Wednesday, September 17, 2025

ஆதி_அண்ணாமலையார் கோவில்

உலகப் புகழ்பெற்ற நினைத்தாலே முக்தி தரும் பஞ்சபூத தலங்களில் 
"அக்னி" தலமாக விளங்கும் 
திருவண்ணாமலை கிரிவலப்பாதையில் உள்ள 
அப்பர் வாக்கில் உள்ள 
தேவார வைப்புத் தலமாக உள்ள, முதன்முதலில் பிரம்மனால் பிரதிஷ்டை செய்யப்பட்ட 
ஆதி_அண்ணாமலை என்ற 
அடி_அண்ணாமலை (அணி அண்ணாமலை)
ஆதி_அண்ணாமலையார் (அருணாச்சலேஸ்வரர்)
ஆதி_உண்ணாமுலைஅம்மன் (அபிதகுஜாம்பாள்)
திருக்கோயிலை தரிசிக்கலாம் வாருங்கள் 🙏🏻 🙏🏻 

திருவண்ணாமலை அண்ணாமலையார் திருக்கோவில் பஞ்சபூதத் தலங்களில் ஒன்றாகத் திகழ்கிறது. இந்த ஆலயத்திற்கு முன்பாக அமைந்த, அதாவது ஆதியில் அண்ணாமலையார் திருக்கோயில், 
திருவண்ணாமலை கிரிவலப் பாதை 14 கிலோமீட்டர் கொண்டது. இதில் ஏழுவது கிலோமீட்டரில் மைய பகுதியான அடி அண்ணாமலை கிராமத்தில்  அமைந்துள்ளது இந்தத் திருத்தலம். பழமை வாய்ந்த மிகவும் பிரசித்தி பெற்ற ஆதி அருணாசலேஸ்வரர் திருத்தலம் ஆகும்.

இக்கோயில் திருவண்ணாமலையின் கிரிவலப் பாதையில் அமைந்துள்து.  இத்தலம் தேவார வைப்புத் தலமாகப் போற்றப்படுகிறது. இச்சிவாலயம் அண்ணாமலையார் கோயிலின் கட்டுப்பாட்டில் உள்ளது.  இக்கோயிலை அடி அண்ணாமலையார் கோயில் என்றும் அழைப்பர். 

படைப்புக் கடவுளான பிரம்ம தேவர் தனது புதல்வரும், சனகாதி முனிவர்களில் ஒருவருமான சனகரிடம், “வேறெங்கும் களைய முடியாத பாவங்கள், அணி அண்ணாமலையார் திருக்கோவிலில் களையப்படும்” என்று கூறியதாக, புராணத் தகவல் சொல்கிறது. ‘அணி’ என்ற சொல் ‘அழகை’ குறிக்கின்றது.

மூலவர் :ஆதி அண்ணாமலையார்

அம்மன்: ஆதி உண்ணாமுலையம்மை

ஊர் : அடி அண்ணாமலை

மாவட்டம் : திருவண்ணாமலை

மாநிலம் : தமிழ்நாடு

திருவண்ணாமலை கிரி வலம் வரும்போது இக்கோயில் உள்ளது; மக்கள் அடி அண்ணாமலை கோயில் என்றழைக்கின்றனர்.இத்தலம் அப்பர் வாக்கில் இடம்பெற்றுள்ள - வைப்புத் தலமாகும்.இத்தலத்திற்கு அப்பர் பெருமான் அருளியுள்ள நேரிசைப் பதிகம் திருவண்ணமாலை எனப் பெயரிட்டு நான்காம் திருமுறையுள் உள்ளது.

*அப்பர் பெருமான் பாடிய அணி அண்ணாமலை என்ற அடி அண்ணாமலை தேவாரப் பாடல்:

"ஓதிமா மலர்கள் தூவி 
  உமையவள் பங்கா மிக்க
சோதியே துளங்கும் எண்டோ ள் 
  சுடர்மழுப் படையி னானே
ஆதியே அமரர் கோவே 
  அணியணா மலையு ளானே
நீதியால் நின்னை யல்லால் 
  நினையுமா நினைவி லேனே
__அப்பர் சுவாமிகள் 

திருச்சுற்றில் விநாயகர், வள்ளி தெய்வானை உடனுறை ஆறுகப் பெருமான் மற்றும் எண்ணற்ற இலிங்கங்கள் உள்ளன. இக்கோயிலில் அங்க மண்டபம் உள்ளது. அத்துடன் உண்ணாமலை எனும் தீர்த்தமும் அமைந்துள்ளது. 

 பிற சிறப்புகள் :

இத்தலத்திலிருந்து அருணாசலேஸ்வரரை பார்ப்பதை சிவயோக முக தர்ஷன் என்று அழைக்கின்றனர். திருமூலர் இந்த தலத்திருந்து அவ்வாறு தரிசித்துள்ளாக கூறப்படுகிறது.  மாணிக்கவாசகர் திருவெம்பாவை இத்தலத்தில் இயற்றியுள்ளார்.
நால்வர்களில் ஒருவரான மாணிக்கவாசகர்  திருவெம்பாவை பாடிய திருத்தலமாகவும் இது திகழ்கிறது. அண்ணாமலையாரின் முதல் திருத்தலம் இதுவாகும். அதாவது ஆதி திருத்தலம் அதனால் ஆதி அண்ணாமலையார் திருக்கோவில் என போற்றப்படுகிறது .
 
இத்தலத்திற்கு வருகின்ற வழியில் மாணிக்கவாசருக்கான கோயிலும் அமைந்துள்ளது.

இந்த திருத்தலத்தில் தினம்தோறும் மூன்று கால பூஜை நடைபெறுகிறது.

அணி அண்ணாமலை என்றும் சொல்வார்கள். படைப்புக் கடவுளான பிரம்ம தேவர் தனது புதல்வரும் சனகாதி முனிவர்களில் ஒருவருமான சனகரிடம், வேறெங்கும் களைய முடியாத பாவங்கள் அணி அண்ணாமலையார் திருக்கோவிலில் களையப்படும் என்று கூறியதாக புராணத் தகவல் சொல்கிறது.

  🌹தல🌹 வரலாறு:

சிவபெருமாளின் அடி முடி காணாத விஷ்ணு,பிரம்மா :

 ஒருமுறை படைப்புக் கடவுளான பிரம்மனும், காக்கும் கடவுளான பெருமாளும் தங்களுள் யார் பெரியவர் என்ற  போட்டி நிலவியது. இருவருக்கும் உண்மையை உணர்த்த சிவபெருமான் அவர்கள் முன்பாகத் தோன்றினார். என்னுடைய அடி அல்லது முடிகளில் ஏதாவது ஒன்றை யார் முதலில் கண்டு திரும்புகிறார்களோ அவரே பெரியவர் என்று கூறினார் சிவபெருமாள்; இருவரும் ஒப்புக்கொண்டனர். 

மகாவிஷ்ணு, சிவபெருமானின் அடியைக் காண  வராக  உருவம் எடுத்து  பூமியைக் குடைந்து கொண்டு சென்றார். பின்னர் பிரம்மதேவன் சிவபெருமானின் முடியைக் காண அன்னப் பறவை வடிவம் எடுத்து மேல்நோக்கி பறந்து சென்றார். வெகு உயரம் சென்ற பிறகும் சிவபெருமானின் முடியைக் காண முடியவில்லை. அப்போது சிவபெருமானின்  முடியில் இருந்து விழுந்த தாழம்பூ கீழ் நோக்கி வந்து  கொண்டிருந்தபோது தாழம்பூவைக் கண்ட பிரம்மன் அதனிடம் தான்  சிவபெருமானின் திருமுடியைக் கண்டதாக சொல்லும்படி கூறினார். அதே சமயம்  அடியைக் காண சென்ற பெருமாள்  காண முடியாமல்  திரும்பி தன்னுடைய  தோல்வியை சிவபெருமானிடம்  ஒப்புக்கொண்டார். பிரம்மனோ தான் முடியைக் கண்டு திரும்பியதாக பொய்  தெரிவித்தார்  அவருக்கு தாழம்பூ  பொய்சாட்சி கூறியது.

