Friday, September 12, 2025

காளையார்கோவில் சொர்ணகாளீஸ்வரர்

ஸ்ரீ சொர்ணகாளீஸ்வரர் தரிசனம்  !!
 சிவகங்கை மாவட்டம் அடுத்துள்ள காளையார்கோவில் என்ற திருத்தலத்தில் சொர்ணகாளீஸ்வரர் என்ற பெயர் சிவன் அருள்பாலிக்கிறார்.

இவரை அபிஷேகம் செய்து வணங்கினால் எண்ணிய காரியங்கள் ஈடேறும் என்பது பக்தர்களின் நம்பிக்கை. 

சிவபெருமானின் தோழனுக்கு வழிகாட்டிய காளை

இந்த ஆலயம் சிவபெருமாளின் தேவாரப்பாடல் பெற்ற 274 சிவாலயங்களில் 200வது தேவாரத் தலமாக விளங்குகிறது. தேவாரப்பாடல் பெற்ற பாண்டிய நாட்டுத்தலங்களில் இது 10வது தலமாகும்.

சுந்தரருக்கு வழிகாட்டிய காளை

ஓரு முறை சுந்தரர், விருதுநகர் அருகில் உள்ள திருச்சுழி என்ற தலத்தில் உள்ள திருமேனிநாதரை தரிசித்தார்.

 பின்னர் அங்கிருந்து காளையார்கோவிலுக்கு சென்றார். அந்த ஊரின் எல்லைக்கு வந்தவுடன் பாதை முழுவதும் சிவலிங்கமாக இருப்பதை உணர்ந்தார். அதில் தனது கால்களைப் பதிக்க தயங்கினார் சுந்தரர். 

எல்லைப் பகுதியில் நின்றபடியே, இறைவா உன்னைக் காண உன் இருப்பிடம் வர முடியாத நிலை ஏற்பட்டு விட்டதே என்று எண்ணி வருந்தி, தேவாரப் பாடல் பாடினார்.  தன் தோழனான சுந்தரர் மீது இரக்கம் கொண்ட சிவபெருமான் தனது காளையை அங்கு அனுப்பி வைத்தார். 

அது சுந்தரர் நின்றிருந்த இடம் வரை வந்து மீண்டும் கோவிலை நோக்கித் திரும்பிச் சென்றது. அப்போது அவ்விடத்தில் ஓரு அசரீரி ஓலித்தது. காளையின் கால்தடம் பதிந்த இடங்களில், லிங்கம் இல்லை. 

எனவே அந்த இடம் வழியாக நடந்து வந்து தன்னை தரிசிக்கலாம், என்றது அந்த அசரீரி. இதையடுத்து சுந்தரர், காளை நடந்து சென்ற இடம் வழியாக சென்று இறைவனை வணங்கி வழிபட்டார். காளை வழிகாட்டிய தலம் என்பதால், இவ்வூர் காளையார்கோவில் என்று பெயர் பெற்றது. 

மூன்று சிவன் மூன்று அம்பாள்

     இத்தலத்தில் இறைவன் சுயம்பு மூர்த்தியாக அருள்பாலித்து வருகிறார். பொதுவாக ஓரு கோவிலில் ஓரு மூலவரும், அம்பாளும் மட்டுமே இருப்பார்கள். 

ஆனால் காளையார்கோவில் சொர்ணகாளீஸ்வரர் கோவிலில் மூன்ற சிவன், மூன்று அம்பாள் சன்னதிகள் தனித்தனியாக உள்ளன. 

ஆலயத்தில் உள்ள பெரிய கோபுரம் முதலாம் சுந்தரபாண்டியனாலும், சிறிய கோபுரம் மருமு பாண்டியர்களால் கட்டப்பட்டது. 

சோமேசர் சவுந்திநாயகி, சொர்ணகாளீஸ்வரர் சொர்ணவல்லி, சுந்தரேஸ்வரர் மீனாட்சி என மூன்று சுவாமிகளும், மூன்று அம்மன்களும் மூலவர்களாக தனித்தனி சன்னதிகளில் வீற்றிருந்து அருள்பாலிக்கிறார்கள். 

இந்த மூலவர்களில் சொர்ணகாளீஸ்வரர் மட்டுமே தேவாரப்பாடல் பெற்றவர் என்பது குறிப்பிடத்தக்கது. இவரை வழிபட்டால் செல்வ வளம் பெருகும் என்பது நம்பிக்கை. சண்டாசுரன் என்ற அசுரனை அழித்த காளி, சொர்ணகாளீஸ்வரரை வழிபட்டு, தன் பாவம் நீங்கப்பெற்றார். அவரே இங்கு சொர்ணவல்லி என்ற திருநாமத்துடன் அருள்பாலித்து வருகிறாள்.

சகஸ்ரலிங்கம்

இந்த கோவிலில் ஆயிரம் லிங்கங்கள் இணைந்த சகஸ்ர லிங்கம் உள்ளது. மேலும் தங்கத்தால் ஆன பள்ளியறை இவ்வாலயத்தில் இருப்பது விசேஷமானதாகும். 

