#ஆதிசேஷன்_தவமிருந்த_அதிசயங்கள்_நிறைந்த_நாகராஜாகோயில்_நாகர்கோவில்
மனிதர்களுக்கு நாகதோஷம் இருந்தால் திருமணத்தடை, குழந்தை பிறப்பதில் தடை ஏற்படுகிறது. எனவேதான் ஜோதிடர்கள் நாகதோஷம் நீங்கப் பரிகாரம் கூறுவார்கள். நாகதோஷம் சருமவியாதியைத் தருகிறது. நாகரை நினைத்து வழிபட்டால் சருமவியாதி தீரும் என்பது நம்பிக்கை.
நம் நாட்டில் நாகர் வழிபாட்டிற்கு என்று தனியாக அமைந்தக் கோவில் நாகர்கோவில் நாகராஜா ஆலயமேயாகும். திருப்பாம்புரம், பாமணி, நாகப்பட்டினம், திருக்காளஹஸ்தி, திரு நாகேஸ்வரம், திருப்பனந்தாள், கீழ்ப்பெரும்பள்ளம், திருநெல்வேலி (கோடகநல்லூர்) போன்ற ஆலயங்களில் எல்லாம் மூலவரான சிவபெருமானை வழிபட்டு நாகங்கள், தங்களது கொடிய தோஷங்களைப் போக்கிக் கொண்டதால் பெருமை மிக்கதாகும்.
நாகருக்கென்றே தனிக்கோவில், அதாவது "நாகராஜாவான ஆதிசேஷன் " மூலவராக வீற்றிருக்கும் ஆலயம் நாகர்கோவில் நாகராஜா ஆலயம் ஆகும். இங்கே கருவறையில் நாகராஜாவே மூலவராக இருக்கிறார்.
#நாகர்கோவில்_நாகராஜா
கன்னியாகுமரி மாவட்டத்தில் உள்ள நாகர்கோயில் என்ற ஊருக்கு பெயர்க் காரணமாய் திகழ்வது அருள்மிகு நாகராஜா திருக்கோயில். நாகராஜா திருக்கோயில், நாகர்கோவில் நகரத்தின் மத்தியில் அமைந்துள்ளது. இத்திருக்கோயில் கிழக்கு பார்த்து இருந்தாலும் தெற்கு திசையில் உள்ள கோபுரவாசல் வழியே பக்தர்கள் தரிசனத்துக்கு செல்வது வழக்கமாக இருக்கிறது.
#தலபுராணம்
மகாவிஷ்ணுவிற்குப் படுக்கையாகப் போகவேண்டுமென ஆதிசேஷன் தவமிருந்து , மகாவிஷ்ணுவின் அருளைப் பெற்ற இடமாதலால் இத்தலத்தில் மகாவிஷ்ணுவின் அருளும் நிரம்பியிருக்கிறது. திருமாலின் படுக்கையாகச் செல்லும் பாக்கியத்தைப் பெற்ற ஆதிசேஷனே இங்கு நாகராஜாவாக அருள் புரிகிறார். உலகையே தாங்கும் ஆதிசேஷனின் திருநட்சத்திரம் "ஆயில்யம்" . எனவே திருமணத் தடையுள்ள ஆயில்ய
நட்சத்திரக்காரர்கள் இக்கோயிலில் சிறப்பு வழிபாடு செய்து , பெரும் நற்பலனைப் பெறுகின்றனர்.
ஆதி சமயமான வைஷ்ணவத்தில், மகாவிஷ்ணு பாம்பின் மேல் படுத்திருப்பதால் வைஷ்ணவர்களும் நாகங்களை வழிபடுவர். ஆதி சமயமான சைவத்திலும் நாக வழிபாடு உண்டு. ஏனெனில் சிவபெருமானின் உடலில் ஆபரணங்களாக இருக்கும் பாக்கியத்தைப் பெற்றது நாகங்களே. எனவே பிற்காலத்தில் தோன்றிய சமணம், பௌத்தம் போன்றவற்றிற்கும் முன்பே #இந்துக்கள்_நாகவழிபாடு செய்துள்ளனர்.
