Wednesday, December 24, 2025

உலகில் இரண்டாவது மிகப்பெரிய கோயில் ஸ்ரீரங்கம்.

திருச்சி, ஸ்ரீரங்கம் ரங்கநாதர் கோயில், ‘பூலோக வைகுண்டம்' என்ற பெருமை பெற்றது.

வைணவர்களின் 108 வைணவ திருத்தலங்களில் தலைமைச் செயலகம் போல் செயல்படுகின்றது.

* பன்னிரு ஆழ்வார்களில் 11 ஆழ்வார்கள், 'மங்களாசாசனம்' பெற்று பாடிய திருத்தலமாகும். 108 வைணவத் திருத்தலங்களில் இரண்டு திருத்தலங்கள், பூமியில் இல்லை. ஒன்று பரமபதம். மற்றொன்று திருப்பாற்கடல்.

* இந்தியாவிலேயே ஸ்ரீரங்கம் கோயில்தான் ஏழு பிரகாரங்களுடன் கோயில் அமைக்கப்பட்டுள்ளது. கோயிலைச் சுற்றி 21 கோபுரங்கள் உள்ளன.🕉️ ஸ்ரீரங்கம் கோயில் – உலகை ஆச்சரியத்தில் ஆழ்த்தும் மர்மங்கள்

உலகில் இரண்டாவது மிகப்பெரிய கோயிலாகவும் கருதப்படுகிறது.

இந்த கோயில் பல அதிர்ஷ்ட மர்மங்களை கொண்டுள்ளது.

வளரும் நெற்குதிர்கள்

சக்கரத்தாழ்வார் சன்னிதிக்கு அருகில்

20 அடி விட்டம் × 30 அடி உயரம் கொண்ட நெற்குதிர்கள்.

ஆயிரம் ஆண்டுகளுக்கு மேலான பழமையுள்ள வட்ட வடிவ நெல் சேமிப்பு கிடங்கில் 1500 டன் நெல் சேமிக்க முடியும்.

அதிசயம்: எந்த காலத்திலும் நெல் குறையவில்லை; எவ்வளவு கொட்டினாலும் நெல் சேமிப்பு சக்தி ஒரேபோல் தொடர்கிறது.

 அசையும் கொடிமரம்

பல கோயில்களில் கொடிமரங்கள் நிலைத்திருக்கும்.

ஆனால் ரங்க விலாஸ் மண்டபத்தில் இருக்கும் கொடிமரம் வணங்கி மேலே பார்த்தால் அசையுது போல தோன்றும்.

கற்பனைப்படி, இதன் வழியாக வேண்டிய விசயம் நிறைவேறும் என்று சொல்கிறார்கள்.

ஸ்ரீராமானுஜர் திருமேனி

ஸ்ரீ ராமானுஜர் 120 வயதில் பரமபதம் எய்தினார்.

வைணவ வழக்கப்படி உடலை எரியூட்டாமல், வசந்த மண்டபத்தில் சமாதியில் அமர்த்தினர்.

உடல் பச்சைக் கற்பூரம் + குங்கும கலவையில் மூடப்பட்டதால், 900 ஆண்டுகளுக்கு மேல் இன்றும் காட்சி தருகிறது.

தேயும் செருப்புகள்

பள்ளிகொண்ட பெருமாளின் செருப்புகள் திருக்கொட்டாரம் பகுதியில் தூணில் மாட்டி வைக்கப்படுகின்றன.

இரண்டு செருப்பும் தனித்தனியாக செய்யப்படுவதாலும், அதிசயம்: ஒரே மாதிரியே உருவாகின்றன.

பெருமாளின் கண்கள்

ரங்கநாதரின் கண்கள் வைரங்களால் உருவானவை என்றும்,

ஆங்கிலேயர் காலத்தில் திருடப்பட்டதாக சொல்லப்படுகிறது.

விபீஷணர் தரப்பட்டது என்பது ஒரு ஐதீகம்.

ஐந்து குழி, மூன்று வாசல்

தாயார் சன்னிதிக்கு அருகில்

ஐந்து குழி + மூன்று வாசல் உள்ளது.

ஐந்து குழிகளில் ஐந்து விரல்கள் மூலம் பரமபத வாசல் தெரியும்.

