108 பிரபல சிவன் கோயில்கள் தரிசன பலன்கள்.

_பிரபல சிவன் கோயில்கள் தரிசன பலன்கள்..._

 *1 திருகுடந்தை* 

ஊழ்வினை பாவம் விலக

 *2 திருச்சிராப்பள்ளி* 

வினை அகல

 *3 திருநள்ளாறு* 

கஷ்டங்கள் விலக

 *4 திருவிடைமருதூர்* 

மனநோய் விலக

 *5 திருவாவடுதுறை* 

ஞானம் பெற

 *6 திருவாஞ்சியம்* 

 தீரா துயர் நீங்க

 *7 திருமறைக்காடு* 

கல்வி மேன்மை உண்டாக

 *8 திருத்தில்லை* 

முக்தி வேண்ட

 *9 திருநாவலூர்* 

மரண பயம் விலக

 *10 திருவாரூர்* 

குல சாபம் விலக

 *11 திருநாகை* ( *நாகப்பட்டினம்* ) 

சர்ப்ப தோஷம் விலக

 *12 திருக்காஞ்சி* ( *காஞ்சிபுரம்* ) 

முக்தி வேண்ட

 *13 திருவண்ணாமலை* 

நினைத்த காரியம் நடக்க

 *14 திருநெல்லிக்கா* 

முன்வினை விலக

 *15 திருச்செங்கோடு* *அர்த்தநாரீஸ்வரர்* *கோவில்* மணவாழ்க்கை சிறப்புடைய

 *16 திருகருக்காவூர்* 

கர்ப்ப சிதைவு தோஷம் விலக

 *17 திரு* *வைத்தீஸ்வரன்* 

கோவில் நோய் விலக

 *18 திருகோடிக்கரை* 

பிரம்ம தோஷம் விலக

 *19 திருக்களம்பூர்* 

சுபிட்சம் ஏற்பட

 *20 திருக்குடவாயில்* ( *குடவாசல்* ) இறந்தவர் ஆன்மா சாந்தி அடைய

 *21 திருசிக்கல்* ( *சிக்கல்* ) 

துணிவு கிடைக்க

 *22* *திருச்செங்காட்டங்குடி*

 கோர்ட் வம்பு , வழக்கு உள்ளவர்கள் தோஷம் விலக

 *23 திருக்கண்டீச்சுரம்* நோய் விலக , தீராத புண் ஆற

 *24 திருக்கருக்குடி* ( *மருதாநல்லூர்* ) குடும்ப கவலை விலக

 *25 திருக்கருவேலி* ( *கருவேலி )* 

குழந்தை பாக்கியம் பெற , வறுமை நீங்க

 *26 திருவழுந்தூர்* ( *தேரெழுத்தூர்* ) 

முன் ஜென்ம பாவம் விலக

 *_27 திருச்சத்திமுற்றம்_* 

மண வாழ்க்கை கிடைக்க

 *28 திருப்பராய்துறை* ( *திருச்சி* ) 

கர்வத்தால் வீணானவர்கள் சுகம் பெற

 *29 திருநெடுங்களம்* ( *திருச்சி )* 

தீரா துயரம் தீர

 ( இடர் களைய )

 *30 திருவெறும்பூர்* ( *திருச்சி* ) அதிகாரத்தால் வீழ்ந்தவர்கள் சுகம் பெற

 *31 திருப்பைஞ்ஞீலி* ( *திருச்சி )* 

யம பயம் விலக

 *32 திருவையாறு* அக்னி தோஷம் உள்ளவர்கள் தோஷம் விலக

 *33 திருவைகாவூர்* வில்வ அர்ச்சனை செய்து பாவத்தை போக்க

 *34 திருக்கஞ்சனூர்* திருமண தோஷம் விலக

 *35 திருமங்கலக்குடி* ( *சூரியனார் கோவில்* ) 

குழந்தை பாக்கியம் பெற

 *36 திருமணஞ்சேரி* திருமண தோஷம் விலக

 *37 திருமுல்லைவாயில்* சந்திர திசை நடப்பவர்கள் சந்திர தோஷம் விலக

 *38 திருவெண்காடு* ஊழ்வினை தோஷம் உள்ளவர்கள் கல்வி மேன்மை

 *39 திருநெல்வேலி* பிராமண குற்றம் விலக

 *40 திருக்குற்றாலம்* *குற்றாலநாதர்* *கோவில்* 

முக்தி வேண்ட

 *41 திருவாலவாய்* ( *மதுரை )* 

 தென்திசையில் குடியிருப்பவர்கள் நட்சத்திர தோஷம் உள்ளவர்கள் வழிபட

 *42 திருப்பரங்குன்றம்* ( *மதுரை* ) 

வாழ வழி தெரியாது தவிப்பவர்கள் வழிபட

 *43 திருவாடானை* *ஆதிரத்தினேசுவரர்* *கோவில்* 

 தீரா பாவம் விலக

 *44 திருமுருகன் பூண்டி* *திருமுருகநாத* *சுவாமி கோவில்* 

மன நலம் பாதிக்கப்பட்டவர்கள் தோஷம் விலக

 *45* *திருப்பாதிரிப்புலியூர்* ( *புட்லூர்* ) 

தாயை விட்டு பிரிந்து இருக்கும் குழந்தை தோஷம் விலக

 *46 திருவக்கரை* செய்வினை தோஷம் விலக

 *47 திருவேற்காடு* 

வாணிப பாவம் விலக

 *48 திருமயிலாப்பூர்* 

மூன்று தலைமுறை தோஷம் விலக

 *49 திருஅரசிலி* ( *ஒழுந்தியாம்பட்டு)*  காமத்தால் பாதிக்கப்பட்டவர்கள் தோஷம் விலக

 *50 திருவாலங்காடு* வீண் வம்பில் மாட்டிக் கொண்டவர்கள் தோஷம் விலக

 *51 திருவேட்டிபுரம்* ( *செய்யாறு )* 

ஞானம் கிடைக்க

 *52 திருப்பனங்காடு* 

பந்த பாசத்தில் இருந்து விலக

 *53 திருவூறால்* ( *தக்கோலம்* ) உயிர்வதை செய்த பாவம் விலக

 *54 திருப்பாச்சூர்* குடும்ப கவலைகள் நீங்க

 *55* *திருவெண்ணைநல்லூர்* 

பித்ரு தோஷம் விலக

 *56 திருவதிகை* 

நல் மனைவி அமைய

 *57 திருவாண்டார்* *கோவில்* 

 முக்தி வேண்ட

 *58 திருமுது குன்றம்* ( *விருத்தாசலம்* ) 

தீரா பாவம் விலக

 *59 திருக்கருவூர்* ( *கரூர்* ) 

பசுவதை செய்வதன் வழிபட

 *60 திருப்பாண்டிக்* ( *கொடுமுடி* ) 

பித்ரு தோஷம் , பிரேத சாபம் விலக

 *61* *திருக்கொடுங்குன்றம்* ( *பிரான்மலை* ) மறுபிறவி வேண்டாதவர்கள் வழிபட

 *62 திருகோகர்ணம்* ( *கர்நாடகம்* ) 

தேவ தோஷம் விலக

 *63 திருப்புகலூர்* பெரியோரை அவமதித்த குற்றம் நீங்க

 *64 திருத்தோணிபுரம்* ( *சீர்காழி )* 

குல சாபம் நீங்க

 *65 திருவைத்தீஸ்வரன் கோவில்* 

பிணிகள் விலக , அங்கார தோஷம் விலக

 *66* *திருக்கருப்பறியலூர்* ( *தலைஞாயிறு*)

 கர்வத்தால் குரு துரோகம்

 *67 திருப்பனந்தாள்* 

பிறன்மனை நாடியவர்கள் தோஷம் விலக

 *68 திருப்புறம்பயம்* மரண பயம் விலக

 *69 திருநெய்த்தானம்* மோட்ஷம் வேண்ட

 *70* *திருவானைக்கா*  கர்மவினை அகல

 *71 திருவேதிக்குடி* 

தான் எனும் அகம்பாவத்தால் சீரழிந்தவர்கள் தோஷம் விலக

 *72 திருவலஞ்சுழி* 

வறுமை அகல

 *73 திருநாகேஸ்வரம்* ஸர்ப்ப ஸாபம் விலக

 *74 திருநாகேஸ்வர* *சுவாமி* ( *கும்பகோணம்* ) நவகிரஹ தோஷம் விலக

 *75 திருநல்லம்* *(கோனேரிராஜபுரம்)*  வேதத்தை பரிகசித்து அவலத்துக்கு உள்ளானவர்கள் தோஷம் விலக

 *76 திருத்தெளிச்சேரி* ( *காரைக்கால் )* 

சூரிய தோஷம் உள்ளவர்கள் குறை தீர

 *77* *திருசெம்பொன்பள்ளி*

 வீரபத்ரன் குல வம்சத்தினர் வணங்க

 *78 திருத்தலச்சங்காடு* ( *தலைச்செங்காடு)* 

அடிமையாட்கள் சாபம் பெற்றவர்கள் தோஷம் விலக

 *79 திருவன்னியூர்* ( *அன்னூர்* ) சோமாஸ்கந்தரை குலதெய்வமாக கொண்டவர்கள் வழிபட

 *80 திருநன்னலம்* ( *நன்னிலம் )* 

 ஞானம் வேண்டுபவர்கள் வேண்ட

 *81 திருராமனாதீச்சுரம்* ( *திருக்கண்ணாபுரம்* ) 

கணவனின் சந்தேகப் பார்வைக்கு உட்பட்ட பெண்களது தோஷம் விலக

 *82 திருமருகல்* 

கணவன் மனைவி அன்புடன் வாழ

 *83 திருச்சிக்கல்* 

பங்காளி பகை உள்ளவர்கள் வழிபட

 *84 திருச்சேறை* 

இல்லறம் மேலும் சிறக்க

 *85 திருக்கோளிலி* ( *திருக்குவளை* ) நவகோள்களால் பாதிக்கப்பட்டவர்கள் வழிபட

 *86 திருவாய்மூர்* செவ்வாய் தோஷம் உள்ளவர்கள் தோஷம் விலக

 *87 திருநெல்லிக்கா* 

கல்வி மேன்மை அடைய

 *88 திருவெண்டுறை* ( *வண்டுறை* ) வறுமையிலிருந்து விலக

 *89 திருக்கடிக்குளம்* ( கற்பகநாதர்குளம் ) வினைகள் விலக

 *90 திருஆலங்குடி* புத்திர தோஷம் விலக , செல்வம் சேர்க்கை பெற

 *91 கொட்டாரம்* 

அமைதி பெற

 *92 திட்டை* 

சந்திர தோஷம் விலக

 *93 பசுபதி கோவில்* இராகு தோஷம் உள்ளவர்கள் வழிபட

 *94 கொட்டையூர்* 

செய்த பாவங்கள் வேயொரு வீழ

 *95 ஓமாம்புலியூர்* 

சனி தோஷம் விலக

 *96 தருமபுரம்* சிவனடியாரை அவமதித்த குற்றம் விலக

 *97 மயிலாடுதுறை* அனைத்து பாவங்களும் விட்டோட

 *98 உத்தரகோச மங்கை* கர்மவினைகள் அகல

 *99 இராமேஸ்வரம்* பித்ரு தோஷம் விலக

 *100 காளையர்கோவில்* பிறவி பயன் கிடைக்க

 *101 பெண்ணாடம்* ஊழ்வினை தோஷம் அகல

 *102* *இராஜேந்திரப்பட்டினம்*

 கர்மவினை அகல

 *103 அவினாசியப்பர்*

 ஏழு தலைமுறை பாவங்கள் விலக

 *104 குரங்கினில்* *முட்டம்* 

 நினைத்த காரியம் நடக்க

 *105 பவானி* 

 பித்ரு தோஷம் போக்க

 *106 ஆச்சாள்புரம்* 

 மண வாழ்க்கை சிறக்க

 *107 ஆடுதுறை* திருஷ்டி தோஷம் விலக

 *108 சங்கரன்கோவில்* ஸர்ப்ப தோஷம் விலக.

*ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம். 

பிரிந்த தம்பதியினர் ஒன்று சேர இங்கு வழிபாடு... அருள்மிகு விருந்தீஸ்வரர் திருக்கோயில் வடமதுரை.....

♦️அருள்மிகு ♦️விருந்தீஸ்வரர் ♦️திருக்கோயில், ♦️வடமதுரை, ♦️கோயம்புத்தூர்

🎈திருவிழா மார்கழியில் ஆருத்ரா தரிசனம், தைப்பூசம், சிவராத்திரி, பங்குனி உத்திரம் விசேஷ நாட்கள் ஆகும்.

🔔தல சிறப்பு

ஈசன் சுயம்பு மூர்த்தியாக திகழ்கிறார்.பங்குனி மாதம் 17ம்தேதியில் சூரியன் விருந்தீஸ்வரர் மீது தன் ஒளிக்கதிர்களை வீசி வழிபாடு செய்கிறார். இங்கு தலவிருட்சமாக வன முருங்கை உள்ளது. சாதாரணமாக எல்லா சிவாலயங்களிலும் நடராஜர் ஜடாமுடி விரிந்து கிடக்க நடனமாடுவார்.

ஆனால், இங்கு தலை முடித்து அருள்பாலிக்கிறார். சிவன் தனது வாகனமான நந்திக்கு இத்தலத்தில்தான் சர்வ அதிகாரம் தந்தார். இதையடுத்தே கோயில்களில் "அதிகார நந்தி' சன்னதி அமைக்கும் பழக்கம் ஏற்பட்டதாகச் சொல்கின்றனர்.

💟பொது தகவல் மிகவும் பழமையான இத்தலம் கணேஸ்வரம், அகஸ்திய நல்லூர், கந்தமாபுரி என மூன்று யுகங்களிலும் அழைக்கப் பட்டது. கோயிலில் உள்ள கல்வெட்டின் படி ஏழாம் நூற்றாண்டில் குலோத்துங்க சோழன் காலத்தில் நிறுவப்பட்டது என தெரிகிறது.

🛐பிரார்த்தனை பிரிந்த தம்பதியினர் ஒன்று சேர இங்கு வழிபாடு செய்யலாம்.

🙏🏾நேர்த்திக்கடன் தம்பதியர் ஒன்று சேர்ந்த பின் லட்சுமி நாராயணருக்கு துளசியால் அர்ச்சனை செய்கின்றனர்.

💞தலபெருமை அதிகார நந்தியை பிரதோஷ காலங்களில் குளிர்ச்சியான பொருட்கள் கொண்டு அபிஷேகம் செய்தால் அவரும் குளிர்ந்து, நமக்கு வேண்டியதை கொடுத்து நம்மையும் குளிர்விப்பார்.

தம்பதி சமேதராக அருள்பாலிக்கும் லட்சுமி நாராயணரை இத்தலத்தில் உள்ளனர். இவர்களை வழிபட்டால் தம்பதியரிடையே மன ஒற்றுமை மேலோங்கும்.

♦️தல வரலாறு

நால்வரில் ஒருவரான சுந்தரர் சிவாயலங்கள் தோறும் சென்று வழிபட்டு வந்தார். அவினாசியில் அவினாசி லிங்கேஸ்வரையும் அன்னை கருணாம்பிகையையும் தரிசித்து விட்டு, விருந்தீஸ்வரர் கோயிலுக்கு வரும்போது மிகுந்த பசி ஏற்பட்டது.

தள்ளாடிபடியே கோயிலை அடைந்தார். அவரது நிலை கண்ட ஒரு தம்பதியர் அவரை உபசரித்தனர். கணவன், விசிறி விட, மனைவி வன முருங்கைக்கீரையுடன் அமுது தயாரித்து அளித்தாள். அமுதை சாப்பிட்டவுடன் சுந்தரருக்கு புத்தொளி பிறந்தது.

இந்த புத்தொளிக்கு காரணம் அமுது படைத்த வேடுவராக வந்த இறைவனும், இறைவியுமே காரணம் என்பதை அறிந்தார் சுந்தரர் நெகிழ்ந்து போனார். சுந்தரருக்கு விருந்து படைத்ததால் இத்தல இறைவன் "விருந்தீஸ்வரர்'.

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்.. 

சோழநாட்டு திருச்செந்தூர் முருகன் கோயில்..

அருள்மிகு முருகன் திருக்கோயில்,

திருவிடைக்கழி- 609310,  தரங்கம்பாடி வட்டம், மயிலாடுதுறை மாவட்டம்.        

*இறைவர் திருப்பெயர்:   காமேசுவரர்  

*இறைவியார் திருப்பெயர்: காமேசுவரி (சந்நிதி இல்லை)        

*தல மரம்: இத்தலத்தில் இரண்டு வெவ்வேறு தலமரங்கள் உள்ளன; இவற்றுள் குரா மரம் முருகப் பெருமானுக்கும், மகிழ மரம் இறைவனுக்கும் தல மரங்களாகும்.

*தீர்த்தம் : சரவண தீர்த்தம், கங்கைக் கிணறு.   

*வழிபட்டோர்: முசுகுந்தன், வசிட்டர், சேந்தனார், அருணகிரிநாதர் ஆகியோர்.                 

*பத்தாம் நூற்றாண்டில் வாழ்ந்த கருவூர்த் தேவர், சேந்தனார் என்னும் புலவர்கள் இக் கோயிலைப் போற்றிப் பாடியுள்ளனர். இந்தப் பாடல்கள் ஒன்பதாம் திருமுறையில் இடம்பெற்றுள்ளன.                          

*இது சேந்தனார் முத்தி பெற்ற தலம். 

 *இத்தலத்துக்கு மகிழவனம் என்ற பெயரும் உண்டு.   

*திருப்பரங்குன்றம் செல்ல தெய்வானை விடை பெற்றதாலும், முருகனுக்கு இரண்யாசுரனைக் கொன்ற பழி கழிந்ததாலும் இத்தலம் 'விடைக்கழி' எனப்படுகிறது. 

*சோழநாட்டு திருச்செந்தூர் எனவும் இந்தக் கோயில் போற்றப்படுகிறது.                  

*முசுகுந்த சக்கரவர்த்தி என்னும் சோழ மன்னன் இவ்வாலயத்தைக் கட்டியதாக தலவரலாறு கூறுகிறது. 

 

*சூரனின் இரண்டாவது மகன் ஹிரண்யாசுரன்,  போரில் இருந்து பின் வாங்கி, தரங்கம்பாடி கடலில் மீன் உருவம் எடுத்து மறைந்தான்   என்பதையறிந்த முருகப்பெருமான், அவனைத் தேடிப்பிடித்து சம்ஹாரம் செய்தார். ஹிரண்யாசுரன் சிறந்த சிவபக்தன் என்பதால், அவனைக் கொன்ற முருகப்பெருமானுக்கு பாவம் உண்டானது. தாய் பார்வதிதேவியின் ஆலோசனைப்படி

அந்தப் பாவத்தில் இருந்து விமோசனம் அடைவதற்காக முருகன் தரங்கம்பாடி அருகில் உள்ள சிவாலயத்தின் குரா மரத்தடியில் அமர்ந்து தவம் இயற்றினார். இதையடுத்து அவருக்கு பாவ விமோசனம் கிடைத்தது.          

*தன் மகனான குமரனை, இந்தத் தலத்திலேயே இருந்து அருள்புரியும்படி சிவபெருமான் கேட்டுக் கொண்டு மேலும் அவருக்கு பின்புறத்திலேயே தானும்  அமர்ந்தார். 

*மூலத்தானத்தில் முதற்கண் பிரதான மூத்தியாக சுப்பிரமணியப் பெருமானும், பின்னால் உள்ளடங்கிச் சிவலிங்க மூர்த்தமும் காட்சி தருகின்றனர். 

*இருமூர்த்தங்களுக்கும் உள்ள தனித்தனி விமானங்களில், முருகனுடைய விமானம்  உயரமாகவும், இறைவனுடைய விமானம் சற்று தாழவும் உள்ளது.   