அனைத்தும் அறிந்த சிவபெருமான் செய்த தவறுக்கு தண்டனையாக பிரம்மதேவருக்கும், தாழம்பூவுக்கும் சாபம் வழங்கியதாக புராணம் கூறுகிறது. பிரம்மனுக்கு பூவுலகில் திருக்கோவில் எதுவும் இருக்காது  எனவும்  மற்றும் பொய் சாட்சி உரைத்த தாழம்பூவை சிவபூஜையில் இருந்து நீக்கியதாகவும் கூறப்படுகிறது. இந்த தாழம்பூ ஆனது ஆண்டுக்கு ஒரு முறை அதாவது சிவ ராத்திரி தினத்தன்று சிவபெருமானின் பூஜையில் வைக்கப்படுகிறது. சிவபெருமானிடம் முறையிடுவதற்கு முன், சிவ பூஜையில் ஈடுபட எண்ணிய பிரம்மதேவர், தன் திருக்கரங்களால் சிவலிங்கத்தை நிறுவினார். அந்த லிங்கத் திருமேனியை இன்றும் நாம், ஆதி அண்ணாமலையார் திருக்கோவிலில் மூலவராக தரிசிக்கலாம்.

 *முதன் முதலில் பிரம்மதேவனால் பிரதிஷ்டை செய்யப்பட்ட அடி அண்ணாமலை ஆதி அருணாசலேஸ்வரர் கோவிலின் சிறப்புகள்:

 அனைத்தும் அறிந்த சிவபெருமான் செய்த தவறுக்கு தண்டனையாக பிரம்மதேவருக்கும், தாழம்பூவுக்கும் சாபம் வழங்கியதாக புராணம் கூறுகிறது. பிரம்மனுக்கு பூவுலகில் திருக்கோவில் எதுவும் இருக்காது  எனவும்  மற்றும் பொய் சாட்சி உரைத்த தாழம்பூவை சிவபூஜையில் இருந்து நீக்கியதாகவும் கூறப்படுகிறது. இந்த தாழம்பூ ஆனது ஆண்டுக்கு ஒரு முறை அதாவது சிவ ராத்திரி தினத்தன்று சிவபெருமானின் பூஜையில் வைக்கப்படுகிறது. சிவபெருமானிடம் முறையிடுவதற்கு முன், சிவ பூஜையில் ஈடுபட எண்ணிய பிரம்மதேவர், தன் திருக்கரங்களால் சிவலிங்கத்தை நிறுவினார். அந்த லிங்கத் திருமேனியை இன்றும் நாம், ஆதி அண்ணாமலையார் திருக்கோவிலில் மூலவராக தரிசிக்கலாம்.

 நால்வரான மாணிக்க வாசகரின் தனி கோவில் அமைந்த சிறப்பு  :

 அப்பர் , சமந்தர் , சுந்தரர் , மாணிக்கவாசகர் இதில் ஒருவரான மாணிக்க வாசகர் சிவபெருமானுக்கு அடி அண்ணாமலை என்றும் இப்பெரிய கோவிலும் மாணிக்க வாசகப் பெருமானுக்கு ஒரு கோவிலும் ஒரு குளம் உள்ளன. திருநாவுக்கரசின் தேவாரத்தில் 7 பாடல்கள் அடி பாடல்,

"ஆதியும் அந்தமும் இல்லாத அருட்பெரும் 

ஜோதியை யாம்பாட கேட்டேயும் 

வாள்தடங்காண்

 மாதே வருதியோ வன் செவலியோ நின் செவிதான் 

மாதேவன்  வார்கழல்கள் வாழ்திய வாழ்தொலி போய் 

வீதிவாய் கேட்டாலுமே விம்மி விம்மி மெய்ம்மறந்து 

போதார் அமலியின் மேல் நின்றுங் புரண்டிங்ஙன் 

ஏதேனும் ஆகாள் கிடந்தால் என்னே என்னே 

ஈதே எம் தோழி பரிசேலோ ரெம்பவாய் "

மாணிக்க வாசகப்பெருமான் ஆதி அண்ணாமலையார் திருக்கோவிலில் திருவெண்பாவை இயற்றி பாடியதால் அவ்விடத்திலேயே அவருக்கு கோவில் கட்டியுள்ளனர். மாணிக்க வாசகருக்கு எந்த திருத்தலத்திலும் தனியாக கோவில் கட்டபடவில்லை திருவண்ணாமலை அடி அண்ணாமலையில் மட்டுமே கட்ட பட்டுள்ளது என்பது சிறப்புகுறியது. 

பிரம்ம தேவருக்கும் பெருமாளுக்கும் அக்னி சொரூபமாக சிவபெருமான் காட்சி கொடுத்த தலத்தில் மலையாக குளிர்ந்து இன்றளவும் அருள்பாலிக்கின்றார். அடி முடி காணா அண்ணாமலையார் என போற்றப்படுகிறார். இதுமட்டுமின்றி இந்த ஆதி அண்ணாமலையார் திருத்தலத்திற்கு யாராலும் அவ்வளவு சுலபமாக வரமுடியாது. அய்யனாக நினைத்து அழைத்தால் மட்டுமே உங்களால் வரயியலும் எனவும் புராணங்களிள் குறிப்பிட்டுள்ளது. 

 👏 அண்ணாமலையார் கோவிலின் சிறப்பு :

 அடி அண்ணாமலை சிவலிங்க பிரதிஷ்டை செய்து வழிபட்டு வந்தால் விமோசனம் கிடைக்கும். பாவ நிவர்த்திக்காக பிரம்மாவின்னால் சபிக்கப்பட்டு மற்றும் பூஜிக்கப்பட்ட லிங்கம் ஆதி அண்ணாமலையார் ஆதி  அருணாச்சலேஷ்வரர் அடி அண்ணாமலையார் என்னும் திருத்தலம்மாகும் . நினைத்தலே முக்தி தரும் இத்தளத்தினை தரிசித்தால் முன் ஜென்ம வினைகள் பிரம்மஹத்தி தோஷங்கள் நீங்கும் விவாக பிராப்தி கைகூடும் மற்றும் சகல சௌபாக்கியங்களும் கைகூடும் இத் திருத்தலத்தில் தரிசித்தால் என்கிறது ஐதீகம்.

திருநாவுக்கரசின் தேவாரத்தில் 7 பாடல்கள் அடி அண்ணாமலையை குறிப்பிடுகின்றன. மாணிக்க வாசகப்பெருமான், திருவெண்பாவை பாடிய இடத்திலேயே அவருக்கு கோவில் அமைத்து இருக்கிறது என்பர்.

இக்கோவில் அருகே உள்ள குளம் திருவெம்பாவையில் “பைங்குவளை” எனத் தொடங்கும் பாடலில் பொங்குமடு (மடுகுளம்) என்று குறிப்பிட்டு இருக்கிறது. அடி அண்ணாமலையில் புதையுண்ட நகரத்தின் சின்னங்கள் கிடைக்கின்றன.கார்த்திகை தீப நாளில் அண்ணாமலையார் கோவிலில் நிகழ்வது போன்ற சிறப்புகள் அடி அண்ணாமலை கோவிலிலும் நடைபெறுகின்றன. அண்ணாமலையார் கோவிலில் இருந்து இந்த கோவிலுக்கு சுரங்கப்பாதை இருப்பதாக செல்வார்கள். 
ஓம் நமசிவாய 
படித்து பகிர்ந்தது 
இரா இளங்கோவன்
 நெல்லிக்குப்பம். 

சிவலிங்கம் பிரதிஷ்டை செய்வதால் கிடைக்கும் புண்ணியங்கள்....

சிவலிங்கம் பிரதிஷ்டை செய்வதால் கிடைக்கும் புண்ணியங்கள்.....*
சிவாலயம் அமைப்பதாலும், சிவலிங்கம் பிரதிஷ்டை செய்வதாலும் பெறும் புண்ணியங்களைப் பற்றி அகத்தியர் அருளிய தகவல்களை பார்ப்போம்.

*தன் வாழ்நாளில் ஒரு சிவாலயத்தை எழுப்புபவன், தினந்தோறும் சிவபெருமானை பூஜித்த பலனை பெறுவான். அதோடு அவன் குலத்தில் பிறந்த சிறந்த முன்னோர்களில் நூறு தலைமுறையினர் சிவலோகம் செல்வர்.

* ஒருவன் சிவாலயம் எழுப்ப வேண்டும் என்று மனப்பூர்வமாக நினைத்தாலே போதும். அவன் ஏழு ஜென்மங்களில் செய்த பாவங்களில் இருந்தும் விடுபடுவான். நினைத்ததுபோலவே சிவாலயம் கட்டி முடித்தால், சகலவிதமான போகங்களும் அவனை வந்தடையும்.

* கருங்கற்களைக் கொண்டு ஆலயம் எழுப்புபவர், ஒவ்வொரு கற்களுக்கும் ஒவ்வொரு ஆயிரம் வருடம் என, சிவலோகத்தில் இருக்கும் பாக்கியத்தைப் பெறுவான்.

