🙏வைரவன்பட்டி வளரொளி நாதர் கோயில் கும்பாபிஷேகம் நாளை 6/2/2022 ஞாயிறு நடைபெற உள்ளது

🙏வைரவன்பட்டி பைரவா போற்றி 

🙏வைரவன்பட்டி வளரொளி நாதர் கோயில் கும்பாபிஷேகம் நாளை 6/2/2022 ஞாயிறு 8 மணி முதல் 9 மணி வரை நடைபெற உள்ளது காரைக்குடி- திருப்பத்தூர் சாலையில், பிள்ளையார்பட்டியில் இருந்து சுமார் 1 கி.மீ. தொலைவில் அமைந்துள்ளது என்.வைரவன்பட்டி திருத்தலம்

அருள்மிகு வைரவர் திருக்கோவில்

வைரவன்பட்டி, சிவகங்கை மாவட்டம்

Vairavanpatti_temple

////வடிவுடை நாயகி யுடனாய

வளரொளி நாதர் திருக்கோயில்

படியினை வணங்கி நின்றாலும்

படரும் வல்லிருள் பறந்தோடும்.!

விடியலின் வெளிச்சம் விரிவடையும் !

வெற்றிகள் நாளும் பெருகிவரும்!

குடிமர மோங்கப் பல்லாண்டு

குவலயம் இதனில் வாழ்வோமே ! “////

சுவாமி : வளரொளிநாதர்(வைரவன்).

அம்பாள் : வடிவுடையம்பாள்.

தீர்த்தம் : வைரவர் தீர்த்தம்.

தலவிருட்சம் : ஏர், அளிஞ்சி.

தலச்சிறப்பு : இத்தலம் சிற்பக்கலையின் சிறப்பை உணர்த்தும் விதமாக ஏழிசைத் தூணுடன் அமைந்துள்ளது.  நகரத்தார்களின் ஒன்பது நகரக் கோவில்களுள் ஒன்றாகும்.

திருத்தல வரலாறு : சிவனைப் போல ஐந்து தலையுடன் இருந்ததால் பிரம்மா, தான் என்ற  அகந்தையுடன் இருந்தார்.  ஒரு முறை பார்வதி தேவி, தனது கணவர் என நினைத்து அவருக்குரிய  மரியாதைகளை, பிரம்மனுக்கு செய்தார்.  பிரம்மனும் மறுப்பு எதுவும் சொல்லாமல் இருந்து  விட்டார்.  பின்பு, அவர் பிரம்மன் என உணர்ந்த பார்வதி, சிவனிடம் பிரம்மனின் செயல் குறித்து  கூறினாள்.  எனவே, சிவன், தனது அம்சமான பைரவரை அனுப்பி பிரம்மாவின் ஒரு தலையை  கிள்ளி எறிந்தார்.  இவரே, இத்தலத்தில் வைரவர் என்ற பெயரில் அருளுகிறார்.

நடைதிறப்பு :  காலை 6.00 மணி முதல்  மதியம் 12.45 மணி வரை, மாலை 4.00 மணி முதல் இரவு  8.45 மணி வரை திறந்திருக்கும்.

திருவிழாக்கள் : சம்பகசூர சஷ்டி, பிள்ளையார் நோன்பு.

அருகிலுள்ள நகரம் : திருப்பத்தூர்.

கோயில் முகவரி : அருள்மிகு வைரவன் சுவாமி திருக்கோவில்,

வைரவன்பட்டி - 630 215, சிவகங்கை மாவட்டம்.

தொலைபேசி எண் : 04577- 264 237.

வியப்பூட்டும் தகவல்

பிரம்மனின் தலை கிள்ளி எறியப்பட்ட தலம்.

செல்லும்வழி

பேருந்து

காரைக்குடி- திருப்பத்தூர் சாலையில், பிள்ளையார்பட்டியில் இருந்து சுமார் 1 கி.மீ. தொலைவில் அமைந்துள்ளது என்.வைரவன்பட்டி திருத்தலம். இங்கே, அருள்மிகு வளரொளி நாதராகக் கோயில்கொண்டிருக்கிறார் ஈசன். சித்தர்களுக்கு ஒளி வடிவாய் காட்சி தந்ததால் இந்த நாமகரணம். இங்கு அருளும் அம்மையின் திருநாமம்- ஸ்ரீவடிவுடைநாயகி.

