Monday, March 4, 2024

மஹா சிவராத்திரி விரதம் இருப்பதால் ஏற்படும் பலன்கள்

மஹா சிவராத்திரி விரதம் இருப்பதால் ஏற்படும் பலன்கள் பற்றிய பதிவுகள் :
மாசி மாதம் கிருஷ்ணபக்ஷ சதுர்த்தசியன்று வருவது மஹா சிவராத்திரி மற்ற சிவராத்திரிகளில் விரதமிருந்து பெறும் எல்லா வகை நலனையும் இது ஒரு சேர வழங்குவதால் இது மஹாசிவராத்திரி என்று போற்றப்படுகிறது.

'சிவ' என்ற சொல்லே 'மங்களம்' என்பதைக் குறிக்கும். சிவராத்திரி என்றாலே மோக்ஷம் தருவது என்றே பல நூல்களில் குறிப்பிடப்பட்டுள்ளது. 

சிவராத்திரிகளில், மாத சிவராத்திரி, யோகசிவராத்திரி, பக்ஷ சிவராத்திரி, நித்ய சிவராத்திரி, மஹாசிவராத்திரி என்று ஐவகை உண்டு. இதில் மகாசிவராத்திரி விரதமே மிகப் பெரும் வழிபாடாகக் கொண்டாடப்படுகிறது.

சிவராத்திரி தினத்தன்று, ஒரு வில்வமரத்தின் மேல் அமர்ந்திருந்த குரங்கு, இரவு முழுவதும் தூங்காமல் விழித்திருந்து, வில்வ இலைகளைப் பறித்து, அந்த மரத்தின் கீழே போட்டுக் கொண்டிருந்தது. அந்த மரத்தடியில் அச்சமயம், சிவனாரும் உமையம்மையும் அமர்ந்து பேசிக்கொண்டிருந்தார்கள். குரங்கு அறியாமல் செய்த பூசனையை ஏற்று, சிவனார், மறுபிறவியில் முசுகுந்தச் சக்கரவர்த்தியாகப் பிறக்க அருள் செய்தார்.

சிவராத்திரிக்கு முதல் நாள் ஒரு பொழுது மட்டும் உணவு உண்ண வேண்டும். சிவராத்திரி அன்று காலை நீராடி, இறைவனை நினைத்து, விரதம் நன்முறையில் நிறைவேறப்  பிரார்த்திக்க வேண்டும். அன்று முழுவதும் உபவாசம் இருந்து, இறைச்சிந்தனையில் இருக்க வேண்டும்.

மாலையில் வீட்டில் சிவலிங்கத்திற்கு அபிஷேக ஆராதனைகள் செய்து, வில்வத்தால்  பூஜை செய்ய வேண்டும். இரவு நான்கு காலங்களிலும் பூஜை செய்ய வேண்டும். சிவராத்திரி இரவு 11.30 மணி முதல் 1 மணி வரையே லிங்கோற்பவ நேரம் எனப்படுகிறது. ஆகவே நான்கு காலங்களிலும் பூஜை செய்ய முடியாதவர்கள், லிங்கோற்பவ காலத்திலாவது பூஜை செய்ய வேண்டும். இயலாதவர்கள், கோவிலில் நடைபெறும் நான்கு கால வழிபாடுகளிலும் பங்கு கொள்ளலாம்.

சிவபெருமான் அபிஷேக பிரியர். ருத்ராபிஷேகம், என்பது சிவனாருக்கு செய்யப்படும் அபிஷேகம், மந்திரப்பூர்வமாக செய்யப்படும் இது மிகச் சிறப்பு வாய்ந்தது. ருத்ராபிஷேகத்தைப் பற்றிய விவரங்கள் அறிந்து, இதை இல்லத்தில் செய்ய இயலாவிட்டால், ஆலயங்களில் செய்யலாம். சிவராத்திரி அன்று ருத்ராபிஷேகம் செய்வது மிக சிறப்பு.

மறுநாள் காலை தீபாரதனை செய்து விரதம் நிறைவு செய்ய வேண்டும். இல்லத்தில் பூஜை செய்திருந்தால், புணர்பூஜை செய்து, சிவனாரை உத்யாபனம் செய்ய வேண்டும்.

*சிவராத்திரி விரதம் இருப்பதால் ஏற்படும் பலன்கள்*

யார் வேண்டுமானாலும் சிவராத்திரி விரதத்தை மேற்கொள்ளலாம். மற்ற விரதங்கள் அனைத்தும் கடைப்பிடித்தவருக்கு மட்டுமே நன்மை தரும். ஆனால் சிவராத்திரி விரதம், கடைப்பிடித்தவருக்கு மட்டுமின்றி அவரது தலைமுறைக்கே ஈடு இணையற்ற புண்ணியத்தை தரும்.

ஒருவர் தொடர்ந்து 24 வருடங்கள் சிவராத்திரி விரதம் இருந்தால் அவர் சிவசாயுஜ்ய நிலையை அடைவதுடன், அவரது 21 தலைமுறைகளும் முக்தியை அடைவார்கள் என்பது ஐதீகம்.

அர்ஜுனன் சிவராத்திரி விரதத்தை கடைபிடித்தே பாசுபதாஸ்திரம் பெற்றான். கண்ணப்ப நாயனார் தம் கண்களை சிவனாரின் திருமேனியில் இட்டு, தம் அசையாத பக்தியால் முக்தி பெற்ற தினமும் சிவராத்திரியே, சிவராத்திரி விரத மகிமையாலேயே, அம்பிகை இறைவனின் உடலில் சரிபாதியைப் பெற்றார். சிவபெருமான், மார்க்கண்டேயருக்காக, காலனை உதைத்து, காலகண்டேசுவரர் என்ற திருநாமம் பெற்றதும் சிவராத்திரி தினத்தன்றுதான்.
ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

சீர்காழி சட்டநாதர் என்றால் தன்னை அண்டிவருவோரை காப்பவர்.

தென்னக ஆலயங்களில் மிக மிக பழமையான ஆலயம் சீர்காழி, காழி என்றால் மகா உறுதியானது அசைக்கமுடியாது எனும் பொருளில் வரும்
அந்த ஆலயத்தின் சிறப்புக்கள் கொஞ்சமல்ல, சீர்காழி என சொல்லபட்டாலும் ஏகபட்ட புராண சம்பவம், சிவனும் அன்னையும் வந்து நடத்திய நாடகங்கள் என பல நடந்திருப்பதால் அந்த ஊருக்கு பல பெயர்கள் உண்டு

பிரமன் வழிபட்டதால்  அது பிரமபுரம். மூங்கில் வடிவில் இறைவன் வந்ததால் அது வேணுபுரம்

சூரபத்மனுக்கு அஞ்சி தேவர்கள் புகலிடம் பெற்றதால் அது புகலி , குரு பகவான் ஞானம் பெற்றதால் அது வெங்குரு

பிரளய காலத்தில் சிவனும் பார்வதியும் தோணியில் வந்து காத்ததால் அது தோணிபுரம்

இரணியாக்கன் எனும் அசுரன் பூமியினை பிளந்து சென்றபோது திருமால் அவனை அழித்த இடம் அதனால் பூந்தராய்

பராசரரின் அவமானம் தீர்ந்த இடம் என்பதால் கொச்சை வயம், உரோமச முனிக்கு மும்ம்மலமு நீக்கிய இடமென்பதால் கழுமலம்

இப்படி ஏகபட்ட விஷயங்களை காணமுடியும்

இன்னும் மங்கா அடையாளமாக திருஞானசம்பந்தர்க்கு அன்னை ஞானப்பால் கொடுத்து சைவம் காக்க வழிசெய்த இடம் இதுதான்

கணநாத நாயனார் வாழ்ந்த இடம் இதுதான்

இங்கிருகும் சட்டநாதரின் அடையாளமாக சட்டமுனி வாழ்ந்த இடமும் இதுதான்

சட்டநாதர் அங்கு முக்கியமான தெய்வம், நரசிம்ம அவதாரமாக மூர்த்தி வந்தபோது அதன் அகங்கார ஆக்ரோஷம் தீரவில்லை அந்த ஆகோர்ஷத்தை அகங்காரத்தை அழிக்க அதனை பிடித்து உரித்து தன் தோலை சட்டையாக சிவன் அணிந்ததால் சட்டநாதர் என்றானார் என்பது புராணம்

அந்த சட்டநாதர் அங்கே பைரவர் வடிவம், அப்படியே காசிக்கு அடுத்தபடி எட்டு பைரவரும் உண்டு

அசிதாங்க பைரவர், ருருபைரவர், சண்டபைரவர், குரோத பைரவர், உன்மத்த பைரவர், சம்கார பைரவர், பீஷண பைரவர், அகால பைரவர் என அஷ்ட பைரவர்களும் உருவமாக உள்ளனர்.

