மார்கழி மாதத்தில் வரும் வைகுண்ட ஏகாதசி, ஆருத்ரா தரிசனம்...

 நினைத்ததை நிறைவேற்றும் மார்கழி மாத வழிபாடு பற்றிய பதிவுகள் 

மார்கழி மாதத்தில் வரும் வைகுண்ட ஏகாதசி, ஆருத்ரா தரிசனம்

மார்கழி மாதத்தில் வரும் வைகுண்ட ஏகாதசி, ஆருத்ரா தரிசனம் மட்டுமின்றி மற்ற நாட்களிலும் விரதம் இருந்து இறைவழிபாடு செய்வதால் வாழ்வில் அனைத்து நலன்களையும் பெற முடியும். தெய்வங்களை நம்முடைய வீட்டிற்கே அழைத்து வரும் மாதமாக மார்கழி மாதம் திகழ்கிறது.

மார்கழி மாதம் என்பது தெய்வ வழிபாட்டிற்குரிய சிறப்பான மாதங்களில் ஒன்று. காக்கும் கடவுளான பெருமாளே, பகவத் கீதையில் மார்கழியை தனக்கு விருப்பமான மாதமாக கூறி உள்ளார். 

இந்த மாதத்தில் விஷ்ணு வழிபாடு மட்டுமின்றி சிவ வழிபாடு செய்வதும் மிக மிக சிறப்பானதாகும். 

மார்கழி மாதத்தில் அனைத்து வைணவ தலங்களிலும் அதிகாலையில் கோவில் நடைதிறக்கப்பட்டு, வழக்கமாக பாடும் சுப்ரபாதத்திற்கு பதிலாக ஆண்டாளின் திருப்பாவை பாசுரங்களை பாடி திருப்பள்ளியெழுச்சி நடைபெறும். அதே போல் சிவாலயங்களில் மாணிக்கவாசகர் அருளிய திருவெம்பாவை பாடப்படும்.

மார்கழி மாதம் தேவர்களின் விடியற்காலை பொழுது என்பதால் இந்த மாதத்தில் செய்யப்படும் வழிபாடுகளுக்கு சிறப்புகளும், பலன்களும் அதிகம். அதனால் தான் மார்கழி மாதத்தில் அதிகாலையில் எழுந்து கோவிலுக்கு செல்ல வேண்டும் என்று சொல்கிறார்கள்.

தெய்வீக ஆற்றல் அதிகம் நிறைந்த மார்கழி மாதத்தில் குறிப்பிட்ட 3 விஷயங்களை செய்வதால் வாழ்க்கையில் நாம் நினைத்தது நடக்கும். கடவுளிடம் முன் வைத்த கோரிக்கைகள் அப்படியே நடைபெறும். அந்த முக்கிய விஷயங்கள் பற்றி நமது ஓம் நமசிவாய ஆன்மீக குழுவின் அடுத்த பதிவில் தெரிந்துக்கொள்ளலாம்.

இந்த மாதத்தில் இஷ்ட தெய்வ வழிபாடு செய்வதும் சிறப்பானது என்பதால் இஷ்ட தெய்வத்திடம் நம்முடைய கோரிக்கைகளை சொல்லி வேண்டிக் கொண்டால் அது அப்படியே கிடைக்கும். 

ஓம் நமசிவாய

 படித்து பகிர்ந்தது

 இரா இளங்கோவன் 

நெல்லிக்குப்பம்.. 

சனி பகவான் நின்ற கோலத்தில் தனித்து நின்று அருள்பாலிக்கிறார்

அருள்மிகு புரந்தரேஸ்வரர் ஆலயம், 

பாகசாலை- 609 117,  மயிலாடுதுறை மாவட்டம்.         

* இறைவன் பெயர்: புரந்தரேஸ்வரர். 

*இறைவி: 

கல்யாணி அம்பாள்.                