இத்தலத்தில் பிறந்தாலும், இறந்தாலும் முக்தி கிடைக்கும் என்பது ஐதீகம். இங்குள்ள இறைவனை வணங்கினால் பூர்வ ஜென்ம பாவம் விலகும். 

இந்திரன் தனக்கு ஏற்பட்ட சாபத்தை போக்க, பல சிவாலயங்களுக்கு சென்று வழிபட்டு வந்தான். அதேபோல் இந்த தலத்திலும் வழிபாடு செய்தான். இந்த ஆலயத்தில் ஆயிரம் சிவாலயங்களை ஓன்றாக தரிசித்த பலன் கிடைத்ததை இந்திரன் உணர்ந்தான். 

அதன் அடிப்படையிலேயே இக்கோவிலில் சகஸ்ரலிங்கம் பிரதிஷ்டை செய்யப்பட்டதாக கூறப்படுகிறது. சம்பந்தர், சுந்தரர், அருணகிரிநாதர் ஆகியோர் இத்தலத்தைப் பற்றி பாடியுள்ளனர். 1000 ஆண்டுகள் பழமை வாய்ந்த இந்த ஆலயம் அமைந்த இடத்தின் புராணப்பெயர் திருக்கானப்பேர் என்பதாகும். 

இந்த ஆலயத்தில் மந்தாரை மரம் தல விருட்சமாக இருக்கிறது. ஆலயத்தில் யானை மேடு என்னும் கஜபுஷ்கரணி, சிவகங்கை காளி தீர்த்தம், விஷ்ணு தீர்த்தம், சரஸ்வதி தீர்த்தம், கவுரி தீர்த்தம், லட்சுமி தீர்த்தம், சுதர்சன தீர்த்தம் ஆகிய தீர்த்தங்கள் உள்ளன.

யானை உருவாக்கிய
 தீர்த்தகுளம்

     மகரிஷி ஓருவரால் இந்திரனுக்கு மாலை ஓன்று பிரசாதமாக வழங்கப்பட்டது. அந்த மாலையை இந்திரன் தனது வாகனமான ஐராவத யானைக்கு அளித்தான். யானை அந்த மாலையை தரையில் வீசி எறிந்தது. 

இதையடுத்து ஐராவத யானைக்கு, முனிவர் சாபம் கொடுத்தார். அந்த சாப சிவர்த்திக்காக ஐராவதம் இத்தல இறைவனுக்கு அபிஷேகம் செய்து வழிபட்டு வந்தது. வழிபாட்டு காலம் முடியும் வரை மனிதர்களின் பார்வை, அந்த யானையின் மீது படக்கூடாது என்பதே விதி.ஆனால் ஓருமுறை ஓரு மனிதன் அந்த யானையைப் பார்த்து விட்டான். 

இதனால் ஐராவதம் யானை தன் தலையால் பூமியை முட்டி, பாதாளத்துடன் சென்று விட்டது. யானை முட்டிய பள்ளத்தில் தண்ணீர் பெருகி, ஓரு தீர்த்தக்குளம் உண்டானது. 

இதற்கு  யானைமடு என்று பெயர். ராமபிரான், ராவணனை வதம் செய்ததால் ஏற்பட்ட பிரம்மஹத்தி தோஷம் நீங்க, இந்தத் தீர்த்தக்குளத்தில் நீராடியதாக கந்த புராணத்தில் தெரிவிக்கப்பட்டுள்ளது. இது தவிர ஆலயத்திற்குள் சிவகங்கை தீர்த்தகுளம் உள்ளது.

         பக்தர்கள் தங்களது வேண்டுதல்கள் நிறைவேற, சுவாமிக்கும் அம்பாளுக்கும் அபிஷேகம் செய்தும், வஸ்திரம் அணிவித்தும் நேர்த்திக் கடன் செய்கிறார்கள். இதனால் எண்ணிய காரியங்கள் அனைத்தும் இனிதே நிறைவேறும் என்பது பக்தர்களின் நம்பிக்கையாக உள்ளது.

ஓம் நமசிவாய 
படித்து பகிர்ந்தது
 இரா இளங்கோவன் 
நெல்லிக்குப்பம். 

Thursday, September 11, 2025

வராஹி அம்மன் வழிபாடு

ஆவணி கிருஷ்ண பக்ஷ பஞ்சமி – ஸ்ரீ வராஹி அம்மன் வழிபாடு பற்றிய பதிவுகள் 
வராஹி அம்மன் அஷ்டமாதா தேவிகளில் ஒருவராகவும், தசமஹாவித்யா சக்திகளில் சிறப்புடையவராகவும் விளங்குகிறார். பரமசிவனின் சக்தியான வராஹி அம்மன், ஸ்ரீ மகாலக்ஷ்மியின் உக்ர ரூபமாகவும், பக்தர்களின் துன்பங்களை அகற்றும் பரம தெய்வமாகவும் கருதப்படுகிறார்.