மூன்று வாசல் → பிரம்ம ஞானத்தை குறிக்கும்.

 தெரிந்த சிறப்புகள்

வருடத்தில் 322 நாட்கள் திருவிழா நடைபெறும் ஒரே கோயில்.

2017ல் யுனெஸ்கோ விருது பெற்றது.

ஓம் நமசிவாய

 படித்து பகிர்ந்தது 

இரா இளங்கோவன் 

நெல்லிக்குப்பம். 

குன்றத்தூர் சுப்பிரமணியரை வணங்குவதால் திருமண தடை நீங்கும்.

சென்னையின் புறநகர் பகுதியான காஞ்சிபுரம் மாவட்டத்தில் அமைந்துள்ள குன்றத்தூர் அருள்மிகு சுப்பிரமணிய சுவாமி திருக்கோவில், பல ஆன்மீக மற்றும் வரலாற்றுச் சிறப்புகளைக் கொண்டது. 
1. தல வரலாறு மற்றும் புராணக் கதை
           பயண வழித் தடம்: சூரபத்மனை வதம் செய்த பிறகு, திருப்போரூரிலிருந்து திருத்தணிக்குச் செல்லும் வழியில் முருகப்பெருமான் இந்தக் குன்றில் தங்கி ஓய்வெடுத்ததாகக் கூறப்படுகிறது.

            சிவலிங்க வழிபாடு: இங்கு தங்கியிருந்தபோது, முருகப்பெருமான் ஒரு சிவலிங்கத்தை நிறுவி வழிபட்டார். அவர் வழிபட்ட அந்த ஈஸ்வரன், மலையடிவாரத்தில் கந்தழீஸ்வரர் என்ற பெயரில் தனி சன்னதியில் அருள்பாலிக்கிறார்.

           கோயில் அமைப்பு: 12-ஆம் நூற்றாண்டில், சோழ மன்னன் இரண்டாம் குலோத்துங்க சோழனால் இந்தக் கோயில் கட்டப்பட்டது. பெரியபுராணம் இயற்றிய சேக்கிழார் பெருமான் பிறந்த ஊரும் இதுவே ஆகும்; அவர் இம்மன்னனின் அமைச்சராக இருந்தவர். 

2. கோயிலின் சுவாரஸ்யமான சிறப்புகள்
            வடக்கு நோக்கிய முருகன்: தமிழகத்திலேயே முருகப்பெருமான் வடக்கு நோக்கி (திருத்தணி திசை நோக்கி) காட்சியளிக்கும் ஒரே கோயில் இதுதான். இதனால் இத்தலம் 'தென் தணிகை' என்றும் அழைக்கப்படுகிறது.

            ஒரு நேரத்தில் ஒரு தேவி: கருவறையில் முருகன் வள்ளி மற்றும் தெய்வானையுடன் இருந்தாலும், ஒரு பக்கத்திலிருந்து பார்த்தால் வள்ளியுடனும், மறுபக்கத்திலிருந்து பார்த்தால் தெய்வானையுடனும் மட்டுமே காட்சியளிப்பார். 

            முருகப்பெருமான் கருவறை கோஷ்டத்தில் தட்சிணாமூர்த்தி, விஷ்ணு துர்க்கை ஆகிய மூர்த்தங்கள் உள்ளன. கோவிலின் பிரகாரத்தில் காசி விசுவநாதர், விசாலாட்சி, பைரவர், நாகர், நவக்கிரக சன்னிதிகள் ஆகியவை அமைந்துள்ளன.மண்டபத்தின் ஓரத்தில் உள்ள அரசமரத்தின் அடியில் நாகலிங்கேஸ்வரர் சந்நிதி உள்ளது.

           படி அமைப்பு: இக்கோயில் ஒரு சிறிய குன்றின் மேல் அமைந்துள்ளது. உச்சியை அடைய 84 படிகள் உள்ளன. இருப்பினும், முதியவர்கள் மற்றும் மாற்றுத்திறனாளிகளுக்காக வாகனங்கள் நேரடியாக மலை உச்சிக்குச் செல்லும் வசதியும் உள்ளது. 