*தல வரலாறு :   

கவுதம முனிவரின் மனைவி அகலிகையின் அழகில் இந்திரன் மதி மயங்கி அவளை அடையும் நோக்கில், கவுதம முனிவர் வெளியே சென்றிருந்த வேளையில், அவரது உருவத்திலேயே அகலிகையை நெருங்கினான். சிறிது நேரத்தில் கவுதம முனிவர்  திரும்பி வர, அவரைப் பார்த்ததும் அஞ்சிய தேவந்திரன், பூனை வடிவம் எடுத்தான். மனைவி தவறு செய்து விட்டதாக கருதிய முனிவர், அவளை கல்லாக போகும்படி சபித்தார். 

பிறர் மனை நோக்கிய இந்திரனை, அவனது உடல் முழுவதும் ஆயிரம் குறிகள் தோன்றும்படி சாபம் கொடுத்தார். 

சாபம் பெற்ற இந்திரன் பிரம்மன் கூறிய அறிவுரைப்படி சிவபெருமானை வணங்க குறுமாணக்குடிக்குப் புறப்பட்டான். 

குறுமாணக்குடி செல்லும் வழியில் இத்தலம் வந்து தங்கிய இந்திரன், யாகம் வளர்த்து இங்கு அருள்புரியும் புரந்தேரேஸ்வரரையும், கல்யாணி அம்பாளையும் வேண்டி தவம் இருந்தான். 

தேவேந்திரன் தங்கி யாகம் வளர்த்த அந்த ஊர் ‘யாகசாலை’ என அழைக்கப்பட்டது. அதுவே காலப்போக்கில் மருவி ‘பாகசாலை’ என்றானதாக கூறப்படுகிறது.   

*கருவறையில் இறைவன் புரந்தரேஸ்வரர் லிங்கத் திருமேனியில் அருள்பாலிக்கிறார்.    கருவறை வாயிலின் மேல், இந்திரன் யாகம் நிகழ்த்தும்  காட்சி தீட்டப்பட்டுள்ளது.           

*அன்னை கல்யாணி அம்பாள் தென்திசை நோக்கி தனி சந்நிதியில்    நின்ற கோலத்தில்    அருள்பாலிக்கிறாள்.      

*வடக்குப் பிரகாரத்தில் 

சனி பகவான் நின்ற கோலத்தில் தனித்து நின்று அருள்பாலிக்கிறார். இந்த ஆலயத்தில் நவக்கிரகங்கள் கிடையாது. 

* பாகசாலை புரந்தரேஸ்வரர் ஆலயம்  வைத்தீஸ்வரன் கோவிலுக்கு தென் கிழக்கில் 5 கி.மீ. தொலைவில் உள்ளது .  மயிலாடுதுறை மற்றும் சீர்காழியிலிருந்து நிறைய பேருந்துகள் இயக்கப்படுகின்றன. 

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம். 

அழகு முத்து அய்யனார் வழக்குகளில் சாதகமான தீர்ப்பு வர சொத்துப் பிரச்னை தீர....

புதுச்சேரியிலிருந்து

சுமார் 16 கி.மீ தொலைவில் தமிழக எல்லைப் பகுதியில் இருக்கின்றது தென்னம்பாக்கம். இங்கேதான் ஶ்ரீஅழகர் சித்தர் கோயில் அமைந்திருக்கிறது. அடர்த்தியாக ஆலமரங்கள் வளர்ந்திருக்கும் பசுமைச் சூழலில், பல்லாயிரக்கணக்கான மனித உருவச் சிலைகளின் மத்தியில் அமைந்திருக்கிறது அழகு முத்து ஐயனார் கோயில். பின்பகுதியில் கிணற்றின் மீது கட்டப்பட்ட ஸ்ரீஅழகர் சித்தர் கோயில் இருக்கிறது. சுமார் 360 ஆண்டுகளுக்கு  இந்த கிராமத்துக்கு வந்த அழகர் சித்தர், இந்தப் பகுதி மக்களுக்கு ஏற்பட்ட பல்வேறு நோய்களை குணமாக்கியிருக்கிறார். பின்னர், அந்தக் கிணற்றிலேயே சமாதி அடைந்துவிட்டார். அந்தக் கிணற்றின் மேலேயே சித்தருக்கு ஓர் எளிய கோயில் கட்டப்பட்டிருக்கிறது

நாம் சென்றது திங்கள்கிழமை என்பதால், ஏராளமான பக்தர்கள் ஆலயத்தில் குவிந்திருந்தனர். அத்தனைபேர் முகங்களிலும், 'சிலை வைத்தால் நம் பிரச்னை தீர்ந்துவிடும்' என்ற நம்பிக்கை பளிச்சிட்டது தெரிந்தது.