*ஆறடி உயர அழகான வடிவத்துடன்  சுப்பிரமணியர்  நின்ற கோலத்தில் கிழக்கு நோக்கி அருள்புரிகிறார். சுவாமியின் வலதுகை அபயம் தரும் விதத்திலும், இடது கை இடுப்பில் ஊன்றியபடியும் உள்ளன.        

*குமரன் பூஜித்த சிவலிங்கம் முருகனின் முன்னால், ஸ்படிகலிங்கமாக உள்ளது. 

*அம்பாள்  இங்கிருந்து தரங்கம்பாடிக்குச் சென்றதால் இக்கோயிலில் அம்பாள் சந்நிதி இல்லை. 

*தெய்வயானைக்கு தனி சந்நிதி உள்ளது. 

முருகனை மணம் செய்ய விரும்பிய தெய்வானை, தவம் செய்த தலம் இது.  தெய்வானையின் முகம், நாணத்தால் சற்று சாய்ந்தது போல் உள்ளது. திருமணத்தடை அகல இவரை வெள்ளிக்கிழமையில் வழிபடலாம்.  

*மலைகளில் மட்டுமே வளரக்கூடிய குரா மரம், திருவிடைக்கழியில் சம தளமான மண்ணிலும் வளர்ந்து தல விருட்சமாக உள்ளது என்பது அதிசமான நிகழ்வு.                

*குரா என்பதை திருப்பி நோக்கினால் ராகு எனவரும். 

*முருகப்பெருமான் சிவனை வழிபட்ட குரா மரத்தடியில் அமர்ந்து, 

ராகு பகவான் முருகப்பெருமானை வழிபட்டிருக்கிறார். இதனால் ராகு தோஷம் உள்ளவர்கள் இங்கு வந்து பிரார்த்தனை செய்தால் விரைவில் திருமணம் நடந்தேறும். தம்பதியரிடையே ஒற்றுமை பலப்படும். 

*நவக்கிரகங்கள் இல்லாத இந்த ஆலயத்தில் முருகப்பெருமானே நவ நாயகர்களாக இருந்து அருள்பாலிப்பதாக ஐதீகம். இத்தல முருகனை வழிபட்டாலே அனைத்து விதமான நவக்கிரக தோஷங்களும் விலகிவிடும்.    

*சிவசண்டேசுவரர், குகசண்டேசுவரர் என்று இறைவனுக்கும் முருகனுக்கும் உரியவர்களாக இங்கு சண்டேசுவர மூர்த்தங்கள் இரண்டு உள்ளன.   

*ஒவ்வொரு ஆண்டும் புரட்டாசி மாதம் முதல் வெள்ளிக்கிழமையில்,      சிதம்பரத்தில் இருந்து திருவிடைக்கழி செல்லும் 50 கிலோமீட்டர் தூர பாதயாத்திரை,  புறப்பட்டு சனிக்கிழமை இரவு திருவிடைக்கழி முருகன் கோவிலை அடையும். மறுநாள் ஞாயிற்றுக்கிழமை ஆலயத்தின் எதிரில் உள்ள மண்டபத்தில் இருந்து பால் காவடி எடுத்துச் சென்று முருகப்பெருமானுக்கு குராமரத்தடியில் மகா அபிஷேகம் செய்யப்பட்டு  தீபாராதனை நடைபெறும். 

இந்த பாதயாத்திரை வழிபாட்டில் பல  மாவட்டங்களில் இருந்தும் பக்தர்கள் சிதம்பரம் வருகை தந்து அங்கிருந்து பாதயாத்திரையாக  திருவிடைக்கழி வந்து முருகனை வழிபடுகின்றனர்.

*கல்வெட்டில் முருகனுடைய பெயர் "திருக்குராத்துடையார்" என்று குறிக்கப்பட்டுள்ளது. 

*மயிலாடுதுறையிலிருந்து தில்லையாடி சென்று  அங்கிருந்து 3 கி.மீ சென்றால் திருவிடைக்கழி தலத்தை அடையலாம்.                  

ஓம் நமசிவாய 

படித்து பகிர்ந்தது 

இரா இளங்கோவன்

 நெல்லிக்குப்பம். 

ஸ்ரீராமருக்கு உதவியாக இருந்த சுக்ரீவன் கோவில் திருப்பூர்..

சுக்ரீஸ்வரர் கோவில் முக்கிய சிறப்புகள்:-

1. பொய் ஆகவே ஆகாது!

2. கோவில் மேல் கோவில!

திருப்பூரிலிருந்து ஊத்துக்குளி செல்லும் சாலையில் 8 கிலோமீட்டர் தொலைவில் சர்க்கார் பெரியபாளையத்தில் சுக்ரீஸ்வரர் கோவில் உள்ளது. 

ராமாயண காலத்தில் ஸ்ரீராமருக்கு உதவியாக இருந்த சுக்ரீவன், இங்கு ஈஸ்வரனை பிரதிஷ்டை செய்து வழிபட்டதால் மூலவருக்கு சுக்ரீஸ்வரர் என்று பெயர் வந்ததாக தல புராணம் கூறுகிறது. 

இதற்கு சான்றாக ஆலயத்தில் அர்த்த மண்டப சுவரில், சுக்ரீவன் சிவலிங்கம் பிரதிஷ்டை செய்யும் புடைப்புச் சிற்பம் உள்ளது. இத்தல இறைவன் குரக்குத்தளி ஆடுடைய நாயனார் என்றும் அழைக்கப்படுகிறார்.

தற்போது இந்திய தொல்லியல் துறையின் கட்டுப்பாட்டில் இருக்கும் இக்கோவில் சமயக்குரவர்களுள் ஒருவரான சுந்தரர் பாடல் பெற்ற தலமாகும்.

ஆகையால் இது 8–ம் நூற்றாண்டைச் சேர்ந்த கோவிலாக இருக்கலாம் என்று கூறப்படுகிறது. ஆனால் கி.பி. 1220–ம் ஆண்டை சேர்ந்த ஒரு கல்வெட்டுதான் இங்கு காணப்படுகிறது. 

இந்தக் கோவிலில் மூலவர் சுக்ரீஸ்வரர், லிங்க வடிவில் எழுந்தருளியுள்ளார். வலதுபுறம் ஆவுடைநாயகியாக அம்மன் தனிச் சன்னிதியில் அருள்பாலிக்கிறார். 

சுற்றுப் பிரகாரங்களில் கன்னி மூல விநாயகர், தட்சிணாமூர்த்தி, சுப்பிரமணியர், சண்டிகேஸ்வரர், பைரவர் சன்னிதிகளும், எந்த சிவன் கோவில்களிலும் இல்லாத சிறப்பாக கருவறைக்கு நேர் எதிரே பத்ரகாளியம்மன் சன்னிதியும் உள்ளது.

பஞ்சலிங்கங்கள் கோவில்:-

நீர், நிலம், காற்று, நெருப்பு, ஆகாயம் என பஞ்ச பூதங்களை குறிக்கும் வகையில், பஞ்சலிங்கங்கள் இந்தக் கோவிலில் அமைந்துள்ளன. 

மூலவராக அக்னி லிங்கம், மீதம் மூன்று லிங்கங்கள் கோவிலை சுற்றிலும் அமைந்துள்ளன. சிவனுக்கு பிடித்த வில்வமரத்தின் கீழ், ஐந்தாவதாக ஆகாச லிங்கம் அமைந்துள்ளது.

நான்கு யுகங்களை கடந்தது இக்கோவில் வரலாறு:-

2,500 ஆண்டுகளுக்கு முந்தையது என தொல்லியல் துறை கூறினாலும், 17.28 லட்சம் ஆண்டுகளை கொண்ட கிரதாயுகத்தில், காவல் தெய்வமாகவும், 12.96 லட்சம் ஆண்டுகளை கொண்ட திரேதாயுகத்தில் சுக்ரீவனாலும், 8.64 லட்சம் ஆண்டுகளை கொண்ட துவாபரயுகத்தில், இந்திரனின் வாகனமாக ஐராவதத்தாலும், வணங்கப்பட்டது எனவும், 4.32 லட்சம் ஆண்டுகளை கொண்ட, கலியுகத்தில், தேவர்களாலும், அரசர்களாலும் வணங்கப்பட்டு, நான்கு யுகங்களை கண்ட கோவில் என்ற வரலாறும், அதற்கான சான்றுகளும் கோவிலில் உள்ளன.

கோவில் மேல் கோவில்:- 

1952–ம் ஆண்டு தொல்லியல் துறை இந்த கோவிலை தனது கட்டுப்பாட்டில் கொண்டு வந்து ஆய்வு செய்தது. அப்போது கோவிலை மீண்டும் புனரமைக்க முடிவு செய்து, கோவில் அஸ்திவாரத்தை பலப்படுத்த நடவடிக்கை எடுத்தது. 

கோவில் கற்களை பிரித்து பார்த்தபோது, தற்போதுள்ள கோவிலை போலவே பூமிக்கடியிலும், இதே கட்டுமானத்தில் ஒரு கற்கோவில் இருந்தது கண்டுபிடிக்கப்பட்டது. கற்கோவிலுக்கு மேல் மற்றொரு கோவில் எழுப்பப்பட்டிருக்கும் இந்த அமைப்பு வித்தியாசமாக இருப்பதாக கூறப்படுகிறது.

சிதம்பரம், பேரூர் கோவிலுக்கு அடுத்து, சிறப்பான வேலைப்பாடுகளுடன், சக்தி வாய்ந்ததாக சுக்ரீஸ்வரர் கோவில் அமைந்துள்ளது.

கோவிலுக்கு என 450 ஏக்கர் நஞ்சராயன்குளம், கோவிலை சுற்றிலும் தண்ணீர் தேங்கும் அகழி, தெப்பக்குளம், இப்பகுதியில் அமைந்திருந்த முகுந்த பட்டணத்தில் இருந்து, மூலவருக்கு அருகே வெளியே வரும் வகையில் அமைந்துள்ள குகை, சிறப்பான வேலைப்பாடுகளுடன் கூடிய  கருவறை கோபுரம் என தெரியாத விஷயங்கள் பல உள்ளன.

அதேபோல் கோவிலுக்கு மேற்கு பகுதியில் 56 வகையான நட்சத்திர, ராசி, திசை மரங்கள் நடப்பட்டு பெண்கள் நலபயணம் மேற்கொள்ள தனியாக நடைபாதையும் போடப்பட்டுள்ளது.

பொய் ஆகவே ஆகாது!

மிளகு, பயிராக மாறியது:-

ஒரு வியாபாரி, பொதிச்சுமையாக, மாடுகள் மீது மிளகு மூடைகளை  ஏற்றிக்கொண்டு  அவ்வழியாக  சென்றுள்ளார். அப்போது  மாறுவேடத்தில் வந்த சிவன் மூட்டைகளில் என்ன என கேட்க, அந்த வியாபாரி மிளகுக்கு இருந்த விலைமதிப்பு காரணமாக, பாசிப்பயிறு என கூறியுள்ளார். 

பின்னர்  15 நாட்களுக்கு அந்த வியாபாரி சந்தைக்குச் சென்று பார்த்தபோது, மிளகு மூடைகள் அனைத்தும் பாசிப்பயிறு மூடைகளாக மாறியிருந்தன. 

அதிர்ச்சி அடைந்த விவசாயி, இறைவனிடம் கதறி அழுது வேண்டினார். இதைதொடர்ந்து இறைவன் கனவில் சென்று, உன் மாடுகள் எங்கு வந்து நிற்கிறதோ, அங்கு வந்து வணங்கு. உன் பிரச்சினைக்கு தீர்வு கிடைக்கும் என்று கூறியுள்ளார்.

இதைதொடர்ந்து வியாபாரியும் மாட்டை ஓட்டி வந்து மாடு நின்ற இடத்தில் சுக்ரீஸ்வரரை வணங்கியதால் பாசிப்பயிராக இருந்த மூடைகள்  மிளகு மூடைகளாக மாறின.

இப்பகுதி மக்கள் மிளகு ஈஸ்வரரே என்று அழைத்துவருவது குறிப்பிடத்தக்கது. அதனால் இங்கு வந்து மிளகு பூஜை செய்தால் தீர்வு கிடைக்கும் என்று நம்பப்படுகிறது.

இத்துடன் கடந்த 14 வருடங்களாக காள பைரவர் பூஜை அஷ்டமி, தேய்பிறையில் மாதந்தோறும் விமரிசையாக நடைபெற்று வருகிறது.

இரண்டு   நந்தி:-

இந்தக் கோவில் இரண்டு நந்திகள் உள்ளன. முதலில் உள்ள நந்திக்கு கொம்பு, காது இல்லை. 

இதற்கு ஒரு கதை கூறப்படுகிறது. கோவில் நந்தி அருகிலுள்ள விவசாய நிலத்துக்கு சென்று மேய்ந்துள்ளது.

ஆத்திரமடைந்த விவசாயி இடுப்பில் இருந்த கத்தியை எடுத்து நந்தியின் காதையும், கொம்பையும் வெட்டியுள்ளார். மறுநாள் கோவிலுக்கு வந்து பார்த்தபோது, கற்சிலையான நந்தியின் காதில் இருந்து ரத்தம் வழிந்துள்ளது.

அதிர்ச்சியடைந்த விவசாயி, தனது தோட்டத்துக்கு வந்தது நந்தி என அறிந்ததும், தன் தவறை உணர்ந்து மன்னிப்பு கேட்டு வணங்கியுள்ளார். பின்னர் தவறுக்கு பிராயச்சித்தமாக, மற்றொரு நந்தி சிலை செய்து அதனை ஆலயத்தில் பிரதிஷ்டை செய்துள்ளார். 

பழைய நந்தியை அகற்ற முயற்சித்து முடியாமல் போனதால், அந்தப் பணியை கைவிட்டு விட்டனர். மறுநாள் வந்து பார்த்தபோது, பழைய நந்தி முன்பும், புதிய நந்தி பின்னாலும் மாறி இருந்துள்ளது. சிவன் கனவில் வந்து, உறுப்புகள் இல்லை என்றாலும், அதுவும் உயிர்தான் எனவும், பழைய நந்தி முன்னால் இருக்க வேண்டும்; மற்றது பின்னால்தான் என கூறியுள்ளார். 

அதன் அடிப்படையில், இன்றும் இரண்டு நந்திகள் அமைந்துள்ளன. பிரதோஷ காலங்களில், இரண்டு சிலைக்கும் பூஜை நடத்தப்படுகிறது.

மிளகீசன்:-

சுக்ரீஸ்வரர் கோயில், ராமாயண காப்பியத்துடன் தொடர்புடையது, வானர அரசன் சுக்ரீவன் தனது அண்ணனைக் கொன்றதற்குப் பிராயச்சித்தம் செய்ய இங்குள்ள ஈசனை லிங்கம் அமைத்து வழிபட்டதால் இக்கோவில் சுக்ரீஸ்வரர் என பெயர் பெற்றது, 

இந்த சிற்பத்தில் சுக்ரீவன் ஈசனை பூஜை செய்வதை காணலாம். உடலில் 'மரு' உள்ளவர்கள் இப்பெருமானுக்கு மிளகைப் படைத்து, அதில் சிறிதளவு மிளகை எடுத்து வந்து 8 நாள்களுக்கு உணவில் சேர்த்துச் சாப்பிட்டால் 'மரு'க்கள் மறைந்துவிடும்.

இவ் ஈசனை மக்கள் 'மிளகீசன்' என்றும் அழைக்கின்றனர். கல்வெட்டில் இவ்விறைவன், 'ஆளுடைய பிள்ளை' என்று குறிக்கப்படுகிறார்.

கோயில் குறித்த சிறப்பம்சங்கள்:

1) ஆவுடைநாயகி அம்மனுக்கென தனி கோவிலும், சிவனுக்கென தனி கோயிலும் அமைந்துள்ளது.

அம்மனுக்கான தனி கோவில், வலது புறம் இருப்பதால் பாண்டியர்களின் பணி என்பது தெரிகின்றது.

2) உத்தராயணமும் தட்சிணாயணமும் சந்திக்கும் - வேளையில் சூரிய ஒளி சுவாமி மீது படுகிறது.

3) கோயிலின் விமானம் சோழர்களின் பணியை காட்டுகின்றது.

4) ஒன்றின் பின் ஒன்றாக இரண்டு நந்திகள் உள்ள கோயில். இக்கோயிலில் உள்ள ஒரு நந்திக்கு இரண்டு காதுகளும் அறுபட்டுள்ளன. (இது தலவரலாறு தொடர்புடையது.)

5) ஐந்து லிங்கங்கள் உள்ள கோயில், மூன்று வெளியில், ஒன்று மூலவர், மற்றொன்று கண்ணுக்கு தெரியாதது.

6) கொங்கு பகுதியில் சிவன் கோயில்களில் இருக்கும் "தீப ஸ்தம்பம்" இந்த கோயிலில் கிடையாது.கோயில் கிழக்கே பார்த்து இருந்தாலும், உள்ளே செல்லும் படிகள் தெற்கு பார்த்து அமைந்துள்ளது.

7) கொங்கு நாட்டில் உள்ள நான்கு "சிற்ப ஸ்தலங்களில்" இந்த சுக்ரீஸ்வரர் கோயிலும் ஒன்று.

8) வியாபாரம் செய்ய கடல் வழியாக இந்தியாவின் மேற்கு பகுதிக்கு வந்த கிரேக்கர்களும், ரோமானியர்களும், கப்பலில் இருந்து இறங்கி பின் சாலை வழியாக அன்றைய சோழ நகருக்கு செல்ல பயன்படுத்திய வழி.

9) பண்டைய கொங்கு வர்தக வழியில் அமைந்திருந்த இந்த கோயிலின் (Kongu Trade Route) சிவனை "குரக்குதை நாயனார்" என்று வழிபட்டுள்ளனர்.

10) பாண்டியர்களால் கட்டப்பட்ட கோயிலாக இருப்பினும், இங்குள்ள சில சிற்பங்கள்,கி.பி. ஐந்தாம் நூற்றாண்டிலேயே, இந்த இடத்தில் சிவ லிங்கத்தை வைத்து அன்றைய பழங்குடி மக்கள் பூஜைகள் மேற்கொண்டு வந்துள்ளது தெரிகின்றது.

இவ்வளவு கலை அம்சத்துடனும், வரலாற்று பின்னணியுடனும் இருக்கும் இந்த கோயில் கோவை, திருப்பூர் செல்லும் போது கட்டாயம் சென்று காண வேண்டிய மிக அழகான கோயில்.

ஓம் நமசிவாய 

படித்து பகிர்ந்தது

 இரா இளங்கோவன் 

நெல்லிக்குப்பம். 

அனுமன் பஞ்சமுக ஆஞ்சநேயராக உருவெடுத்தது ஏன்?

ஹனுமத் ஜெயந்தி.

அனுமன் பஞ்சமுக ஆஞ்சநேயராக உருவெடுத்தது ஏன்?

ராம தூதரான ஆஞ்சநேயருக்கு.பல பெயர்கள் உண்டு. வாயுபுத்திரன், கேசரிமைந்தன், மாருதி, அனுமன், சொல்லிச் செல்வன், சுந்தரன் எனப் பல பெயர்களில் அவர் அழைக்கப்படுகிறார். ராமாயணக் காவியத்தின் முக்கிய கதாப்பாத்திரமே அவர்தானே.

சில கோயில்களில் அனுமார் பஞ்சமுகத்துடனும் காட்சி கொடுத்து அருள்பாலிப்பதைக் கண்டிருக்கிறோம். அவர்  பஞ்சமுகத்துடன் காணப்படுவது எதனால்? காரணம் இல்லாமல் காரியம் இல்லையே.  

உலகின் தலை சிறந்த வீரனான தன் மகன் இந்திரஜித்தின் இறப்பினாலும் படைகளின் தோல்வியாலும் கவலை கொண்ட இராவணன் தன்னுடைய சகோதரனான அகிராவணனிடம் இதைப்பற்றி கூறினான். தான் நிச்சயம் இராமனையும் இலக்குவனையும் கடத்திச்சென்று பாதாள உலகத்தில் சண்டிதேவிக்கு பலியிடுவேன் என்று  வாக்களித்தான்.

