Wednesday, May 3, 2023

நரசிம்மர் அவதரித்த தினமான நரசிம்ம ஜெயந்தி, 2023 ம் ஆண்டில் மே 04 ம் தேதி கொண்டாடப்பட உள்ளது

🦁 நரசிம்ம ஜெயந்தி... 
உக்கிர வடிவமாக இருந்தாலும் அதிகமானவர்களால் வணங்கப்படும் ரூபம் நரசிம்ம ரூபமாகும்.

நரசிம்மர் அவதரித்த தினமான நரசிம்ம ஜெயந்தி, 2023 ம் ஆண்டில் மே 04 ம் தேதி கொண்டாடப்பட உள்ளது. இந்த சமயத்தில் நரசிம்மரை பற்றி பலருக்கும் தெரியாத அரிய விஷயங்கள் சிலவற்றை பற்றி இங்கே தெரிந்து கொள்ளலாம். 

நரசிம்ம பெருமாள் வருடத்திற்கு ஒரு முறை கண்திறப்பதும், அவருக்கு படைக்கப்படும் பானகத்தை குடிப்பதும் இந்த கலியுகத்திலும் நடந்து வரும் அற்புத நிகழ்வுகளாகும். கலியுகத்திலும் பக்தர்களை காக்க ஓடோடி வரும் தெய்வமாக நரசிம்மர் விளங்குகிறார். மனித உடலும், சிம்ம முகமும் கொண்ட நரசிம்ம ரூபம், பெருமாளின் அற்புத வடிவங்களில் ஒன்றாகும்.
நரசிம்மர் :

நரசிம்மர் :

திருமாலின் தச அவதாரங்களில் மிகவும் தனித்துவமானது நரசிம்ம அவதாரம். தாயின் கருவில் இருந்து தோன்றாமல், தனது பக்தனை காப்பதற்காக தூணை பிளந்து கொண்டு வெளிப்பட்டவர் நரசிம்மர். தாயின் கருவில் உருவாகி, வளர்ந்து வருவதற்கு தாமதமாகி விடும். அதுவரை தனது பக்தன் துன்பப்படுவானே என்பதற்காக, பக்தனை காப்பதற்காக அடுத்த கனமே ஓடோடி வந்தவர் நரசிம்மர்.

நரசிம்மர் ஜெயந்தி :

அதனால் தான் தீராத துன்பத்தில் இருந்து உடனடியாக மீள வேண்டும் என்றால் நரசிம்மரின் காலை பிடிக்க வேண்டும் என சொல்வார்கள். உக்ரமான வடிவங்கள் என வணங்குவதற்கு அஞ்சும் நரசிம்மர், காளி போன்ற தெய்வ ரூபங்கள், தன்னை சரணடைந்த பக்தர்களை காப்பதற்காகவும், தீயவர்களை அழிப்பதற்காகவும் எடுக்கப்பட்ட வடிவங்களாகும். நரசிம்மர் பல இடங்களில் உக்ர வடிவத்துடன் காட்சி தந்தாலும், சில இடங்களில் சாந்த சொரூபமாக, யோக நிலையில் காட்சி தருகிறார். இன்னும் சில இடங்களில் லட்சுமியை தனது தொடை மீது அமர வைத்து, ஆளிங்கனம் செய்த படி, புன்னகையுடன் லட்சுமி நரசிம்மராக காட்சி தருகிறார். அப்படிப்பட்ட நரசிம்மரை பற்றி பலரும் அறியாத 18 அரிய தகவல்களை இங்கே தெரிந்து கொள்ளலாம்.

நரசிம்மர் பற்றிய அரிய தகவல்கள் :

1. நரசிம்மரை வழிபடுபவர்களை எந்த தீய சக்திகளும் நெருங்க முடியாது.

2. நரசிம்மருக்கு விருப்பமான சிவப்பு அரளி, செம்பருத்தி பூக்கமால் அர்ச்சித்து, நைவேத்தியமாக பானகம் படைக்க வேண்டும்.

3. நரசிம்மரை தொடர்ந்து வழிபட்டு வந்தால் கணவன் - மனைவி இடையே ஏற்படும் கருத்து வேறுபாடுகள் நீங்கும்.

4. நரசிம்ம ஜெயந்தி நாளில் நரசிம்மரை எந்த ரூபத்திலும் வழிபடலாம். கலசம் வைக்க வேண்டிய அவசியமில்லை.

5. பெண்களும் நரசிம்மரை விரதமிருந்து வழிபடலாம். ஆனால் உடல் தூய்மையும், மனத்தூய்மையும் அவசியம்.

6. வீட்டில் நரசிம்மரை வழிபடுவதாக இருந்தால் வடமேற்கு திசையில் வைத்து வணங்க வேண்டும்.

நரசிம்மர் வழிபாடு :

7. நரசிம்ம ஜெயந்தி அன்று குழந்தைகளுக்கு நரசிம்ம அவதாரம் பற்றிய கதையை கூறினால், பிரகலாதனுக்கு கிடைத்த நரசிம்மரின் அருள், அந்த குழந்தைகளுக்கும் கிடைக்கும்.

8. நரசிம்மருக்காக விரதம் இருக்கும் போது கண்டிப்பாக பால் மற்றும் பால் சார்ந்த பொருட்களை உணவில் சேர்த்துக் கொள்வதை தவிர்க்க வேண்டும்.

9. நரசிம்மரின் அருளை சீக்கிரம் பெற விரும்புபவர்கள் ஸ்ரீமத் பாகவதத்தில் உள்ள பிரகலாத சரித்திரத்தை பாராயணம் செய்ய வேண்டும்.

10. வழக்குகளில் சிக்கி தவிப்பவர்கள் நரசிம்மரை வழிபட்டு விட்டு சென்றால் வெற்றி கிடைக்கும்.

11. பிரகலாதனை போல் உறுதியான பக்தி கொண்டவர்களுக்கு நரசிம்மர் அருளை வாரி வழங்குவார்.

12. நரசிம்மரை வழிபட்டு வந்தால் பெயர், புகழ் ஆகியவை கிடைக்கும்.

13. நரசிம்மரை, மருத்யுவேஸ்வாகா என கூறி வழிபட்டால் மரண பயம் நீங்கும்.

நரசிம்ம அவதார நோக்கம் :

14. பக்தியுடன் தன்னை சரணடையும் பக்தர்களை எப்படி நரசிம்மருக்கு பிடிக்குமோ அது போல, உரிமையுடன் இதை எனக்கு செய்து கொண்டு என கேட்கும் பக்தனையும் நரசிம்மருக்கு பிடிக்கும். அவர்கள் கேட்டதை உடனடியாக நிறைவேற்றி வைப்பார்.

15. நரசிம்மர் கோவில் கொள்ளும் இடங்களில் எல்லாம் ஆஞ்சநேயர் நிச்சயம் இருப்பார்.

16. நரசிம்மர், பிரகாதனுக்காக அந்திப்பொழுதில் அவதரித்த தினம் வைகாசி மாதம் வளர்பிறை சதுர்த்தி திதி ஆகும். அதனால் தான் இந்த நாள் நரசிம்ம ஜெயந்தியாக கொண்டாடப்படுகிறது.

17. இறைவன் எங்கும் நிறைந்திருக்கிறார், பக்தன் உண்மையான பக்தியுடன் அவரை அழைத்தால் கூப்பிட்ட குரலுக்கு ஓடி வருவார் என்பதை உலகிற்கு உணர்த்துவதற்காக எடுக்கப்பட்டதே நரசிம்ம அவதாரம் ஆகும்.

18. ராமருக்கு அடுத்த படியாக வைணவர்களால் அதிகம் வணங்கப்படும் திருமாலின் ரூபமாக நரசிம்மர் உள்ளார்.🙏🏻

சிறப்புக்கள் வாய்ந்த சிவஸ்தலம் தென் கைலாயம் எனப்படும் சதுரகிரி இத்தலத்தின் பதிவுகள் அறிந்திராத வரலாறு

_சதுரகிரி வரலாறு_


சிறப்புக்கள் வாய்ந்த சிவஸ்தலம் தென் கைலாயம் எனப்படும் சதுரகிரி  இத்தலத்தின் பதிவுகள் அறிந்திராத வரலாறு

சுமார் 300- கோடி ஆண்டுகள் பிரபஞ்சம் தோன்றிய காலத்தில் இருந்து பழமையானவராக, சற்றே சாய்ந்த மிகச்சிறிய சுயம்பு லிங்தத்திருமேனியராய் இத்தலத்தில்  வீற்றிருக்கும்
நம் இனிய ஈசன்தான்,
உலகத்தின் உயரமான 
இடத்தில் அருட்குடி
கொண்டிருக்கும் இறைவனாவார் என்பது இச்சிவாலயத்தின்
பெரும் சிறப்பாகும்.

'சதுரகிரி' என்பதற்கு,
'நான்கு (மலைகளுக்கு) கிரிகளுக்கு நடுவே அமைந்த லிங்க வடிவ " மூலவர் தான் சதுரகிரி ஸ்ரீ சுந்தரமகாலிங்க திருமேனி ஆவார்

ஒரு ராமாயண கால வரலாற்றின் படி அனுமன் சஞ்சீவி மலையினை தூக்கிக்கொண்டு செல்லும் பொழுது இவ் வழியாக பயணப்படும் பொழுது அனுமன்
வழிபட்ட சிவஸ்தலமாகும்.

இமயமலையில்,
உள்ள பார்வதி பரமேஸ்வரன் திருக்கல்யாணம் புராண கதைகள் அதிகம் தொடர்புடைய 
சிவஸ்தலம் சதுரகிரி
 ஐந்து முக்கிய வழிபாட்டு மலைகோவில்.

1.ஸ்ரீசுந்தர மகாலிங்கேஸ்வரர்- சுயம்பு (மூலவர்)

2.ஸ்ரீ சுந்தரமூர்த்தி அகத்தியர் முனி பூஜித்தது பிரதிஸ்டை செய்தது. (துணைவர்)

3.ஆனந்த வள்ளி அம்பாள்- (இறைவி)

4.ஸ்ரீசந்தன மகாலிங்கேஸ்வரர்-அடியார்களால் பிரதிஷ்டை செய்தது

5.ஸ்ரீ பிலாவடி கருப்பன்-
சதுரகிரியின் காவல் தெய்வம் . 

இவை அனைத்தும் மலையின் மேல் நாம் பார்க்க வேண்டிய திருத்தலங்கள்.

இவைகளில் இவர்களுக்கு மேல் பகுதியில் பெரிய மகாலிங்கம் என்ற பாறை போன்ற திருமேனி லிங்க வடிவில் உள்ளது ஆதிகாலத்தில் அமாவாசை பௌர்ணமி காலங்களில் பெரிய மகாலிங்கம் திருமேனிக்கு பரம்பரை பூஜாரியாகவும்  பரம்பரை அறங்காவலர் இருக்கும் குடும்பத்தார்களால் பூஜை செய்யப்பட்டு வந்துள்ளது ஆதி காலத்தில் 
மேலும் சித்தர்கள் நடமாடும் சித்தர்கள் தவம் செய்த இடமான தவசி பாறை எனும் குகை உள்ளது.
ஆதி காலத்தில்    ஆதி மகாலிங்கம் எனும் இடம் இருந்திருக்கிறது இன்றும் இருக்கிறது அது மனித நடமாட்டம் அதிகமான பின்பு கால போக்கில்  நம் கண்களுக்கு புலப்படுவதில்லை  ஆதி காலத்தில் பூஜை செய்யப்பட்டு வந்துள்ளது மலைகளின் ஆதிவாசிகளான பலியர்களாலும்,பரம்பரை பூஜாரி
குழந்தையானந்த சுவாமிகளும் 9ம் தலைமுறை பரம்பரை அறங்காவலரும் ஆன இவர்களது குடும்பத்தின் சார்பாகவும்  பூஜை செய்யப்பட்டு  வந்துள்ள வரலாறு ஆகும்.

சட்டநாத முனிவர் குகை கோரக்கர் குகை தவசி குகை முனிவர்கள் தவம் செய்த இடமாக இன்றளவும் பாதுகாக்கப்பட்டு வருகிறது.

பக்தர்களால் இன்று சந்தனமகா
லிங்கத்திற்கும்  
திருக்கோவில் அன்னதான கூடத்திற்கும் நடுவே ஆதி மகாலிங்கம் எனும் திருமேனி. லிங்கம் பக்தர்களால் பூஜை செய்யப்பட்டு உருவாக்கப்பட்டுள்ளது. இன்றளவும் சித்தர்கள் உலா வரும் இடமாகவும் இச்சதுரகிரி இருக்கிறது. 

கடல் மட்டத்தில் 3050 அடி உயரத்தில் அமைந்துள்ள 
இந்த ஆலயம் சதுரகிரி எனும் நாமத்தில் மலைகளுக்கு  நடுவே   
 அமைந்துள்ள 

ஸ்ரீசுந்தர மகாலிங்கம் சுயம்புலிங்க
 ஸ்தலமாகவும் விளங்குகிறது.

