Sunday, October 29, 2023

கணக்கன்குடி அருள்மிகு அனலேந்தீஸ்வரர்,தான்தோன்றீஸ்வரர் ஆலயம்.*

◄•───✧ உ ✧───•►

*🙏 இன்றைய கோபுர*
*தரிசனம் 🙏*
*சிவகங்கை மாவட்டம் தமிழ்நாடு கணக்கன்குடி அருள்மிகு அனலேந்தீஸ்வரர்,தான்தோன்றீஸ்வரர் ஆலயம்.*

*கோபுர தரிசனம் - கோடி புண்ணியம்*

*கோபுர தரிசனம் - பாவ விமோசனம்*

*மூலவர்:*

அனலேந்தீஸ்வரர், தான்தோன்றீஸ்வரர்

*அம்மன்/தாயார்:*

அமிர்தவள்ளி, சுந்தரவள்ளி

*பழமை:*

500 வருடங்களுக்குள்

*ஊர்:*

கணக்கன்குடி

*மாவட்டம்:*

சிவகங்கை

*மாநிலம்:*

தமிழ்நாடு

*திருவிழா:*

*திருக்கார்த்திகை சிறப்பாக கொண்டாடப்படுகிறது.*

*தல சிறப்பு:*

*ஆண்டு தோறும் பங்குனி மாதம் 27, 28 தேதிகளில் மூலவர் அனலேந்தீஸ்வரர் மீது சூரிய ஒளி படர்வது சிறப்பு.*

*திறக்கும் நேரம்:*

*காலை 8.30 மணி முதல் 9.30 மணி வரை, மாலை 5 மணி முதல் 6 மணி வரை திறந்திருக்கும்.*

*முகவரி:*

*அருள்மிகு அமிர்தவள்ளி சமேத அனலேந்தீஸ்வரர் திருக்கோயில்,கணக்கன்குடி, மடப்புரம் வழி,சிவகங்கை-630562*
 
*போன்:*

*+91 96266 67644, 90929 14316, 94438 29021*

*பொது தகவல்:*

*இந்து அறநிலையத்துறை கட்டுப்பாட்டின் கீழ் அமிர்தவள்ளி சமேத அனலேந்தீஸ்வரர் ஸ்ரீ சுந்தரவள்ளி சமேத தான்தோன்றீஸ்வரர் கோயில் அமைந்துள்ளது. இத்திருத்தலம் திருப்புவனத்தில் இருந்து ஏழு கி.மீ தொலைவிலும், மடப்புரத்தில் இருந்து 4கி.மீ தொலைவிலும் அமைந்துள்ளது. வள்ளி, தெய்வானையும், முருகப்பெருமானும், முழுமுதற் கடவுள் விநாயகப்பெருமானும், ஞான குருவான தட்சிணாமூர்த்தியும் காட்சியளிக்கின்றனர். மூலவரான ஸ்ரீஅனலேந்தீஸ்வரருக்கு சிவப்பு வஸ்திரமும், ஸ்ரீஅமிர்தவள்ளி தாயாருக்கு பச்சை நிற வஸ்திரமும், ஸ்ரீசுந்தரவள்ளி தாயாருக்கு நீலவஸ்திரமும், சாத்தப்படுகிறது.பிரகாரத்தில் நந்தி, ஸ்ரீதேவி பூதேவி சமேத பெருமாள், லிங்கோத்பவர் அருள்பாலிக்கின்றனர்.*

*பிரார்த்தனை:*

*இங்கு வேதவள்ளி தாயார் ஞான சக்தியாக இருப்பதால் குழந்தை வரம் வேண்டி விரதம் இருந்து பூஜை செய்பவர்களுக்கு அறிவான ஞான குழந்தை பிறக்கும். மூலவர் அனலேந்தீஸ்வரரை வழிபட்டால் அக்னி சம்பந்தமான கொப்புளங்கள், வெடிப்புகள் உள்ளிட்ட நோய்கள் குணமாகும்.*

*நேர்த்திக்கடன்:*

*பிரிந்து வாழும் கணவன்-மனைவியரில் யாராவது ஒருவர் வந்து பூஜை செய்தாலும் மீண்டும் ஒன்று கூடுவார்கள், அதுபோல இழந்த சொத்தை மீட்க சிறப்பு பூஜை செய்தால் உடனடியாக பலன் கிட்டும் என்கின்றனர். வியாழன்தோறும் தட்சிணாமூர்த்திக்கு வில்வம், கொண்ட கடலை மாலை அணிவித்து நெய் விளக்கு ஏற்றி வந்தால் தீராத பல்வேறு பிரச்சனைகள் தீரும்.*

