Friday, February 2, 2024

அருள்மிகு கல்யாண சுந்தரேஸ்வரர் திருக்கோயில், திருவேள்விக்குடி, குத்தாலம் போஸ்ட், நாகப்பட்டினம் மாவட்டம்.

அருள்மிகு கல்யாண சுந்தரேஸ்வரர் திருக்கோயில், திருவேள்விக்குடி, குத்தாலம் போஸ்ட், நாகப்பட்டினம் மாவட்டம்.

காலை 6 மணி முதல் 12 மணி வரை, மாலை 4 மணி முதல் இரவு 8 மணி வரை திறந்திருக்கும்.


மூலவர் – கல்யாண சுந்தரேஸ்வரர், மணவாளேஸ்வரர்
அம்மன் – பரிமள சுகந்த நாயகி
தீர்த்தம் – மங்கள தீர்த்தம்
பழமை – 1000 வருடங்களுக்கு முன்
புராணப் பெயர் – திருவேள்விக்குடி
ஊர் – வேள்விக்குடி
மாவட்டம் – நாகப்பட்டினம்
மாநிலம் – தமிழ்நாடு
பாடியவர்கள் – சம்பந்தர், சுந்தரர்
திருவேள்விக்குடியின் அருகிலுள்ள குத்தாலத்தில் பரத மகரிஷியின் மகளாக பார்வதி அவதாரம் செய்தாள். அவள் தன்னைத் திருமணம் செய்ய வேண்டி, பரமேஸ்வரனை நினைத்து 16 திங்கள்கிழமை விரதம் இருந்து மண்ணில் இலிங்கம் பிடித்து பூஜை செய்தாள். 17வது நாளில் ஈசன் “மணவாளேஸ்வரர்” ஆக தோன்றி, அவளைத் திருமணம் செய்து கொள்வதாக வாக்களித்தார். அதன்படி அம்மனுக்கு கங்கணம் கட்டி, வேள்விகள் செய்து, பிரம்மா நடத்தி வைக்க மணம் புரிந்து கொண்டார். எனவே தான் இத்தலம் “திருவேள்விக்குடி” என அழைக்கப்பட்டது.
இத்தலத்தில் அருள்பாலிக்கும் அன்னையின் அழகை வர்ணிக்க வார்த்தைகளே இல்லை. அவ்வளவு அழகு.




தவத்தின் ஆரம்பத்தில் துயரத்துடன் இருந்த அன்னை, சிவன் தன்னை மணந்து கொள்கிறார் என்றவுடன் ஏற்பட்ட ஆனந்தத்தில் புன்னகை பூக்க அருள்பாலிக்கிறாள்.

பார்வதியின் துயரத்தை போக்கிய சிவன், இங்கு வந்து வழிபடும் கல்யாணம் ஆகாத ஆண்கள், பெண்களின் துயரத்தை போக்கி, திருமணத்தை சிறப்பாக நடத்தி வைக்கிறார்.



திருத்துருத்தியாகிய குத்தாலத்தோடு சேர்த்து பாடப்பட்ட திருத்தலம் இது.

அரச குமாரன் ஒருவனுக்கு நிச்சயித்திருந்த பெண்ணின் தாய் தந்தையர் திருமணத்திற்கு முன் இறந்து விட்டனர். பின் பெண் வீட்டார் இத்திருமணத்திற்கு சம்மதிக்கவில்லை.

அரசகுமாரன் இத்தலம் வந்து இறைவனை வணங்கி, நின்ற திருமணத்தை நடத்தி வைக்கக் கேட்டான். சிவன் ஒரு பூதத்தை அனுப்பி அந்தப் பெண்ணை அழைத்து வந்து, திருமணம் செய்து வைத்தார். சிவனின் தோழரான சுந்தரர் இங்கு வந்து அக்னி தீர்த்தத்தில் நீராடி, சிவனை வழிபட்டு, தனது குஷ்டத்தை போக்கிகொண்டார். சிவன் தன்னில் ஒரு பகுதியை சக்திக்கு அளித்த தலம் இதுதான்.

இத்தல இறைவன் கிழக்கு நோக்கிய சுயம்பு லிங்கமாக அருள்பாலிக்கிறார். இறைவனின் திருமணத் தலம் என்பதால் இங்கு நவக்கிரகங்கள் கிடையாது. அதற்கு பதில் ஈசனே ஈசான்ய மூலையில் அமர்ந்துள்ளார். கோபுரம் கிழக்கு நோக்கியது. கருவறை, அர்த்தமண்டபம், மகாமண்டபம் உள்ளன. கோஷ்டமூர்த்தங்களாக லிங்கோற்பவர், அர்த்தநாரீஸ்வரர், சந்திரசேகரர், தக்ஷிணாமூர்த்தி ஆகியோர் உள்ளனர். அர்த்தமண்டபத்தில் அகத்தியர் சிலையும், நடராஜர் பிள்ளையார் திருமேனிகளும் உள்ளன. முதல் பிரகாரத்தில் அம்பாள் கோயில் தெற்கு நோக்கியுள்ளது. இதன் பின்புறத்தில் ஈசானமூர்த்தி கோயில் உள்ளது. இக்கோயில் முதல் பராந்தகன் காலத்தில் கட்டப்பட்டது என்பர்.

தேவாரப்பதிகம்:

மூப்பதும் இல்லை பிறப்பதும் இல்லை இறப்பதில்லை சேர்ப்பது காட்டாகக் தூரினும் ஆகச்சிந் திக்கி னல்லால் காப்பது வேள்விக் குடிதண் துருத்திஎங் கோன்அரைமேல் ஆர்ப்பது நாகம் அறிந்தோமேல் நாம் இவர்க்கு ஆட்படோமே.

–சுந்தரர்

தேவாரப்பாடல் பெற்ற காவிரி வடகரைத்தலங்களில் இது 23வது தலம்.

திருவிழா:

மகாசிவராத்திரி, பங்குனி உத்திரம்

பிரார்த்தனை:

நவக்கிரகதோஷத்தால் திருமண தடை உள்ளவர்கள் இவருக்கு 48 அகல் விளக்கு ஏற்றி வழிபட்டால் தோஷம் நீங்கும்.

நேர்த்திக்கடன்:

பவுர்ணமி தினத்தில் காலை 10 முதல் மாலை 4 மணிவரை திருமண தடை நீங்க யாகம் நடக்கிறது. இந்த யாகத்தில் திருமணத் தடை உள்ள ஆண்கள், பெண்கள் இருபாலரும் கலந்து கொண்டு அர்ச்சனை செய்து வழிபடலாம். திருமணம் முடிந்தவுடன் தம்பதிகள் இத்தலத்திற்கு வந்து சுவாமி அம்பாளுக்கு அர்ச்சனை செய்து நன்றி சொல்லிவிட்டால் போதும்.

வழிகாட்டி:

மயிலாடுதுறையிலிருந்து வாணாதிராஜபுரம் வழியாக குத்தாலம் செல்லும் சாலையில் இத்தலம் உள்ளது.

சாலையிலிருந்து சற்று உள்ளடங்கி கோயில் உள்ளது. 