இதனாலே "காழியில் பாதி காசி" என்பார்கள்

இந்த தலத்தில்தான் சம்பந்தர் தன் தேவாரத்தை அன்னை கொடுத்த ஞானப்பாலில் இருந்து பாடினார்

"தோடுடைய செவியன் விடையேறியோர் தூவெண்மதி சூடிக்
காடுடையசுட லைப்பொடிபூசிஎன் உள்ளங்கவர் கள்வன்
ஏடுடையமல ரான்முனைநாட்பணிந் தேத்தஅருள் செய்த
பீடுடையபிர மாபுரம்மேவிய பெம்மானிவ னன்றே"

எனும் சம்பந்த பெருமான் இங்கிருந்துதான் பாடினார்

இந்த தலம்தான் பஞ்ச மயான தலங்களில் இரண்டாம் தலம், பஞ்ச பூத தலங்களில் இது நீர் தலம்

இங்கே ஒரு கேள்வி நிச்சயம் எழும், மயான தலம் என்றால் மயானம் இருக்கவேண்டும் ஆனால் இங்கு மயானம் இல்லையே பின் எங்கிருந்து இது மயான தலம் என்றால் விஷயத்தை கொஞ்சம் தத்துவமாக நோக்குதல் வேண்டும்

பஞ்சபூத தத்துவபடி இத்தலம் நீர் தத்துவத்தை கொண்டது

நீர்தான் உயிர்களை காப்பது வாழவைப்பது, நீர் இன்றி எதுவும் வாழமுடியாது எதையும் காப்பாற்றி தொடர் முடியாது

"நீரின்றி அமையாது உலகு" என்பது ஒருவரியில் கடந்து செல்ல கூடியது அல்ல, உயிர்களின் தோற்றமும் வாழ்வும் நீரில்தான் இருக்கின்றது

அதனாலே காக்கும் தெய்வம் என சொல்லபடும் பெருமாளை பாற்கடலில் மிதக்கும்படி காட்சிபடுத்தினார்கள் இந்துக்கள், சிவன் கங்கையினை தலையில் தாங்குகின்றான் என்றார்கள்

நீர்மை எனும் அந்த தன்மைதான் இங்கு உயிரை காக்கும், ஏன் எல்லா வகை உயிர்களும் நீர்வடிவில்தான் மூலத்தை கொண்டிருக்கும், நீர் வடிவம்தான் எல்லாவற்றையும் தாங்கி நிற்கும்

அப்படி இந்த சீர்காழி எனும் ஆலயம் தோணியப்பர் என நீரோடு சம்பந்தபடுத்தி சொல்லும்போது அதன் மூலம் சரியாகின்றது

இந்த ஆலயத்தில் ஞானப்பால் எனும் நீர்வடிவ சக்தியினை சம்பந்தருக்கு கொடுத்து அன்னை அவரை கொண்டு சைவம் காத்தாள் என்பது காக்கும் தலத்துக்கு இன்னும் வலுவாகின்றது

இந்த தலம் சிவனின் காத்தல் தொழிலை செய்யும் தலம்

இங்கே யாரெல்லாம் வந்து வணங்கினார்களோ அவர்களெல்லாம் காக்கபடுவார்கள், அவர்கள் எல்லா வகை சிக்கலில் இருந்து ஆபத்தில் இருந்தும் காக்கபட்டு காவல் பெறுவார்கள்

சரி, ஒரு விஷயத்தில் இருந்து ஒருவரை காக்கவேண்டும் என்றால் அவரின் ஆபத்தினை களையவேண்டும் அல்லவா?

அப்படி அவர்களின் சிக்கல்களெல்லாம் எரிந்துபோகும் இடம் இந்த தலம், அதனால் மயானம். அவர்களின் சிக்கல்கள் பிரச்சினைகள் ஆபத்துக்களை எல்லாம் எரித்து அகற்றி அவர்களை புதிய பரிணாமத்தில் புதிய வடிவில் வெளிவரசெய்யும் சக்தி இந்த ஆலயம் கொண்டிருக்கும்

அதனால்தான் இது சீர்காழி மயானம் என அழைக்கபடுகின்றது

அதன் தலபுராணங்களை கவனமாக பாருங்கள், ஒவ்வொரு இடத்திலும் பழையன கழிந்து அழிந்து புதிதாக அது உருமாறியிருப்பதை கவனிக்கலாம்

அதில்தான் இந்த ஆலயத்தின் தாத்பரியம் விளங்குகின்றது

பிரம்மன் படைப்பு கடவுள், சக்தியினை இழந்த அவன் இங்கே வழிபாடுகளை செய்து மறுபடி தன் சக்தியினை பெற்றான், அவன் வாழ்வு மறுபடி காக்கபட்டது

அந்த வரத்தை அருளியவர் பிரம்மபுரீஸ்வரர்

ஊழிகாலம் என்பது எல்லாம் அழிந்த நிலை, அந்த அழிவுக்கு பின் தோணியில் வந்த சிவனும் அன்னையும் மீண்டும் உலகை உருவாக்கினார்கள், உலகம் மீள வந்தது மறுபடி காக்கபட்டது

அதனால் அவர் தோணியப்பர்

இன்னும் புறா வடிவில் வந்த தேவரை காத்த சிபி சக்கர்வர்த்தி கதை உண்டு, அப்புறா இங்கே காக்கபட்டது

ராகு பகவானும் குரு பகவானும்  இங்கேதான் மீண்டு வந்தார்கள், உரோமச முனி மறுவாழ்வு பெற்றார்

இப்படி ஏகபட்டோரை காத்த இந்த ஆலயத்தின் சிவன் இங்கு காத்தல் தொழிலை செய்கின்றார், அப்படி அவர் காத்த ஒரு விஷயம்தான் அந்த சட்டநாத வடிவம்

நரசிம்மத்தின் ஆவேசம் எல்லையில்லா நிலையில் அதனை ஒடுக்கி அதனை உரித்து சட்டையாக அணிந்தார் என்பதால் அவர் சட்டநாதர் என்றானார்

ஆனால் சட்ட, அல்லது சட்டை என்பதன் மூல பொருள் காப்பது, எல்லையிட்டு முழுக்க காப்பது எனது

சட்டம் என்றால் காவல் விதி, சட்டை என்றால் மானம் காக்கும் ஆடை என பொருள்

அசட்டை என்றால் கவனமில்லாத, ஒரு ஆர்வமில்லாத, அலட்சியமான என்பது பொருள், அசட்டையின் எதிர்பதமனா சட்டை என்பது கவனமும் காவலும் கொண்டது என பொருள்

அப்படி நரசிம்மத்தை காத்தவர் , சட்டை செய்தவர் என்பதே சட்டநாதர் ஆயிற்று

ஆம், சட்டநாதர் என்றால் தன்னை அண்டிவருவோரை கவனத்தில் எடுத்து காப்பவர் அவர்கள் இன்னல்களை அகற்றுபவர் என பொருள்

அப்படி இங்கு சட்டநாதராக இங்கே அமர்ந்திருக்கின்றார் சிவபெருமான்

இந்த ஆலயம் மூன்று அடுக்குகளை கொண்டது அடியில் பிரம்ம புரீஸ்வரர், இடையில் தோணியப்பர், மேலே ச்ட்டநாதர் என மூன்று அடுக்குகளாக சிவன் அருள்பாலிக்கின்றார்

மூன்று நிலைகளாக இருந்தாலும் இந்த மூன்றுமே காக்கும் கடமையினை  செய்வதை கவனிக்கலாம், பிரபஞ்ச காவல் இந்த உலக காவல் உயிர்களின் காவல் என எல்லாவற்றுக்குமான காவலை சட்டநாதர் வழங்குகின்றார்

இந்த ஆலயத்தின் மகா சிறப்பு அந்த சட்டநாதரின் அம்சமாக அஷ்ட பைரவர்கள் அமர்ந்திருப்பது

காசியினை காப்பது அஷ்ட பைரவர்கள் என்பது எல்லோரும் அறிந்தது, அதே அஷ்ட பைரவர்கள் இங்கும் உண்டு

பைரவர்கள் என்றால் வேண்டாதவற்றை அழித்துநிற்பவர்கள் அவர்கள்தான் பைரவர்கள், காசியின் எட்டு திக்கிலும் எட்டு பைரவர்கள் அப்படி காவல் இருப்பார்கள்

அப்படி இங்கும் எட்டு அதே பைரவர்கள் உண்டு

அசிதாங்க பைரவர், ருருபைரவர், சண்டபைரவர், குரோத பைரவர், உன்மத்த பைரவர், சம்கார பைரவர், பீஷண பைரவர், அகால பைரவர் என அஷ்ட பைரவர்களும் உருவமாக உள்ளனர்.