*தலபெருமை:*

*இங்கு அகத்தியர் வழிபட்ட ஸ்தலம் என்றும் இன்றளவும் அகத்தியர் அரூபமாக வந்து வழிபடுகிறார் என்றும் நம்பப்படுகிறது.*

*தல வரலாறு:*

*சிவகங்கை மாவட்டம் திருப்புவனம் அருகே உள்ளது கணக்கன்குடி கிராமம். தென்தமிழகத்தின் திருவண்ணாமலை என போற்றப்படும் அனலேந்தீஸ்வரர் கோயில் இங்கு அமைந்துள்ளது. பஞ்சபூதங்களான நிலம், நீர், காற்று, வாயு, நெருப்பு ஆகியவற்றின் வடிவாக சிவன் இருப்பதாக கூறப்படுகிறது. திருவண்ணாமலையில் அருணாச்சலேஸ்வரர் நெருப்பின் வடிவாக உள்ளார், அங்கு எவ்வளவு மழை பெய்து குளிர்ச்சி நிலவினாலும் அருணாச்சலேஸ்வரர் கர்ப்பகிரகத்தினுள் வெப்பம் நிலவும். அது போல கணக்கன்குடி அனலேந்தீஸ்வரர் கோயிலிலும் நெருப்பு வடிவாக சிவன் உள்ளார். அனல் என்றால் நெருப்பு அனலேந்தீஸ்வரர் என பெயர் வந்தது. இத்திருக்கோயிலில் மூலவராக அனலேந்தீஸ்வரரும் இச்சா சக்தியாக ஸ்ரீஅமிர்தவள்ளி தாயரும், கிரியா சக்தியாக சுந்தரவள்ளி தாயாரும், ஞான சக்தியாக வேதவள்ளி தாயாரும் காட்சியளிக்கின்றனர். 300 ஆண்டுகளுக்கு முன் பாண்டிய மன்னர்களால் கட்டப்பட்ட திருக்கோயில் இது. இச்சாசக்தி, கிரியாசக்தி, ஞானசக்தி ஆகிய மூன்று சக்திகளும் இணைந்த சிறப்பம்சமாகும். நமச்சிவாய என்ற எழுத்தில் நடு எழுத்தான சி நெருப்பு என்பதால் இது நெருப்பு ஸ்தலம் என அழைக்கப்படுகிறது.*

*சிறப்பம்சம்:*

*அதிசயத்தின் அடிப்படையில்:*

*ஆண்டு தோறும் பங்குனி மாதம் 27, 28 தேதிகளில் மூலவர் அனலேந்தீஸ்வரர் மீது சூரிய ஒளி படர்வது சிறப்பு.*

*அமைவிடம்:*

*மதுரையில் இருந்து ராமேஸ்வரம் செல்லும் வழியில் 20 கி.மீ. தூரத்தில் உள்ள மடப்புரம் பஸ் ஸ்டாப்பிலிருந்து 5 கி.மீ தூரத்தில் கணக்கன்குடி அமைந்துள்ளது. மதுரை பெரியார் பேருந்து நிலையத்தில் இருந்து டவுன் பஸ் வசதி உண்டு.*

*அருகிலுள்ள ரயில் நிலையம்:*

மதுரை

*அருகிலுள்ள விமான நிலையம்:*

மதுரை

*தங்கும் வசதி:*

மதுரை

*கோபுர தரிசனம் தொடரும்...*

*வாழ்க வளமுடன்...*

*வாழ்க வையகம்...*

*🙏 திருச்சிற்றம்பலம் 🌷*

கர்நாடக மாநிலம், ஹாசன் நகரத்தில் உள்ள ஹாசனாம்பா கோவில் ஆண்டுக்கு ஒருமுறை மட்டுமே திறக்கப்படுகிறது.

🛕 ஹாசனாம்பா கோவில்..!!

தீபாவளியில் திறக்கப்படும் கோவில்... 
🌹 கர்நாடக மாநிலம், ஹாசன் நகரத்தில் உள்ள ஹாசனாம்பா கோவில் ஆண்டுக்கு ஒருமுறை மட்டுமே திறக்கப்படுகிறது. ஹாசனாம்பா கோவில் இருப்பதால்தான் இந்நகரமும் ஹாசன் நகரம் என்றே பெயர் பெற்றிருக்கிறது. மேலும், இக்கோவிலின் சிறப்புகளையும், தகவல்களையும் கேட்கும்போது மெய் சிலிர்க்கிறது. 

10 நாட்கள் மட்டுமே திறக்கப்படும் :

👉 இக்கோவில் ஒவ்வொரு ஆண்டும் 10 நாட்கள் மட்டுமே அதாவது தீபாவளி நாட்களில் பக்தர்கள் மற்றும் பொது மக்களுக்காக திறந்து விடப்படுகிறது. அதாவது 10 நாட்களும் இரவு முழுவதும் நடை சாத்தப்படாமல் திறந்தே இருக்கும்.