ஓம் நமசிவாய 
படித்து பகிர்ந்தது 
இரா இளங்கோவன்
 நெல்லிக்குப்பம்

நாகேஸ்வரசுவாமி திருக்கோயில், கொடுவாய்

கு நாகேஸ்வரசுவாமி திருக்கோயில், கொடுவாய்
காலை 6 மணி முதல் 10 மணி வரை,மாலை 5 மணி முதல் இரவு 8 மணி வரை திறந்திருக்கும்.
மூலவர்
நாகேஸ்வரசுவாமி

தாயார்
கோவர்த்தனாம்பிகை

பழமை
500 வருடங்களுக்கு முன்

ஊர்
கொடுவாய்

மாவட்டம்
திருப்பூர்

மாநிலம்
தமிழ்நாடு

சுமார் ஆயிரத்து இருநூறு ஆண்டுகளுக்கு முன்பு,காஞ்சிபுரத்தில் பிறவியிலேயே பார்வையற்ற ஒருவன் இருந்தான்.

அவ்வூரில் குடிகொண்டிருக்கும் ஏகாம்பர நாதரிடம் கூறமுடியாத அளவு பக்தி வைத்திருந்தான்.அனுதினமும் ஆலயம் சென்று ஏகாம்பரநாதரை வணங்கி,தனக்குப் பார்வை அருள வேண்டும் என வேண்டி வந்தான். 

ஒரு நாள் அவன் வேண்டுதலை ஏற்றுக்கொண்ட ஏகாம்பரநாதர், ஒரு கண்ணில் மட்டும் பார்வையை வழங்கினார். மகிழ்ந்த அவன், “மற்றொரு கண்ணுக்கு நான் எவ்விடம் போவேன்?” என்று கேட்டான். 

இறைவன் கொங்குநாடு சென்று அங்குள்ள கொடுவாய் எனும் சேத்திரத்தில் கோவர்த்தனாம்பிகையுடன் நாகேஸ்வரராக அருளும் எம்மை வணங்கினால் கண் பார்வை கிடைக்கும் என்றருளினார்.இளைஞனும் அவ்வாறே கொங்குநாடு வந்து கொடுவாய் தலத்தில் வேண்ட, அவனுக்குப் பார்வை கிடைத்ததாக கர்ணபரம்பரை செய்தி ஒன்று கூறுகிறது.

சுப்பிரமணியர் வள்ளி தெய்வானையுடன் காட்சி அளிக்கிறார். முன்புறம் மயில் வாகனம் உள்ளது. 

ஆலயத்தைச் சுற்றிலும் முல்லை, அரளி,நந்தியாவட்டை மலர்கள் நிறைந்த தோட்டம் பசுமை விரித்திருக்கிறது.சிறிய செயற்கைக் குளத்தின் நடுவில் லட்சுமியும் சரஸ்வதியும் அமர்ந்த நிலையில் சுதைவடிவாக உள்ளனர். 

ஏறக்குறைய ஏழடி உயரத்திற்கு பரந்து விரிந்து ஒரு புற்று உள்ளது. திருமணம் ஆகாதவர்கள் இங்கு வந்து வேண்டிக் கொண்டால்,உடனடியாகத் திருமணம் நடைபெறும் என்பது இங்குள்ள பக்தர்களின் நம்பிக்கை. மேலும் இது இராகு, கேது பரிகார தலமாகவும் விளங்குகிறது.

ஒரே கல்லில் ஆன தீபஸ்தம்பம்,சனீஸ்வரர் சன்னதி. அதற்குப் பின்புறம் நவகிரகங்கள் மேடையில் காட்சியளிக்கின்றன. 

அவற்றைச் சுற்றி வந்தால் பைரவர் சன்னதி.பைரவருக்கு முன் சந்திரனும்,அடுத்து சூரியனும் வீற்றிருக்கின்றனர்.கற்றளியாலான கோயில் இது.கி.பி.12ம் நூற்றாண்டில் உருவாக்கப்பட்டது. 

இடப்பக்கம் கன்னி மூலையில் மாப்பிள்ளை போல அமர்ந்து இருக்கிறார் கணபதி. அவருக்கு முன்புறம் அழகியவதனத்தோடு காட்சியளிக்கும் அம்பாளின் சன்னதி. 

புளியமரத்தின் அடியிலும் ஓர் பிள்ளையார் இருக்கிறார்.முற்காலத்தில் இந்தக் கொடுவாய் தலம், முல்லை வனம் என்றே குறிப்பிடப்பட்டதாக கல்வெட்டுகள் கூறுகின்றன.

 கருவறையில் நாகேஸ்வரசுவாமி பக்தர்களின் வேண்டுதலைப் புறக்கணிக்காது அருள்பாலிப்பவராக அருள்மணம் கமழ காட்சியளிக்கிறார். 

அவருக்கு இடப்புறத்தில் நடராஜர் சன்னதி உள்ளது. கோஷ்டத்தில் தட்சிணாமூர்த்தி, பிரம்மா,துர்க்கையும் அருகே சண்டிகேஸ்வரரும் உள்ளனர். 

இங்கு ஒரே தலத்தில் துர்கா, லட்சுமி,சரஸ்வதி மூவரையும் ஒன்றாக தரிசிப்பது சிறப்பு.

திருவிழா:

பிரதோஷம், சிவராத்திரி.

கோரிக்கைகள்:

திருமணம் ஆகாதவர்கள் இங்கு வந்து வேண்டிக் கொண்டால்,உடனடியாகத் திருமணம் நடைபெறும் என்பது இங்குள்ள பக்தர்களின் நம்பிக்கை.

நேர்த்திக்கடன்:

சுவாமிக்கும், அம்மனுக்கும் அபிஷேகம் செய்து, புது வஸ்திரம் அணிவித்து நேர்த்திகடன் செலுத்துகின்றனர்.
ஓம் நமசிவாய 
படித்து பகிர்ந்தது
 இரா இளங்கோவன் நெல்லிக்குப்பம்.

திருப்பயற்று நாதரையும் வழிபட்டால் கண்நோய் நீங்கப் பெறுவர்

அ/மி திருப்பயற்றுநாதர் கோயில், திருப்பயற்றூர், திருப்பயத்தங்குடி,
திருவாரூர் மாவட்டம்,
PIN 610101        
*மூலவர்:
திருப்பயற்றுநாதர், முக்தபுரீசுவரர்

*தாயார்:
காவியங்கண்ணி, நேத்ராம்பிகை.

*தல விருட்சம்:
சிலந்தி மரம். 
*தீர்த்தம்:
கருணாதீர்த்தம். (பிரம்மதீர்த்தம்)

*தேவாரப் பாடல் பெற்ற தலம். பாடியவர்:
திருநாவுக்கரசர்.   

*இது பைரவ மகரிஷி வழிபட்ட திருத்தலம்.

*முன்னொரு காலத்தில் சிவபெருமானிடம் பேரன்பு கொண்ட வணிகர் ஒருவர் மிளகு வாணிகம் செய்து வந்தார். அவர் ஒருமுறை  இத்தலத்தின்வழியே செல்லும்போது சுங்கச்சாவடி அண்மையில் இருக்கக்கண்டு தலத்தின் பெருமானையடைந்து, பயற்றுக்கு வரியில்லையாதலால் தம்முடைய மிளகையெல்லாம் பயறாக மாற்றும்படி வேண்டினார். அவர் வேண்டுகோளின்படி மிளகு மூட்டைகள் பயறு மூட்டைகளாயின. வணிகரும் மகிழ்ந்து வரியில்லாமல் சென்றார். பின் பயறு மிளகாகியது. வணிகர் மிக்க இலாபம் பெற்றார். வணிகர் மிளகு விற்ற பணத்தில் கிடைத்த லாபத்தையெல்லாம் சிவன் சேவைக்கு செலவு செய்து இறைவனை அடைந்தார். இதனால் இத்தலம் "திருப்பயற்றூர்" எனவும், இறைவன் "திருப்பயற்றுநாதர்" எனவும் அழைக்கப்படுகிறார். 

