மூன்று தீர்த்தம், மூன்று மூர்த்திகள், மூன்று தலமரம்!

மூன்று  தீர்த்தம், மூன்று மூர்த்திகள், மூன்று தலமரம்!

நாகை மாவட்டத்தில், கிழக்குக் கடற் கரையோரம் அமைந்த திருத்தலம், திருவெண்காடு. இத்தலத்திற்கும் மூன்று என்ற எண்ணிற்கும் நெருங்கிய தொடர்பு உண்டு. 

இத்தலத்தில் சூரிய தீர்த்தம், சந்திர தீர்த்தம், அக்னி தீர்த்தம் ஆகிய மூன்று குளங்கள் உள்ளன. இந்த மூன்று தீர்த்தங்களில் நீராடி முறையே இத்தலத்து மூர்த்திகளை வழிபடுபவர்களுக்குப் பிள்ளைப் பேறு கிட்டும். 

திருஞானசம்பந்தப் பெருமான், இந்த திருவெண்காட்டு முக்குள நீர், தோய் வினையார் (மூழ்கி வழிபடுவோர்) அவர் தம்மைத் தோயாவாம் தீவினை, பேய் அடையாது. (பிடித்திருந்தால் விலகியோடும்) பிள்ளையினோடு, உள்ள நினைவு (வேண்டிய) வரங்களைப் பெறுவர் என்கின்றனர். 

இத்தலத்தில், மூன்று மரங்கள் தலமரமாக உள்ளன. அவை ஆலமரம், கொன்றை, வில்வம் என்பனவாகும். இங்குள்ள ஆலமரம் அட்சய வடம் என்று அழைக்கப்படுகிறது. 

வடநாட்டுக் கயாவில் அட்சயவடத்திற்கு இணையாக இது போற்றப்படுகிறது. கயாவில் அட்சய வடத்தின் கீழ் விஷ்ணு பாதம் இருப்பதைப் போல், இங்கு ருத்ர பாதம் உள்ளது. இதில் பிதுர்களுக்குத் தர்ப்பணம் செய்தால் அவர்கள் சிவலோகம் பெறுவார்கள் என்பது நம்பிக்கையாகும்.இத்தலத்தில், வெண்காட்டீசர் என்னும் சிவலிங்கமூர்த்தி, அகோரர் என்னும் உக்ர மூர்த்தி, ஆதி சிதம்பரேசர் என்னும் ஆனந்தத் தாண்டவ நடராசர் ஆகிய மூன்று மூர்த்திகள் உள்ளனர். அம்பிகை, அகோர காளி, துர்க்கை, பிரம்மவித்யா ஆகிய மூன்று கோலங்களில் காட்சி தருகிறாள். மூன்று தீர்த்தம், மூன்று மூர்த்தி, மூன்று தலமரம் என மும்மையால் பொலியும் திருத்தலமாக திருவெண்காடு திகழ்கிறது.மும்முகலிங்கம்சிவபெருமான், படைத்தல், காத்தல், அழித்தல் என்னும் முத்தொழிலை ஓயாது இயற்றும் காலகாலனாக இருக்கின்றார். அவர் அந்தச் செயல்களைச் செய்வதைக் குறிக்கும் வகையில், மும்முகலிங்கமாகக் காட்சியளிக்கின்றார். இத்தகைய மும்முகலிங்கத்தைத் திருவக்கரை என்னும் தலத்தில் காண்கிறோம். பொதுவாக, லிங்கங்களை முகலிங்கங்களாக அமைப்பவர்கள், லிங்கத்தின் பாணப்பகுதியில் ஒற்றை முகம் அல்லது நான்கு திசைகளை நோக்கிய நான்கு முகங்களைக் கொண்டவை களாகவே அமைத்துள்ளனர். ஆகமங்கள் கூறியிருந்த போதிலும், மூன்று முகங்களை அமைக்கும் வழக்கம் இல்லை. அதனால் திருவக் கரையிலுள்ள மூன்றுமுகலிங்கம், சமய உலகின் அரியப் படைப்பாகத் திகழ்கிறது. மூன்றுமுகங்களும் சிவபெருமானின் சத்யோஜாதம், அகோரம், வாமதேவர் ஆகிய முகங்களைக் குறிக்கின்றன.திருவக்கரை தேவாரப் பாடல் பெற்ற தொண்டை நாட்டுத் திருத்தலம். திருப்புகழில் அருணகிரிநாதர் பாடிப் பரவிய தலம். திண்டிவனத்திலிருந்து – வானூர், மயிலம் வழியாகப் பாண்டிச்சேரி செல்லும் சாலையில் பயணித்துப் பெரும்பாக்கம் என்னும் ஊரை அடைந்து, அங்கிருந்து தெற்கு நோக்கிச் செல்லும் பாதையில் 5 கி.மீ. பயணித்தால் திருவக்கரையை அடையலாம். சங்காரபரணி ஆற்றின் தென்கரையில் ஊரும், அந்த ஊருக்கு நடுவே கோயிலும் அமைந்துள்ளன.கருவறையில், மும்முகலிங்கமாகப் பெருமான் விளங்குகிறார். சந்திரன் வழிபட்டால் இந்நாளில், சந்திரசேகரேசுவரர் என்று அழைக்கப்படுகிறார். நடைமுறையில் சந்திர மௌலீசுவரர் என்னும் பெயர் வழங்குகிறது. அம்பிகையின் பெயர் வடிவாம்பிகை என்பதாகும்.சூரியன், சந்திரன், அக்னி ஆகிய மூவரும் வழிபட்ட தலம். இந்த மூவர் பெயராலும் அமைந்த தீர்த்தங்கள் இங்கே உள்ளன. இந்த முச்சுடர் தேவர்களுக்கும் அருளும் மும்முக லிங்கமாய்ப் பெருமான்

எழுந்தருளியுள்ளார். 

ஓம் நமசிவாய 

படித்து பகிர்ந்தது 

இரா இளங்கோவன்

 நெல்லிக்குப்பம். 

காஞ்சிபுரம் வரதராஜப்பெருமாள் திருக்கோயில்..

இந்தியாவில் உள்ள ஏழு புண்ணிய நகரங்களில் ஒன்றாக விளங்கும்

#காஞ்சிபுரம் என்ற திருக்கச்சியில் உள்ள 

108 வைணவத் திவ்ய தேசங்களில் தொண்டை நாட்டுத் திருப்பதிகளில் ஒன்றான 

#திருக்கச்சி (#காஞ்சிபுரம்)

(ஹஸ்திகிரி, வேழமலை,அத்திகிரி)

#வரதராஜப்பெருமாள் 

(தேவராஜ பெருமாள்,

பேரருளாளன் தேவராஜன்)

திருக்கோயிலில் உள்ள 

#பெரியபிராட்டியார் 

#பெருந்தேவிதாயார்

திருக்கோயிலில் #வேதாந்த_தேசிகருக்கு #பொன்_மழை பொழிந்து அருளிய புராண நிகழ்வு:

யாசகம் பெற வந்தவரை நேரடியாக காஞ்சிபுரம் வரதராஜ பெருமாள் கோயிலுக்கு அழைத்துச் சென்றார். தாயார் சன்னத்திக்கு சென்ற தேசிகர், மனம் உருகி ஸ்ரீஸ்துதியை பாடினார். அதாவது ஸ்ரீ ஆன மகாலட்சுமியை போற்றி பாடினார். இதை கேட்டு மனம் உருகிய மகாலட்சுமி தேவி, தங்கத்தை மழையாக பொழிந்தார். அதில் தர்மநெறிகளின் படி தனக்கு தேவையானவற்றை மட்டும் எடுத்துக் கொண்டு மற்றவற்றை வேண்டாம் என மறுத்து விட்டார் யாசகம் பெற வந்தவர். தேசிகர், அப்போதும் பிரகலாதனைப் போல் எனக்கு எதுவும் வேண்டாம் என்ற நின்றார். இதை பார்த்த அந்த ஊர் மக்கள் ஆச்சரியப்பட்டனர்.

தனது பரம பக்தர் ஒருவர் பாடிய பாடலை கேட்டு, அவருக்காக மகாலட்சுமி தங்க மழை பொழிய வைத்தார் என்றால், நம்ப முடிகிறதா ? அது மட்டுமல்ல திருமலை திருப்பதியில் நடக்கும் பூஜைகளில் தற்போதும் இந்த ஸ்லோகத்திற்கு முக்கிய பங்கு உண்டு என்றால் ஆச்சரியப்படாமல் இருக்க முடியாது. அந்த பக்தர் வேறு யாரும் இல்லை வேதாந்த தேசிகர் தான்.