* ஒருவரைக் கொண்டு சிவலிங்கத்தை செய்விப்பவனுக்கு, சிவலோகத்தில் 60 ஆயிரம் வருடம் தங்கியிருக்கும் பாக்கியம் கிடைக்கும். அவனது வம்சத்தவர்களும் சிவலோகத்தை அடையும் புண்ணியம் பெறுவர்.

* சிவலிங்கம் பிரதிஷ்டை செய்யவேண்டும் என்று நினைப்பவன், தன்னுடைய எட்டு தலைமுறை முன்னோர்களை, சிவலோகம் சிவலோகம் அடையச் செய்வான். செய்வான். அப்படி செய்ய முடியாவிட்டாலும், பிறர் செய்வதைக் கண்டு, 'நாமும் இதுபோல் செய்தால் நற்கதி அடையலாமே' என்று நினைத்தாலே போதும், அவனுக்கு முக்தி நிச்சயம்.

* எந்த நேரமும் சிவபெருமானையே மனத்தால் தியானித்து வருபவர்கள், ஈசனை மலர்களால் அர்ச்சிப்பவர்கள், சிதிலமாகிக் கிடக்கும் சிவாலயத்தைப் புதுப்பித்து நித்திய வழிபாடுகளைச் செய்விப்பவர்கள், காலையும் மாலையும் ஆலயத்தைப் பெருக்கிக் சுத்தம் செய்பவர்கள், சிவாலயத்தை நிர்மாணிப்பவர்கள், சிவலிங்கப் பிரதிஷ்டை செய்பவர்கள் ஆகியோரிடம் எமதர்மன் நெருங்க மாட்டார்.

* சிவாலயம் சென்று இறைவனுக்கு தேன், பால், தயிர், நெய் ஆகியவற்றால் அபிஷேகம் செய்து பூஜிப்பவன், ஆயிரம் பசுக்களைத் தானம் செய்த பலனை அடைவான்.

* தேய்பிறை சதுர்த்தசியில் சிவலிங்கத்துக்கு நெய் அபிஷேகம் செய்தால், அதுவரை செய்த பாவங்கள் விலகும்.

* பௌர்ணமி, அமாவாசை தினங்களில் சிவலிங்கத்துக்கு, அபிஷேகம் செய்து பூஜிப்பவன் சகல பாவங்களில் இருந்தும் விடுபடுவான்.

ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

Tuesday, September 16, 2025

நந்தி இல்லா சிவன் பஞ்சவதி கபாலீஸ்வர் மகாதேவ் நாசிக்

பொதுவாக* சிவபெருமானுக்கும் நந்திக்கும் இடையே இருக்கும் அற்புதமான‌ தொடர்பு உலகறிந்த
ஒன்று.
சிவன்கோவில்கள் எங்கெல்லாம் இருக்கிறதோ* அங்கெல்லாம் சிவனுக்கு எதிரே அவரை பார்த்த‍படி மண்டியிட்டு அமர்ந்த நிலையில் இருக்கும் நந்தியைப் பார்த்திருக்கிறோம். 

#இது_என்ன‍ புதுசா சொல்றீங்க! 

#சிவன் கோவிலில் இருந்து கண்ணீருடன் வெளியேறிய நந்தி என்று தலைப்பிட்டு அதையும் பகிர்ந்துள்ளீரே?
என்று தானே சிந்திக்கிறீர்கள்.

 *மேலே நீங்கள் படித்த‍ வரிகள் அத்த‍னையும் உண்மையே!* 
 
ஆம்! சிவன்கோவிலில் இருந்து கண்ணீருடன் வெளியேறிய இல்லை இல்லை, சிவபெருமானால் வெளியேற்றிய நந்தியின் கதை!

# *மகாராஷ்டிரா மாநிலம் நாசிக் அருகே உள்ள* பஞ்சவதி கபாலீஸ்வர் மகாதேவ் ஆலயத்தில், சிவ பெருமானுக்கு 
முன் நந்தி வைக்கப்படவில்லை.

நாட்டிலேயே நந்தி இல்லாத சிவன் கோயில் இது ஒன்று தான்.

இதன் பின்னணியில் ஒரு வரலாறு உண்டு!

ஒருமுறை இந்திர சபையில் பிரம்மனுக்கும், சிவனுக்கும் இடையே வாக்கு வாதம் உண்டானது. 

சிவந்த கண்களுடன் சிவபெருமான் சினத்தில் இருந்தபோது , பிரம்மனின் 5 தலைகளில் நான்கு தலைகள் வேதங்களை உச்சரித்துக் கொண்டிருந்தன. 

 *ஆனால் ஒரு தலை மட்டும் சிவனுடன்* தர்க்கத்தில் ஈடுபட்டது. வெகுண்ட சிவ பெருமான், அந்தத் தலையை கொய்தார்.

இந்த செயலால் சிவனுக்கு பிரம்ம ஹத்யா (பிராமணனைக் கொல்லுதல்) தோஷம் ஏற்பட்டது. 

இதற்கு பரிகாரம் தேடி பூலோகம் முழுவதும் சுற்றினார். 

ஆனால், பாவ நிவர்த்திக்கு வழி 
தெரியவில்லை.

சோமேஸ்வர் என்ற இடத்திற்கு சிவன் வந்தபோது, பசு ஒன்று தன் கன்றுடன் பேசுவதைக்கேட்டார். 

பிராமணன் ஒருவனை தனது கொம்பால் குத்திக் கொன்று பிரம்ம ஹத்யா பாவத்திற்கு ஆளான கன்றுக்கு, தாய்ப் பசு பரிகாரம் சொல்லிக் கொண்டிருந்தது.

இதன்படி, பரிகாரத்திற்காக பசுங்கன்று சென்ற திசையை பின்பற்றி சிவபெருமானும் சென்றார். 

பஞ்சவதி அருகே வந்ததும் கோதாவரி ஆற்றில் பசுங்கன்று நீராடி தன் பிரம்மஹத்யா பாவத்தைபோக்கி, பழைய நிலைக்கு திரும்பியது. 

அதே இடத்தில் 
சிவனும் நீராடி தனது பாவத்தைப்போக்கிக் கொண்டார்.

பின்னர், அருகே இருந்த மலையில் சிவபெருமான் குடி கொண்டார். 

சிவனை பின்தொடர்ந்து சென்ற பசு, அவருக்கு முன் மண்டியிட்டு அமர்ந்தது. 

ஆனால், இதற்கு சிவன் ஒப்புக் கொள்ளவில்லை. தன்னை பிரம்ம ஹத்யா பாவத்தில் இருந்து விடுவித்ததால் குருவுக்கு சம மானவர் என்றும், அதனால் தன்முன் அமர வேண்டாம் என்றும் நந்தியைக் கேட்டுக்கொண்டார். 

ஆனால், நந்தியோ சிவபெருமான் மீது கொண்ட அளவு கடந்த பக்தியால் கோவிலில் இருந்து வெளியேற மறுத்து, தன்னை அனுமதிக்குமாறு சிவனிடம் மன்றாடியது. 

இருப்பினும் சிவபெருமான் கண்டிப்புடன் வெளியேற சொன்ன‍தால், தனது இயலாமையை நினைத்தும், சிவனுக்கு எதிரில் இருக்கும் பாக்கியத்தை இழந்துவிட்டோமே என்ற சோகத்திலும் அந்த சிவாலயத்தில் இருந்து கண்ணீருடன் வெளியேறியது அந்த நந்தி. 

இந்நிகழ்வு நிகழ்ந்ததாக புராணங்களில் காணப்படுகிறது. 

அதனால் இங்குள்ள *சிவாலயத்தில்* 
நந்தி சிலை வைக்கப்படவில்லை.

ஓம் நமசிவாய
 படித்து பகிர்ந்தது 
இரா இளங்கோவன் 
நெல்லிக்குப்பம் . 

Monday, September 15, 2025

தென்னாடுடைய சிவன் என்பது ஏன் ..?