பாண்டியர்களால் நிர்மாணிக்கப்பட்ட இந்தக்கோயில் நகரத்தார் போற்றிப் பரவும் 9 ஆலயங்களில் முதன்மையானது என்கிறார்கள் செட்டிநாட்டு மக்கள். இந்தக் கோயிலின் சிறப்பம்சம் ஸ்ரீபைரவ தரிசனம். அம்மையப்பனுக்கு அடுத்த பிரதான தெய்வமாக இவரே இங்கு வழிபடப்படுகிறார்.

திருப்பத்தூரில் இருந்து குன்றக்குடி பேருந்துகள் வைரவன்பட்டி வழியாக செல்லும். வைரவன்பட்டி பேருந்து நிறுத்தத்தில் இருந்து நடக்கும் தொலைவில் கோவில் உள்ளது.

பாண்டியர்களால் நிர்மாணிக்கப்பட்ட இந்தக்கோயில் நகரத்தார் போற்றிப் பரவும் 9 ஆலயங்களில் முதன்மையானது என்கிறார்கள் செட்டிநாட்டு மக்கள். இந்தக் கோயிலின் சிறப்பம்சம் ஸ்ரீபைரவ தரிசனம். அம்மையப்பனுக்கு அடுத்த பிரதான தெய்வமாக இவரே இங்கு வழிபடப்படுகிறார்.

தேவாதிதேவர்களாலும் வெல்ல முடியாத வல்லமை பெற்றிருந்தான் சம்பகாசுரன். அவனை, சிவபெருமானின் நெற்றிக் கண்ணில் தோன்றிய ஸ்ரீபைரவ மூர்த்தி வதம் செய்தார். இதை நினைவுகூரும் வகையில் வருடம்தோறும் ஐப்பசி மாதத்தில், சம்பகா சஷ்டி விழா இங்கே கொண்டாடப்படுகிறது. திருக்கோயிலில் ஸ்ரீவளரொளி நாதரும் ஸ்ரீவயிரவரும் அருகருகே சந்நிதி கொண்டுள்ளனர் (ஸ்ரீபைரவரையே வயிரவர், வைரவர் என்றெல்லாம் அழைப்பர்).

பிணி தீர்க்கும் பைரவ தீர்த்தம்!

ஸ்ரீபைரவர் மட்டுமல்ல, அவருக்கான வழிபாடுகளும் இங்கே விசேஷம்தான்! இந்தத் திருத்தலத்துக்குச் சென்று ஸ்ரீபைரவர் சந்நிதிக்கு எதிரே உள்ள பைரவ தீர்த்தத்தில் நீராடி வழிபட்டால் சகல நோய்களும் தீரும் என்பது ஐதீகம். சம்பகாசுரனை வதம் செய்த சூலத்தைக் கழுவுவதற்காக ஸ்ரீபைரவர் உருவாக்கிய தீர்த்தம் இது என்கின்றன புராணங்கள். இதை, அஷ்ட வயிரவ சூல தீர்த்தக் குளம் என்றும் போற்றுகின்றார்கள்.

ஸ்ரீபைரவர் சந்நிதியின் 12 தூண்களும் 12 ராசிகளுக்காகக் கட்டப்பட்டுள்ளன. இவையனைத்தையும் கட்டுப்படுத்தும் மூலவராக ஸ்ரீபைரவர் அருள்கிறார் என்பது ஐதீகம்.

குழந்தை வரம் தரும் தெய்வ விருட்சம்!

தொடர்ந்து 3 புதன்கிழமை (அ) சனிக்கிழமைகள் இந்தக் கோயிலுக்குச் சென்று அஷ்ட வயிரவ சூல தீர்த்தத்தில் நீராடி, ஸ்ரீபைரவரை வழிபட்டு, கோயிலின் பின்புறம் உள்ள ஏறு அழிஞ்சில் மரத்தை வலம் வந்து வணங்க, குழந்தை வரம் கிடைக்கும்; இழந்த பணத்தையும் புகழையும் மீண்டும் பெறலாம் என்கின்றனர். இந்த மரத்தடியில் தியானம் செய்வதை விருட்ச விசேஷம் என்பர்.