👉 இத்தகைய புகழ்பெற்ற ஹாசனாம்பாவுக்கு சுமார் 12-ம் நூற்றாண்டில் கிருஷ்ணப்பா நாயக்க பாளையக்காரரின் காலத்தில் கோவில் எழுப்பப்பட்டது.

வாடா மலர்கள் :

🌹 ஹாசனாம்பா கோவில் மூடப்படும் கடைசி நாளில் அம்மனுக்கு சூட்டப்படும் மலர்கள் அனைத்தும் அடுத்த ஆண்டு கோவில் திறக்கப்படும் வரை வாடாமல் இருக்கும் என்று பக்தர்கள் கூறுகின்றனர்.

🌹 இந்த அதிசயத்தை பார்ப்பதற்காகவே ஒவ்வொரு ஆண்டும் கோவில் திறக்கப்படும் நாளில் ஏராளமான பக்தர்கள் வந்து குவிகிறார்கள்.

அணையாத தீபம் :

🔥 ஒவ்வொரு ஆண்டும் ஹாசனாம்பா கோவில் பலி பட்யாமி என்ற தினத்தில் மூடப்படுகிறது. கோவில் மூடப்படும் இந்த நாளில் அங்கு ஒரு தீபம் ஏற்றப்படுகிறது. 

🔥 இந்த தீபமானது அடுத்த ஆண்டு அஸ்வினி பூர்ணிமாவை தொடர்ந்து வரும் வியாழக்கிழமையன்று கோவில் திறக்கப்படும் நாள் வரை அணையாமல் எரிந்துகொண்டிருக்குமாம்.

மாமியார்-மருமகள் கல் :

👉 இங்கு இருக்கும் மாமியார்-மருமகள் கல்லிற்கு ஒரு குட்டி கதை சொல்லப்படுகிறது. பல நூறு ஆண்டுகளுக்கு முன்பு ஒரு பெண் நாள் தவறாமல் ஹாசனாம்பா கோவிலுக்கு வந்து வழிபட்டு கொண்டு இருந்திருக்கிறாள்.

👉 ஒருநாள் அவளை தொடர்ந்து வந்த அவளின் மாமியார் 'வீட்டில் உள்ள வேலைகளை செய்யாமல் இங்கென்ன செய்கிறாய்" என்று சொல்லி அந்தப்பெண்ணை அடித்திருக்கிறாள்.

👉 அப்போது அப்பெண் வலியால் சத்தமிட்டாள். அப்போது அம்மன் அவள் முன்பு தோன்றி அவளை கல்லாக மாற்றிவிட்டாள் என்று சொல்லப்படுகிறது. அந்த கல்தான் தற்போது மாமியார்-மருமகள் கல் என்ற பெயரில் கோவிலில் காணப்படுகிறது. 

👉 இந்த கல் அம்மன் விக்ரகத்தை நோக்கி ஆண்டுதோறும் அரிசி அளவு நகர்ந்து கொண்டிருக்கிறதாம். இந்த கல் நகர்ந்து நகர்ந்து அம்மன் விக்ரகத்தை அடைந்துவிட்டால் இந்த கலியுகம் அழிந்துவிடும் என்று நம்பப்படுகிறது.

திருடர்கள் கோவில் :

👨 ஒருமுறை நான்கு திருடர்கள் அம்மன் ஆபரணங்களை திருடிச்செல்ல ஹாசனாம்பா கோவிலுக்கு வந்துள்ளார். இதனால் கோபமடைந்த அம்மன் அவர்களை கல்லாகி போகுமாறு சபித்ததாக சொல்லப்படுகிறது. 

👨 அந்த நால்வரின் கற்சிலைகள் தனிக்கோவிலாக 'திருடர்கள் கோவில்" என்ற பெயரில் இந்த கோவிலின் வளாகத்தில் அமைந்திருக்கிறது.

👉 தீபாவளி பண்டிகையையொட்டி ஆண்டிற்கு ஒருமுறை மட்டும் திறக்கப்படும் ஹாசனாம்பா கோவிலுக்கு ஏராளமான மக்கள் வந்து வழிபட்டு செல்வார்கள்.