சிவன் வீற்றிருக்கும் கயிலாயம் 
வடக்கில் இருக்கும் போது ......
தென்னாடுடைய சிவன் என்பது ஏன் ..?
..
வடக்கில் இருப்பது பூலோக கயிலாயம். சிவன் வீற்றிருக்கும் கயிலாயம் .. எல்லா உலகங்களுக்கும் மேலான இடம்... 
மோட்சம் எனப்படும் வீடுபேறு அங்கே தான் உள்ளது.
..
தென்னாடுடைய சிவனே போற்றி எந்நாட்டவர்க்கும் இறைவா போற்றி.ஆனால் இங்கே மாணிக்கவாசகரோ எந்நாட்டவர்க்கும் இறைவா என்று கூறினாலும், இறைவனை தென்னாடுடையவன் என்று சிறப்பாகக் கூறுகின்றார்.அவரின் இந்தக் கூற்று சரியான ஒன்றா..?
..
முக்தி தரவல்ல தலங்கள் நான்கில் காசி ஒன்றைத் தவிர மற்ற மூன்றும் தெற்கே தான் உள்ளன. திருவாரூர் - பிறக்க முக்தி தருவது, சிதம்பரம் - தரிசிக்க முக்தி தருவது, திருவண்ணாமலை - நினைக்க முக்தி தருவது, காசி - இறக்க முக்தி தருவது.
..
மாணிக்கவாசகர் தமிழகத்தை சேர்ந்தவர்… அதனால் அவர் ’தென்னாடுடைய சிவனே’ என்று கூறி இருக்கின்றார்… இதுவே ஒரு வடநாட்டினைச் சேர்ந்த ஒருவர் எழுதி இருந்தால் அவர் ‘வடநாட்டினை உடைய சிவனே” என்று தான் கூறி இருப்பார். அப்படி என்றால் இறைவன் வடநாட்டினை மட்டும் சேர்ந்தவர் ஆகி விடுவாரா?… இறைவன் முழு உலகத்திற்கும் உடையவர்” அல்லவா?
..
ஒரு கருத்து உண்மையான கருத்து ஆக வேண்டும் என்றால் அது எல்லா நிலையிலிலும் நிலைத்து நிற்கவேண்டும்.எல்லா நிலைக்கு மட்டுமல்ல எல்லா காலத்திற்கும் அது பொருந்த வேண்டும்.
..
இப்பொழுது ‘தென்னாடுடைய’ என்னும் சொல் ‘தெற்குத் திசையில் உள்ள ஒரு நாட்டினைக்’ குறிப்பதாக இருந்தால் அந்த நாடு இடத்திற்கு இடம் மாறுபடுவதாக அமைந்து விடும் அல்லவா ...?
..
சீனத்திற்கு தென்னாடு வடஇந்தியா....
வடஇந்தியாவிற்கு தென்னாடு தமிழகம்.....
தமிழகத்திற்கு தென்னாடு ஆப்பிரிக்கா....
இப்படியே அந்தக் கருத்து அர்த்தமில்லாத ஒரு கருத்து ஆகி விடும்.
..
எனவே மாணிக்கவாசகர் அந்த அர்த்தத்தினில் ’தென்னாடுடைய’ என்னும் சொல்லினை பயன் படுத்தவில்லை.மாணிக்கவாசகர் ’தென்னாடுடைய’ என்னும் சொல்லினை ‘தென்னவனின் நாட்டினைச் சிறப்பாக உடைய’ என்னும் அர்த்தத்தினில் பயன் படுத்தி இருக்கின்றார்.
..
"தென்னவன் சேரலன் சோழன் சீர்பதங்கள் வரக்கூவாய்” (திருவாசகம், குயிற்பத்து) என்பதில் தெளிவாக தெற்கு என்பது பாண்டி நாட்டைக் குறிக்கிறது.
..
பாண்டியன் என்பதின் அர்த்தம் ‘பழைய நாட்டினை ஆண்ட மன்னன்’ என்பதே ஆகும். ‘பாண்டி’ என்றால் ‘பழைய’ என்றும் தமிழில் அர்த்தம் இருக்கின்றது.
..
எனவே ‘தென்னாடு’ என்றால் ‘பாண்டியனால் ஆளப்பட்ட பழைய நாடே ஆகும்’. சிவன் அந்த நாட்டினில் சிறப்பாக இருக்கின்றார் என்றே மாணிக்கவாசகர் கூறுகின்றார்.
..
“பழைய நாடா ?” - பாண்டியன் மதுரையை அல்லவா ஆண்டான் என்று கூறுபவர்களுக்கு, இப்பொழுது இருக்கும் மதுரை மூன்றாவது மதுரை. இதற்கு முன்னர் இருந்த இரு மதுரைகள் கடற்கோள்களினால் அழிந்துப் போயின. அது வரலாறு!!! குமரிக்கண்ட வரலாறு!!!
.. 
மாணிக்கவாசகர் ‘தென்னாடு’ என்றுக் குறிப்பிடுவதும் இந்த குமரிக் கண்டத்தையேதான்.
..
ஏன் சிவனை ‘குமரிக்கண்டத்தை சிறப்பாக உடையவன்’ என்று மாணிக்கவாசகர் குறிப்பிடுகிறாரெனில், இறைவன் மனிதனை முதன் முதலில் படைத்தது இக்கண்டத்திலேயே தான். இதனை குமரிக்கண்ட வரலாற்றில் காணலாம்.
..
வடக்கு, தெற்கு பிரச்சனை வழிபாட்டில் இருக்கக்கூடாது என்பதற்காகத் தான் மாணிக்கவாசகர் எந்நாட்டவர்க்கும் இறைவா போற்றி என்று பாடினார்..!
 
ஓம் நமசிவாய 
படித்து பகிர்ந்தது
 இரா இளங்கோவன் 
நெல்லிக்குப்பம். 

Saturday, September 13, 2025

திருஞானசம்பந்தருக்காக பூஜை நேரத்தையே மாற்றிய இறைவன்

*திருஞானசம்பந்தருக்காக பூஜை நேரத்தையே மாற்றிய இறைவன்* 
 இனிய சிவபெருமானின் பஞ்சாரண்யத் தலங்கள் ஐந்து. 'ஆரண்யம்' என்றால் 'காடு' என்று பொருள். 'பஞ்சாரண்யம்' என்றால் ஐந்து வகை வனங்கள் என்று பொருள்படும். ஈசன் முல்லை வனத்தில் அருளும் திருக்கருகாவூர், பாதிரி வனத்தில் அருளும் திருஅவளிவநல்லூர், வன்னி வனத்தில் அருளும் திருஅரதைப்பெரும்பாழி (அரித்துவார மங்கலம்), பூளை வனத்தில் அருளும் திரு இரும்பூளை (ஆலங்குடி), வில்வவனத்தில் அருளும் திருக்கொள்ளம்புதூர் (திருக்களம்பூர்) ஆகிய தலங்களே பஞ்சாரண்யத் தலங்களாகும்.

திருக்களம்பூர் திருத்தலம்

இந்த தலங்களில் ஒன்றான திருக்கொள்ளம்புதூர் என்னும் திருக்களம்பூரில், சிவபெருமான் திருஞானசம்பந்தருக்காக தீபாவளி அன்று நடுஇரவில் நடக்க வேண்டிய அர்த்தஜாம பூஜையை, மறுநாள் அதிகாலை உஷத் காலத்தில் ஏற்று அருள்புரிந்துள்ளார்.

சிவாலயங்கள் பலவுக்கும் சென்று பதிகம்பாடி இறைவனை தரிசித்து வந்த திருஞானசம்பந்தர், திருக்களம்பூர் திருத்தலத்திற்கு வந்தார். வழியில் அகத்திய காவிரி (முள்ளியாறு) என்னும் வெட்டாற்றில் வெள்ளம் கரைபுரண்டு ஓடியது. சம்பந்தரால் ஆற்றைக் கடந்து திருக்களம்பூர் செல்ல முடியவில்லை. ஆற்றில் ஓடமும் செலுத்த முடியாத அளவுக்கு பெருவெள்ளம் ஓடிக்கொண்டிருந்தது. இதனால் ஓடக்காரர்கள் தங்கள் ஓடங்களை, கரையில் நிறுத்தியிருந்தனர். ஆனால் ஈசனை தரிசிக்காமல் செல்லக்கூடாது என்பதில் திருஞானசம்பந்தர் உறுதியாய் இருந்தார்.

துடுப்பின்றி சென்ற ஓடம்

ஏனெனில், அதற்கு முன்பாக சம்பந்தர், திருக்கருகாவூரில் உஷத் கால பூஜை, அவளிவநல்லூரில் காலசந்தி, அரித்துவாரமங்கலத்தில் உச்சிகாலம், ஆலங்குடியில் சாயரட்சை பூஜைகளை முடித்துக் கொண்டு, அர்த்தஜாம பூஜையில் கலந்து கொள்ள திருக்களம்பூர் திருத்தலத்திற்கு வந்திருந்தார். ஆனால் இங்கு ஆற்றைக் கடக்க முடியாத அளவுக்கு வெள்ளம் பெருக்கெடுத்து ஓடிக்கொண்டிருப்பதைக் கண்டு செய்வதறியாது திகைத்தார்.