இந்த பைரவர்கள்தான் எட்டுவகை அகங்காரங்களை அழிப்பார்கல்

பிறப்பு, குலம், வலிமை,செல்வம், அழகு, பெருமை, தவம், அறிவு எனும் எட்டுவகை செருக்குகளை அகங்காரங்களை அழிப்பவர்கள் இந்த பைரவர்கள்

அதாவது எட்டுவகை மாயையினை அழிப்பவர்கள் இவர்கள், அழித்து அஷ்டமா சித்து எனும் எட்டுவகை காவலையும் அருள்பவர்கள்

இந்த அகங்காரத்தை அழிக்கும் தலம்தான் இந்த அகங்காரத்தை களையுமிடம்தான் சீர்காழி மயானம்

இங்கே அந்த சட்டநாதர் சன்னதி முக்கியமானது , அவர் உயரத்தில் இருப்பதால் அவர் பார்வைபடும் இடத்தில் புனுகுசாற்றி அர்ச்சனை செய்யபடும்

அங்கேதான் ஒருவனின் அகங்காரமெல்லாம் எரிந்துபோகும், அதனை அடுத்த அஷ்ட பைரவர் சன்னதிகளில் எல்லா துர்குணங்களும் அழிக்கபட்டு பின் புது மனிதனாய் வெளிவருவார்கள்

அந்த தலத்தின் வரலாறுகளெல்லாம் அதை சொல்கின்றன‌

அங்கே நரசிம்மரின் அகங்காரம் அகன்றது இன்னும் பலரின் அகங்காரம் அகன்று காவலும் புதுவாழ்வும் பெற்றார்கள்

நீர் என்பது ஒருவனை வாழவைக்கும் காக்கும் என்பதுமட்டுமல்ல அதுதான் சுத்தபடுததும், அவ்வகையில் ஞானநீராட்டு வழங்கி ஒருவனுக்கு ஆத்ம சுத்தம் வழங்கும் தலம் இது

இங்கே அகங்காரம் எரியும் ஆணவம் அற்றுபோகும் அவன் புது மனிதனாய் காக்கபடுவான்

பஞ்ச மயான ஆலயங்களில் கச்சி முதல் மயானம் அங்கே ஒருவன் புதிதாய் படைக்கபடுகின்றான், இரணடாம் மயானம் இந்த சீர்காழி

இங்கே ஒருவனுக்கு காவல் கிடைக்கின்றது அவன் புதுகாவலும் புதுபலமும் புதுவாழ்வும் பெறுகின்றான் அவன் வாழ்வு காக்கபட சட்டநாதர் அருள்புரிகின்றார்

சட்ட என்றால் எல்லையிட்ட காவல் என பொருள், அவ்வகையில் அந்த சிவன் அங்கே காத்தல் தொழிலை செய்கின்றார்

சட்டநாதர் சன்னதிதான் சீர்காழி மயானம், அங்கே எல்லா துர்குணங்களும் சாபங்களும் அகங்காரமும் எரிந்துபோகும் அவன் அடுத்த படிநிலைக்கு உயர்த்தபடுகின்றான்

நீர் தத்துவ அலயம் என்பதால் நீர் எவ்வளவு வாழ்வில் அவசியமோ அத்தனை அவசியமான வரங்களையும் வரமாக இந்த ஆலயம் வழங்கும்

தன்னை காத்து தன் கர்மத்தையும் காக்கும் வரத்தை அந்த ஆலயம் அருளும், அப்படி ஒரு காவலை செய்யும்

திருஞானசம்பந்தர் எனும் மகான் அதற்கு மாபெரும் உதாரணம் ஐந்துவயதிலே அந்த ஆலயம் ஞானப்பால் எனும் நீர்மூலம் அவரின் கர்மாவினை சரியாக செய்யவைத்தது

குழந்தை எனும் நிலையில் இருந்து ஞானி மகா ஞானி எனும் வகைக்கு அவரின் நிலையினை மாற்றியது, அவர் அக்கணம் மறுபிறப்பு அடைந்தார்

அந்த மறுபிறப்பு நிலை சீர்காழி சட்டநாதர் சன்னதி முன்னால்தான் நடந்தது

கணநாத நாயனார் அங்குதான் மானிடர் எனும் நிலையில் இருந்து நாயனார் எனும் அளவு மறுபிறப்பினை மறுபெரும் நிலையினை அடைந்தார்

சாதாரண மனிதனாக அங்கே வந்த ஒருவர், சட்டநாதன் அருளால் மாயை நீங்கபெற்று ஞானியாகி சட்டமுனி எனும் பெயரில் அழியா ஞானபாடல்களை வழங்கி அங்கே சமாதியும் கொன்டார்

பிரம்மனும் சிபி சோழனும், ராகும், குருவும் இன்னும் பலரும் அங்குதான் இன்னொரு நிலை அடைந்தார்கள்

மகாபாரத கண்ணனே தன் அவதாரம் முடிக்கும்போது இந்த சிவனிடம் வேண்டித்தான் தன் நிலை மறுபடி எய்தினான், தன் நிலை அடைந்தான் என்கின்றது சில குறிப்புகள்

அத்தலம் மறுவாழ்வு தரும் தலம், மறுவாழ்வு தந்து காவலையும் தரும் தலம்

"காணிந்தக் கேசரத்தின் தாயின் காந்தி
கண்கொள்ளா விண்கொள்ளா கரையுங் கொள்ளா
ஆணிந்தப் பரையென்பார் அம்பரந்தா னென்பார்
அவளுக்குள் மவுனமுண் டறிவாய் பாராய்
ஊணிந்த மௌனத்தை நிட்களமாய்ப் போவாய்
ஓகோகோ அம்பரத்தி லேதோ வேதோ
தோணிந்தப் படியிருந்தால் லயத்தின் நேர்மை
சொல்லரிதாம் அப்புறத்தே சோதி தானே."

காணிந்த வுலகத்தில் மாயக் கூத்தும்
கண்மூக்குச் செவியோடிந் திரியக் கூத்தும்
பூணந்த வாசியினால் வறுமைக் கூத்தும்
புகழான செனனமொடு மானக் கூத்தும்
ஆணிந்த அண்டமெல்லாம் படைத்த கூத்தும்
ஆங்காரம் மனம்புத்தி யான கூத்தும்
தோணிந்தப் படிபடைத்த பாமே யையா!
சொற்பெரிய பூரணமே யென்று கூவே."

என சட்டமுனி அங்கு பாடியபடி எல்லா நலமும் கிடைக்கும்

வாழ்வில் சில சாபம் உண்டு, எல்லாம் இருந்தும் அதை அனுபவிக்கவோ இல்லை அதன்படி நடக்கவோ முடியாத தடங்கலும் சாபமும் மாயையும் சிலரை பிடித்திருக்கும்

காரணமில்லா சண்டைகள், அவசியமில்லா வம்புகள், பெரும் பெரும் அபாயங்கள் தொடர்ந்து வரும்

அனாவசியற்ற சண்டைகள், வறட்டு சிந்தனை குழப்பங்கள், அறியாமையின் சர்ச்சைகள் என நிம்மதியறு போயிருக்கும் நிலை வரும்

எப்போதும், அச்சம் பயம் பதற்றம் அழுகை கண்ணீர், அகோர கொபம், அதிகமான குழப்பங்கள் என சிலருக்கு வாழ்வே அச்சமும் பயமும் நிறைந்ததாய் இருக்கும்

அவர்கள் இந்த தலத்துக்கு வந்தால் அவர்களின் பல மாயைகள் அறியமைகள் எல்லாம் எரிக்கபடும், சட்டநாதன் அருலிலும் அந்த அஷ்ட பைரவ அருளிலும் எல்லா காவலும் கிடைக்கும்

அங்கு சென்று வழிபட்ட நேரத்தில் புது பலமும், புது வாழ்வும் புது காவலும் உங்களை சூழும் , புதுபுணல் கண்ட நிலம்போல் உங்கள் வாழ்வும் செழிக்கும், அது செழிப்பாகவே இருக்க அந்த சட்டநாதர் அருள்புரிவார்.
ஓம் நமசிவாய 
படித்து பகிர்ந்தது
 இரா இளங்கோவன் நெல்லிக்குப்பம்.

Sunday, March 3, 2024

300 வருடங்களுக்குப் பிறகு; அபூர்வ மகா சிவராத்திரி;

300 வருடங்களுக்குப் பிறகு; அபூர்வ மகா சிவராத்திரி; நினைத்தது நடக்க 6 எளிய வழிபாடுகள்!
2024 மகா சிவராத்திரி அன்று சர்வார்த்தி ஸித்தி யோகம், சிவ யோகம், ஷிரவண நட்சத்திரம், சுக்கிரப் பிரதோஷம், மகா சிவராத்திரி என்ற ஐந்து சிறப்பு யோக வேளையும் கூடி வருகின்றன.

விரதங்களிலேயே சிறந்தது மகா சிவராத்திரி விரதம். வரத பண்டிதம் போன்ற நூல்கள் இதன் மகிமையை விவரிக்கின்றன. மகா சிவராத்திரி அன்று ஈசனைத் தரிசித்தவர், விரதம் இருந்தவர், பூஜை செய்தவர், சங்கல்பம் செய்தவர் எல்லோருக்கும் நற்கதி கிடைக்கும் என்கின்றன புராணங்கள்.