ஆனால் வீரமும் விவேகமும் நிறைந்த அனுமாரை மீறி அகிராவணனால் இராமனையும் லக்ஷ்மணனையும் கடத்த முடியவில்லை. அதனால் தந்திரத்தைக் கையாண்டார். 

விபீஷணன் உருவத்திற்கு மாறினான் அகிராவணன். இராமனையும் லக்ஷ்மணனையும் மயக்கத்தில் ஆழ்த்தி பாதாள உலகிற்குத் தூக்கி சென்றான். சற்று தாமதமாக விபீஷணன் மூலம் விவரமறிந்த அனுமன் தான் ஏமாற்றப்பட்டது மட்டுமன்றி இராமனைக் கடத்தி சென்றதினாலும் கடும் கோபமடைந்தார். அகிராவணனைக் கொன்று ராமனை மீட்பேன் என வானரப்படைகளுடன் பாதாளம்  புறப்பட்டார்.

பாதாள உலகின் வாயிற்காப்பானாக மகரத்வஜன் பொறுப்பேற்றிருந்தான். அனுமானை வணங்கிய மகரத்வஜன், அனுமானை ''நான் அகிராவணனின் சேவகன். வீர அனுமானின் புத்திரன். தாங்கள் யார்?''என்றான். தனக்குத் திருமணமே ஆகவில்லையே. புத்திரன் எப்படி இருக்க முடியும்? எனக் குழம்பினார், அனுமன். ஆனால் மகரத்வஜனின் ஆணித்தரமான பதிலால் எப்படி சாத்தியம் என்பதைத் தியான திருஷ்டியில் அறிந்து கொண்டார். 

(இராவணனால் அனுமானின் வாலில் மூட்டப்பட்ட தீயானது இலங்கையையே தீக்கரையாக்கியது. அந்த உஷ்ணத்தைத் தாங்க முடியாத அனுமார் பெரிய நீர் நிலையில் மூழ்கி உஷ்ணத்தைக் குறைத்துக் கொண்டார். அப்பொழுது உஷ்ணத்தால் வெளிவந்த உயிரணு, 'மகர்' என்னும் பெண் மச்சத்தின் உடலுக்குள் சென்றது. மகர் கருவுற்று ஒரு புத்திரனை ஈன்றது. அவனே மகரத்வஜன்.

தன் மகன் என்பது உண்மைதான் என்று அறிந்து கொண்ட அனுமன் தான் மகரத்வஜனின் தந்தையாகிய அந்த அனுமன் என்பதைக் கூறி நடந்த விபரங்களை எடுத்துரைத்து பாதாள அரண்மனைக்கு வழிவிடுமாறு கூறினார். 

''நீங்கள் என் தந்தையானாலும் என்னால் உங்களை அனுமதிக்க முடியாது. ஒன்று என்னுடன் போர்  செய்யுங்கள் அல்லது திரும்பி செல்லுங்கள்''  என்றான்.

வேறு வழியின்றி தந்தையும் மகனும் போரிட்டினர். மிகத் தீவிரமாக நடந்த சண்டையில் யார் வெல்வார் என வானரப் படை பயந்தது. அனுமன் தன் பலத்தைப் பலமடங்காக்கி இறுதியில் மகரத்வாசனை தோற்கடித்தார். அனுமன் தனியாகப் பாதாள அரண்மனையின் உள்ளே சென்றார்.

அகிராவணனைக்  கண்டதும் கோபத்தில் பலவாறு தாக்க முற்பட்டார். எவ்வளவு முயற்சித்தும் மாயைகளை உடைத்து அகிராவணனை வெற்றி  கொள்ள முடியவில்லை. அகிராவணது சக்தியை உடைக்க ஒரே வழி ஐந்து திசைகளில் உள்ள வெவ்வேறான விளக்குகளை ஒரே நேரத்தில் அணைப்பது மட்டுமே என்று அறிந்து கொண்டார். 

அச்சமயமே அனுமன் பஞ்சமுக ஆஞ்சநேயராக (அனுமன், நரசிம்மம், வராகம், ஹயக்ரீவர், கருடன்) உருவெடுத்து ஐந்து திசைகளில் உள்ள விளக்குகளை ஒரே சமயத்தில்  அணைத்தார்.

அடுத்த கணமே அகிராவணனின் மாயசக்தி குறைந்தது, ஒரே  வீச்சில் அவன் உயிர் பறித்தார் ஆஞ்சநேயர். இராமனையும் லக்ஷ்மணனையும் மீட்டு விபீஷணனுக்குக் கொடுத்த வாக்கைக் காப்பாற்றினார். ராமபக்தன் என்பதையும் நிரூபணம் செய்தார். 

பஞ்சமுக ஆஞ்சநேயருக்குப் பல இடங்களில் கோயில்கள் அமைந்துள்ளன. இருப்பினும் மந்திராலயம் சமீபத்தில் உள்ள பஞ்சமுகி ஆஞ்சநேயர் கோயில் விசேஷமாக்க கருதப்படுகிறது. காரணம் என்ன? ஸ்ரீ ராகேந்திரர் இங்கே 12 வருட காலம் கடும் தவமிருந்தார். 

அப்பொழுது  ஸ்ரீ ஹனுமானின் பஞ்ச முகம், ஸ்ரீ வெங்கடேசப் பெருமாள், ஸ்ரீ வராகர், ஸ்ரீ மகாலக்ஷ்மி , ஸ்ரீ கருட வாகனத்துடன் ஸ்ரீ மகாவிஷ்ணு, ஸ்ரீ லக்ஷ்மி நரசிம்மர் ஆகியோர் ஸ்ரீ ராகவேந்திரருக்கு இந்தத் தலத்தில் காட்சி கொடுத்ததாக்க கூறப்படுகிறது. இதற்குப்பிறகே ஸ்ரீராகவேந்திரர் மந்திராலயத்தில் ஜீவசமாதி அடைந்தார் எனக் கூறப்படுகிறது. 

ஆஞ்சநேயர் பஞ்சமுகி என்னும் இடத்தில் ஒரு பாறையின் மேல் சுயம்பு வடிவமாக எழுந்தருளியிருக்கிறார். ஐந்து முகங்கள் கொண்டதால் பஞ்சமுகி என்பதே இத்தலத்திற்குப் பெயரானது. 

கிழக்கு நோக்கி இருப்பது அனுமன் முகம், தெற்கு நோக்கி இருப்பது நரசிம்ஹர், மேற்கு நோக்கி இருப்பது கருடர், வடக்கு நோக்கி இருப்பது வராஹர், உச்சியில் இருப்பது ஹயக்ரீவர். இம்முகங்கள் நமக்கு அறியப்படுத்து வன என்ன? ஐந்து வகையில் இறை வழிபாடு செய்யலாம். 

இறைவன் நாமாவளி சொல்வது, இறைவனை ஸ்மரித்து கொண்டே இருப்பது, இறைவனைக் கீர்த்தனைகள் மூலம் பாடி துதிப்பது, இறைவனிடம் யாசிப்பது கடைசியில் இறைவனிடம் சரணாகதி அடைவது. பஞ்சமுகத்தில் உள்ள ஐந்து முகங்களும் இந்த ஐந்து நிலைகளைத் தான் குறிக்கிறது.

ஹனுமத் ஜெயந்தி அன்று ஸ்ரீ அனுமான் சலீஸா படிப்பது மிகவும் மேன்மையைத் தரும். பல மடங்கு பலனைத்தரும். வேண்டிய சௌபாக்கியத்தினைத் தரும்.

ஆஞ்சநேயர் காயத்ரி மந்திரம்

ஓம் ஆஞ்சநேயாய வித்மஹே

வாயுபுத்ராய தீமஹி

தன்னோ ஹனுமன் ப்ரசோதயாத்.

ஓம் நமசிவாய

 படித்து பகிர்ந்தது

 இரா இளங்கோவன்

 நெல்லிக்குப்பம். 

சீதா தேவியால் சிரஞ்சீவி’ என்ற ஆசி பெற்றவர் அனுமன்..

அனுமன் ஜெயந்தி. 

⚛️அறிவு, உடல் வலிமை, துணிச்சல், புகழ், ஆரோக்கியம், வாக்கு சாதுர்யம், வீரம் ஆகிய அனைத்தையும் அனுமன் ஒன்றாக அமையப் பெற்றவர். சீதா தேவியால் ‘சிரஞ்சீவி’ என்ற ஆசி பெற்றவர். அவர் பிறந்த தினமே ‘அனுமன் ஜெயந்தி’யாக கொண்டாடப் படுகிறது. அனுமன் மார்கழி மாதம் அமாவாசை மூலம் நட்சத்திரத்தில் அவதரித்தவர். இராமாயணத்தில் இணையற்ற இடத்தைப் பிடித்தவர்.

⚛️தமிழ்நாடு, கேரளா போன்ற தென் மாநிலங்களில் மார்கழி மாதம் அமாவாசை மூல நட்சத்திரத்தன்று அனுமன் ஜெயந்தியாக அனைத்து அனுமார் கோயில்களிலும் வைணவக் கோயில்களிலும் சிறப்பாகக் கொண்டாடப்படுகிறது. வைணவக் கோயில்களில் அனுமாருக்கு தனி சன்னதி உண்டு. அனுமாரை திருமாலின் சிறிய திருவடி என்று பேற்றுகின்றனர்.

🔯“இராமா” என சொல்லுகின்ற இடத்தில் எல்லாம் அனுமன் இருப்பது நிச்சயம் என்பது ஐதீகம். இவர் இருக்கும் இடத்தில் வெற்றியைத் தவிர வேறொன்றும் இல்லை என்பதும் நம்பிக்கையாகும்.

⚛️அனுமன் பெயர் காரணம்:

🔯சமஸ்கிருதத்தில் “ஹனு” என்பதற்கும் “தாடையும்”, “மன்” என்பதற்கு “பெரிதானது” என்பதால், “ஹனுமன்” என்பதற்கு பெரிய தாடையை உடையவன் என ஒரு பெயர்க் காரணம் உண்டு.

⚛️அனுமனுக்கு வேறு பெயர்கள்:

தமிழ்நாட்டில் அனுமன், அனுமார், ஆஞ்சநேயர் என்றும், கர்நாடகத்தில் அனுமந்தய்யா என்றும் ஆந்திரத்தில் ஆஞ்சநேயலு, சஞ்சீவய்யா என்ற பெயர்களாலும் அழைக்கப்படுகிறார். மகாராஷ்டிரத்தில் மாருதி, மஹாவீர் என்றும், உத்திரபிரதேசம் மற்றும் இந்தி பேசும் இடங்களில் பஜ்ரங்பலி என்றும் அழைக்கப்படுகிறார்.

🔯அனுமன் ஜெயந்தி விரதம்:

அனுமன் ஜெயந்தி அன்று விரதம் இருப்பவர்கள் அதிகாலை குளித்து இராம நாமம் சொல்லி வணங்கி உபவாசம் தொடங்க வேண்டும். அருகில் இருக்கும் இராமர் அல்லது அனுமன் கோயிலுக்குச் சென்று, அனுமனுக்குத் துளசி மாலை, வெற்றிலை மாலை சாத்தி வழிபடலாம். வசதி இருந்தால் வடை மாலை சாத்தியும், வெண்ணெய்க் காப்பு சாத்தியும் வழிபடலாம். கோயிலுக்கு வரும் பக்தர்களுக்கு அன்னதானமும் செய்யலாம்.

🔯அன்று வீட்டில் ஆஞ்சநேயர் படம் வைத்து அஷ்டோத்திரங்கள் சொல்லி பூஜை செய்து, வெண்ணெய், உளுந்துவடை, பொரி, பழம், அவல், கடலை, சர்க்கரை, தேன், பானகம், இளநீர் போன்றவைகளை நைவேத்தியம் செய்யலாம். அன்று துளசிதாசரின் அனுமன் சாலிஸா, சுந்தரகாண்டம் பாராயணம் செய்தும், ஸ்ரீராம நாமம் ஜெபித்தும், அனுமன் காயத்ரி சொல்லியும் அவரது அருளைப் பெறலாம். ஸ்ரீராமஜெயம் என எழுதுவதும் நல்ல பலன்களை அளிக்கும்.

⚛️அனுமன் ஜெயந்தி அன்று நாம் விரதம் இருந்தால் சகல மங்களங்களும் உண்டாகும், நினைத்த காரியம் கைகூடும், வாழ்க்கையில் நலம் பெருகும்.

🔯அனுமன் காயத்ரி:

⚛️‘ஓம் ஆஞ்சநேயாய வித்மஹே,

வாயுபுத்ராய தீமஹி, தந்நோ

ஹனுமன் ப்ரசோதயாத்’

என்ற அனுமன் காயத்ரி சொல்லி அவரது அருள்பெறுவோம்.

🔯அனுமனுக்கு மாலை அணிவிப்பதின் பலன்:

🔯அனுமனுக்கு துளசிமாலை சாத்துவதால் ஶ்ரீ இராம பிரான் கடாட்சம் பெற்று நற்கல்வி, செல்வம் பெறலாம்.

🔯அனுமனுக்கு வெற்றிலை மாலை சாத்துவதால் நாம் ஈடுபடும் அனைத்து செயல்களிலும் வெற்றி பெறலாம்.

🔯அனுமனுக்கு வடை மாலை அணிவித்து தானம் செய்தால் கிரக தோஷம் நீங்கி செல்வ பாக்கியம் பெறலாம்.

🔯அனுமனுக்கு எலுமிச்சம்பழம் மாலை சாத்துவதால் வாழ்வில் எதிரிகளின் தொல்லை நீங்கப் பெறலாம்.

🔯வெண்ணெய் சாத்துதல்:

🔯இராம, இராவண யுத்தத்தின் போது ராமரையும் லட்சுமணரையும் தன் தோளில் சுமந்து கொண்டு செல்லும் போது இராவணனின் சரமாரியாய் தொடுக்கப்பட்ட அம்பால் அனுமான் தாக்கப்பட்டார். அந்த காயத்திற்கு மருந்தாக தன் உடலில் வெண்ணெய் பூசிக்கொண்டாராம். அதனால் ஆஞ்சநேயருக்கு வெண்ணெய் சார்த்தும் பழக்கம் வந்துள்ளது. வெண்ணெய் சீக்கிரமாக உருகும் தன்மை உள்ளதால் அந்த வெண்ணை உருகுவதற்கு முன்பாகவே நாம் நினைத்த காரியம் நடந்து விடும் என்பதும் ஐதீகம்.

🔯சனி பகவான் பாதிப்பு நீங்க:

🔯எல்லோரையும் விதிப்படி கலங்கச்செய்யும் சனிபகவனையே ஒரு முறை அனுமன் கலங்கச் செய்தார்.

🔯இராம பிரான் சீதாபிராட்டியாரை மீட்க இராவணனுடன் போரிடுவதற்காக இலங்கைக்கு பாலம் அமைக்கும் திருப்பணியில் அனுமன் தீவிரமாக இருந்தபோது சனி பகவான் அனுமனிடம் வந்து “உன்னை நான் விதிப்படி இரண்டரை மணி நேரம் பிடிக்க வேண்டும். உன் உடலில் ஏதாவது ஒரு பகுதியில் இரண்டரை மணி நேரம் இருந்துவிட்டு போய்விடுகிறேன்” என்றார். அதற்கு அனுமனும் “கடமையை செய்து கொண்டிருப்பவர்களை தொந்தரவு செய்வது தவறு, வேண்டுமென்றால் எனது தலை மேல் உட்கார்ந்து கொள்” என்றார். சனி பகவானும் தலை மேல் ஏறி அமர்ந்தார். அனுமன் கற்களையும் மலைகளையும் மாறி மாறி தலையில் ஏற்றி தனது பணியினை தொடர்ந்தார். பாரம் தாங்க முடியாத சனிபகவான் அலறினார். “சொன்ன சொல் தவறக்கூடாது. இரண்டரை மணி நேரம் கழித்து தான் இறங்க வேண்டும்” என்றார் அனுமன். இரண்டரை மணி நேரம் கழித்து தலையிலிருந்து இறங்கிய சனிபகவான் அனுமனிடம் இனி “இராம பக்தர்களையும் ஆஞ்சநேய பக்தர்களையும் தொடுவதில்லை” என கூறிவிட்டு சனிபகவான் அகன்றார்.

🔯அனுமனுக்கு துளசி சாத்தி வழிபட்டால், சனீஸ்வர பகவானின் பாதிப்புகளில் இருந்து விடுபடலாம்.

🔯அனுமனுக்கு சாத்தப்படும் வடைமாலை பற்றி காஞ்சி மகா பெரியவா:

🔯ஒரு முறை வட நாட்டில் இருந்து ஓர் அன்பர் மஹா பெரியவாளைத் தரிசிக்க வந்தார். மனம் குளிரும் வண்ணம் அவரது தரிசனம் முடிந்த பிறகு, சற்றே நெளிந்தவாறு நின்றார். இவரது மனதில் ஏதோ கேள்வி இழையோடுகிறது என்று தீர்மானித்த பெரியவா, “என்ன சந்தேகம். கேளுங்கோ” என்றார். அந்த வட நாட்டு அன்பருக்கு ஆஞ்சநேயர் குறித்த ஒரு சந்தேகம் நெடு நாட்களாகவே இருந்து வந்தது. இது குறித்துப் பலரிடமும் விளக்கம் கேட்டும் எவரிடம் இருந்தும் சரியான பதில் கிடைக்கவில்லை. அந்த சந்தேகத்தை மஹா பெரியவாளிடம் கேட்கலாமா என்று யோசித்துக் கொண்டே... “ஆஞ்சநேயரைப் பற்றி எனக்கு ஒரு சந்தேகம்” என்றார் அன்பர். “வாயு புத்திரனைப் பத்தியா… கேளேன்” என்றார் ஸ்வாமிகள். “ஸ்வாமி.. ஆஞ்சநேயர் பலருக்கும் இஷ்ட தெய்வமாக இருக்கிறார். எல்லாருமே அவரை வணங்கி அருள் பெறுகிறார்கள். ஆனால் அவருக்கு அணிவிக்கப்படும் மாலை பற்றித் தான் என் சந்தேகம் என்றார். பெரியவா மெளனமாக இருக்கவே… அன்பரே தொடர்ந்தார்: “அனுமனுக்குத் தென்னிந்தியாவில் காரமான மிளகு கலந்த வடை மாலை சாற்றுகிறார்கள். ஆனால் நான் வசிக்கும் வட இந்தியாவிலோ ஜாங்கிரி மாலை சாற்றுகிறார்கள், ஏன் இப்படி வித்தியாசப்படுகிறது ?” என்று கேட்டு விட்டு பதிலுக்காக மஹா பெரியவாளையே பார்த்துக் கொண்டிருந்தார். தன்னுடைய நீண்ட நாளைய சந்தேகத்துக்கு, பெரியவாளிடம் இருந்தாவது தகுந்த பதில் வருமா என்கிற எதிர்பார்ப்பு அவரது முகத்தில் இருந்தது. பெரியவா சொல்லப் போகும் பதிலுக்காக அங்கு கூடி இருந்த அனைவருமே ஆவலுடன் இருந்தனர். பெரியவா ஒரு புன்முறுவலுக்குப் பிறகு பதில் சொல்ல ஆரம்பித்தார்...