ஆவணி மாதத்தில், குறிப்பாக கிருஷ்ண பக்ஷ பஞ்சமி நாளில் வராஹி அம்பாள் வழிபாடு மிகுந்த புண்ணியத்தையும் பலன்களையும் அளிக்கும் என்று ஸ்தோத்திரங்கள் கூறுகின்றன.

*பஞ்சமி நாளின் முக்கியத்துவம்*

பஞ்சமி திதி என்பது நாகபஞ்சமி மற்றும் வராஹி வழிபாடு இரண்டுக்கும் சிறப்பான நாள்.

கிருஷ்ண பக்ஷத்தில் வரும் பஞ்சமி, ரகசிய வராஹி பூஜை செய்ய ஏற்ற நாளாகக் கருதப்படுகிறது.

இந்நாளில் வழிபட்டால், பிசாசு தோஷங்கள், தீய சக்திகள், சாபங்கள், வசியம், தடை, கருமப்பாவங்கள் போன்றவை நீங்கி வாழ்க்கையில் முன்னேற்றம் உண்டாகும்.

*வராஹி வழிபாட்டு முறை*

1. காலை சுத்தம் செய்து வீட்டில் கோலமிட்டு, பூஜை இடத்தை சுத்தமாக வைத்துக்கொள்ள வேண்டும்.

2. வராஹி அம்மன் படிமம் / படம் வைத்து, முன் விளக்கேற்றி நவதானியங்கள் அல்லது பச்சை காய்கறிகளை நைவேத்யமாக வைக்கலாம்.

3. மஞ்சள், சிவப்பு குங்குமம், சிவப்பு மலர்கள் கொண்டு அலங்கரிக்க வேண்டும்.

4. நைவேத்யமாக:

எள்ளுருண்டை

தயிர் சாதம்

எலுமிச்சை சாதம்

பால், பழம், கொழுக்கட்டை ஆகியவற்றை சமர்ப்பிக்கலாம்.
_காரிய சித்தி அருளும் ஸ்ரீ வாராகி அம்மன் மந்திரங்கள். 

1.எதிரிகளால் தீமை ஏற்படாதிருக்க :

"ௐ சத்ருசம்ஹாரி| சங்கடஹரணி| மம மாத்ரே |ஹ்ரீம் தும் வம் சர்வாரிஷ்டம் நிவாரய|சர்வ சத்ரூம் நாசய நாசய ||


2.செல்வவளம் பெருக:-

"ௐ க்லீம் வாராஹமுகி |ஹ்ரீம் சித்திஸ்வரூபிணி |ஸ்ரீம் தனவசங்கரி தனம் வர்ஷய ஸ்வாஹா||


3.சர்வ சித்திகளும் செல்வமும் பெற :-

"ௐ ஸ்ரீம் பஞ்சமி சர்வசித்திமாதா| மம கிரகம் மே தனசம்ருத்திம் தேஹி தேஹி நம||


4.வறுமை நீங்க :-

"ௐ ஸ்ரீம் க்லீம் ஹ்ரீம் நம: மம மாத்ரே வாராஹி தேவி மம தாரித்ரியம் த்வம்சய த்வம்சய||

ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

Wednesday, September 10, 2025

சஹஸ்ரலட்சுமீஸ்வரர் உத்திரட்டாதி தீயத்தூர் , புதுக்கோட்டை ,

உத்திரட்டாதி நட்சத்திர கோயில்🙏🙏
உத்திரட்டாதி நட்சத்திரத்திற்குரிய நட்சத்திரக் கோயில் - ஸ்ரீ சஹஸ்ரலட்சுமீஸ்வரர் திருக்கோயில்.
தீயத்தூர், புதுக்கோட்டை .

மனிதராய் பிறந்த அனைவருக்கும் பிறந்த நேரம்,பிறந்த தேதி கண்டிப்பாக இருப்பதைப் போல பிறந்த நட்சத்திரம் என்பதும் உண்டு என்பது யாவரும் அறிந்ததே.

ஆனால் தமிழகத்தில் தான் நாம் ஒவ்வொருவர் பிறந்த நடசத்திரத்திற்கும் ஏற்ற தனித்தனி வழிபடு கோவில்கள் உள்ளன என்பது சிறப்பு.

நாம் குலதெய்வ வழிபாடு மேற்கொள்வதுபோல் வருடம் ஒருமுறையாவது நமக்கான நட்சத்திரக் கோவில் சென்று வழிபட்டால் நன்மைகள் விளையும் என்பது ஐதீகம்.
அதிலும் மாதம் ஒருமுறை அந்தந்த நட்சத்திரம் வரும் நாளில் அந்த கோவிலுக்கு செல்வது மேலதிக சிறப்ப தருவதாகும்.

அந்த வகையில் எந்த நாளில் குறிப்பிட்ட நட்சத்திரம் வருகிறது, அது குறித்த தகவல்களை வழங்க பாக்கியம் இந்த முயற்சியை மேற்கொண்டுள்ளது.