தென் இந்தியாவிலேயே 
18 சித்தர்களும் ஒரே இடத்தில்  வாழ்ந்து வழிபட்ட சிவஸ்தலம் இச்சதுரகிரி 
 
சதுரகிரி மலையில் காயகற்ப மூலிகைகள் நிறைந்து இருப்பதால் இம்மலையை மூலிகைகளின் சாவிஎன்று அழைப்பார்கள்.

மலைகளைச் சுற்றி கவுண்டிய தீர்த்தம் கல்சுனை,
குளிராட்டி தீர்த்தம்
 18 சித்தர்களும் நீராடிச் சென்ற எண்ணற்ற தீர்த்தங்களும் சுனைகளும், கன்னிமார் ஓடை போன்ற நீர் ஓடைகள் அமைந்துள்ள இடம்.

ஆதிகாலத்தில் சுந்தர மகாலிங்கம் திருமேனிக்கு ஒற்றக்கொம்பு யானை பூஜை செய்வது பிளுறுவது வழக்கம் விழா கால தினங்களில் (1900- 1971)

சுயம்புலிங்க திருமேனியான ஸ்ரீசதுரகிரி சுந்தர மகாலிங்கம் மாவிலிங்க மரத்தின் அடியில் சுயம்புவாக தோன்றினார்.
மாவிலிங்க மரத்தின் வேரானது தற்பொழுது பரம்பரை அறங்காவலர் அவர்களின் வீட்டில் வைத்து பாதுகாக்கப்பட்டு வருகிறது.

தலத்தின் சிறப்பு வாய்ந்த விழா காலங்கள் ஆடி அமாவாசை, தை அமாவாசை,புரட்டாசி மாத நவராத்திரி கொலு 7 நாட்கள்

தல மரம்-- மாவிலிங்க மரம்

பிரசாதம் - தேனும் திணை மாவும்

திருக்கோவில்  அமைந்திருக்கும் ஊர் சாப்டூர் சதுரகிரி பேரையூர் வட்டம், மதுரை மாவட்டம், 

அலுவலக இருப்பு. வத்திராயிருப்பு 

இன்னும் பல பல சிறப்புக்கள் பெற்ற 
இத்தல ஈசனை, 
இன்றைய நாளின்
இந்த நேரத்தில் 
நாம் நினைப்பதே ஒரு பெரிய புண்ணியம்தான்

ஓம் நமச்சிவாய நமக.

Tuesday, May 2, 2023

திருக்கோட்டூர் கொழுந்தீஸ்வரர் ஆலயம்.

அ
சிவாயநம
நமசிவாய

திருக்கோட்டூர் கொழுந்தீஸ்வரர் ஆலயம். 
எல்லாம்வல்ல எம்பெருமான் ஈசன் திருவருளால் உலகசிவனடியார்கள் திருக்கூட்ட சிவனடியார்களுடன் திருக்கோட்டூர் கொழுந்தீஸ்வரர் ஆலயதரிசனம்.

திருவாரூர் மாவட்டம் மன்னார்குடி வட்டம் மன்னார்குடியில் இருந்து திருத்துறைபூண்டி செல்லும்  வழியாக 15 கி.மீ தூரத்தில் உள்ள சுமார் 1000-2000 வருடங்களுக்கு மேல்  மிக பழமை வாய்ந்த,
காவிரி தென்கரை தலங்களில் 111 வது தலமாகவும்
தேவாரபாடல் பெற்ற 276 தலங்களில் 175 வது தலமாகவும் விளங்கும் சிவாலயம் இது.

மூர்த்தி, தலம், தீர்த்தம் ஆகிய மூன்று பெருமைகளுடையது இத்தலம். ‘கொந்துலாமலர் விரிபொழிற் கோட்டூர் நற்கொழுந்தினை’ என்று திருஞானசம்பந்தரால் பாடப்பெற்ற ஆலயம் இது. இந்த தலத்தில் கொழுந்துநாதர் (கொழுந்தீஸ்வரர்) என்ற பெயரில் இறைவன் அருள்பாலித்து வருகிறார். இறைவியின் திருநாமம் தேனார்மொழியம்மை (மதுரபாஷினி) என்பதாகும்.

ஒரு சமயம் இந்திரனின் சபையில் ரம்பை, திலோத்தமை, மேனகை, ஊர்வசி, கெற்பை, பரிமளை, சுகேசி ஆகிய ஏழு தேவலோக மங்கைகள் நடனமாடி, தேவர்களை மகிழ்வித்துக் கொண்டிருந்தனர். நடனம் முடிந்ததும் ரம்பை அருகில் இருந்த பூஞ்சோலையில் படுத்து உறங்கினாள். நடனமாடிய களைப்பில் உறங்கிய அவளது ஆடை சற்று விலகியிருந்தது.
அப்போது அந்த வழியாக வந்த நாரத மகரிஷி, இதனைக் கண்டு கோபம் அடைந்தார். ஒரு பெண் தன் ஆடை விலகியிருப்பதைக் கூட கவனிக்காதபடி தூங்குவதை சகிக்க முடியாத அவர், ரம்பையை பூலோகத்தில் மானிடப் பெண்ணாக பிறக்கும்படி சபித்தார். 

கண் விழித்த ரம்பை நடந்தவற்றை அறிந்து, நாரதரை வணங்கினாள். தன்னுடைய சாபத்தை நீக்க வேண்டும் என்று மன்றாடினாள். இதையடுத்து நாரதர், ‘பூலோகத்தில் சிவபூஜை செய்தால் சாபம் நீங்கும்’ என்று கூறிவிட்டு அங்கிருந்து அகன்றார். பூமிக்கு வந்த ரம்பை, முதலில் பாலியாற்றங்கரையில் அமர்ந்து நீண்ட காலம் தவம் புரிந்தாள். அவளுக்கு சிவனருள் கிடைக்கவில்லை. அதன் பிறகு அந்த பகுதியில் இருந்த ரோமச மகரிஷியை வணங்கி தன்னுடைய நிலையை கூறினாள்.
அவரது வழிகாட்டுதலின்படி இத்தலத்தில் உள்ள கொழுந்தீசரை வணங்கினாள். 

வன்னி வனமாக இருந்த இந்த இடத்தில் சிவனை பூஜித்த ரம்பை, சிவ வழிபாட்டிற்காக ஒரு தீர்த்தத்தையும் உண்டாக்கி, ஒற்றைக் காலில் நின்றபடி தவம் செய்தாள். இதற்கிடையில் ரம்பை இல்லாததால் தேவலோகம் பொலிவிழந்தது. நடந்ததை அறிந்த இந்திரன், ரம்பையை அழைத்து வருவதற்காக சித்திரசேனன் என்னும் கந்தர்வனை பூலோகம் அனுப்பினான். அவன் வந்து அழைத்தும், ‘சிவனருள் பெறாமல் தேவலோகம் வரமாட்டேன்’ என்று ரம்பை மறுத்து விட்டாள். இதைக் கேட்டு கோபம் கொண்ட இந்திரன், தனது வாகனமான ஐராவதத்தை அனுப்பி, ரம்பையை தூக்கி வரும்படி பணித்தான். 

பூலோகம் வந்த ஐராவதம் யானை, ரம்பையை தனது துதிக்கையால் வளைத்து தூக்க முயன்றது. அதைக் கண்டு அஞ்சிய ரம்பை, சிவலிங்கத்தைத் தாவி அணைத்துக் கொண்டாள். இதனால் கோபமுற்ற ஐராவதம், ‘இந்தச் சிவலிங்கத்தோடு உன்னை இந்திரலோகம் கொண்டு செல்வேன்’ என தனது தந்தத்தால் சிவலிங்கத்தைச் சுற்றிலும் தோண்டத் தொடங்கியது. ரம்பையின் அளவற்ற அன்பினால் நெகிழ்ந்த பரமன், லிங்கத்தில் இருந்து வெளிப்பட்டு, ஐராவதத்தை ஓங்கி உதைத்தார். அதன் உடல் பலவாறாக சிதறிட, அது ஓலமிட்டவண்ணம் உயிரைவிட்டது.

ரம்பைக்கு தரிசனம் தந்த இறைவன் அவளுக்கு, வரங்கள் பல தந்து மறைந்தார். ரம்பை சிவபூஜையை தொடர்ந்து செய்து வந்தாள். ஐராவதத்திற்கு ஏற்பட்ட நிலையை அறிந்த இந்திரன், சிவ பாதகம் செய்ததற்காக அஞ்சி, வன்னிவனம் அடைந்து, ரம்பை வழிபட்ட லிங்கத்தை அவளோடு இணைந்து வழிபட்டு வந்தான். பரமேஸ்வரன் அவர்கள் முன் தோன்றி, ஐராவதத்தை உயிர்பித்ததோடு, ரம்பையையும் இந்திரனுக்கு பணி செய்ய பணித்தார். ஐராவதத்தின் கொம்புகளாகிய கோட்டால், அகழப்பட்டதால் இத்தலம் ‘கோட்டூர்’ எனப் பெயர் பெற்றது.

இவ்வாறு பல சிறப்புவாய்ந்த இந்த
ஆலயத்தை தரிசிக்கும் பாக்கியத்தை எம்பெருமான் ஈசன்  அடியேனுக்கு அளித்தார்.

மேலும் அடியார்பெருமக்கள் அனைவரும் இங்கு வந்து இந்த ஈசனை வழிபட்டு இவரின் திருவருளை பெற இறைவனிடம் விண்ணப்பம் செய்கிறோம்.

திருச்சிற்றம்பலம்.

மீனாக்ஷி அம்மன் கோவில் கட்டப்பட்ட ஆண்டுகள்:

மீனாக்ஷி அம்மன் கோவில் கட்டப்பட்ட ஆண்டுகள்:
1168 – 75 -> சுவாமி கோபுரம்
1216 – 38 -> ராஜ கோபுரம்
1627 – 28 -> அம்மன் சந்நிதி கோபுரம்
1315 – 47 -> மேற்கு ராஜா கோபுரம்
1372 -> சுவாமி சந்நிதி கோபுரம்
1374 -> சுவாமி சந்நிதி வெஸ்ட் கோபுரம்

1452 -> ஆறு கால் மண்டபம்
1526 -> 100 கால் மண்டபம்
1559 -> சௌத் ராஜா கோபுரம்
-> முக்குரிணி விநாயகர் கோபுரம்
1560 -> சுவாமி சந்நிதி நார்த் கோபுரம்
1562 -> தேரடி மண்டபம்
1563 -> பழைய ஊஞ்சல் மண்டபம்
-> வன்னியடி நட்ராஜர் மண்டபம்

1564 – 72 -> வடக்கு ராஜா கோபுரம்
1564-72 -> வெள்ளி அம்பல மண்டபம்
-> கொலு மண்டபம்
1569 -> சித்ர கோபுரம்
-> ஆயிராங்கால் மண்டபம்
-> 63 நாயன்மார்கள் மண்டபம்
1570 -> அம்மன் சந்நிதி மேற்கு கோபுரம்

1611 -> வீர வசந்தராயர் மண்டபம்
1613 -> இருட்டு மண்டபம்
1623 -> கிளிக்கூட்டு மண்டபம்
-> புது ஊஞ்சல் மண்டபம்
1623 – 59 -> ராயர் கோபுரம்
-> அஷ்டஷக்தி மண்டபம்

1626 -45 -> புது மண்டபம்
1635 -> நகரா மண்டபம்
1645 -> முக்குருணி விநாயகர்
1659 -> பேச்சியக்காள் மண்டபம்
1708 -> மீனாக்ஷி நாயக்கர் மண்டபம்
1975 -> சேர்வைக்காரர் மண்டபம்

மீனாக்ஷி அம்மன் கோவில் கட்டியவர்களும், அந்த கால கட்டத்தில் ஆட்சி புரிந்தவர்களும்:

குலசேகர பாண்டியன் -> 1168 – 75.
மாறவர்மன் சுந்தரபாண்டியன் -> 1216 – 38.
பாராக்ரம பாண்டியன் -> 1315 – 47.
விஸ்வநாத நாயக்கர் -> 1529 – 64.

கிருஷ்ணப்பா நாயக்கர் -> 1564 – 72.
வீரப்ப நாயக்கர் -> 1572 – 94.
கிருஷ்ணப்பா நாயக்கர் -> 1595 – 1601.
முத்துகிருஷ்ணப்பா நாயக்கர் -> 1601 – 09.