இங்குள்ள பெரும்பாலான சிலைகள் படிப்பில் தேர்ச்சி பெற வேண்டும், வேலை கிடைக்க வேண்டும், வெளிநாட்டுப் பயணம் வாய்க்க வேண்டும், புத்திரபாக்கியம் கிட்ட வேண்டும், திருமணம் கைகூட வேண்டும், வழக்குகளில் சாதகமான தீர்ப்பு வர வேண்டும், சொத்துப் பிரச்னை தீர வேண்டும்... போன்ற பல கோரிக்கைகள் நிறைவேறுவதற்காக வைக்கப்பட்டவை. பதவி கிடைப்பதற்கும்கூட இங்கே சிலைகள் வைக்கப்பட்டிருக்கின்றன. 

பக்தர்கள், தாங்கள் என்னவாக ஆக வேண்டும், தங்களுக்கு என்ன வேண்டும் என்று விரும்புகிறார்களோ, அந்த வடிவத்தில் சிலை வடித்து வைக்கிறார்கள். அப்படிச் சிலை வைத்ததுமே அவர்கள் வேண்டுதல் நிறைவேறும் என்கிற நம்பிக்கையுடன் செல்கிறார்கள்.

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்

காஞ்சிபுரம் கச்சபேசுவரர் வனங்கினால் மனைவி அமையாதவர்களக்கு நல்மனைவி அமைந்திடும்....

கச்சபேசுவரர்

தலச்சிறப்பு : இத்திருக்கோயிலினுள்,

1. அருள்மிகு கச்சபேசுவரர் பெருமான் சந்நிதி.

2. இட்ட சித்தீசப் பெருமான் சந்நிதி.

3. யோக சித்தீசப் பெருமான் சந்நிதி.

4. தரும சித்தீசப் பெருமான் சந்நிதி.

5. ஞான சித்தீசப் பெருமான் சந்நிதி.

6. சதுர்முகேசுவரப் பெருமான் சந்நிதி (வேதசித்தீசப் பெருமான்).

7. யுக சித்தீசப் பெருமான் சந்நிதி.

8. பாதாள ஈஸ்வரப் பெருமான் சந்நிதி.

9. லிங்கபேசர் பெருமான் சந்நிதி.

10. குளக்கரை சலகண்டேசுவரப் பெருமான் சந்நிதி மற்றும் மூலவர்க்கு வடக்கே சுற்றுப்  பிராகாரத்தில் 9 லிங்கங்களையும் (108, 1008 லிங்கங்கள்) தரிசித்துப் பேறு பெறலாம்.

வழிபட்டுப் பேறு பெற்றவர்கள் :  திருமால், சரஸ்வதி, விநாயகர், சூரியன், பைரவர், சாத்தனார்.  ஆகியோர் கச்சபேசரை வழிபட்டு பேறு பெற்றவர் ஆவர்.

தல வரலாறு : இத்திருக்கோவில் சுமார் 1600 ஆண்டுகளுக்கு முற்பட்டது ஆகும்.  தண்டியலங்காரம் என்னும் 7-ம் நூற்றாண்டைச் சேர்ந்த இலக்கண நூலில் இத்திருக்கோயிலைக் குறித்து, கீழ் குறிப்பிட்ள்ளவாறு குறிப்பிடப்பட்டுள்ளது.