*பஞ்சநதவாணன் என்பவனின் கண் நோய் நீங்கியதற்காக நிலம் கொடுத்த செய்தி இத்தலத்தின்  கல்வெட்டினால் அறியப்படுவதால்,  கண் பார்வையில் குறைபாடு  உள்ளவர்கள் இத்தலத்தில் உள்ள கருணாதீர்த்தத்தில் மூழ்கி நேத்திராம்பிகை என வழங்கப்பெறும் காவியங்கண்ணியையும் திருப்பயற்று நாதரையும் வழிபட்டால் கண்நோய் நீங்கப் பெறுவர் என்பது  புலனாகின்றது.      
 
*மூலவர் - ஆவுடையார் நாற்கோண வடிவம்; பழமையான திருமேனி.

*எல்லா தேவ சக்திகளின் ஒரே இருப்பிடம் இந்த திருப்பயற்றுநாதர் கோயில்.

*கல்வியில் சிறப்புற விரும்புவோரும், மறதி தொல்லையிலிருந்து விடுதலை வேண்டுவோரும்  தொழவேண்டிய மூர்த்தி, திருப்பயற்றுநாதர். 

*இவர், முக்தி தரும் ஈசன் என்பதால் பொய்யாமொழி சித்தர், ‘‘முக்தபுரீசா” என்று இவரைப்போற்ற, இவருக்கு  முக்தபுரீஸ்வரர் எனும் பெயரும் தோன்றிற்று.

*அருள்மிகு காவியங்கண்ணி அம்பாள் சந்நிதி தெற்கு நோக்கி அமைந்துள்ளது. அம்பாள் வலக்கையில் அபயமுத்திரையுடனும், இடக்கையில் ருத்ராக்ஷ மாலை, மற்றொரு வலக்கையில் தாமரை, இடக்கையைத் தொடையில் ஊன்றியவாறு, நான்கு கரங்களுடன் காட்சி தருகிறாள். அன்னைக்கு அபிஷேகம் செய்த பால் பிரசாதமாக வழங்கப்படுகிறது. இதை கண்களில் ஒற்றியபின் அருந்தினால் சகல கண் சம்பந்தப்பட்ட நோய்களும் பூரணமாக நீங்கும். எனவேதான் இந்த அன்னை நேத்ராம்பிகை என்றும் போற்றப்படுகிறாள்.
  
*இத்தலத்தில் வீரமாகாளி அம்மனுக்கு தனி சன்னிதி உள்ளது. கண்திருஷ்டி மற்றும் தீய சக்திகளால் பாதிக்கப்பட்டவர்கள்  வீரமாகாளி சன்னிதியில்வழிபாடு செய்தால் பாதிப்பு விலகும் என்பது நம்பிக்கை.  

*தலமரமாகிய சிலந்தி  மரத்தின் மலர்கள் மஞ்சள் நிறத்தில் சிலந்தி பூச்சி வடிவில் இருக்கும். சித்திரை வைகாசியில் பூக்கும் - மணமுண்டு; இலை, புன்னையிலைபோல இருக்கும்.
 
*அமைவிடம்:
 இத்தலம் திருவாரூர் மாவட்டத்தில் நன்னிலம் வட்டத்தில் அமைந்துள்ளது. திருவாரூரிலிருந்து  சூரக்குடி வழியாக நாகூர் செல்லும் சாலையில் 15.கி.மீ.   தொலைவில்  இக்கோயில்  உள்ளது.  திருவாரூரிலிருந்து  பேருந்துகள்  உள்ளன.

ஓம் சிவாயநம 
படித்து பகிர்ந்தது
 இரா இளங்கோவன்
 நெல்லிக்குப்பம்

Thursday, February 1, 2024

தஞ்சாவூர் மாவட்டத்தில் உள்ள புகழ்பெற்ற திருப்புவனம் கம்பகரேஸ்வரர்

வனம் கம்பகரேஸ்வரர் கோயில் கும்பகோணம் அருகில் திருபுவனம் என்னும் சிற்றூரில் அமைந்துள்ள சிவன் கோயிலாகும். இது ஒரு தேவார வைப்புத்தலமாகும். 
இக்கோயில் கும்பகோணம் அருகே மயிலாடுதுறை - கும்பகோணம் சாலையில் அமைந்துள்ளது. பெரிய திருச்சுற்றுடன் அமைந்துள்ள இக்கோயிலின் கருவறை சற்று உயர்ந்த தளத்தில் உள்ளது. கருவறையின் வெளியே திருச்சுற்றில் அழகான ஓவியங்களும், சிற்பங்களும் காணப்படுகின்றன. இக்கோயிலின் உள் மண்டபத்தில் அமைந்துள்ள தூண்கள் தாராசுரம் கோயிலில் உள்ளதைப்போன்று வேலைப்பாடுகளுடன் உள்ளன.
சுவாமி :கம்பகரேஸ்வரர் (நடுக்கந்தீர்த்த பெருமான்)

அம்பாள் : அறம் வளர்த்த நாயகி (தர்மசம்வர்த்தினி)

மூர்த்தி : கம்பகரேஸ்வரர், சரபேஸ்வரர்.

தீர்த்தம் : சரபர் தீர்த்தம்

தலவிருட்சம் : வில்வம் மரம்

புராண பெயர்: திருப்புவனேசுரம்

ஊர்: திருபுவனம்

மாவட்டம்: தஞ்சாவூர்

மாநிலம்: தமிழ்நாடு

பாடியவர்கள்: அருணகிரிநாதர் 

#அருணகிரிநாதர் அருளிய 
#திருபுவனம்_திருப்புகழ் : (திரிபுவனம்)

தனுநுதல் வெயர்வெழ விழிகுழி தரவளை
     சத்திக் கச்சில தித்திக் கப்படும் ...... அன்புபேசித்

தழுவிய மகளிர்த முகிழ்முலை யுரமிசை
     தைக்கச் சர்க்கரை கைக்கப் பட்டன ...... தொண்டையூறல்

கனவிலு நுகர்தரு கலவியின் வலையிடை
     கட்டுப் பட்டுயிர் தட்டுப் பட்டழி ...... கின்றதோதான்

கதிபெற விதியிலி மதியிலி யுனதிரு
     கச்சுற் றச்சிறு செச்சைப் பத்மப ...... தம்பெறேனோ

முனைமலி குலிசைதன் ம்ருகமத புளகித
     முத்தச் சித்ரத னத்துக் கிச்சித ...... அம்புராசி

முறையிட முதுநிசி சரர்திரள் முதுகிட
     முட்டப் பொட்டெழ வெட்டிக் குத்தும ...... டங்கல்வீரா

அனுபவ மளிதரு நிகழ்தரு மொருபொருள்
     அப்பர்க் கப்படி யொப்பித் தர்ச்சனை ...... கொண்டநாதா

அகிலமு மழியினு நிலைபெறு திரிபுவ
     னத்துப் பொற்புறு சித்திச் சித்தர்கள் ...... தம்பிரானே.