திருவாரூர் தியாகராஜர் கோயில் கிரகணநேரத்திலும் திறக்கபட்டு அபிஷேகமும் நடைபெறும்

திருவாரூர் தியாகராஜர் கோயில்கிரகணநேரத்திலும் திறக்கபட்டு அபிஷேகமும் நடைபெறும் அதனால் தான்.
இவர் உலகத்திற்கு ராஜா 🙏
#ஆரூரா_தியாகேசா

திருவாரூர் ஸ்ரீ தியாகராஜ கோயில் சைவ சமயங்களில் தலைமை பீடமாக விளங்குகிறது. இந்த கோயிலுக்கு என தனி சிறப்பு உள்ளது'

அதாவது இந்த கோயிலில் அனைத்து நவகிரகங்களும் ஒரே திசையில் தியாகராஜ சுவாமியை நோக்கி அமைந்துள்ளது. தியாகராஜ சுவாமி மகாராஜாவாக இருந்து நவகிரக தோஷங்களை நீக்குவதால் சர்வ தோஷ பரிகார தலமாகவும் இந்த கோயில் உள்ளது.

நடு ராத்திரியில் சந்திரகிரகணம் வந்தாலும் உச்சி வெயிலில் சூரிய கிரகணம் வந்தாலும் நடைகள் திறந்து வைக்கப்பட்டு திருவாரூர் ஸ்ரீ தியாகராஜ சுவாமி கோயிலில் பூஜைகள் நடைபெறுவது சிறப்பு அம்சமாகும்நாளை சந்திர கிரகணத்தை முன்னிட்டு உலகில் உள்ள அனைத்து கோயில்களிலும் நடை சாத்தப்படுவது வழக்கம்.

இப்படியிருக்க, திருவாரூர் ஸ்ரீ தியாகராஜ பெரிய கோயிலில் நடை திறக்கப்பட்டு ஸ்ரீ தியாகராஜ சுவாமிக்கு அபிஷேகம் மற்றும் ஆராதனைகள் நடைபெறும். அந்த நிகழ்வில் ஏராளமான பக்தர்கள் கலந்து கொண்டு சர்வ நவகிரக தோஷங்கள் நீங்கி வளம் பெற சுவாமி தரிசனம் செய்வார்கள்..

இந்த ஆண்டு நாளை 28-10-2023
#திருவாரூர்
அருள்மிகு ஶ்ரீ தியாகராஜ சுவாமி திருக்கோயில் இரவு 01.05 மணிக்கு மேல் #சந்திரகிரஹணத்தை முன்னிட்டு இரண்டாம் கால அளவில் #அருள்மிகு_தியாகராஜ_சுவாமி கிரஹணகாலத்தில் #மஹா_அபிஷேகம் நடைபெற்றது உள்ளது.
ஓம் நமசிவாய
 படித்து பகிர்ந்தது
 இரா .இளங்கோவன் 
நெல்லிக்குப்பம்

அருள்மிகு மருதமலை முருகன் கோயில்*

*அருள்மிகு மருதமலை முருகன் கோயில்*
 மருதாசலமூர்த்தி கோவில், கோயம்புத்தூரிலிருந்து 15 கிமீ தொலைவிலுள்ள மருதமலை மேல் அமைந்துள்ளது. மருத மலைமேல் அமைந்துள்ளதால் "மருதன்" என்றும் அருணகிரிநாதரால் திருப்புகழில் பாடப்பெற்ற தலமிது. இக்கோவிலின் முதன்மைக் கடவுளான முருகன், இங்கு சுப்பிரமணிய சுவாமி என்றும் தண்டாயுதபாணி என்றும் மருதாசலமூர்த்தி (மருதன்) என்றும் அழைக்கப்படுகிறார். மருதமலையின் அடிவாரத்தில் தான்தோன்றி விநாயகர் என்ற ஒரு சிறிய விநாயகர் கோயிலும் உள்ளது.

*பெயர்:*
மருதமலை மருதாசலமூர்த்தி திருக்கோயில்

*மாவட்டம்:*
கோயம்புத்தூர் மாவட்டம்

*அமைவு:*
சோமையம்பாளையம் ஊராட்சி

*ஏற்றம்:*
741 m (2,431 அடி)

*மூலவர்:*
முருகன்

Saturday, October 28, 2023

முருஅறுபடைவீடுகள்*

*#அறுபடைவீடுகள்*
🙏🙏🙏

தமிழ் நாட்டில், இந்து சமயக் கடவுள்களில் ஒருவரும், தமிழ்க் கடவுள் எனக் கருதப்படுபவருமான முருகப் பெருமானுக்குச் சிறப்பானவையாகக் கொள்ளப்படும் ஆறு கோயில்கள் ஒவ்வொன்றும் அவருடைய படைவீடு எனப்படுகின்றது. இந்த ஆறு இடங்களும் ஒருமித்து அறுபடைவீடுகள் என அழைக்கப்படுகின்றன. இந்த ஆறு இடங்கள்:

திருப்பரங்குன்றம் (மதுரை மாவட்டம்)
திருச்செந்தூர் அல்லது திருச்சீரலைவாய் (தூத்துக்குடி மாவட்டம்)
திருவாவினன்குடி (எ) பழனி (திண்டுக்கல் மாவட்டம்)
திருவேரகம் (எ) சுவாமிமலை சுவாமிநாதசுவாமி கோயில் (தஞ்சாவூர் மாவட்டம்)
திருத்தணி அல்லது குன்றுதோறாடல் (திருவள்ளூர் மாவட்டம்)
பழமுதிர்சோலை (மதுரை மாவட்டம்)

*திருப்பரங்குன்றம்*

முருகனின் ஆறுபடை வீடுகளில் முதலாவது படை வீடாகத் திகழ்வது திருப்பரங்குன்றம் ஆகும். திருப்பரங்குன்றம் முருகன் கோவில், மதுரைக்கு தென்மேற்கில் சுமார் 8 கி.மீ தொலைவில் உள்ளது. இங்குதான் முருகன் தெய்வானையை திருமணம் செய்து கொண்ட நிகழ்வு நடந்ததாகப் புராணங்கள் தெரிவிக்கின்றன. இக்கோவிலில் முருகன் மணக்கோலத்தில் காட்சி தருகிறார்.

*திருச்செந்தூர்*

திருச்செந்தூரில் முருகனின் அறுபடை வீடுகளில் இரண்டாம் படை என்று போற்றப்படும் சுப்பிரமணிய சுவாமி கோயில் அமைந்துள்ளது. இவ்விடத்தில் முருகன், சூரபத்மனை அழித்ததாக கந்த புராணம் கூறுகிறது.

*பழனி*

பழனி, முருகனின் மூன்றாம் படை வீடாகும். நாரதர் சிவனுக்கு அளித்த ஞானப்பழம் தனக்கு கிடைக்காததால், முருகர் கோபம் கொண்டு ஆண்டியின் கோலம் பூண்டு இந்த திருத்தலத்தில் தங்கிவிட்டதாக புராணங்களில் கூறப்படுகிறது.

*சுவாமிமலை*

சுவாமிமலை முருகனின் நான்காவது படைவீடு ஆகும். இது கும்பகோணத்திலிருந்து 6 கி.மீ. தொலைவில் உள்ளது. முருகன் தனது தந்தையான சிவனுக்கு பிரணவ மந்திரத்தின் பொருளை கூறியதால், இங்கு குடிகொண்டுள்ள முருகனுக்கு சுவாமிநாதன் எனப் பெயராயிற்று.

*திருத்தணி*

திருத்தணி முருகனின் ஐந்தாம் படைவீடு ஆகும். இவ்விடத்தின் மலையின் வள்ளியை முருகன் திருமணம் செய்து கொண்ட தலமாகும். திருத்தணி குன்றின் மீது முருகனுக்கு அர்ப்பணிக்கப்பட்ட திருத்தணி முருகன் கோயில் உள்ளது. திருப்புகழ் பாடிய அருணகிரிநாதரால் பாடல் பெற்ற தலமிது. முத்துச்சாமி தீட்சதராலும் பாடப்பட்ட தலம்.[1] இக்கோயிலை தணிகை முருகன் கோயில் என்றும் அழைப்பர்.

*பழமுதிர்சோலை*

பழமுதிர்சோலை - முருகனின் ஆறாம் படைவீடாகும். முருகப் பெருமான் சிறுவனாய் வந்து ஔவையாரை சோதித்தது இங்குதானென நம்பப்படும் இடம். இங்குள்ள முருகன் கோயில், விஷ்ணு கோயிலான அழகர் கோவில் மலை மீது அமைந்துள்ளது. அருணகிரிநாதர் இத்தலம் மீது திருப்புகழ் பாடியுள்ளார்.

🙏🙏🙏

*"ஓம் சரவணா பவ ஓம்"*

Friday, October 27, 2023

மஹா அன்னாபிஷேகம் ஐப்பசி பௌர்ணமி 28/10/23,சனிக்கிழம

🙏🕉🌼மஹா அன்னாபிஷேகம் ஐப்பசி பௌர்ணமி 28/10/23,சனிக்கிழமை 
🕉🙏🌼அன்னாபிஷேகம் புராண கதை 🙏🌼🕉

🕉🌼🙏பிரம்மனின் கர்வத்தை அடக்க நினைத்த சிவபெருமான், பிரம்மாவின் ஒரு தலையைக் கொய்துவிடுவார். துண்டிக்கப்பட்ட தலை சிவபெருமானின் கையைக் கவ்விக்கொள்ள, அவரை பிரம்மஹத்தி தோஷம் தொற்றிக்கொள்ளும். 