ஆச்சார்யா நிலையில் தோன்றி, அஞ்ஞானம் அகற்றி ஞான விளக்கேற்றியவர் வேதாந்த தேசிகர். காஞ்சிபுரத்தில் தூப்பல் என்னும் இடத்தில் அவதரித்த ஞான தேசிகர், 20 வது வயதிலேயே வேதாந்த ரகசியங்களை எல்லாம் கற்றுத் தேர்ந்தார். தேசிகர் நாவன்மை மிக்கவர். இது அவரை சிறந்த பேச்சாளராக்கிறது. அனைவரும் எளிதில் புரிந்து கொள்ளும் வகையில் ஆன்மிக சொற்பொழிகவுகளை நிகழ்த்தக் கூடியவர்.

`அருள் இல்லார்க்கு அவ்வுலகம் இல்லை, பொருள் இல்லார்க்கு இவ்வுலகம் இல்லை' என்பது வள்ளுவர் வாக்கு. 

செல்வத்தின் பிறப்பிடமாக விளங்கித் தன்னைத் துதிக்கும் அனைவருக்கும் வாரி வழங்குபவள் அன்னை மகாலட்சுமி. 

தன்னைத் துதிக்கும் பக்தர்களுக்குச் செல்வச் செழிப்பை அருள்வதற்காகவே ஶ்ரீநிவாசப் பெருமாள் தன் மார்பில் அன்னை மகாலட்சுமியைத் தாங்கி தரிசனம் கொடுக்கிறார். இத்தகைய சிறப்புகளைக் கொண்ட திருமகளின் அருள் வேண்டாதவர்கள் இல்லை. அன்னையின் அருளை எளியவர்களுக்கும் சொந்தமாக்கவே ஆசார்யர்கள் தோன்றி பல தோத்திரங்களை அருளிச் செய்திருக்கின்றனர்.

தன் வீட்டு வாசலில் துவாதசி நாளில் பிட்சை கேட்டு வந்து நின்ற ஆதிசங்கரருக்கு, தன் வசம் இருந்த ஒரே நெல்லிக்கனியையும் தானமாகக் கொடுத்தாள் ஓர் ஏழைப் பெண். தனக்கில்லாத நிலையிலும் பிறருக்கு உதவும் அவளின் நிலை கண்டு வருந்திய ஆசார்யர், அந்த கணத்திலேயே அன்னை மகாலட்சுமியைத் துதித்து போற்ற ஆரம்பித்தார். அன்னை மனம் இரங்கி பொன்மழை பொழிந்தாள். பொன்னே மழையாகப் பொழிந்ததால், `கனக தாரா ஸ்தோத்திரம் ' என்று அந்த துதி பெயர் பெற்றது.

அதேபோல அன்னை மனமிரங்கிய மற்றுமொரு நிகழ்வு, காஞ்சிமாநகரிலும் நிகழ்ந்தது. நமது நாட்டிலுள்ள முக்கிய புண்ணியத்தலங்களான அயோத்தி, மதுரா, மாயா, காசி, அவந்தி, காஞ்சி, துவாரகா ஆகிய 7 நகர்களில் காஞ்சியே முக்கியமான சிறப்பினை உடையது. இதையே `முக்திதரும் நகர் ஏழில் முக்கியமாம் காஞ்சிதனில்' என்று காஞ்சிமாநகரின் பெருமையைப் புகழ்வார் தேசிகர். திரும்பும் திசையெங்கும் திருக்கோயில்களே காட்சியளிக்கும் காஞ்சிமாநகரில் முக்கியமான ஒரு தலம் வரதராஜனாக எழுந்தருளி தரிசனம் கொடுக்கும் `பேரருளாளன்' திருக்கோயிலும் ஒன்று. இந்தத் தலத்தில் அன்னை புரிந்த அற்புதங்கள் அநேகம். அவற்றுள் வேதாந்த தேசிகரின் வேண்டுதலை ஏற்றுப் பொன்மழை பொழிந்த நிகழ்வும் ஒன்று.

வேதாந்த தேசிகர், 1268 - ம் ஆண்டு தூப்புல் என்னும் கிராமத்தில் அவதரித்தவர். பெருமாளின் மீது பெரும் பக்தி கொண்டவர். தன் வாழ்வில் செல்வத்தின் பின்னே செல்வதில்லை என்னும் பெரும் வைராக்கியம் கொண்டவர். வேதாந்த தேசிகரை அறிந்தவர்கள் அவரின் வறுமைபோக்க விரும்பி, அவருக்கு பிட்சை இடும்போது, அரிசியோடு சேர்த்து சில பொற்காசுகளையும் இடுவர். பிட்சை முடிந்து வீடு திரும்பிய தேசிகர் அரிசியில் பொற்காசுகள் இருப்பதைக் கண்டதும், முகம் சுளித்து அதைத் தொடக்கூட விரும்பாமல் குச்சி ஒன்றை எடுத்து அக்காசுகளைத் தள்ளிவிடுவாராம். அந்த அளவுக்குச் செல்வத்தின்மீது ஆசையில்லாமல் இருந்தவர் தேசிகர். அவருக்கு அருள் செய்ய வேண்டும் என்று தாயுள்ளத்துடன் காத்திருந்தார் பெருந்தேவித் தாயார். அதற்கான தருணமும் கனிந்தது.

ஓர் அந்தண இளைஞன், தன் திருமணத்துக்குச் செல்வம் இல்லாமல் தவித்துவந்தான். காஞ்சிமாநகர் வீதிகளில் அவன் தனக்குத் தானமிடும் அளவுக்குச் செல்வந்தர் யார் என்று விசாரித்துக்கொண்டிருந்தான். செல்வத்தின்மீது பற்று இல்லாமலும் அதே நேரம் வைராக்கிய பக்தியோடும் வாழும் தேசிகரைக் கண்டு உள்ளூரில் இருந்த சிலர் பொறாமை கொண்டனர். அவர்கள், அந்த இளைஞனை அழைத்து, `உனக்கு தானம் செய்யும் தகுதி தேசிகருக்கே உள்ளது. அவரைச் சென்று பிடித்துக்கொள்' என்று சொல்லியனுப்பினர். தேசிகர் கேட்பவருக்கு `இல்லை' என்று சொன்னால் அவரை அவமானப்படுத்தியதாக இருக்கும் என்பதுதான் அவர்களது திட்டமாக இருந்தது.

அந்த இளைஞன் தேசிகரை நாடித் தன் தேவையைச் சொன்னான். உடனே அன்னையை மனதில் தியானித்த தேசிகர், `நாளை காலை பெருந்தேவித் தாயார் சந்நிதிக்கு வா' என்று சொல்லி அனுப்பிவைத்தார். மறுநாள் அந்த இளைஞனும் அங்கு வந்தான். தேசிகர், அன்னை பெருந்தேவி மீது பாடியிருந்த `ஶ்ரீஸ்துதி'யை அவனிடம் தந்து இதைப் பாடியபடியே தாயாரின் சந்நிதியை வலம் வரச் சொன்னார்.

  ஆசார்யரின் சொல்லுக்குக் கீழ்ப்படிந்த இளைஞன், `மானாதீத ப்ரதித...' என்று தொடங்கும் ஶ்ரீஸ்துதியினைப் பாடத் தொடங்கினான். 25 பாடல்களைக் கொண்ட அந்த ஸ்துதியினைப் பாடிக்கொண்டே அந்த இளைஞன் வலம் வந்தான். ஶ்ரீஸ்துதியின் 16 வது பாடலான,

`யோகாரம்பம் ...' என்று தொடங்கும் பாடலைப் பாடத் தொடங்கியதும் அன்னை பொன் மழை பொழிய  தொடங்கினாள். இதைக் கண்டு சிலிர்த்த தேசிகர் அந்த இளைஞனிடம், ` அன்னையின் அருள்கருணையே மழையாகப் பொழிகிறது. வேண்டுமட்டும் சிந்தாமல் சிதறாமல் பிடித்துக்கொள்' என்று சொன்னார். அந்த இளைஞனும் தன் மேல் துண்டினை விரித்து வீழ்ந்த பொற்காசுகளைப் பிடித்துக்கொண்டான். அதன் பின் தேசிகரையும் அன்னையையும் வழிபட்டு தன் வீடு திரும்பினான்.

இந்த ஸ்ரீஸ்துதி இப்போதும் திருமலையில் ஒலிக்கிறது. வேதாந்த தேசிகருக்கு பூஜையும் நடக்கிறது. இந்த ஸ்ரீஸ்துதியானது 25 ஸ்தோத்திரங்களைக் கொண்டது. இவற்றில் முதல் 24 ஸ்தோத்திரங்கள் மந்தாகிராந்தா விருத்தம் என்ற முறையிலும், 25 வது ஸ்தோத்திரம் மாலினி விருத்தம் என்ற முறையிலும் பாடப்பட்டுள்ளது. ஸ்தோத்திரம் என்பது இருப்பதை அப்படியே சொல்வது. இந்த ஸ்ரீ ஸ்துதியில் தர்மம், அர்த்தம், காமம், மோட்சம் பற்றியும் வேதாந்த தேசிகர் குறிப்பிட்டுள்ளார்.