இந்த ஆண்டு மார்ச் 8-ம் தேதி வெள்ளிக்கிழமை மகா சிவராத்திரி வரவுள்ளது. அன்று இரவு 6மணிக்குத் தொடங்கி மறுநாள் காலை 6 மணி வரை 4 கால பூஜைகள் நடைபெற உள்ளன. அப்போது சிறப்பு அபிஷேகங்கள், அர்ச்சனை, ஆராதனைகள், முற்றோதல்கள் போன்ற வைபவங்கள் நடைபெறுவது வழக்கம். கூடவே ஐந்து யோகங்கள் ஒன்று கூடும் சிறப்பு நிகழ்வும் ஜோதிட ரீதியாக நடைபெற உள்ளதாகக் கூறப்படுகிறது. இது 300 ஆண்டுகளுக்குப் பிறகு நடக்கும் ஜோதிட அதிசயம் என்கிறார்கள்.

ஜோதிட சாஸ்திரங்களின்படி, இந்த ஆண்டு மகா சிவராத்திரி அன்று சர்வார்த்தி ஸித்தி யோகம், சிவ யோகம், ஷிரவண நட்சத்திரம், சுக்கிரப் பிரதோஷம், மகா சிவராத்திரி என்ற ஐந்து சிறப்பு யோக வேளையும் கூடி வருகின்றன. இந்த மகா சிவராத்திரியில் விரதமிருந்து கண் விழித்து சிவதியானம் செய்திட எல்லா காரியங்களிலும் வெற்றி உண்டாகும். வேலை வாய்ப்பு, தொழில் முன்னேற்றம், வியாபார விருத்தி, அதிர்ஷ்டம் மற்றும் செல்வ செழிப்பு உண்டாகும். மகா சிவராத்திரி சுக்கிர வார பிரதோஷத்தில் வருவதால் பொருளாதாரச் சிக்கல்கள் தீர்ந்து செல்வவளம் சேரும்.

சர்வார்த்த ஸித்தி யோகம் என்றால் உங்களுடைய எல்லா விருப்பங்களையும் நிறைவேற்றி வைக்கும் யோகம். இந்த யோக நாளில் ஈசனை வழிபட காரியத் தடைகள் அகன்று எண்ணியவை எளிதாக நிறைவேறும். சிவ யோகம் என்றால் தியானிக்கும் வேளை. இந்நாளில் செய்யப்படும் யோகா, தியானம், பிராணாயாமம், மந்திர ஜபம் ஆகியவைகளால் பன்மடங்கு பலன் கிடைக்கும். 2024 மகா சிவராத்திரி நாளன்று முழுவதுமாக சிவ யோகம் எனும் அற்புத வேளை கூடி வருகின்றது.

ஷிரவண நட்சத்திரம் சனி பகவானுக்கு உரியது. இந்த நட்சத்திரத்தில் எந்த நல்ல காரியம் செய்தாலும் அது மங்களகரமாக முடியும். இந்த மகா சிவராத்திரி நாளில் சனி பகவானையும், அவரை வழிநடத்தும் ஈசனையும் வழிபட்டால் உங்கள் தொழில், வியாபாரம், பதவி உயர்வு போன்ற விஷயங்கள் திருப்தியாக அமையும். மேலும் உங்கள் ஜாதகத்தில் உள்ள எல்லா விதமான நவகிரக தோஷங்களும் நீங்கி விடும்.

ஐந்து யோகங்களும் ஒன்று கூடும் இந்த அபூர்வ மகா சிவராத்திரி நாளில் bசிவ வழிபாடு செய்யத் +தவறாதீர்கள். சிவ யோக வேளையில் நீங்கள் செய்யும் வழிபாடு ஈசனின் பரிபூரண அருளை பெற்றுத் தரும். உங்கள் வீட்டை பாதுகாப்பாக வைத்திருக்கும். உங்கள் வாரிசுகள் நலமோடு வாழ்வார்கள். சித்த யோகம் கூடி வருவதால் விநாயகப் பெருமானையும் இந்நாளில் வணங்கிட வேண்டும். இதனால் தொடங்கப்படும் சுப காரியங்கள் அனைத்திலும் வெற்றி உண்டாகும். இந்த மகா சிவராத்திரி காலத்தில் நீங்கள் இருக்கும் விரதம் உங்களையும் உங்கள் சுற்றத்தையும் செல்வ வளமாக்கும்.

மகா சிவராத்திரி இந்த ஆண்டு வெள்ளிக்கிழமை வருவதால் சுக்கிர பிரதோஷம் என்கிறோம். இந்த நாளில் ஈசனுக்கு விரதம் இருந்து வழிபட்டால் நீங்காத துன்பம், தீராத வியாதிகள், குறையாத கடன்கள், அனைத்தும் தீர்ந்து விடும். குடும்ப ஒற்றுமை மேலோங்கி வாழ்வில் இனிமையும், மகிழ்ச்சியும் நீடிக்கும் என்கின்றன ஜோதிட நூல்கள்.

மகா சிவராத்திரி எப்படி வழிபட வேண்டும்?

மகா சிவராத்திரியன்று அதிகாலையில் எழுந்து நீராடி, சூரியன் உதிக்கும்போது காலையில் செய்ய வேண்டிய பூஜைகள் போன்றவற்றை செய்த பின், சிவன் கோயிலுக்குச் சென்று முறைப்படி தரிசிக்க வேண்டும்.  சிவராத்திரி பூஜைக்கு உரிய இடத்தைச் சுத்தம் செய்ய வேண்டும்.

அதன் பின் நடுப்பகலில் நீராடி, உச்சி கால வழிபாடுகளை முடித்துவிட்டு சிவபூஜைக்கு உரிய பொருட்களைச் சேகரித்து, வைக்க வேண்டும். மாலை நேர வழிபாட்டை முடித்துவிட்டு, ஏற்கெனவே தூய்மை செய்து அலங்கரிக்கப்பட்ட இடத்தில் சிவலிங்கத்தை வைத்து ஜாமத்துக்கு ஒன்றாக நான்கு ஜாமங்களிலும் பூஜை செய்து வழிபட வேண்டும்.

அன்று இரவு முழுவதும் கண் விழித்து வழிபாடு செய்ய முடியாவிட்டாலும், ‘லிங்கோற்பவ’ காலமாகிய இரவு 11:30 மணி முதல் 12.30 மணி வரை உள்ள காலத்திலாவது சிவ தரிசனம் செய்து வழிபட வேண்டும்.

இது தவிர இந்த ஆண்டு விசேஷ ஐந்து யோகம் கூடும் நாள் என்பதால் முக்கியமாக இந்த 6 எளிய வழிபாட்டையும் செய்ய வேண்டும்.

(01) விநாயகருக்கு அருகம்புல் சாத்தி அவரை முதலில் வணங்கினால் சித்த யோகம் உங்களை சிறப்பாக்கும்.

(02) சனீஸ்வரருக்கு எள்எண்ணெய் தீபம் ஏற்றி இந்நாளில் வணங்க ஷிரவண நட்சத்திர வேளை உங்களுக்கு சுபயோகத்தைக் கொண்டு வரும்.

(03) சுக்கிர பிரதோஷம் மகா சிவராத்திரி நாளில் வருவதால் நந்தியெம்பெருமான் வழிபாடும் நலம் சேர்க்கும்.

(04) சர்வார்த்தி ஸித்தி யோக நாள் என்பதால் இந்நாளில் குலதெய்வ வழிபாடும் செய்து பித்ருக்களின் ஆசியால் வெற்றி பெறலாம்.( ஸ்ரீ நாகபூசணி அம்மனஐ  குல தெய்வமாக கொண்டவர்களுக்கு எமது ஆலயம் ஒரு வரபிர்சாதம்) 

(05) மகா சிவராத்திரி நாளில் இடர் களையும் பதிகங்கள் பாடி ஈசனைத் தொழ வந்த தீ வினைகள் நீங்கும். வரவிருப்பவை நலமாக அமையும்.

(06) சர்வ யோகங்களையும் அருளும் இந்நாளில் 4 கால பூஜைகளையும் கண்டு தரிசித்தால் இக, பர இன்பங்கள் யாவும் சேரும்.

மேலும் மகா சிவராத்திரி அன்று அகோராஸ்திர பூஜை செய்தால் உங்கள் வாழ்க்கையை பாதுகாப்பாக சிறப்புடன் அமையும்.  விசேஷமான மகா சிவராத்திரி 4 கால பூஜைகளை நடக்க வுள்ளது. தீராத கடன்களையும் நோய்களையும் தீர்த்து வைக்கும்.

இறைவனுக்கு செய்யப்படும் அபிஷேக பலன்கள்

இறைவனுக்கு செய்யப்படும் அபிஷேக பலன்கள் 
*தயிர் அபிஷேக பலன் :* 

வீடு, மனைவி, மக்கள், வாகனம், நிலம், இவை அனைத்தும் நம்மை படைக்கும் பொழுது நமக்கு இறைவனால் கொடுக்கப்படும் கடனாகவே படைக்கப்படுகிறோம். 