__அருணகிரிநாதர்

#இறைவன் பெயர்:

மூலஸ்தானத்தில் எழுந்தருளியிருக்கும் இறைவனின் திருப்பெயர் ஸ்ரீகம்பகரேசுவரர். தமிழில் நடுக்கம் தீர்த்த பெருமான் என்பது பொருள். திருபுவன ஈச்சரமுடையாக தேவர் என்பது இக்கோயில் கல்வெட்டுகளில் குறிப்பிடப்பட்டிருக்கும் திருப்பெயராகும். இத்தலத்து அம்பாளுக்கு ஸ்ரீ அறம்வளர்த்த நாயகி என்ற பெயர் வழங்குகின்றது.

இங்குள்ள சரபேஸ்வரர் சன்னதி மிகவும் சிறப்பு பெற்றதாகும். சரபேஸ்வரர் தனிச்சன்னதியில் உள்ளார்.
சோழர் காலக் கட்டிடக்கலைக்கு உதாரணமாக இவ்வாலயத்தையும்,தஞ்சை பிரகதீஸ்வரர் ஆலயத்தையும், தாராசுரம் ஐராவதீஸ்வரர் ஆலயத்தையும், கங்கை கொண்ட சோழபுரம் ஆலயத்தையுமே குறிப்பிடுகிறார்கள்.இக்கோயிலின் விமான அமைப்பு மேற்கண்ட கோயில்களில் உள்ள விமானங்களைப் போலவே அமைந்துள்ளது.

வரலாறு:

பிரகலாதன், திருமால், தேவர்கள், மக்கள் முதலானவர்களுக்கு விளைந்த கம்பத்தினை(நடுக்கத்தை) நீக்கியருளியதால் இத்தல இறைவன் கம்பகரேஸ்வரர் என்ற பெயர் பெற்றார். இக்கோயில் மூன்றாம் குலோத்துங்க சோழனால் கட்டப்பட்டது.

தலச்சிறப்பு : 

இது சரபேஸ்வரருக்குரிய சிறப்பு வாய்ந்த தலமாகும்.  கலைச் சிறப்புடைய சிற்பங்கள் இங்கு உள்ளன.  சோழர்கள் ஆட்சி காலத்தில் தான் சரபேஸ்வரர் வழிபாடு அறிமுகமாகியது.  சரப மூர்த்தி வடிவத்தினைக் கோயில்களில் அமைப்பதாலும் வழிபடுவதாலும் எதிரிகள் அழிக்கப்படுவார்கள், போர்களில் வெற்றி கிடைக்கும் என்ற நம்பிக்கையின் அடிப்படையிலேயே சோழர்கள் சரபேஸ்வரர் வழிபாட்டினைத் துவங்கினார்கள். 

தல வரலாறு : 

முன்னொரு காலத்தில் இரணியன் என்ற அசுரன் தேவர், மனிதர், விலங்கு முதலிய யாவராலும், எத்தகைய ஆயுதத்தாலும், பகல், இரவு என்ற இரு வேளைகளிலும் சாகாத வரத்தைத் தவமியற்றிப் பெறுகிறான்.  மமதையின் உச்சத்தில் தானே கடவுள் என்று அறிவித்து மீறுவோரைக் கொல்கிறான்.  இவனது மைந்தன் ப்ரகலாதன் தீவிரத் திருமால் பக்தன்!

அகந்தையின் உச்சத்தில் தன்னைக் கடவுளாக ஏற்க மறுத்த மகனையே கொல்லப் பல்வேறு முயற்சிகள் செய்கிறான்.  பலிக்கவில்லை! ஆத்திரத்தின் உச்சத்தில் மகனிடம் “நீ வணங்கும் நாராயணன் எங்கிருக்கிறான்? அவனைக் காட்டு.  உன் கண்முன் அவனைக் கொன்று நானே கடவுள் என்று உனக்கு நிரூபிக்கிறேன்” என்கிறான்.  ப்ரகலாதன் நிதானமாக “நாராயணன் எங்கும் இருக்கிறான், தூணிலும் இருக்கிறான், துரும்பிலும் இருக்கிறான்” என்றான்.

ஆத்திரத்தோடு அரக்கன் அருகிலிருந்த தூணைக் காட்டி “அவன் எங்கும் இருக்கும் தெய்வம் என்றால் இந்தத் தூணில் இருந்து வெளிவரட்டும்” என எட்டி உதைக்க, சிங்கத்தின் தலையும், மனித உடலும் கொண்ட உருவமாய் நரசிம்மர் தோன்றி இரணியன் குடலைக் கீறி அவனை அழிக்கிறார். அழித்த பின்பும் ஆத்திரம் தீரவில்லை.  அனைவரும் சிவனிடம் காப்பாற்றும்படி முறையிடுகின்றனர்.

எட்டுக் கால்கள், நான்கு கைகள், இரண்டு இறக்கைகள், கூர்மையான நகங்கள், பற்கள், யாளிமுகம் ஒருங்கிணைந்த தோற்றமாய் சரபேஸ்வரர் தோன்றுகிறார்.  பாதி உருவம் அகோரப் பறவை, மீதி உருவம் அகோர விலங்கு! சரபேஸ்வரரைக் கண்ட நரசிம்மருக்குக் கோபம் நீங்கிப் பயம் வந்தது.   சிவனைத் தாக்க விழைகிறார்.

அப்போது சிவனின் தீண்டலில் சினம் தணிந்து இயல்பு நிலைக்குத் திரும்புகிறார் திருமால்.   அனைவருக்கும் ஏற்பட்ட கம்பத்தினை (நடுக்கத்தினை) தீர்த்ததால் சிவன் கம்பகரேஸ்வரர் (நடுக்கம் தவிர்த்த பெருமான்) என்ற திருப்பெயர் பெறுகிறார்.  சரபப் பறவையாய்த் தோன்றியதால் சரபேஸ்வரர்! என பெயர் உருவானதாக கூறுகிறது புராணக் கதைகள்.