3. தரிசன நேரம் மற்றும் அமைவிடம்
           தரிசன நேரம் (தினசரி):
காலை: 6:00 AM – 1:00 PM
மாலை: 3:30 PM – 8:30 PM(விசேஷ நாட்களில் மற்றும் திருவிழா காலங்களில் நேரம் மாறுபடலாம்) 

அமைவிடம்:
         🚩முகவரி: அருள்மிகு சுப்பிரமணிய சுவாமி திருக்கோவில், குன்றத்தூர், சென்னை - 600069.

         ↔️செல்லும் வழி: சென்னை பல்லாவரத்திலிருந்து சுமார் 8 கி.மீ தொலைவிலும், பூந்தமல்லியிலிருந்து 10 கி.மீ தொலைவிலும் இக்கோயில் அமைந்துள்ளது. 
         
         குன்றத்தூர் சுப்பிரமணியரை வணங்குவதால் திருமண தடை நீங்கும். குழந்தை பேறு உண்டு. நிச்சயம் நல்லதே நடக்கும்.
 ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

Tuesday, December 23, 2025

ஶ்ரீமுஷ்ணம் பூவராகப்பெருமாள்

ஶ்ரீமுஷ்ணம்  
பூவராகப்பெருமாள்
திருப்பதி - திருமலையில் ஏழுமலையானைத் தரிசிக்கும் முன்பு, அவருக்குக் கோவில் கொண்டு எழுந்தருள இடமளித்த சந்திர புஷ்கரணி என்னும் திருக்குளம் அருகில் தனிக் கோவிலில் நின்றருள் புரியும் ஆதிவராகப் பெருமாளைச் சேவிக்க வேண்டுமென்று சொல்வார்கள்.

திருமாலின் பத்து அவதாரத்தில் வராக அவதாரம் சிறப்பு மிக்கது. இவரே பூவராக மூர்த்தியாகக் காட்சி தருகிறார்.

வராக அவதாரத்துடன் நெருங்கிய தொடர்பு கொண்டது ஸ்ரீமுஷ்ணம் திருத்தலம். இந்த ஆலயம் திருமுட்டம் என்றும் அழைக்கப்படுகிறது. கடலூர் மாவட்டம் காட்டுமன்னார் கோவில் வட்டத்தில் அணைக்கரை - மீன்சுருட்டியில் இருந்து சேத்தியாத்தோப்பு வழியே வடலூர் செல்லும் சென்னை நெடுஞ்சாலையில் சோழதரம் என்றொரு ஊர் வரும். அங்கிருந்து சுமார் 12 கிலோமீட்டர் துரத்தில் விருத்தாசலம் செல்லும் சாலையில் அமைந்துள்ள ஊர் தான் ஸ்ரீ முஷ்ணம்.

பூவராகப் பெருமாள் :
நெடிந்துயர்ந்து மேற்கு நோக்கிய ஏழு நிலைகளுடன் ஒன்பது கலசங்களுடன் வண்ணமயமான ராஜகோபுரம் இந்த ஆலயத்தை அலங்கரிக்கிறது. அதனைக் கடந்து உள்ளே சென்றால் சிற்ப அழகு மிளிரும் கருங்கல் தூண்களுடன் பெரிய ஆயிரங்கால் மண்டபம் உள்ளது. அங்குள்ள கருடாழ்வாரை தரிசித்து விட்டு உள்ளே சென்றால், மூலவரின் கருவறையை தரிசனம் செய்யலாம். கருவறையின் முன்பாக ஜெய, விஜயர்கள் துவாரபாலகர்களாக வீற்றிருந்து அருள்பாலிக்கின்றனர். கருவறையின் உள்ளே பூவராக மூர்த்தி வீற்றிருந்து சேவை சாதிக்கிறார். இவர் வீற்றிருக்கும் விமானம், ‘பாவன விமானம்’ என்று அழைக்கப்படுகிறது.

திருமலை, காஞ்சி, திருக்கோவிலூர், ஒப்பிலியப்பன் கோவில் போன்ற தலங்களில் நெடுமாலாகக் காட்சி தருபவர் இங்கே சிறிய மூர்த்தியாக அருள்கிறார். மூர்த்தி தான் சிறியது... ஆனால் கீர்த்தி மிகப்பெரியது.