🔯“பெரும்பாலோர் வீட்டில் கைக்குழந்தைகள் சாப்பிடுவதற்கு அடம் செய்தால், வீட்டுக்கு வெளியே குழந்தையை இடுப்பில் தூக்கிக் கொண்டு வந்து, ‘அதோ பார் நிலா…’ என்று அந்தக் குழந்தைக்கு சந்திரனை காட்டி உணவை சாப்பிட வைப்பார்கள். அழகான நிலாவையும் வெளிக்காற்றையும் சுவாசிக்க நேரும் குழந்தைகள், அடம் பண்ணாமல் சமர்த்தாக உணவை சாப்பிட்டு விடும். குழந்தைகளின் அம்மாக்களுக்கும் இது சந்தோஷத்தைத் தரும். உங்களில் பலர் வீடுகளிலும் இது நிகழ்ந்திருக்கும். சாதாரண குழந்தைகளுக்கு நிலா விளையாட்டுப் பொருள் என்றால், இராமதூதனான அனுமனுக்கு பார்ப்பதற்கு ஏதோ ஒரு பழம் போல் காட்சி தந்த சூரியனை அடுத்த கணமே தன் கையில் பிடித்துச் சாப்பிட வேண்டும் என்று ஆசை ஏற்பட்டது. அடுத்த கணமே அது தன் கையில் வந்து விட வேண்டும் என்று விரும்பினார். வாயுபுத்திரன் ஆன அவர் வாயு வேகத்தில் வானத்தில் பறந்தார். பிறந்து சில நாட்களே ஆன ஒரு பச்சிளங்குழந்தை, சூரியனையே விழுங்குவதற்காக இப்படிப் பறந்து செல்வது கண்டு தேவர்கள் திகைத்தனர். வாயுபுத்திரனின் வேகத்தை எவராலும் தடுக்க முடியவில்லை. ராகு பகவான் அதே நேரத்தில் ராகு கிரஹமும் சூரியனைப் பிடித்து கிரஹண காலத்தை உண்டு பண்ணுவதற்காக நகர்ந்து கொண்டிருந்தது. ஆனால், அனுமன் சென்ற வேகத்தில் ராகு பகவானால் செல்ல முடியவில்லை. சூரியனைப் பிடிப்பதற்காக நடந்த இந்த பந்தயத்தில் அனுமனிடம் ராகு பகவான் தோற்றுப் போனார்.

🔯இந்த நிகழ்ச்சியின் முடிவாக, அனுமனுக்கு ஒரு அங்கீகாரம் கொடுத்தார் ராகு பகவான். அதாவது, தனக்கு மிகவும் உகந்த தானியமான உளுந்தால் உணவுப் பண்டம் தயாரித்து எவர் ஒருவர் அனுமனை வணங்குகிறாரோ, அவரை எந்தக் காலத்திலும் தான் பீடிப்பதில்லை என்றும், தன்னால் வரும் தோஷங்கள் அனைத்தும் நிவர்த்தி ஆகி விடும் எனவும் ராகு பகவான் அனுமனிடம் தெரிவித்தார். உளுந்துப் பண்டம் எப்படி இருக்க வேண்டும் என்றும் ராகு பகவான் அனுமனிடம் சொன்னார். அதாவது தன் உடல் போல் (பாம்பு போல்) வளைந்து இருக்க வேண்டும் எனவும் சொன்னார். அதைதான் உளுந்தினால் தயாரித்த வடைகளை மாலை ஆக்கி அனுமனுக்கு சமர்ப்பிக்கிறோம். ஆக, ராகு தோஷத்தால் பாதிக்கப்பட்டிருப்பவர் உளுந்து தானியத்தால் ஆன வடை மாலைகளை அனுமனுக்குச் சார்த்தி வழிபட்டால், ராகு தோஷம் நிவர்த்தி ஆகி விடும் என்பது இதில் இருந்து தெரிகிறது. இப்போது மிளகு வடை மற்றும் ஜாங்கிரி விஷயத்துக்கு வருகிறேன். வடையாகட்டும்… ஜாங்கிரி ஆகட்டும். இரண்டுமே உளுந்தினால் செய்யப்பட்டவை தான். தென்னிந்தியாவில் இருப்பவர்கள் அனுமனுக்கு உளுந்து வடை மாலை சாற்றுகிறார்கள். இங்கே உப்பளங்கள் அதிகம் உள்ளன. இங்கிருந்து பல வெளி நாடுகளுக்கும் உப்பு அதிக அளவில் ஏற்றுமதி ஆகிறது. ஆகவே, உப்பும் உளுந்தும் கலந்து கூடவே மிளகும் சேர்த்து வடைகள் செய்து அவைகளை பாம்பின் உடல் போல் மாலையாகத் தயாரித்து, அனுமனுக்கு சார்த்தி வழிபடும் வழக்கம் நம்மூரில் உண்டு. வட இந்தியாவில் பல மாநிலங்களில் கரும்பு விளைச்சல் அமோகமாக இருக்கிறது. சர்க்கரை பெருமளவில் அங்கு தயாராகி வெளிநாடுகளுக்கெல்லாம் ஏற்றுமதி ஆகிறது. தவிர, வட இந்தியர்கள் இனிப்புப் பண்டங்களை அதிகம் விரும்பிச் சாப்பிடுபவர்கள். அதுவும், அவர்களுக்குக் காலை நேரத்திலேயே பிரேக் ஃபாஸ்ட் வேளையில் இனிப்புப் பண்டங்களையும் ரெகுலர் டிஃபனோடு சேர்த்துக் கொள்கிறார்கள். இனிப்பு விரும்பிகள் ஆன அவர்கள் உளுந்து மற்றும் சர்க்கரையால் ஆன ஜாங்கிரி மாலையை அனுமனுக்கு சார்த்தி வழிபடுகிறார்கள். எது எப்படியோ… அனுமனிடம் ராகு பகவான் கேட்டுக் கொண்டபடி வளைந்த உளுந்து மாலைகள் அனுமனுக்கு விழுந்து கொண்டே இருக்கின்றன. அது உப்பாக இருந்தால் என்ன… சர்க்கரையாக இருந்தால் என்ன? மாலை சார்த்தி வழிபடும் பக்தர்களுக்கு ராகு தோஷம் தொலைந்து போனால் சரி” என்று சொல்லி விட்டு சிரித்தார் மஹா பெரியவா. பெரியவாளின் விளக்கமான இந்த பதிலைக் கேட்ட வட நாட்டு அன்பர் முகத்தில் பரவசம். சடாரென மகானின் திருப்பாதங்களுக்கு ஒரு நமஸ்காரம் செய்து தன் நன்றியைத் தெரிவித்தார். கூடி இருந்த அநேக பக்தர்களும் பெரியவாளின் விளக்கத்தால் நெகிழ்ந்து போனார்கள்.

⚛️அனுமன் ஜெயந்தி நன்னாளில் இராமநாமம் எங்கெல்லாம் கேட்கிறதோ அங்கெல்லாம் அனுமன் வந்து அருள் புரிவார். எனவே அவரை இராமநாமம் சொல்லி வரவேற்போம். அவரது நல்லருள் பெறுவோம்

ஸ்ரீராம ஜெயம் ஸ்ரீராம ஜெயம் ஸ்ரீராம ஜெயம்🙏🙏🙏

ஓம் நமசிவாய

 படித்து பகிர்ந்தது

 இரா இளங்கோவன் 

நெல்லிக்குப்பம். 

தமிழ் நாட்டில் முக்கிய ஆஞ்சநேய ஸ்வாமி கோவில்கள்:-

*அனுமத் ஜெயந்தி ஸ்பெஷல்*

தமிழ் நாட்டில் ஆஞ்சநேய ஸ்வாமி கோவில்கள்:-

01. மயிலாப்பூர் வீர ஆஞ்சநேய ஸ்வாமி கோவில்

02. தஞ்சை ஸ்ரீ ஜயவீர ஆஞ்சநேயர் கோவில்

03. ஸ்ரீ வீர ஆஞ்சநேயர் ஸ்வாமி ஸந்நதி, கோதண்டராமர் கோவில், செங்கல்பட்டு

04.வீர ஆஞ்சநேய ஸ்வாமி கோவில்

அனந்தமங்கலம்

05. ஸ்ரீ தாஸ் ஆஞ்சநேயர் கோவில் , தர்மபுரி

06. ஸ்ரீ ஆதிவ்யாதிஹர ஸ்ரீ பக்த ஆஞ்சநேயர் கோவில், நங்கை நல்லூர் (நங்கநல்லூர்) சென்னை

07. அனுமன் காட்டிய திருச்சித்திரகூடம், தில்லை விளாகம், திருத்துறைப்பூண்டி 

08. ஸ்ரீ சஞ்சீவி ராயர் கோவில், வல்லம், தஞ்சாவூர்

09. ஸ்ரீ முக்யப்ராணா (ஆஞ்சநேய ஸ்வாமி)

கோவில், திருவல்லிக்கேணி, சென்னை

10. ஸ்ரீ வீர மங்கள அனுமார், நல்லத்தூர், திருத்தணி

11. ஸ்ரீ யோக ஆஞ்சநேயர், சோளிங்கர், வேலூர் மாவட்டம்

12.  ஸ்ரீ சஞ்சீவிராயர் கோவில், ஐயன்குளம், காஞ்சீபுரம்

13. ஸ்ரீ ஆஞ்சநேயர் கோவில், நாமக்கல், நாமக்கல் மாவட்டம்

14. ஸ்ரீ ஜய ஆஞ்சநேயர் கோவில், லாலாபேட்டை, கரூர்

15. ஸ்ரீ ஆஞ்சநேயர் கோவில், கல்லுக்குழி, திருச்சி

 

16. ஸ்ரீ வீர ஆஞ்சநேயர் கோவில், கடலூர்

17.  ஸ்ரீ அனுவாவி ஆஞ்சநேயர், கோயம்புத்தூர்

18. ஸ்ரீ ஆஞ்சநேயர், நாலுகால் மண்டபம், தஞ்சாவூர்

19. பங்க் ஸ்ரீ ஆஞ்சநேயர் கோவில், தஞ்சாவூர்

20. தாஸ ஸ்ரீ ஆஞ்சநேயர், புது அக்ரஹாரம், திருவையாறு

21. ஸ்ரீ பிரதாப வீர ஹனுமார் [மூலை ஆஞ்சநேயர்] கோவில், தஞ்சாவூர்

22. சஞ்சீவராயன் எனும் ஸ்ரீ ராம பக்த ஆஞ்சநேயர் கோவில், சைதாப்பேட்டை, சென்னை

23. ஸ்ரீ வீர ஆஞ்சநேயர் கோவில், பாவாஸ்வாமி அக்ரஹாரம், திருவையாறு

24. ஸ்ரீ ஆஞ்சநேய ஸ்வாமி கோவில், பஜார் தெரு, கும்பகோணம்

25. ஸ்ரீ கோபிநாத ஸ்வாமி கோவில், இரட்டை ஆஞ்சநேயர், பட்டீஸ்வரம், கும்பகோணம்

26. ஸ்ரீ ஆஞ்சநேயர் கோவில், வடக்குக்கரை, பொற்றாமரைக் குளம், கும்பகோணம்,

27. விஸ்வரூப ஸ்ரீ ஹனுமார் சுசீந்திரம், கன்யாகுமரி

28. சேது பந்தன் ஸ்ரீ ஜய வீர ஆஞ்சநேயர் கோவில், சேதுக்கரை, ராமநாதபுரம் மாவட்டம்

29. ஸ்ரீ பெரிய ஆஞ்சநேயர் கோவில், ஆம்பூர், வேலூர் மாவட்டம்

30. ஸ்ரீ சஞ்சீவிராயன் கோவில், ஆவூர், [திருச்சி அருகில்]

புதுக்கோட்டை மாவட்டம்

31. ஸ்ரீ அபயஹஸ்த ஜயவீர ஆஞ்சநேயர் கோவில், கிருஷ்ணாபுரம், திருநெல்வேலி

32. ஸ்ரீ ஜயவீர ஆஞ்சநேய சுவாமி கோவில், சிம்மக்கல், மதுரை

33. ஸ்ரீ ராமநாம ஆஞ்சநேயர், கல்யாண வேங்கடேச  கோவில், சிம்மக்கல், மதுரை

34. ஸ்ரீ வீர ஆஞ்சநேய சுவாமி கோவில், எம்.கோ.என். சாலை, மாங்குளம், கிண்டி சென்னை

35. ஸ்ரீ வீர விஜய அபய ஆஞ்சநேய ஸ்வாமி கோவில், டி.பி.பாளையம், குடியாத்தம்,, வேலூர்

36. ஸப்தஸ்வர ஸ்ரீ ஆஞ்சநேயர், வானமுட்டி பெருமாள் கோவில், கோழிக்குத்தி, மயிலாடுதுறை

37.  ஸ்ரீ சஞ்சீவிராய பெருமாள் கோவில் ஃ மண்ணச்சநல்லூர், திருச்சி

38. ஸ்ரீ வீர ஆஞ்சநேய ஸ்வாமி கோவில், ஆரணி

39. ஸ்ரீ வீர ஆஞ்சநேயஸ்வாமி கோவில்,  கல்லணை

40.  ஸ்ரீ ஹனுமந்தராயன் கோவில், தாதா முத்தியப்பன் தெரு, ஜார்ஜ் டவுன், சென்னை

41. ஸ்ரீ வீர ஆஞ்சநேயஸ்வாமி கோவில், காக்களூர், திருவள்ளூர் {வியாசராஜா பிரதிஷ்டை செய்தது}

42.  ஸ்ரீ பால ஆஞ்சநேயர், ஸ்ரீ லக்ஷ்மி நரசிம்மர் கோவில், சிங்கிரி, வேலூர் மாவட்டம்

43. ஸ்ரீ ஹனுமார் கோதண்டராமர் கோவில், முடிகொண்டான், நன்னிலம் தாலுகா

44. ஸ்ரீ வீர ஆஞ்சநேயர் கோவில், படவேடு, திருவண்ணாமலை மாவட்டம்

45. ஸ்ரீ ஸ்வாமி ஹாதிராம்ஜீ மடத்தின் ஹனுமான், வேலூர்

46. ஸ்ரீ ஆஞ்சநேயஸ்வாமி கோவில், கிருஷ்ணராயர் தெப்பக்குளம், மதுரை

47. ஸ்ரீ ஆஞ்சநேயர் கோவில், சத்தியவிஜய நகரம், ஆரணி

48.  ஸ்ரீ ஆஞ்சநேயர் கோவில், கருவேலி, குடவாசல் தாலுக்கா, திருவாரூர் மாவட்டம்

49. ஸ்ரீ ஆஞ்சநேயஸ்வாமி கோவில், பெரிய நாயக்கன் பாளையம், கோயம்புத்தூர்

50. ஸ்ரீ ஆஞ்சநேயர் கோவில், பூவனூர், நீடாமங்கலம் தாலுக்கா, தஞ்சாவூர் மாவட்டம்

51. ஸ்ரீ ஆஞ்சநேயஸ்வாமி கோவில், பெர்க் தெரு, ஏழு கிணறு, ஜார்ஜ் டவுன், சென்னை

52. ஸ்ரீ ரங்கநாதர் கோவில் ஆஞ்சநேயர், காரமடை, கோயம்புத்தூர்

53. ராணி மங்கம்மாள் கட்டிய ஸ்ரீ ஆஞ்சநேயர் கோவில், அவுனியாபுரம், மதுரை

54. ஸ்ரீ வீர ஆஞ்சநேயர் கோவில் , நகராட்சி அலுவலக வளாகம், வேலூர்

55. ஸ்ரீ ஆஞ்சநேயர் கோவில், உசிலம்பட்டி சாலை, திருமங்கலம், மதுரை

56. ஸ்ரீ சீதாராம ஆஞ்சநேயர் கோவில், சந்தப்பேட்டை, குடியாத்தம் வேலூர் மாவட்டம்

57. ஸ்ரீ பாவபோத ஆஞ்சநேயர் கோவில், ஸ்ரீ ரங்கம் , தமிழ்நாடு

58. ஸ்ரீ முக்யப்ராண கோவில், மேயர் சிட்டிபாபு சாலை, திருவல்லிக்கேணி, சென்னை

59. ஸ்ரீ ஹனுமந்தராயன் கோவில், நொய்யல் நதிக்கரை, பேரூர், கோயம்புத்தூர்

 

60. ஸ்ரீ ஜெயமங்கள ஆஞ்சநேயர் கோவில், இடுகம்பாளையம், சிறுமுகை, கோவை

61. ஸ்ரீ ஹனுமந்தராயன் கோவில், கிழக்கு ஹனுமந்தராயன் கோவில் தெரு, மதுரை

62.  வீர சுதர்ஸன ஆஞ்சநேயர் கோவில், ஆதனூர், பாபநாசம் தாலுக்கா, தஞ்சாவூர் மாவட்டம்

63. வீர பெருமாள் கோவில் ஆஞ்சநேயர், மானாமதுரை, சிவகங்கை மாவட்டம்

64. ஸ்ரீ ஆஞ்சநேயர் கோவில், பைராகி மடம், தெற்கு சித்திரை வீதி, மதுரை

65. எல்லைக்கரை ஸ்ரீ ஆஞ்சநேய ஸ்வாமி கோவில், ஸ்ரீ ரங்கம்

( வியாசராஜ பிரதிஷ்டை செய்தது)

66. ஸ்ரீ ஆனந்த ஆஞ்சநேயர், ஜகத்ரக்ஷக பெருமாள் கோவில், திருக்கூடலூர்

67. ஸ்ரீ ஆஞ்சநேயஸ்வாமி, தல்லாகுளம் பெருமாள் கோவில், மதுரை

68. ஸ்ரீ அபயஹஸ்த ஆஞ்சநேயர், திருக்கோடிகாவல், தஞ்சாவூர் மாவட்டம்

69. ஸ்ரீ ஆஞ்சநேயர், ஸ்ரீ சீதாராம ஆஞ்சநேய மடாலயம், அலங்கார் திரையரங்கம் பின்புறம், மதுரை

70.  ஸ்ரீ ஹனுமார் கோவில், நவபிருந்தாவனம், சென்பாக்கம், வேலூர் (ஸ்ரீ வியாசராஜ பிரதிஷ்டை செய்தது)

71. ஸ்ரீ வீர ஆஞ்சநேயர், ரங்கவிலாஸ் மண்டபம், ஸ்ரீ ரங்கம்

72. ஸ்ரீ சுந்தர வீர ஆஞ்சநேயர் கோவில், தர்மராஜா கோவில் வீதி, திருப்பத்தூர்

         

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம். க்ஷ

பைரவர் வீரதீரச் செயல்கள் புரிந்த இடங்கள் அட்ட வீரட்டானங்கள் என்று பெயர்.....

பைரவருக்கும் எட்டுபடை வீடுகள்...!

பைரவரின் எட்டு படைவீடுகளுக்கு அட்ட வீரட்டானங்கள் என்று பெயர்.பைரவர் வீரதீரச் செயல்கள் புரிந்த இடங்களாக இருப்ப தால் இவை இந்தப் பெயர் பெற்றன.

1.திருக்கண்டியூர்

இத்திருத்தலம் தஞ்சை திருவையாறு சாலையில் திருவையாற்றிற்கு மிக அருகில் அமைந்திருக்கிறது. இத்திருத்தலம் ஆதி வில்வாரண்யம் என வழங்கப்படுகிறது.

இறைவனின் திருநாமம் பிரமசிரகண்டீஸ்வரர்.பிரம்மனின் அகந்தையை அழித்து அருள் கொடுத்த இடம்.இத் தலத்திற்கு வந்து பக்தியோடு வழிபாடு செய்தால், மறுபிறவியில்லை;

திருமணத்தடை நீக்கும் பரிகார ஸ்தலமாக விளங்குகிறது. 

இந்தக் கோவிலின் சுற்றுப்பிரகாரத்தில் வடமேற்குத் திசையில் பைரவரின் தனி சன்னதி உள்ளது. 

ஞாயிறு, செவ்வாய்க்

கிழமைகளில் வழிபாடு செய்வது சிறப்பு. இந்த நாட்களில் இலுப்பையெண்ணெய், புங்கெண்ணெய், நல்லெண்ணைய் கலந்து 8 விளக்கேற்றி மூலவருக்கு அர்ச்சனை,அபிஷேக ஆராதனை செய்ய வேண்டும்.

2.திருக்கோவிலூர்

திருக்கோவிலூர் கோவல்நகர் வீரட்டம், திருக்கோவிலூர் நகருக்குள்ளேயே தென்பெண்ணை நதி தீரத்தில் அமைந்துள்ளது.

இறைவனின் திருநாமம் அந்தகாசுர சம்ஹார மூர்த்தி.அன்னை சிவானந்தவல்லி என்ற பெரிய நாயகி.