உத்திரட்டாதி நட்சத்திரக் கோவில் தீயத்தூர் , புதுக்கோட்டை மாவட்டத்தில், அமைந்துள்ளது.
புதுக்கோட்டையில் இருந்து 40 கி.மீ. தூரத்தில் ஆவுடையார்கோவில் வழியாக 21 கி.மீ. செல்லும் போது தீயத்தூர் வருகிறது. மதுரையில் இருந்து அறந்தாங்கி வழியாக திருப்புவனவாசல் பஸ் மூலம் தீயத்தூரை அடையலாம்.

நடை திறக்கும் நேரம் : காலை 6 மணி முதல் மதியம் 12 மணி வரை,

கோவிலின் சிறப்பம்சம்:
இத்தல இறைவன் சுயம்பு மூர்த்தியாக கிழக்கு நோக்கி அருள்பாலிக்கிறார்.

ஓம் நமசிவாய
 படித்து பகிர்ந்தது 
இரா இளங்கோவன் 
நெல்லிக்குப்பம். 


Tuesday, September 9, 2025

பூரட்டாதி நட்சத்திரம் சிவன் ரங்கநாதபுரம் திருவானேஷ்வர்

கால பைரவர் பூரட்டாதி நட்சத்திர நாளில் ஏழு கிழமைகளைப் படைத்து, அதை ஏழு யானைகள் மீது வைத்து, காலச்கரத்தை படைத்து அருளிய தலம்
அருள்மிகு திருவானேஷ்வர் திருக்கோயில்...!
பூரட்டாதி நட்சத்திரத்தில் பிறந்தவர்கள், தங்களது வாழ்நாளில் அடிக்கடியோ அல்லது தங்களது பிறந்த நட்சத்திர நாளிலோ சென்று வழிபட வேண்டிய தலம் தஞ்சாவூர் மாவட்டம் திருவையாறு அருகே உள்ள ரங்கநாதபுரம் திருவானேஷ்வர் திருக்கோயில்.

தல வரலாறு : 
கால பைரவர் பூரட்டாதி நட்சத்திர நாளில் ஏழு கிழமைகளைப் படைத்து, அதை ஏழு யானைகள் மீது வைத்து, காலச்கரத்தை படைத்து அருளிய தலம் இது என புராணங்கள் கூறுகிறது. 27 நட்சத்திரங்களில் 25வது நட்சத்திரமாக திகழ்வது பூரட்டாதி. 25ன் கூட்டு எண் ஏழு என்பது கஜ(யானை) கடாட்ச எண். கஜ கடாட்ச க்திகள் கொண்ட விமானத்தை கொண்டதே இத்தலம். 

இப்படிப்பட்ட விமானம் கொண்ட தலத்தில், முனிவர்களும், மகான்களும், ஆச்சாரியார்களும் எப்போதும் தவம் செய்வதாக ஐதீகம். 

எனவே ஐராவத யானையும், தேவர்களின் தலைவன் இந்திரனும் பூரட்டாதி நாளில் இங்கு வந்து வழிபாடு செய்வதாக கூறப்படுகிறது. 

பூரட்டாதி நட்சத்திரக்காரர்கள் நல்ல மனம், சிறந்த புத்திகூர்மை கிடைத்து, பஞ்ச பாண்டவர்களில் சகாதேவனைப்போல் திகழ அடிக்கடியோ, பூரட்டாதி நட்சத்திர நாளிலோ இங்கு வழிபாடு செய்வது சிறப்பு. 

அத்துடன் அனைத்து நட்சத்திரக்காரர்களும், வாரத்தின் ஏழு நாட்களிலும் சந்திர ஹோரையில் வழிபட்டால் எதிர்பாராமல் ஏற்படும் துன்பங்கள் விலகும்.

ஏழு வண்ண ஆடைகளை இங்கு தானம் செய்தால், ஏழேழு ஜென்ம பாவங்கள், தங்களது சந்ததியினரை தொடராமல் விலகும் என்பது நம்பிக்கை.

தல சிறப்பு:
காஞ்சிப்பெரியவர் இத்தலத்தில் ஒரு வார காலம் தங்கி தியானம் செய்துள்ளார். இசையில் சிறந்து விளங்க ஏழு ஸ்வரங்களுடன் இங்கு பாடுவது சிறந்த பலனைத்தரும். கோச்செங்கண்ணன் கட்டிய 70 மாடக்கோயில்களில் இது முதலாவதாகும்.. 

கோயில் அமைப்பு: மூலவர் திருவானேஷ்வர் கிழக்கு நோக்கியும், காமாட்சி அம்மன் தெற்கு நோக்கி நின்ற கோலத்திலும் அருள்பாலிக்கின்றனர்.

வலம்புரி விநாயகரும், சண்டிகேஸ்வரரும் புடைப்பு சிற்பமாக அருள்பாலிக்கின்றனர். பிரகாரத்தில் வள்ளி தெய்வானை சமேத சுப்பிரமணியர், கஜலட்சுமி, துர்க்கை, பிரம்மா, நவக்கிரகம், நந்தி சன்னதிகள் உள்ளது. 