நாம் பெற்றவர்களுக்கு செய்ய வேண்டிய கடமைகள், பெற்றோர்கள் பெற்ற மக்களுக்கு செய்ய வேண்டிய கடமைகள் இவை அனைத்தும் செவ்வனே நடைபெற வேண்டி இறைவனுக்கு தயிர் அபிஷேகம் செய்கிறோம். 

*நல்ல மஞ்சள், கஸ்தூரி மஞ்சள் அபிஷேக பலன் :* 

பெண்கள், சுமங்கலித்துவம் பெறவும், உலகமெங்கும் அமங்கலமான செயல்களை தவிர்க்கவும், வியாதியற்ற வாழ்வு பெற வேண்டியும் மஞ்சள் அபிஷேகம் செய்கிறோம். 

*சந்தனம் அபிஷேக பலன் :* 

மகாலட்சுமி பிறந்தது சந்தனம் மற்றும் வாசனை பொருட்கள் நிறைந்த இடமாவதால் வீரலட்சுமி அம்சமான ஆஞ்சநேயருக்கு சந்தனத்தால் அபிஷேகம் செய்வதால் தீர்வில்லா பொரு ளாதாரத்தை அடைகிறோம். 

*ஸ்வர்ண அபிஷேக பலன் :* 

பூர்ணத்துவமான ஆயுள் சக்தியை பெற இறைவனுக்கு தங்க தீர்த்தத்தை அபிஷேகம் செய்ய வேண்டுமென சாஸ்திரங்கள் கூறுவதால் தம்மால் இயன்ற தங்க ஆபரணங்களை புனித மந்திரங்களை சொல்லி உருவேற்றிய குடத்திற்குள் போட்டு அந்த தீர்த்தத்தை சாமிக்கு அபிஷேகம் செய்வதால் பூர்ண ஆயுள் பெற்று நம்முடைய இல்லங்களில் வற்றாத தங்க ஆபரணங்கள் அடைகிறோம்
ஓம் நமசிவா 
படித்து பகிர்ந்தது 
இரா இளங்கோவன் நெல்லிக்குப்பம்

Friday, March 1, 2024

மகாசிவராத்திரி தோன்றிய தலம்.மகாசிவராத்திரி தோன்றியது திருவண்ணாமலை தலத்தில் தான்.



 #மஹாசிவராத்திரி🔥
#மகாசிவராத்திரி தோன்றிய தலம்.

மகாசிவராத்திரி தோன்றியது திருவண்ணாமலை தலத்தில் தான் என்பது பலருக்கும் தெரியாத ரகசியமாக உள்ளது. இந்த நாளில்தான் கோடி சூரிய பிரகாசத்துடன் சிவபெருமான் லிங்க வடிவில் திருவண்ணாமலை தனில் தோன்றினார் என்று புராணங்களில் குறிப்பிடப்பட்டுள்ளது...

இதன் பின்னணியில் ஒரு புராண நிகழ்வு சொல்லப்படுகிறது. விஷ்ணுவுக்கும் பிரம்மாவுக்கும் ஒருமுறை தம்முல் யார் பெரியவர் என்ற சண்டை ஏற்பட்டது. அவர்களது சண்டை யைத் தீர்த்து வைக்குமாறு தேவர்கள் அனைவரும் சிவபெருமானிடம் முறையிட்டனர். 

அதை ஏற்று சிவபெருமான் மிகப்பெரிய நெருப்புப் பிழம்பாக விஷ்ணு, பிரம்மா இருவர் முன்பும் தோன்றினார். அந்த நெருப்பு பிழம்பு மண்ணுக்கும், விண்ணுக்கும் பரவி மிகப் பிரமாண்டமாக காட்சி அளித்தது.
அந்த நெருப்புப் பிழம்பு விஷ்ணு, பிரம்மா இருவரிடமும் “எனது அடிமுடியை யார் முதலில் தொட்டு வருகிறீர்களோ, அவரே இந்த உலகின் பெரியவர் ஆவார்” என்றது. உடனே விஷ்ணு வராக (பன்றி) உருவம் எடுத்து அந்த நெருப்புப் பிழம்பின் அடியை காண்பதற்காக பூமியை துளைத்துச் சென்றார்.

பிரம்மனோ அன்னப் பறவையாக மாறி, நெருப்புப் பிழம்பின் முடியை கண்டு வருகிறேன் என்று உயரே பறந்து சென்றார். பல ஆண்டுகள், யுகங்களாக முயன்றும் விஷ்ணு, பிரம்மா இருவராலும் அந்த நெருப்புப் பிழம்பின் அடி, முடியை காண இயலவில்லை. இது ஈசனின் செயலாகத்தான் இருக்கும் என்பதை உணர்ந்த விஷ்ணு, தனது முயற்சியை கைவிட்டு திரும்பி வந்தார். அவரிடம் இருந்த ஆணவம் காணாமல் போய் விட்டது....

ஆனால் பிரம்மாவிடம் இருந்த அகந்தை மட்டும் நீங்கவில்லை. உயர பறக்க முடியாமல் சோர்வடைந்து திரும்பிக் கொண்டிருந்த பிரம்மா, ஒரு தாழம்பூவை பார்த்தார். அந்த தாழம்பூ ஈசனின் முடியில் இருந்து விழுந்து பல நூறு யுகங்களாக கீழே வந்து கொண்டிருப்பதை அறிந்தார்.

நெருப்புப் பிழம்பின் முடியை தான் கண்டதாக பொய் சொல்ல வேண்டும் என்று அந்த தாழம்பூவிடம் பிரம்மா கேட்டுக் கொண்டார். தாழம்பூவும் அதற்கு சம்மதித்தது. தரை இறங்கியதும் அந்த தாழம்பூ பொய் சாட்சி சொன்னது.

 அவ்வளவுதான். நெருப்புப் பிழம்பாக இருந்த சிவபெருமானுக்கு கோபம் வந்தது. அந்த நெருப்புப் பிழம்பில் இருந்து சிவபெருமான் வெடித்துக் கொண்டு லிங்க வடிவில் வெளியில் வந்தார்.

விஷ்ணுவுக்கும், தேவர்களுக்கும் கேட்ட வரங்களை எல்லாம் கொடுத்த சிவபெருமான், பொய் சொன்னதற்காக பிரம்மாவுக்கு, பூமியில் கோவில் இல்லை என்றும், தாழம்பூவை பூஜைக்கு தகுதியற்ற மலராவாய் என்றும் சாபமிட்டார்.

 இந் நிகழ்ச்சி நடந்தது திருவண்ணாமலை யில் என்பது குறிப்பிடத்தக்கது. இதன் மூலம் உலகில் திருவண்ணாமலையில்தான் முதன் முதலில் அக்னி தோன்றியது என்கிறார்கள். இந்த அக்னியில் இருந்துதான் சூரியன், சந்திரன் பிரகாசங்கள் மற்றும் தீப ஒளிகள் தோன்றின என்று புராணங்களில் எழுதப்பட்டுள்ளது.

 அக்னியில் இருந்து வெளியில் வந்த சிவபெருமான் “லிங்கோத்பவர்” வடிவில் காட்சிக் கொடுத்தார். இதனால் திருவண்ணாமலையில் தான் முதன் முதலில் லிங்க வழிபாடு தோன்றியது என்பது உறுதியாகிறது. மாசி மாத சிவராத்திரியன்று இந்த நிகழ்வு நடந்ததால், அது மகா சிவராத்திரி என்று சிறப்பித்துக் கூறப்படுகிறது. மகா சிவராத்திரி தோன்றிய தலமும் திருவண்ணாமலையே.

திருவண்ணாமலையில் இருந்துதான் லிங்கோத்பவர் வழிபாடும், மகா சிவராத்திரி கொண்டாட்டமும் மற்ற தலங்களுக்குப் பரவியது.... 
ஓம் நமசிவாய
 படித்து பகிர்ந்தது 
இரா இளங்கோவன்
 நெல்லிக்குப்பம். 


அருள்மிகு பசுபதீஸ்வரர் திருக்கோயில்,திருக்கொண்டீஸ்வரம் சன்ன நல்லூர், நன்னிலம் தாலுக்கா,திருவாரூர் மாவட்டம்.

அருள்மிகு பசுபதீஸ்வரர் திருக்கோயில்,
திருக்கொண்டீஸ்வரம், அஞ்சல்:610105.
வழி சன்ன நல்லூர், 
நன்னிலம் தாலுக்கா,
திருவாரூர் மாவட்டம். 
*மூலவர்: ஸ்ரீ பசுபதீஸ்வரர்

*அம்பாள்: ஸ்ரீசாந்தநாயகி

*தீர்த்தம்: 
க்ஷீரா புஷ்கரணி

*தல விருட்சம்  வில்வம் மரம்.

*பாடல் பெற்றதலம்: தேவாரப் பதிகம் பாடி அருளியவர் திருநாவுக்கரசர். 

*திருக்கொண்டீச்சரம் என்ற புராணப்பெயர் கொண்ட இத்தலம்  தற்போது  திருக்கண்டீஸ்வரம் என்று அழைக்கப்படுகிறது.          
"கொண்டீச்சரம்"-
"கொண்டி" என்றால் அடங்காத பசு என்று பொருள்.
 