அவரின் தோற்றம் கொள்ளை அழகு. மேற்கு நோக்கியபடி வராகரின் திருமேனி இருந்தாலும், அவரது முகம் தெற்கு பார்த்து இருக்கிறது. வழக்கமாகச் சங்கு, சக்கரம் ஏந்தி நான்கு திருக்கரங்களுடன் காட்சி தரும் மகாவிஷ்ணு, இங்கு வராக மூர்த்தியாக இரண்டு கரங்களுடன், அதுவும் இடுப்பில் கையை வைத்தபடி எழிலான தோற்றத்துடன் காணப்படுகிறார். அவருடன் ஸ்ரீதேவி, பூதேவி தாயார் இருப்பது மேலும் சிறப்பானதாகும். இங்குள்ள மூலவரின் திருமேனி, முழுவதும் சாளக் கிராமத்தினால் ஆனது. எனவே தினமும் திருமஞ்சனம் (அபிஷேகம்) செய்யப்படு கிறது.

பிரம்மன் யாகத்தில் இருந்து தோன்றியதால் ‘யக்ஞவராகர்’ என்ற பெயருடன் உற்சவர் திகழ்கிறார். இவருடன் திரு மகள், நிலமகள் ஆகியோர் உடனிருந்து பேரருள் புரிகின்றனர்.

வட இந்தியாவில், சாளக்கிராமம், புஷ்கரம், நைமிசாரண்யம், பத்திரிகாச்ரமம், தென்னகத்தில் திருவரங்கம், திருப்பதி, வானமாமலை போல் ஸ்ரீமுஷ்ணத்தில் மும்மூர்த்தியும் தானே என்ற நிலையில் சுயம்பு மூர்த்தியாக திகழ்ந்து பெருமை சேர்க்கிறார்.

ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

அதிசயம் தினமும் 5 முறை நிறம் மாறும் திருநல்லூர் ஈசன்.

 அறிவியலால் விளக்க முடியாத ஆன்மீக அதிசயம்: 5 முறை நிறம் மாறும் திருநல்லூர் ஈசன்! 
கும்பகோணம் அருகே உள்ள திருநல்லூர் பஞ்சவர்ணேஸ்வரர் திருக்கோயில் வெறும் கோயில் மட்டுமல்ல; அது ஒரு வாழ்நாள் அனுபவம்! இத்தலத்தின் சிறப்புகளைப் படிக்கப் படிக்க உங்களுக்கே வியப்பு மேலிடும். 

 1. ஐந்து வர்ணங்களில் ஜொலிக்கும் லிங்கம் (The Miracle of Colors): இங்குள்ள மூலவர் சிவலிங்கம் ஒரு நாளைக்கு ஐந்து முறை நிறம் மாறுகிறார். 🔹 காலை 6:00 - 8:24 : தாமிர நிறம் 🔹 காலை 8:24 - 10:48 : இளம் சிவப்பு நிறம் 🔹 காலை 10:48 - 1:12 : தங்க நிறம் 🔹 மதியம் 1:12 - 3:36 : நவரத்தின பச்சை நிறம் 🔹 மாலை 3:36 - 6:00 : இன்ன நிறமெனக் கூற முடியாத வர்ணம்! இப்படி ஐந்து வண்ணங்களில் காட்சி தருவதால் தான் சுவாமிக்கு 'பஞ்சவர்ணேஸ்வரர்' என்று பெயர். உதங்க முனிவருக்கு இறைவன் இந்த 5 வண்ணக் காட்சிகளைத் தந்தருளியதாக வரலாறு கூறுகிறது.

 2. மகம் நட்சத்திரக்காரர்களின் பரிகாரத் தலம் (Magam Nakshatra Special): பாண்டவர்களின் தாயான குந்தி தேவி மகம் நட்சத்திரத்தில் பிறந்தவர். தனது தோஷங்கள் நீங்க நாரதரிடம் வழி கேட்டபோது, அவர் பரிந்துரைத்த தலம் இதுவே. குந்தி தேவிக்காக நாரதர் ஏழு கடல்களின் நீரையும் இத்தலக் குளத்தில் வரவழைத்தார். இன்று அந்தத் தீர்த்தம் 'சப்தசாகரம்' என்று அழைக்கப்படுகிறது.  பலன்: மகம் நட்சத்திரத்தில் பிறந்தவர்கள் இத்தலக் குளத்தில் நீராடி இறைவனை வழிபட்டால், பிதுர் தோஷங்கள் நீங்கி, குலம் தழைக்கும்.