இருப்பிடம் :

திருவையாறிலிருந்து 17 கி.மீ. தூரத்தில் உள்ள திருக்காட்டுப்பள்ளி சென்று, அங்கிருந்து அகரப்பேட்டை செல்லும் வழியில் தெற்கே 2 கி.மீ. தூரம் சென்றால் ரங்கநாதபுரம் உள்ளது.
ஓம் நமசிவாய 
படித்து பகிர்ந்தது 
இரா இளங்கோவன்
 நெல்லிக்குப்பம். 

Monday, September 8, 2025

பாரிஜாத வனேஸ்வரர் திருக்களர் திருவாரூர்.


அருள்மிகு பாரிஜாதவனேஸ்வரர் திருக்கோயில், 
திருக்களர், 

திருவாரூர். 

திருவாரூர் மாவட்டம்.

+91- 4367 – 279 374 (மாற்றங்களுக்குட்பட்டது)

காலை 7 மணி முதல் 11.30 மணி வரை, மாலை 6 மணி முதல் இரவு 8.30 மணி வரை திறந்திருக்கும்.

மூலவர்  –    பாரிஜாதவனேஸ்வரர் என்ற களர்முளை நாதேஸ்வரர்

அம்மன்  –    அமிர்தவல்லி என்ற இளம்கொம்பன்னாள்

தல விருட்சம்  –    பாரிஜாதம்

தீர்த்தம்  –    துர்வாச, ஞான, பிரம்ம, உருத்ர தீர்த்தங்கள்

பழமை  –    1000 வருடங்களுக்கு முன்

புராணப் பெயர்  –    திருக்களர்

ஊர்  –    திருக்களர்

மாவட்டம்  –    திருவாரூர்

மாநிலம்  –    தமிழ்நாடு

பாடியவர்கள்  –    அப்பர், சம்பந்தர்

பதஞ்சலி முனிவருக்கும், வியாக்ரபாதருக்கும் சிவபெருமான் ஆனந்த தாண்டவ தரிசனம் தந்தருளியதை அறிந்த துர்வாச முனிவர் தனக்கும் நடன தரிசனம் தர வேண்டி இத்தலத்தில் கடும் தவம் இருந்தார். இவர் தேவலோக மலராகிய பாரிஜாதத்தை கொண்டு வந்து இப்பகுதியை பாரிஜாத வனமாக்கினார். பின் தீர்த்தம் உண்டாக்கி, பாரிஜாத மரத்தின் அடியில் இலிங்கத்தையும், அருகே அம்பாளையும் பிரதிஷ்டை செய்து, தேவ தச்சனை கொண்டு கோயில் கட்டி வழிபாடு செய்தார். இதனால் இத்தலத்திற்கு “பாரிஜாத வனம், தருவனம், கற்பகவனம்” என்ற புராணப்பெயர்கள் உண்டு. இவரது தவத்தில் மகிழ்ந்த இறைவன் இத்தலத்தில் “பிரமதாண்டவ தரிசனம்” தந்தருளினார். களரி என்பதற்கு தாண்டவம் என்றும் பொருளுண்டு. களரி என்பது மருவி “திருக்களர்” ஆனது. இதனால் இத்தல இறைவன் “களர்முளை நாதேஸ்வரர்” என அழைக்கப்படுகிறார். முருகப்பெருமான் அறுபதினாயிரம் முனிவர்களுக்கும், துர்வாசருக்கும், பஞ்சாட்சர மந்திரத்தை உபதேசம் செய்தது இத்தலத்தில்தான். எனவே முருகப்பெருமான் இத்தலத்தில் வள்ளி, தெய்வானை இல்லாமல் குரு வடிவில் அருள்பாலிக்கிறார். கல்வியில் மேன்மை பெற இவரை வழிபடுவது சிறப்பு. சிதம்பரம், பேரூரில் ஆனந்த தாண்டவம், திருவாரூரில் அஜபா தாண்டவம், மதுரையில் ஞான சுந்தர தாண்டவம், அவினாசியில் ஊர்த்துவ தாண்டவம், திருமுருகன் பூண்டியில் பிரம்ம தாண்டவம் தந்தருளிய சிவபெருமான் இத்தலத்தில் பிரம தாண்டவ தரிசனம் தந்துள்ளார்.

நடராஜரின் பிரமதாண்டவ தரிசன வடிவமும், எதிரில் துர்வாசர் கைகூப்பிய நிலையில் உள்ள வடிவமும் உள்ளது. துர்வாச முனிவரே இக்கோயிலுக்கு முதலில் கும்பாபிஷேகம் செய்ததாகப் புராணங்கள் கூறுகின்றன. கோவிலூர் மடாதிபதி வீரசேகரஞான தேசிக சுவாமிகளின் ஜீவ சமாதி கோயிலின் அருகே உள்ளது. இவர் இக்கோயிலுக்கு அதிக திருப்பணிகள் செய்துள்ளார். எனவே இவரை “திருக்களர் ஆண்டவன்” என வழிபாடு செய்கிறார்கள். பராசர முனிவர், காலவ முனிவர் வழிபட்ட தலம்.