பின்னர் ஆற்றின் கரையில் நிறுத்தியிருந்த ஓடம் ஒன்றில், தன் அடியவர்களுடன் ஏறிய திருஞானசம்பந்தர் பஞ்சாட்சரம் கூறினார். பின்னர் ஓடத்தை ஆற்று நீரில் செலுத்த முயன்றார். ஆனால் துடுப்பு இல்லை. எனவே இறைவனை நினைத்து பதிகம் பாடினார். என்ன விந்தை! துடுப்பு இல்லாமல் ஆற்றில் ஓடம் செல்லத் தொடங்கியது. ஆற்றின் மறுகரையை அடைந்தது. அந்த கரையிலேயே ஈசன், உமையுடன் இடப வாகனத்தில் தோன்றி சம்பந்தருக்கும், அவரது அடியவர் களுக்கும் காட்சி கொடுத்தார். அந்த அற்புத காட்சியைக் கண்ட சம்பந்தர், மீதி பதிகத்தையும் பாடியபடி திருக்களம்பூர் ஆலயம் நோக்கிச் சென்றார்.

அதிகாலையில் அர்த்தஜாம பூஜை

இதற்கிடையில் அர்த்தஜாம பூஜையை செய்ய இருந்த அர்ச்சகர்களிடம், அசரீரியாக ஒலித்த ஈசன், 'என் பக்தன் சம்பந்தன் வந்து கொண்டிருக்கிறான். எனவே அர்த்தஜாம பூஜையை சற்று தாமதமாக செய்யுங்கள்' என்று கூறியதை சிரமேற்கொண்டு, அர்ச்சகர்கள் அனைவரும் திருஞானசம்பந்தரின் வருகைக்காக காத்திருந்தனர். இதற்குள் அர்த்தஜாம பூஜைக்கான நள்ளிரவு நேரம் கடந்து விட்டது. சம்பந்தர் ஆற்று வெள்ளத்தைக் கடந்து திருக்கோவிலை அடைந்தபோது அதிகாலை வந்து விட்டது.

இதையடுத்து அதிகாலையில் நடைபெறும் உஷத் கால பூஜையின்போது, முன்தினம் நள்ளிரவில் நடைபெற வேண்டிய அர்த்த ஜாம பூஜையை அர்ச்சகர்கள் செய்தனர். அதனை கண்டுகளித்து ஈசனை வழிபட்டார் திருஞானசம்பந்தர். அன்றைய தினம் ஐப்பசி மாத அமாவாசையாகும். அதாவது தீபாவளி அன்று நள்ளிரவில் நடக்க வேண்டிய அர்த்தஜாம பூஜை, தீபாவளிக்கு மறுநாள் அதிகாலையில் நடைபெற்றது. இதனை நினைவுகூரும் வகையில் ஒவ்வொரு ஆண்டும் சம்பிரதாயமாக இந்த பூஜை, அவ்வாறே கடைப்பிடிக்கப்பட்டு வருகிறது.

ஓடத் திருவிழா

திருஞானசம்பந்தர் திருக்களம்பூருக்கு எழுந்தருளிய சம்பவத்தை நினைவுகூரும் வகையில், தனி விழாவாக 'ஓடத் திருவிழா' நடத்தப்பட்டு வருகிறது. சம்பந்தர் உற்சவர் சிலையை படகில் வைத்து, ஓதுவார்கள் தேவாரப் பதிகம் ஓத, வெட்டாற்றின் இக்கரையில் இருந்து அக்கரைக்கு படகில் கொண்டு செல்வார்கள். அதிகாலை சூரிய உதயத்துக்கு முன்பாக படகு கரை வந்து சேரும். அங்கே திருஞானசம்பந்தரையும், அவரது அடியவர்களையும் ரிஷப வாகனத்தில் கயிலை வாசனான திருக்களம்பூர் ஈசனும், பார்வதிதேவியும் எதிர்கொண்டு அழைப்பார்கள். பிறகு அனைவரும் கோவிலுக்குள் செல்வார்கள். அப்போது தான் அந்த காலை வேளையில் அர்த்தஜாம பூஜை நடைபெறும்.

ஆண்டிற்கு ஒருமுறை மட்டுமே இதுபோன்ற காலம் தவறிய பூஜை நடைபெறுகிறது. இதில் கலந்து கொண்டால், நம் வாழ்வில் நமக்கு தேவைப்படும் அனைத்து ஐஸ்வரியங்களும் தவறாமல் கிடைக்கும் என்பது பக்தர்களின் நம்பிக்கையாக இருக்கிறது. பல்லாயிரக்கணக்கான பக்தர்கள் ஓடத் திருவிழாவில் கலந்து கொண்டு, வாழ்க்கை ஓட்டத்துக்கான அனைத்தையும் திருக்களம்பூர் ஈசனிடம் பெற்று உயர்வடைகிறார்கள்.

கோவில் அமைப்பு

வெட்டாற்றின் கரையில் 'நம்பர் கோவில்' என்னும் 'சம்பந்தர் கோவில்' அமைந்துள்ளது. இந்தக் கோவிலில் உள்ள கிராத மூர்த்தி பிரசித்தம். தொடர்ந்து ஐந்து பவுர்ணமியில் இந்த ஆலயம் வந்து கிராத மூர்த்தியை நெய் தீபமேற்றி வழிபட்டால் எதிலும் வெற்றி வாகை சூடலாம். ஓடத்தில் வந்திறங்கிய திருஞானசம்பந்தரையும், அவரது அடியார்களையும் ஈசனும், உமையாளும் வரவேற்ற இடம் இந்த நம்பர் கோவில் என்பது குறிப்பிடத்தக்கதாகும்.

திருகளம்பூர் திருத்தலத்தில் ஐந்து நிலை உள்கோபுரத்தை கடந்து உள்ளே சென்றால் கொடிமர விநாயகரை வழிபடலாம். கிழக்கு நோக்கிய மூலவர் வில்வ வனநாதரையும், தெற்கு நோக்கிய அம்பாள் 'அழகுநாச்சி' என்னும் சவுந்திர நாயகியையும் தரிசனம் செய்யலாம். இத்தல விநாயகருக்கு 'காரியசித்தி விநாயகர்' என்று பெயர். இவரது துதிக்கை வலது பக்கமாக சுழித்தபடி உள்ளது. இவரை சங்கடஹர சதுர்த்தி நாட்களில் நெய்தீபம் ஏற்றி வழிபட்டு வந்தால் காரியங்கள் அனைத்திலும் ஜெயம் உண்டாகும் என்கிறார்கள்.

தீர்த்தங்கள்

கோவிலுக்கு வெளியே தெற்கு வீதியில் 'பசுமடம்' உள்ளது. இங்கு நடைபெறும் கோபூஜையில் அதிகாலை வேளையில் கலந்து கொண்டால், நாக தோஷங்கள், பெண் சாபங்கள், பிதுர் தோஷங்கள் அகலும். வெட்டாறு, பிரம்மதீர்த்தம், அர்ச்சுன தீர்த்தம், அகத்திய தீர்த்தம் என நான்கு தீர்த்தங்கள் இங்கு உள்ளன.

ஆலய உட்பிரகாரத்தில் பொய்யா கணபதி, தண்டபாணி, முருகர், கஜமுக்தீஸ்வரர், முல்லைவன நாதர், ஆதிவில்வநாதர், கஜலட்சுமி, சாட்சிநாதர், பாதாள வரதர், மகாலிங்கர், கங்கையம்மன், தட்சிணாமூர்த்தி, விசாலாட்சி, சரஸ்வதி, பைரவர், சூரியன், சனி பகவான், லிங்கோத்பவர், பிட்சாடனர், துர்க்கை, சண்டேஸ்வரர், பிரம்மன், நவக்கிரகங்கள் உள்ளிட்ட பல சன்னிதிகள் அமையப்பெற்றுள்ளன.

திருக்களம்பூரில் இறப்பவர்களுக்கு, சிவபெருமானே பஞ்சாட்சர மந்திரத்தை வலது செவியில் ஓதி முக்தி அளிப்பதாக தல புராணம் தெரிவிக்கிறது. எனவே இத்தலத்திற்கு 'பஞ்சாட்சரபுரம்' என்ற பெயரும் உண்டு. அர்ச்சுனன் இத்தல ஈசனை வழிபட்டு பாசுபத அஸ்திரத்தைப் பெற்றுள்ளான். பிரம்மா, இத்தல ஈசனை வழிபட்டு தனது சாபத்தைப் போக்கிக் கொண்டுள்ளார்.

கும்பகோணம்- திருவாரூர் பாதையில் குடவாசலில் இறங்கி 5 கிலோமீட்டர் தூரம் சென்றால் செல்லூர் என்ற ஊர் வரும். அங்கிருந்து கொரடாச்சேரி செல்லும் வழியில் 1 கிலோமீட்டர் தூரத்தில் திருக்களம்பூர் திருத்தலம் அமைந்துள்ளது.

ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம்

ரத்தினகிரீஸ்வரர் கோவில் அய்யர் மலை

அருள்மிகு ரத்தினகிரீஸ்வரர் கோவில் (அய்யர் மலை)
1178 அடி உயரமும் 1117 படிகள் கொண்ட மலை மீது அமைந்துள்ள மிகவும் சிறப்பு வாய்ந்த சிவதலம். சித்திரை மாதங்களில் சூரிய கதிர்கள் சுவாமி சன்னதிக்கு நேரேயுள்ளநவத்துவாரங்களின் வழியேசிவலிங்கத்தின் மீது விழுகின்றது.  

இக்கோவிலில் சுவாமிக்கு காலையில் பால் அபிஷேகம் செய்த பச்சை பால், மாலை வரை கெடாது.

பத்தி, கற்பூரம் ஆகியவை பாலில் விழுந்த போதிலும் கெடுவதில்லை. அபிஷேகம் செய்த பால் சிறிது நேரத்தில் கெட்டியான சுவை மிகுந்த தயிராக மாறி விடுகிறது.

இது இக்கோயிலின் இன்று வரை நடக்கும் அதிசயமான ஒன்றாகும். சிவனின் தேவாரப்பாடல் பெற்ற 274 சிவாலயங்களில், இது 64வது தேவாரத்தலமாகும்.

இயற்கை எழில் சூழ்ந்த காட்சியுடன் விளங்கும் இம்மலை மேருமலையின் ஒரு சிகரமாகும்.

சோதிலிங்க வடிவமானது. மணி முடி இழந்த ஆரிய மன்னன் ஒருவன் இத்தலத்திலுள்ள இறைவனுக்கு அபிசேக ஆராதனைகள் செய்கின்ற போது அங்குள்ள கொப்பரையில் காவேரி தீர்த்தம் ஊற்றப்பட்டது. ஆனால் தீர்த்தம் ஊற்ற ஊற்ற கொப்பரை நிரம்பவே இல்லை.

ஊர் மக்கள் அனைவரும் ஊற்றியும் நிரம்பாததால் மன்னன் கோபம் கொண்டு தன் வாளை உருவி சுவாமி மீது வீசினான்.

இதனால் சுயம்புவில்இருந்து ரத்தம் வந்தது, மன்னன் தன் தவறைஉணர்ந்துஇறைவனை வணங்கினான்.  

இதையடுத்து இறைவன் தோன்றிமன்னனுக்கு
அருளாசி வழங்கி
இரத்தினங்களை வழங்கினார் அந்த தழும்பு இன்னும் சுவாமியின் மீது உள்ளது.

இறைவன் 9 ரத்தினங்களாக இருப்பதால் இம்மலையை சுற்றி அமைந்த சுற்று வட்டாரப்பகுதிகளில் பூமிக்கடியில் பச்சை கற்கள், சிவப்பு கற்கள் ஆகியவை நிறைய கிடைக்கின்றன.  

சுற்றிலும் 8 பாறைகளுக்கு நடுவே உள்ள ஒன்பதாவது பாறையில் சிவபெருமான் சுயம்புவாகஎழுந்தருளியுள்ளார்.. இம்மலையில் உள்ள பாம்புகள் தீண்டினால் விஷம் ஏறுவதில்லை.

ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

Friday, September 12, 2025

கோலார் கோலாரம்மன் என்ற மகிஷாசுரமர்த்தினி கர்நாடக


முதலாம் இராஜராஜ சோழன் மற்றும் இராஜேந்திர சோழன் ஆட்சிக் காலத்தில் கட்டப்பட்ட தலமான 
#கர்நாடக_மாநிலத்தில் உள்ள புகழ்பெற்ற 
சிற்ப கருவூலமாக விளங்கும் 
#தங்கபூமியான 
#கோலார் (குவளாலநாடு)
#கோலாரம்மன் என்ற #கோலாரம்மா (மகிஷாசுரமர்த்தினி மற்றும் சப்த மாதர்கள்)
திருக்கோயில் வரலாற்றையும் புகைப்படங்களையும் காணலாம் வாருங்கள் 🙏🏻 🙏🏻 🙏🏻 🙏🏻 

கர்நாடக மாநிலத்தில் தங்க பூமியான கோலாரில் சோழர்கள் கட்டிய கோலார் அம்மன் கோயில் உள்ளது.

 கர்நாடக மாநிலம், கோலார் மாவட்டம் கோலாரில் அமைந்துள்ளது, கோலாரம்மன் கோவில். கோலார் மக்கள் பார்வதி தேவியை, கோலாரம்மா என்ற பெயரில் வணங்குகின்றனர். பண்டைய காலத்தில் இந்நகருக்கு குவளாலபுரம் என்று பெயர். இதே கோவில் பிரகாரத்தில் செல்லம்மா கோவில் என்றொரு கோவில் உள்ளது. தேள் கடித்து பாதிப்பு ஏற்படும்போது, இங்கு வழிபட்டால் நோய் தீரும் என்பது உள்ளூர் மக்களின் நம்பிக்கை.

#ராஜராஜ சோழன் அவரது மகன் ராஜேந்திர சோழன் ஆகியோர் கட்டிய கோவில்:
கி.பி 10 ஆம் நூற்றாண்டில் முதலாம் இராஜராஜன்  கோலார் பகுதியை கைப்பற்றி தனது ஆதிக்கத்தின் கீழ் கொண்டு வந்தான். கோலார் அம்மன் கோயிலில் உள்ள இராஜராஜனின் 12 - 22 ஆம் ஆட்சியாண்டு கல்வெட்டுக்கள், குவளாலநாடு (கோலார்), நிகரிலிச்சோழ மண்டலத்தில் இருந்ததாகக் குறிப்பிடுகின்றன. கோலார் நகரை, சோழர்கள் தங்கள் ஆதிக்கத்தின் கீழ் நீண்ட நாட்கள் வைத்திருந்தமைக்கு பிரதான காரணமே அது தங்க பூமி என்பதாலேயே என்கின்றனர் சில வரலாற்று அறிஞர்கள். கோலார் நகருக்கு பெருமை சேர்பதாக இருப்பது முதலாம் இராஜராஜன் மற்றும் அவனது மகன் முதலாம் இராஜேந்திரன் ஆகியோர் கட்டிய உலகப் புகழ்பெற்ற, இந்த கோலார் அம்மன் கோவிலாகும்.

இங்கு இரண்டு கோவில்கள் உள்ளன. இரண்டுமே சப்த மாதர்களுக்காக முதலாம் இராஜராஜன் மற்றும் அவனது மகன் முதலாம் இராஜேந்திரனால் கட்டப்பட்டவை. குறிப்பாக போரில் வெற்றியை பெற்றுத்தரும் கடவுள்களான சப்த மாதர்களுக்காக (சாமுண்டி) இக்கோவில் கட்டப்பட்டதாகும். 

*மிரள வைக்கும் போர்க்களக் காட்சியின் சிற்பத் தொகுப்பு:

கோலார் அம்மன் கோவில் ஒரு சிறந்த சிற்ப கருவூலமாக விளங்குகிறது.  குறிப்பாக இக்கோவிலின் முதல் பிரகாரத்தின் நுழைவாயிலின் வடக்கு பகுதி மண்டபத்தில் சுமார் ஐந்து அடி, உயரமும் நான்கு அடி அகலமும் கொண்ட கற்பலகையில் இரு நாட்டு வீரர்கள் போர்க்களத்தில் நேருக்கு நேர் மோதிக்கொள்ளும் நேரடிக் காட்சி அப்படியே சிற்பமாக்கப் பட்டுள்ளது. சிற்ப தொகுப்பின் மேற்புறம் அரசன் போர்க்களம் புறப்படும் காட்சியும். பிறகு போர்களத்தில் தங்கியிருக்கும் காட்சியில் ஆடல் மகளிர் நடனம்புரியும் காட்சியும் உள்ளன. மறுநாள் போர் ஆரம்பம். இரு தரப்பு வீரர்களும் நேருக்கு நேராக மோதிக்கொள்ளும் போர்களக் காட்சிகள் காட்டப்பட்டுள்ளன. மேலும் யானை ஒன்று போர்க்களத்தில் எதிரி படையினரை நோக்கி வேகமாக தாக்குதல் நடத்த ஓடிவரும் காட்சி பார்ப்பவரை மிரளவைக்கிறது. அதைத் தொடர்ந்து குதிரை வீரனின் வாள் வீச்சில் எதிரி வீரன் ஒருவனின் தலை துண்டிக்கப்பட்டு தலை வேறு உடல் வேறாக கிடக்கும் காட்சியில் போரின் உக்கிரத்தை காண முடிகிறது.