முத்து நாயக்கர் -> 1609 – 23.
திருமலை நாயக்கர் -> 1623 – 1659.
ரௌதிரபதி அம்மாள் மற்றும்
தோளிமம்மை -> 1623 – 59. (Wives of ThirumalaiNaicker )
முத்து வீரப்ப நாயக்கர் -> 1659

சொக்கநாத நாயக்கர் -> 1659 – 82.
முத்து வீரப்ப நாயக்கர் -> 1682 – 89.
விஜயரங்க சோகநாத நாயக்கர் -> 1706 – 32.
மீனாட்சி அரசி -> 1732 – 36

 மதுரையிலேயே பஞ்சபூதத் தலங்கள் உள்ளதை நம்மில் பலபேர் அறிந்திருக்க வாய்ப்பில்லை🌹.
அவை:
1) மதுரை செல்லூரில் உள்ள திருவாப்புடையார் கோயில் 'நீர் ஸ்தலம்',
2) சிம்மக்கல் பழைய சொக்கநாதர் கோயில் 'ஆகாய ஸ்தலம்',
3) இம்மையில் நன்மை தருவார் கோயில் 'நில ஸ்தலம்',
4) தெற்கு மாசி வீதி தென் திருவாலவாயர் கோயில் 'நெருப்பு ஸ்தலம்',
5) தெப்பக்குளம் முக்தீஸ்வரர் கோயில் 'காற்று ஸ்தலம்' ஆகியவை மதுரையின் பஞ்சபூத ஸ்தலங்கள்
அதனால் தான் பஞ்சபூதங்களை உள்ளடக்கி வெள்ளை, ஊதா, பச்சை, சிவப்பு, மஞ்சள் நிறங்கள் கலந்த பஞ்சவர்ண கிளியை அன்னை மீனாட்சி கையில் பிடித்துள்ளாள் .
அப்பன் சிவனும் 64 திருவிளையாடல்களையும் கடம்பவனமாம் மதுரையிலேயே நிகழ்த்தி உள்ளார்.
திருவாரூரில் பிறந்தால் புண்ணியம்,
காஞ்சியில் வாழ்ந்தால் புண்ணியம்,
காசியில் இறந்தால் புண்ணியம்,
சிதம்பரத்தில் வழிபட்டால் புண்ணியம்,
திருவண்ணாமலையை நினைத்தாலே புண்ணியம் .
மதுரையில் பிறந்தாலும் 
மதுரையில் வாழ்ந்தாலும் 
மதுரையில் இறந்தாலும் 
மதுரையில் வழிபட்டாலும் 
மதுரையை நினைத்தாலும் புண்ணியம்.
சீறா நாகம், கறவா பசு, பிளிறா யானை, முட்டா காளை, ஓடா மான், வாடா மலை,காயா பாறை, பாடா குயில்
இவை அனைத்தும் மதுரை நகரின் அந்தக்காலத்து எட்டு திசைகளைக் குறிக்கும் எல்கை ஊர்கள்.👇👇👇
சீறா நாகம் - நாகமலை
கறவா பசு - பசுமலை
பிளிறா யானை - யானைமலை
முட்டா காளை - திருப்பாலை
ஓடா மான் - சிலைமான்
வாடா மலை - அழகர்மலை
காயா பாறை - வாடிப்பட்டி
பாடா குயில் - குயில்குடி.

ஓம் ஶ்ரீ மீனாட்சி அன்னையே சொக்கநாதரே போற்றி போற்றி வாழ்க வாழ்க 🌹🏵️🌼🌺🌷🌼🙏🙏🙏🙏🙏🙏🙏🙏

#தாயாக வந்து பிரசவம் பார்த்த சிவபெருமான்:பிரசவம் என்பது ஒவ்வொரு பெண்ணுக்கும் மறுபிறவி போன்றது.

பல புராணங்கள் மற்றும் வரலாற்றுச் சிறப்புமிக்க திருச்சி மலைக்கோட்டையில் சிவபெருமான் தாயாக வந்து செட்டிப்பெண் இரத்தினாவதிக்கு பிரசவம் பார்த்த தலமான, தேவாரம் மற்றும் திருப்புகழ் பாடல் பெற்ற சோழநாட்டு தலங்களில் ஒன்றான புகழ்பெற்ற 
திருச்சிராப்பள்ளி என்ற திரிசரன்பள்ளி (சிரபுரம்) மலைக்கோட்டை தாயுமானவர் சுவாமி (செவ்வந்திநாதர்) மட்டுவார்குழலி (சுகுந்த குந்தளாம்பிகை)
திருக்கோவில் வரலாறு:

திருச்சிராப்பள்ளி தாயுமானவர் கோயில் சம்பந்தர், அப்பர் பாடல் பெற்ற சிவாலயமாகும். இது திருச்சி மாவட்டத்தில் அமைந்துள்ளது. இறைவன் பெண்ணுக்கு மகப்பேறு காலத்தில் தாயாக வந்து உதவிய தலமென்பது தொன்நம்பிக்கை. தேவாரப் பாடல் பெற்ற தலங்களில் சோழ நாடு காவிரி தென்கரைத் தலங்களில் அமைந்துள்ள ஆறாவது சிவத்தலமாகும்.

மூலவர்: தாயுமானவர் 
(செவ்வந்திநாதர்)
அம்மன்: மட்டுவார்குழலி
(சுகுந்த குந்தளாம்பிகை)
தல தீர்த்தம்: காவிரி,பிரம்ம தீர்த்தம்
தல விருட்சம்:
வில்வம்
புராண பெயர்: திரிசரன்பள்ளி (சிரபுரம்)
ஊர்: திருச்சிராப்பள்ளி மலைக்கோட்டை
மாவட்டம்: திருச்சிராப்பள்ளி
மாநிலம்: தமிழ்நாடு

#பாடியவர்கள்:

சம்பந்தர்
அப்பர்
சுந்தரா்
அருணகிரிநாதா்
தாயுமானவடிகளாா்
ஆதிசங்கரா்

#தேவாரப்_பதிகங்கள்:

 "நன்றுடையானைத் தீயதில்லானை நரைவெள்ளேறு ஒன்றுடையானை உமையொரு பாகம் உடையானைச் சென்றடையாத திருவுடையானைச் சிராப்பள்ளிக் குன்றுடையானைக் கூற என்னுள்ளம் குளிரும்மே.

-திருஞானசம்பந்தர்

#அருணகிரிநாதர் அருளிய #திருப்புகழ்:

"திரிபுவனந்தொழு பார்த்திபன்
மருவியமண்டப கோட்டிகள்
தெருவில் விளங்கு சிராப்பள்ளி மலைமீதே
தெரிய இருந்த பராக்ரம,
உருவளர் குன்றுடையார்க் கொரு
திலதமெனும்படி தோற்றிய பெருமாளே’’என்று பாடியுள்ளார் அருணகிரியார்.

"வாசித்துக் காணொணாதது,
பூசித்துக் கூடொணாததுவாய்விட்டுப்
போசொணாதது, நெஞ்சினா
லேமாசர்க்குத் தோணொணாதது,
நேசர்க்குப் பேரொணாதது,
மாயைக்குச் சூழொணாதது,
விந்துநாத ஓசைக்குத் தூரமானது,
மாசுத்துக் கீறதானது லோகத்துக்காதியானது
கண்டு நாயேன்யோகத்தைச் சேருமாறு
மெய்ஞ்ஞானத்தைப் போதியாய்
இனிஊனத்தைப் போடிடாது
மயங்கலாமோ?’’
__அருணகிரிநாதர்

#தாயாக வந்து பிரசவம் பார்த்த சிவபெருமான்:

பிரசவம் என்பது ஒவ்வொரு பெண்ணுக்கும் மறுபிறவி போன்றது. பத்து மாதங்கள் கருவைத்தன் வயிற்றில் சுமந்த ஒரு பெண், குழந்தையைப் பெற்றெடுக்கும் வலி என்பது எவராலும் நினைத்துக் கூடப்பாா்க்க முடியாதது ஆகும். இதனால் தான் தாய்மை என்பது புனிதமாகப் போற்றப்படுகின்றது.

தாய்மைப்பேறு அடைவதும் குழந்தையைச் சுகப்பிரசவமாக ஈன்றெடுப்பதும் எல்லாம் வல்ல அம்பிகை பாகனின் திருவருளால் சாத்தியமாகும். திருச்சிராப்பள்ளி மலையில் அருள்பாலிக்கும் ஈசன், தன் எளிய பக்தை ரத்னாவதிக்காக நிகழ்த்திய திருவிளையாடலே இதனை இப்பூவுலகிற்கு உணா்த்தும் நிகழ்வாகும்.

சிராப்பள்ளிக் குன்றுடைய திரு நகரில் வசித்து வந்தான் தனகுப்தன் என்ற வணிகன். இவனது மனைவி ரத்னாவதி. உலக உயிா்களுக்கெல்லாம் பிரியமான தாயாகவும் நன்மைகளை நல்கும் தந்தையாகவும் அருள்பாலிக்கும் மலைக்கோட்டை மகாதேவரான ஈசனின் மீது தீவிர பக்தி கொண்டவள் ரத்னாவதி.

நிறைமாத கா்ப்பிணியான ரத்னாவதியைத் தனியே விட்டுவிட்டு தன் வணிக நிமித்தமாக வெளியூர் சென்ற தனகுப்தன் இன்னும் ஊா் திரும்பவில்லை. காவிரிப்பூம்பட்டின த்திலிருந்து கிளம்பிய தாயும் சிராப்பள்ளி வந்து சேரவில்லை.

பெருமழை காரணமாக காவிரியில் கரைபுரண்ட வெள்ளம் இந்தத் தாயின் பயணத்தைத் தடைசெய்தது. பொங்கும் நுரையோடு இரு கரைகளையும் தொட்டுச் செல்லும் புதுவெள்ளம் வடிந்தால்தான் பரிசல் இயக்கமுடியும் என்று தொிவித்தனா் ஓடக்காரா்கள். காவிரியின் மறுகரையில் தவிப்போடு காத்திருந்தாள் ரத்னாவதியின் தாய். மழையும் விட்டபாடில்லை.

இந்த நேரம் பாா்த்து ரத்னாவதிக்குப் பிரசவவலி தீவிரமானது. உற்ற துணையாக இருக்கும் கணவனும் வருவதாகச் சொன்ன தாயும் இன்னும் வந்து சேரவில்லை. பேரிரைச்சலோடு கொட்டும் மழையில் ரத்னாவதி எழுப்பிய கூக்குரல்கள் அண்டை அயலாருக்கும் கேட்கவில்லை.

பால் நினைந்தூட்டும் தாயினும் சாலப் பரிவு கொண்ட மலைக்கோட்டை மகேசனை வணங்கி, “நிா்க்கதியாகத் தவிக்கும் எனக்கு நீயே கதி!” என்று அழுது கதறினாள். ரத்னாவதியின் கூக்குரல்கள் ஈசனின் திருச் செவிகளுக்கு எட்டின. ரத்னாவதிக்குத் அருள்புரியத் திருவுள்ளம் கொண்டாா் திருக்கயிலைநாதன்!

ரத்னாவதியின் வீட்டிற்குள் வேகமாக நுழைந்தாள் அவளது தாய். பீறிட்டு எழுந்த அழுகையோடு, “ஏனம்மா இவ்வளவு தாமதம்?” என்று ரத்னாவதி கேட்க அருகில் சென்று அமா்ந்து அவளை அரவணைத்து ஆசுவாசப்படுத்தினாள் தாய். பரபரப்புடன் செயல்பட்ட ரத்னாவதி யின் தாய் ஒரு மருத்துவரின் நிலையில் நோ்த்தியாகத் தன் மகளுக்குப் பிரசவம் பாா்த்தாள். சுகப்பிரசவத்தில் அழகான மகவை ஈன்றெடுத்தாள் ரத்னாவதி.

நன்றிப்பெருக்கோடு கண்ணீா் மல்க தன் தாயையும் அருகிலிருக்கும் குழந்தையையும் பாா்த்தாள் ரத்னாவதி. தன் மகளுக்கு உடனடித் தேவைகளைச் செய்து கொடுத்த தாய் சற்று நேரத்தில் வருவதாகக் கூறி வெளியில் சென்றாள்.

சிறிது நேரத்தில் அவசரம் அவசர மாகக் கலங்கிய நெஞ்சத்துடன் ரத்னாவதியின் வீட்டுக்குள் நுழைந்தாள் அவளது தாய். தன் மகளையும் குழந்தையையும் பாா்த்து, “பிரசவம் ஆகி விட்டதா? நான் அருகில் இல்லாமல் என்ன துன்பத்தை அனுபவித்தாயோ?” என்று வருந்தினாள்.

திகைப்பு மேலிட, “என்ன ஆச்சு உனக்கு? நீ தானே எனக்குப் பிரசவம் பாா்த்தாய்” என்றாள் ரத்னாவதி. ரத்னாவதியின் தாயை வியப்பில் ஆழ்த்தியது தன் மகளின் பதில். “மகளே! காவிரியில் ஏற்பட்ட வெள்ளப்பெருக்கால் என்னால் குறித்த நேரத்தில் வர இயலவில்லை. வெள்ளம் சற்று குறைந்த பின் இப்போது தான் உன் வீட்டிற்குள் ஓடோடி வந்து நுழைந்தேன்” என்றாள் ரத்னாவதியின் தாய்.