#மகேந்திரமலையில்_நாகங்களை வழிபடும் #நாகர்கள் என்ற இனத்தவர்கள் அதிகமாக வாழ்ந்ததாக #வால்மீகிமகரிஷி_இராமாயணத்தில் கூறியிருக்கிறார். அவர் தென்திசைக்கு வந்ததில்லை என்றாலும், தனது ஞானத் திருஷ்டியினால் ஒவ்வொன்றையும் நேரில் கண்டதைப் போல தெளிவாக எழுதியுள்ளார். எமது #குமரிமாவட்டத்தில் பலரும் இன்னும் தங்கள் பெயருக்கு முன்னர் "நாக" என்ற பெயரைச் சேர்த்துக் கொள்கின்றனர். மகேந்திர மலையில் வசித்த நாகர்கள், தாங்கள் வழிபட இவ்விடத்தில் முற்காலத்தில் நாகரைப் பிரதிஷ்டைச் செய்து வழிபட்டதாகப் புராணங்கள் கூறுகின்றன. சமண மத்திலும் நாக வழிபாடு பிரபலம் என்பதால், சமண மன்னர்கள் இக்கோயிலை பெரிதும் போற்றினர்.
16ஆம் நூற்றாண்டு கல்வெட்டு குணவீரபண்டிதன், கமலவாகபண்டிதன் இருவரும் நாகராஜா பூஜையை மேற்பார்வையிட்ட சமணர்கள் எனத் தெரிவிக்கிறது. இவர்கள் ஆச்சாரியார்களாவர். ஐந்நூறு ஆண்டுகளுக்கு முன் சமண தெய்வமாகவும் , வைஷ்ணவர்களின் போற்றுதற்குரிய ஆதிசேஷனாகவும் இக்கோயிலில் விளங்கியிருக்கிறது.
#மகிமைமிகு___நாகராஜா__ஆலய_________தெப்பக்குளம்
நாகராஜா ஆலயத்தில் இரண்டு தெப்பக்குளங்கள் உண்டு. கோயிலுக்குள் நாம் சென்றதும் திறந்த வெளிப்பகுதியில் இருக்கும் ஆலமரத்தை சுற்றி நாகர்கள் பிரதிஷ்டை செய்யப்பட்டிருக்கும். பெண்கள் நாகங்களுக்கு அங்கே பாலூற்றி, சுற்றி வந்து வழிபடுவர். அதற்கு எதிரே ஒரு தெப்பக்குளம் உண்டு. அதைத் தவிர இன்னொரு தெப்பகுளம் கோயில் பகுதிக்கு உள்ளேயே உண்டு. அந்தத் தெப்பக்குளம் மிகவும் மகிமை உடையது.
அதாவது அந்த தெப்பக்குளத்தைப் பார்க்கும் பொழுது சிலரது கண்களுக்கு மட்டும் அந்த தெப்பக்குளத்தின் மீது நாகங்களாகக் காட்சியளிக்குமாம். நாகங்கள் சுருண்டு தலையைத் தூக்கி நிற்பது போல் தெப்பக்குளம் முழுவதும் நாகங்களாகச் சிலரது கண்களுக்கு மட்டுமே காட்சியளிக்குமாம். அவ்வாறு யாருடைய கண்களுக்கு நாகங்கள் அந்தத் தெப்பக்குளத்தில் தெரிகிறதோ அவர்கள் மகாவிஷ்ணுவின் அருளைப் பெற்றவர்களாகவும் இருப்பர். இன்னொன்று அவர்களுக்கு ஏதேனும் கிரக தோஷங்களினால் கடுமையான நோய்களால் இனி பாதிக்கப்பட போகின்றனர்! என்பதன் முன்னறிவிப்பாகவும் இவ்வாறு தெரிகிறது! என்கின்றனர் நாகராஜா ஆலய பக்தர்கள்; இதுவும் நிதர்சனமான உண்மையே. .
இவ்வாறு எண்ணற்ற அதிசயங்கள் நிறைந்தது நாகர்கோயில் நாகராஜா ஆலயம். குறிப்பாக ஆயில்ய நட்சத்திரத்தில் பிறந்த பெண்களுக்கு திருமணமாகத் தாமதமானால், இங்கே வந்து வழிபட்டு செல்லும் பொழுது நிச்சயமாக மிக நல்ல திருமணவாழ்க்கை வெகு சீக்கிரமே அமைகிறது! என்பதும் நிதர்சனமான உண்மை.