*இத்திருத்தலம் காமதேனு வழிபட்ட தலம்.

*ஒருமுறை சிவபெருமான் உமையம்மைக்கு வேத ரகசியங்களை உபதேசம் செய்து கொண்டிருந்தார். அதை கருத்தாக கவனிக்காத உமையவளை பசுவாக பிறக்கும்படி சபித்தார் ஈசன். பகவானால் காமதேனுவாக சாபம் பெற்ற உமாதேவி இத்தலத்தில் பூமியை கொம்பினால் கிளறிக்கொண்டே வந்தபோது,  பூமியில் லிங்கவடிவில் புதையுண்டிருந்த இறைவனின் தலையில் கொம்பு பட்டு இரத்தம் வடிந்தது. காமதேனு (உமாதேவி) ஈசனின் சிவலிங்கத் திருமேனியை பாலால் அபிஷேகம் செய்து காயத்தை ஆறச்செய்து சாப விமோசனம் பெற்றாள். இதன் காரணமாக இன்றும்சிறிய பாணத்துடனுள்ள சிவலிங்கத் திருமேனி ஆழமான வடுப்பட்டு இரண்டாகப் பிளந்திருப்பது போலக் காட்சியளிக்கிறது.     இறைவனும் பசுபதீஸ்வரர் எனப்போற்றப்
படுகிறார்.  

*கருவறை முன் லிங்கவடிவ மூர்த்திக்கு காமதேனு பால் சொரியும் காட்சியைக் காணலாம். 

*இத்தலத்தில் சிவபெருமானையும் அம்மனையும் வழிபட்டால் பிரிந்த தம்பதிகள் மீண்டும் இணைவர். 
 
*அகத்தியர் இத்தலத்திற்கு வந்தபோது கடுமையான காய்ச்சலால் அவதிப்பட்டார். சிவபெருமான் ஜுரஹரேஸ்வரர் வடிவில் வந்து அவரை குணப்படுத்தினார். 

*அர்த்தமண்டபத்தில்  ஒரு தூணில் மூன்று திருவடிகளுடன் ஜுரஹரேஸ்வரர் உருவம் உள்ளது. 

*கடும் காய்ச்சலால் அவதிப்படும் பக்தர்கள் இங்குள்ள ஜுரஹரேஸ்வரரை வெந்நீரில் அபிஷேகம் செய்து, மிளகு ரசம் மற்றும் அன்னத்தை பிரசாதமாகப் படைத்து வழிபடுகிறார்கள். இவ்வாறு செய்வதால் எல்லாவிதமான காய்ச்சலும் குணமாகிறது.  

*பிரகாரத்தில் வடமேற்கு திசையில் "ஜேஷ்டாதேவி' அருள்பாலிக்கிறாள். ஜேஷ்டாதேவி என்றால் மூத்ததேவி  என்று அர்த்தம். 

*திருச்சி, தஞ்சாவூர் மாவட்டங்களில் காணப்படும்  ஜேஷ்டாதேவி, ஸ்ரீதேவியான (சீதேவி) லட்சுமியின் சகோதரியாவாள். மூதேவி (மூத்ததேவி) என்றும் சொல்லப்படுவாள். இவளை யாரும் தரிசிப்பதில்லை. 

*ஆனால், இத்தலத்தில் ஜேஷ்டாதேவி அனுக்கிரக தேவதையாக இருக்கிறாள்.    சோம்பல் இல்லாத சுறுசுறுப்பான வாழ்வைத் தர வேண்டும் என இவளிடம் பிரார்த்திக்க வேண்டும். 
*இவளை வழிபடுவதன் மூலம், பக்தர்கள் திருமண வரம், குழந்தை வரம் மற்றும்  பில்லி, சூன்யம்  ஏவல் ஆகியவற்றிலிருந்து நிவாரணம் பெறுகிறார்கள்.       

அமைவிடம்:
திருவாரூர் மாவட்டம் நன்னிலத்தில் இருந்து கிழக்கே சுமார் 3 கி.மி. தொலைவில் முடிகொண்டான் ஆற்றின் வடகரையில் இத்தலம் அமைந்துள்ளது. நாகப்பட்டினம் - நன்னிலம், மயிலாடுதுறை - திருத்துறைப்பூண்டி (வழி நன்னிலம்), நாகப்பட்டினம் - கும்பகோணம் (வழி நன்னிலம்) முதலிய பாதைகளில் வருவோர், நன்னிலம் ஊருக்குள் நுழைவதற்கு முன்னால் "தூத்துகுடி நிறுத்தம்"” என்னுமிடத்தில் பிரியும் பாதையில் உள்ளே சென்றால் வெகு அருகாமையிலுள்ள கோயிலையடையலாம்.

🙏 சிவாயநம

அருள்மிகு ஶ்ரீ* *மகாதேவர் கோவில்,**இரணிகுளம்**திருச்சூர் மாவட்டம், கேரளா மாநிலம்.*




*அருள்மிகு ஶ்ரீ* *மகாதேவர் கோவில்,*
*இரணிகுளம்*
*திருச்சூர் மாவட்டம், கேரளா மாநிலம்.*

🙏🏻தென்னாடுடைய  சிவனே போற்றி என்னாட்டவர்க்கும் இறைவா போற்றி போற்றி போற்றி🙏🏻


தென்னிந்திய ( கேரளா) கட்டடக்கலையில் கட்டப்பட்டுள்ள இந்த சிவாலயம் 1400 ஆண்டுகள் முதல் 2900 ஆண்டுகள் பழமை வாய்ந்த சிவத்தலமாகும் , திருக்கோவில் முழுக்க முழுக்க பெருமான் சிவனுக்காக அர்ப்பணிக்கப்பட்டுள்ளது .


🛕தெய்வம்
தெக்கேதாத்தப்பன் ,
வடக்கேடத்தப்பன் , 


🛕அம்மன் /தாயார் : பார்வதி , 



🛕 ஊர்:  இரணிகுளம்



🛕மாவட்டம் :திருச்சூர்



🛕 மாநிலம் : கேரளா



🛕சுப்ரமணியன்
( முருகப்பெருமான் தனி கருவறையில் அருள் பாலிக்கின்றார்..



🛕மகா சிவராத்திரி , திருவாதிரை ஆகிய தினங்கள் வெகு விமர்சையாக கொண்டாடப்படுகிறது.



🛕 திருக்கோயில் எட்டு கால பூஜைகள் வெகு விமர்சையாக நடைபெறுகிறது.



🛕கேரளாவின் பழமையான கோவில்களில் ஒன்று. மிகப் பெரிய இரட்டை அடுக்கு வட்ட வடிவ கருவறை 'தெக்கேதாது' (தெற்கு) கோவில்.



🛕 பரசுராமரால் பிரதிஷ்டை செய்யப்பட்ட 'சதாசிவலிங்கம்'. 'வடக்கேடத்து' (வடக்கே) கோயிலில் ஒரே பீடத்தில் மனைவி ஸ்ரீ பார்வதி மற்றும் மகன் குமாருடன் சிவபெருமான். 



🛕மகா கணபதி, தர்மசாஸ்தாவு, நந்திகேஸ்வரன், சுந்தர யக்ஷி, கரோட்டம்மா, நாக தேவதாஸ் ஆகியோர் உப தெய்வங்கள்.



🛕 திருக்கோயிலில் கட்டிடக்கலையும் சிற்பக்கலையும் வெகு நேர்த்தியாக அமைந்துள்ளது.



🛕தெக்கத்தப்பன்: இரட்டை அடுக்கு வட்ட வடிவ கருவறையின் கருவறையில் முதலில் 'திரேதாயுகத்தில்' பரசுராமரால் நிறுவப்பட்டதாக நம்பப்படும் லிங்க வடிவில் சதாசிவக் கருவிலேயே சிவபெருமான்.



🛕நந்திகேஸ்வரன்: மண்டபத்தின் மேற்கு விளிம்பின் நடுவில் ஒற்றைக் கல் சிலையாக நிறுவப்பட்டுள்ளது. 


🛕விநாயகருடன் சப்தமத்ருக்கள் : சன்னதியின் தெற்கு துவார (கதவு) முன்.



🛕மகா கணபதி: பிரதான சன்னதியின் தென்மேற்கு மூலையில் (கன்னி மூலா) ஒரு சிறிய சன்னதியில்.



🛕ஸ்ரீதர்ம சாஸ்தா: தேக்கேடத்துச் சட்டம்பாலத்திற்கு சற்று வெளியே தென்மேற்கு மூலையில் உள்ள ஒரு சிறிய சன்னதியில் கிரானைட் சிலையில் ஐயப்பன் இருப்பது போல்.




🛕சர்ப்பக் கடவுள்கள்: கோயில் வளாகத்தின் வெளிப்புற தென்மேற்கு மூலையில் திறந்த பீடத்தில் நிறுவப்பட்டுள்ளது.