ரத்னாவதிக்கும் வியப்பு குறைய வில்லை. தாங்கள் இப்போது தான் வருகின்றீா்கள் என்றால் எனக்குப் பிரசவம் பாா்த்தது யாா்? குழம்பினாள் ரத்னாவதி! உண்மை தொிய சிராப்பள்ளி ஈசனை வணங்கினாள். அக்கணமே, ரத்னாவதிக்குப் பிரசவம் பாா்த்த தாய் அங்கு வந்து சோ்ந்தாள்.

இரட்டையா்களைப் போலவே இரு தாய்மாா்களும் ஒன்றாக இருந்தனா். இது ஈசனின் திருவிளையாடலே என்று எண்ணி நெஞ்சம் நெகிழ்ந்தபோது, பிரசவம் பாா்த்த தாய் திடீரென மறைந்து ஈசனும் அம்பிகையும் ரிஷப வாகனத்தில் ரத்னாவதிக்குத் திருக்காட்சி தந்தனா்.

“எளியவா்க்கே நான் வசப்படுவேன்” என்பதற்கேற்ப எளியவளான தனக்காக மனமிரங்கிய ஈசனின் திருக்கருணையை எண்ணி கண் கலங்கினாள் ரத்னாவதி. இதனால் திருச்சிராப்பள்ளி மலைக் குன்றில் அருளும் ஈசன் தாயுமானவா் என்று வணங்கப்படுகின்றாா்.

#புராண_வரலாறு:

வாயுபகவானுக்கும் ஆதிசேஷனுக்கும் தங்களில் யாா் அதீத ஆற்றல் படைத்தவா் என்ற போட்டி ஏற்பட்டது. மேரு மலையை ஆதிசேஷன் தன் உடலால் வளைத்துப் பிடித்துக்கொள்ள, வாயு பகவான் அதனை பெயா்ப்பது என தங்களுக்குள் இருவரும் ஒரு போட்டியைக் கையாண்டனா். வாயு பகவான் எவ்வளவோ முயன்றும் மலையை அசைக்கவே முடியவில்லை. இந்தப் போட்டியின்போது மேரு மலையிலிருந்து சில துண்டுகள் பெயா்ந்து பல இடங்க ளில் விழுந்தது. அவ்வாறு விழுந்த மலையின் ஒரு பகுதியே திருச்சிராப் பள்ளியில் மலையாக உள்ளது.

இம்மலையில் திரிசிரன் என்னும் அசுரன் ஈசனைக் குறித்து வேள்வித் தீ வளா்த்து கடும் தவம் செய்தான். பல்லாண்டுகள் நீடித்தது இவனது தவம். ஈசன் அவனை மேலும் சோதிக்க நினைத்தாா் போலும்! அவனுக்கு ஈசனின் திருக்காட்சி கிடைக்கவில்லை. மனம் வருந்திய அசுரன் தன்னையே வேள்வித் தீயில் ஆகுதியாக சமா்ப்பிக்க முடிவு செய்தான்.

தன் இரண்டு தலைகளையும் கொய்து வேள்வித் தீயிலிட்டான் அசுரன். மூன்றாவது தலையையும் அக்னிக்கு இரையாக்கத் துணிந்த நேரத்தில் மனம் கனிந்தாா் மகேசன். அவனுக்கு அம்பிகை சமேதராகக் காட்சி கொடுத்த ஈசன், மூன்று தலைகளையும் வழங்கி, அவனது வேண்டுகோளின்படி இம்மலையில் எழுந்தருளி இத்தலத்திற்கு வந்து தன்னை வணங்கும் அன்பா்களுக்கும் திருவருள் தருகின்றாா். அசுரனின் பெயராலேயே ஈசனுக்கு “திரிசிரநாதா்” என்ற திருநாமமும் ஏற்பட்டது. “திரிச்சிராமலை” என்ற திருநாமத்துடன் அழைக்கப்பட்ட இத்தலம் காலவெள்ளத்தில் மருவி “திருச்சி” என பெயா் பெற்றது.

தல வரலாறு:

திருச்சி உறையூரைத் தலைநகராகக் கொண்டு முற்கால சோழ மன்னன் ஒருவன் ஆட்சி செய்து வந்தான். அப்போது மலைக்கோட்டையின் கீழே உள்ள நந்தவனத்தில் சாரமா முனிவர் எழுந்தருளி இருந்தார். தினமும் மலைக்கோட்டை சிவனுக்கு நந்தவனத்து செவ்வந்தி மலர்களைக் கொய்து வழிபட்டு வந்தார். ஒருநாள் அரசனது படை வீரர்கள் சிலர் முனிவரின் நந்தவனத்தில் மலர்களைத் திருடி, மன்னனுக்குக் கொடுத்தார்கள். அந்த மலர்களின் மணம், நிறம் இவற்றால் ஆசை கொண்ட அரசன் தினமும் மலர்கள் கொண்டு வரும்படி ஆணையிட்டான். இதனால் நந்தவனத்தில் தினமும் மலர்கள் திருடு போனது. முனிவரின் சிவபூஜையும் நின்று போனது. மன்னனிடம் முறையிட்டும் பலன் இல்லை. இதனால் முனிவர் ஈசனிடம் முறையிட்டார்.

அடியார் தவிக்க ஆண்டவன் பொறுப்பானா! உறையூர் நோக்கி ஈசன் உக்கிரப் பார்வை செலுத்தினான். அங்கு மண் மழை பொழிந்தது. உறையூர் மண்மூடிப் போனது என்று தல வரலாறு கூறுகிறது. உறையூர் சோழ அரசனும் அரசியும் அரண்மனையை விட்டு வெளியேற, அரசன் அழிந்தான். கருவுற்றிருந்த அரசி புவனமாதேவி ஈசனை வேண்டி அழுது, அலை புரண்டோடிய காவிரியில் விழுந்து உயிர்விடத் துணிந்தாள். அடியார் ஒருவர் அரசியைக் காப்பாற்ற, அரசி ஆண் குழந்தை ஒன்றை ஈன்றெடுத்தாள். அந்தக் குழந்தையே பார் போற்றும் கரிகால் சோழன் என்கிறது ஒரு சரித்திரத் தகவல். செவ்வந்தி மலரால் பூஜிக்கப்பட்டவர் என்பதால் இங்குள்ள ஈசன் 'செவ்வந்தி நாதர்' என்ற திருநாமம் கொண்டார். அதுசரி பிறகு ஏன் தாயுமானவர் என்றும் சுவாமி போற்றப்படுகிறார். அதற்கும் ஒரு கதை உண்டு.

#தாயுமாகி_ஆண்ட செல்வப்பெருந்தகை : 
(தாயுமானவர்)

தனகுத்தன் என்ற வணிகனின் மனைவி ரத்தினாவதி. செவ்வந்திநாதர் மீது தீராத பக்தி கொண்டவர்கள் இந்த தம்பதியர். ரத்தினாவதி சூலுற்றாள்; பிரசவம் பார்க்க தன் தாயை உதவிக்கு அழைத்தாள். மகளைக் காண விரைந்து வந்த தாய் காவிரி ஆற்றின் பெருவெள்ளத்தால் அக்கறையிலேயே நின்று விட்டாள். நேரம் நெருங்கியது, தாய் தன் மகளுக்கு என்னாகுமோ என்று மலைக்கோட்டையை நோக்கி கரம் குவித்து 'செவ்வந்திநாதா, அபயம் அபயம்...' என்று கதறினாள். அங்கே நிறை சூல் கொண்ட ரத்தினாவதியும் துணை இன்றி துடித்தாள். செவ்வந்திநாதர் தாயானார்; ஆதரவின்றி தவித்த பெண்ணுக்கு தாதியானார். தாயையும் பிள்ளையையும் பூப்போல பிரித்தெடுத்தார். காவிரி வெள்ளம் வடிந்து பெற்றவள் வரும்வரை ரத்தினாவதியைப் பேணி காத்தார். இந்த அற்புத லீலையால் மண்ணுலகின் சகல ஜீவராசிகளுக்கும் தாயுமானவர் ஆனார். இப்போதும் ஒவ்வோர் ஆண்டும் திருச்சி மலைக்கோட்டையில் உள்ள தாயுமானவர் கோயிலில் சித்திரை பிரம்மோற்சவ ஐந்தாம் நாள் விழாவில் செட்டிப் பெண் மருத்துவம் என்ற நிகழ்ச்சி நடைபெற்று வருகிறது என்பது விசேஷம். ரத்தினாவதியின் வழி வந்த குலத்தினர் இந்தத் திருவிழாவை இப்போதும் விமரிசையாக நடத்துகிறார்கள்.இந்த விழாவில் கலந்து கொள்ளும் கர்ப்பிணி பெண்களுக்கு சுகப்பிரசவ மருந்து வழங்கப்படுவதும் விசேஷம்.

#உச்சிப்_பிள்ளையார்:

திருச்சி என்றாலே நம் நினைவுக்கு வருவது கரைபுரண்டோடும் காவிரியும் மலையில்அருளும் உச்சிப்பிள்ளையா ரும் தான். உச்சிப்பிள்ளையாா் மலையில் கோயில் கொண்ட நிகழ்வுக்கு ஒரு புராண வரலாற்றுப் பின்னணி உள்ளது.

அயோத்தி நகரில் ராமபிரான் பூஜித்த ஶ்ரீரங்கநாதரை அவரிடமிருந்து பெற்ற விபீஷணன் அதனை இலங்காபுரிக்குக் கொண்டு சென் றான். கங்கையினும் புனிதமான காவிரி நீரால் ரங்கநாதருக்குத் திருமஞ்ஜனம் செய்ய விபீஷணன் நினைத்தான். அச்சிலையைக் கீழே வைக்கக் கூடாது என்று தொிவித்த ராமபிரானின் வாக்கு நினைவுக்கு வந்தது. எனவே, அவ்விடத்தில் சிறுவனாக வந்த விநாயகரிடம் அச்சிலையைக் கொடுத்து, கீழே வைக்கக் கூடாது என்ற நிபந்தனை யையும் விதித்து காவிரி நீரைக் கொணரச் சென்றான் விபீஷணன்.

காவிரியில் நீராடி விபீஷணன் அப்புனித நீரைக் கொண்டுவரும் போது ரங்கநாதரின் சிலை கீழே வைக்கப்பட்டி ருந்தது. கோபம் கொண்ட விபீஷணன், சிறுவனைத் தேட, பயந்து ஓடினான் அச்சிறுவன். சிறுவனைத் தொடா்ந்து விரட்டிச்சென்றான் விபீஷணன். மலை உச்சிக்குச் சென்ற சிறுவன், தன் சுய ரூபத்தை வெளிப்படுத்தி விநாயகப் பெருமானாக விபீஷணனுக்குத் திருக்காட்சி தந்தாா். மலை உச்சியில் விபீஷணனுக்குக் காட்சி தந்ததால் இவ்விநாயகப் பெருமான் “உச்சிப்பிள்ளையாா்” என்றே வணங்கப்படுகின்றாா்.

#ஞான தட்சிணாமூா்த்தி!

இத்தலத்தில் அருளும் ஶ்ரீஞான தட்சிணாமூா்த்தி, தா்ப்பை ஆசனத்தில் அருள்காட்சி தருகின்றாா். இவருக்குக் கீழே சனகாதி முனிவா்கள் நால்வருடன் சிவயோகமாமுனிவா், பதஞ்சலி, வியாக்ரபாதா், திருமூலரும் அருள்பாலிக்கின்றனா். அருணகிரியாா் தனது திருப்புகழில் இவரை “தா்ப்ப ஆசன வேதியன்” என குறிப்பிட்டுப் பாடியுள்ளாா்.

#பிரசவம்_பாா்க்கும் ஈசன்!

இத்தலத்தில் நடைபெறும் பிரம் மோற்சவத்தின்போது 5 ஆம் நாளில், ஈசன் ரத்னாவதிக்குப் பிரசவம் பாா்க்கும் வைபவம் மிகவும் சிறப்பாக நடைபெறுகிறது. அன்றைய நாளில் சோமாஸ்கந்த மூா்த்தத்திற்கு அருகில் கா்ப்பிணிப் பெண் ரத்னாவதியின் சிலையை வைக்கின்றனா். திரையிட்டு மூடிய பிறகு ஈசன் ரத்னாவதிக்குப் பிரசவம் பாா்க்கும் நிகழ்வு நடைபெறுகிறது. இந்த நேரத்தில் குழந்தையை ரத்னாவதியின் மடியில் அமரவைத்து சிறப்பு அலங்காரம் செய்த பின்னா் திரையை விலக்கி தீப ஆராதனை காண்பிக்கின்றனா். இந்த வைபவம் முடிந்த பிறகு தைலம் பிரசாதமாகத் தரப்படுகின்றது. இதனை அருந்தும் பெண்களுக்கு சுகப்பிரசவம் ஆகும் என்பது நம்பிக்கையாக உள்ளது.

#மட்டுவாா்குழலி அம்பிகை!