ஆலயத்தில் ஈசானிய மூலையில் பைரவர் தனி சன்னிதியில் அருள் பாலிக்கிறார்.

ஞாயிறு,வெள்ளி,வியாழக்கிழமைகளில் வழிபாடு செய்தல் சிறப்பு.

இங்குள்ள மஹாகணபதி சன்னதியில் தான் ஸ்ரீமஹா கணபதியின் வேண்டுகோளுக்கிணங்க அவ்வையார் விநாயகர் அகவலை அருளினார். இத்தலத்தில் அபிஷேகம் செய்தால், நல்ல குருவின் திருவருள் முழுமையாக அமையும்.சோழச் சக்கரவர்த்தியாகத் திகழ்ந்த ராஜராஜ சோழன் பிறந்த ஊர் இது!!!

ஸ்ரீராஜராஜசோழன் ஸ்ரீ கருவூரார் சித்தரின் அருளின் படி பைரவரை வணங்கி ஈடில்லாத புகழ் பெற்றார்.

3.திருவதிகை:

பண்ருட்டியிலிருந்து ஒரு கி.மீ.தூரத்தில் அமைந்துள்ள திருத்தலம் இது.

இறைவனின் திருநாமம் வீரட்டானேஸ்வரர். ஈசானிய மூலையில் இங்கு பைரவர் எழுந்தருளியுள்ளார். 

திரிபுரம் எரித்த இடம் இதுவே! வித்யுமாலி, தாரகாசுரன், கமலாக்ஷன் ஆகிய அசுரர்களை அழித்த இடம் இது. வெள்ளி, புதன் கிழமைகளில் இங்கு வழிபடுவது சிறப்பாகும்.

தீராத நோய்கள் தீர இங்கு வந்து வழிபட வேண்டும்.

சுந்தரமூர்த்தி நாயனார் திருவடி தீட்சை பெற்ற இடம் இது.சமண சமயத்திலிருந்து சைவ சமயத்திற்கு திரும்பிய திருநாவுக்கரசரின் தீராத குன்ம வியாதியை நீக்கி தடுத்தாண்ட தலம் இது.

உடல் நோய்களும்,பிறவி நோய்களும் நீங்கும் இடம் இதுவே!

4.திருப்பறியலூர்:

மாயவரம் திருக்கடையூர் சாலையில் 8 கி.மீ.தூரத்தில் செம்பொனார் கோவில் இருக்கிறது.

இந்த செம்பொனார் கோவிலில் இருந்து 2 கி.மீ.தூரத்தில் திருப்பறியலூர் இருக்கிறது.சுவாமியின் திருநாமம் வீரட்டேஸ்வரர்.அம்பாளின் பெயர் இளங்கொம்பனையாள். அகந்தை கொண்ட தட்சனை அழித்த இடம் இது.தட்சன் யாகம் செய்த இடமே தற்சமயம் கோவிலின் குளமாக இருக்கிறது.

இங்கு வந்து வழிபட்டால், தீராத கடன்கள் தீரும்;பூர்வ ஜென்மங்களில் ஏற்பட்ட சாபங்கள், தோஷங்கள் ஆகியவற்றை நீக்கி,நல்வாழ்வு தருமிடம் இதுவே!!!

5.திருவிற்குடி:

திருவாரூர் நாகூர் சாலையில் திருப்பயந்தங்குடியிலிருந்து பிரிந்து 2கி.மீ.தூரம் சென்றால் திருவிற்குடியை அடையலாம்.

மேற்கு நோக்கிய திருக்கோவிலாக இது அமைந்திருக்கிறது. இந்தக் கோவிலின் இறைவனின் திருநாமம் ஸ்ரீஜலந்தராசுரவத மூர்த்தி.திருமால் சுதர்ஸன சக்கரம் வேண்டி இறைவனுக்கு துளசியால் அர்ச்சித்துஅருளையும்,சுதர்ஸன சக்கரத்தையும் பெற்றார்.

எனவே,இங்கு சிவபெருமான் வடிவில் இருக்கும் பைரவருக்கு துளசியால் அர்ச்சனை செய்யப்படுகிறது.

இங்கு திருமால் தனது தேவியான லட்சுமியோடு இருக்கிறார்.

பெரும் வறுமை நீங்கிட அல்லது மகத்தான செல்வ வளம் வேண்டுவோர்,இங்கு 16வெள்ளிக்கிழமைகளுக்கு வர வேண்டும் வந்து விநாயகர்,சுவாமி,அம்பாள்,இலக்குமி,பைரவர் ஆகியோ ருக்கு அபிஷேகம் ஆராதனைகள் செய்ய வேண்டும்;

இதைச் செய்ய இயலாத அளவுக்குபொருளாதாரத்

தில் சாதாரண நிலையில் இருப்போர் அர்ச்சனை செய்தால் போதும்.இவ்வாறு செய்து முடித்தால், வறுமை நீங்கும்;செல்வ வளம் பெருகும்.

6.வழுவூர்:

மயிலாடுதுறையிலிருந்து திருவாரூர் செல்லும் சாலையில் 8 கி.மீ.தூரம் சென்றதும், வலப்புறம் திரும்ப வேண்டும். அங்கிருந்து அரை கி.மீ.தூரத்தில் இருப்பது வழுவூர் ஆகும்.

இறைவன் கிருத்திவாஸர் என்ற திருநாமத்தோடு அருள்பாலித்துவருகிறார்.

அகங்காரத்துடன் தான் என்ற அகந்தையில் இருந்த முனிவர்களின் ஆணவத்தை அழித்து,திருக்காட்சி கொடுத்து அவர்களுக்கு ஞானச் செல்வம் தந்தருளும் இடம் இது.

ஸ்ரீஐயப்பன் அவதரித்த இடமும் இதுவே!!! எத்தனையோ பேர்கள் தியானம் செய்கிறேன்;தவம் செய்கிறேன் எனக்கு எந்த முன்னேற்றமும் இல்லை என புலம்புபவர்கள்,இங்கு வருகைதந்து,இறைவனை வழிபட வேண்டும்.மாதம் ஒரு நாள் வீதம் பத்து நாட்களுக்கு இங்கிருக்கும் மூலவரின் முன்பாக அமர்ந்து தியானம் செய்ய வேண்டும்;

இங்கும் ஈசான மூலையில் பைரவர் எழுந்தருளியுள்ளார்.

இவருக்கு அருகிலே யே சனீஸ்வரர் அமர்ந்திருக்கிறார்.

ஏழரைச்சனி, அஷ்டமச்சனி, கண்டச்சனி,அர்த்த அஷ்டமச்சனி(4 ஆம் இடத்துச்சனி),சனி திசையால் பாதிப்புக்கு உள்ளானவர்கள் 8 சனிக்கிழமைகளுக்கு இங்கு வர வேண்டும்;

அவ்வாறு வந்து,இவரது சன்னிதியில் 8 தீபம் நல்லெண்ணெய் ஊற்றி,ஏற்றவேண்டும்.அதன்பிறகு அபிஷேகம் ஆராதனை செய்ய வேண்டும்;முடியாதவர்கள் அர்ச்சனை செய்து வர சனிக்கிரகத்தின் பாதிப்புகள், தொல்லை கள் நீங்கி,எல்லையில்லாத மனநிம்மதியைப் பெறலாம்.

7.திருக்குறுக்கை:

மயிலாடுதுறையிலிருந்து மணல்மேடு சாலையில் கொண்டல் என்ற இடம் வந்ததும்,பிரிந்து செல்ல வேண்டும். 

அங்கிருந்து 3 கி.மீ.சென்றால் திருக்குறுக்கை வரும். இறைவனின் திருநாமம் வீரட்டேஸ்வரர். இறைவியின் திருநாமம் ஞானாம்பிகை ஆகும். காமனை எரித்த இடம் இதுவே!!!

தியானம் செய்பவர்கள், இறை நெறி செல்பவர்கள் இங்கு வந்து வழிபட்டால் சுழுமுனை கூடி, வாக்கு சித்தியும் தவ உயர்வும் பெறமுடியும்.

குழந்தை இல்லாதவர்கள் இங்கு வந்து 8 வியாழன் அல்லது 8 செவ்வாய்க்கிழமை அல்லது மாதாந்திர வியாழன் அல்லது மாதந்திர செவ்வாய்க்கிழமை என்று 8 முறை வழிபட்டு, அன்னதானம் ஒவ்வொரு தடவையும் செய்ய வேண்டும். இவ்வாறு செய்தால் கண்டிப்பாக மழலைச் செல்வம் பெறுவார்கள்..

8.திருக்கடவூர்:

திருக்கடையூர் என்ற திருக்கடவூர் ஆதியில் வில்வாரண்யம் என்ற பெயரில் விளங்கியது.

அமிர்தகடேஸ்வரர், அபிராமி என்ற பெயர்களில் அப்பாவும் அம்மாவும் அருள்பாலித்து வருகின்றனர். 

எமனை சம்ஹாரம் செய்து மார்க்கண்டேயரைக் காத்தருளிய இடம் இதுவே!!!

இதய நோயில் வருந்துவோர்கள், ஆயுளுக்கு கண்டமுள்ளவர்கள் இங்கு வந்து வில்வத்தால் அர்ச்சனை செய்ய வேண்டும். 

அதன்பிறகு தியானம் செய்ய வேண்டும். இவ்வாறு 8 சனிக் கிழமைகளுக்குச் செய்து வந்தால், மரண பயம் அகன்று நீடூழி வாழலாம்.

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம். 

சனிப்பிரதோஷத்தன்று சிவாலயம் சென் றால் ஐந்து வருடங்கள் சிவாலயம் சென்றுவந்த புண்ணியம் கிடைக்கும்.

அழியா வரம் வேண்டி அசுரர்களுடன் சேர்ந்து தேவர்கள் பாற்கடலைக் கடைந்தபோது ஆல கால விஷம் உருவானது அந்த விஷம் உலகை அழித்துவிடாதபடி அதை ஒன்றுதிரட்டி அருந்தி விட்டார் சிவபெருமான். 

🕉அதைக்கண்டு பதறிய பார்வதி தேவி, விஷம் உள்ளே இறங்கி விடாமல் கழுத்தைப் பற்றி, விஷம் அவருடைய கண்டத்தில், அதாவது கழு த்திலேயே தங்கும் படி செய்தாள். இதையொட் டியே சிவனாருக்கு திருநீலகண்டன் என்றும் திருப்பெயர் உண்டு.

🕉விஷம் அருந்திய சிவப்பரம்பொருளின் அரு ளாடல் தொடர்ந்தது. அதீத களைப்பு மேலிட்டது போல் அப்படியே படுத்துவிட்டார் சிவனார். இதனால் ஆதிசக்தி முதலாக அண்டபகிரண் டமும் கலக்கம் அடைந்தது. விரைவிலேயே அவர்கள் கலக்கம் நீங்கும் வகையில் கண்வி ழித்த சிவனார் ஆனந்த தாண்டவம் புரிந்தார். அப்படி, அவர் ஆனந்தத்துடன் திருநடனம் புரிந்தது பிரதோஷ காலம். 

🕉பரமேஸ்வரன் விஷம் உண்டது ஏகாதசி தினத் தில்; களைப்புற்றவராக பள்ளி கொண்டது துவாதசித் திருநாளில். உலக உயிர்கள் மேன்மையுறும்பொருட்டு அவர் சந்தியா தாண்டவம் ஆடியது. திரயோதசி புண்ணிய தினத்தில், பகலும் இரவும் சந்திக்கும் சந்தியா காலத்தில்! 

🕉புனிதமான இந்தக் காலத்தையே பிரதோஷ வேளையாகக் கருதி, சிவபூஜை செய்து வழிபடுகிறோம். தொடர்ந்து 14 ஆண்டுகாலம் பிரதோஷ நாளில் சிவாலய தரிசனத்தை முறைப்படி செய்பவர்கள், சாரூப பதவி பெற்று சிவ கணங்களாகத் திகழ்வர் என்கின்றன புராணங்கள். 

🕉அதிலும் சனிக்கிழமையுடன் இணைந்து வரும் சனி மஹா பிரதோஷம் மிகச் சிறப்பானது. சிவபெருமான் விஷம் அருந்தி சயனித்து எழுந்து, ஒரு சனிக்கிழமை மாலையில் தான் முதன் முதலாக சந்தியா தாண்டவத்தை நிகழ்த்தினார் என்பதால் சனிக் கிழமை வரும் பிரதோஷம் மிகச்சிறப்பாக அனுஷ்டிக்கப் படுகிறது.

🕉உஜ்ஜயினியில் நிகழ்ந்த ஒரு திருக்கதையை படித்தால், சனிப் பிரதோஷத்தின் மகத்துவம் இன்னும் தெளிவாக விளங்கும்.

🕉சனிப் பிரதோஷத்தை மெச்சிய ஆஞ்சநேயர்

🕉உஜ்ஜயினி நாட்டின் அரசர் சந்திரசேனன்; உஜ்ஜயினி ஈஸ்வரனான வீரமாஹாளர் மீது அதீத பக்தி கொண்டவர். ஒருமுறை இவரது அரண்மனைக்கு வந்த மாணிபத்திரர் என்ற சிவகணநாதர், மன்னனுக்கு உயரிய சிந்தாமணி ரத்தினம் ஒன்றை பரிசளித்தார்.

🕉அந்த ரத்தினம் மிகவும் மகத்துவமானது. அதன் உன்னதத்தை அறிந்த அண்டை நாட்டு வேந்தர்கள், ரத்தினத்தை தங்களிடம் ஒப்படைக்கும்படியும் இல்லையேல் போர் மூளும் என்றும் எச்சரிக்கை விடுத்தனர். அவர்களது இந்த அறைகூவலை சந்திரசேனன் கண்டுகொள்ளவே இல்லை.

🕉அதனால் கோபம் கொண்ட அந்த மன்னர்கள் பெரும்படையுடன் வந்து உஜ்ஜயினியை முற்றுகையிட்டனர். எந்த நேரமும் போர் மூளும் அபாயம்.

🕉உஜ்ஜயினி மன்னரான சந்திரசேனன் அதைப் பற்றிக் கவலைப் படவில்லை. வீரமாகாளர் கோயிலுக்குச் சென்றார். முறைப்படி பூஜை செய்து, முப்புரம் எரித்தவனை முழு மனதோடு தியானம் செய்தார். அரசர் செய்த அத்தனை பூஜைகளையும் அங்கே இருந்தபடி பார்த்துக் கொண்டிருந்தான், யாதவ குலச் சிறுவன் ஒருவன். உடனே அவன் மனதில், ‘நாமும் இதே போல பூஜை செய்ய வேண்டும்!’ என்ற எண்ணம் உண்டானது. வீடு திரும்பினான்.

🕉மறுநாள் பொழுது விடிந்தது. சிவபூஜையை ஆரம்பித்தான். கருங்கல் ஒன்றை எடுத்து, சிவலிங்கம் போல நட்டு வைத்தான். மணலையும் பச்சை இலைகளையும் பூஜைப் பொருட்களாக எடுத்து வைத்துக் கொண்டான். ‘சந்தனம், மாலை, அபிஷேகத் தீர்த்தம், தூபம், தீபம், சாமிக்கு உண்டான ஆபரணம், ஆடை, நைவேத்திய சாதம்’ என்று சொல்லி மணலை யும் பச்சை இலைகளையும் தனித் தனியே பங்கீடு செய்து பிரித்து வைத்து கொண்டான். அவற்றால் அன்போடு அரனை பூஜை செய்தான். பூஜை முடிந்ததும் தியானத்திலும் ஆழ்ந்தான்.

🕉நேரம் இரவு ஆனது. அவனின் தாயார் சாப்பிட அழைத்தாள். தியானத்தில் இருந்தவன், அவள் மீண்டும் மீண்டும் குரல்கொடுத்தும் பதிலே சொல்லவில்லை. ஆதலால், கோபத்துடன் வெளியே வந்தாள். அவனை நன்கு அடித்தது டன், சிவலிங்கமாக அவன் வைத்து பூஜித்த கருங்கல்லையும் பிடுங்கி எறிந்து, வீட்டுக்குள் சென்று படுத்துத் தூங்கி விட்டாள்.

🕉அவள் மகனோ... ‘‘ஐயோ, என் ஸ்வாமியை எடுத்து எறிந்து விட்டாளே அம்மா!’’ என்று கதறித் துடித்து மயங்கி விழுந்தான். இரண்டு நாழிகை (48 நிமிடங்கள்) ஆயிற்று. அவனுக்கு மயக்கம் தெளிந்தது. மெள்ள நிதானித்து எழுந்தான். அவன் கண்களையே அவனால் நம்ப முடியவில்லை. வீடெங்கும் ரத்தினமும் தங்கமும் இறைந்து கிடந்தன. அவன் அம்மா வால் எடுத்து எறியப்பட்ட கல்லால் ஆன சிவலிங்கமும், ரத்தின மயமாக ஜொலித்துக் கொண்டிருந்தது. சிறுவன் ஆனந்தத்தில் மிதந்தான். சிறுவனின் தாயார் திடீரென்று விழித்தெழுந்தாள். வீடு முழுவதும் தங்கம் மற்றும் ரத்தின மயமாக இருந்ததைக் கண்டு வியந்தாள்.

🕉தகவல் அரசருக்கும் எட்டியது. அரசர் உடனே ஆயர்சேரிக்குக் கிளம்பினார். அங்கே எழுந்தருளி இருந்த இறைவனை வலம் வந்து வணங்கினார். யாதவ சிறுவனை நெஞ்சோடு நெஞ்சாகத் தழுவிக் கொண்டார். ஊரார் எல்லாம் சிவ நாம கோஷம் செய்தார்கள். 

🕉ஊருக்குள் கேட்ட மகிழ்ச்சி ஆரவாரத்தைக் கேட்டு பகை அரசர்கள் திகைப்பில் ஆழ்ந்தா ர்கள். ஒற்றர்களை அனுப்பி காரணத்தை தெரிந்து கொண்டவர்கள், சிவனருளை அறிந்து சிலிர்த்தார்கள். படைகளைத் திருப்பி அனுப்பி விட்டு, ஊருக்குள் வந்து சந்திரசேன னிடம் மன்னிப்பு வேண்டியதுடன், யாதவச் சிறுவனின் பக்திக்காகத் தோன்றி அருள் புரிந்த சிவலிங்கத் தையும் தரிசித்து மகிழ்ந் தார்கள். அனைவரும் மகிழ்ச்சியாக இருந்த அந்த நேரத்தில், ஆஞ்சநேயர் அங்கு வந்தார். அவருக்கு சகல மரியாதைகளும் செய்து வழிபட்டார் சந்திரசேனன்.

🕉யாதவ சிறுவனை நெஞ்சோடு தழுவி அணை த்துக் கொண்டார் ஆஞ்சநேயர். ‘‘மன்னர்களே! அனைவரும் கேளுங்கள்! ஒன்றும் தெரியாத இந்தச் சிறுவனின் பூஜைக்கு மகிழ்ந்து, சிவ பெருமான் தரிசனம் தந்ததைப் பார்த்தீர்கள் அல்லவா? இதற்குக் காரணம், சந்திரசேன மகாராஜா சனிப் பிரதோஷம் அன்று சிவபெ ருமானைப் பூஜை செய்ததைப் பார்த்து, இந்தச் சிறுவனும் சிவ பூஜை செய்ததுதான். சனிப் பிரதோஷ பூஜையை தரிசித்ததனால் அடையு ம் பலன், இந்த அளவோடு நின்றுவிடாது.

🕉இந்தச் சிறுவனின் பரம்பரையில் எட்டாவது தலைமுறையில் மஹாவிஷ்ணு, ‘கிருஷ்ணன்’ என்ற திருநாமத்துடன் அவதாரம் செய்வார். அவரை வளர்க்க இருக்கும் நந்தன் என்னும் ஆயர்கோன் ஒருவன், இந்தக் குலம் பெருமை அடையுமாறு தோன்றுவான். இன்று முதல் இந்தச் சிறுவனை ‘ஸ்ரீதரன்’ என்று அழையுங்க ள்!’’ என்ற ஆஞ்சநேயர், ஸ்ரீதரனுக்குச் சிவ பூஜை செய்ய வேண்டிய வழிமுறைகளை உபதேசித்துச் சென்றார்.