#புராண வரலாறு :

அச்சுவக்கிரீவன், விடபக்கிரீவன், வியாளக்கிரீவன் ஆகிய மூன்று அசுரர்களும், சிவபெருமானை நோக்கி கடுந்தவம் புரிந்தனர். அதன் பயனால் தேவராலும் மற்ற எவராலும் அழியாத வரம் பெற்றனர். பொன், வெள்ளி, இரும்புக்கோட்டை அமைத்து, தேவர்களையும், உலக உயிர்கள் அனைத்தையும் துன்புறுத்தி வந்தனர். நடுநடுங்கி வாழ்ந்த தேவர்களும், முனிவர்களும், சிவனிடம் சரணடைந்தனர். அவர்களின் வேண்டு கோளுக்கு இணங்கி, தமது நகைப்பினால் மூன்று அசுரர்களையும், அவர்களின் கோட்டைகளையும் அழித்தொழித்தார். இதனால் அனைவரின் வாழ்விலும் பயத்தால் ஏற்பட்ட நடுக்கம் நீங்கியது

#தொன்மைச் சிறப்பு:

இவ்வாலயத்தில் ஆறு கல்வெட்டுகள் கி.பி. 1907-ம் தொல்லியல் அறிக்கையில் பட்டியல் இடப்பட்டுள்ளன. அதன்படி இவ்வாலயம் ஈழம், கொங்குநாடு, வடநாடு, சேரர், பாண்டியர், தெலுங்கர் பலரையும் வென்றதின் நினைவாக, மூன்றாம் குலோத்துங்கன் காலத்தில் பிரம்மாண்டமாக உருவாக்கப்பட்டதை, கி.பி. 1178-ம் ஆண்டு கல்வெட்டு குறிப்பிடுகிறது. நடராஜன் சன்னிதி, முகமண்டபம் எழுப்பப்பட்ட தகவலும் குறிப்பிடப்பட்டுள்ளது. மூன்றாம் குலோத்துங்கனின் ஆசிரியரான ஸ்ரீகந்த சம்புவின் மகனான ஈஸ்வர சிவன், இந்தக் கோவிலை நிர்மாணித்ததைக் கல்வெட்டு செய்தி ஒன்று குறிப்பிடுகிறது. இதுதவிர, ஜடாவர்மன் பராக்கிரம பாண்டியனும் இந்த ஆலயத்திற்கு திருப்பணி செய்ததை அறிய முடிகிறது.

#சரபேஸ்வரர் :

தன் பக்தன் பக்த பிரகலாதனுக்காக, இரண்யன் பெற்ற வரத்தின்படி மனிதனும் இல்லாத மிருகமும் இல்லாத வடிவமாக நரசிம்மராக அவதாரம் எடுத்த மகாவிஷ்ணு, இரண்யனை அழித்ததாக புராணங்கள் கூறுகின்றன.

அதன்படி இரண்யனின் குடலை உருவி மாலையாக அணிந்த நரசிம்மர், இரண்யனின் உதிரத்தைக் குடித்தார். இதனால் அவரது செயல் அசுரத்தனமாக மாறியது. அவரது இந்த மாற்றத்தால் உலகே அச்சத்தில் நடுங்கியது. அனைவரும் சிவபெருமானிடம் சரணடைந்தனர்.

அதற்குச் செவி மடுத்த சிவபெருமான், தன் அம்சத்தில் இருந்து தோன்றிய வீரபத்திரரிடம் நரசிம்மரின் அட்டகாசங்களை நிறுத்தி, அவரை சாந்த மூர்த்தியாக்கஆணை யிட்டார்.

வீரபத்திரர் பேரண்டப் பட்சியாக, சரப வடிவம் ஏற்றார். எட்டுக் கால்கள், சிங்கமுகம், நரிவால் கொண்டிருந்த அந்த தோற்றத்தைக் கொண்டு, நரசிம்மரை சாந்தப்படுத்தினார். அதே வடிவத்தில் சரபேஸ்வரர் என்ற பெயரில் கோவில் கெண்டார். பல்வேறு திருக்கோவில்களில் சரபேஸ்வரர் வடிவங்கள் இருந்தாலும், திரிபுவனம் கம்பகரேஸ்வரர் திருக்கோவிலில் உள்ள சரபேஸ்வரரே பிரதானமாக போற்றப்படுகிறது. இந்த ஆலயத்தின் உற்சவமூர்த்தியும் சரபேஸ்வரர் தான்.

இங்குள்ள சரபர் ஆறு கால்கள், நான்கு கரங்களுடன் பன்னிரு கால் பீடத்தையும், இரு கரங்கள் நரசிம்மனைப் பற்றியும் அமைந்துள்ளது.

எதிரிகளால் தொல்லைகளில் இருந்து விடுபடவும், பகைவர்களை அழிக்கவும் வரம் தரும் வள்ளலாக இவர் போற்றப்படுகின்றார்.

#ஆலய அமைப்பு :

கிழக்கு நோக்கிய அகன்ற வடிவ ராஜகோபுரம் பிரம்மாண்டமாய் ஏழு நிலைகளைக் கொண்டுள்ளது. இந்தக் கோபுரம் முழுவதும் பல்வேறு புராணங்களை நினைவுபடுத்தும் சுதைச் சிற்பங்கள் நிறைந்து காணப்படுகின்றன. கொடி மரம், பலிபீடம், நந்தி மண்டபம் கடந்ததும் மூன்று நிலை கோபுரம் காட்சி தருகிறது. அதைக் கடந்து உள்ளே சென்றால் சுவாமி, அம்பாள் சன்னிதியை தரிசனம் செய்யலாம்.

ஆலயம் தஞ்சை பெரிய கோவில், தாராசுரம், கங்கை கண்டசோழபுரம் கோவிலோடு ஒப்பிடும் விதத்தில் பிரம்மாண்டமாகவும், விசால மானதாகவும் அமைக்கப் பட்டுள்ளது. இந்த ஆலயத்தின் கருவறை விமானம் ‘சச்சிதானந்த விமானம்’. அது அமைதியையும், ஆனந்தத்தையும் அளிக்கும் விதமாக அமைந்துள்ளது. இவ்வாலயத்தின் சிற்பங்களில் குறிப்பிடத்தக்கது, லிங்கோத்பவர் சிலா வடிவமும், பிச்சாடனர் உலா வடிவமும் ஆகும்.

இத்தலத்தில் இறைவன் பெயர் ‘நடுக்கந்தீர்த்த நாயகர்’ என்ற திருநாமத்துடன் அருள்கிறார். இவரே ‘கம்பகரேஸ்வரர்’ என்றும் அழைக்கப்படுகிறார். பிரம்மாண்ட வடிவில் கிழக்கு முகமாய் ஒளிவீசும் திருமேனியில் இறைவன் காட்சி தருகின்றார். இத்தல இறைவனுக்கு திரிபுவனமுடையார், திரிபுவன ஈஸ்வரர், திருபுவன மகாதேவர் என்ற பெயர்களும் கல்வெட்டுகளில் குறிப்பிடப்பட்டுள்ளது.

சுவாமி சன்னிதியின் இடதுபுறம் தனி சன்னிதியாக அம்பாள் சன்னிதி அமைந்துள்ளது. அதில் தர்மசவர்த்தினி எனும் அறம் வளர்த்த நாயகி வீற்றிருந்து அருள்பாலிக்கிறாள். தேவர்களின் நடுக்கத்தை இறைவன் தீர்த்த பின், அறங்களை வளர்ப்பவளாக இத்தல அன்னை இருக்கிறாள்.

அம்மன் சன்னிதிக்கு நேர் எதிரே, இத்தலத்தின் முக்கிய சன்னிதியாக விளங்கும் சரபேஸ்வரர் சன்னிதி, தெற்கு முகமாய் அமைந்துள்ளது. இதுவே ஆதிசரபேஸ்வரர் சன்னிதியும், திருக்கோவிலும் ஆகும். மூலவர் கலைநயத்துடன் காட்சி தருவது நம்மை மெய்சிலிர்க்க வைக்கிறது. இவரின் அருகில் உற்சவமூர்த்தியாக சரபேஸ்வரர் அமர்ந்துள்ளார்.