இந்த ஸ்ரீஸ்துதியின் மகிமையாலேயே திருமலை திருப்பதி உண்டியலில் காணிக்கை கோடிக்கணக்கில் குவிந்து கொண்டிருப்பதாக சொல்லப்படுகிறது. அதனால் மகாலட்சுமி மற்றும் பெருமாளின் மனதை உருகச் செய்யவும், வற்றாத செல்வ வளம் பெருகவும் ஸ்ரீ ஸ்துதியை பாராயணம் செய்வது உத்தமம்.

இன்றும் அன்னை பெருந்தேவியின் சந்நிதியில், `ஶ்ரீஸ்துதி' பாடி வேண்டிக்கொள்ள வறுமை விலகுகிறது என்று பக்தர்கள் சொல்கிறார்கள். வெள்ளிக்கிழமைகளில் வீடுகளிலும் விளக்கேற்றி ஶ்ரீஸ்துதி பாடிவர செல்வ வளம் சேரும் என்பது நம்பிக்கை. திருமணம் தொடர்பான அத்தனை சிக்கல்களும் இங்கு வேண்டிக்கொள்ள தீர்ந்து விரைவில் திருமணப் பேறு கிடைக்கும். பெண்களுக்கு ஏற்படும் உடல் உபாதைகள் எல்லாம்  இங்கு பெருந்தேவித் தாயாரை வேண்டிக்கொள்ளத் தீரும் என்று நம்பப்படுகிறது. இன்னும் 10 நாள்களில் அத்திவரதர் எழுந்தருளி அருள்பாலிக்க இருக்கிறார். அந்தத் தருணத்தில் அத்திவரதரை தரிசித்து பெருந்தேவித் தாயாரையும் வணங்கி சகல நன்மைகளையும் பெறலாம்.

ஓம் நமசிவாய 

படித்து பகிர்ந்தது

 இரா இளங்கோவன் 

நெல்லிக்குப்பம். 

கண் நோய்கள் தீர 🌺🌺🌺 🙏🙏பார்வை குறைபாடு நீங்க வணங்க வேண்டிய சிவபெருமான்

 திருக்காரவாசல்

கண்ணாயிரநாதர் திருவடிகளை வணங்கி மகிழ்வோம் 

சிவஸ்தலம் பெயர் : திருக்காறாயில் (தற்போது திருக்காரவாசல் என்று வழங்குகிறது)

இறைவன் பெயர்: கண்ணாயிரநாதர் இறைவி பெயர் கைலாயநாயகி

பதிகம் : திருஞானசம்பந்தர் - 1.

தல வரலாறு:

கார் அகில் மரக்காடு நிறைந்து இத்தலம் இருந்ததால் காறாயில் என்று பெயர் பெற்றது. பிரம்மாவிற்கு ஒருமுறை தான் எல்லோரையும் விட பெரியவன் என்ற கர்வம் வந்தது. அதனால் சிவபெருமானைக்கூட வழிபடாமல் அவரை அலட்சியம் செய்தார். சிவபெருமான் அவரது அகத்தையை அகற்றிட திருவுளம் கொண்டு அவரது படைக்கும் தொழில் பதவியை அவரிடமிருந்து பறித்து விட்டார். பதவி பறிபோன பிரம்மா கர்வம் அடங்கி பின்னர் விஷ்ணுவின் உபதேசத்தால் காரை மரங்கள் நிறைந்திருந்த திருக்காராயில் (திருக்காரவாசல்) வந்து இறைவனை நினைத்து ஆயிரம் ஆண்டுகள் தவம் செய்தார். சிவபெருமான், ஆயிரம் கண்களுடன் அவருக்குக் காட்சி தந்தார். கண்ணாயிரநாதர் என்று பெயர் பெற்றார். கருவறையில் கண்ணாயிரநாதர் சுயம்பு லிங்க உருவில் கிழக்கு நோக்கி நமக்கு அருட்காடசி தருகிறார். கண்ணாயிரநாதருக்குச் சமமாக, பக்கத்திலேயே ஆதிவிடங்க தியாகராஜரின் சன்னதி அமைந்திருக்கிறது. தியாகராஜர் சந்நிதி முன்னுள்ள நந்தி நான்கு கால்களுடன் நின்று கொண்டிருக்கும் காட்சியைக் காணலாம். கிழக்கு நோக்கிய இக்கோவிலுக்கு ராஜகோபுரமில்லை. முதல வாயிலைக் கடந்து உள் சென்றவுடன் கவசமிட்ட கொடிமரம், பலிபீடம், சற்று உயரத்தில் உள்ள நந்தி ஆகியவற்றைக் காணலாம். இரண்டாவது நுழைவாயிலில் மூன்று நிலைகளையுடைய கோபுரம் உள்ளது. கோபுர வாயிலைத் தாண்டி உட்சென்று வலமாக வரும்போது, சுந்தரர், (உற்சவர்) சந்நிதி, தியாகராஜசபை, விநாயகர், பல சிவலிங்கத் திருமேனிகள், மகாவிஷ்ணு, ஆறுமுகசுவாமி, சரஸ்வதி, கஜலட்சுமி, பைரவர் முதலான சந்நிதிகள் உள்ளன.

இத்தலத்தில் இறைவியாரது திருப்பெயர். கைலாசநாயகி. நின்ற கோலத்தில் ஒரு கையில் அக்கமாலையுடனும், மற்றதில் தாமரையுடனும் தெற்கு நோக்கி தரிசனம் தருகிறாள். ஓரிடத்தில் நின்று நேரே சிவபெருமானையும் வலதுபுறம் அம்பாளையும் தரிசித்து மகிழத்தக்க அமைப்புடைய சந்நிதிகள். மூலவருக்கு முன்னால் பக்கத்தில் நடராஜசபை உள்ளது. உற்சவத் திருமேனிகளுள் காட்சி தந்த நாயனார் திருமேனி தரிசிக்கத்தக்கது. இவர் பின்னால் நந்தியுடனும், அருகில் உமையும் கூடியவாறு காட்சி தருகிறார். மகாவிஷ்ணு, பிட்சாடனர், அகஸ்தீஸ்வரர், கைலாசமேஸ்வரர், இந்திரபுரீஸ்வரர், விஸ்வநாதர், எல்லையம்மன், சுப்ரமண்யர், கஜலட்சுமி, நாகர், சரஸ்வதி, துர்க்கை, பைரவர், நால்வர் ஆகியோரும் இந்த ஆலயத்தில் தரிசனம் தருகிறார்கள். இத்தலத்தின் மற்றொரு சிறப்பு இங்குள்ள மூன்று பைரவர்கள் சந்நிதியாகும். காலை,மதியம், இரவு என்று மூன்று காலங்களிலும் வணங்க வேண்டிய மூன்று பைரவர்கள் அருகருகே இங்கே தரிசனம் செய்வதைக் காணலாம். இவர்கள் முறையே காலை பைரவர், உச்சிகால பைரவர் மற்றும் சொர்ணாகர்ஷண பைரவர் என்று அழைக்கப்படுகின்றனர். இத்தலத்தில் அருள்பாலிக்கும் சொர்ணாகர்ஷண கால பைரவரை வழிபாடு செய்தால் இழந்த பொருள்களை மீண்டும் பெறலாம் என்பது ஐதீகம்.