🕉சிவபெருமான் தனது சுயத்தை இழந்துவிடுவார். கையைக் கவ்விக்கொண்ட பிரம்மனின் கபாலமே பிச்சைப் பாத்திரமாக மாறிவிடும். யார் பிச்சையிடும் போது இந்தக் கபாலம் அன்னத்தினால் நிறைகிறதோ அப்போது அந்தக் கபாலம் சிவபெருமானின் கையை விட்டுப் பிரியும் என்பது விதி. 

🕉சிவபெருமான் காசிக்குச் செல்லும்போது அன்னபூரணி அன்னமிடுகிறாள். அவளது அன்பினால் கபாலம் அன்னத்தினால் நிறைய, பிரம்மனின் தலை சிவபெருமானை விட்டு விலகும். சிவபெருமானும் பிரம்மஹத்தி தோஷத்திலிருந்து விடுபட்டு மாயையிலிருந்தும் விலகுவார். 

🕉அன்னபூரணி சிவபெருமானுக்கு அன்னமிட்ட தினம் ஐப்பசி மாத பவுர்ணமி. அதனால்தான் சிவபெருமானுக்கு ஐப்பசி மாத பௌர்ணமி தினத்தில் அன்னாபிஷேகம் செய்விக்கப்படுகிறது

🙏🌼🕉அன்னாபிஷேகத்தை தரிசிக்கும் வாய்ப்பு கிடைத்தவர்களுக்கு, அடுத்த அன்னாபிஷேகம் வரை அன்னத்துக்கு குறைவிருக்காது என்று கூறப்படுகிறது.

🕉ஆண்டுதோறும் ஐப்பசி பௌர்ணமியின் போது சிவனுக்கு செய்யப்படும் அன்னாபிஷேகத்தின் முக்கியத்துவத்தை விளக்குகிறது இந்த செய்தித்தொகுப்பு. 

🕉அன்ன அபிஷேகம்: 

🕉அபிஷேகம் என்பது இறைவனுக்கு செய்யும் ஒரு செயல். இறைவனின் சிலைக்கு பால், தயிர், தேன், புனித நீர் உள்ளிட்ட அபிஷேகப்பொருட்களால் அபிஷேகம் செய்யப்பட்டு தீபாராதனை காட்டப்படும். அந்த வகையில் அன்ன அபிஷேகம் என்பது சமைக்கப்பட்ட அரிசியால் இறைவனுக்கு அபிஷேகம் செய்வதாகும்.

🕉பொதுவாக அன்னாபிஷேகம் தமிழ் மாதமான ஐப்பசி பௌர்ணமி நாளில் செய்யப்படுகிறது. இந்தியாவில் பல்வேறு வகையான அபிஷேகங்கள் நடத்தப்பட்டாலும், தென்னிந்திய சிவன் கோவில்கள் அனைத்திலும் சிவலிங்கம் வடிவில் சிவபெருமானுக்கு இந்த குறிப்பிட்ட அபிஷேகம் செய்யப்படுகிறது. வருடத்திற்கு ஒரு முறை இந்த வழிபாட்டைச் செய்வதன் மூலம் வாழ்க்கையில் உள்ள அனைத்து பிரச்சனைகளிலிருந்தும் விடுபடலாம் என்று கூறப்படுகிறது. இந்த விழா சிவ அபிஷேகம் அல்லது மகா அன்ன அபிஷேகம் என்றும் அழைக்கப்படுகிறது. தென்னிந்தியா முழுவதும், குறிப்பாக தமிழ்நாட்டில் உள்ள பல சிவன் கோவில்களில் அன்னாபிஷேகம் நடத்தப்படுகிறது.

🕉அன்னாபிஷேகத்தின் முக்கியத்துவம்: 

புனித நூல்களின் படி, அரிசி என்பது வாழ்க்கை, செழுமை மற்றும் செழிப்பு ஆகியவற்றின் சின்னமாகும். சிவபெருமான் அபிஷேக பிரியர். ஆகவே அவருக்கு பொதுவாக புனித நீர், பசுவின் பால், நெய், இளநீர், கரும்புச்சாறு, சந்தனப் பசை, விபூதி, தயிர், பஞ்சாமிர்தம் போன்ற 11 புனித பொருட்களால் அபிஷேகம் செய்யப்படும். ஒருவரது வாழ்க்கையில் அரிசியின் முக்கியத்துவத்தையும் தெய்வீகப் பங்கையும் குறிக்கும் வகையில், சிவனுக்கு ஆண்டுதோறும் அன்ன அபிஷேகம் செய்யப்படுகிறது.