🕉சனிப் பிரதோஷ பூஜையை தரிசித்ததற்கே இவ்வளவு பலன் என்றால், விரதம் இருந்து பூஜிப்ப வர்கள் அடையும் பலனை அளவிட முடியுமா?

🕉சனிப் பிரதோஷத்தின் சிறப்பை அறிந்தோம். இனி பிரதோஷ தினத்தில் நந்தியெம் பெருமானை வழிபடுவது பற்றி அறிவோம்.

🕉நந்தி தரிசனம்

****************

🕉பிரதோஷ வேளையில் நந்திக்குத் தனி சிறப்பு உண்டு. இந்த வேளையில் மூலவரை நந்தியம் பெருமானின் கொம்புகளுக்கு இடையேயுள்ள இடைவெளியின் வழியே தரிசித்து வணங்க வேண்டும்.

🕉சிவபெருமான் விஷம் உண்டு சயனித்துத் திரு விளையாடல் புரிந்த பிறகு எழுந்து, அம்பிகை தரிசிக்கும்படி சந்தியா நிருத்தம் ஆட, அதைக் கண்ட நந்திதேவர், ஆனந்த நிலையால் உடல் பருத்தார். அதனால், கயிலாயமே மறைக்கப் பெற்றது. நந்தியின் கொம்புகளுக்கு இடையே இருந்த இடைவெளி யில், ஈசனின் நடனத்தை தேவர்கள் கண்டு களித்தார்களாம். இதையொ ட்டியே, பிரதோஷ காலத்தில் நந்தி தேவரின் இரண்டு கொம்புகளுக்கு இடையே சிவ பெரு மானை தரிசிக்கிறோம்.

🕉இந்த வேளையில் அறுகம்புல்லை மாலையாக கட்டி நந்திக்குச் சாற்றவேண்டும். வில்வம், மருக்கொழுந்து, மல்லிகை ஆகிய மலர்களா 

லும் அலங்காரம் செய்வார்கள்.

🕉சனிக்கிழமை பிரதோஷ காலங்களில் ஈசனை தரிசிப்பதால் சகல பாவங்களும் விலகி புண்ணியம் சேரும், சகல சௌபாக்கியங்களு ம் உண்டாகும். இந்திரனுக்கு சமமான புகழும், செல்வாக்கும் கிடைக்கும். மேலும், பிரதோஷத் தன்று செய்யப்படும் தானம் அளவற்ற பலன் கொடுக்கும். பிறப்பே இல்லாத முக்தியைக் கொடுக்கும் என்று புராணங்கள் தெரிவிக்கி ன்றன.

🕉ஒரு சனிப்பிரதோஷத்தன்று சிவாலயம் சென் றால், ஐந்து வருடங்கள் தினமும் சிவாலயம் சென்றுவந்த புண்ணியம் கிடைக்கும். சனி பிர தோஷம், சாதாரண பிரதோஷ வழிபாடு தரும் பலன்கள் போன்று ஆயிரம் மடங்கு பலன் தரக் கூடியது ஆகும்.

🕉சனி பிரதோஷத்தன்று மாலை வேளையில் சிவாலயங்களுக்கு சென்று உங்களால் இயன்ற அபிஷேகப் பொருட்களை அளித்து அபிஷேகம் செய்து நந்தி பெருமானை வழிபட சிவபெருமானின் பரிபூரண அருள் கிடைக்கும்

அன்றைய தினம் நந்திக்கும், சிவபெருமானுக் கும் வில்வ மாலை, திராட்சை மாலை அணிவி ப்பது நற்பலன்களை தரும். 

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்

சனியால் ஏற்படும் பாதிப்புகள் நீங்க சனிமஹா பிரதோஷம் வழிபாடு...

சனிமஹா பிரதோஷம் பற்றிய பதிவுகள் 

ஜாதகத்தில் எந்த கிரகம் சரியில்லை என்றாலும், எந்த திசை நடந்தாலும் சரி, வாழ்வில் என்ன கஷ்டமாக இருந்தாலும் சரி பிரதோஷத்தன்று சிவன் ஆலயத்திற்கு சென்று வழிபட்டால் அனைத்தும் நீங்கி விடுதலை. 

சனிக்கிழமையில் வரும் சனி பிரதோஷத்தன்று விரதம் இருந்து, சிவ தரிசனம் செய்தால் அனைத்து விதமான பாவங்களும் நீங்கி விடும் என்பது ஐதீகம். சிவ நாமங்களை சொல்லி வழிபட்டால் சிவனின் அருள் முழுவதுமாக கிடைக்கும்.

சிவபெருமானுக்குரிய அஷ்ட விரதங்களில் ஒன்று பிரதோஷ விரதம் ஆகும். ஒவ்வொரு மாதமும் வரும் திரியோதசி திதியை சிவ வழிபாட்டிற்குரியதாக சொல்கிறோம். 

திரியோதசி திதியில் மாலை 04.30 மணி முதல் 6 மணி வரையிலான காலத்தை பிரதோஷ காலம் என்கிறோம். 

சிவ பெருமானின் அருளை முழுமையாக பெற வேண்டும் என்கிறவர்கள் பிரதோஷத்தன்று விரதம் வழிபட்டாலே போதும். பிரதோஷ விரதம் சிறப்பானது என்றாலும் ஒரு குறிப்பிட்ட மாதங்கள், கிழமைகளில் வரும் போது கூடுதல் சிறப்பு பெறுகிறது.

பிரதோஷங்களில் திங்கட்கிழமையில் வரும் சோமவார பிரதோஷமும், சனிக்கிழமையில் வரும் சனிப்பிரதோஷமம் மிகவும் விசேஷமானவை. அதிலும் சனிக்கிழமையில் வரும் பிரதோஷத்தை சனி மஹாபிரதோஷம் என சிறப்பித்து சொல்கிறோம். 

ஒரு சனி மஹா பிரதோஷத்தன்று விரதம் இருந்து, சிவனை வழிபட்டால் 5 ஆண்டுகள் சிவன் கோவிலுக்கு சென்று வழிபட்ட பலனை பெற முடியும். சனிப் பிரதோஷத்தன்று சிவ பெருமானையும், சனீஸ்வரனையும் விரதம் இருந்து வழிபட்டால் கிரக தோஷங்கள், சனியால் ஏற்படும் பாதிப்புகள் அனைத்தும் நீங்கி விடும்.

இப்படிப்பட்ட சிறப்பு வாய்ந்த சனி மஹா பிரதோஷம் 

அதிகாலையில் எழுந்து நீராடி, நெற்றியில் திருநீறு பூசி, சிவ நாமங்களை உச்சரித்தபடி இருக்க வேண்டும். பகல் முழுவதும் தண்ணீர் மட்டும் குடித்து விரதம் இருக்க வேண்டும்.

முழுவதும் உபவாசமாக இருக்க முடியாதவர்கள் பால், பழம் மட்டும் சாப்பிட்டு விரதம் இருக்கலாம். மாலையில் அருகில் இருக்கும் சிவன் கோவிலுக்கு சென்று, நந்தி தேவரையும், சிவ பெருமானையும் வழிபட்டு, அதற்கு பிறகு அங்கு தரும் பிரசாதத்தை சாப்பிட்டு விரதத்தை நிறைவு செய்ய வேண்டும்.

ஓம் நமசிவாய

 படித்து பகிர்ந்தது 

இரா இளங்கோவன் 

நெல்லிக்குப்பம்.. 

ராஜராஜ சோழன் மகளானபஞ்சவன்மாதேவி கட்டிய சிவன் கோவில்...

கீழ்பழுவூர் ஆவினம் காத்த ஆலந்துறை மகாதேவர்.

தஞ்சாவூரிலிருந்து அரியலூர் செல்லும் நெடுஞ்சாலையும் திருச்சிராப்பள்ளியிலிருந்து ஜெயங்கொண்டம் செல்லும் சாலையும் இணையும் கடைவீதியில் கூட்டுச்சாலையின் ஒரு புறம்இருசிவாலயங்களும் எதிர்ப்புறம் ஒரு தீர்த்தக் குளமும் அமைய விளங்குவது கீழ்பழுவூர் என்னும் திருவூராகும்.

இவ்வூர் தற்போது அரியலூர் மாவட்டத்தில் இடம்பெற்றுதிகழ்கின்றது சோழ அரசர்களின் சிற்றரசர்களாகவும், மாமன்னன் ராஜராஜ சோழனுக்கு தங்கள் மகளானபஞ்சவன்மா

தேவியை அரிசியாக மணம் முடித்த அரச மரபைச்சார்ந்தவர்களு

மானபழுவேட்டையர்களின் தலைநகரத்தின் ஒரு பகுதியே இந்த கீழ்பழுவூராகும்.

மன்னு பெரும் பழுவூர் என கல்வெட்டுகளும், செப்பேடுகளும் குறிப்பிடும் தலைநகரம் கீழப்பழுவூரிலிருந்து திருச்சி செல்லும் சாலையில் மூன்று கல் தொலைவில்மேலப்

பழுவூர் என்ற பெயரில் விளங்குகின்றது. அங்கு மூன்று சிவாலயங்கள் உள்ளன. அவற்றில் இரண்டு உலகப் புகழ்பெற்ற கீழையூர் ஆலயங்கள்ஆகும்.

கீழையூர் ஆலயங்களும் கீழப்பழுவூர்ஆலயங்களும் பழுவேட்டரையர்கள் சோழர்கால கோயில் கலைக்குதந்தஅருட்

கொடைகளாக விளங்குகின்றன.

அங்கு திகழும் கல்வெட்டுகள் முறையே திருவாலந்துறை மகாதேவர் திருக்கோயில் என்றும், மறவனேஸ்வரர் என்றும்குறிப்பிடப்படுகின்றன. இவற்றுள் ஆலந்துறை மகாதேவர் கோயில் பெரிய சிவாலயமாகவிளங்குவதோடுதிருஞானசம்பந்தரால் ஒரு பதிகம் பாடப்பெற்ற காவிரியின் வடகரை தேவாரத் தலமாகும். 

பேரேரிக்கரையில் ஆலமரக் காட்டுப் பகுதியில் இவ்வாலயம் தோற்றம் பெற்றதால், ஆலந்துறை என பெயர் பெற்றது. தற்போது இவ்வாலயத்தின் தலமரம் ஆலமரமே ஆகும். வட ஆரண்யம் எனப் பெரும் ஆலங்காட்டில் ஒரு மரத்தடியில்சிவபெருமான் புற்றுவடிவில் லிங்பமாகத் தோன்றி காட்சி அளித்ததாகவும், பரசுராமர் தம்பாவ தோஷத்தைப் போக்கிக் கொள்ள இக்காட்டு பகுதியை அழித்து சுயம்பு மூர்த்தியை வழிபட்டு விமோசனம்பெற்றதாகவும் தலபுராணம் விவரிக்கின்றது. மேலும் உமாதேவி கடுந்தவம் புரிந்து ஈசனைக் கண்டு வழிபட்டதும் இந்த ஆரண்யமே என்பதால் இதற்கு யோக வனம் என்றபெயர்ஏற்பட்டதாகவும் அப்புராணமே எடுத்து உரைக்கிறது.

திருவாலந்துறை மகாதேவர் திருக்கோயில் பல நிலைகளையுடைய ராஜகோபுரம் திருமதில், திருச்சுற்றுக்கள், சுற்றுமண்டபங்கள், பரிவாராலயங்கள், அழகிய ஸ்ரீ விமானம், அர்த்தமண்டபம், முக மண்டபம், அம்மன் ஆலயம் ஆகியவற்றுடன் அழகு பெட்டகமாக காட்சி நவில்கின்றது. மூலஸ்தானத்தில் திகழும் லிங்க மூர்த்தியை ஆலந்துறை மகாதேவர், ஆலந்துரையார், வட மூலநாதர்,யோகவனேஸ்வரர்எனபலதிருநாமங்களில் காலங்காலமாக குறிப்பிட்டு வந்துள்ளனர்.

உமா தேவியை அருந்தவ நாயகி, யோக தபஸ்வினி, மகாத பஸ்வினி எனவும் குறிப்பிட்டு வந்துள்ளனர் கோயிலின் முன்னர் திகழும்தீர்த்தகுளத்தினை பிரம்ம தீர்த்தம் என்றும், பரசுராம தீர்த்தம் என்றும் குறிப்பிடுவர்.

அழகிய படிக்கட்டுகள் காப்புசுவர்ஆகியவற்றுடன்திகழும்இக்குளக்கரையில் திகழும் ரிஷபச் சிற்பங்கள் (அமர்ந்த காளை உருவங்கள்) மிகவும்குறிப்பிடத்தக்கவை ஆகும்.

கருவறையின் புறத்தே அமைந்த கோஷ்டங்களில் திகழும் ஆலமர் செல்வர் (தக்ஷிணாமூர்த்தி) லிங்கோத்பவர், பிரம்மா, கணபதி, துர்க்கை ஆகிய திரு மூர்த்தங்களும் மண்டபக்கோஷ்டங்களில் திகழும் காலசம்ஹாரர், அர்த்தநாரீஸ்வரர், கல்யாணசுந்தரர், கங்காளர், பைரவர், அடியார் ஒருவர் உருவம் ஆகிய அழகுறு படைப்புக்களும் முற்கால சோழர்களையும் உன்னத முத்திரைகளாக காட்சியளிக்கின்றன. 

திருவாலந்துறையார் திருக்கோயிலின் கிழக்கு ராஜகோபுரத்திற்கு அருகில் தென்புறமுள்ள தற்கால கட்டடப் பகுதிகளுக்கு இடையே அழிவின் விளிம்பில் நிற்கும் கற்றலியான பழைய சிவாலயம் ஒன்று பராமரிப்பார் யாரும் இன்றி காட்சி நல்குவது வேதனைக்குரிய ஒன்றாகும். 

பசுபதீஸ்வரர் என தற்காலத்தில்அழைக்கப்

படும் இவ்வாலயத்தின் பெரும் பகுதி மக்களாலும் அரசு நிறுவனங்களாலும் ஆக்கிரமிக்கப்பட்டு விட்டன. எஞ்சிய கருவறையும் முகப்பு பகுதியும் மட்டுமே இன்று பசுபதீஸ்வரர்ஆலயம்.

இவ்வாலயத்தில் உள்ள பரகேசரி வர்மனின் கல்வெட்டுக்கள் மறவனீஸ்வரர் என்ற அச்சோழர் கால பழுவேட்டரையர் எடுத்த கோயிலின் வரலாற்றுச் சிறப்புகளை நமக்கு எடுத்துச் சொல்லிக் கொண்டே இருக்கின்றன. 

இங்கு குறிப்பிட பெரும் பரகேசரி என்பான் முதல் பாராந்தகச் சோழன் என்றுசிலஆராய்ச்சியாளர்களும், உத்தம சோழன் என்றுசிலஆய்வாளர்களும் குறிப்பிடுகின்றனர். எப்படி இருப்பினும் முற்காலச் சோழர்கால கோயில் என்பதில் ஐயமில்லை. 

இத்தனை அழிவுகளுக்கி டையேயும் அந்த ஆலயத்தில் காணப்படும் முதல்பராந்தகச்சோழனின் 36 ஆம் ஆண்டு கி.பி 943 கல்வெட்டுச் சாசனம் ஒன்று ஒரு தனி சிறப்புடன்விளங்குகின்றது. இச்சாசனம் இங்கு நாம் முன்பு கண்ட திருவாலந் துறையுடைய மகாதேவர் கோயில் என்ற அந்தபெரியஆலயத்திற்கு இரண்டு கிணறுகள் பற்றிய செய்திகளை உரைப்பனவாகும். 

இந்தளூர் என்ற ஊரினை சார்ந்த சாத்தன் திருவாரூர் அடிகள் என்பவர்திருவாலந்துரையார் கோயிலுக்காக முதலீடாக அளித்த பொற்காசுகளை பெற்றுக்கொண்ட மூன்று ஆலய ஊழியர்கள், அம் முதலீட்டின் ஆண்டு வட்டித் தொகையினை ஊதியமாகப் பெற்றுக் கொண்டு ஆலந்துறை யாராகிய ஈசனுக்கு நாள்தோறும் அபிடேக நீர் எடுக்க பெறும் திருமஞ்சன கிணற்றில் ஒரு ஏற்றத்தை அமைத்து அதை இயக்கி அதனால் எடுக்க பெற்ற நீரினை கால்நடைகளின் தாகத்தை தணிக்க அளிப்பதற்காகவும், திருவேங்கைபுன்னங்

காடு என்ற இடத்தில் உள்ள இக்கோயிலின் திருநந்தவனத்துக்கு கிணற்றில் மற்றொரு ஏற்றத்தை அமைத்து ஈசனின் பூசனைக்காக மலர் தரும் செடிகளுக்கு நீர் பாய்ச்சுவதற்காகவும் ஒப்புக்கொண்டதை இக்கழ்வெட்டு சாசனம் விவரிக்கின்றது. 

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்.. 

முப்பத்து முக்கோடி தேவதைகள் யார் தெரியுமா?

முப்பத்து முக்கோடி தேவதைகள் யார் தெரியுமா?

பக்கத்து கோவிலில் பசுமாட்டுக்கு  பூஜை செய்தபோது தீபாராதனை காட்டி பசுவை வணங்குங்கள். 

பசுவை வணங்கினால்  பிரம்மா விஷ்ணு சிவன் அஷ்டலட்சுமி மற்றும் முப்பத்து முக்கோடி தேவர்களையும் வணங்கிய பலன் கிட்டும் என்றார் 

அப்படியானால் நம் இந்து மதத்தில் முப்பத்து முக்கோடி தேவர்கள் உள்ளனரா? 

 நமது ஹிந்துமத்த்தில் நம்முடைய தெய்வங்களின் எண்ணிக்கையைக் குறிப்பிடும் போது முப்பத்து முக்கோடி தேவர்கள் என்று கூறுவது உண்மைதான்

முப்பத்து முக்கோடி என்பது 33 கோடி ஆகும்.

 அப்படியானால் நமது ஹிந்து தர்மத்தில் 33 கோடி தெய்வங்கள் இருக்கின்றனவா?....

 இங்கே  “கோடி” என்பதை எண்ணிக்கையைக் குறிக்கும் என்று நாம் நினைத்துக் கொண்டிருக்கிறோம்

ஆனால் “கோடி” என்ற சொல்  சமஸ்க்ருதத்தில் “ பிரிவு அல்லது வகை” என்பதைக் குறிக்கும்.

ஆக மொத்தம் 33 வகையான தெய்வங்கள் ஹிந்து சனாதன தர்மத்தில் உள்ளன என்பதை சொல்லவே முப்பத்து முக்கோடி என்கின்றனர் 

 கோடி என்றால் பிரிவு என்கிறீர்கள் அது (Number) நம்பராகாதா?

 கிராமங்களில் ஒருவர் அந்த தெரு கோடியிலுருந்து வரேன் என்றால் கோடி தெரு என்பதல்ல அர்த்தம் அதாவது அந்த தெருவின் பிரிவிலிருந்து வருகிறேன் என்பர் 

அது போல் கோடி வேஷ்டி என்றால் ஒரு கோடி வேஷ்டி எனபதல்ல அர்த்தம் அது வெண்மையும் அல்லாத மஞ்சளும் அல்லாத ஒரு  வேஷ்டி ( வெள்ளாவியில் வண்ணார் வைத்தால் வெள்ளையாகி விடும் எனவே அதை கோடி வெளுப்பாக கொடு என்பர் ஊர்களில்) 

கோடி என்பது எண்ணிக்கை அல்ல அதன் உண்மையான அர்தம் "பிரிவு" என்பதே

இன்னும் விளக்கமாக சொல்ல வேண்டுமானால் 

வசு 

ருத்ர 

ஆதித்ய ரூபம் என்று மூன்றாகப் பிரிப்பர்

நாங்களோ அல்லது உங்களை போன்றவர்களோ பொதுவாக அமாவாசை தர்பணத்தில் பித்ரு வசு ரூபமாகவும் பிதாமஹர் ருத்ர ரூபமாகவும் பிதுர்பிதாமஹர் ஆதிதய ரூபமாகவும் உள்ளதாக கூறி தர்பணம் செய்வோம்

அதில் வசு கீழ் நிலை ருத்ரர் இரண்டாம் நிலை ஆதித்யர் மூன்றாம் நிலை இந்த மூன்று நிலையில் 31பிரிவுகள் அடங்கும்

அந்த 31 பிரிவுகள் எவை பார்ப்போம்.