இத்தலத்தின் அம்பிகை “மட்டுவாா்குழலி” தனிச்சந்நிதியில் கோயில் கொண்டு அருள்வழங்குகி ன்றாா். “மட்டு” என்றால் “தேன்”. தேன் நிறைந்த மலா்களைத் தன் கூந்தலில் சூடிக்கொண்டவா் என்பது “மட்டுவாா்குழலி” என்பதன் பொருளாகும். இந்த அம்பிகைக்கு “சுகந்த குந்தளாம்பிகை” என்ற திருநாமமும் வழங்கப்படுகின்றது. வாசமிக்க கூந்தலை உடையவா் இந்த அம்பிகை என்பது இதன் பொருளாகும். தாமரை மலரில் சிறு குழந்தையாகத் தோன்றிய இந்த அம்பிகையை “காா்த்தியாயன முனிவா்” வளா்த்தாா். இந்த அம்பிகை ஈசன் தாயுமானவரைக் குறித்து அருந்தவம் செய்து மணம் செய்து கொண்டாா் என சமய மரபு குறிப்பிடுகின்றது. அம்பிகையின் சந்நிதியில் ஆதிசங்கரா் அருளிய “செளந்தா்ய லஹரி” பொறிக்கப்பட்டுள்ளது.

கா்ப்பமுற்ற தாய்மாா்களின் வீட்டிலிருந்து யாராவது ஒருவா் வந்து இந்த அம்பிகைக்கு 21 கொழுக்கட்டைகள் மற்றும் 21 அப்பம் படைத்து ஒரு துணியில் மஞ்சள், குங்குமம், வெற்றிலையைக் கட்டி அா்ச்சனை செய்து வழிபட சுகப்பிரசவம் ஆகும் என்பது நம்பிக்கையாகும்.

#வாழைத்தாா் வழிபாடு.

மழலைப்பேறு வாய்க்கவும் சுகப் பிரசவம் நடைபெறவும் தாயுமான சுவாமிக்கு பாலபிஷேகம் செய்து வாழைத்தாா் படைத்து வழிபடும் பழக்கம் இத்தலத்தில் உள்ளது. எப்போதும் அழிவில்லாமல் தழைத்துக் கொண்டே இருக்கும் தன்மையுடையது வாழைமரம். இவ்வாறு வாழையடி வாழையாக குடும்பம் தழைக்க வேண்டும் என்ற தாத்பரியத்தின் அடிப்படையில் இத்தலத்தில் வாழைத்தாா் கொண்டு வழிபாடு செய்கின்றனா். வாழைத்தாரை கருவறையில் வைத்து பூஜை முடித்த பின்னா் பிரசாதமாக அளிக்கின்றனா். வேண்டுதலின்படி வாழைத்தாரை கருவறையில் கட்டும்போது அதனை சற்று நேரம் ஊஞ்சல் போல ஆட வைக்கின்றனா் அா்ச்சகா்கள்.

#பிராகாரத்தில் அருளும் ஶ்ரீமஹாலக்ஷ்மி!

ஈசன் திருச்சந்நிதியின் பிராகாரத்தில் மரத்தில் செய்யப்பட்ட ஶ்ரீமஹாலக்ஷ்மி அருள்பாலிக்கின்றாா். வெள்ளிக்கிழமை தோறும் இந்த மஹாலக்ஷ்மிக்கு “ஶ்ரீவேத சூக்த மந்திர ஹோமம்” நடத்தப்படுகிறது. இத்தாயாருக்கு பால், தேன், குங்குமப்பூ சோ்ந்த கலவையைப் பிரசாதமாகப் படைத்து நெய் தீபம் ஏற்றி வழிபடுகின்றனா். இதனால் அன்பா்களின் குடும்பத்தில் “ஐஸ்வா்யம்” தழைத்தோங்கும் என்ற நம்பிக்கை உள்ளது.

#மலையே மகேசன்!

தாயுமானவா், அம்பிகை மட்டுவாா் குழலி மற்றும் உச்சிப்பிள்ளையாா் ஆகிய மூவரும் சிராப்பள்ளி மலையில் தனித்தனி சந்நிதியில் எழுந்தருளி அருள்பாலிக்கின்றனா். 417 படிகளுடன் 273 அடி உயரத்தில் உள்ள இந்தக் குன்றை வெவ்வேறு திசைகளிலிருந்து பாா்க்கும்போது சிவனாரின் வாகனமான ரிஷபம் போன்றும், அம்பிகையின் வாகனமான சிம்மம் போன்றும் தும்பிக்கையை நீட்டி விநாயகா் அமா்ந்த கோலத்தில் காட்சியளிப்பது போன்றும் தோன்றுவது அதிசயமாகும்.

சிவாலயங்களில் லிங்கத் திருமேனியின் வடிவத்திற்கு ஏற்ப நந்தி எம்பெருமான் அருள்பாலிப்பாா். இத்தலத்தில் மலையே சிவனாகக் கருதி வழிபடப்படுவதால், மலை அடிவாரத்தில் உள்ள பிரம்மதீா்த்தக் கரையில் பெரிய நந்தி சிலை அமைத்து தனிக்கோயிலாக வழிபாடுகள் நடைபெறுகின்றன. பிரதோஷ நாளில் இந்த நந்தி எம்பெருமானுக்கு மிகச் சிறப்பாக பிரதோஷ வழிபாடுகள் நடைபெறுகின்றன.

#சூரிய பூஜை.

கருவறையில் மிகப்பெரிய லிங்கத் திருமேனியுடன் காட்சி தரும் ஈசனின் மீது பங்குனி மாதம் மூன்று நாட்கள் சாயரக்ஷை பூஜையின் போது சூரிய பகவான் தன் ஒளிக்கதிா்களை ஈசனின் திருமேனி மீது படரவிட்டு வழிபடுவது சிறப்பான நிகழ்வாகும்.

#இலக்கியங்களில் சிராப்பள்ளி!

சங்க இலக்கிய நூலான அகநானூற் றில் திருச்சி, “கறங்கிசைவிழவின் உறந்தைக் குணாது நெடும் பெருங்குன்றம்” என்று குறிப்பிடப்ப டுகின்றது. அதாவது “பெருங்குன்றம்” என்று வழங்கப்பட்டுள்ளது.

தமது தேமதுர தமிழ் திருமுறைகளில் இத்தலத்தை “சிராப்பள்ளி” என்று குறிப்பிட்டுள்ளனா் சைவ சமயக் குரவா்களாகிய ஞானசம்பந்தரும் நாவுக்கரசரும். பத்தாம் நூற்றாண்டில் “நாராயண வேம்பையா்கோன்” என்பவா் திருச்சி மலையை “சிராமலை” என்று பாடியுள்ளாா்.

“தாயுமானவா்” பதினெட்டாம் நூற்றாண்டில் திருச்சி மெளனமடத்தில் மெளனகுருவைத் தமது குருவாகக் கொண்டு வாழ்ந்தவா். தாயுமானவா் பாடல்கள் என்னும் தொகுப்பில் மலையில் அருளும் ஈசன் மீது மூன்று பாடல்களும், ஆலமா்செல்வன் ஶ்ரீதட்சிணாமூா்த்தி மீது பதினோரு பாடல்களும், தன் குருநாதா் மெளனகுருநாதா் குறித்துப் பத்து பாடல்களும் பாடியுள்ளாா்.
இவா் பாடிய பாடல்கள் மொத்தம் 1452 ஆகும்.

இத்தலத்தில் அருளும் முருகப் பெருமானை “சிரகிரிப் பதிவேளே சரவணபவப் பெருமாளே” எனத் தமது திருப்புகழில் பாடி நெகிழ்கின்றாா் அருணகிரிநாதப்பெருமான்!

#கல்வெட்டுகளில் சிராப்பள்ளி!

திருச்சி மலையில் உள்ள பாறையின் மீது கற்படுக்கைகளும் தலை யணைகளும் காணப்படுகின்றன. சிதைந்த நிலையில் உள்ள ஒரு கற்படுக்கையில் “சிரா” என்ற பெயருடன் ஒரு கல்வெட்டு காணப்படுகின்றது. இதன் எழுத்தமைதியைக் கொண்டு கி.பி. ஐந்தாம் நூற்றாண்டினைச் சாா்ந்த கல்வெட்டு இது என தொல்லியல் துறை நிபுணா்கள் தொிவித்துள்ளனா்.

கி.பி. 9ஆம் நூற்றாண்டிலிருந்து 13 ஆம் நூற்றாண்டு வரை சோழ மன்னா்களும் பாண்டிய மன்னா்களும் இப்பகுதியை ஆண்டுள்ளனா்.
“உறையூா்க் கூற்றம் சிற்றம்பா் திருச்சிராப்பள்ளி” என்று சோழா் காலத்திலும், “இராஜகம்பீர வளநாட்டு உறையூா்க் கூற்றத்துத் திருச்சிராப்பள்ளி” என்று பாண்டியா் காலத்திலும் இவ்வூா் அழைக்கப்பட்டுள்ளது.

இத்தலத்தில் பல்லவ மன்னன் முதலாம் மகேந்திரவா்மன் சமண மதத்திலிருந்து சைவ சமயத்திற்கு மாறியதைப் பற்றிய கல்வெட்டு உள்ளது. இம்மன்னனே இங்குள்ள குன்றைக் குடைந்து கோயில் அமைத்து, அக்கோயிலுக்கு “லலிதாங்குர பல்லவேச்சுர கிருகம்” என பெயா் சூட்டியுள்ளான்.

பாண்டிய மன்னன் முதலாம் வரகுணபாண்டியன் கல்வெட்டில் ஈசனது திருநாமம் “திருமலைப் பெருமானடிகள்” என்றும், இராஜராஜ சோழ மன்னனின் காலத்தில் இத்தலத்தின் பெயா் “திரிபுவனபதி” என்றும் பாண்டிய மன்னன் முதலாம் மாறவா்மன் சுந்தர பாண்டியன் கல்வெட்டில் ஈசனது திருநாமம் “திருச்சிராப்பள்ளி உடையாா்” என்றும் வழங்கப்பட்டுள்ளதை அறிய முடிகின்றது. இத்தலம் “தென் கயிலாயம்” என்றும் பக்தியோடு பூஜிக்கப்படுகின்றது.

குழந்தை வரம் கிடைக்கவும், சுகப்பிரசவம் ஆகவும் இந்த கோயிலுக்கு வருபவர்கள் அநேகம். வடமொழியில் தாயுமானவர் மாத்ருபூதேஸ்வரர் என்று அழைக்கப்படுகிறார். தாயுமானவர் சுயம்பு மூர்த்தியாக மேற்கு திசையில் எழுந்தருளியுள்ளார். மலைப் பாறைகள் மீது 3 அடுக்குகளாக கட்டப்பட்டுள்ள இந்த ஆலயம் பழங்கால கட்டிடக் கலைக்கு ஒரு சிறந்த எடுத்துக்காட்டு. பிரமாண்டமான சிவலிங்கத் திருமேனி சுமார் 5 அடி உயரம் கொண்டது. 'தர்ப்ப ஆசன வேதியன்' என்ற பெயராலும் கொண்டாப்படும் இந்த ஈசனை குழந்தைகள் வழிபட்டால் கல்வியில் மேம்படுவர் என்பதும் நம்பிக்கை.

அம்பிகை, அகத்தியர், அனுமன், அர்ஜுனன், ராமர், இந்திரன், சப்தரிஷிகள், கலைமகள், பிரம்மா, ஜடாயு போன்றோர் இங்கு வந்து சுவாமியை வழிபட்டுள்ளார்கள். அப்பரும் சம்பந்தரரும் பாடித் தொழுத பரமன் இவர். அம்பாள் மட்டுவார் குழலி, சுகந்த குந்தளாம்பிகை என்று வடமொழியிலும் போற்றப்படுகிறாள். ஈசனை மணக்க விரும்பிய அம்பிகை தாமரை மலரில் அவதரித்து கார்த்யாயன முனிவரால் வளர்க்கப்பட்டாள்.
நீண்ட காலம் தவமிருந்து ஈசனை அடைந்தாள் என புராணம் கூறுகிறது. தன் கூந்தலில் இயற்கையாக நறுமணம் வீச வளர்ந்த அம்பிகை மட்டுவார் குழலி என்றானாள்.

குழந்தை வரம் கிட்ட இங்கு நடத்தப்படும் வாழைத்தார் வழிபாடு பிரசித்தமானது. கர்ப்பிணிப் பெண்கள் சுகப்பிரசவம் ஆக, இங்கு வந்து வாழைத்தார் வாங்கித் தொட்டில் கட்டுவதாக பிரார்த்தித்துக் கொள்வார்கள். அதேபோல் பிரசவம் ஆன பிறகு சுவாமியின் சந்ந்தியில் வாழைத்தாரைக் கட்டி அதைத் தொட்டிலாக ஆடவிட்டு நேர்த்திக்கடன் செலுத்துவார்கள். பிறகு வாழைப்பழங்களை அங்குள்ள பக்தர்களுக்குப் பிரசாதமாக அளிப்பார்கள்.