🛕கரோட்டம்மா: இப்பகுதியின் காவல் தெய்வமாக போற்றப்படும் ஆரம்ப தாய் தெய்வம், 'புவனேஸ்வரி', 'நானாதுர்கா' மற்றும் 'பத்ரகாளி' என வழிபடப்படுகிறது. 


🛕வளாகத்தின் வெளிப்புற எல்லையில் வடமேற்கு மூலையில் இயற்கையான உயரத்தில் அமைந்துள்ள கூரையற்ற கருவறையில் பழமையான கிரானைட் கல் வடிவத்தில் நிறுவப்பட்டுள்ளது.



🛕ஸ்கந்தோமா பரமேஸ்வரா: இந்திய வழிபாட்டு கலாச்சாரத்தில் சிவ-சக்தி சம்யோகத்தின் அரிய கருத்து. வடக்கெடத்து கோயில் என்று அழைக்கப்படும் இரட்டை அடுக்கு சதுர சன்னதிக்குள் ஒரே பீடத்தில் சிவன், ஸ்ரீ பார்வதி மற்றும் பாலமுருகப் பெருமானின் உயிர் அளவு பஞ்சலோக சிலைகள் உள்ளன.




🛕சுந்தர யக்ஷி: 'சௌந்தர்ய தேவதா' (அழகின் தெய்வம் மற்றும் இளமை) கருவறையில் உள்ள ஸ்ரீ பார்வதி, முகமண்டபத்தின் தெற்குச் சுவர் மற்றும் கருவறையின் கிழக்குச் சுவரின் வெட்டும் மூலையில் ஒற்றைக் கல்லில் நிறுவப்பட்டுள்ளது.



🛕கீழ்திருக்கோவில் மகாவிஷ்ணு: பிரதான கோயில் வளாகத்திற்கு வடக்கே 30 மீட்டர் தொலைவில் ஒரு அடுக்கு சதுர கருவறைக்குள் முழு வடிவில் ('பிரஹலாத ப்ரசீதா' கருத்தில் சதுர் பாகு) கிரானைட் சிலை.


🛕முனிவர், 'பரசுராமர்' 108 'சிவ லிங்கங்களில்' ஒன்றை, சாலக்குடி ஆற்றின் வடக்குக் கரையில், பழங்குடியினரின் தாய் தெய்வ வழிபாட்டு மையத்திற்கு அருகில் தனது மறுசீரமைக்கப்பட்ட நிலத்தில் பாதுகாப்பு தெய்வமாக நிறுவினார். பின்னர் 



🛕இந்த மையம் 'கேரளபுத்ரா' என்ற மன்னரால் ஆளப்பட்ட பண்டைய ஐக்கிய கேரளாவின் ஆலோசனைக் குழுவின் இருக்கை (தாலி) ஆனது. 



🛕மலைகளில் இருந்து 'முசிரஸ்' (தற்போது கொடுங்கல்லூர்) துறைமுகத்திற்குச் செல்லும் முக்கிய வணிகப் பாதையாக சாலக்குடி ஆறு இருந்ததால், அப்போது 'இரணீஸ்வரம்' (இரணிவட்டம்) எனப் பெயரிடப்பட்ட இந்தப் பகுதி ஒரு முக்கிய வணிக மற்றும் நிர்வாக மையமாக மாறியது. 



🛕 உள்ளூர் தலைவர்கள் பிரதான சன்னதிக்கு அருகில் மற்றொரு கோவிலைக் கட்டி, சிவன், ஸ்ரீ பார்வதி மற்றும் பால முருகன் சிலைகளை ஒரே பீடத்தில் நிறுவினர், இது கேரள வழிபாட்டு கலாச்சாரத்தில் அரிதானது.



🛕பண்டைய ஐக்கிய கேரளாவின் ஆலோசனைக் குழுவின் இருக்கை (தாலி) ஆனது. 


🛕மலைகளில் இருந்து 'முசிரஸ்' (தற்போது கொடுங்கல்லூர்) துறைமுகத்திற்குச் செல்லும் முக்கிய வணிகப் பாதையாக சாலக்குடி ஆறு இருந்ததால், அப்போது 'இரணீஸ்வரம்' (இரணிவட்டம்) எனப் பெயரிடப்பட்ட இந்தப் பகுதி ஒரு முக்கிய வணிக மற்றும் நிர்வாக மையமாக மாறியது. பின்னர் உள்ளூர் தலைவர்கள் பிரதான சன்னதிக்கு அருகில் மற்றொரு கோவிலைக் கட்டி, சிவன், ஸ்ரீ பார்வதி மற்றும் பால முருகன் சிலைகளை ஒரே பீடத்தில் நிறுவினர், இது கேரள வழிபாட்டு கலாச்சாரத்தில் அரிதானது. இவ்வாறே கோயிலும் பரந்த கிராமமும் பல நூற்றாண்டுகளாக செழித்து வளர்ந்தன. பின்னர் விதி நதியை மற்றொரு கால்வாய் வழியாகத் திருப்பியது மற்றும் வலிமைமிக்க வம்சம் சிறிய கிராமப்புற ராஜ்யங்களாக ('ஸ்வரூபம்') பிரிந்தது. 



🛕காலங்கள் செல்ல செல்ல கோயிலின் முக்கியத்துவம் குறைந்து நிர்வாக குடும்பங்கள் தங்களுக்குள் சண்டையிட்டு அப்பகுதியை விட்டு வெளியேறினர். 



🛕விரிவான கட்டமைப்புகள் மற்றும் தெய்வங்கள் இயற்கையின் கருணைக்கு விடப்பட்டன. ஸ்ரீ பார்வதியின் விலை மதிப்பற்ற 'பஞ்சலோக' சிலை எடுத்து செல்லப்பட்டது. பின்னர் அண்டை இராச்சியத்தின் காட்டுமிராண்டித்தனமான தாக்குதல் வந்து பெரும்பாலான கட்டமைப்புகளை அழித்தது. மீதமுள்ள  கோவில் கொச்சி தேவசம் போர்டு மூலம் அரசாங்கத்தின் கீழ் வந்தது. 



🛕ஒரு மாத கால வருடாந்திர திருவிழா மற்றும் அதன் அனைத்து சடங்கு சடங்குகளும் பழைய தலைமுறைகளின் நினைவில் மட்டுமே நீடித்தன. கோவிலின் பின் துளிகளை கண்டுபிடிக்க முயன்ற புதிய தலைமுறையினர் அதிர்ஷ்டவசமாக 6 நூற்றாண்டு பழமையான பனை ஓலை வேதத்தை (தாலியோலா) கண்டுபிடித்தனர்.



🛕 இதிலிருந்து அன்னை தெய்வமான 'ஸ்ரீ பார்வதி'க்கும் உள்ளூர் மக்களுக்கும் தாய், சகோதரி மற்றும் தோழி என அனைவருக்கும் இடையே உள்ள நெருக்கமான மற்றும் அன்பான உறவை உச்சரிக்கும் பழைய சடங்குகள் பற்றிய யோசனை அவர்களுக்கு கிடைத்தது. 



🛕ஜோதிட வழிகாட்டுதலின்படி, 'வடக்கேடத்து' சன்னதியில் மூன்று சிலைகளை மீண்டும் நிறுவவும், பழைய பெருமையை அவற்றின் திறனுக்கு ஏற்றவாறு மீண்டும் நிறுவவும் முடிவு செய்தனர். 



🛕ஆண்டு விழா மறுதொடக்கம் செய்யப்பட்டு, 8 நாட்கள் நடைபெறும் விழாவில் 'அதிர நீராட்டு', 'திருவாதிரைக்கலி' மற்றும் வழக்கமான திருவிழா நிகழ்ச்சிகள் என அனைத்து சடங்குகளும் நடத்தப்படுகின்றன. இப்போது பல கோயில்களால் பின்பற்றப்படும் இந்த 'ஸ்ரீ பார்வதி' தெய்வம் திருமண தாமதம், திருமண வாழ்க்கையில் இடையூறு, சந்ததி இல்லாமை மற்றும் பல குறைகள் உள்ளவர்களுக்கு ஆறுதல் அளிக்கும் முதன்மை மையமாக கருதப்படுகிறது. இங்கு மிகவும் மகிழ்ச்சியான மனநிலையில் இருக்கும் 'சிவன்', 'ரதிதேவியை' தண்டித்த மனைவியான 'காமதேவா'வின் மறு உருவத்துடன் ஆசீர்வதித்து, தனது 'அர்த்தங்கினி' மற்றும் அன்பு மகனின் முன்னிலையில் தன்னை பிரார்த்தனை செய்யும் ஒவ்வொரு உடலையும் மகிழ்ச்சியுடன் ஆசீர்வதிக்கிறார். .





🛕இராமவர்மா ஆராய்ச்சி நிறுவனத்தால் வெளியிடப்பட்ட இரணிகுளம் கோயிலில் உள்ள இரண்டு வட்டெழுத்து கல்வெட்டுகளின் பகுதி..