இந்த மரத்துக்கு வேறொரு மகத்துவமும் உண்டு. இறைவனால் உருவாக்கப்பட்ட மனிதன் இறந்ததும் மீண்டும் இறைவனால் ஆட்கொள்ளப்படுகிறான் என்பதை உணர்த்தும் விதமாக, ஏறு அழிஞ்சில் மரத்திலிருந்து கீழே விழும் விதைகள் மீண்டும் மரத்திலேயே ஒட்டிக்கொள்கின்றனவாம். மேலும், மாசி மாதத்தில் இந்த மரத்தில் பூக்கும் சூரிய வெண்மை கொண்ட பூக்களைக் காண்பதே புனிதம் என்கிறார்கள்.

தோஷம் போக்கும் துலாபாரம்!

ஸ்ரீபைரவருக்குப் பிடித்தமான உளுந்து, வெல்லம், பச்சரிசி ஆகியவற்றைத் துலாபாரம் செலுத்தி வழிபடுவதால், அஷ்டமத்து சனி, ஏழரைச் சனி, சனி தசை நடைபெறும் அன்பர்கள் சனிக் கிரக பாதிப்புகள் யாவும் நீங்கி நலம் பெறுவர் என்பது நம்பிக்கை.

மேலும், கல்வியில் மந்தமாக உள்ள பிள்ளைகளை இந்தத் தலத்துக்கு அழைத்து வந்து வழிபடச் செய்தால், விரைவில் அவர்களின் கல்வியறிவு மேம்படும்; பாலாரிஷ்ட தோஷம் முதலானவை நீங்கும் என்றும் விவரிக்கிறார்கள் பக்தர்கள்.

இரவில் தங்கி... உச்சிப்பொழுதில் தரிசனம்!

இந்தக் கோயிலின் மற்றுமொரு சிறப்பு ஸ்ரீவடிவுடையம்மன். மற்ற கோயில்களில் உள்ள அம்மன்களைவிட ஸ்ரீவடிவுடையம்மனின் காது பெரிது எனச் சிலாகிக்கிறார்கள். செவ்வாய், வெள்ளிக்கிழமைகளில் இரவு ஸ்ரீவடிவுடையம்மனைப் பிரார்த்தித்து, அங்கேயே தங்கியிருந்து, மறுநாள் உச்சிப் பொழுதில் ஸ்ரீபைரவரை வழிபட, நினைத்த காரியங்கள் இனிதே நிறைவேறும்.

நித்யாக்னி பூஜை!

வளரொளி நாதர் அக்னி சொரூபராக இருப்பதால், வருடத்தின் 365 நாட்களும் இங்கே நித்ய அக்னி பூஜை நடைபெறும். இதில் கலந்து கொண்டு வழிபடுவதால் தீராத பீடைகளும் நோய்களும் நீங்கும். திருமண தோஷங்கள் தவிடுபொடியாகும். அதேபோன்று, அம்மன் சந்நிதிக்கு நேர் பின்புறம் உள்ள இரண்டு பல்லி உருவங்களை வழிபடுவதன் மூலம் பில்லி தோஷங்கள் அகலுமாம். வள்ளி- தெய்வானை தேவியருடன் ஸ்ரீசண்முகநாதராகவும், ஸ்ரீசுப்ரமணியராகவும் இரண்டு சந்நிதிகளில் முருகப்பெருமான் இங்கு அருள்பாலிக்கிறார். ஸ்ரீசண்டீஸ்வரர், ஸ்ரீஆஞ்சநேயர் ஆகியோரையும் இங்கே தரிசிக்கலாம்.

வைரவன்பட்டி வளரொளிநாதர் வடிவுடையம்மன் திருக்கோயில்.

வைரவன்பட்டி வளரொளிநாதர் வடிவுடையம்மன் திருக்கோயில்.

துலாபாரம் கொடுக்கப்படும் சிறப்புக் கோயில்கள் பலவுண்டு. அவற்றில் ஒன்றாக காரைக்குடியின் அருகில் இருக்கும் வைரவன்பட்டியில் இருக்கும் வைரவன் கோயில் திகழ்கின்றது. இதற்கு வைரவர் துலாபாரம் என்று பெயர்.