இங்குள்ள முருகப் பெருமான் முத்துக்குமார சாமியாக பன்னிரு கரங்களும், ஆறு முகமும் கொண்டு மயில் மீதமர்ந்து கிழக்கு நோக்கி எழுந்தருளியுள்ளார். தேவியர் புடைசூழ விளங்குகின்றார். வேறொரு சந்நிதியில் முருகப் பெருமான் ஒரு முகமும் நான்கு கரங்களும் கொண்டு இரு தேவியருடன் நின்ற கோலத்தில் காட்சி தருகின்றார். இந்த முருகப்பெருமான் அருணகிரிநாதரால் திருப்புகழில் பாடப் பட்டவர்.

இங்குள்ள சிவதீர்த்தம் பாவங்களை நீக்க வல்லது. சிவ அபசாரத்தால் பன்றியாக பிறப்பெடுத்த ஒருவன், இங்குள்ள தீர்த்தத்தைக் கண்ட மாத்திரத்தில் சாபவிமோசனம் பெற்றான் என்று தலபுராணம் கூறுகின்றது. இங்குள்ள நவக்கிரகங்களில் 8 பேரும் சூரிய பகவானைப் பார்த்தவாறு எழுந்தருளியுள்ளதால் இங்கு வழிபட தோஷ நிவர்த்தி உண்டாகும் என்பர்.

ஆரம்பத்தில் இங்குள்ள ஈசன் கிழக்கு நோக்கியே அருள் புரிந்தார் என்றும் சாரமா முனிவருக்காக உறையூரை தண்டிக்க மேற்கு நோக்கி திரும்பினார் என்றும் கூறப்படுகிறது. இதனால் இக்கோயிலில் சிவனுக்கு பின்புறம் கொடிமரம் உள்ளது. இங்குள்ள தட்சிணாமூர்த்தி மூர்த்தம் எட்டு முனிவர்களுடன் தர்ப்பாசனத்தில் அமர்ந்து எழுந்தருளி இருப்பது வேறெங்கும் காண முடியாத அதிசயம். அதேபோல் இங்கு எழுந்தருளி உள்ள மரத்தால் ஆன மகாலட்சுமி அன்னை நின்ற கோலத்தில் காட்சி தருகிறாள். இவளை வழிபட அஷ்ட ஐஸ்வர்யங்களும் பெருகும் என்கிறார்கள். மரத்தால் ஆன துர்கையும் இங்கு விசேஷம். கொடி மரத்துக்கும் பலி பீடத்துக்கு இடையே உள்ள சங்குநாதர் வடிவம் சிறப்பானது. சங்குசாமி என்று வணங்கப்படும் இந்த சிவகண அடியார், இறைவன் புறப்பாடு நடக்கையில் சங்கு நாதம் எழுப்பி சகலருக்கும் அறிவிப்பாராம்.

பொது தகவல்:

இத்தலவிநாயகர் செவ்வந்தி விநாயகர் என்ற திருநாமத்துடன் அருள்பாலிக்கிறார். இத்தலத்திற்கு தென்கைலாயம் என்ற சிறப்பு பெயரும் உண்டு. மலையில் அமைந்த இக்கோயிலில், குன்றின் மத்தியில் ஒரு பிரகாரம் இருக்கிறது. இதை, “மேல்வீதி’ என்றும், மலையைச் சுற்றி அடிவாரத்திலுள்ள வீதியை, “கீழ்வீதி’ என்றும் சொல்கிறார்கள். விழாக்களின்போது இவ்விரண்டு வீதிகளிலும் சுவாமி உலா செல்வார்.

நவக்கிரக மண்டபத்தில் மனைவியர் உஷா, பிரத்யூஷாவுடன் சூரியன் காட்சி தருகிறார். இம்மண்டபத்தில் கிரகங்கள் அனைத்தும், சூரியனை நோக்கி திரும்பியிருக்கின்றன. மலை அடிவாரத்தில் “மாணிக்கவிநாயகர்’ இருக்கிறார். தனிச்சன்னதியிலுள்ள முத்துக்குமாரசுவாமியை, அருணகிரியார் திருப்புகழ் பாடியிருக்கிறார். அம்பாள் சன்னதிக்கு அருகில், ஒரு பள்ளத்திற்குள், “பாதாள அய்யனார்’ இருக்கிறார்.

#சுகப்பிரசவ ஸ்லோகம்: 

கர்ப்பிணிகள் தாயுமானவர், அம்பிகையை வேண்டி, கீழேயுள்ள ஸ்லோகத்தை தினமும் 3 முறை சொல்லி, வழிபட்டால் சுகப்பிரசவம் ஆகும் என்பது நம்பிக்கை.

“”ஹே, சங்கர, ஸ்மரஹர! பிரமதாதிநாத

மன்னாத! ஸாம்ப! சசிசூட! ஹா! திரிசூலின்

சம்போ! ஸுகப்ரசவக்ருத! பவ! தயாளோ

ஸ்ரீமாத்ருபூத! சிவ! பாலய! மாம் நமஸ்தே!”

சுவாமி முன்னே…

கொடிமரம் பின்னே…!:

கோயில்களில் சிவன் சன்னதிக்கு எதிரில்தான் கொடிமரம் இருக்கும். ஆனால், இக்கோயிலில் சிவனுக்கு பின்புறம் கொடிமரம் இருக்கிறது. முன்பு இக்கோயிலில் சிவன் சன்னதி, கிழக்கு திசையை நோக்கி இருந்தது. எனவே, பிரதான வாசலும், கொடிமரமும் கிழக்கு திசையில் அமைக்கப்பட்டது.

சாரமா முனிவருக்காக, மன்னனைத் தண்டிக்க சிவன் மேற்கு திசை நோக்கித் திரும்பி விட்டதால், சன்னதி வாசலும், கொடி மரமும் அங்கேயே நிலைத்து விட்டது.

சிவனுக்கு பூஜையின்போது சன்னதிக்குப் பின்புறத்தில்தான் (கிழக்கு திசையில்) மேளதாளம் வாசித்து, தேவாரம் பாடுகின்றனர்.

#சங்குச்சாமி!: 

கோயில் கொடிமரத்திற்கும், பலி பீடத்திற்கும் இடையில் கையில் சங்கு வைத்து ஊதியபடி சிவகணம் ஒன்று இருக்கிறது. இதை, “சங்குச்சாமி’ என்று அழைக்கிறார்கள். இவர் எப்போதும் சிவனின் பெருமைகளை சங்கு ஊதியபடி சொல்லிக் கொண்டிருப்பாராம். எனவே இவர், கையில் சங்குடன் இருப்பதாகச் சொல்கிறார்கள். இவருக்கு, “சங்கநாதர்’ என்றும் பெயருண்டு. சிவன் இக்கோயிலில் இருந்து புறப்பாடாகும் வேளையில், இவர் சங்கு ஊதி அறிவிப்பார் என்றும் சொல்வதுண்டு.

திருவிழா:

சித்திரையில் பிரம்மோற்ஸவம், பங்குனியில் தெப்ப உற்சவம், ஆடிப்பூரம், ஐப்பசியில் அன்னாபிஷேகம், திருக்கார்த்திகை, மகரசங்கராந்தியன்று பஞ்சமூர்த்தி புறப்பாடு வைபவம், சிவராத்திரி.

பங்குனி மாதம் 3 நாட்கள் மாலையில் சிவலிங்கம் மீது, சூரிய ஒளி விழுகிறது.

இந்த தலத்தின் பெயரைச் சொன்னாலே முக்தி கிட்டும் என அப்பர் சுவாமிகள் பணிந்து பாடிய திருத்தலம் இது. திருச்சி செல்பவர்கள் இன்றும் முதலில் சென்று பார்க்கும் முக்கிய தலமும் இதுவே. காசிக்கும் ராமேஸ்வரத்துக்கு முந்திய மூத்த தலம் என்று போற்றப்படும் இந்த தலத்தின் தாயுமான சுவாமியையும் அன்னை மட்டுவார் குழலியையும் வணங்கி வேண்டி சகல நலமும் பெறுவோம்.

சிறப்புக்கள் சிலவரிகளில்…! காவிரியின் தென்கரையில் அமைந்த இக்கோயிலில் சிவன், “ராட்சஷ லிங்க’ வடிவில் (பெரிய லிங்கமாக) காட்சி தருகிறார். பங்குனி மாதம் 3 நாட்கள் மாலையில் சிவலிங்கம் மீது, சூரிய ஒளி விழுகிறது. இக்கோயிலில் காரணம், காமீகம் என இரண்டு ஆகமப்படி பூஜை நடக்கிறது. சித்திரையில் பிரம்மோற்ஸவம், பங்குனியில் தெப்பத்திருவிழா, ஆடிப்பூரம், நவராத்திரி என இங்கு நான்கு விழாக்கள் கொடியேற்றத்துடன் துவங்கி நடக்கிறது.

தை மாத, விசாகம் நட்சத்திரத்தன்று தாயுமானவர் குருபூஜை நடக்கிறது. சித்திரை பிரம்மோற்ஸவத்தின் போது நாகர், அறுபத்துமூவருக்கு சிவன் காட்சி தரும் வைபவம் விமரிசையாக நடக்கிறது. தமிழ் மாத பிறப்பு, அமாவாசை ஆகிய நாட்களில் சுவாமி புறப்பாடாகிறார்.

#மலைக்கோட்டை:

இவ்விடம் முதன் முதலில் விசயநகரப் பேரரசால் பாதுகாப்பு அரணாகப் பயன்படுத்தப்பட்டது. பின்னர் கர்நாடகப் போர்களின் போது பிரித்தானியரால் பயன்படுத்தப்பட்டது. இந்தக் கோட்டைப் பகுதிக்குள் இருக்கும் அமைப்புக்களுள் காலத்தால் முந்தியது கி.பி 580ல் உருவாக்கப்பட்ட பல்லவர் காலக் குகைக் கோயில் ஆகும். பல்லவர்கள் இப்பகுதியைப் பாண்டியர்களிடம் இழந்தனர். 10 ஆம் நூற்றாண்டில் சோழர்கள் இப்பகுதியில் தமது கட்டுப்பாட்டை நிலை நிறுத்தினர். சோழப் பேரரசு வீழ்ச்சியடையும் வரை இப்பகுதி அவர்களின் கட்டுப்பாட்டிலேயே இருந்தது. இதன் பின்னர் இவ்விடம் விசயநகரப் பேரரசின் கீழ் வந்தது. 14 ஆம் நூற்றாண்டில் மாலிக் கபூரின் தென்னிந்தியப் படையெடுப்பின் பின்னர் இப்பகுதி தில்லி சுல்தானகத்தின் கீழ் வந்தது. இவர்களைத் துரத்திவிட்டு விசயநகரப் பேரரசு இப்பகுதியில் தனது கட்டுப்பாட்டை நிலை நிறுத்தியது. விசயநகரப் பேரரசு வலுவிழந்தபோது, அதன் சார்பில் இப்பகுதியில் ஆளுனர்களாகச் செயற்பட்ட மதுரை நாயக்கர்கள் இப்பகுதியைத் தமது நேரடி ஆதிக்கத்தின்கீழ் கொண்டுவந்தனர். இவர்கள் காலத்திலேயே திருச்சி செழித்திருந்ததுடன் இன்றைய நிலைக்கு வளர்ந்ததற்கான அடிப்படைகளும் உருவாயின. நாயக்கர்களே மலைக்கோட்டைக் கோயிற் குளத்தையும் முக்கியமான சுவர்களையும் கட்டினர். பின்னர் திருச்சியே அவர்களின் தலைநகரமுமானது. இக்கோட்டை மாளிகையிலேயே இராணி மீனாட்சி, சந்தா சாகிப்பிடம் ஆட்சியைக் கையளித்தார். சந்தா சாகிப் பிரான்சியர் துணையுடன் ஆட்சி நடத்தினார். கர்நாடகப் போரின் பின்னர் சந்தா சாகிப்பின் மாமனான ஆற்காடு நவாப் பிரித்தானியரின் துணையோடு திருச்சிராப்பள்ளிக் கோட்டையைக் கைப்பற்றினார். இதுவே பிரித்தானியர் தமிழ்நாட்டிலும் பின்னர் முழுத் தென்னிந்தியாவிலும் காலூன்றுவதற்கு அடிப்படையாக அமைந்தது. தற்போது இக்கோட்டை இந்தியத் தொல்லியல் ஆய்வுப்பிரிவின் சென்னை வட்டத்தின் மேலாண்மையின் கீழ் பேணப்பட்டு வருகின்றது.

#வரலாற்று_சிறப்புகள்:

பல்லவர்களால் சிறு குகைக் கோயிலாக எழுப்பப்பட்ட மலைக்கோட்டைக் கோயிலைப், பின்னர், இதன் இயற்கையாகவே அமைந்த அரண்களைச் சாதகமாக்கிக் கொண்ட நாயக்க மன்னர்கள் பெருமளவில் மேம்படுத்தினர். இக்கோயில் தற்சமயம் கொண்டிருக்கும் அமைப்பிற்கு விஜய நகர அரசர்களும் மற்றும் மதுரை நாயக்கர்களும் அளித்த பங்கு குறிப்பிடத்தக்கது.