சப்த விடங்கத் தலம்:

முசுகுந்த சக்கரவர்த்தி தேவேந்திரனிடம் இருந்து பெற்றுக் கொண்டு வந்த தியாகேசர் திருமேனிகள் ஏழில் ஒன்றை எழுந்தருளுவித்த சப்த விடங்கத் தலங்களுள் திருக்காறாயில் ஒன்றாகும். இத்தலத்து தியாகராஜர் ஆதிவிடங்கர் எனப்படுகிறார். இந்த திருக்காரவாசலில் தியாகராஜர் வீர சிங்காதனத்தில் குக்குட நடனக் காட்சியுடன் அருள்புரிகிறார். திருவாரூரில் வீதிவிடங்க தியாகேசரின் அஜபா நடனத்தைக் கண்டுகளித்த பதஞ்சலி முனிவர், எல்லா வகை நடனங்களையும் தனக்குக் காட்டியருள வேண்டுமென்று இறைவனிடம் வேண்டினார். திருக்காராயில் வந்தால் காணலாம் என்று தியாகராஜர் கூறி, அதன்படி பதஞ்சலி முனிவருக்கு 7 வகை தாண்டவங்களை ஆடிக் காட்டிய தலம்தான் இந்த திருக்காரவாசல். தியாகேசருக்கு நேர் எதிரில் சுந்தரர் சந்நிதி அமைந்துள்ளது. இத்தலத்தில் இரண்டு தீர்த்தங்கள் உள்ளன. ஒன்று ஆலயத்தின் வடக்குப் பிரகாரத்தில் உள்ள சேஷ தீர்த்தம் என்ற கிணறு. ஆதிசேஷன் இந்த கிணற்றின் வழியாக கோயிலுக்குள் சென்று இறைவனை வழிபட்டதால், சேஷ தீர்த்தம் என்று பெயர் ஏற்பட்டது. இது இந்திர தீர்த்தம் என்றும் அழைக்கப்படுகிறது. சேஷ தீர்த்தம் என்னும் கிணற்று நீர், மருத்துவ குணம் மிக்கது. ஒவ்வொரு பௌர்ணமியன்றும் அம்பிகைக்கு அந்த நீர் அபிஷேகம் செய்யப்பட்டு, வேண்டுவோர்க்கு அளிக்கப்படுகிறது. ஒவ்வொரு பௌர்ணமியிலும் இந்த சேஷ தீர்த்தத்து நீரைப் பருகி வந்தால் தீராத நோய்களும் நீங்கும் என்று சொல்லப்படுகிறது. புரட்டாசி மாதம் பௌர்ணமி நாளில் இந்திரன் சேஷ தீர்த்தத்தில் நீராடி இத்தலத்து விநாயகர் கடுக்காய் பிள்ளையாரை பூஜிப்பதாக ஐதீகம். இன்னொரு தீர்த்தம், பிரம்ம தீர்த்தம் என்னும் திருக்குளம். இது கோவிலுக்கு வெளியே உள்ளது. இத்தலத்து விநாயகர் கடுக்காய் பிள்ளையார் என்று பெயர் பெற ஒரு தலபுராண வரலாறு உண்டு. வணிகன் ஒருவன் இத்தலத்து வழியே வர்த்தக நிமித்தமாக வரும் போது இங்குள்ள சேஷ தீர்த்தக்கரையில் இளைப்பாறினான். அவனுடன் வந்த வண்டியில் ஜாதிக்காய் மூட்டைகள் இருந்தன. அவனிடம் திருவிளையாடல் புரிய நினைத்து விநாயகர் ஒரு சிறுவனாக வணிகன் முன்வந்து மூட்டைகளில் என்ன இருக்கிறது என்று கேட்டார். வணிகன் வேண்டுமென்றே கடுக்காய் இருக்கிறது என்று பதில் கூறினான். விநாயகர் புன்னகை புரிந்தார். வணிகன் தான் சேர வேண்டிய இடம் வந்ததும் மூட்டைகளைப் பிரித்துப் பார்க்க அவைகளில் கடுக்காய் இருக்கக் கண்டு திடுக்கிட்டான். ஏதோ தெய்வ குற்றம் செய்து விட்டோம் என்று உணர்ந்த அவன் இறைவனிடம் முறையிட்டு பிழை பொறுத்தருள வேண்டினான். விநாயகப் பெருமான் அவன் முன் காட்சி கொடுத்து கடுக்காயை ஜாதிக்காய்களாக மாற்றி அருள் புரிந்தார். அது முதல் இத்தலத்து விநாயகர் கடுக்காய் பிள்ளையார் என்ற பெயருடன் இத்தலத்தில் பக்தர்களுக்கு அருள் புரிந்து வருகிறார். இவர் சந்நிதி பிரம்ம தீர்த்தக்கரையில் உள்ளது.

சிறப்புக்கள் :

சிவபெருமான், ஆயிரம் கண்களுடன் அவருக்குக் காட்சி தந்தார்.

சப்த விடங்கத் தலம். திருக்காறாயில் மூர்த்தி, தீர்த்தம், தலம் ஆகிய மூன்றாலும் சிறப்பு பெற்ற தலமாகும்.

போன்:  +91- 4366-247 824, +91- 94424 03391.

அமைவிடம் மாநிலம் :

தமிழ் நாடு திருவாரூர் . திருத்துறைப்பூண்டி சாலை வழியில் திருவாரூரில் இருந்து தெற்கே சுமார் 13 கி.மி. தொலைவில் இத்தலம் உள்ளது. பிரதான சாலை ஓரத்திலேயே கோவில் உள்ளது. இத்தலத்திற்கு அருகில் திருநெல்லிக்கா, திருகைச்சினம், திருக்கொள்ளிக்காடு ஆகிய பாடல் பெற்ற சிவஸ்தலங்களும் உள்ளன.

இவ்வாலயம் தினந்தோறும் காலை 7 மணி முதல் 12 மணி வரையிலும், மாலை 4 மணி முதல் இரவு 8 மணி வரையிலும் திறந்திருக்கும்.

சப்த விடங்கத் தலம். திருக்காறாயில் மூர்த்தி, தீர்த்தம், தலம் ஆகிய மூன்றாலும் சிறப்பு பெற்ற தலமாகும்.

தியாகராஜர் சந்நிதி முன்னுள்ள நந்தி நான்கு கால்களுடன் நின்று கொண்டிருக்கும் காட்சியைக் காணலாம்.

ஓரிடத்தில் நின்று நேரே சிவபெருமானையும் வலதுபுறம் அம்பாளையும் தரிசித்து மகிழத்தக்க அமைப்புடைய சந்நிதிகள். மூலவருக்கு முன்னால் பக்கத்தில் நடராஜசபை உள்ளது.

ஓம் நமசிவாய 

படித்து பகிர்ந்தது

 இரா இளங்கோவன் 

நெல்லிக்குப்பம். 

மரண பயத்தை நீக்கும் பாதாள லிங்கம் திருவண்ணாமலை..

மரண பயத்தை நீக்கும் ரமண மகரிஷி தவமிருந்த பாதாள லிங்கம்...!

பஞ்சபூத தலங்களில் அக்னி தலமாக இருப்பது திருவண்ணாமலை. சிவமும், சக்தியும் ஒன்றே என்பதை உணர்த்துவதற்காக அர்த்தநாரீஸ்வரராக வடிவம் எடுத்ததும், சிவராத்திரி விழா உருவானதுமான பெருமையை உடைய தலம் திருவண்ணாமலை அண்ணாமலையார் திருக்கோயில். 

சிதம்பரத்தை தரிசித்தால் முக்தி. காசியில் நீராடினால் முக்தி. ஆனால் திருவண்ணாமலையை இருந்த இடத்திலிருந்து நினைத்தாலே முக்தி கிடைத்துவிடும். 

ஒரு முறை இந்த தலத்திற்கு சென்றால் மீண்டும் மீண்டும் செல்வதற்குரிய வாய்ப்பு கிடைக்கும். அப்படி ஒரு அருட்சக்தி இந்த தலத்திற்கு உள்ளதால் இந்த தலம் உள்ள மலையை காந்தமலை என்றும் அழைக்கிறார்கள். சம்பந்தர், அப்பர், மாணிக்கவாசகர் ஆகியோரது பாடல் பெற்ற திருத்தலமாகும்.

ஜோதி வடிவமாக சிவபெருமான் திருவண்ணாமலையில் எழுந்தருளியதால் ஆண்டுதோறும் ஜோதி 'உரு’ மலையாக எழுந்தருளிய திருவிளையாடலை நினைவுபடுத்தும் வகையில் கார்த்திகை மாதத்தில் கிருத்திகை நட்சத்திரத்தன்று கார்த்திகை தீபத்திருவிழா வெகுவிமரிசையாக கொண்டாடப்படுகிறது.

 திருவண்ணாமலையில் பவுர்ணமி, சித்ரா பவுர்ணமி, தீபத்திருவிழா போன்ற முக்கிய நாட்களில் மட்டுமல்ல, எல்லா நாட்களிலும் கிரிவலம் செல்வோரின் எண்ணிக்கை அதிகரித்து வருகிறது.

ஞானிகளும் துறவிகளும்:

இத்தலம் சித்தர்களின் சரணாலயமாகவும் விளங்குகிறது. பதினெட்டு சித்தர்களில் ஒருவரான இடைக்காட்டு சித்தர் இத்தலத்திற்கு உரியவராக விளங்குகிறார். அருணகிரிநாதர், விருபாஷதேவர், குகைநமச்சிவாயர், குருநமச்சிவாயர், தெய்வசிகாமணி, அருணாசல தேசிகர், மகான் சேஷாத்திரி சுவாமிகள், பகவான் ரமண மகரிஷி, யோகி ராம் சுரத்குமார் முதலானோரை தனது ஜோதியில் இணைத்துக்கொண்ட மகத்துவம் உடையது திருவண்ணாமலை.