*நாகர்வழிபாடு. என்பது
வைஷ்ணவ, சைவ சமயங்களில் முற்காலத்திலேயே இருந்தது தான். ஏனெனில் ஜோதிட ரீதியாக #நாகத்தோஷம் உள்ளவர்கள் பரிகாரம் செய்ய நாகங்களை வழிபடுவது வழக்கமாக இருந்துள்ளது.
*ஆதிசேஷன் கடும் தவம் செய்து, தவத்தில் வெற்றி பெற்று மகாவிஷ்ணுவுக்குப் படுக்கையாகப் போன தலமாதலால், இக்கோயில் மிகவும் சக்தி வாய்ந்தது. அனைத்து மதத்தவர்களும் இங்கே வழிபட்டு, பயனடைவதுண்டு
#ஆதிஷேசன் :
#அனந்தன் என்பது ஆயிரம் தலைகளையுடைய நாகராஜனின் பெயர். இவர் திருமாலைத் தாங்குபவர். இவர் தவம் செய்த இடமாதலால், இக்கோயில் சக்தி மிக்க வைணவக் கோயிலாகும். திருக்கோயிலின் வாயிலில் இரண்டு பெரிய 5 தலைகளுள்ள நாகங்களின் சிலை நம்மை வரவேற்கின்றன. இத்திருத்தலத்தின் கருவறையில் 5 தலைகளுள்ள நாகத்தின் உருவச் சிலையே (*ஆதிசேஷன்) மூலவரான நாகராஜ தெய்வமாக வழிப்படப்படுகிறது. நாகராஜாவிற்கு வழிபாடுகள் நடத்தியப் பிறகு புற்று மண் பிரசாதமாக வழங்கப்படுகிறது. காட்டில் புல்லறுக்கப் போன ஒரு பெண்மணியே இங்கு நாகர் சிலை இருப்பதைக் கண்டுபிடித்து சொன்தாகக் கூறுகின்றனர்.
#அதிசய_நிகழ்வு :-
இத்தல மூலவர் நாகராஜாவின் எதிரில் உள்ள தூணில் நாகக்கன்னி சிற்பம் இருக்கிறது. கருவறையில் நாகராஜா இருக்கும் இடம் மணல் திட்டாக உள்ளது. மேலும் வயல் இருந்த இடம் என்பதால் எப்போதும் இவ்விடத்தில் நீர் ஊறிக்கொண்டே இருக்கிறது. இது இன்றும் காணக் கூடிய ஒரு அதிசய நிகழ்வாகும். இந்த நீருடன் சேர்ந்த மணலையே, கோவில் பிரசாதமாக பக்தர்களுக்கு வழங்குகிறார்கள். இந்த மண் ஆடி மாதம் முதல் மார்கழி மாதம் வரை கருப்பு நிறத்திலும், தை மாதம் முதல் ஆனி மாதம் வரை (உத்ராயண புண்ணிய காலம்) வெள்ளை நிறத்திலும் மாறிக் கொண்டே இருப்பது அதிசயிக்கத்தக்க ஒன்றாகும். இந்தப் #புற்றுமண் எல்லாவித நோய்களையும் தீர்க்கும் சர்வ சக்தி உள்ள பிரசாதமாகும்.
#வரலாறு :-
இத்திருக்கோயில் கட்டுமானம் தொடர்பாக ஒரு கதை வழங்கி வருகிறது. கி.பி.1516 முதல் 1535 வரை நெல்லை மாவட்டம் களக்காட்டை தலைநகராக கொண்டு வேணாட்டை ஆட்சி செய்த மன்னர் பூதலவீர உதயமார்த்தாண்டன். இவர் தீராத சரும வியாதியால் அவதிப்பட்டு வந்தார். ஜோதிடர்கள் அவரது ஜாதகத்தை ஆராய்ந்து இந்த நோய் நாகதோஷத்தால் உண்டானது என்றும் நாஞ்சில் நாட்டு நாகராஜா கோயிலில் வழிபடால் இந்த வியாதி தீரும் என கூறினர். அப்போது நாகர்கோவில் நாகராஜா கோவிலின் சிறப்பு பற்றி அறிந்து ஆவணி மாத ஞாயிற்றுக்கிழமைகளில் வந்து கோவிலுக்கு நேர்ச்சை செய்து வழிபட்டதால் அந்த மன்னரின் சருமநோய் தீர்ந்தது.