சரபேஸ்வரர் கருவறையின் முகப்பில் இரண்டு அழகிய பெண்கள் துவார சக்திகளாக அமைந்துள்ளனர். இச்சிலைகள் மிகவும் கலைநயம் கொண்டதாக உள்ளது. சிவன், விஷ்ணு, துர்க்கை, சூலினி சக்தி களின் வடிவமான சரபருக்கு இப்பெண்கள் காவல் புரிகின்றனர்.

பங்குனி மாதத்தில் 15 நாட்கள் பிரம்மோற்சவம் வெகுவிமரிசையாக நடத்தப்படுகிறது. ஏழாம் நாள் திருக்கல்யாணம், ஒன்பதாம் நாள் திருத்தேர், பத்தாம்நாள் காவிரியில் தீர்த்தம் கொடுத்தருளல், பன்னிரண்டாம் நாள் சரபேஸ்வரர் ஏகதின உற்சவம் மற்றும் வெள்ளி ரதத்தில் வீதியுலா ஆகியவை நடைபெறும். இது தவிர, ஞாயிறு ராகு காலத்தில் சரபேஸ்வரர் சிறப்பு பூஜை மற்றும் ஏனைய விழாக்களும் சிறப்புடன் நடத்தப்பட்டு வருகின்றன.

ஓம் நமசிவாய 
படித்து பகிர்ந்தது 
இரா இளங்கோவன்
 நெல்லிக்குப்பம். 

விஷாலாக்ஷி தேவி எப்போதும் சூடான தங்கத்தைப் போல ஜொலிப்பாள்,

சக்தி இல்லாத சிவன், சிவன் இல்லாத சக்தி இரண்டும் முழுமையடையாது. காசி விசாலாக்ஷி தேவி கோயில், சாந்தன் தர்ம விசுவாசிகள் அனைவரின் இதயங்களிலும் பாரிய முக்கியத்துவத்தைக் கொண்ட ஒரு சக்திபீடமாகும்.
மா காசி விசாலாக்ஷி தேவி பார்வதியின் ஸ்கந்த ஸ்வரூபம். தேவி மீனாட்சி (மதுரையில்), மற்றும் தேவி காமாக்ஷி (காஞ்சியில்) ஆகியவற்றிற்கு ஏற்ப தேவி வழிபடப்படுகிறார்.
ஸ்கந்த புராண காசி காண்டத்தின் படி , காசி விஸ்வநாதர் காசி விசாலாக்ஷி தேவியுடன் மதியம் ஓய்வெடுக்கிறார்.
காசி விசாலாக்ஷி தேவியுடன் தொடர்புடைய புராண மற்றும் புராணக் கதை:
த்யாயேத்தேவிம் விசாலாக்ஷீம் தப்தஜாம்புனத் பிரப த்விபூஜாம்
அம்பிகாம் சண்டீம் கட்ககேடகதாரிணீம் ॥
நானாலங்கார சுபகாம் இரத்தாம்பரதரம் சுபம்
காசி விசாலாக்ஷி ஸ்துதி
மேலே உள்ள ஸ்லோகத்தின் பொருள் என்னவென்றால், “விஷாலாக்ஷி தேவி எப்போதும் சூடான தங்கத்தைப் போல ஜொலிப்பாள், அவள் இரண்டு கரங்களைக் கொண்டாள், அதில் அவள் கடாக் மற்றும் கேடக்கைப் பிடித்திருக்கிறாள். காசி விசாலாக்ஷி தேவியின் வயது எப்போதும் பதினாறு வயதுப் பெண்ணைப் போலத் தோன்றும்”.
காசி விசாலாக்ஷி என்பது வாரணாசியில் உள்ள ஒரு சக்தி பீடக் கோயில். இந்த இடத்தில் பார்வதியின் காதணிகள் விழுந்ததால், அந்த தேவிக்கு 'விஷாலாக்ஷி' அதாவது பெரிய கண்களை உடையவள் என்று பெயர் வந்தது. ஸ்கந்த புராணம் , காசி காண்ட், வாரணாசி நகரத்தை மகரிஷி வியாஸ் சபித்த அத்தியாயம் மற்றும் நகரத்தில் உள்ள அனைவருக்கும் உணவு இல்லாமல் போகும் என்று குறிப்பிடுகிறது.
மா காசி விசாலாக்ஷி பின்னர் வியாஸ் ஜிக்கு உணவு கொடுப்பதற்காக ஒரு கிரிஹானி (வீட்டுப் பெண்) தோற்றத்தில் மாறுவேடத்தில் தோன்றினார். சிவபெருமானின் பசியை போக்கும் சக்தி கொண்ட ஒரே தேவி மா காசி விசாலாக்ஷி.
காசி விசாலாக்ஷி தேவி காசியின் க்ஷேத்ர தேவியாக பிரதிஷ்டித் மற்றும் காசி விஸ்வேஷ்வரரின் நித்திய மனைவி என்ற பட்டத்தை உடையவர். மா காசி விசாலாக்ஷி பல நூற்றாண்டுகளாக திராவிட அல்லது தமிழ் வழிபாட்டு முறையைச் சேர்ந்த மக்களின் குல் தேவியாக வணங்கப்படுகிறார். பொதுவாக, தேவி இந்தியாவின் தெற்கில் உள்ளவர்களுக்கு சிறப்பு முக்கியத்துவம் வாய்ந்தது.
காசி விசாலாக்ஷி கோயிலின் மத மற்றும் ஜோதிட முக்கியத்துவம்:
காசி விசாலாக்ஷி தேவி கோயில் 51 சக்திபீட கோயில்களில் ஒன்றாகும் மற்றும் புனிதமான காசி க்ஷேத்திரத்தில் உள்ள ஒரே சக்தி பீடமாகும்.
காசி விசாலாக்ஷி தேவி ஆலயம் மீனாட்சி தேவி (மீன் கண்களை உடையவள்) மற்றும் காமக்ஷி தேவி (காதலின் கண்களை உடையவள்) போன்ற அதே மொழியில் உள்ளது மற்றும் 4 மிக முக்கியமான சக்தி பீடங்களில் ஒன்றாக கருதப்படுகிறது.
காசி விசாலாக்ஷி தேவியை வழிபடும் பக்தர்கள் நல்ல ஆரோக்கியம், இளமை, அழகு மற்றும் கருணையுடன் தங்கள் தோற்றத்திலும் மனதிலும் அருள்பாலிக்கிறார்கள்.
காசி விசாலாக்ஷி தேவி கோவிலில் வழிபடும் திருமணமான பெண்களுக்கு ' அகண்ட சௌபாக்யவதி ஆசீர்வச்சன் ' மற்றும் திருமணமாகாத பெண்கள் 'மகிழ்ச்சியான, நடக்கும் மற்றும் அமைதியான திருமண வாழ்க்கை' ஆசீர்வதிக்கப்படுகிறார்கள்.
காசி க்ஷேத்திரத்தில் விசாலாக்ஷி தேவி ஆலயம் பக்தர்களின் விருப்பங்கள் அனைத்தையும் நிறைவேற்றி அவர்களை திருப்திப்படுத்துகிறது என்று ஸ்கந்த புராணம் 4 வது அத்தியாயத்தில் குறிப்பிடுகிறது.
ஸ்கந்த புராணத்தின் 83 வது அத்தியாயமான காசி காண்டத்தில் , சிவபெருமான் மணிகர்ணிகா ஸ்நானம் எடுத்து மா விசாலாட்சி தேவியை வழிபடும் பக்தர்களுக்கு மோட்சம் அல்லது முக்தி (அதாவது பிறப்பு மற்றும் மறுபிறப்பு சுழற்சியில் இருந்து விடுதலை) கிடைக்கும் என்று குறிப்பிடுகிறார்.
காசிகண்டத்தின் அத்தியாயம் 97, ஸ்லோகம் 240 இல் சிவபெருமான் 'காசி நிவாஸை முடிக்கும் முன் காசி யாத்திரையை முடிக்க மா விசாலாக்ஷி தேவியின் தரிசனத்தைப் பெறுவது கட்டாயம் என்று கூறுகிறது .
சிவ மகாபுராணத்தில் காசி விசாலாட்சி தேவி ஆலயம் தனது நித்திய இளைப்பாறுதல் தலமாக விளங்குவதாகவும், தம் பக்தர்களின் வாழ்வில் ஏற்படும் அனைத்து பிரச்சனைகளையும் இங்கு தான் தீர்த்து வைப்பதாகவும் காசி விஸ்வநாதர் குறிப்பிடுகிறார் .
காசி விஷாக்ஷி தேவி கோயில் மற்றும் கால பைரவர் , துண்டிராஜ் , மா கங்கா மற்றும் விஸ்வநாத் கோயில் ஆகியவை காசி பரிக்ரம யாத்திரையில் ஆறு முக்கிய மையமாக அல்லது சதாங் யோகப் புள்ளிகளாகும் .
ஆதி குரு சங்கராச்சாரியார் புனிதமான காசி விசாலாக்ஷி தேவி கோயிலில் தனது பிரார்த்தனைகளை நிறைவேற்றினார், மேலும்கோவிலில் இன்று குங்கும அர்ச்சனை செய்யப்படும் ' ஸ்ரீ சக்ரம் யந்திரம் ' நிறுவப்பட்டது.
காசி விசாலாக்ஷி தேவி கோவிலில் பூஜை மற்றும் சேவை வழங்கப்படும்:
1 / 1 - தேவி மா சிருங்கார் பூஜை
வாரணாசியில் தேவி மா சிருங்கர் பூஜை
மங்கல் தோஷ்
வாரணாசியில் மாங்கலிக் தோஷ பூஜை