#நாயக்கர்கள் காலம்

மதுரை நாயக்க வம்ச அரசர்களின் தலைநகரமாக இந்த மலை இருந்தமையால், இது பல பெரும்போர்களைக் கண்ணுற்றது. விஜய நகரப் பேரரசர்களுக்கும் மதுரை நாயக்கர்களுக்கும் இடையில் நிகழ்ந்த போர் அவற்றில் ஒன்றாகும். நாயக்கர்களின் வடமேற்கு அரணாக இக்கோட்டை விளங்கியது. அவர்களது அரசாட்சியின் இறுதி நூற்றாண்டுகளில் தஞ்சை மாயக்கர்கள், பின்னாளில் தஞ்சை மராட்டியர்கள் மற்றும் படையெடுத்து வந்த பிஜாப்புர், மைசூர் மற்றும் மராத்திய அரசர்களிடமிருந்து இக்கோட்டை அரணாகக் காத்து வந்தது.

#கர்நாடக நவாப் காலம்:

திருச்சி மலைக்கோட்டை சந்தா சாகிப் மற்றும் ஆற்காட்டு அலி ஆகியோரிடையே நிகழ்ந்ததான போருக்காக மிகவும் நினைவு கூறப்படுகிறது. ஆங்கிலப் படைகளிடமிருந்து தப்பி இக்கோட்டையில் ஒரு குகையினுள் சந்தா சாஹிப் ஒளிந்து கொண்டதாகக் கூறுவர்.

#ஆங்கிலேயர் ஆளுகையின் கீழ்:

இப்போருக்குப் பிறகு, 18ஆம் நூற்றாண்டில், திருச்சி அநேகமாக ஆங்கிலேயரின் ஆளுமையின் கீழ் வந்து விட்டது. மலைக்கோட்டையின் கதவு முதன்மை அரண் கதவு (Main Guard Gate) எனப்படலானது. இன்றும் அது அப்பெயரிலேயே வழங்கப்படுகிறது. இதனருகிலேயே ராபர்ட் கிளைவ் வாழ்ந்ததாகக் கூறப்படும் இடமும் உள்ளது. மலைக் கோயிலை ஒட்டிய மேற்கு வீதியில் உள்ள தெப்பக்குளத்தின் அருகில் இது உள்ளது.

#திறக்கும் நேரம்:

காலை 6 – மதியம் 12 மணி, மாலை 4 – இரவு 8.30 மணி வரையில் கோயில் திறந்திருக்கும். உச்சிப்பிள்ளையார் கோயில் காலை 6 – இரவு 8மணி வரை திறந்திருக்கும்.

#திருத்தல அமைவிடம்.

திருச்சி மத்தியப் பேருந்து நிலை யத்திலிருந்து சுமாா் 5 கி.மீ. தூரத்தில் அமைந்துள்ள மலைக்கோட்டையில் அருள்பாலிக்கின்றாா் தாயினும் நனி சிறந்த இத்தயாநிதி!

திருச்சிற்றம்பலம் 🙏
ஓம் நமசிவாய 🙏

Monday, May 1, 2023

திருக்குறுக்கை - கொருக்கை வீரட்டேஸ்வரர் கோயில் அப்பர் பாடல் பெற்றது

சிவபெருமான் மன்மதனை (காமனை) தனது நெற்றிக் கண்ணால் எரித்த, அட்ட வீரட்டான தலங்களில் ஒன்றானதும், தேவாரப் பாடல் பெற்ற சோழநாட்டு தலங்களில் ஒன்றான
#திருக்குறுக்கை_வீரட்டானம் (கொறுக்கை)
#வீரட்டேஸ்வரர்
(காமதகன மூர்த்தி)
 #ஞானாம்பிகை திருக்கோயில் வரலாறு:

திருக்குறுக்கை - கொருக்கை வீரட்டேஸ்வரர் கோயில் அப்பர் பாடல் பெற்றது. அட்ட வீரட்டத் தலங்களில் ஒன்றான இக்கோயில் மயிலாடுதுறை மாவட்டத்தில் மயிலாடுதுறை வட்டத்தில் அமைந்துள்ளது.எட்டு வீரட்டத்தலங்களுள் இறைவனார் மன்மதனை எரித்த தலமிது.
தேவாரப் பாடல் பெற்ற தலங்களில் காவிரி வடகரைத் தலங்களில் அமைந்துள்ள 26வது சிவத்தலமாகும்.

மூலவர்:வீரட்டேஸ்வரர்
உற்சவர்:யோகேஸ்வரர்
அம்மன்:ஞானம்பிகை
தல விருட்சம்:கடுக்காய் மரம், அரிதகிவனம்
தீர்த்தம்:திரிசூல் கங்கை , பசுபதி தீர்த்தம்
புராண பெயர்:திருக்குறுக்கை
ஊர்:கொருக்கை
மாவட்டம்:நாகப்பட்டினம்
மாநிலம்:தமிழ்நாடு

#வழிபட்டோர்:

திருமால், பிரம்ம தேவர், லட்சுமி, மன்மதன்,ரதி தேவி, சேக்கிழார்,அப்பர் சுவாமிகள் முதலானோர் வழிபட்ட தலமென்பது தொன்நம்பிக்கை (ஐதிகம்).

#பாடியவர்கள்:

திருநாவுக்கரசர்

#தேவாரப்பதிகம்:

"நீற்றினை நிறையப் பூசி நித்தலும் நியமஞ் செய்து ஆற்றுநீர் பூரித்தாட்டும் அந்தணனாரைக் கொல்வான் சாற்றுநாள் அற்றதென்று தருமரா சற்காய்வந்த கூற்றினைக் குமைப்பர் போலுங் குறுக்கை வீரட்டனாரே.

__திருநாவுக்கரசர்

தேவாரப்பாடல் பெற்ற காவிரி வடகரைத்தலங்களில் இது 26வது தலம்.

காமனை தகனம் செய்தது, தீர்த்தவாகு முனிவர் என்ற முனிவர் இறைவனுக்கு திருமுழுக்காட்ட கங்கையை கொண்டு வந்த சிறப்பு பெற்ற தலம்.

#கொறுக்கை:

மக்கள் வழக்கில் 'கொருக்கை' என்று வழங்குகிறது.

இங்குள்ள சூல தீர்த்தத்தின் பெருமையறியாது, 'தீர்க்கபாகு' என்னும் முனிவர், கங்கை நீரைப் பெறவேண்டித் தம் கைகளை நீட்டியபோது அக்கைகள் குறுகிவிட்டன. அதுகண்டு தம்பால் பிழை நேர்ந்தது என்றெண்ணித் தலையைப் பாறைமீது மோதமுற்பட, இறைவன் காட்சி தந்து, அவர் உடற்குறையைப் போக்கினார் என்பது வரலாற்றுச் செய்தி. இத்தலம் 'குறுங்கை முனிவர் ' என்று இவர் பெயரால் அழைக்கப்பட்டு, நாளடைவில் 'குறுக்கை' என்று ஆனதாகச் சொல்லப்படுகிறது.

#தல_வரலாறு:

சிவபெருமான் தியானம் செய்து கொண்டிருந்தார். அவரது தியானத்தால் உலகம் வெப்பத்தால் தகித்தது. இதை உணர்ந்த தேவர்கள் முருகப்பெருமானிடம் சென்று முறையிட்டனர்.ஆனால் முருகனோ தன்னால் தந்தையின் தவத்தை கலைக்க முடியாது என்று ஒதுங்க கடைசியில் மன்மதனிடம் சென்று எப்படியாவது அவரது தியானத்தை கலைக்க வேண்டும் என்று கேட்டுக் கொண்டனர்.

அதன்படி மன்மதன் நடக்கப்போவது தெரியாமல் தனது அறியாமை மேலிட தன்னிடம் உள்ள வில்லை எடுத்து சர்வேசுவரன் மீது தன் கணைகளைத் தொடுத்தார்.ஆனால் கணையோ புஷ்பமாக மாறி வந்து விழுகிறது.

உடனே ஈசுவரன் மன்மதன் இருக்கும் இடம் நோக்கி ஒரு பார்வை பார்த்தார். அவ்வளவுதான். எம்பெருமானின் நெற்றிக்கண் மன்மதனை சுட்டு எரித்து விட்டது. பஸ்பமாகிப் போய்விட்டார். அதன்பின் ரதி ஈசனிடம் என் கணவரை மீட்டுத்தர வேண்டும் என்று கேட்க, உனது வேண்டுகோளுக்காக ஒருநாள் மட்டும் மன்மதனை உண்டுபண்ணி தேய்பிறையில் தெய்வலோகத்திற்கு அனுப்பிவிடுவதாக கூறினார்.

இருப்பினும் இனி மன்மதனை உன்னால் மட்டும் தான் பார்க்க முடியும் என கூறினார்.

அதுபடி மன்மதன் உயிர்பெற்றதாக வரலாறு கூறுகிறது.

#தலபெருமை:

பெருமாளின் புத்திர சோகத்தை போக்கியதால் இத்தலத்தில் புத்திர காமேஷ்டி யாகம் நடத்தப்படுகிறது. இறைவன் யோகேஸ்வரர் என்றும், அம்பாள் ஞானாம்பிகை என்றும் அழைக்கப்படுகின்றனர். இங்கு சிவன் யோக மூர்த்தியாக இருப்பதால் நினைத்தவுடன் சென்று எளிதாக பார்க்க இயலாது. எப்படியாவது தடங்கல் வந்து விடும். அதையும் மீறி நாம் சுவாமியை தரிசித்து விட்டால் நமக்கு யோக நிலை கைகூடும் என்கிறார்கள். சுவாமி அனுக்கிரக மூர்த்தியாக இருப்பதால், தெரியாமல் தவறு செய்பவர்கள் இவரை வணங்கினால் நமது தவறை மன்னித்து அனுக்கிரகம் புரிகிறார்.

இங்குள்ள குறுங்கை கணபதிக்கு மட்டும் இங்கு கஜபுஷ்ட விமானம் இருக்கும். பூர்வ ஜென்ம தோஷ பரிகாரம், புத்திர காமேஷ்டி யாகம், 70 வயதில் செய்யக்கூடிய பீமரதசாந்தி கல்யாணம் ஆகியன இத்தலத்தில் முக்கியமானவை. யோகேஸ்வரரை வணங்கினால் இழந்த சொத்துக்கள் மீண்டும் கிடைக்கும், காம குரோதங்கள் விலகும்.

இறைவனின் நெற்றிக்கண் மகரக் கொடியோனை சுட்டு எரித்தது(அனங்கன்) பின் வணங்கி மறுபிறவி எடுத்த தலம்.

#பொதுதகவல்:

இத்தலவிநாயகர் குறுங்கை கணபதி என்ற திருநாமத்துடன் அருள்பாலிக்கிறார்.

யோகீசபுரம், காமதகனபுரம், கம்பகரபுரம் என்பன இதன் வேறு பெயர்களாகும்.

  ராஜகோபுரத்தில் உள்ள சிற்பங்களில் பன்றி, யானை, நரசிம்மம், மனிதன் ஆகிய நான்கு முகங்களையுடைய ஒரு மூர்த்தியின் சிற்பம் காணத்தக்கது.

கொடிமரமில்லை.
  
 காமனைத் தகனம் செய்த இடம் 'விபூதிக்குட்டை ' என்ற பெயரில் 1 கி.மீ. தொலைவில் உள்ளது; இக் குட்டையில் எங்கெடுத்தாலும் மண்ணானது விபூதியாவேயுள்ளது.

குறுக்கை விநாயகர் - தலவிநாயகர் சந்நிதி உள்ளது; இச்சந்நிதியில் விநாயகர் சதுர ஆவுடையாரில் அமர்ந்த கோலத்தில் உள்ளார்.

  
 நடராச சபையில் சிவகாமி, மாணிக்கவாசகர் திருமேனிகள் உள்ளன. இச்சபை, 'சம்பு விநோத சபை', 'காமனங்கநாசனி சபை' எனப் பெயர் பெறும்.

மூலவர் சுயம்பு மூர்த்தி; சதுர ஆவுடையார் - உயர்ந்த பாணம். மன்மதன் எறிந்த பஞ்ச பாணங்களுள் (ஐந்து அம்புகளுள்) ஒன்றான பத்மம் (தாமரை) பதிந்துள்ள அடையாளம் சுவாமி பீடத்தின் முன்புறத்தில் நடுவில் உள்ளது.

  
 
 
 சோழ, விஜயநகர மன்னர்கள் காலத்திய கல்வெட்டுக்கள் இக்கோயிலில் உள்ளன.

#காம_சம்கார மூர்த்தி: 

அட்டவீரட்டத்தலங்களில் இங்கு சிவபெருமான் காமனை எரித்தார் என்பது வரலாறு.காம தகன மூர்த்தி என்று அழைக்கப்படுகிறார். காம தகன மூர்த்தி இடக்காலை மடித்து, வலக்காலைத் தொங்கவிட்டு வலக்கை அபய முத்திரையுடன், இடக்கையை மடக்கிய கால் மீது வைத்து அமர்ந்த நிலையில் தரிசனம் அளிக்கிறார்.