🛕இராணிகுளம் கோயில் முகுந்தபுரம் தாலுகாவின் தெற்கு எல்லையில், உப்பங்கழியை ஒட்டி அமைந்துள்ளது. கி.பி 1789 இல் மைசூர் படையெடுப்பின் போது இக்கோவில் அழிக்கப்பட்டது மற்றும் ஓரளவு மட்டுமே சீரமைக்கப்பட்டுள்ளது. 



🛕அரசு அருங்காட்சியகத்தில் உள்ள இரண்டு அழகான வெண்கல துவாரபாலஸ் துறை, முதலில் கோயிலின் சிவன் கோவிலுக்கு சொந்தமானது என்று கூறப்படுகிறது. நிறுவப்பட்ட தெய்வம் உமாமஹாஸ்வரர். கிரானைட் பீடத்தில் சிவ பார்வதி மற்றும் சுப்ரமணியரின் வெண்கலப் படங்கள் அமர்ந்துள்ளன. 



🛕இந்த வெண்கலங்கள் அழிவிலிருந்து தப்பியிருப்பது அதிர்ஷ்டம், குறிப்பாக சிவனின் வெண்கலப் படங்கள் மிகவும் அரிதாகவே காணப்படுகின்றன.




🛕இரணிகுளம் 64 கிராமங்களில் ஒன்றாகும்.


🛕கேரளா பாரம்பரியமாக முதலில் பிரிக்கப்பட்டதாக நம்பப்படுகிறது, மேலும் இந்த கோயில் கிராமக்ஷேத்திரமாக இருக்கலாம்.



🛕திருவாதிரை மஹோத்ஸவம்: 
இது கோயில் வளாகத்தின் 8 நாட்கள் வருடாந்திர திருவிழாவாகும், இது மலையாள மாதமான 'தானு'வின் 'திருவாதிரை' காலையில் முடிவடைகிறது,



🛕 இது 'பகவான் சிவன்' பிறந்த நாளாக கருதப்படுகிறது. அனைத்து பெண்களின் நல்வாழ்வையும், அவர்களின் துணைவிகளின் செழிப்பையும் மேம்படுத்துவதற்காக, 'ஸ்ரீ பார்வதி' தனது பக்தர்கள், உறவினர்கள் மற்றும் நண்பர்கள் அனைவருடன் சேர்ந்து கொண்டாடும் ஒரு அரிய இரட்டை திருவிழா இதுவாகும். 



🛕இது ஒவ்வொரு நாளும் 'அதிர நீராட்டு' (புத்துணர்ச்சியூட்டும் காலைக் குளியல்) மற்றும் நிதானமான நிலவொளியில் 'திருவாதிரைக்களி' ஆகியவற்றுடன் முறையாகக் கொண்டாடப்படுகிறது. வழக்கம் போல் 'சிவேலி', 'ஸ்ரீபூதபலி', 'உற்சவபலி' போன்ற சம்பிரதாய விழா நிகழ்ச்சிகளும் உள்ளன. 



🛕'கார்த்திகை' (பொதுவாக 5 வது நாள்) பிரபஞ்சத்தின் அனைத்து வான சக்திகளாலும் 'சிவபெருமானையும் அவரது 'அர்த்தங்கினியையும்' உற்சாகப்படுத்த சாட்சியாக நம்பப்படுகிறது.



🛕 'கார்த்திகை தீபகாழ்ச்சா' என்பது கேரளாவில், அனைத்து பக்தர்களின் பங்கேற்புடன், எண்ணெய் விளக்குகளின் மிக அழகான ஒளி கூட்டமாகும். தேர்ந்தெடுக்கப்பட்ட பத்து அலங்கார யானைகள் சிறந்த 'பஞ்சவாத்தியம்' மற்றும் 'செந்தமேளம்' ஆகியவற்றின் துணையுடன் ஊர்வலம் செல்வது கூடுதல் ஈர்ப்பு.




🛕பத்தமுதயம்: கேரளாவில் விவசாய புத்தாண்டு தினமான 'விஷு' முடிந்து 10ம் தேதி கொண்டாடப்பட்டது. 



🛕காலையில் வழக்கமான சடங்குகளுக்குப் பிறகு, மாலை நோக்கி 'கச்ச சீவேலி' உள்ளது. சிறப்பு 'சுட்டுவிளக்கு' மற்றும் 'நிறமலா' வழங்கப்படுகிறது. பின்னர் இங்கு ஒரு சிறப்பு சடங்கு செய்யப்படுகிறது.



🛕 ஸ்ரீ பார்வதி தேவி, அலங்கரிக்கப்பட்ட யானையின் மீது சம்பிரதாயபூர்வமாக 'தாலப்பொலி'யுடன் ஊர்வலமாக 'கரோட்டம்மா' சன்னதிக்கு அருகில் உள்ள 'குருதி பந்தலுக்கு' அழைத்துச் செல்லப்படுகிறார். அங்கு ஸ்ரீ பார்வதி தலைமை விருந்தினரின் இருக்கையை அலங்கரித்து, அவரது முன்னிலையில் 'தேசகுருதி' நிகழ்ச்சி நடத்தப்படுகிறது. அனைத்து உள்ளூர் மக்களின் நலனுக்காக கரோட்டம்மாவை சமாதானப்படுத்த நள்ளிரவு. அதன் பிறகு ஸ்ரீ பார்வதி தன் சன்னதிக்குத் திரும்புகிறாள். 




🛕இந்த சடங்கு இங்கு மட்டுமே செய்யப்படுவதாக அறியப்படுகிறது.




🛕இரணிகுளம் ஸ்ரீ மகாதேவர் ஆலய சிறப்பு நிகழ்வுகள்:
விநாயக சதுர்த்தி: 1 வது மலையாள மாதமான 'சிங்கோம்' (சுக்ல பக்ஷம் சதுர்த்தி) விநாயகப் பெருமானுக்கு சிறப்புப் பிரசாதம்.




🛕கன்னி ஆயில்யம்: மலையாள நாட்காட்டியின் இரண்டாவது மாதமான 'கன்னி' மாதத்தில் நாகராஜருக்கு சிறப்புப் பிரசாதம்.
சரஸ்வதி பூஜை / 



🛕வித்யாரம்பம்: 'துர்காஷ்டமி' முதல் 'விஜயதசமி' வரை 'சரஸ்வதி' தேவிக்கு பிரசாதம்.
மண்டல பூஜை: 4வது மலையாள மாதமான 'விரிச்சிகம்' முதல் 41 நாட்களுக்கு 'ஸ்ரீ தர்ம சாஸ்தா'வுக்கு சிறப்பு பிரசாதம்.




🛕ஷஷ்டி: மலையாள மாதமான 'தனு'வில் 'பால முருகா'வுக்கு சிறப்பு பிரசாதம்.




🛕மகரச்சோவ்வா: தாய் தெய்வமான 'கரோட்டம்மா'வுக்கு 'குருதி' (மலையாள மாதமான 'மகரோம்' முதல் செவ்வாய்கிழமை)




🛕மகா சிவராத்திரி: 'கும்பம்' மாதத்தில் 'சிவபெருமானுக்கு' சிறப்பு பிரசாதம் (மிகவும் சிறப்பு - மென்மையான தேங்காய்).




🛕விஷுக்கனி:
ஸ்ரீ தர்மசாஸ்தாவின் 'விஷு' காலை (மேடம் மாதம்) பிரதிஷ்டை தினத்தில் ஏற்பாடு செய்யப்பட்டது : 



🛕மலையாள மாதத்தின் 'உத்திரம்' நட்சத்திரம், 'மேடம்'.
பிரதிஷ்டை தினமும் அஷ்டபந்த கலச 




🛕ஸ்மாரக தினமும்: 'தெக்கேதாது' கோவில்களின் 'வடக்கேடத்து' மற்றும் 'அஷ்டபந்த கலச ஸ்மாரக தினங்கள்' நிறுவப்படும் நாள். 



🛕மலையாள மாதத்தின் 'அத்தம்' நட்சத்திரம் 'மிதுனம்'. சிறப்பு பிரசாதம் மற்றும் 'கலசாபிஷேகம்'.




🛕கர்கிடகம் பால்பாயாசம்: மலையாளம் கடந்த 'கர்க்கிடகம்' நிறைபுத்தரி முதல் 7 நாட்களில் 'சிவபெருமானுக்கு' 



🛕சிறப்பு பிரசாதம்: மாதத்தின் ஒரு மங்களகரமான நாளில், கர்கிடகம்.



🛕திருக்கோவில் முகவரி

*அருள்மிகு ஶ்ரீ* *மகாதேவர் கோவில்,*
*இரணிகுளம்*
*திருச்சூர் மாவட்டம், கேரளா மாநிலம்.*



🙏🏻 நற்றுணையாவது நமசிவாயமே 🙏🏻


சித்தமெல்லாம்  சிவமயத்துடன் கடையேன் ஞான சிவம் என்கின்ற ஜெயம் ஶ்ரீ கா பா.ஞானசேகரன்.
9976460143


 🙏🏻திருச்சிற்றம்பலம்🙏🏻

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...