இப்புகழ்மிக்க திருவண்ணாமலை அண்ணாமலையார் கோயிலில் ஐந்தாம் பிரகாரத்தில் ஆயிரங்கால் மண்டபம் அருகே அமைந்திருக்கிறது பாதாள லிங்கம். இந்த சன்னதியில் பாதாள லிங்கேஸ்வரர் அருள்பாலிக்கிறார். சிறிய அளவிலான படியிறங்கி சென்று பாதாள லிங்கேஸ்வரரை நாம் தரிசிக்கலாம்.

ஞானதேடலுடன் திருவண்ணாமலை வந்தார் ரமணர் மகரிஷி. மகான் ரமணருக்கு மரணம் பற்றிய எண்ணம் உண்டானபோது  கோயிலில் உள்ள பாதாள லிங்கம் சன்னதிக்கு சென்றார். 

அங்கு ஒரு புற்று இருந்தது. புற்றிற்குள் சிவயோகி ஒருவர் இருப்பதை உணர்ந்த அவர், அங்கேயே தவத்தில் அமர்ந்துவிட்டார். பின்னர் சிவன் அருளால் முக்தி பெற்றார். 

கிரிவலப் பாதையில் மலைக்கு பின்புறம் நேர் அண்ணாமலையார் தனிக்கோயிலில் அருளுகிறார். இவ்விரு லிங்க தரிசனமும் விசேஷமானது. திருநேர் அண்ணாமலையாரையும், பாதாள லிங்கேஸ்வரரையும் மனமுருகி வழிபட்டால் மரண பயத்தை நீக்கி, மன நிறைவை அளிக்கும் என்பது பக்தர்களின் நம்பிக்கை.

ஓம் நமசிவாய 

படித்து பகிர்ந்தது

 இரா இளங்கோவன் 

நெல்லிக்குப்பம். 

பதினொரு பெருமாள்களையும் ஒருங்கே தரிசிக்கும் இடம்.

பதினொரு பெருமாள்களையும் ஒருங்கே தரிசிக்கும் பெரும் பாக்கியம்……..!!!

திருமடந்தை மண்மடந்தை யிருபாலும் திகழத்

தீவினைகள் போயகல அடியவர்கட் கென்றும்

அருள் நடந்து இவ் வேழுலகத் தவர்பணிய வானோர்

அமர்ந்தேத்த இருந்தவிடம்

என்று ஆழ்வார்களால் போற்றப்படும் திருநாங்கூர் திவ்ய தேசத்தில்

பெருமாளை பெரிய திருவடியான கருட வாகனத்தில் சேவித்தால்

மறு பிறவி கிடையாது என்பது ஐதீகம்…..!

நாகை மாவட்டம், சீர்காழி அடுத்த நாங்கூரில் 108 வைணவ தலங்களில்

11 கோயில்கள் ஒரே பகுதியில் அமைந்துள்ள கோயில்களில் ஆண்டுதோறும் கருட சேவை உற்சவம் விமரிசையாக நடைபெறும்.

தை அமாவாசைக்கு மறுநாள்- கருடசேவையின்போது, 11 பெருமாள்களும் கருடவாகனத்தில் எழுந்தருள… 

திருமங்கையாழ்வார் அன்ன வாகனத்தில் எழுந்தருளி, மாலை- மரியாதையுடன் வலம் வந்து மங்களாசாசனம் செய்வது, கண்கொள்ளா காட்சியாக இருக்கும்

ஆண்டு தோறும் திருநாங்கூர் மணிமாடக்கோயில் நாராயணப் பெருமாள் சந்நிதியில் தை அமாவாசைக்கு மறுநாள் 11 பெருமாள்களும் கருட வாகனத்தில் சேவை சாதிக்கும் உற்ஸவம் நடைபெறும்.

அனைத்து பெருமாள்களுக்கும் ஒரே நேரத்தில் தீபாராதனை காட்டப்படும்..!

தொடர்ந்து 11 பெருமாள்களும் தங்க கருட வாகனத்திலும், குமுதவல்லி நாச்சியாருடன் திருமங்கையாழ்வார், மணவாளமாமுனிகள் சகிதம் ஹம்ச வாகனத்தில் எழுந்தருளி சேவை சாதித்து சிறப்பு தீபாராதனை காண்பித்து கருட சேவை நடைபெறும்..!

பெருமாள்கள் வீதியுலா காட்சியுடன் 11 கருட சேவையை தரிசித்தால் புண்ணியங்களின் பலன்கள் ஏராளம் கிடைக்கும்,

திருநாங்கூர் மணிமாடக் கோயில்

சீர்காழிக்கு அருகே விளங்கும் திருத்தலம், திருநாங்கூர்.

இந்த ஊரில் மட்டும் 6 திவ்ய தேசங்கள் உள்ளன.

இந்த ஊரைச் சுற்றிலும் சுமார் நான்கு கிலோமீட்டர் சுற்றளவில் மேலும் 5 திவ்ய தேசங்கள்.

ஆக மொத்தம், பதினொன்று!

ஒரே பகுதியில் உள்ள திவ்யதேசங்கள்தானென்றாலும், ஒன்றுக்கொன்று நெடிய தொலைவில்தான் அமைந்திருக்கின்றன.

இதுதான் அந்த திவ்ய தேசங்களின் பட்டியல்:

1. திருக்காவளம்பாடி,  ஸ்ரீகோபால க்ருஷ்ணன்

2. திரு அரிமேய விண்ணகரம், ஸ்ரீகுடமாடுகூத்தர் (ஸ்ரீசதுர்புஜ கோபாலன்)

3. திருவண்புருடோத்தமம், ஸ்ரீபுருஷோத்தம பெருமாள்

4. திருச்செம்பொன்செய் கோயில், ஸ்ரீசெம்பொன்னரங்கர்.

5. திருமணிமாடக் கோயில், ஸ்ரீநாராயண பெருமாள்.

6. திருவைகுந்த விண்ணகரம், ஸ்ரீவைகுந்தநாதன்.

7. திருத்தேவனார்த் தொகை, ஸ்ரீமாதவ பெருமாள்.

8. திருத்தெற்றியம்பலம், ஸ்ரீரங்கநாதர்.

9. திருமணிக்கூடம், ஸ்ரீவரதராஜன்.

10. திருவெள்ளக்குளம், ஸ்ரீநிவாஸ பெருமாள்.

11. திருப்பார்த்தன்பள்ளி,  ஸ்ரீபார்த்தசாரதி

ஆகிய பெருமாள்கள் தங்கள் கோயில்களில் இருந்து மேள தாளங்களுடன் புறப்பட்டு நாங்கூர் மணிமாட கோயில் முன்பு எழுந்தருள்வர்.

அனைத்து பெருமாள்களுக்கும் ஒரே நேரத்தில் தீபாராதனை காட்டப்படும்..! தொடர்ந்து 11 பெருமாள்களும் தங்க கருட வாகனத்திலும், குமுதவல்லி நாச்சியாருடன் திருமங்கையாழ்வார், மணவாளமாமுனிகள் சகிதம் ஹம்ச வாகனத்தில்  எழுந்தருளி சேவை சாதித்து  சிறப்பு தீபாராதனை காண்பித்து கருட சேவை நடைபெறும்..!

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம். 

திருவாரூர் பகுதியில் கிராம சிவாலயங்கள் பட்டியல் இதோ!

 பெருங்கோயில்களையும், பாடல்பெற்ற தலங்களையும்  மட்டுமே பார்த்தால் போதுமா?

இவற்றுக்கு ஒப்பான திருக்கோயில்கள் கிராமங்களிலும் பரவி கிடக்கின்றன.  திருவாரூர்  மாவட்டம் பகுதியில் வசிப்போருக்கான கிராம சிவாலயங்கள் பட்டியல் இதோ.  