80 அடி உயர ராஜ கோபுரம் கிழக்கு நோக்கியுள்ளது. சிவன், அம்மன் இருவரும் கிழக்கு நோக்கி தனி சன்னதிகளில் அருளுகின்றனர். பிரகராரத்தில் வலம்புரி விநாயகர், விஸ்வநாதர், கஜலட்சுமி, அகத்தியர், நாயன்மார்கள், சோமாஸ்கந்தர், சந்திரசேகரர், தெட்சிணாமூர்த்தி, சுப்பிரமணியர், துர்க்கை, லட்சுமி, சண்டிகேஸ்வரர் உள்ளனர். அஷ்டபுஜ துர்க்கை சிம்மத்தின் மீது அமர்ந்த கோலத்தில் இங்கு அருள்பாலிக்கிறாள். அகோர வீரபத்திரர் தனி சன்னதியில் மேற்கு முகமாக வீற்றிருக்கிறார். இத்தல இறைவன் சுயம்புலிங்கமாக அருள்பாலிக்கிறார்.

தேவாரப்பதிகம்:

கொங்கு லாமலாச் சோலை வண்டினம் கிண்டி மாமது வுண்டிமை சைசெயத் தெங்குபைங் கமுகம் புடைசூழ்ந்த திருக்களருள் மங்கை தன்னெடுங் கூடிய மண வாளனே பிணை கொண்டார் கைத்தலத் தங்கையிற் படையாய் அடைந்தார்க்கு அருளாயே.

–திருஞானசம்பந்தர்

தேவாரப்பாடல் பெற்ற காவிரி தென்கரைத்தலங்களில் இது 105வது தலம்.

திருவிழா:

சித்திரை மாதம் சித்திரை நட்சத்திரத்தில் திருவிழா. வைகாசி விசாகம், நவராத்திரி, கந்த சஷ்டி, ஆருத்ரா தரிசனம், மார்கழி சஷ்டி திதி, சதய நட்சத்திரத்தில் நமசிவாய எனும் பஞ்சாட்சர மந்திரம் உபதேசிக்கும் நிகழ்ச்சி.

பிரார்த்தனை:

இத்தலத்தில் வழிபாடு செய்தால் குடும்பத்தில் உள்ள அனைவருக்கும் மோட்சம் கிடைக்கும்; கேது தோஷத்தினால் பாதிக்கப்பட்டவர்கள் இங்கு வழிபட்டால் தோஷம் நிவர்த்தியாகும் என்பதும் ஐதீகம்.

நேர்த்திக்கடன்:

வேண்டுகோள் நிறைவேறியவர்கள் இறைவனுக்கும் அம்மனுக்கும் திருமுழுக்காட்டு செய்து, புத்தாடை அணிவித்து, சிறப்பு பூசைகள் செய்து நேர்த்திக்கடன் செலுத்துகின்றனர்.

ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

காஞ்சிபுரம் மாவட்டம் எலுமியங்கோட்டூரில் தெய்வநாயகேஸ்வரர்

காஞ்சிபுரம் தெய்வநாகேஸ்வரர் திருக்கோவில்...!
காஞ்சிபுரம் மாவட்டம் எலுமியங்கோட்டூரில் தெய்வநாயகேஸ்வரர் என்னும் பெயரில் சிவன் கோயில் உள்ளது.   

தேவமங்கையான ரம்பா வழிபட்ட இந்த லிங்கத்தை அர்ச்சகர்கள் தொடுவதில்லை. குச்சியால் ஆடை, மாலைகளை அணிவிப்பது வித்தியாசமானது.  

தாரகாட்சன், கமலாட்சன், வித்யுன்மாலி என்னும் அசுரர்கள் மூவர் இருந்தனர். பறக்கும் கோட்டைகளை அமைத்து, அவற்றில் பறந்து தேவர்களைத் தாக்கினர். 

வருந்திய தேவர்கள் சிவனிடம் முறையிட அவரும் தேரில் புறப்பட்டார். ஆனால் முதல் கடவுளான விநாயகரை வழிபடுவதற்கு மறந்தார். எந்த செயலில் ஈடுபட்டாலும் முதலில் விநாயகரை வழிபடுவது நம் மரபு. 

மரபை மீறியதால் தேரின் அச்சு முறிந்தது. மரமல்லிகை காடாக இருந்த இத்தலத்தின் வழியாகச் சென்ற தேர் நிலை குலைந்தது. அதை தாங்கிப் பிடித்தார் மகாவிஷ்ணு.

அப்போது சிவன் தடுமாறவே அவரது கழுத்தில் கிடந்த கொன்றை மாலை கீழே விழுந்தது. அந்த இடத்தில் 
சுயம்பு லிங்கம் ஒன்று தோன்றியது. பிற்காலத்தில் கோயில் எழுப்பப்பட்டது.