🕉இயற்கையின் ஐந்து கூறுகள் மற்றும் பூமியில் உள்ள அனைத்து உயிரினங்களின் ஒரே பாதுகாவலராக இருக்கும் சிவபெருமானுக்கு நன்றி தெரிவிக்கும் அடையாளமாக அன்ன அபிஷேகம் செயல்படுகிறது. மேலும், அரிசி என்பது இயற்கையின் ஐந்து கூறுகளின் இணைப்பின் விளைவாகும். நிலத்தில் விதை விதைக்கப்படும் போது, அது வானத்திலிருந்து வரும் தண்ணீராலும், சூரியனிடமிருந்து வரும் ஆற்றலாலும் ஊட்டமளித்து, காற்றின் உதவியால் நெல்லாக மாறுகிறது. இது அரிசியாக பதப்படுத்தப்பட்டு அனைத்து உயிரினங்களுக்கும் உணவாக வழங்கப்படுகிறது. 

🕉இறைவன் மீது இருக்கும் ஒவ்வொரு அன்னமும் ஒரு லிங்கத்துக்கு சமம் ஆகையால் இன்று தரிசனம் காண்போருக்கு கோடி லிங்க தரிசனம் பார்ப்பதர்க்கு சமமாகும் 🕉🙏🌼

எல்லாம் வல்ல ஈசன் கருனையால் அனைவருக்கும் அனைத்து  வகையான வளங்களும் பெற்று நலமுடனும் வளமுடனும் வாழ வேண்டுகிறேன் 🌼🙏🕉

🕉🙏🌼திருச்சிற்றம்பலம்🕉🙏🌼
ஓம் நமசிவாய
 படித்து பகிர்ந்தது 
இரா .இளங்கோவன் 
நெல்லிக்குப்பம். 

உலகிலேயே மிக* *உயரமான* *இடத்தில் உள்ள* *சிவப்பரம்பொருளின்* *ஆலயம்.!!*

🌺 *உலகிலேயே மிக* *உயரமான* *இடத்தில் உள்ள* *சிவப்பரம்பொருளின்* *ஆலயம்.!!* 
[ *சுமார் 3680 மீ ]...* 
 *அருள்மிகு துங்கநாதர் திருக்கோயில்* ,
 *துங்கநாத்,* 
 *உத்தர்காண்ட்* *மாநிலம்.* 

ஐயன் ஈசனுக்கு ஐந்து கேதார் கோயில்கள்===

பரமேஸ்வரன் கொலுவிருக்கும் கேதார் கோயில்கள் ஐந்து. இவற்றில் கேதார்நாத் கோயில் பற்றி பொதுவாக அனைவருக்கும் தெரியும். பிற நான்கு கேதார்கள் எவை, எங்கிருக்கின்றன அவை?

 ஈசனின் உடல்பாகங்களில் ஐந்தாக அவை வர்ணிக்கப்படுகின்றன:

கேதார்நாத் - ஈசனின் உடல்;
துங்கநாத் - ஈசனின் புஜம்;
ருத்ரநாத் - ஈசனின் முகம்;
மத்மஹேஷ்வர் - ஈசனின் தொப்புள்;
கபிலேஷ்வர் - ஈசனின் தலைமுடி.

குருக்ஷேத்திர யுத்தத்தில் தங்களுடைய சகோதரர்களையே கொன்றுவிட்டோமே என பஞ்ச பாண்டவர்கள் வருந்தியபோது,

வியாசர்தான் அவர்களிடம் 

‘சிவனின் உடற் பகுதிகளாகக் கருதப்படும் இடங்களில் அவருக்குக் கோயில் கட்டுங்கள். அவர் உங்கள் பாவங்களை மன்னித்து காப்பாற்றுவார்’ 

என கூறியதாகவும், அதனை ஏற்றுதான் பஞ்ச பாண்டவர்களும் ஆளுக்கு ஒரு ஆலயமாக கட்டினர் எனவும் இந்தப் பகுதி மக்கள் கூறுகின்றனர்.

உலகின் உயரமான சிவாலயம் துங்கநாத்தான். 

பஞ்ச கேதாரங்களில் அதிகமான உயரத்தில் அமைந்துள்ள தலமும் இதுதான். மகிஷாசுர மர்த்தினி ஸ்தோத்திரத்தில் ஆதி சங்கர பகவத் பாதாள் அன்னை பார்வதியை அழகிய சடையுடன் கூடிய மலைமகளை, (ரம்ய கபர்த்தினி சைலஸுதே)

சிகரி சிரோமணி துங்க ஹிமாலய
ச்ருங்க நிஜாலய மத்யகதே.....

அதாவது இமயமலையின் சிகரங்களில் துள்ளி விளையாடுபவள் என்று  குறிப்பிடுகின்றார்.

