவிக்குப் பூ பெறுவதற்காக கோயிலுக்குப் போய் சிவராத்திரியில் கலந்து கொண்ட காரணத்தால் சிவ தூதர்கள் யம தூதர்களை வென்று அவனை கைலாசத்திற்கு அழைத்துச் சென்றனர்.