நேரிசை வெண்பாப் பாடல் : 

“நீல மணிமிடற்ற னீண்ட சடைமுடியான்

நூலணிந்த மார்ப னுதல் விழியன் ‡தோலுடையான்

கைம்மான் மறியன் கனல் மழுவன் கச்சாலை

எம்மா னிமையோர்க் கிறை ‡என்பது”

கருங்குவளைபோன்றஅழகியமிடற்றினையும், முடியின் கண்ணே நீண்டு இருக்கப்பட்ட  சடையினையும், மார்பினிடத்தே அணியப்பட்ட முப்புரி நூலினையும், நெற்றியின்கட் சேர்ந்து  விழியினையும், உடையாக அசைத்த தோலினையும், கரதலத்தேந்திய மானினையும், கனல்  போன்ற மழுவினையும், திருக்கச்சாலை (கச்சபேசும்) என்னும் திருப்பதியினையும், உடையவனாய்  எம்மை யாண்டு கொண்ட பெரியோன் இமையவர்க்குத் தலைவன் என்று குறிப்பிட்டுக்  காட்டப்பட்டுள்ளது.

அருள்மிகு கச்சபேசர் எனப் பெயர் வரக் காரணம் : திருமால் தசாவதாரத்தில் ஆமைவடிவம்  கொண்டு இத்தலத்து ஈசனை-கச்சபேசனை-வணங்கினார்.  அதாவது கச்சபேசர் = கச்சப் + ஈசர் எனப்  பிரிக்கலாம். இதன்படி கச்சபம் என்றால் ஆமையைக் குறிக்கும்.  ஆமைக்கு அருள் புரிந்த ஈசனே  கச்சபேஸ்வரர் ஆனார். அதாவது திருமால் ஆமை வடிவம் கொண்டு இத்தலத்து ஈசனை வணங்கிய தால் இத்தலத்து ஈசனுக்கு கச்சபேஸ்வரர் எனப் பெயர் வந்தது.

கச்சபேஸ்வரரின் மகிமை : இத்திருத்தலத்தில் எழுந்தருளி அருள் புரிந்து கொண்டு இருக்கும் கச்சபேசனை (வழிபட வேண்டும்) கும்பிட வேண்டும் என்று சென்றவர்களும், செல்ல வேண்டும்  என நினைத்தவர்களும், சென்று கச்சபேசனைக் கண்டவர்களும், யாவரும் இவ்வுலகத்தில் துன்பம்  நீங்கி இன்பம் எய்தி, மீளா முக்தியும் அடைவார்கள்.

இவ்வாலயத்தில் அமைந்துள்ள இட்ட சித்த தீர்த்தம் - குளத்தின் சிறப்புகள் : ஆலயத்தில்  அமைந்துள்ள திருக்குளத்தின் பெயர் இட்ட சித்திக் தீர்த்தம் ஆகும்.  இக்குளத்தில் முழுகி  குளிப்பவர்களுக்குச் சிவபெருமான் திருவருள் பாலிப்பார்.  இத்தீர்த்தக் குளத்தைக் கண்டவர்களும்,  தன் உடம்பில் இத்தீர்த்தத்தை தெளித்தக் கொண்டவர்களுக்கும், மூழ்கிக் குளிப்பர்களுக்கு அறம்,  பொருள், இன்பம் மற்றும் வீடு பேறு போன்ற உறுதிப் பொருளை அடைவார்கள் என்றும் சிவஞான  முனிவர் அருளியுள்ளார்.  இந்த இட்ட சித்தி தீர்த்தக் குளத்தில் ஞாயிற்றுக் கிழமை முழுகினால்  குழந்தை இல்லாதவர்களுக்குக் குழந்தை பிறந்திடும், மனைவி அமையாதவர்களக்கு நல்மனைவி  அமைந்திடும், நோயில் துன்புறும் மக்கள் நோய் தீர்ந்து அவர்களின் ஆயுள் கெட்டிப்படும், கல்வி  அறிவைப் பெறுவர்.  பொன் பொருள் இல்லாதவர் அனைத்துச் செல்வமும் பெற்றுச் சிறப்புடன்  வாழ்வர்.  மற்றும் பதவி வேலை இல்லாதவர் பணியையும் பெற்று வாழ்வார்கள், என்று மாதவச்  சிவஞான முனிவர் அவர்கள் திருக்குளத்தைக் குறித்து சிறப்பித்துக் கூறியுள்ளார்.

ஓம் நமசிவாய 

படித்து பகிர்ந்தது இரா இளங்கோவன் நெல்லிக்குப்பம்.