துங்கம் என்பால் சிகரம். அந்த சிகரங்களுக்கெல்லாம் ஈசர் துங்கநாத்தில் நமக்காக அருள் பாலிக்கின்றார். 

துங்கம் என்றால் கரம் என்றும் பொருள் இங்கு ஐயன் கர ரூபமாக வணங்கப்படுகின்றார்.   

 இங்கிருந்துதான் ஆகாஷ்காமினி நதி உருவாகி பாய்கின்றாள்  சந்திரசிலா பனி சிகரத்தின் அடிவாரத்தில் சுமார் 3680 மீ உயரத்தில் அமைந்துள்ளது இத்தலம்.

சந்திர சிலாவில்தான் இராமபிரான் தவம் செய்துள்ளார் என்று கூறப்படுகின்றது.

  இங்கிருந்து கொண்டல்கள் கொஞ்சும்   மஞ்சு திகழும் பஞ்சசுலி, நந்தாதேவி, தூனாகிரி, நீலகண்ட், கேதார்நாத் மற்றும் பந்தர்பூஞ்ச் சிகரங்களை காணலாம்.

 துங்கநாத் கேதார்நாத்திலிருந்து பத்ரிநாத் செல்லும் பாதையில் ஊக்கிமட்டிலிருந்து 30 கி.மீ தூரத்திலும், சோப்டாவிலிருந்து 5கி.மீ தூரத்திலும் அமைந்துள்ளது.

பஞ்ச பாண்டவர்களில் அர்ச்சுனன் இக்கோவிலை கட்டி சிவபெருமானை வழிபட்டான் என்பது ஐதீகம். 

துங்கநாத ஆலயத்தில் சிவபெருமான் ஒரு அடி உயரத்தில் கருப்பு நிறமுடைய சுயம்பு லிங்கமாக இடப்பக்கம் சற்று சாய்ந்தவாறு அருட்காட்சி தருகின்றார். 

இத்தலத்தில் ஐயனின் பாஹூ அதாவது தோள்(புஜங்கள்- கரம்) வெளிப்பட்டன.

இங்குள்ள பிரதான சந்நிதியில் சிவபெருமான் புஜங்களோடு வெகு அழகாக தரிசனம் தருகின்றார். 

அஷ்ட உலோகத்தால் ஆன வியாசர் மற்றும் கால பைரவரின் சிலைகள் உள்ளன.   இக்கோவிலில் அம்மை மலைமகள் பார்வதிக்கு ஒரு தனி சன்னதி உள்ளது.

 இங்குதான் இராவணன் சிவபெருமானை நினைத்து தவம் செய்தான் என்று இராமாயணத்தில் கூறப்பட்டுள்ளது.

மற்ற கேதாரங்களை ஒப்பிடுகையில் துங்கநாத்தை அடைய 5 கி.மீ தூரம்தான் நடைப்பயணம் செய்ய வேண்டும். 

ஆனால் பல இடங்களில்  பாதை செங்குத்தாக உள்ளது. வழி முழுவதும். பசுமையான ஆல்பைன் மர காடுகளும், நீர் வீழ்ச்சிகளும் மற்றும் ரோடன்டென் (rhodenton) எனப்படும் அழகிய மலர் புதர்களும், மற்றும் இமயமலைக்கே உரிய பல அரிய மலர்களும் நீர் வீழ்ச்சிகளும் நிறைந்து காணப்படுகின்றது 

மேலே ஏற சுமார் 3 அல்லது 4 மணி நேரம் ஆகும்.

ஆதி சங்கரர் 8ம் நூற்றாண்டில் இங்கு வந்திருந்ததாக கூறப்படுகிறது. மற்ற கேதார் கோயில்களில், தென்னிந்திய அர்ச்சகர்கள்தான் காலம் காலமாக இறைப்பணி செய்து வருகிறார்கள். 

ஆனால், துங்கநாத் கோயிலில் மட்டும் மாகு என்ற கிராமத்தைச் சேர்ந்த பிராமணர்கள் அப்பணியை மேற்கொள்கிறார்கள்.

 குளிர்காலம் வந்தால் இங்குள்ள உற்சவரும், அர்ச்சகரும் 18 கி.மீ. தூரத்தில் உள்ள முக்திநாத்துக்கு வந்து விடுவர். 

கோயிலின் மேற்பகுதிக்குச் சென்றால் நந்தாதேவி, நீலகாந்த், கேதார்நாத் உட்பட பல இமயமலைப் பகுதிகளைப் பார்க்கலாம்.

தரிசனம் செய்ய ஏற்ற காலம் மே மாதம் முதல் அக்டோபர் முடிய.....!!

ஓம் நமசிவாய

படித்து பகிர்ந்தது
 இரா .இளங்கோவன் 
நெல்லிக்குப்பம். 

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...