திருவாரூர் வட்டம் 

1திருவாரூர் தியாகராஜர்  2திருவாரூர்-நீலகண்டேசர்  3திருநெல்லிக்கா 4திருவாரூர் பரவயுன் 5சூரனூர் 6தலையாலங்காடு 7கரவீரம் 8விளமல் 9பள்ளிமுக்கூடல் 10வடகண்டம் 11மணக்கால்-அபிமுக் 12மணக்கால்-புலவனல்லூர் -கங்காதீ  13அரசவனங்காடு 14திருக்கண்ணங்குடி 15காட்டூர்  16பாலாவாய்  17.எட்டியலூர் 18.எட்டியலூர்-உமா 19நீலக்குடி 20சூரனூர் 

21.சூரனுர்-சூரியநெ 22சோழங்கநல்லூர் 23வைப்பூர் 24வரிஞ்சையூர் 25தப்பளாம்புலியூர்-1  26ஈஸ்வரவாசல் 27காரையூர் 28…….. 29ராம்கி-கேக்கரை 30பழையவலம் 31வடகுடி 32ஆமூர் 33கேக்கரை 34ஓடாச்சேரி 35குரும்பேரி 36தண்ணீர்குன்னம் 37நடப்பூர்   38திருவாதிரைமங்கலம் 39.பள்ளியமூலை 40மேலநெடுங்காட்டங்குடி 

41.வடபாதி 42கடாரம்கொண்டான் 43.அத்திபுலியூர் 44கல்லிகுடி 45.அடிபுதுச்சேரி 46.தென்ஓடாச்சேரி 47.அடியக்கமங்கலம்-காசி 48.அலிவலம் , 49.அலிவலம்-காசிவிஸ் 50.புலிவலம்  51.அடியக்கமங்கலம்2 52.புதுபத்தூர்-புன்னைவனநாதர் 53.புதுபத்தூர் – திருமேனி 54.கன்றாப்பூர்  55.கல்யாணமகாதேவி 56.கட்டளைஅன்னவாசல் 57.கீழகன்றாப்பூர்  58.வடகரை 59.திருவாரூர்-கருணா 60. கொட்டாரக்குடி 

61.திருக்கரவாசல் 62.திருநெய்பேர் 63.வலிவலம் 64.குன்னியூர் 65.வைப்பூர்- ஆடகேஸ்வரர்  66.ஆத்தூர் 67.கீழகாவதுகுடி 68.திருவாரூர் - காகிதக்கார தெரு, 69.திருவாரூர் நகரம், 70.வடக்குமடவிளாகதெரு  71.ராதாநல்லூர் 72.ஆண்டியூர் 73.நெய்பேர்- நமிநந்திவீடு 74வேப்பந்தாங்குடி 75.உமாமகேஸ்வரபுரம் 76.பின்னவாசல் 77. கோமல் 78. சித்தாநல்லூர் 79. திருவாரூர்- விருப்பாட்சிஸ்வரர் 80. மருதம்பட்டினம்-அபிமுக் 

81.மருதம்பட்டினம்-தான்தோன்றி 82.அடியக்கமங்கலம் –அசுவ 83.தப்பளாம்புலியூர்- கங்கைகொண்ட 84.கருப்பூர் 85.நெடுங்குடி  86. தென்னங்குடி 87. பள்ளிவாரமங்கலம் 88.பொற்கலகுடி 89.திருவாரூர் = ருத்ர 90.திருவாரூர் கமலாலயம் காசிவிஸ்வநாதர் 91.திருவாரூர் கபிலேஸ்வரர்   92.திருவாரூர் மடப்புரம் சோமநாதர் 93.கழனிவாசல்    94.மருவத்தூர் விநாயகர் 

குடவாசல் வட்டம் 

1. 11.ஆலத்தூர் 2. நரசிங்கன்பேட்டை 3காங்கேயநகரம் 4பெரமர்கோயில் 5செல்லூர்   6அகரஓகை   7மனப்பரவை   8திருக்குடி 9மேலப்பாலையூர் 10பெருமாளகரம் 11பெருமாளகரம்-சுக்ரேஸ்வரர் 12பத்தூர் 13அபிவிருதீச்வரம் 14களத்தூர்  15நாலில்ஒண்ணு   16முசிரியம்  17விடயபுரம் 18திட்டாணிமுட்டம்  19காவாலகுடி   20திருப்பணிபேட்டை   

21கண்கொடுத்தவணிதம் 22கண்கொடுத்தவணிதம்-ஈசான்ய     24மேலதிருமதிகுன்னம் 25மேல்கரைகளத்தூர்   26வாழச்சேரி   27அதங்குடி 28செட்டிசிமிழி  29மழையூர்    30-69ஆய்குடி  31-37ஊர்குடி   32முகுந்தனூர்   33எண்கண்     34எண்கண்-2 35காப்பனாமங்கலம் 36ஒட்டகுடி 37குளிக்கரை 38செம்மங்குடி 39ஏரூர்ந்தவாடி 40கீழப்பாலையூர் 

41நெய்குப்பை  42பூங்காவூர்  43காவனூர்  44கமலாபுரம் 45பெரும்பண்ணையூர்  46கீழப்புலியூர்  47சேங்காலிபுரம்-துந்துபி 48சீதக்கமங்கலம்  49பருத்திசேரி  50சித்தாடி  51செருகளத்தூர் 52அருவிழிமங்கலம்  53வடசேரி-ஞானசுந்த  54தீபங்குடி  55தோட்டகுடி 56ஆவணம்பருத்தியூர்-1 57சேங்காலிபுரம்-காசிவிஸ்  58சேங்காலிபுரம்-சோழேஸ் 59அன்னவாசல்  60பெருமங்கலம்  

61தடுத்தாட்கொண்டபுரம்  62கொரடாச்சேரி 63கொரடாச்சேரி-காசிவிஸ்  64வடவேர்-மீனாட்சிசுந்த 65நாரணமங்கலம் 66விழுதியூர் 67விசலூர் 68கொள்ளம்புதூர் 69பரவாக்கரை 70பரவாக்கரை-லிங்கத்தடி  71தேதியூர்-பிரத்ய  72தேதியூர்-மீனாட்சி 73தேதியூர்-சுந்தரேஸ் 74மனவாளநல்லூர்  75கூந்தலூர்  76புளியஞ்சேரி  77கண்டிராமாணிக்கம் 78விஷ்ணுபுரம்/கைலாச  79நாலாங்கட்டளை  80துளார்  

 81செம்மங்குடி 82அன்னியூர்   83கூந்தலூர்-ஜம்பு   84சிமிழி   85குடவாசல்   86விக்கிரபாண்டியம் 87சேதனிபுரம் 88திருவிடசேரி 89மஞ்சகுடி 90செருமங்கலம்   91புதுக்குடி              92-18-கடலங்குடி  93மருத்துவக்குடி  94விஷ்ணுபுரம்-தர்ம 95மருத்துவக்குடி 96இலந்தவனசேரி   97திரியம்பகபுரம்   98அரவனங்காடு   99இராப்பட்டீஸ்வரம் 100மணக்கால்ஐயம்பேட்டை–அகத்தீ 

101.கீரத்தங்குடி 102.பத்தூர் 103. 100.பருத்தியூர்  104.கீழஓகை 105.32.ஆவணம் 106.ஆவணம்பருத்தியூர்-2 107.மேலஆதிச்சமங்கலம் 108.சிட்டிலிங்கம் 109.ஆர்பார்  கொடிமங்கலம் 

கூத்தாநல்லூர் வட்டம் 

1.லட்சுமாங்குடி 2. கூத்தாநல்லூர் 3.கோம்பூர் 4.பூதமங்கலம் 5.பூந்தாழங்குடி 6.கார்நாதன்கோயில். 7.குதம்பைநாயனார்கோயில் 8.மேலராதாநல்லூர் 9.நரிக்குடி 10.வடபாதிமங்கலம் 11.வேளுக்குடி 12.பண்டுதகுடி 13.காக்கையாடி 15.பழையனூர் 16.சாத்தனூர் – ஏகாம் 17.வாக்கோட்டை 18.சாத்தனூர்-காலஹச்தீஸ்வரர் 19.ஊட்டியாணி-1 20.ஊட்டியாணி -2 

21.புள்ளமங்கலம்  22.இளமங்கலம் 23.அரிச்சந்திரபுரம் 24.இலுப்பூர்  25.சேந்தங்குடி 23.பொய்கைநல்லூர் 24.புத்தகரம் 25.செருவாமணி 26.சிவனாண்டார்கோயில் 27.கிளியனூர்  28.பாண்டுக்குடி

திருத்துறைப்பூண்டி வட்டம்

1தலைக்காடு 2திருத்துறைப்பூண்டி 3விளக்குடி 4விளக்குடி –வீரட் 5கற்பகநாதர்குளம் 6இடும்பாவனம் 7தண்டலைநீள்நெறி 8சிற்றேமம் 9கீராளத்தூர்-மடப்புரம் 11கொள்ளிக்காடு 12திருதெங்கூர் 13சேகல் 14சிங்களாந்தி 15திருவிடைமருதூர் 16தகட்டூர் 17காடந்தேத்தி 18சேகல் 19மேட்டுபாளையம் 20.பொன்னிறை

 