இதற்குப் பதில் உதவியாக கோவிலின் சில பகுதிகளை அவர் கட்டிக்கொடுத்துள்ளார். ஆனால் இறைவனின் விருப்பப்படி #மூலஸ்தானம் மட்டும் *ஓலைவேயப்பட்டே இன்றளவும் காணப்படுகிறது. ஒலைவேயப்பட்டே மூலஸ்தானம் இருக்கு வேண்டுமென்பது இறைவனின் கட்டளையாகும்.
#ஆவணிஞாயிறு_வழிபாடு :-
ஆவணி மாத ஞாயிற்றுக்கிழமை வழிபாடு, மேலும் சிறப்பு பெற்றது. அன்றுமுதல் இன்றுவரை ஆவணி மாத ஞாயிற்றுக்கிழமைகளில் பல இடங்களில் இருந்தும் எண்ணற்ற பக்தர்கள் வந்து, இங்கே நாகராஜாவை வழிபட்டு செல்கிறார்கள். இத்திருக்கோயிலில் புற்று மண் பிரசாதமாக வழங்கப்படுகிறது. ஜாதகத்தில் இருக்கும் நாகதோஷம் இங்கு வழிபடுவதன் மூலமாக தோஷம் நீங்குகிறது என்பது ஐதீகம்.
இறைவன் - *அனந்தகிருஷ்ணன், நகராஜா, தீர்த்தம் - நாகதீர்த்தம், தலவிருட்சம் - ஓடவள்ளி,
ஆகமம் - தாந்திரீகம்
சைவம், வைணவம், சமணம், பௌத்தம் என அனைவரும் நாகராஜாவை வழிபட்டப் பின்னர், அவருடைய வலப் பக்கத்திலுள்ள சந்நிதானத்தில் வாயு ரூபியாக எழுந்தருளியுள்ள சிவபெருமானைத் தரிசிக்கின்றனர்.
#அனந்தக்கிருஷ்ணன் எனும் திருநாமத்துடன் திருமால் இங்கே எழுந்தருளியுள்ளார். இக்கோயிலின் தூண்களில் சமண சமயத்தின் தீர்த்தங்கர்களான பார்சுவ நாதரும், மகா வீரரும் தவக்கோலத்திலுள்ள காட்சி செதுக்கப்பட்டுள்ளன. கோயிலின் நுழைவாயில் நேபாள பெளத்த விகாரை நினைவூட்டும் வண்ணம் உள்ளதென கூறுகின்றனர். எனவே இத்திருக்கோயில் சைவ, சமண, வைணவ, பெளத்த மார்க்கங்களின் சங்கமமாக கருதப்படுகிறது.
*கொடிமரமும்_ *தலவிருட்சமும் :-
*ஓடவள்ளி என்று கொடியே இத்தல விருட்சமாகும். ஆலயத்தின் வெளிப்பிரகாரத்தில் நாக உருவம் கொண்ட #நாகலிங்கமரம் உள்ளது. இந்தக் கோவிலின் பிரதான #மூலவர்_நாகராஜர் என்றாலும், #அனந்தகிருஷ்ணர் சந்நிதிக்கு எதிரேயே கொடி மரம் இருக்கிறது. இதிலிருந்து
#முற்காலத்தில்_இது_வைஷ்ணவ_ஆலயம் என்பதும்; இங்கே மகாவிஷ்ணுவுக்கே முக்கியத்துவம் என்பதும்; அதனாலேயே ஆதிசேஷன் இங்கே தவம் இருந்து மகாவிஷ்ணுவுக்கு படுக்கையாகச் சென்ற மகிமைப் பெற்ற திருத்தலம் இதுவென்பதும் தெளிவாகிறது.