காரைக்குடியில் இருந்து 15 கிமீ தூரத்தில் உள்ளது இக்கோயில். குன்றக்குடி , பிள்ளையார் பட்டி வழியாக திருப்பத்தூர் செல்லும் சாலையில் சிறிது பிரிந்து செல்லும் உட்சாலையில் அமைந்துள்ளது. ( வழியில், நேமங்கோயில்,  இரணிக்கோயிலுக்குச் செல்லும் சாலையைச் சந்திக்கலாம். )

இக்கோயில் நகரத்தார் கோயில்களுள் ஒன்று. இக்கோயிலின் புஷ்கரணி மிகவும் அழகானது. அந்தக்காலத்திலேயே நீர் சேகரிப்பு முறைப்படி வாய்க்கால் , கால்வாய்களின் மூலம் நீர் வரத்து எப்போதும் இருக்கிறது.

இங்கே கோயில் கோபுரத்தில் கவின்மிகு சிற்பங்கள் கொள்ளை கொள்கின்றன. இக்கோயில் வளவேந்திர ராஜனால் கட்டப்பட்டது என்கிறார்கள்.

இக்கோயிலை பாண்டிய அரசர் கி பி 712 இல் நகரத்தார்களுக்கு வழங்கி இருக்கிறார். இக்கோயிலில் ஏறு அழிஞ்சில் மரம், சங்கு ஊதிக் கருப்பர் ஆகியோரும் விசேஷம்.

சிவன் அரக்கர்களை அழிக்க வைரவர் திருக்கோலம் கொண்டதாகக் கூறப்படுகிறது.

இங்கே வைரவரிடம் வேண்டிக்கொண்டு அரிசி, வெல்லம், சர்க்கரை, உளுந்து இவற்றைத்துலாபாரமாக கொடுத்தால் ஏழரை நாட்டுச் சனி , அஷ்டமத்துச் சனி, சனி புத்தி, சனி அந்தரங்கம், சனியால் ஏற்படும் நோய்கள் அனைத்தும் நிவர்த்தியாகும். மாங்கல்யபாக்கியம், சந்தான பாக்கியம் அனைத்தும் கிட்டும், மேலும் வியாதி நிவர்த்தியாகி ஆயுள் விருத்தி உண்டாகும். மேலும் இந்த துலாபாரம் கொடுப்பது சுதர்சன ஹோமம் செய்வதற்கு உண்டான பலன் கிடைக்கும். என்று எழுதப்பட்டுள்ளது.

பிரகாரத்தில்  இதோ அந்த துலாபாரம்.

மிக அழகான சிற்பங்களும் கொடுங்கைகளும் கூட இக்கோயிலின் அழகு அம்சங்கள். மீனாக்ஷி திருக்கல்யாணம் செதுக்கப்பட்டுள்ள தூணைப் பாருங்கள். அந்த விருட்சம் எவ்வளவு நுட்பமாகச் செய்யப்பட்டுள்ளது.

ஈசனுக்கே கண்ணப்பிய திண்ணப்பர் சிற்பம் வெகு வாஞ்சை . அவரைத் தடுத்தாட்கொள்ளும் ஈசன் அதைவிடப் பரிவு.

கோயில் திருச்சுற்றில் இன்னோரு புறத்திலும் கண்ணப்பரும் திண்ணப்பரும்.

கல்லாலின் புடை அமர்ந்த தட்சிணாமூர்த்தி. இம்மண்டபத்தைச் சிம்மங்கள் தாங்குகின்றன. பெருந்தூணைச் சுற்றியுள்ள சிறுதூண்களும் அவற்றில் நாற்புறமும் கர்ஜிக்கும் சிம்மமும் காந்தமாய்க் கவர்கின்றன.

////வடிவுடை நாயகி யுடனாய

வளரொளி நாதர் திருக்கோயில்

படியினை வணங்கி நின்றாலும்

படரும் வல்லிருள் பறந்தோடும்.!

விடியலின் வெளிச்சம் விரிவடையும் !

வெற்றிகள் நாளும் பெருகிவரும்!

குடிமர மோங்கப் பல்லாண்டு

குவலயம் இதனில் வாழ்வோமே ! “////