22. மருதவனம் 23.கடுவெளி  24.சேகல் 25.திருத்துறைபூண்டி 26.பன்னதெரு 27.கச்சனம் 28.பூசலாங்குடி  29.பழையங்குடி 30.நெல்லிக்கா 31.நமசிவயபுரம் 32.புதூர் 33.திருத்தெங்கூர் திருமேனியழகர் 34.வெண்ணாற்றங்கரை சர்வேஸ்வரன் 35.வடுகக்குடி  36. பாமந்தூர் 37.காகம் 38. அம்மனூர் 39.விளத்தூர் 40.விளத்தூர்-சனவெளி 

41.ஆண்டாங்கரை புஞ்சையூர்  42.ஆலிவலம் 43.பொன்னிறை 44.ஆலத்தம்பாடி 45.கீழ கொருக்கை 46.கீழப்பனையூர் 47.கீழபெருமழை 48.தகரமருதூர் 49.கோவில்சிங்களாந்தி.  50.கொக்காலடி 51.கொருக்கை 52.கொருக்கை-சோமநாதர் 

நன்னிலம் வட்டம்

 

1.காளியாகுடி 2.அம்பல் –சட்டைநாதர் 3.சேஷமூலை 4.பேரளம் 5.பாவாட்டகுடி 6.திருத்தலையூர் 7.திருக்கொட்டாரம் 8.சிறுபுலியூர் 9.சுரைக்காயூர் 10.கொத்தவாசல் 11.கலப்பாகரம் 12.ஆண்டார்பந்தி 13.அனுமந்தகுடி 14.அய்யம்பேட்டை 15.வாழ்க்கை  16.இடையாத்தங்குடி 17.குருங்குளம் 18.மேனாங்குடி 19.கோயில்கந்தங்குடி 20.இஞ்சிக்குடி 

21.ரெட்டகுடி 22.அண்டகுடி 23.T.மாங்குடி 24.கடுவங்குடி 25.கொல்லுமாங்குடி-கடுவங்குடி 26.வதண்டூர் 27.அகிலாம்பேட்டை 28.சன்னாநல்லூர் 29.கம்மங்குடி 30-11.ஆலத்தூர் 31.நாககுடி old       32.நாககுடி 33.மேலவடுகக்குடி  34.மேலவடுகக்குடி-வசிஸ் 35.செம்மங்குடி 36.காக்கா கோட்டூர் 37.பெரும்புகளூர் 38.வண்டாம்பாளை 

நன்னிலம் வட்டம்-2

1கோவிந்தசேரி 2கொட்டுர் 3பூங்காவூர் 4உபயவேதாந்தபுரம் 5அம்பாள் மாகாளம் 6-10-கிள்ளியூர்7அகரகொத்தங்குடி 8அகரகடுவங்குடி 9போழக்குடி 10முகுந்தனூர் 11கமுககுடி 12அகரமுகுந்தனுர் 13பழையார் 14சிக்கல் 15அன்னதானபுரம்-பன்னூர் 16நெடுங்குளம் 17வஸ்தராஜபுரம் 18திலதர்பணபுரி  19செருவலூர் 20முடிகொண்டான்-காசி 

21முடிகொண்டான்-சுந்தரே 22ஆலங்குடி 23குளக்குடி 24மணவாளம்பேட்டை 25ருத்ரகங்கை 26பூந்தோட்டம் 27அம்பல் –பிரம்ம 28கொங்கராயநல்லூர் 29அகரதிருமாளம் 30அச்சுதன்பேட்டை 31தூத்துக்குடி 32நல்லமாங்குடி 33-39-நெம்மேலி 34வடகுடி 35கீலகரம் 36வீராக்கன் 37அச்சுதமங்கலம்-சோமநாதர் 38அச்சுதமங்கலம்-தர்மே 39சேங்கனூர் 40வயலூர் 

41பில்லூர் 42ஆண்டியூர் 43செருவலூர் 44பாக்கம்பருத்தியூர் 45புளிச்சகாடி 46நாடாகுடி 47-60.பணங்குடி 48மகிழஞ்சேரி 49மூலமங்கலம் 50மாப்பிள்ளைகுப்பம் 51தளத்தாங்குடி 52தட்டாத்திமூலை 53ஆணைகுப்பம் 54பத்தினியாள்புரம் 55சலிப்பேரி 56பூங்குளம் 57அச்சுதமங்கலம்-மகிழபுரீ 58அதம்பார் 59.புத்தகலூர் 60மூலமங்கலம் 

61திருவீழிமிழலை 62கருவிலி  63திருமெய்ஞானம் 64திருவீழி-பத்திரவல்லி 65கொடியலூர் 66கூத்தனூர் 67திருமீயச்சூர் 68திருப்பாம்புரம் 69திருப்புகலூர் 70திருகொண்டீச்வரம் 71ராமநந்தீச்வரம் 72திருபயற்றூர் 73திருசாத்தமங்கை 74நன்னிலம் 75திருவாஞ்சியம் 76கடகம்பாடி 77திருசிறுகுடி 78திருவீழி-பத்திர 79மூங்கில்குடி 80குவளைக்கால் 

81மருதவஞ்சேரி 82சன்னாநல்லூர்  83.சைதன்யபுரம் 84.செதனிபுரம் 85.வடகரைமாத்தூர் 86.நெடுஞ்சேரி 87.அகரமேடு 88.வடமட்டம் 

நீடாமங்கலம் வட்டம் 

1அரையூர் 2வையகளத்தூர் 3ஒளிமதி 4நீடா-கோகமு 5நரிக்குடி 6முன்னாவல் கோட்டை 7கொட்டையூர் 8கடம்பூர் 9கோயில்வெண்ணி 10திருமணமங்கலம் 11பூவனூர் 12புதுதேவன்குடி 13நீடா-காசி 14ரிஷியூர் 15முல்லைவாசல் 16பெரம்பூர் 17ராயபுரம் 18 69ஆய்குடி 19திருவிடைவாய் 20ஆண்டாங்கோயில் 

21களத்தூர் 22மேல்கரைகளத்தூர் 23பழையநீடாமங்கலம். 24.ரிஷியூர் ஏகாம்பரேஸ்வரர் 25மேலாளவந்தசேரி 26.தேவங்குடி 27.பெரம்பூர் –ஜோதிர்லிங்கம்  28. கண்ணம்பாடி-பெரம்பூர்  29.பெருந்தரக்குடி 

30.ராஜாங்கட்டளை 31.புள்ளமங்கலம்  32.பழவனக்குடி 

மன்னார்குடி வட்டம் 

1கோட்டூர் 2மன்னா-பட்டக்கார தெரு 3உள்ளிகோட்டை 4மேலப்பேட்டை  5மேலதிருப்பாலகுடி 6மகாதேவபட்டினம் 7பரவாகோட்டை 8வெங்காரம்பேரையூர் 9திருப்பாதாளீச்சரம் 10திருக்களர் 11ஒகைபேரையூர் 12திருவெண்டுறை 13மன்னா-அண்ணாமலைஈஸ்வரர் 14மன்ன-காசிவிஸ் 15மன்னா-கைலாச 16மன்னா- ஜெயம்கொண்ட 17மன்னா- நீலகண்டேஸ்வரர் 18ஆதிச்சபுரம் 19சோழபாண்டி 20ஏத்தங்குடி 

21சேரங்குளம்  22மன்னா- தெப்பகுளம்காசி 23திருராமேஸ்வரம் 24திருபாலக்குடி 25இருள்நீக்கி 26வேளுக்குடி  27.சித்தமல்லி 28.வடுவூர்வடபாதி 29.எடமேலையூர்-சித்தர்கோயில் 30.பூதமங்கலம் 31.வெட்டிக்காடு 32.பெரியகுருவாடி 33.புனவாசல் 34.கீரக்களூர் 35.தண்ணீர்குன்னம் 36.மூர்த்தியம்மாள்புறம் 37.புள்ளமங்கலம்  38.வடபாதி 39.திருநாட்டியத்தான்குடி 40.உச்சுவாடி 

41.பெரியகொத்தூர் 42.சித்திரையூர் 43.மாவட்டகுடி 44.அன்னுகுடி 45.ராமநாதபுரம்  46.சேந்தங்குடி 47.காரியமங்கலம் 48.பெரியகுடி49. விக்கிரபாண்டியம் – அகஸ  50.ஆலத்தூர் 51.சேந்தமங்கலம்  52.குன்னியூர் 53.சக்திமுற்றம்  54.தென்கோவனூர் 55.வடகோவனுர்  56.கருவேலங்குளம் 57.மேலச்சேரி 58. 49.நெம்மேலி 59.கீழ்கோட்டூர் 60.ரங்கநாதபுரம் 