தை மாதத்தில் #அனந்தகிருஷ்ணருக்கே_பிரம்மோற்சவமும் நடைபெறுகிறது. அப்பொழுது அனந்தகிருஷ்ணர் திருத்தேரில் எழுந்தருள்வார். தைமாத ஆயில்ய தினத்தன்று ஆராட்டு வைபவமும் நடைபெறும். இதிலிருந்து இவ்வாலயம் முற்காலத்தில் கிருஷ்ணருக்கு மகிமை உடைய புகழ்பெற்ற வைஷ்ணவ ஆலயம் என்பது தெளிவாகிறது.
#ஆமைக்கொடி :-
பெருமாள் கோவில்களில் #கொடிமரத்தின் உச்சியில் #கருடன் இருப்பது வழக்கம். ஆனால் இங்கு ஆமை உள்ளது. பாம்பும், கருடனும் பகைவர்கள் என்பதால், இத்தல பெருமாள் சந்நிதியில் மகாவிஷ்ணுவின் கூர்ம அவதாரமான ஆமை இருக்கிறது.
*நாகவழிபாட்டின்_நன்மைகள :-
நல்லவை அனைத்தையும் தந்தருளும் மகாசக்தி கொண்டது #நாகவழிபாடு. இதை வழிபடும் முறையை அறிந்துகொண்டு, அதன்படியே வழிபட்டு வணங்கினால், எல்லா வளமும் நலமும் பெறலாம். நாகப்புற்றை மூன்று முறை வலம் வந்து அம்மனை வழிபடுவது போல் வேண்டினால் எண்ணியவை நிறைவேறும் என்று பக்தர்கள் நம்புகிறார்கள்.
*நாகதோஷம்_நீங்கும் :-
குடும்பம் நலமாக இருக்க வேண்டி வழிபடுதல். மகப்பேறு வேண்டியும், பிரசவம் இடையூறு இன்றி நடைபெற வேண்டியும் வழிபடுகின்றனர்.
கேது திசை நடப்பவர்கள் புற்று வழிபாடு செய்து நோய் வராமல் தடுக்க வேண்டுவார்கள்.நாக தோஷம் உள்ளவர்கள் அத்தோஷம் நீங்கப் புற்று வழிபாடு செய்வார்கள். தொழு நோய் நீங்கவும் புற்று வழிபாடு செய்யப்படுகிறது.
குழந்தைகள் தோஷங்கள் காரணமாக அடிக்கடி உடல் நலம் பாதிக்கப்படுவார்கள். அவர்கள் நலமுடன் வாழவும் புற்று வழிபாடு நடைபெறுகிறது.
*சருமவியாதிகள்_தீரும் :-
பொதுவாக செவ்வாய், வெள்ளி ஆகிய நாட்கள் நாக வழிபாட்டிற்கு ஏற்றது. மகாவிஷ்ணுவுக்கு சிறப்பான ஞாயிற்றுக்கிழமையில் இங்கே வழிபாடு செய்வது என்பது மிகவும் சிறப்புடையது. ஆவணி மாத ஞாயிறு நாக வழிபாட்டுக்கு மிகவும் சிறப்பானது. ஆவணி ஞாயிற்றுக்கிழமை விரதமிருந்து நாகப்புற்றுக்கு பால் ஊற்றி வழிபட்டால் நாகதோஷம் நீங்கும், சருமவியாதிகள் தீரும்! என்பது பக்தர்களின் நம்பிக்கை. பல அற்புதங்கள் நிறைந்தக் கோயிலிது.
இந்த நாகராஜா ஆலயத்தை வைத்தே இந்த ஊர் #நாகர்கோயில் என்று பெயர் பெற்ற சிறப்பை உடையது . அதனால் நாகர்கோயில் சுற்று வட்டாரப் பகுதிகளில் ஆண்களும், பெண்களும் *நாக என்ற பெயரை தனது பெயரோடு இணைத்துக் கொள்வது வழக்கம். ஆண்கள் நாகராஜா என்றும் பெண்களானால் *நாக என்ற பெயரில் தனது பெயருக்கு முன்பும் சேர்த்துக் கொள்வது இங்கே வழக்கமான ஒன்று. ஆதிசேஷனே இங்கே தவமிருந்த மகிமைமிக்க ஆலயம் இந்த நாகராஜா ஆலயம்.
ஓம் நமசிவாய
படித்து பகிர்ந்தது
இரா இளங்கோவன்
நெல்லிக்குப்பம்.
No comments:
Post a Comment