பரதநாட்டிய நிலைகளை குறிக்கும் நூற்றியெட்டு சிவதாண்டவங்கள்...

நூற்றியெட்டு சிவதாண்டவங்கள்

நூற்றியெட்டு பரதநாட்டிய நிலைகளை குறிக்கும் நடன தாண்டவங்களை சிவபெருமான் ஆடினார்.

1. தாளபுஷ்பபுடம்

2. வர்த்திதம்

3. வலிதோருகம்

4. அபவித்தம்

5. ஸமானதம்

6. லீனம்

7. ஸ்வஸ்திக ரேசிதம்

8. மண்டல ஸ்வஸ்திகம்

9. நிகுட்டம்

10. அர்தத நிகுட்டம்

11. கடிச்சன்னம்

12. அர்த்த ரேசிதம்

13. வக்ஷஸ்வஸ்திகம்

14. உன்மத்தம்

15. ஸ்வஸ்திகம்

16.பிருஷ்டஸ்வஸ்திகம்

17. திக்ஸ்வஸ்திகம்

18. அலாதகம்

19. கடீஸமம்

20. ஆஷிப்தரேசிதம்

21.விக்ஷிப்தாக்ஷிப்தம்

22.அர்த்தஸ்வஸ்திகம்

23. அஞ்சிதம்

24. புஜங்கத்ராசிதம்

25. ஊத்வஜானு

26. நிகுஞ்சிதம்

27. மத்தல்லி

28. அர்த்தமத்தல்லி

29. ரேசித நிகுட்டம்

30. பாதாபவித்தகம்

பரதநாட்டிய நிலைகளை குறிக்கும் நடன

31. வலிதம்

32. கூர்நிடம்

33. லலிதம்

34. தண்டபக்ஷம்

35. புஜங்கத்ராஸ்த ரேசிதம்

36. நூபுரம்

37. வைசாக ரேசிதம்

38. ப்ரமரம்

39. சதுரம்

40. புஜங்காஞ்சிதம்

41. தண்டரேசிதம்

42. விருச்சிககுட்டிதம்

43. கடிப்ராந்தம்

44. லதா வ்ருச்சிகம்

45. சின்னம்

46. விருச்சிக ரேசிதம்

47. விருச்சிகம்

48. வியம்ஸிதம்

49. பார்ஸ்வ நிகுட்டனம்

50. லலாட திலகம்

51. க்ராநதம்

52. குஞ்சிதம்

53. சக்ரமண்டலம்

54. உரோமண்டலம்

55. ஆக்ஷிப்தம்

56. தலவிலாசிதம்

57. அர்கலம்

58. விக்ஷிப்தம்

59. ஆவர்த்தம்

60. டோலபாதம்

61. விவ்ருத்தம்

62. விநிவ்ருத்தம்

63. பார்ஸ்வக்ராந்தம்

64. நிசும்பிதம்

65. வித்யுத் ப்ராந்தம்

66. அதிக்ராந்தம்

67. விவர்திதம்

68. கஜக்ரீடிதம்

69.தவஸம்ஸ் போடிதம்

70. கருடப்லுதம்

71. கண்டஸூசி

72. பரிவ்ருத்தம்

73. பார்ஸ்வ ஜானு

74. க்ருத்ராவலீனம்

75. ஸன்னதம்

76. ஸூசி

77. அர்த்தஸூசி

78. ஸூசிவித்தம்

79. அபக்ராந்தம்

80. மயூரலலிதம்

81. ஸர்பிதம்

82. தண்டபாதம்

83. ஹரிணப்லுதம்

84. பிரேங்கோலிதம்

85. நிதம்பம்

86. ஸ்கலிதம்

87. கரிஹஸ்தம்

88. பர ஸர்ப்பிதம்

89. சிம்ஹ விக்ரீடிதம்

90. ஸிம்ஹாகர்சிதம்

91. உத் விருத்தம்

92. உபஸ்ருதம்

93. தலஸங்கட்டிதம்

94. ஜநிதம்

95. அவாஹித்தம்

96. நிவேசம்

97. ஏலகாக்ரீடிதம்

98. உருத்வ்ருத்தம்

99. மதக்ஷலிதம்

100.விஷ்ணுக்ராந்தம்

101. ஸம்ப்ராந்தம்

102. விஷ்கம்பம்

103. உத்கட்டிதம்

104. வ்ருஷ்பக்ரீடிதம்

105. லோலிதம்

106.நாகாபஸர்ப்பிதம்

107. ஸகடாஸ்யம்

108. கங்காவதரணம்

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம். 