குங்குமம் அர்ச்சனா
துர்கா சப்தசதி பாதை
துர்கா சப்தசதி பாதை
சாடி ஹோமம்
வாரணாசியில் சண்டி அனுஸ்தான்

அகண்ட் தீபக்
காசி விசாலாக்ஷி தேவி கோவிலில் தரிசனம் மற்றும் ஆரத்தி நேரங்கள்:
காசி விசாலாக்ஷி தேவி கோயில் பக்தர்களுக்காக வருடத்தில் 365 நாட்களும் திறந்திருக்கும். கோயில் அதிகாலை 4 மணிக்கு திறக்கப்பட்டு இரவு சுமார் 10 மணிக்கு மூடப்படும்.
காசி விசாலாக்ஷி தேவி கோவிலின் ஆரத்தி நேரங்கள்:
1. மங்கள ஆரத்தி - அதிகாலை 4:00 மணி
2. போக் ஆரத்தி - மதியம் 12:00 மணி
3. சந்தியா ஆரத்தி - இரவு 7:00 மணி
4. சயனஆரத்தி - 10:pm
காசி விசாலாக்ஷி தேவி கோவில் இருக்கும் இடம் மற்றும் எப்படி அடைவது?
உத்தரபிரதேச மாநிலம் வாரணாசி மாவட்டத்தில் காசி விசாலாக்ஷி தேவி கோவில் உள்ளது. காசி விஸ்வநாதர் கோயிலில் இருந்து நடந்து செல்லும் தூரத்தில் இக்கோயில் அமைந்துள்ளது.
காசி விசாலாக்ஷி தேவி கோவிலில் இருந்து 200மீ தொலைவில் கார்கள் மற்றும் பொது போக்குவரத்து நிறுத்தப்பட்டு, அங்கிருந்து பக்தர்கள் நடந்தே கோவிலுக்கு செல்ல வேண்டும்.
ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம்

அன்னை வாசவி கன்னிகா பரமேஸ்வரி

அன்னை வாசவி கன்னிகா பரமேஸ்வரி, கலியுகத்தில் அவதரித்த அன்னை ஆதிபராசக்தியின் அம்சம். 
கி.பி 11 -ம் நூற்றாண்டு ஆந்திராவில் மேற்கு கோதாவரி மாவட்டத்தில் வாழ்ந்த வணிகர் குலத்தைச் சேர்ந்த தம்பதியான குஸ்ம ஸ்ரேஷ்டி -  குஸ்மாம்பா தம்பதி நீண்ட நாள்கள் புத்திர பாக்கியம் இல்லாமல் புத்திர காமேஷ்டி யாகம் செய்து அன்னையை வேண்டினர். அவர்களின் பக்திக்கு இரங்கிய அன்னை, அவர்களுக்குத் தானே மகளாக வந்து பிறந்தாள். பிறந்த கணத்தில் அன்னை பெற்றோருக்கு நான்கு கரங்களோடு காட்சி கொடுத்து, தான் இறைவடிவம் என்பதை உணர்த்தி அடுத்த கணம் சாதாரண மழலை ஆனாள். தெய்வமே தனக்கு மகளானது கண்டு மகிழ்வுற்று அவளைச் சீரோடும் சிறப்போடும் வளர்த்து வந்தனர்.

வாசவிவாசவி
அன்னை அழகிலும் அறிவிலும் செழித்து வளர்ந்தாள். அவள் அழகுகண்டு அவளைப் பெண்கேட்டு அனுப்பினான் விஷ்ணுவர்த்தன் என்னும் மன்னன். ஆனால் கன்னிகா தேவி, தான் காலம் முழுதும் சிவபூஜை செய்யவே விரும்புவதாகவும், யாருக்கும் மனைவியாக இருக்க முடியாது என்றும் சொல்லி மறுத்தாள். அதைக் கேள்விப்பட்ட விஷ்ணுவர்த்தன் அவளையும் அவள் ஊரையும் அழித்துவிடுவதாகப் படையெடுத்துவந்தான். அப்போது ஊரில் உள்ளோர் கூடிப் பேசினர். ஒரு பெண்ணுக்காக ஊரே ஏன் அழிய வேண்டும் என்று 600க்கும் மேற்பட்ட கோத்திரத்தைச் சேர்ந்தவர்கள் ஊரைவிட்டு வெளியேறிப் போயினர். ஆனால் கன்னிகா தேவியோடு எஞ்சியிருந்த மக்கள் துணை நின்றனர்.


அன்னை அப்போது தான் யார் என்பதை விளக்கித் தன் முடிவுக்குக் கட்டுப்படுபவர்கள் என்னோடு வானுலுகம் புகலாம் என்றாள். மேலும், ‘என்னைத் தெய்வமாக ஏற்ற மக்களுக்குக் கலியுகம் முடியும்வரை தான் துணை நின்று காத்தருள்வேன்’ என்று வாக்குக் கொடுத்தாள். அன்னையின் முடிவை ஏற்பதாக 102 கோத்திரத்தினர் உடன்பட்டனர். மற்றவர்களை அன்னை ஆசீர்வதித்து, உலகில் வாழும் போது கடைப்பிடிக்க வேண்டிய நெறிமுறைகளை விளக்கினாள். பின்பு அக்னி குண்டம் எழுப்பி அதில் அன்னை இறங்கி மறைந்தாள். அன்னையின் பின் மற்ற 102 கோத்திரத்தில் குழந்தைகள் வயோதிகர்கள் தவிர அனைவரும் அக்னிகுண்டத்தில் இறங்கித் தீத் தீண்டாது மறைந்தனர்.