61.வாட்டார் 62.மேலபுத்தூர்  63.சந்தனநல்லூர் 64.சித்தமல்லி  65.பாலையூர்

வலங்கைமான் வட்டம்

1பாடகச்சேரி 2மாளிகைத்திடல் 3விருப்பாட்சிபுரம் 4சித்தன்வாழுர்-விஸ்வ  5சித்தன்வாழுர்- கைலாச 6நல்லம்பூர் 7அரையூர் 8கடுவாய்கரைபுத்தூர் 9ஆலங்குடி 10மருவத்தூர் 11கீழாமராவதி 12பூந்தோட்டம் 13பூனாயிருப்பு 14பூனாயிருப்பு-அக்னீஸ் 15விடையல்கருப்பூர் 16முனியூர் 17அவளிவநல்லூர் 18திருமணமங்கலம் 19உத்தமதானபுரம் 20விளத்தூர் 

21நல்லூர் 22ஆவூர் 23அன்னுகுடி 24கோபுராஜபுரம் 25மாலாபுரம் 26தொழுவூர் 27வலங்கை -அருணாச்சலேஸ்வரர் 28வலங்கை-வைத்திய 29வலங்கை – கைலாச 30வடக்குபட்டம் 31நல்லம்பூர் 32களத்தூர் 33அரதைபெரும்பாழி 34வீரமங்கலம் 35மணக்கால் 36வலங்கை –காசிவிஸ் 37மேலபூண்டி  38சந்திரசேகரபுரம் –அகதீஸ் 39கிளாக்காடு 40மாத்தூர் 

41கீழவிடையல் 42அணியமங்கலம் 43மதகரம் 42.மணக்குண்டு  43.வேளாக்குடி  மற்றும் இன்னும் பல... 

ஓம் நமசிவாய 

படித்து பகிர்ந்தது

 இரா இளங்கோவன் 

நெல்லிக்குப்பம். 

நாகை காயாரோகணேஸ்வரர் கோவில்.

*நீலாயதாட்சி உடனாய காயாரோகணேஸ்வரர் கோவில்* 

அன்னையின் கண்கள் கடல்நிறத்தில் நீலமாக காட்சியளிக்கிறது. அன்னையின் கண்கள் கடல்நிறத்தில் நீலமாக காட்சியளிக்கிறது. 

மூலவர்: காயாரோகணேஸ்வரர் 

உற்சவர்: சந்திரசேகரர் 

அம்மன்: நீலாயதாட்சி 

தலவிருட்சம்: மாமரம் 

தீர்த்தம்: புண்டரீக தீர்த்தம் 

நாகப்பட்டினத்தில் உள்ள நீலாயதாட்சி உடனாய காயாரோகணேஸ்வரர் கோவிலைப் பற்றி இங்கே பார்க்கலாம். 

தமிழ்நாட்டில் உள்ள தேவாரப்பாடல் பெற்ற 274 சிவாலயங்களில், இது 145-வது தேவாரத் தலம் ஆகும். இந்திரன் பூஜித்து வந்த 7 சிறிய சிவலிங்கங்களை, முசுகுந்த சக்கரவர்த்தி 7 தலங்களில் பிரதிஷ்டை செய்தார். 

இவை 'சப்த விடங்க தலங்கள்' எனப்படுகின்றன. அதில் இந்த ஆலயமும் ஒன்று. 'விடங்க' என்பதற்கு 'உளியால் செதுக்கப்படாதது' என்று பொருள். 

கோமேதகத்தால் செய்யப்பட்டதாக இந்த லிங்கம் இருக்கிறது. எனவே இவர் 'சுந்தர விடங்கர்' எனப்படுகிறார். 

இங்கு வீற்றிருக்கும் அம்மன், கடல்போல் அருள்பவர்.  அதை உணர்த்தும்விதமாக அன்னையின் கண்கள் கடல்நிறத்தில் நீலமாக காட்சியளிக்கிறது. எனவேதான் அம்மனுக்கும் 'நீலாயதாட்சி' என்று பெயர். தனிக் கொடிமரத்துடன் சன்னிதியில் வீற்றிருக்கும் இந்த அன்னை திருமணத்திற்கு முந்தைய கன்னியாக காட்சி தருகிறார். 

அம்மன் கன்னியாக இருப்பதால் அன்னைக்கு பாதுகாப்பாக நந்தியை அனுப்பினார், ஈசன். இதனால் அம்மன் சன்னிதி எதிரில் நந்தியே இருக்கிறது. ஆனால் எப்போதும் ஈசனை தரிசிக்க விரும்பிய நந்தி, 

அம்மன் சன்னிதியில் இருந்தாலும் தன்னுடைய கழுத்தை முழுமையாக திரும்பி சிவன் சன்னிதியை பார்த்தபடி இருக்கிறது. 

இத்தல தல விருட்சமான மாமரத்தில் காய்க்கும் மாம்பழம், இனிப்பு, புளிப்பு, துவர்ப்பு ஆகிய மூன்று சுவைகளுடன் இருக்கும். ஆலயத்தின் தென்கிழக்கு பிரகாரத்தில் இருந்து இந்த மாமரத்தைப் பார்க்க நந்தி வடிவில் காட்சி தரும். 

பொதுவாக கோவில் அருகில் வசிப்பவர்கள் யாராவது இறந்தால், ஆலய நடை சாத்தப்படும். ஆனால் இங்கு சிவனால் முக்தி பெற்ற அதிபத்தர் என்ற மீனவ குலத்தைச் சேர்ந்தவருக்கு மரியாதை செலுத்தும் விதமாக, இங்கு மீனவா்கள் யாராவது இறந்தால், அவர்களின் உடல் ஆலயத்திற்கு முன்பாக வைக்கப்படும். 

பின்னர் சிவன் சன்னிதியில் இருந்து சிவனுக்கு அணிவித்த மாலை இறந்தவருக்கு அணிவிக்கப்படுவது வழக்கமாக இருக்கிறது. 

இந்த ஆலயத்தில் பிரதோஷ நிகழ்வின் போது ரிஷப வாகனத்தில் ஈசன் வீதி உலா புறப்படும்போது, மோகினி வடிவில் பெருமாளும் புறப்படுகிறார். 

பிரதோஷ நிகழ்வில் மட்டுமே இந்த பெருமாளை தரிசிக்க முடியும். மற்ற நேரங்களில் அவர், சிவனின் மூலஸ்தானத்திற்குள் இருப்பார். இத்தல நவக்கிரக மண்டபத்தில் உள்ள நவக்கிரகங்கள் அனைத்தும், சிவபெருமானை பார்க்கும் விதமாக மேற்கு நோக்கி இருக்கின்றன. 

இவ்வூரில் வசித்த அதிபத்தர் என்ற சிவ பக்தர், தன்னுடைய வலையில் கிடைக்கும் முதல் மீனை இறைவனுக்கு படைக்கும் விதமாக கடலிலேயே விட்டு விடுவார். 

ஒரு முறை அவருக்கு தங்க மீன் கிடைத்தது. மீனவர்கள் பலர் அதைக் கடலில் விடவேண்டாம் என்று கூறியும், இறைவன் மேல் கொண்ட பக்தியால் அந்த தங்க மீனை கடலில் விட்டார், அதிபத்தர். அவரது பக்தியை மெச்சிய சிவன் அவருக்கு காட்சி கொடுத்து நாயன்மார்களில் ஒருவராக்கி அருள்புரிந்தார். 

சனி பகவானால் ஏற்படும் பஞ்சம் தன் நாட்டிற்கு வராமல் இருக்க தசரத மன்னன், இத்தல ஈசனை வேண்டினான். ஈசனின் உத்தரவால் தசரதனுக்கு காட்சி கொடுத்த சனீஸ்வரர், நாட்டு நலனுக்காக வேண்டியதால் தசரதனின் நாட்டை பஞ்சத்தில் இருந்து காப்பாற்றினார். 

இங்கு சனி பகவானுக்கு சன்னிதி உள்ளது. இவ்வாலய முகப்பில் நாகாபரணம் சூடிய நிலையிலும், தலைக்கு மேலே ஒரு நாகம் குடைபிடித்த நிலையிலும் விநாயகர் காட்சி தருகிறார். இவருக்கு 'நாகாபரண விநாயகர்' என்று பெயர். 

இவரை ராகுகாலத்தில் பாலாபிஷேகம் செய்து வழிபட்டால் நாகதோஷம் நீங்கும். புஷ்கரணி தீர்த்தக்கரையில் பைரவருக்கு சன்னிதி உள்ளது. இங்கு பைரவருக்கு நாய் வாகனத்திற்கு பதிலாக சிம்மம் வாகனமாக இருக்கிறது. இத்தலத்தில் முக்தி வேண்டி தவம் இருந்த புண்டரீகர் என்னும் முனிவரை, தன்னுடன் அணைத்து முக்தி கொடுத்தார், ஈசன். இதனால் இத்தல இறைவன் 'காயாரோகணேஸ்வரர்' என்று அழைக்கப்படுகிறார். 

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்.