3. அப்பர் பெருமானுக்கு திருவடி தீட்சை: சைவ சமயக் குரவர்களில் ஒருவரான திருநாவுக்கரசர் (அப்பர்) மீது ஈசன் பெரும் கருணை காட்டிய தலம் இது. "உமது திருவடி என் தலைமேல் பட வேண்டும்" என வேண்டிய அப்பருக்கு, இத்தலத்தில் தான் இறைவன் தனது திருவடியை அவர் தலை மேல் சூட்டி 'திருவடி தீட்சை' வழங்கினார். இன்றும் இக்கோயிலில் பக்தர்களுக்குச் சடாரி சாற்றுவது போல 'சிவன் திருவடி' தலையில் வைக்கப்படுகிறது.

 4. தராசில் ஏறிய அமரநீதி நாயனார்: 63 நாயன்மார்களில் ஒருவரான அமரநீதி நாயனார், இறைவனின் லீலையினால் ஒரு சிறு கௌபீனத்தின் (ஆடை) எடைக்கு ஈடாகத் தனது மொத்தச் செல்வத்தையும், இறுதியில் தன் மனைவியுடன் தானும் தராசுத் தட்டில் ஏறி நின்று முக்தி பெற்ற வரலாற்றுத் தலம் இதுவே.

 5. கட்டிடக்கலை அதிசயம் - மாடக்கோயில்: சோழ மன்னன் கோச்செங்கட் சோழன் கட்டிய 70 மாடக்கோயில்களில் இதுவும் ஒன்று. யானைகள் கருவறைக்குள் நுழைய முடியாதபடி மிக உயரமான மேடையில் கருவறை அமையப் பெற்றுள்ளது. சிவபெருமான் திருமணக் கோலத்தில் காட்சி தந்த தலம் என்பதால், லிங்கத்திற்குப் பின்னால் சிவன்-பார்வதி திருமணக் கோலத்தைச் சிலையாகக் காணலாம்.

 வழிபாட்டுப் பலன்கள்: திருமணத் தடை உள்ளவர்கள் சுவாமிக்கு வஸ்திரம் சாத்தி வழிபட்டால் விரைவில் சுபகாரியம் நடக்கும். 
கருவுற்ற பெண்கள் சுகப்பிரசவம் வேண்டி இங்குள்ள கிரிசுந்தரி அம்பாளை வழிபடுகின்றனர்.  ராகு-கேது தோஷம் உள்ளவர்களும் இத்தலத்திற்கு வந்து வழிபடுவது விசேஷம்.

 அமைவிடம்: கும்பகோணத்தில் இருந்து சுமார் 15 கி.மீ தொலைவில் பாபநாசம் அருகே இத்தலம் அமைந்துள்ளது.

உங்கள் நண்பர்களுக்கும், உறவினர்களுக்கும் இந்த அரிய தகவல்களைப் பகிருங்கள். ஒரு முறையாவது இந்த 'நிறம் மாறும் ஈசனை' தரிசிக்கத் வாருங்கள். 

Monday, December 22, 2025

குற்றால நாதர் தைலத்தின் மருத்துவ மற்றும் ஆன்மீக மகிமை

லிங்கத்தின் மீது பூசப்படும் தைலம் - அருமருந்தாக மாறும் அருட்பிரசாதம்.
ஆன்மீகமும் மருத்துவமும் கைகோர்க்கும் அற்புதத் தலமாகத் திகழ்கிறது குற்றாலம். 
இங்குள்ள குற்றாலநாதர் திருக்கோயிலில் வழங்கப்படும் 'தைலம்' வெறும் பிரசாதம் மட்டுமல்ல, அது பக்தர்களின் நம்பிக்கையோடு கலந்த ஒரு 'அருமருந்து'.

புராணப் பின்னணி: 

அகத்தியரின் கைவண்ணம்

சிவபெருமானின் திருமணத்தின் போது உலகைச் சமநிலைப்படுத்த அகத்திய முனிவர் தென்திசை வந்தார். 