வாசனி கன்னிகா பரமேஸ்வர்
அந்தக் கணத்தில் அன்னையை அபகரிக்கப் படையெடுத்துவந்த விஷ்ணுவர்த்தனின் தலை வெடித்துச் சிதறியது. இதைக் கண்ட மன்னனின் படைகள் சிதறி ஓடின. அவன் நாட்டில் பல துர் சகுனங்கள் நிகழ்ந்தன. இதற்கெல்லாம் காரணம் வாசவி அன்னையின் கோபமே என்று உணர்ந்த விஷ்ணுவர்த்தனின் மகனான ராஜராஜ நரேந்திரன் அன்னை வாசவியின் சகோதரனான விருபாட்சனை அணுகி மன்னிப்புக் கோரினான். அன்னைக்கு ஓர் ஆலயம் எழுப்பி வழிபடுவதாகக் கூறி அவ்வாறே ஒரு கோயிலையும் எழுப்பினான்.

 அன்னையைக் குலதெய்வமாகக் கொண்டு வழிபடத் தொடங்கினர். அன்னை அவதரித்த சித்திரை வளர்பிறை தசமி திதியை அன்னையின் ஜயந்தி தினமாகச் சிறப்போடு கொண்டாடி வருகின்றனர். அன்னை கன்னிகா பரமேஸ்வரியின் வழிபாடு காலப்போக்கில் நாடெங்கும் பரவியது. தமிழகத்தில் பல்வேறு தலங்களில் அன்னை கன்னிகா பரமேஸ்வரிக்கு ஆலயங்கள் உள்ளன.

அம்மன்அம்மன்
அன்னையை வழிபட்டால் சத்ரு பயம் நீங்கும் என்றும் வேண்டும் செல்வம் சேரும் என்பதும் நம்பிக்கை. திருமணமாகாத பெண்கள் கன்னிகா பரமேஸ்வரியை மனதில் நினைத்து 48 நாள்கள் தியானித்தால் அன்னை மனம் மகிழ்ந்து அவர்களுக்குத் திருமண வரம் அருள்வாள் என்பது ஐதிகம். 

அன்னையின் மூல மந்திரமான 

ஓம் பாலாரூபிணி வித்மஹே

பரமேஸ்வரி தீமஹி

தன்னோ கந்யா ப்ரசோதயாத்

என்னும் மந்திரத்தைச் சொல்லிவர சகல நன்மைகளும் கைகூடும்.

கன்னிகா பரமேஸ்வரி அன்னை ஆதிபராசக்தியின் அவதாரம். எனவே அன்னையின் ஜயந்தி தினமான இன்று, வீட்டிலிருக்கும் அம்மன் படத்துக்கு பூ சாத்தி, நீர் மோர், பானகம் ஆகியன செய்து படைத்து வழிபட வேண்டும். அவ்வாறு செய்தால் அன்னை மனம் குளிர்ந்து நம்மைச் சூழ இருக்கும் இன்னல்களிலிருந்து விலக்கிக் காப்பாள். ஓம் நமசிவாய 
படித்து பகிர்ந்தது
 இரா இளங்கோவன் நெல்லிக்குப்பம்.

ஹொரநாடு அன்னபூர்ணேஸ்வரி கோவில்

 அன்னபூர்ணேஸ்வரி தேவி
 ஹொரநாடு அன்னபூர்ணேஸ்வரி கோவில் பற்றி
மேற்கு தொடர்ச்சி மலையின் அழகிய பசுமையான நிலப்பரப்புகளுக்கு மத்தியில், கலசாவிலிருந்து 10 கி.மீ தொலைவில் 831 மீ அல்லது தோராயமாக 2726 அடி உயரத்தில் ஸ்ரீ அன்னபூர்ணேஸ்வரியின் தெய்வீக ஆலயம் அமைந்துள்ளது. ஹொரநாடு ஒரு சிறிய பஞ்சாயத்து கிராமமாகும். சிக்கமகளூர் மாவட்டம் கலசா தாலுக்காவில் ஆண்டு முழுவதும் பக்தர்கள் வருகை தருகின்றனர்.
பத்ரா நதிக்கரையில் உள்ள மலைநாடு பகுதியில் மேற்கு தொடர்ச்சி மலையின் மாயாஜால நிலப்பரப்புகளால் சூழப்பட்ட ஸ்ரீ க்ஷேத்ரா ஹொரநாடு அன்னபூர்ணேஸ்வரி தேவியின் தாயகம். தெய்வத்தின் பிரதிஷ்டை பல நூற்றாண்டுகளுக்கு முன்பு அவரது புனிதமான அகஸ்திய மகரிஷியால் செய்யப்பட்டது. இருப்பினும், அன்னபூர்ணேஸ்வரி தேவியின் முக்கிய தெய்வம் 1973 இல் ஆதி சங்கராச்சாரியாரால் வைக்கப்பட்டது. அன்னபூர்ணேஸ்வரி அம்மன் தங்கத்தில் உள்ள சிலை ஆண்டு முழுவதும் பக்தர்களை வசீகரிக்கிறது.
அன்னபூர்ணேஸ்வரி தேவி உணவின் தெய்வம் என்று நம்பப்படுகிறது. இந்து புராணங்களின் நம்பிக்கையின்படி, ஒருவர் தேவியை வணங்கி, அவளது ஆசீர்வாதத்தை நாடினால், அவர்களின் வாழ்க்கையில் உணவுக்கு பஞ்சம் இருக்காது. இதனாலேயே டீ/காபி, சிற்றுண்டி உள்ளிட்ட மூன்று வேளையும் பக்தர்களுக்கு அன்னப்பராசாதமாக கோவில் நிர்வாகிகளால் வழங்கப்படுகிறது. மதம், ஜாதி, மதம், மொழி வேறுபாடின்றி ஒவ்வொரு பக்தர்களையும் கோயிலும் அம்மனும் வரவேற்கின்றனர். இந்த கோவிலுக்கு ஆண்டு முழுவதும் பார்வையாளர்கள் வந்து செல்கின்றனர், இருப்பினும் நவராத்திரி மற்றும் அட்சய திருதியை தினங்களில் கூட்டம் அதிகமாக இருக்கும். கோயில் எப்போது கட்டப்பட்டது என்பதற்கான சரியான தேதி கிடைக்கவில்லை என்றாலும், இது 8 ஆம் நூற்றாண்டைச் சேர்ந்ததாக நம்பப்படுகிறது. கோவிலின் அற்புதமான கட்டிடக்கலை மற்றும் நேர்மறை அதிர்வுகள் பார்வையாளர்களை மயக்கும்.

 ஓம் நமசிவாய
 படித்து பகிர்ந்தது 
இரா இளங்கோவன் நெல்லிக்குப்பம்

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...