வடுகூர் (திருவாண்டார் கோயில்)ஆண்டார்கோயில் வடுகூரார்....

வடுகூர் (திருவாண்டார் கோயில்)

வடுகூர் (திருவாண்டார் கோயில்)

ஆண்டார்கோயில்

இப்பெயர் பிற்கால வழக்கில் ஆண்டார் கோயில் என்றாகி இன்று மக்கள் வழக்கில் "திருவாண்டார் கோயில்" என்று வழங்குகிறது. புதுச்சேரி மாநில எல்லைக்குட்பட்டது.

விழுப்புரம் - பாண்டிச்சேரி (வழி கோலியனூர், கண்டமங்கலம்) பேருந்துச் சாலையில் சென்று, கோலியனூர், வளவனார் தாண்டி, புதுவை மாநில எல்லைக்குள் நுழைந்து, சிறிது தூரம் சென்றால் சாலையோரத்திலுள்ள 'திருவாண்டார் கோயிலை' அடையலாம். ஊரின் தொடக்கத்திலேயே இந்திய உணவுக் கார்ப்பரேஷன் அலுவலகத்தின் எதிரில் சாலையோரத்திலேயே கோயிலும் உள்ளது.

தொல்பொருள் ஆய்வுத் துறையினரின் கட்டுப்பாட்டில் உள்ள கோயில். அஷ்டபைரவர்களுள் ஒருவராகிய வடுக பைரவர், முண்டகன் என்னும் அசுரனைக் கொன்ற பழிதீர வழிபட்டதலமாதலின் வடுகர் வழிபட்டது வடுகூர் என்று பெயர் பெற்றது. ஆண்டவனார் கோயில் என்பது கோயிலுக்குப் பெயர்.

கோயிற் பெயரே பிற்காலத்தில் ஊருக்குப் பெயராயிற்று - ஆண்டார் கோயில்' என்பது இன்று வழக்கில் திருவாண்டார் கோயில் என்றாயிற்று.

இறைவன் - வடுகீஸ்வரர், வடுகநாதர், வடுகூர் நாதர்.

இறைவி - திரிபுரசுந்தரி, வடுவகிர்க்கண்ணி.

தலமரம் - வன்னி.

தீர்த்தம் - வாமதேவ தீர்த்தம்.

சம்பந்தர் பாடல் பெற்றது.

இறைவனின் அறுபத்து நான்கு (அஷ்டாஷ்ட) வடிவங்களுள் வடுகக்கோலமும் ஒன்றாகும். அஷ்டபைரவ மூர்த்தங்களுள் வடுக பைரவக் கோலமும் அடங்கும். அவையாவன - 1. அசிதாங்க பைரவர் 2. ருருபைரவர் 3. சண்டபைரவர் 4. குரோத பைரவர் 5. உன்மத்த பைரவர் 6. கபால பைரவர் 7. பீஷணபைரவர் 8. சம்ஹார பைரவர்.

சம்ஹார பைரவரே வடுகபைரவர் என்றழைக்கப்படுபவராவார். இக்கோயில் சோழர்காலக் கலைப் பாணியில் அமைந்துள்ளது. சுவாமி விமானம் தஞ்சைக் கோயிலமைப்பிலுள்ளது. கோயில் தொல் பொருள் ஆய்வுத் துறையினரால் புதுப்பிக்கப்பட்டுப் பராமரிக்கப்பட்டு வருகின்றது. அழகிய சுற்றுமதில்கள். கிழக்கு நோக்கிய கோயில்.