குற்றாலத்தில் விஷ்ணு ரூபமாக இருந்த சிலையினை, சிவலிங்கமாக மாற்ற முனிவர் அதன் தலையில் கை வைத்து அழுத்தியதாக வரலாறு கூறுகிறது. 

அகத்தியர் அழுத்திய அந்த அழுத்தத்தினால் இறைவனின் திருமுடியில் ஏற்பட்ட வலியைக் குறைக்க, முனிவரே மூலிகைகளைக் கொண்டு தைலம் தயாரித்துச் சாத்தியதாகச் சொல்லப்படுகிறது. அந்த மரபு இன்றும் தொடர்கிறது.

தைலத்தின் மருத்துவ மற்றும் ஆன்மீக மகிமை

 தலைவலி நீக்கும் மருந்து: தீராத தலைவலி, ஒற்றைத் தலைவலி (Migraine) உள்ளவர்கள் இக்கோயிலுக்கு வந்து குற்றாலநாதரை வழிபட்டு, இந்தத் தைலப் பிரசாதத்தைப் பெற்றுச் செல்கின்றனர். 

இதைத் தலையில் தேய்த்துக் கொண்டால் தலைவலி நீங்குவது பக்தர்களின் அனுபவ ரீதியான உண்மை.

 அதிசய அபிஷேகம்: 

42 நாட்களுக்கு ஒருமுறை அல்லது குறிப்பிட்ட கால இடைவெளிகளில் இறைவனுக்குத் தைலக் காப்பு சாத்தப்படுகிறது. இந்தத் தைலம் பல அரிய மூலிகைகளைக் கொண்டு தயாரிக்கப்படுகிறது.

 அருளே மருந்து: 

மருத்துவர்களால் கைவிடப்பட்ட பல நோய்கள், குறிப்பாகத் தலை சம்பந்தப்பட்ட நோய்கள் இத்தலத்துத் தைலத்தால் குணமாவதாக நம்பப்படுகிறது.

தரிசிக்க வேண்டிய பிற சிறப்புகள்

  குறும்பலா மர அதிசயம்: இக்கோயிலின் தல விருட்சமான பலா மரத்தில் காய்க்கும் பலாச்சுளைகள் லிங்க வடிவில் இருப்பது ஒரு அதிசயம்.

 இரண்டு அம்மன் சன்னதிகள்: குழல்வாய்மொழி அம்மை மற்றும் பராசக்தி (சக்தி பீடம்) என இரண்டு அம்மன் சன்னதிகள் இங்குள்ளன.

நடை திறந்திருக்கும் நேரம்:

  காலை: 06:00 மணி முதல் மதியம் 12:00 மணி வரை.

  மாலை: 04:30 மணி முதல் இரவு 08:00 மணி வரை.

முகவரி

அருள்மிகு குற்றாலநாத சுவாமி திருக்கோயில்

குற்றாலம் - 627 802.

தென்காசி மாவட்டம் (முன்பு திருநெல்வேலி மாவட்டம்),

ஓம் நமசிவாய 
படித்து பகிர்ந்தது 
இரா இளங்கோவன் 
நெல்லிக்குப்பம். 

Sunday, December 21, 2025

அருள்மிகு எழுத்தறிநாதர் திருக்கோயில், இன்னாம்பர், இன்னாம்பர் அஞ்சல், கும்பகோணம் வட்டம், தஞ்சாவூர்

திருஇன்னம்பர் : காவிரியின் வடகரையிலுள்ள இத்தலம் ஒரு பாஸ்கர ஷேத்திரமாக விளங்குகிறது. அம்பர் என்றால் ஆகாயத்தைக் குறிக்கும். ஆகாயத்தில் வலம் வரும் சூரியன் இழந்த தன் ஆற்றலைப் பெற வேண்டி இத்தல இறைவனை பூஜித்துள்ளான். சூரியன் பூஜித்ததால் இத்தலம் இன்னம்பர் என்று பெயர் பெற்றது. பங்குனி மாதம் 13, 14, 15 தேதிகளில் சூரிய ஒளி காலையில் சிவலிங்கத் திருமேனி மீது படுகின்றது. இதனை சூரியபூஜை என்று கொண்டாடுகின்றனர்.