31 அதில்....

ஆதித்ய நிலையில் 12 பிரிவுகள்

1) விஷ்ணு 

2) தாதா 

3) மித 

4) ஆர்யமா 

5) ஷக்ரா 

6) வருண 

7) அம்ஷ 

8) பாக 

9) விவாஸ்வான் 

10) பூஷ 

11) ஸவிதா 

12) தவாஸ்தா 

வசு நிலையில் 8 வகையாவன:

13. தர 

14. த்ருவ 

15. சோம 

16. அனில 

17. அனல 

18. ப்ரத்யுஷ 

19. ப்ரபாஷ 

ருத்ரன் நிலையில் 11 பிரிவுகள்

21. ஹர 

22. பஹூரூப 

23. த்ரயம்பக 

24. அபராஜிதா 

25. ப்ருஷாகாபி 

26. ஷம்பூ 

27. கபார்தி 

28. ரேவாத் 

29. ம்ருகவ்யாத 

30. ஷர்வா 

31. கபாலி 

மற்றும் 2 பிரிவு அஷ்வினி குமாரர்கள் 

ஆக மொத்தம் = 33 வகையான

(பிரிவுகளான) தெய்வங்கள்

முப்பத்து முக்கோடி என்பது இதை தான். புரிந்ததா?. நீ நினைப்பது போல் 33 கோடியும் இல்ல,  முப்பத்து முக்கோடியும் இல்ல. 

இனிமேல் கோவில்களில் இந்து தெய்வங்களை வழிபடும் போது இதை மனதில் வைத்து கொண்டு வழிபடுங்கள்.

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்.. 

இழந்த செல்வங்களைத் திரும்ப பெறுவதற்கு ஹரிகேசநல்லூர் ஸ்ரீ அரியநாதர் திருக்கோயில்.

 ஹரிகேசவநல்லூர், திருநெல்வேலி  

நெல்லை மாவட்டம், தாமிரபரணி ஆற்றின் இரு கரைகளிலும் அருமையான ஆலயங்கள் அமைந்துள்ளன. இவற்றில் ஒன்றுதான் அம்பாசமுத்திரம் வட்டத்திலுள்ள ஹரிகேசநல்லூரில் அமைந்துள்ள ஸ்ரீ பெரியநாயகி சமேத அரியநாதர் திருக்கோயில். சுமார் 1,600 ஆண்டுகள் பழைமை வாய்ந்த இந்தக் கோயில் மிகவும் சிறப்பு வாய்ந்ததாகும். ஏனெனில், குபேரனே இத்தலம் வந்து சிவனை வழிபாடு செய்திருக்கிறார். இங்கே சனீஸ்வரனின் மனைவி ஜேஷ்டா தேவிக்கும் தனி சன்னிதி அமைந்துள்ளது. அரிகேசரி என்ற பாண்டிய மன்னன் இந்த ஆலயத்தைக் கட்டியதால் மன்னன் பெயரால் இவ்வூர் ஹரிகேசநல்லூர் என்றழைக்கப்படுவதாகவும் கூறப்படுகிறது.

ஆலயத்தின் முகப்பில் கோபுரம் எதுவும் இல்லை. உள்ளே நுழைந்தவுடன் கொடிமரம், பலிபீடம், நந்தி. அடுத்து மண்டபம் கடந்து உள்ளே நுழைந்தால் ஆகமக் கோயிலுக்குரிய சூரியன், சந்திரன் ஜுரதேவர், சப்த மாதர்கள், தட்சிணாமூர்த்தி, பைரவர் போன்ற அனைத்து பரிவார தேவதைகளுக்கும் சன்னிதிகள் உள்ளன. இங்குள்ள தட்சிணாமூர்த்தி மிகச் சிறப்பு வாய்ந்தவர். இடக்காலை வலது காலின் மீது மடித்து வைத்தபடி தோற்றமளிக்கிறார். பின்னிரு கரங்களில் மானும் மழுவும் ஏந்தியிருக்கிறார். இந்த ஆலயத்தில் குரு பெயர்ச்சி விழா மிகச் சிறப்பாக நடைபெறுகிறது.

இவை அனைத்தையும் விட முக்கியமானது, ராவணன் தனது சகோதரன் குபேரனிடம் இருந்த செல்வங்களையெல்லாம் பிடுங்கிக் கொண்டு, அவனது புஷ்பக விமானத்தையும் அபகரித்துக் கொண்டு துரத்தியடித்தபோது அவர் ஹரிகேசநல்லூரில்தான் வந்து விழுந்தாராம். அவர் ஸ்தாபித்த லிங்கம்தான் ஹரிகேசநல்லூர் சிவனாவார். குபேரன் இந்த சிவனை பூஜித்து, தான் இழந்த செல்வங்களையெல்லாம் திரும்பப் பெற்ற தலம் என்பதால், இந்த ஹரிகேசநல்லூர் சிவன் கோயில் மிகவும் பிரசித்தி பெற்றதாகக் திகழ்கிறது. கடன் தொல்லை இருப்பவர்கள், செல்வ வளம் வேண்டுபவர்கள் இங்கு வந்து குபேரன் பூஜித்த சிவனை வழிபாடு செய்தால் செல்வச் செழிப்பு உண்டாகி, வாழ்வில் எல்லா வளங்களும் உண்டாகும் என்று நம்பப்படுகிறது.

வெளிச் சுற்றுப்பிராகாரத்தில் சனீஸ்வரனின் மனைவி ஜேஷ்டா தேவி  தனது மைந்தன் மாந்தியை மடியில் வைத்துக்கொண்டு சன்னிதி கொண்டிருக்கிறாள்.  சாதாரணமாக ஜேஷ்டா தேவியின் சன்னிதியை சிவாலயங்களில் காண முடியாது.  ஆனால், இக்கோயிலில் பெரிய திருவுருவத்துடன் சன்னிதி கொண்டிருக்கிறாள். ஜேஷ்டா தேவி இங்கே சன்னிதி கொண்டு அருள்பாலிப்பதால்  இது சனீஸ்வர பரிகாரத் தலமாகவும் வழிபடப்படுகிறது.

 

அதேபோல, வடக்குச் சுற்றில் இறைவன் சன்னிதிக்கு வடகிழக்கே செல்வத்தின் அதிபதியான குபேரனின் மிகப்பெரிய கற்சிலை காணப்படுகிறது. வலக்கையில் கதையை ஏந்தி, இடக்கையை மடித்த காலின் மீது வைத்துக் கொண்டு சுமார் 4 அடி உயரத்தில் மிகப்பெரிய உருவமாக குபேரன் காட்சியளிக்கிறார். இங்கே குபேரன் எழுந்தருளியிருக்கும் காரணத்தால் ஒரு காலத்தில் இந்த ஊர் அழகாபுரி என்னும் பெயரால் கூட அழைக்கப்பட்டதாம். இந்த குபேரனுக்கு தீபாவளி மற்றும் அட்சய திருதியை நாட்களில் சிறப்பு வழிபாடுகள் நடைபெறுகின்றன. இந்த நாட்களில் வெளியூரிலிருந்தெல்லாம் ஏராளமான பக்தர்கள் வந்து இங்கே வழிபாடு செய்கின்றனர். திருநெல்வேலி மாவட்டம், சேரன்மாதேவி - அம்பாசமுத்திரம் சாலையில் வீரவநல்லூருக்கும் முக்கூடலுக்கும் இடையே ஹரிகேசநல்லூர் அமைந்துள்ளது.

தீபாவளி அன்று வழிபட வேண்டிய குபேரத் தலம்

செல்வச் செழிப்பை அருளும் தலம்

திருநெல்வேலி மாவட்டம், சேரன்மாதேவி - அம்பாசமுத்திரம் சாலையில் வீரவநல்லூருக்கும் முக்கூடலுக்கும் இடையே, தாமிரபரணி ஆற்றின் கரையில் அமைந்துள்ளது 

அரிகேசநல்லூர். இறைவன் திருநாமம் அரியநாதர். இறைவியின் திருநாமம் பெரியநாயகி. இக்கோவில் 1,600 ஆண்டுகள் பழைமை வாய்ந்தது. அரிகேசரி என்ற பாண்டிய மன்னன் இந்த ஆலயத்தைக் கட்டியதால், மன்னன் பெயரால் இவ்வூர் அரிகேசநல்லூர் என்றழைக்கப்படுகிறது.

குபேரன்  இத்தலத்து இறைவனை வழிபட்டு, தான் இழந்த செல்வங்களைத் திரும்பப் பெற்றதால், இத்தலம் மிகவும் சிறப்புக்குரியது. ராவணன் தனது சகோதரன் குபேரனிடம் இருந்த செல்வங்களையெல்லாம் பிடுங்கிக் கொண்டு, அவனது புஷ்பக விமானத்தையும் அபகரித்துக் கொண்டு துரத்தியடித்தபோது, அவர் அரிகேசநல்லூர் வந்து சிவலிங்கம் பிரதிட்டை செய்து வழிபட்டார். அவர் ஸ்தாபித்த லிங்கம்தான் அரிகேசநல்லூர் சிவனாவார். குபேரன் இந்த சிவனை பூஜித்து, தான் இழந்த செல்வங்களையெல்லாம் திரும்பப் பெற்ற தலம் என்பதால், இந்த அரிகேசநல்லூர் சிவன் கோயில் மிகவும் பிரசித்தி பெற்றதாகக் திகழ்கிறது. கடன் தொல்லை இருப்பவர்கள், செல்வ வளம் வேண்டுபவர்கள் இங்கு வந்து குபேரன் பூஜித்த சிவனை வழிபாடு செய்தால் செல்வச் செழிப்பு  உண்டாகி, வாழ்வில் எல்லா வளங்களும் உண்டாகும் என்பது ஐதீகம்.

இக்கோவிலில், இறைவன் சன்னிதிக்கு வடகிழக்கே செல்வத்தின் அதிபதியான குபேரனின் மிகப்பெரிய கற்சிலை காணப்படுகிறது. வலக்கையில் கதையை ஏந்தி, இடக்கையை மடித்த காலின் மீது வைத்துக் கொண்டு சுமார் 4 அடி உயரத்தில் மிகப்பெரிய உருவமாக குபேரன் காட்சியளிக்கிறார். இங்கே குபேரன் எழுந்தருளியிருக்கும் காரணத்தால் ஒரு காலத்தில் இந்த ஊர் அழகாபுரி என்னும் பெயரால் கூட அழைக்கப்பட்டதாம். இந்த குபேரனுக்கு தீபாவளி மற்றும் அட்சய திருதியை நாட்களில் சிறப்பு  வழிபாடுகள் நடைபெறுகின்றன. இந்த நாட்களில் வெளியூரிலிருந்தெல்லாம் ஏராளமான பக்தர்கள் வந்து இங்கே வழிபாடு செய்கின்றனர். 

குபேரன்

மிகச் சிறப்பு வாய்ந்த, தொன்மையான குபேரன் வந்து வழிபட்டு இழந்த செல்வங்களை மீட்டெடுத்த இந்தக் கோயிலுக்கு ஒருமுறை சென்று குபேரன் வழிபட்ட சிவனையும், குபேரனையும் வழிபட்டு வாழ்வில் சகல சௌபாக்கியங்களையும் பெறுவோம்.

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம். 

மூன்று வகை லிங்கம். ஷணிக லிங்கம் ... இஷ்ட லிங்கம் ... ஆத்ம லிங்கம்

பாவங்கள் நீங்க திங்கள் கிழமைகளில் சொல்ல வேண்டிய சிவ மந்திரம்...மூன்று வகைப்படும்.

ஷணிக லிங்கம் ... இஷ்ட லிங்கம் ... ஆத்ம லிங்கம்நாம் தெரிந்தும் தெரியாமல் செய்த பாவ விளைவுகளை களைய, ஒருவர் தன்னுடைய ஆணவத்தை துறந்து, சிவனை மனதார வணங்கி, தான்செய்த தீய வினைகளை அவனடியில் சமர்ப்பித்து, கீழே கூறப்பட்டுள்ள சிவன் மந்திரங்களை சொல்லி இறைவனை வணங்க வேண்டும்.

சிவ மந்திரம்:

நமச்சிவாய வாழ்க!

நாதன் தாள் வாழ்க!

இமைப்பொழுதும் நீங்காதான் தாள் வாழ்க!

கோகழி ஆண்ட குருமணிதான் தாள் வாழ்க!

ஓம் தத்புருஷாய வித்மஹே மஹா தேவாய தீமஹி!

தன்னோ ருத்ர ப்ரச்சோதயாது!

ஓம் த்ரயம்பகாய வித்மஹே ம்ருத்யுஞ்சாய தீமஹி!

தன்னோ பரமசிவ ப்ரச்சோதயாத்

சிவனுக்கு உரிய நாள் திங்கட்கிழமையாகும். எனவே ஒரு திங்கள் கிழமையில் அல்லது சிவராத்திரி அல்லது பிரதோஷ தினத்தில் சிவன் சன்னதியில் உங்கள் பிரார்த்தனையை ஆரம்பித்து தினமும் கடைபிடித்து வர வேண்டும். அவ்வாறு செய்வதால் பாவ வினைகள் நீங்கி உங்கள் வாழ்வில் மகிழ்ச்சியும் நிம்மதியும் ஏற்படும்.

மூன்று வகைப்படும்.

ஷணிக லிங்கம் ... இஷ்ட லிங்கம் ... ஆத்ம லிங்கம்

ஷணிக லிங்கம்:

நாள்தோறும் சிவ வழிபாடு நடத்தி பின்பு கைவிடப்படும் லிங்கம் ஷணிக லிங்கம் எனப்படும். இதை செய்வது மிகவும் எளிதானது. இது 16 வகைப்படும். இதனை நாமே செய்யலாம். குருவிடமிருந்து லிங்கத்தை பெற இயலாதவர்கள் இதை செய்து வழிபடலாம்.

1. புற்றுமண் லிங்கம் ..... மோட்சம் தரும்

2. ஆற்றுமண் லிங்கம் ..... பூமிலாபம் தரும்

3. பச்சரிசி லிங்கம் ..... பொன், பொருள் தரும்

4. அன்ன லிங்கம் ..... அன்ன விருத்தி தரும்

5. பசுவின் சாண லிங்கம் ..... நோய்கள் தீரும்

6.வெண்ணெய் லிங்கம் ..... மன மகிழ்ச்சி தரும்

7. ருத்ராட்ச லிங்கம் ..... அகண்ட அறிவைத் தரும்

8. விபூதி லிங்கம் ..... அனைத்து செல்வமும் தரும்

9. சந்தன லிங்கம் ..... அனைத்து இன்பமும் தரும்

10. மலர் லிங்கம் ..... ஆயுளை அதிகமாக்கும்

11. தர்ப்பைப்புல் லிங்கம் ..... பிறவியிலா நிலை தரும்

12. சர்க்கரை லிங்கம் ..... விரும்பிய இன்பம் தரும்

13. மாவு லிங்கம் ..... உடல் வன்மை தரும்

14. பழ லிங்கம் ..... சுகத்தைத் தரும்

15. தயிர் லிங்கம் ..... நல்ல குணத்தைத் தரும்

16. தண்ணீர் லிங்கம் ..... எல்லா மேன்மைகளும் தரும்

இஷ்ட லிங்கம்:

மரகதம், படிகம், கருங்கல் இவற்றினால் செய்யப்பட்ட லிங்கத்தை குருவிடமிருந்து முறையாக பெற்று தன் ஆயுள் உள்ள வரைக்கும் தன்னிடமே வைத்துக்கொண்டு தினமும் தாம் செல்லுமிடமெல்லாம் கூடவே எடுத்து சென்று வழிபடும் லிங்கம் இஷ்ட லிங்கம் எனப்படும்.

1. இந்திரன் ..... பத்மராக லிங்கம்

2. குபேரன் ..... ஸ்வர்ண லிங்கம்

3. யமன் ..... கோமேதக லிங்கம்

4. வருணன் ..... நீல லிங்கம்

5. விஷ்ணு ..... இந்திர நீல லிங்கம்

6. பிரம்மன் ..... ஸ்வர்ண லிங்கம்

7. அஷ்ட வசுக்கள், வசுதேவர்கள் ..... வெள்ளி லிங்கம்

8. வாயு ..... பித்தளை லிங்கம்

9. அசுவினி தேவர்கள் ..... மண் லிங்கம்

10. மகா லட்சுமி ..... ஸ்படிக லிங்கம்

11. சோம ராஜன் ..... முத்து லிங்கம்

12. சாதுர்யர்கள் ..... வஜ்ஜிர லிங்கம்

13. பிராம்மணர்கள் ..... மண் லிங்கம்

14. மயன் ..... சந்தன லிங்கம்

15. அனந்தன் முதலான நாகராஜர்கள் .... பவள லிங்கம்

16. தைத்தியர்கள், அரக்கர்கள் ..... பசுஞ்சாண லிங்கம்

17. பைசாசங்கள் ..... இரும்பு லிங்கம்

18. பார்வதி .... வெண்ணெய் லிங்கம்

19. நிருதி ..... தேவதாரு மர லிங்கம்

20. யோகிகள் ..... விபூதி லிங்கம்

21. சாயா தேவி ..... மாவு லிங்கம்

22. சரஸ்வதி ..... ரத்தின லிங்கம்

23. யட்சர்கள் ..... தயிர் லிங்கம்

ஆத்ம லிங்கம்:

தூய மனத்துடன் மனப்பூர்வமாக வழிபட சிவபெருமான் கொண்ட திருவுருவம் ஆத்மலிங்கம் ஆகும். இவ்வகை லிங்கத்திற்கு மனப்பூர்வமான வழிபாடே போதுமானது. வெளிபுற வழிபாடு தேவையில்லை. மனப்பூர்வமாக செய்யப்படும் சிவ லிங்க வழிபாடு ஆத்ம லிங்க வழிபாடு எனப்படும்.

1. மண் ..... காஞ்சிபுரம் ..... ஏகாம்பர லிங்கம்

2. நீர் ..... திருவானைக்கா ...... ஜம்பு லிங்கம்

3. நெருப்பு ..... திருவண்ணாமலை ..... அருணாசல லிங்கம்

4. வாயு ..... திருகாளத்தி ..... திருமூல லிங்கம்

5. ஆகாயம் ..... சிதம்பரம் ..... நடராச லிங்கம்

,ஸ்ரீநிவாசப் பெருமாளுக்கு திருமணம் நடந்த இடம்..

*ஆயிரம் அத்தி வரதர்க்கு சமமான ஒரு கோவில், 100 திருப்பதிக்கு சமமான ஒரு கோவில் ரெண்டும்  எங்க இருக்குன்னு உங்களுக்கு தெரியுமா?* 

100 திருப்பதி தரிசனத்திற்கு சமமான பத்மாவதி, ஸ்ரீநிவாசப் பெருமாளுக்கு திருமணம் நடந்த இடம் என்ற வரலாற்று பெருமையுடைய நாராயணவனம் தலத்திற்கும் மற்றும் ஆயிரம் அத்தி வரதருக்கு சமமான தரிசனம் பெறக்கூடிய  ஒரு ஆலயம் என்கிற பெருமை உடையதுமான நாகலாபுரம் ஸ்ரீவேதநாரயண பெருமாள் தலத்திற்கும் தான்.