முகப்பு வாயிலைக் கடந்ததும் இடப்பால் நால்வர் சந்நதியுள்ளது. பிராகாரத்தில் விநாயகர் உள்ளார். தலமரம் வன்னி உள்ளது. ஆறுமுகர் திருவுருவம் மிகவும் அழகானது. உள்நுழைந்ததும் வலப்பால் அம்பாள் சந்நிதி உள்ளது - நின்ற திருக்« £லம். நேரே மூலவர் சந்நிதி. துவாரபாலகர்களைத் தொழுது உட்சென்று சிவலிங்கத் திருமேனியைத் தரிசிக்கலாம். நாடொறும் இருகால வழிபாடுகள் நடைபெறுகின்றன. கார்த்திகை அஷ்டமியில் பைரவருக்கு இங்கு விசேஷமான பூஜைகள் நடைபெறுகின்றன. இதுதவிர, ஞாயிறு தோறும் அன்பர்களின் உபயமாகப் பைரவருக்கு அபிஷேகம் நடைபெறுகிறது. சித்திரைப் பெருவிழா ஏக தின உற்சவமாக நடைபெறுகிறது.

"பாலும் நறுநெய்யும் தயிரும் பயின்றாடி

ஏலுஞ்சுடு நீறும் என்பும் ஒளிமல்கக்

கோலம் பொழிற் சோலைக் கூட மட அன்னம்

ஆலும் வடுகூரில் ஆடும் அடிகளே."

(சம்பந்தர்)

-"நேசதுற

வேற்றா வடுகூர் இதயத்தினார்க் கென்றுந்

தோற்றா வடுகூர்ச் சுயஞ்சுடரே"

(அருட்பா)

அஞ்சல் முகவரி -

அ.மி. வடுகீஸ்வரர் திருக்கோயில்

திருவாண்டார் கோயில் - அஞ்சல்

(வழி) கண்டமங்கலம் - 605 102.

(புதுவை மாநிலம். 

ஓம் நமசிவாய 

படித்து பகிர்ந்தது 

இரா இளங்கோவன் 

நெல்லிக்குப்பம்.. 

விருதுநகர் அம்பலவாணர் கோவிலில் சிவனை தரிசித்ததால் திருமண தடை விலகும்.

விருதுநகர் மாவட்டம் காரியாபட்டி அருகே ராமநாதபுரம்

சமஸ்தானத்திற்கு பாத்தியமான முடுக்கன்குளம் சிவகாமி அம்மன் சமேத அம்பல வாண சுவாமி கோவில் 13-ம் நூற்றாண்டில் அப்போதைய மன்னர் மாறவர்மன் சுந்தரபாண்டியன் என்பவரால் கட்டப்பட்டது என்பது வரலாறு. இந்த கோவில் இந்து சமய அறநிலையத்துறை கட்டுப்பாட்டில் உள்ளது.

இந்த கோவிலில் முற்கால பாண்டியர்கள் காலத்தில் கட்டப்பட்டதை உறுதி செய்யும் வகையில் கோவி லில் முன் மீன் சின்னங்கள் காணப்படுகின்றன. மேலும் ராவணன் மனைவி மண்டோதரி தன்னுடைய திருமணத் தடை நீங்குவ தற்காக தாமரைகள் நிறைந்த குளத்தினைக் கொண்ட, இந்த சிவனை தரிசித்ததால் அவருடைய திருமணம் சிறப்பாக நடைபெற்ற இடம் என்ற பெருமையை உடைய கோவிலாகும்.

இவ்வாறாக மிகவும் பழமை வாய்ந்த பிரசித்தி பெற்ற தலமாக விளங்கி வரும் அம்பலவாணர் கோவிலில் கும்பாபிஷேகம் விழா நடத்தி பல வருடமாகி விட்டது.தற்போது இந்து சமய அறநிலைத்துறை கட்டுப் பாட்டில் உள்ள முடுக்கன் குளம் பழமை வாய்ந்த அம்பலவாணர் 

கோவில் இந்த கோவில் சிவனை வணங்கினால் நினைத்தது நடக்கின்றது என்பது ஐதீகம். 

ஓம் நமசிவாய

 படித்து பகிர்ந்தது 

இரா இளங்கோவன் 

நெல்லிக்குப்பம் .