இறைவர் : ஸ்ரீ எழுத்தறிநாதர்

இறைவியார் : ஸ்ரீ கொந்தார் பூங்குழலி
அகஸ்திய முனிவர் இத்தல இறைவனிடம் தமிழ் இலக்கணம் பயின்றதாக தல புராணம் கூறுகிறது. மேலும் இப்பகுதியை ஆண்டு வந்த மன்னனிடம் கணக்கராக பணியாற்றி வந்தார் சுதஸ்மன் என்ற ஆதிசைவர். கோவில் கட்டுமானப் பணிகளை மேற்பார்வை செய்து வந்த இவரிடம் ஒரு முறை அரசன் வரவு செலவு கணக்குகளைப் பற்றி விசாரித்தான். அரசரிடம் கணக்கை ஒப்படைத்தார் சுதஸ்மன். கணக்கில் அரசருக்கு ஐயம் ஏற்பட்டது. தன் மீது வீண் பழி வருமோ என்று கவலைப்பட்ட சுதஸ்மன் இத்தல இறைவனிடம் வேண்டினார். ஈசன் சுதஸ்மன் உருவில் மன்னரிடம் சென்று மன்னருக்கு கணக்கில் ஏற்பட்ட ஐயத்தைப் போக்கினார். அதனாலேயே இத்தல இறைவனுக்கு எழுத்தறிநாதர் என்ற பெய்ரும் ஏற்பட்டது. 
🌺"தொழுது தூமலர் தூவித் துதித்து நின்று

அழுது காமுற்று அரற்றுகின்றாரையும்

பொழுது போக்கிப் புறக்கணிப்பாரையும்

எழுதும் கீழ்க்கணக்கு இன்னம்பர் ஈசனே."🌺

——(திருநாவுக்கரசர் தேவாரம் : 05.021.08)


பொருளுரை : தூமலர்களைத் தூவித் தொழுது, துதித்து, நின்று அழுது விருப்புற்று அரற்றுகின்ற மெய்யன்பர்களையும், வாளா பொழுதுபோக்கிப் புறக்கணிப்பார்களையும் கீழ்க்கணக்கெழுதும் இறைவன் இன்னம்பரில் உறையும் ஈசனேயாவன்.

—

ஆலய முகவரி : அருள்மிகு எழுத்தறிநாதர் திருக்கோயில், இன்னாம்பர், இன்னாம்பர் அஞ்சல், கும்பகோணம் வட்டம், தஞ்சாவூர் மாவட்டம், PIN - 612 303.

—

எப்படிப் போவது : கும்பகோணத்தில் இருந்து சுவாமிமலைக்குச் செல்லும் சாலை வழியில் இருக்கும் புளியஞ்சேரி என்னும் ஊருக்கு வடக்கே திருப்புறம்பயம் போகும் வழியில் சுமார் 3 கி.மீ. தூரத்தில் இந்த சிவஸ்தலம் இருக்கிறது. இங்கிருந்து 3 கி.மி. தொலைவில் திருப்புறம்பியம் என்ற பாடல் பெற்ற ஸ்தலம் உள்ளது. கும்பகோணத்தில் இருந்து திருப்புறம்பியம் செல்லும் நகரப் பேருந்துகள் இத்தலம் வழியாக செல்லும்

குறிப்பு : இப்பதிகத்திற்கான சொற்பிரிவு எங்களது முயற்சியில் உருவாக்கப்பட்டுள்ளது. பிழை இருப்பின் எங்களுக்கு தெரியப்படுத்தலாம்.

மேன்மைகொள் சைவநீதி விளங்குக உலகம் எல்லாம்"

ஓம் நமசிவாய
 படித்து பகிர்ந்தது 
இரா இளங்கோவன் 
நெல்லிக்குப்பம். 

திருப்பூந்துருத்தி- புஷ்பவனேஸ்வரர் வீணை தெட்சிணாமூர்த்தி உள்ளது.