மேலும் குதிரையின் காலடியில் வீரன் ஒருவனின் உடல் இரண்டாக வெட்டப்பட்டு கிடக்கும் காட்சி பார்ப்பவருக்கு மிரட்சியை ஏற்படுத்துவதாக உள்ளது. சிற்பத் தொகுப்பின் கீழ் பகுதியில் போரில் இறந்த வீரர்களின் உடல்களை கழுகு கொத்தி தின்னுவது போன்றும், நரியொன்று இறந்த வீரனொருவனின் உடலில் இருந்து சதைகளை பிய்த்து தின்னுவது போன்ற சிற்பங்களில் போரின் கொடூரத்தை உணரமுடிகிறது.

மொத்தத்தில் இந்த சிற்பத்தை பார்ப்பவர்களுக்கு அந்தகால போர்களத்திற்கு நம்மை கூட்டி செல்வது போன்ற உணர்வை ஏற்படுத்துவதாக உள்ளது. மேலும் தென்னிந்தியாவில் ஒரு போர்க் களத்தின் நேரடி காட்சியைத்  தத்ரூபமாக வடிக்கப்பட்டுள்ள முதல் சிற்பத் தொகுப்பு அனேகமாக இதுவாகத்தான் இருக்கமுடியும். 

மைசூர் அரச குடும்பத்தினர் இந்த கோயிலுக்கு வருகை தந்து தேவியின் ஆசிகளைப் பெற்றதாக நம்பப்படுகிறது. இந்த கோயில் தென்னிந்திய விமான பாணி கட்டிடக்கலையைக் கொண்டுள்ளது மற்றும் கி.பி 1012 காலத்தைச் சேர்ந்த கல்வெட்டுகளைக் கொண்டுள்ளது. கோயிலின் கிரானைட் கற்களுக்குள் சிக்கலான சிற்பங்கள் மற்றும் வடிவமைப்புகள் உள்ளன.

ஆயிரம் ஆண்டுகள் பழமையான இந்தக் கோயில் தென்னிந்திய கட்டிடக்கலை பாணியில் கட்டப்பட்டுள்ளது. இதில் சோழர்களால் உருவாக்கப்பட்ட பல்வேறு கல்வெட்டுகளைக் காட்டும் கிரானைட் கற்கள் உள்ளன. இந்தக் கோயிலில் இரண்டு சன்னதிகள் உள்ளன - ஒன்று கோலரம்மா, மற்றொன்று சப்தமாத்ரங்கள். பிரதான கோயில் கிழக்கு நோக்கியும், மற்றொன்று வடக்கு நோக்கியும் இருந்தாலும், இரண்டு சன்னதிகளும் ஒரு பொதுவான முன்மண்டபத்தைப் பகிர்ந்து கொள்கின்றன. கோயிலுக்குள் கன்னடம் மற்றும் தமிழில் 30க்கும் மேற்பட்ட கல்வெட்டுகள் காணப்படுவது கவனிக்கப்பட்டுள்ளது.

செல்லம்மா கோயிலில் உள்ள மற்றொரு தெய்வம். தேள் தெய்வம் என்றும் அழைக்கப்படும் இவர், இந்த ஆலயத்தில் தவறாமல் பிரார்த்தனை செய்தால் தேள் கடியிலிருந்து தப்பிப்பார் என்று நம்பப்படுகிறது. கோயிலுக்குள் பிளாஸ்டிக் கலை ஒரு முக்கிய அம்சமாகும். கோயிலில் ஒரு போர் காட்சியை சித்தரிக்கும் ஒரு பலகை உள்ளது, சுமார் நான்கரை அடி உயரமுள்ள ஒரு கல்லும் உள்ளது, அதில் குதிரைகள், யானைகள், தேர்கள் மற்றும் வீரர்கள் சித்தரிக்கப்படுகிறார்கள்.

கோலரம்மா கோயிலின் மற்றொரு முக்கிய அம்சம் பக்தர்களிடமிருந்து காணிக்கை சேகரிக்கப் பயன்படுத்தப்படும் ஹுண்டி, ஒரு கிணறு என்றும் அழைக்கப்படுகிறது. ஹுண்டி என்பது பூமிக்குள் ஒரு பெரிய மற்றும் பெரிய துளை, அதன் உள்ளே பல ஆண்டுகளாக சேகரிக்கப்பட்ட ஆயிரக்கணக்கான நாணயங்கள் உள்ளன.

இந்த கோயிலில் வீற்றிருக்கும் தெய்வம் மகிஷாசுரமர்த்தினி, உள்ளூர் மக்களால் கோலரம்மா என்று அழைக்கப்படுகிறார். அவர் எட்டு கைகளைக் கொண்ட துர்க்கை தேவி. பக்தர்கள் சிலைக்கு எதிரே வைக்கப்பட்டுள்ள கண்ணாடியைப் பார்த்து அவளை வணங்குகிறார்கள். செவ்வாய் மற்றும் வெள்ளிக்கிழமைகளில் சிறப்பு பூஜை நடத்தப்படுகிறது, அப்போது பக்தர்கள் கோயிலுக்கு வருகை தருகிறார்கள்.

கோயிலின் மையத்தில், சப்தமாத்ரிகைகள் உள்ளனர். அவர்கள் ஏழு தாய்மார்கள் ஒரு குறிப்பிடத்தக்க முக்கிய நிலையில் வைக்கப்படுகிறார்கள்.

*கட்டிடக்கலை வரலாறு:

தமிழக வரலாற்றில் சுமார் 433 ஆண்டுகள் நிலையாக ஆட்சி செய்த பெருமை சோழர்களையே சாரும். இவர்களது ஆட்சிகாலத்தில் தமிழகம் கட்டடக்கலை, சிற்பக்கலை, ஓவியக்கலை, நிலையான நீர் மேலான்மை திட்டங்கள், உள்ளாட்சிகளுக்கான உறுப்பினர்களை தேர்ந்தெடுப்பதில் வெளிப்படையான தேர்தல் முறை, உள்நாடு மற்றும் வெளிநாட்டு வாணிபத்தில் நேர்மையான அணுகுமுறையால் அந்நியச் செலவாணியை ஈட்டி நிலையான அரசு வருவாயை பெற்றது.

நீதி வழங்குவதில் சமநிலையைப் பின்பற்றியது, இந்திய மன்னர்களிலேயே வலிமையான கப்பற்படையை இவர்கள் வைத்திருந்ததனால் தான் கடல் கொள்ளையர்களின் பயமின்றி தமிழகத்தோடு அணைத்து நாடுகளும் போட்டிபோட்டுக் கொண்டு வாணிபம் செய்ய முடிந்தது என இம்மன்னர்களின் பெருமைகளை சொல்லிக்கொண்டே போகலாம்.  கார்நாடக மாநிலத்தின் தங்கபூமியான கோலாரில் உள்ள கோலார் அம்மன் கோயிலை ஆய்வு செய்த அறிஞர் அண்ணா அரசு கலைக் கல்லூரியின் வரலாற்றுத்துறை பேராசிரியரான முனைவர் ஜெ.ஆர். சிவராமகிருஷ்ணன் தெரிவித்தது:

கர்நாடக மாநிலத்தில் உள்ள கோலார் 8225 சதுர கிலோமீட்டர் பரப்பளவைக் கொண்டு தற்போது தனி மாவட்டமாக விளங்குகிறது. பண்டைய காலத்தில் இந்நகருக்கு குவளாலபுரம் என்பதாகும். கி.பி  350-ல் கங்கமன்னர்களின் வம்சத்தை தோற்றுவித்த கொங்கனிவர்மானால் கோலார் நகரம் நிர்மாணிக்கப்பட்டு பிற்பாடு கங்கமன்னர்களின் தலைநகராக மாற்றம் பெற்றது. கி.பி 10-ஆம் நூற்றாண்டில் முதலாம் இராஜராஜன் கங்கர்களிடமிருந்து கோலார் பகுதியை கைப்பற்றி தனது காலனி யாதிக்கத்தின் கீழ் கொண்டு வந்தான். கோலார் அம்மன் கோயிலில் உள்ள இராஜராஜனின் 12 – 22 ஆம் ஆட்சியாண்டு கல்வெட்டுக்கள் குவளாலநாடு  ( கோலார் )  நிகரிலிச்சோழ மண்டலத்தில் இருந்ததாகக் குறிப்பிடுகின்றன.