#சம்காரத்தினால் பெயர் பெற்ற ஊர்கள்: 

இந்த திருக்குறுக்கை என்ற ஊரைச் சுற்றியுள்ள ஊர்கள் பெயர்கள் இத்தலத்து வரலாற்றோடு சம்பந்தப்பட்டவை. சிவபெருமானின் தவத்தை கலைக்க மன்மதன் அதற்காக தன் கையில் கங்கணம் கட்டிக் கொண்ட இடம் கங்கணம் புத்தூர். பால் சாப்பிட்ட இடம் பாலாக்குடி.வில் எடுத்த இடம் வில்லினூர். குறி பார்த்த இடம் காவளமேடு. தன்னோடு வந்தவர்களோடு ஐவநல்லூரில் கூடி இங்கிருந்து வில் விடு என்று கூறினார்களாம்.

அந்த இடம் சரியாக இல்லை என்று கூறி மேட்டுக் கொற்கை என்ற இடத்துக்கு வந்து நின்று குறி பார்க்கையில் பின்பக்கமிருந்தும் இல்லாது முன்பக்கமிருந்தும் இல்லாது ஒரு ஓரமாக நின்று மன்மதன் கணை விட்டாராம்.

#கோயில்_அமைப்பு:

கோயிலுக்கு முன்பு குளம் உள்ளது. ராஜகோபுரத்தைக் கடந்து உள்ளே சென்றால் பலிபீடம், நந்தியைக் காணலாம். வலப்புறம் அம்மன் சன்னதி உள்ளது. அம்மன் சன்னதியின் வலப்புறம் சுக்கிரவார அம்மனைக் காணலாம். இடப்புறம் பள்ளியறை உள்ளது. அம்மன் சன்னதியை அடுத்து தட்சிணாமூர்த்தி சன்னதி, வாகனங்கள், நடராஜர் சன்னதி, சண்டிகேஸ்வரர் சன்னதி ஆகிய சன்னதிகள் உள்ளன. தொடர்ந்து திருச்சுற்றில் குறுங்கை விநாயகர் சன்னதி உள்ளது. அதற்கடுத்து ஞானசம்பந்தர், சேரமான், சந்திரசேகரர், பிரதோஷ நாயனார் உள்ளனர். அதற்கடுத்து விநாயகர், சோமாஸ்கந்தர், சோகஹரேஸ்வரர் ஆகியோருக்கான சன்னதிகள் உள்ளன. அடுத்து காணப்படும் உற்சவமூர்த்திகள் அறை உள்ளது. கருவறை கோஷ்டத்தில் துர்க்கை, பிரம்மா, பைரவர், பிரம்மா, அண்ணாமலையார், விஷ்ணு, தட்சிணாமூர்த்தி, மகாகணபதி ஆகியோர் உள்ளனர்.

#தல_சிறப்பு:

ஆவுடையாரில் தாமரை மலர் இருப்பது குறிப்பிடத்தக்க சிறப்பம்சம். அட்டவீரட்ட தலம் என்ற சிறப்பும் பெருமையும் பெற்ற கோயில் இது. சிவபெருமான் வீரச்செயல்கள் புரிந்த அட்ட வீரட்டத்தலங்களில் ஒன்றான இங்கு காமனை எரித்துள்ளார். ரதி, மன்மதன் உற்சவத் திருமேனிகள் இத்தலத்தில் உள்ளன. தீர்த்தவாகு முனிவர் என்ற முனிவர் இறைவனுக்கு திருமுழுக்காட்ட கங்கையை கொண்டு வந்த சிறப்பு பெற்ற தலம்.சிவனின் தேவாரப்பாடல் பெற்ற 274 சிவாலயங்களில் இது 26 வது தேவாரத்தலம் ஆகும்.

#தமிழகத்தில் ஹோலி பண்டிகை:

ஹோலிப் பண்டிகை வட மாநிலங்களில் மிக கோலாகலமாக கொண்டாடப்படுவது வழக்கம். தற்போது தமிழகத்திலும் ஹோலிப் பண்டிகை மிக சிறப்பாக கொண்டாடப்பட்டு வருகின்றது.

ஹோலி பல்வேறு காரணங்களுக்காக கொண்டாடப்படுகின்றது. அதன் பின்னணியில் பல்வேறு புராண கதைகள் உள்ளன. பிரகலாதன் ஹோலிகா கதை, கிருஷ்ணர் தான் கருமையாக இருப்பதாக நினைத்த கதை, சிவன் - பார்வதி காதல் கதை என உண்டு.

அதையும் தாண்டி ஒரு புராண நிகழ்வு நடந்துள்ளது. அதுவும் தமிழகத்தில் என்றால் ஆச்சரியம் அளிக்கிறதல்லவா?

காம தகனம், கோயிலைச் சுற்றியுள்ள பகுதியில் மணலுக்குப் பதில் தோண்ட, தோண்ட சாம்பல் கிடைக்கும் அதிசயம் என பல பிரமிப்புகளை ஏற்படுத்துகின்றது 
இந்த தலம்.

ஹோலிப் பண்டிகை உருவாக காரணமாக இருந்த காம தகனம் நடந்த இடமாக பார்க்கப்படுகின்றது.

#சாம்பல்_நிறைந்த இடம் :

இப்படி புராண சிறப்பு மிக்க இந்த இடத்தில் கோயிலை சுற்றியுள்ள பகுதிகளில் களிமண் நிறைந்திருக்கின்றன. ஆனால் கோயிலில் உள்ள காமன் தகனம் செய்யப்பட்ட ஒரு குறிப்பிட்ட இடத்தில் மட்டும் சாம்பல் நிறைந்திருக்கின்றது. தோண்ட தோண்ட சாம்பல் மட்டுமே வருகின்றது.

மாசி மாத பெளர்ணமி தினத்தில் இந்த காம தகனம் விழா கோலாகலமாக கொண்டாடப்படுகின்றது.

#பிரார்த்தனை

அன்பு, பிரியம், நேசம், விருப்பம், மற்றும் பாசத்தால் ஏங்குபவர்கள் இத்தல மூர்த்தியான காமதகன மூர்த்தியை வழிபட்டால் தாங்கள் விருப்பப்படும் நபரிடம் அன்பு, பிரியம், நேசம், விருப்பம், மற்றும் பாசம் கிடைக்கும். இத்தலத்தில் வீற்றிருக்கும் மூலவர் வீரட்டேசுவரரை வணங்குவோர்களுக்கு துயரம் நீங்கி மனஅமைதி கிடைக்கும் அத்துடன் உடல் பலம் பெறும்.நோய் நொடி விலகும். தியான பலமும், மனோபலமும் கிடைக்கும் . மேலும் வேலை வாய்ப்பு , தொழில் விருத்தி , உத்தியோக உயர்வு ஆகியவற்றுக்காகவும் இங்கு பிரார்த்தனை செய்தால் சுவாமி பக்தர்களது வேண்டுதல்களை நிச்சயம் நிறைவேற்றி கொடுப்பார். திருமண வரம், குழந்தை வரம் ஆகியவற்றுக்காகவும் இத்தலத்தில் வழிபடலாம்.

#நேர்த்திக்கடன்:

கல்யாணவரம் வேண்டுவோர் கல்யாண மாலை சாத்துகிறார்கள். அம்மனுக்கு புடவை சாத்துதலும்,அபிசேகம் செய்தலும், சந்தனகாப்பு சாத்துதலும் பக்தர்களின் முக்கிய நேர்த்திகடன்களாக உள்ளது. சுவாமிக்கு வஸ்திரம் சாத்தலாம். மா மஞ்சள் பொடி, திரவிய பொடி, தைலம், பால், தயிர், இளநீர், பஞ்சாமிர்தம், எலுமிச்சை, தேன், சந்தனம் ஆகியவற்றால் அபிசேகம் செய்யலாம். மேலும் கோயிலுக்கு வரும் பக்தர்களுக்கு அன்னதானம் படைத்தல் ஆகியவற்றை செய்யலாம்.சுவாமிக்கு நைவேத்தியம் செய்து பக்தர்களுக்கு விநியோகிக்கலாம். தவிர வழக்கமான அபிசேக ஆராதனைகளும் செய்யலாம்.வசதி படைத்தோர் கோயில் திருப்பணிக்கு பொருளுதவி செய்யலாம்.

#திருவிழா:

மாசி மகம் – காமதகன விழா – 10 நாட்கள் திருவிழா – பிரம்மோற்சவம் – இத்தலத்தில் சிறப்பாக நடைபெறும் திருவிழா -பஞ்ச மூர்த்திகள் புறப்பாடு – வீதியுலா. மார்கழி மாதம் – திருவாதிரை உற்சவம்- சுவாமி புறப்பாடு- இதுவும் சிறப்பான விழா ஆகும்.. நவராத்திரி மற்றும் மாதாந்திர பிரதோசம் ஆகியவை சிறப்பாக நடைபெறுகிறது. வருடத்தின் சிறப்பு நாட்களான தீபாவளி பொங்கல், தமிழ் ஆங்கில புத்தாண்டு தினங்களின் போதும் கோயிலில் சிறப்பு அபிசேக ஆராதனைகளும் நடக்கும்.

#வழிகாட்டி:

மயிலாடுதுறைக்கு பக்கத்தில் 12 கீ மீ தொலைவில் உள்ளது. மாயூரத்திலிருந்து குத்தாலம் செல்லும் சாலையில் பொன்னூர் வந்து அங்கிருந்து திருவாளப்புத்தூர் செல்லும் குறுகிய சாலையில் 4 கீ மீ வந்தால் இத்தலத்தை அடையலாம். மாயூரத்திலிருந்து நீடூர் சென்று அங்கிருந்தும் இத்தலத்தை அடையலாம்.

திருச்சிற்றம்பலம் 🙏

🙏🏾வித்தியாசமான இடுக்கு பிள்ளையார் திருவண்ணாமலை

🙏🏾வித்தியாசமான இடுக்கு பிள்ளையார் திருவண்ணாமலை...🙏🏾🙏🏾🙏🏾🙏🏾🙏🏾🙏🏾🙏🏾
திருவண்ணாமலையில் கிரிவலம் வரும்போது மிகவும் கவனித்து பார்க்க வேண்டிய கோவில் இடுக்கு பிள்ளையார் கோவில். மிகவும் குறுகலான பாதையில் வந்து பிள்ளையாரை தரிசிக்கும் வகையில் இக்கோவில் அமைக்கப்பட்டுள்ளது. சிறிய ஆலயம்தான் இது இதில் மூன்று வாசல்கள் உள்ளது. பின் வாசல் வழியாக உள்ளே நுழைந்து ஒருக்களித்து படுத்தவாறே வளைந்து, தவழ்ந்து, 2-வது வாசலில் நுழைந்து, முன்வாசல் வழியாக வெளியே வரும் அளவுக்கு இக்கோவில் இருக்கும் . இக்கோவில் வித்தியாசமாக இருக்கிறது என்பதற்காகவே உள்ளே கிரிவலம் செல்வோர் இந்த
திருவண்ணாமலையில் கிரிவலம் வரும்போது மிகவும் கவனித்து பார்க்க வேண்டிய கோவில் இடுக்கு பிள்ளையார் கோவில். மிகவும் குறுகலான பாதையில் வந்து பிள்ளையாரை தரிசிக்கும் வகையில் இக்கோவில் அமைக்கப்பட்டுள்ளது

சிறிய ஆலயம்தான் இது இதில் மூன்று வாசல்கள் உள்ளது. பின் வாசல் வழியாக உள்ளே நுழைந்து ஒருக்களித்து படுத்தவாறே வளைந்து, தவழ்ந்து, 2-வது வாசலில் நுழைந்து, முன்வாசல் வழியாக வெளியே வரும் அளவுக்கு இக்கோவில் இருக்கும் .
இக்கோவில் வித்தியாசமாக இருக்கிறது என்பதற்காகவே உள்ளே கிரிவலம் செல்வோர் இந்த குறுகல் பாதையில் நுழைந்து விநாயகரை தரிசிப்பர்.
திருவண்ணாமலை சென்றால் கிரிவலம் வரும்போது கண்டிப்பாக இந்த இடுக்கு பிள்ளையாரை வணங்கி வாருங்கள். இக்கோவில் விநாயகரை வணங்கினால் உடல் பிணிகள் நீங்கும் என்பது நம்பிக்கை.🙏🏾🙏🏾🪔🪔🪔🙏🏾🙏🏾

Followers

திருவண்ணாமலை அஷ்ட லிங்கங்கள்

திருவண்ணாமலை அஷ்ட லிங்கங்கள் பலன் திருவண்ணாமலை கிரிவலப் பாதையில் அமைந்துள்ள எட்டு திசை லிங்கங்களே (அஷ்ட லிங்கங்கள்) நவகிரக தோஷங்...