தஞ்சாவூருக்கு அருகில் உள்ளது திருப்பூந்துருத்தி. மிகப் பிரமாண்டமான திருத்தலம் இது.
 அஷ்ட வீரட்டான ஸ்தலங்களில் ஒன்றான திருக்கண்டியூர் தலத்தில் இருந்து திருக்காட்டுப்பள்ளி செல்லும் சாலையில், 4 கி.மீ. தொலைவிலும், திருவையாற்றில் இருந்து சுமார் 4 கி.மீ. தொலைவிலும் திருப்பூந்துருத்தி இருக்கிறது.

திருவையாறைத் தலைமை தலமாகக் கொண்டு விளங்கும் சப்த ஸ்தானத் தலங்களில் இத்தலம் ஆறாவது தலமாகும்.

இத்தலத்தின் சிறப்பம்சம் இங்குள்ள வீணாதட்சிணாமூர்த்தி. ஒலி எனும் நாதத்தின் உற்பத்தி ஸ்தானமான நாதப்பிரம்மம் எத்தகையது என கந்தவர்களும், தேவர்களும், நாரதரும் கேட்க... பூந்துருத்திக்கு வருக எனப் பணித்தார் சிவனார்.

ஞான குருவாக எழுந்தருளி வீணையை ஏந்தி மீட்டினார். நாதத்தின் மையத்தோடு அனைவரும் கலந்தனர். இந்தக் கோலம் வேறெங்கும் காணமுடியாத அற்புதம். இசையில் தேர்ச்சிபெற இந்தத் தல தட்சிணாமூர்த்தியை வணங்குவார்கள். 

நாரதருக்கு நாதோபதேசம்:

தட்சிணாமூர்த்தி வீணையேந்தியபடி யோக
நெறியை மேற்கொண்டு, அந்த வீணை நாதத்தில் மனமொருமித்த நிலையில் அருள்கிறார். நாரத முனிவருக்கு நாதோபதேசம் செய்த அருட்கோலம் இது!

சிவபெருமான் மீட்டும் வீணையின் நாதமே உயிர்களுக்கு ஆத்ம ஞானத்தை அளிக்கிறது. இவரை ‘கேய தட்சிணாமூர்த்தி’ என்று உத்தர காமிக ஆகமம் கூறுகிறது.

‘கேயம்’ என்பதற்குப் பாடுதல், இசைக்கருவி வாசித்தல் என்றும் பொருள். இந்த வடிவில் முன் இரண்டு கரங்களும் வீணை மீட்டிக் கொண்டிருக்க, பின்னிரு கரங்களில் அட்ச மாலையும், தீ அகலும் உள் ளன.

இவரது இடது கால், ‘உத்குடிகாசன’ அமைப்பு கொண்டதாக இருக்கும்.

சுகர், நாரதர், கந்தர்வர்கள், கின்னரர்கள் ஆகியோருடன் பிராணிகள், விலங்குகள் மற்றும் பூதங்கள் ஆகியனவும் இவரைச் சூழ்ந்திருக்கும்.

இவர் நின்ற அல்லது அமர்ந்த கோலத்திலோ, முனிவர்களால் சூழப்பட்டோ அல்லது அவர்கள் இல்லாமலோ, முயலகன் மீது கால் பதித்தோ அல்லது பதிக்காமலோ ஆல மரத்தின் கீழோ அல்லது ஆலமரமே இல்லாமலோ காட்சி தருவார்.

திருப்பூந்துருத்தி- புஷ்பவனேஸ்வரர் கோயிலில் உள்ள வீணாதர தட்சிணாமூர்த்தியை அப்பர் சிறப்பித்துப் பாடி இருக்கிறார்.

திருவையாறில் தியாக பிரம்ம இசை விழா நடைபெறும் போது, இங்கே திருப்பூந்துருத்தி திருத்தலத்துக்கு வந்து வீணை தட்சிணாமூர்த்தியை வணங்கி வழிபட்டுச் செல்வார்கள் பக்தர்கள்.

அதேபோல், பங்குனியிலும் சித்திரையிலும் வந்து வணங்கினால், கல்வியிலும் ஞானத்திலும் சிறந்து விளங்கலாம் என்பது ஐதீகம்!

ஓம் நமசிவாய
 படித்து பகிர்ந்தது 
இரா இளங்கோவன் 
நெல்லிக்குப்பம். 

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...