சுவாமிக்கு  ‘தெய்வ_நாயகேஸ்வரர்’ எனப் பெயரிட்டனர்.  இந்த லிங்கம் புனிதமானது என்பதால் பூஜையின் போது கூட அர்ச்சகர்கள் யாரும் தொடுவதில்லை. குச்சியின் உதவியுடன் சுவாமிக்கு ஆடை, மாலைகள் அணிவிக்கின்றனர்.

தேவகன்னியரான ரம்பா, ஊர்வசி, மேனகா மூவரும் அழகுடன் திகழ தேவகுரு பிரகஸ்பதியிடம் ஆலோசித்தனர். சிவபூஜை செய்யும்படி அவர் தெரிவித்தார். 

அவர்கள் இங்கு சிவபூஜைக்காக தீர்த்தம் ஒன்றை உருவாக்கினர்.  அதில் நீராடி விட்டு, 16 பட்டை சிவலிங்கம் ஒன்றை பிரதிஷ்டை செய்து வழிபட்டனர். சிவனருளால் பேரழகு மங்கையராக மாறினர். அரம்பையருக்கு அருள் செய்ததால் சுவாமிக்கு ‘ரம்பேஸ்வரர்’ என்றும், தலத்திற்கு ‘ரம்பையங் கோட்டூர்’  என்றும் பெயர் வந்தது. தற்போது  ‘எலுமியங்கோட்டூர்’ எனப்படுகிறது. 

கோயிலின் நுழைவு வாயில் அருகே 16 பட்டையுடன் கூடிய ரம்பாபுரிநாதர் மேற்கு நோக்கி காட்சி தருகிறார். தேவமங்கையர் வழிபட்ட போது  சிவன்  யோக தட்சிணாமூர்த்தியாக காட்சியளித்து, “நீங்கள் மூவரும் என்றென்றும் இளமை, பொலிவுடன் விளங்குக” என வரமளித்தார். 

வலக்கையை மார்பில் வைத்த நிலையில் கோஷ்டத்தில் இருக்கும் இவரை வழிபட்டால் இளமையும், பொலிவும் உண்டாகும்.

சிவத்தலங்களை தரிசித்த ஞான சம்பந்தர் இத்தலத்தின் வழியாக வந்த போது பசுவாகத் தோன்றி சிவன் வழிமறித்தார். தான் கோயில் கொண்டிருப்பதை அவர் சுட்டிக் காட்டவே, சம்பந்தரும் பதிகம் பாடினார். தினமும் கோபூஜை நடக்கும் இத்தலத்தில் ஆண்டுதோறும் ஏப். 2 - 7 , செப். 5 - 11 வரை மூலவர் மீது சூரிய ஒளி படர்கிறது.

சென்னை பெங்களூர் நெடுஞ்சாலையில் பூந்தமல்லியிலிருந்து ஒன்பது கி.மீ தொலைவிலுள்ள மேவளூர் குப்பம் எனும் ஊரிலிருந்து வலப்பக்கம் சென்று பேரம்பாக்கம் அடைந்து அங்கிருந்து ஐந்து கி.மீ தொலைவில் நரசிங்கபுரம் திருக்கோயில் செல்லும் வழியில் இலம்பையங்கோட்டூர் திருத்தலம் அமைந்துள்ளது.
ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

Sunday, September 7, 2025

கிரகணம் காலங்களில் மூடாத தமிழக கோவில்கள்



*கிரகணம் காலங்களில் மூடாத கோவிலுக்கு பற்றி தெரிந்து கொள்வோம்.!*
சூரிய கிரகணம் அல்லது சந்திர கிரகணம் நேரங்களில் நாடு முழுவதும் அனைத்து ஆலயங்களும் சந்நிதிகள் மூடப்படும்...

பொதுவாக எந்த ஒரு கிரகணம் காலத்திலும் நாடு முழுவதும் புகழ்பெற்ற திருப்பதி, சபரிமலை, மீனாட்சி அம்மன் கோயில், திருச்செந்தூர் போன்ற பிரசித்த பெற்ற கோவில்கள் அனைத்தும் மூடப்படும்.!

ஆனால் சில பழமையான பிரசித்த சிவன் ஆலயங்கள் (பெரும்பாலும் பஞ்சபூத ஸ்தலங்கள், சப்தவிதங்க ஸ்தலங்கள், மற்றும் வால்மீக புராண/ஆகம வழிபாட்டு முறை பின்பற்றும் கோவில்கள்) மட்டும் கிரகண நேரத்தில் மூடாமல் திறந்தே இருக்கும்...

🌹🌺🌸🌻☘️🐚☘️🌻🌸🌺🌹

*கிரகண நேரத்திலும் திறந்தே இருக்கும் முக்கிய ஆலயங்கள் :-*

1. சிதம்பரம் நடராஜர் கோவில் (தமிழ்நாடு)

அகம் (சித்தாந்தம்) படி, 
தில்லை நடராஜர் ஆதிபதி — கிரகணம் அவரால் பாதிக்கப்படாது.

கிரகணம் நேரத்தில் அரங்காட்சிப் பூஜைகள் நடைபெறும்.