மேலும் இக்கோயிலில் பணிபுரியும் சிவபிராமணர்களுக்கு அரியூர் என்ற கிராமத்தை தேவதானமாகவும் வழங்கியுள்ளான். குறிப்பாக கோலார் நகர் கர்நாடகாவின் தென்கிழக்குப் பகுதியில் அமைந்திருந்த ஒரு சிறப்புற்ற நகராகும். இதனைப்பிடிப்பதினால் வடகர்நாடக பகுதிகளை தமது காலனியாதிக்கத்தின் கீழ் கொண்டு வருவது மிக எளிதாகும். மேலும் நுளம்பர்கள், மேலைச் சாளுக்கியர்கள், இராஷ்டிர கூடர்கள், கீழைச் சாளுக்கியர்கள் போன்றவர்களின்  நாடுகளை தங்களது காலனியாதிக்கதின் கீழ் கொண்டுவருவது மிக எளிதாகும் என்பதை இராஜராஜன் கருதியதாலேயே கங்கர்களிடமிருந்து முதலில் கோலார் நகரை கைப்பற்றினான். கங்கர்களிடமிருந்து தாம் கைப்பற்றிய கோலார் சோழ நிலைப்படையொன்றின் முக்கிய கேந்திரமாக மாற்றப்பட்டது. குறிப்பாக  கோலார் நகரை சோழர்கள் தங்கள் ஆதிக்கத்தின் கீழ் நீண்ட நாட்கள் வைத்திருந்தமைக்கு பிரதான காரணமே அது தங்க பூமி என்பதாலேயே என்கின்றனர் சில வரலாற்று அறிஞர்கள். குவலம் போற்றும் கோலார் அம்மன் கோயில் கோலார் நகருக்கு பெருமை சேர்பதாக இருப்பது முதலாம் இராஜராஜன் மற்றும் அவனது மகன் முதலாம் இராஜேந்திரன் ஆகியோர் கட்டிய உலகப் புகழ்பெற்ற கோலார் அம்மன் கோயிலாகும்.

இக்கோயில் தற்போது பிற்கால சோழர்களின் காலனியாதிக்கக் கலைப்பாணிக்கு மிகச் சிறந்த எடுத்துக்காட்டாகும். இங்கு இரண்டு கோயில்கள் உள்ளன. இரண்டுமே சப்த மாதர்களுக்காக முதலாம் இராஜராஜன் மற்றும் அவனது மகன் முதலாம் இராஜேந்திரனால் கட்டப்பட்டவை. குறிப்பாக போரில் வெற்றியை பெற்றுத்தரும் கடவுள்களான சப்த மாதர்களுக்காக (சாமுண்டி) இக்கோயில் கட்டப்பட்டதாகும். இக் கோயிலில் 17 கல்வெட்டுக்கள் சோழர் காலத்தவை. அதில் முதலாம் இராஜேந்திர சோழனின் 22 ஆம் ஆட்சியாண்டு கல்வெட்டில் இவனது தளபதிகளில் ஒருவரான உத்தமசோழன் பிரம்மமாராயன் என்பவன் செங்கல் கோயிலாக இருந்த கோலாரம்மன் கோயிலை கற்றளியாக மாற்றியதைக் குறிப்பிடுகிறது. போர்க்கள காட்சியின் சிற்ப தொகுப்பு: கோலார் அம்மன் கோயில் ஒரு சிறந்த சிற்ப கருவூலமாக விளங்குகிறது.

குறிப்பாக இக்கோயிலின் முதல் பிரகாரத்தின் நுழைவாயிலின் வடக்கு பகுதி மண்டபத்தில் சுமார் ஐந்து அடி, உயரமும் நான்கு அடி அகலமும் கொண்ட கற்பலகையில் இரு நாட்டு வீரர்கள் போர்க்களத்தில் நேருக்கு நேர் மோதிக்கொள்ளும் நேரடிக் காட்சி அப்படியே சிற்பமாக்கப் பட்டுள்ளது. சிற்ப தொகுப்பின் மேற்புறம் அரசன் போர்க்களம் புறப்படும் காட்சியும். பிறகு போர்களத்தில் தங்கியிருக்கும் காட்சியில் ஆடல் மகளிர் நடனம்புரியும் காட்சியும் உள்ளன. மறுநாள் போர் ஆரம்பம்
இரு தரப்பு வீரர்களும் நேருக்கு நேராக மோதிக்கொள்ளும் போர்களக் காட்சிகள் காட்டப்பட்டுள்ளன. மேலும் யானை ஒன்று போர்க்களத்தில் எதிரி படையினரை நோக்கி வேகமாக தாக்குதல் நடத்த ஓடிவரும் காட்சி பார்ப்பவரை மிரளவைக்கிறது. அதைத் தொடர்ந்து குதிரை வீரனின் வாள் வீச்சில் எதிரி வீரன் ஒருவனின் தலை துண்டிக்கப்பட்டு தலை வேறு உடல் வேறாக கிடக்கும் கட்சியில் போரின் உக்கிரத்தை காண முடிகிறது. மேலும் குதிரையின் காலடியில் வீரன் ஒருவனின் உடல் இரண்டாக வெட்டப்பட்டு கிடக்கும் காட்சி பார்ப்பவருக்கு மிரட்சியை ஏற்படுத்துவதாக உள்ளது. சிற்பத் தொகுப்பின் கீழ் பகுதியில் போரில் இறந்த வீரர்களின் உடல்களை கழுகு கொத்தி தின்னுவது போன்றும், நரியொன்று இறந்த வீரனொருவனின் உடலில் இருந்து சதைகளை பிய்த்து தின்னுவது போன்ற சிற்பங்களில் போரின் கொடூரத்தை உணரமுடிகிறது.

மொத்தத்தில் இந்த சிற்பத்தை பார்ப்பவர்களுக்கு கி.பி. 10 – 11 ஆம் நூற்றாண்டு போர்களத்திற்கே நம்மை கூட்டி செல்வது போன்ற உணர்வை ஏற்படுத்துவதாக உள்ளது. மேலும் தென்னிந்தியாவில் ஒரு போர்க் களத்தின் நேரடி காட்சியைத் தத்துருபமாக வடிக்கப்பட்டுள்ள முதல் சிறப்பத் தொகுப்பு அனேகமாக இதுவாகத்தான் இருக்கமுடியும். சாதாரண கற்பலகையில் போர்க்கள சிற்பங்களுக்கு உயிரோட்டத்தை தந்து சிறந்த காட்சி ஊடகமாக மக்களுக்கு படைத்த சிற்பியின் உளி வன்மை போற்றத்தக்கதாக உள்ளது.

இக்கோவிலில் உள்ள மஹிஷாசுரமர்த்தினியை இங்குள்ள மக்கள் கோலாரம்மனாக வழிபடுகிறார்கள். இந்த அம்மன் எட்டு கைகளைக் கொண்டு காட்சியளிக்கிறார். இவரை நேரடியாக தரிசிக்காமல், அம்மனுக்கு எதிரே கண்ணாடி வைக்கப்பட்டி அதில் தெரியும் அம்மனுடைய பிரதிபலிப்பை பக்தர்கள் பார்த்து தரிசித்துவிட்டு செல்கின்றனர். ஏனெனில், கோலரம்மனின் சக்தியை நேரடியாக மக்களால் எதிர்க்கொள்ள முடியாது என்று சொல்லப்படுகிறது.

செவ்வாய் மற்றும் வெள்ளிக்கிழமைகளில் நடைபெறும் சிறப்பு பூஜையன்றே பக்தக்கள் கோவிலுக்கு வருகை தருகின்றனர். இக்கோவிலின் நடுவிலே 'சப்த மாத்ரிக்கள்' என்று சொல்லப்படும் ஏழு பெண் தெய்வங்கள் வைக்கப்பட்டுள்ளனர்.

கோலரம்மன், செல்லம்மா, சப்த மாத்ரிக்கள் மிகவும் உக்கிரமான தோற்றத்தில் தரிசனம் தருகிறார்கள். அதனால், பக்தர்கள் உன்னிப்பாக கவனிக்கும்போது பயம் ஏற்படலாம் என்று சொல்லப்படுகிறது. இந்த கோவிலின் தனித்துவத்தை உணர ஒருமுறை இங்கு சென்று தரிசித்துவிட்டு வருவது சிறப்பாகும்.

இந்த கோயிலுக்கு பக்தர்கள் மற்றும் கட்டிடக்கலை ஆர்வலர்கள் அடிக்கடி வருகிறார்கள். மார்ச் முதல் ஏப்ரல் வரையிலான காலம் இங்கு வருவதற்கு ஏற்றது. அந்த மாதங்களில் பிரபலமான தேர் திருவிழா கொண்டாடப்படுகிறது.

ஓம் நமசிவாய 
படித்து பகிர்ந்தது
 இரா இளங்கோவன் 
நெல்லிக்குப்பம். 

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...