சந்திரனை அடிப்படையாக கொண்ட சந்திர மாஸ கணக்குபடி வைகாசி மாத சுக்ல பட்ச தசமி திதியன்று நாராயணவனம் என்கிற இடத்தில்தான் பத்மாவதி ஸ்ரீநிவாசப்பெருமாளுக்கு திருமணம் நடந்துள்ளது.

அப்படிபட்ட வரலாற்று பெருமையுடைய தலத்தையும் ஆயிரம் அத்தி வரதர்க்கு சமமான வேத நாராயண பெருமாள் கோவில் தலத்தையும் இன்று நாம் இந்த பதிவில் பார்க்க போகிறோம். 

பெரும்பாலானோருக்கு ஒரு சந்தேகம் இருக்கும். பொதுவாக நாம் எந்த பெருமாள் கோயிலுக்குச் சென்றாலும் அங்கே அருகிலேயே தாயார் சன்னதியும் இருக்கும். 

ஆனால் திருப்பதியில் மட்டும் தாயார் எங்கோ தொலைவில் திருச்சானூரில் இருக்கிறாரே! ஏன் இப்படி? இதற்கு விடை,

திருப்பதி வெங்கடேஸ்வர பெருமாளின் ஊர். திருச்சானூர் பத்மாவதி தாயாரின் ஊர்.

பெருமாள் தாயாரைப் பார்க்க திருச்சானூருக்கு வந்தார். அதனால் அங்கு பெருமாளுக்கு தனி சன்னதி இருக்கிறது. 

ஸ்ரீ வெங்கடேச பெருமாளுக்கும், பத்மாவதி தாயாருக்கும் திருமணம் நடந்த இடம் நாராயண வனம். இங்கு பெருமாளும், தாயாரும் ஒரு சேரக் காட்சியளிக்கின்றனர்.

தல சிறப்பு: இங்கு பெருமாளும் தாயாரும் மணம் முடித்தக் காரணத்தால் இது கல்யாணக் களையுடன் மகிழ்ச்சியைக் குறிக்கும் மங்களகரமான இடம். இங்கு பெருமாள் மணமகன் அலங்காரத்திலும், தாயார் மணமகள் அலங்காரத்திலும் அருள்பாலிக்கின்றனர். 

திருப்பதியிலும், திருச்சானூரிலும் தனித்தனியாக இருக்கும் இவ்விருவரும் ஒன்று சேர்ந்து எழுந்தருளியிருப்பது காணக் கிடைக்காத அற்புதக் காட்சி.

நாராயணவனத்தில் உள்ள கல்யாண ஸ்ரீனிவாச பெருமாள் கோவில் திருப்பதியை விட பழமையான கோவிலாகும். இது தான் பத்மாவதி தாயாரின் அவதார ஸ்தலம்.

நாராயணவனத்தில் தான் பெருமாளுக்கும், பத்மாவதி தாயாருக்கும் திருமணம் நடந்தது. 

உடைவாள், கையில் திருமண காப்போடு பெருமாள் அருளும் இந்த க்ஷேத்ரம் தான் உலகின் முதல் வெங்கடாஜலபதி கோவில். 

இரண்டாவதுதான் திருப்பதி!

திருப்பதி வெங்கடாஜலபதி பத்மாவதி தாயாரை இங்கு தான் மணந்தார். இடுப்பில் உடைவாளோடு, கையில் கல்யாண காப்போடு பெருமாள் இருக்கும் கோவில்கள் இரண்டு. ஒன்று குணசீலம் இன்னொன்று நாராயணவனம். 

இந்த கோவிலை திருமணம் ஆகாதவர்கள் தரிசித்தால் திருமணம் தடை விலக்கும் ஸ்தலம் இது. 

சுருக்கமாக நாராயணவனம் கல்யாண பெருமாள் என்று சொன்னால் தான் அனைவர்க்கும் இங்கே தெரியும். கையில் திருமண காப்போடு இருக்கும் இந்த பெருமாள் திருமண தடையை நீக்குவதில் வல்லவர். 

திருமலையில் பெருமாளை நீண்டநேரம் காத்திருந்து தரிசிக்க முடியாத குறையைப் போக்க விரும்புபவர்கள், இந்தத் நாராயணபுரம் தலத்துக்கு வந்து, தாங்கள் விரும்பும் அளவுக்கு எவ்வளவு நேரம் வேண்டுமானாலும்  பெருமாளையும் தாயாரையும் ஒருசேர  தரிசித்து மகிழலாம்.

உள்ளே சென்று பெருமாளை வணங்கிவிட்டு, வெளியே வரும்போது ஸ்ரீ பத்மாவதி தாயார் திருமணத்திற்கு மாவு அரைத்த இயந்திரம் ஒன்றை பார்க்கலாம்!

தரிசனம் முடித்து வெளியே வந்ததும், அருமையான ருசியோ ருசியான கோயில் பிரசாதம் புளியோதரையை சிந்தாமல் சிதறாமல் தொன்னையில் அள்ளிக் கொடுக்கின்றார்கள். 

பக்தர்கள் தங்களுக்கு திருமணம் கைக்கூடவும், கடன்தொல்லையில் இருந்து விடுபடவும், சகல செல்வங்களும் கிடைக்க பெருமாளை வேண்டி செல்கின்றனர். 

வேண்டுதல் நிறைவேறிய பக்தர்கள் பெருமாளுக்கும், தாயாருக்கும் அபிஷேகம் செய்து திருமஞ்சனம் சாற்றி நேர்த்தி கடன் செலுத்துகின்றனர்.

ஸ்ரீ கல்யாண வெங்கடேஸ்வர ஸ்வாமி திருக்கோயில் திருப்பதி தேவஸ்தானத்திற்கு உட்பட்டது.

மிக மிக அழகாய் பராமரித்துக் கொண்டு வருகின்றார்கள்.

பெயர்ப்பலகை அனைத்தும் மின்னும் வண்ண செப்பேட்டில், திருப்பதியில் உள்ளது போன்றே இங்கும் உள்ளது. 

திருப்பதியில் இருந்து 40 கிலோ மீட்டர் தொலைவில் இந்த நாராயண வனம் உள்ளது. இந்த நாராயண வனத்தில் அருணா நதி பள்ளத்தாக்கு உள்ளது. பத்மாவதி என்று அழைக்கப்படும் தாயார் இந்த இடத்தில்தான் வளர்ந்தார்கள். 

திரு வெங்கடேசப்பெருமானின் திருமணம் இந்த இடத்தில்தான் நடந்தது. அந்த திருமணத்தை காண 

33 கோடி கடவுள்களும் அணிவகுத்து நின்றார்களாம் . 

வெங்கடேசப்பெருமான் மற்றும் பத்மாவதி தேவி அவர்கள் திருமணம் முடிந்த பின்பு திருப்பதிக்கு செல்லும் வழியில் அப்பலயகுண்ட என்ற ஊரில் ஓய்வெடுத்துவிட்டு சென்றுள்ளார்கள். இந்த ஊர் திருப்பதியில் இருந்து 20 கிலோமீட்டர் தொலைவிலும் திருச்சானூர செல்லும் வழியில் அமைந்துள்ளது. 

திருப்பதிக்கு செல்லும் வழியில் இது அமைந்திருப்பதால் இதை மறக்காமல் பார்த்து விட்டு செல்ல வேண்டும். 

இது மிக அழகான முறையில் கட்டப்பட்ட கோவில்களில் ஒன்றாகும் இந்தக் கோவிலில் உள்ள தெய்வங்கள் கம்பீரமாகவும் அழகாகவும் காட்சியளிக்கின்றார்கள்.

இந்த கோவிலில் மிக முக்கியமான இரண்டு கடவுள் யார் என்றால் பத்மாவதியும் ஆண்டாளும் ஆவார்கள். இந்தக் கோவிலில் தரிசனம் பெறுவது மிக சுலபமான ஒன்றாகும்.

பத்மாவதி தாயாருக்கும் சீனிவாச பெருமாளுக்கும் நாராயணவனம் என்னும் இடத்தில் திருமணம் நடந்து முடிந்ததும், சீனிவாச பெருமாள் பத்மாவதி தாயாருடன் திருமலைக்குப் புறப்பட்டார். 

அப்போது மணமக்கள் இருவரும் வேங்கட மலைக்கு செல்லும் வழியில் அகத்தியர் ஆஸ்ரமத்திற்கு சென்றனர். அவர்களுக்கு அகத்தியர் தடபுடலாக விருந்தளித்தார். 

அப்போது அகத்தியர், ‘திருமணமான தம்பதிகள் ஆறு மாதத்துக்கு மலையேறக் கூடாது’ என கூறிவிட்டார். 

மகரிஷியின் வார்த்தைக்கு மறுப்பேது? அகத்திய மகரிஷி கூறியபடி, பெருமாளும், பத்மாவதி தாயாரும் திருமலைக்கு செல்லாமல் அங்கேயே தங்கிவிட்டனர். அப்படி பெருமாள் தங்கிய தலம் தான் இப்போதைய சீனிவாச மங்காபுரம் என்று கூறப்படுகிறது.

சீனிவாசனும், அலமேலு மங்கையாகிய பத்மாவதியும் தங்கியதால் இருவரின் பெயராலும் சீனிவாசமங்காபுரம் என அழைக்கப்படுகிறது. 

புராதன காலத்தில் சித்புருஷர்கள் தவம் செய்த இடமானதால் சித்தர் கூடம் என்றும் அழைக்கப்படுகிறது. 

தனக்கு திருமணம் நடந்த நாராயண வனத்தில் 5 அடி உயரத்தில் பால்ய வடிவிலும், சீனிவாசமங்காபுரத்தில் 8 அடி உயரத்தில் கம்பீரமான வாலிப வடிவத்திலும், திருமலையில் 6 அடி உயரத்தில் குடும்பதலைவர் கோலத்திலும் பெருமாள் காட்சி தருகிறார். இம்மூன்று முர்த்திகளும் சீனிவாச பெருமாளின் ஒரே வடிவங்களே. 

சீனிவாசமங்காபுரம் கோயிலில் உள்ள கருவறையில் பெருமாள் மூன்று திருக்கோலங்களில் பக்தர்களுக்கு அருள்பாலிக்கிறார். 

நடுநாயகமாக சீனிவாச பெருமாளாக நின்ற திருக்கோலத்திலும், 

வலது புறம் லட்சுமி நாராயணராக அமர்ந்த திருக்கோலத்திலும், 

இடது புறம் ஸ்ரீரங்கநாதரைப் போல் சயனக் கோலத்திலும் சேவை சாதிக்கிறார்.

நாராயண வனம் எங்கு இருக்கிறது? 

ஆந்திர மாநிலம் சித்தூர் மாவட்டத்தில் திருப்பதியிலிருந்து 35 கிமீ தொலைவிலும் புத்தூரிலிருந்து 5 கிமீ தொலைவிலும் உள்ளது. 

திருச்சானூரிலிருந்து 

31கிமீ தொலைவும், சென்னையிலிருந்து 95 கிமீ தொலைவில் ஊத்துக்கோட்டை திருப்பதி சாலையில் உள்ளது.

கோயில் திறந்திருக்கும் நேரம்:

காலை 5 மணியிலிருந்து இரவு 8 மணி வரை கோயில் திறந்திருக்கும். 

இங்கு ஆறு கால பூஜைகளும், பலவிதமான உற்சவங்களும் நடப்பதால் பக்தர்கள் எப்பொழுது சென்றாலும் ஏதேனும் ஒரு பூஜை அல்லது உற்சவத்தில் கலந்து கொள்ளலாம். இத்தலத்திற்கு 7 கிமீ தொலைவில் நாகலாபுரம் தலம் உள்ளது. இது மச்சாவதாரத் திருத்தலம். 

இன்னும் சற்றுத் தொலைவில் பிரதோஷப் பூஜை தோன்றுவதற்கு மூலக்காரணமாக இருந்த தலமான சுருட்டப்பள்ளி பள்ளிக் கொண்டீஸ்வரர் ஆலயம் இருக்கிறது. 

நாராயணவனத்தில் தரிசனம் முடித்து அப்படியே அருகில் நாகலாபுரத்தில் இருக்கின்ற வேதநாராயணப் பெருமாள்  திருக்கோயிலுக்கு சென்றால் ஒரே கல்லுல ரெண்டு மாங்கா என்பது போல,ஸ்ரீ கல்யாண வெங்கடேஸ்வர ஸ்வாமி தரிசனம் பெற்ற மகிழ்ச்சியுடன் ஆயிரம் அத்திவரதர் தரிசனத்திற்கு  சமமான

ஸ்ரீ வேதநாராயண பெருமாளின் தரிசனத்தையும் நாம் பெறலாம்.

பெருமாளின் பத்து அவதாரங்களில் முதல் அவதாரமான மச்ச அவதாரமாக  இறைவன் பக்தர்களுக்கு காட்சி கொடுக்கும் மிக அற்புதமான அரிதான தலம் நாகலாபுரம் தலமாகும். வேதநாராயணப் பெருமாள் என்ற திருநாமம் கேட்ட உடனே வேதத்திற்கும் இத்தலத்திற்கு சம்பந்தம் உண்டு என்று தெரிகின்றது. நமது “ஸநாதன தர்மத்துக்கு’ ஆதாரமானவை வேதங்களே! 

நான்மறைகள் இல்லையேல் நமது மதமே இல்லை. காக்கும் கடவுளான திருமால், தர்மத்தை நிலை நாட்டப் பல அவதாரங்கள் எடுத்திருப்பினும், அவற்றுள் வேதங்களைக் காத்த பெருமையினால் பெரிதும் போற்றப்படுவது மத்ஸ்ய ரூபத்தில் (மீன் உருவம்) எடுத்த அவதாரமே

‘தசாவதாரங்களில்’ இதுவே முதன்மையானது.

அது மட்டும் அல்லாமல் மிகவும் சிறப்பான அமைப்பான இறைவன் தன கையில் சுதர்சன சக்கரத்தை செலுத்துவதிற்கு தயாராக உள்ள நிலையில் இத்தலத்தில் அருள் பாலிக்கின்றார் . இந்த மச்ச அவதார நோக்கமே அசுரர்களால் திருடப்பட்ட வேதங்களை காப்பாற்ற மஹா விஷ்ணு எடுத்த அவதாரமாகும் .

ஒரு யுகம் முடிவு அடைய போகும் கால கட்டத்தில் பிரம்மாவுக்கு உறக்கம் ஏற்பட்டது. அவர் கண்களை மூடி வாயை திறந்து தூங்கும் போது அவர் வாயில் இருந்து வேதங்கள் வெளி வந்து விழுந்தன . அவற்றை அசுரரான சோமகுரு என்ற அசுரன் திருடி எடுத்து சென்றுவிட்டான் .

இதனை கண்டு அதிர்ச்சி அடைந்த பிரம்மா மற்றும் தேவர்கள் இருந்தால் தான் புது யுகத்தை உருவாக்க முடியும், அதில் எல்லா உயிரினங்களை படைக்க முடியும் என்று கூறினார் . மத்திய புராணத்தில் இந்த 

மச்ச அவதாரத்தை பற்றி கூறியுள்ளார்கள்.

விஷ்ணுவின் பக்தரான சத்தியவரதா சந்தியா வந்தனம் செய்யும் போது அந்த கமண்டலத்தில் இருந்து சிறிய மீனாக தோன்றிய பெருமாள் படிப்படியாக ஒரே நாளில் பெரிய மீனாக உருவெடுத்தார் . பகவான் தன் மச்ச அவதாரத்தின் மூலம் அசுரன் சோமகுருவை அழித்து வேதங்களை திரும்ப பெற்றார் . அவற்றை பிரம்மாவிடம் ஒப்படைத்தார் .

பிரம்மா தன் படைக்கும் தொழிலால் ஒரு புதிய யுகத்தை உருவாக்கினார் .

முதல் அவதாரமாகிய மச்சாவதாரக் கோலத்திலேயே திருக்கோயில் கொண்டு அருள்புரியும் திருமால் ஆலயத்தை, இந்த நாகலாபுரத்தில் காணலாம். இத்தகைய கோலம், வேறு எங்கும் காணப்படாத ஒன்று. 

பிற ஆலயங்களில் புடைப்புச் சிற்பமாகவோ, சித்திரமாகவோ மட்டுமே மீனாகிய தேவனை தரிசிக்க முடியும். மூலவராக தனி சந்நிதி கொண்டு அருள்புரிவது இங்கு மட்டுமே என்கின்றனர்.

16ம் நூற்றாண்டில் விஜயநகர மன்னர் கிருஷ்ண தேவராயரால், அவர் தம் தாயின் நினைவாக இக்கோயில் கட்டப்பட்டது. மூலவர் வேத நாராயணப் பெருமாள், ஸ்ரீதேவி-பூதேவியுடன் காட்சி தருகிறார். திருமாலின் திருப்பாதங்கள் மீனின் அடிப்புறம் போலவே அமைந்துள்ளது. 

இந்த அற்புதக் காட்சியை இன்றைக்கெல்லாம் கண் குளிர சேவிக்கலாம்.

இவ்வாலயத்தில் வேதவல்லித் தாயார், லட்சுமி நரசிம்மர், வீரஆஞ்சநேயர், பக்த ஆஞ்சநேயர், ராமபிரான் 

ஆகிய தெய்வங்களுக்கு தனி சந்நிதிகள் அமைந்துள்ளன. 

திருச்சுற்று மதிலுடனும், ராஜகோபுரங்களுடனும் ஒரு பெரிய ஆலயமாகவே இது திகழ்கிறது.

இந்த ஆலயத்தின் கோபுரம் பார்க்கும் போதே நமக்கு

பல்லாண்டு பல்லாண்டு! பல்லாயிரத்தாண்டு! 

பலகோடி நூறாயிரம்

மல்லாண்ட திண்தோள் மணிவண்ணா!* உன்

சேவடி செவ்வித்திருக்காப்பு

என பல்லாண்டு பாடத் தோன்றுகிறது ..

வேதநாராயணப் பெருமாள் கோவிலின் அறிவிப்பு பதாகை நம்மை வரவேற்கின்றது, 

பெருமாள் மச்சாவதார கோலத்தில் அதுவும் சுயம்பு மூர்த்தமாக இவர் இருக்கும் அந்த அழகு இங்கே கிடைக்கும் தெய்வீக அதிர்வலையை வர்ணிக்க வார்த்தைகள் எதுவும் இல்லை. 

பெருமாள் கோவிலில் சுற்று பிரகாரத்தில் சிவன் சந்நிதியை பார்ப்பது என்பது மிக, மிக அபூர்வம் இங்கே சுற்று பிரகாரத்தில் வீணா தக்ஷிணாமூர்த்தியை பார்க்கலாம். 

இந்த பெருமாளை வழிபடுவதன் மூலம் பித்ரு தோஷம், சர்ப்ப தோஷம் முதலான பல தோஷங்கள் நீங்கும். 

இந்த கோவில் அனைத்து ராசியினரும் வழிபட வேண்டிய கோவில், குறிப்பாக மீன ராசியினர் அவசியம் வழிபட வேண்டும்.

இக்கோயின் மற்றொரு சிறப்பு அம்சம் . இக்கோயில் மேற்கு அமைந்துள்ளது .சூரியனது கதிரானது ஒவ்வொரு வருடமும் மார்ச் மாதம் 12 ,13 ,14 ஆம் தேதிகளில் மாலை 6 மணி முதல் 6 .15  மணி வரை இறைவனின் மீது படும் .அதுவும் முதல் நாள் சூரிய கதிர் இறைவனின் கால் பகுதியிலும் , இரண்டாம் நாள் இறைவனின் மார்பு பகுதியிலும் , மூன்றாம் நாள் இறைவனின் தலை பகுதியில் படும் .

இக்கோயில் திருப்பதி தேவஸ்தானத்தின் கட்டுப்பாட்டில் உள்ளது .

திறந்திருக்கும் நேரம் :

காலை 6 .00 -12 .00 , 

மாலை 4 .00 - 8 .00

செல்லும் வழி:

இக்கோயில் சென்னையில் இருந்து சுமார் 80 km தொலைவில் சிறிய கிராமத்தில் அமைந்துள்ளது . 

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்.