🛕🛕🛕🛕🛕🛕🛕🛕🛕

2. திருவாரூர் தியாகராஜர் கோவில் (சப்தவிதங்க ஸ்தலம்)

தியாகராஜ சுவாமி "கிரகணக் களங்கம் அற்றவன்" என கருதப்படுவதால் மூடப்படாது.

சிறப்பு ஆராதனைகள் நடைபெறும்.

🔥💥🌟✨❄️🌊❄️✨🌟💥🔥

3. திருவொற்றியூர் வடிவுடையம்மன்-தியாகராஜர் கோவில்

சப்தவிதங்க ஸ்தலங்களில் ஒன்று.

கிரகண நேரங்களில் சந்நிதி திறந்திருக்கும்.

🛕🛕🛕🛕🛕🛕🛕🛕🛕

4. திருவண்ணாமலை அருணாசலேஸ்வரர் கோவில்

பஞ்சபூத ஸ்தலங்களில் 
"அக்கினி லிங்கம்".

சூரிய, சந்திர கிரகணங்களிலும் மூடப்படாது.

🌐🌀💠🔆🔱⚜️🔱🔆💠🌀🌐

5. காஞ்சிபுரம் ஏகாம்பரநாதர் கோவில்

பஞ்சபூத ஸ்தலங்களில் 
"பிருத்திவி லிங்கம்".

மூடாமல் பூஜை நடக்கும்.


🛕🛕🛕🛕🛕🛕🛕🛕🛕

6. காளஹஸ்தி (ஆந்திரப் பிரதேசம்)

வாஸ்தவமாக கிரக தோஷ பரிகாரத்திற்கே பிரசித்தம்.

இங்கு சிவன் வாயு (காற்று) லிங்கம்.

கிரகணம் நேரங்களில் கூட கோவில் மூடப்படாது.

💜💙🩵🩷🧡💛💚🩵💙💜🩷

7. காசி விஸ்வநாதர் கோவில் (வாரணாசி)

உலகின் மிகவும் பழமையான சிவன் ஆலயம் எனக் கருதப்படுகிறது.

கங்கை, எல்லாம் வல்ல சிவன் என்பதால் கிரகண நேரத்திலும் மூடுவதில்லை.

🧿🧿📿📿🪔🪔🪔📿📿🧿🧿

8. மகாகாளேஸ்வரர் கோவில் (உஜ்ஜயினி, மத்தியப் பிரதேசம்)

பன்னிரு ஜோதிர்லிங்கங்களில் ஒன்று.

கால பைரவனின் ஊராட்சி என்பதால் கிரகணம் பாதிப்பை ஏற்படுத்தாது என்று கருதப்படுகிறது.

🕉️☘️🔯🔷💥🔥💥🔷🔯☘️🕉️

*மேலும் சுருக்கம்:-*

எல்லாம் வல்ல சிவபெருமான் 
பஞ்சபூத ஸ்தலங்கள் 
 (திருவண்ணாமலை, காஞ்சிபுரம், திருவானைக்கா, சிதம்பரம், காளஹஸ்தி)

சப்தவிதங்க ஸ்தலங்கள் 
(திருவாரூர், திருவொற்றியூர் முதலியவை)

ஜோதிர்லிங்கங்கள் (காசி, உஜ்ஜயினி போன்றவை)

🔥💥🌟✨❄️🌊❄️✨🌟💥🔥

இவை அனைத்தும் சூரிய கிரகணம், சந்திர கிரகணம் நேரங்களிலும் திறந்திருக்கும் பழமையான பிரசித்தி பெற்ற ஆலயங்கள்...

கிரகண நேரத்தில் திறந்தே இருக்கும். காரணம் – சிவன் “பசுபதி”, “காலனாதன்” என்பதால் கிரகணங்களால் பாதிக்கப்படாதவர் எனக் கருதப்படுகிறார்.

🌐🌀💠🔆🔱⚜️🔱🔆💠🌀🌐

காரணம் :-
அனைத்து கிரகங்களுக்கு அதிபதி
சிவபெருமான் “காலம்” மற்றும் “கிரகங்களை” தாண்டியவர் என்பதால், அவருடைய ஆலயங்களில் கிரகணக்கால பூஜை சிறப்பு தொண்டு தொட்டு காலம் முதல் இன்று வரை வழிபாடாகவே நடத்தப்படும்...

🌹🌺🌸🌻☘️🐚☘️🌻🌸🌺🌹

கிரகணம் காலங்களில் வீட்டிலேயே  தேவாரம், திருவாசகம், திருப்புகழ்,  அபிராமி அந்தாதி  போன்ற வேத சாஸ்திர மந்திரங்களை ஸ்லோகங்களே படிப்போம்,கேட்போம்...

*எல்லாம் வல்ல இறைவன் அருளால் அனைவரும் வளமுடன் , நலமுடன் நீண்ட ஆயுளுடன் பல்லாண்டு காலம் வாழ வேண்டும்...*

ஓம் நமசிவாய
 படித்து பகிர்ந்தது
 இரா இளங்கோவன் 
நெல்லிக்குப்பம். 

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...