இங்குள்ள தலசயனப் பெருமாள் கோயில் திருமங்கையாழ்வார் மற்றும் பூதத்தாழ்வாரால் மங்களாசாசனம் செய்விக்கப்பட்டது.

செங்கல்பட்டு மாவட்டத்தில் அமைந்துள்ள மாமல்லபுரம் (மஹாபலிபுரம்), பல்லவ மன்னர்கள் காலத்தில் முக்கிய துறைமுகமாக 

விளங்கியது. இங்கு ஒன்பது குகை கோயில்கள் ஏராளமான சிற்பங்களுடன் அமைந்துள்ளன.

குறிப்பாக கிருஷ்ணர் குகையில் அமைந்துள்ள சிற்பங்கள் அனைத்தும் உயிரோட்டமானவை. பிரளய காலத்தில் ஸ்ரீ மகாவிஷ்ணு உறங்கும் கோலத்தில் உள்ள சிற்பம் காணக் கிடைக்காதது. இங்குள்ள தலசயனப் பெருமாள் கோயில் 

திருமங்கையாழ்வார் மற்றும் பூதத்தாழ்வாரால் மங்களாசாசனம் செய்விக்கப்பட்டது. பூதத்தாழ்வார் அவதரித்தது இவ்விடத்தில்தான்.

இங்கு ஒரு குருக்கத்திப் பந்தலில், ஒரு குருக்கத்தி மலரில் பிறந்தவராக இவர் பாராட்டப்படுகின்றார். திருமாலைக் கைதொழுதால், அதன்பிறகு ஒருவனுக்கு மண்ணுலகை ஆளும் பெருவளமும், வானவர்க்கு வானவனாய் வாழும் வாழ்க்கையும், விண்ணுலகப் பேறும் ஒரு பொருளாதல் இல்லை என்கின்றார் பூதத்தாழ்வார். இக் கூற்றினை, "ஆனாத செல்வத்து அரம்பையர்கள் தற்சூழ வானாளும் செல்வமும் மண்ணரசும் யான் வேண்டேன்" என்ற குலசேகர ஆழ்வாரின் கூற்றோடு ஒப்பிடலாம்.

ஓம் நமசிவாய 

படித்து பகிர்ந்தது 

இரா .இளங்கோவன்

 நெல்லிக்குப்பம். 

காஞ்சீபுரம் மாவட்டத்தில் வாலாஜாபாத் வட்டத்தில் உள்ளாவூர் அகத்தீசுவரர் கோயில்.

உள்ளாவூர் அகத்தீசுவரர் கோயில் தமிழ்நாட்டில் காஞ்சீபுரம் மாவட்டத்தில் உள்ள சிவன் கோயிலாகும்.

அமைவிடம்

தொகு

இக்கோயில் காஞ்சீபுரம் மாவட்டத்தில் வாலாஜாபாத் வட்டத்தில் உள்ளாவூர் என்னுமிடத்தில் அமைந்துள்ளது. இவ்வூர் அகஸ்தீஸ்வரபுரம் என்று முன்னர் அழைக்கப்பட்டது.[1]

இறைவன், இறைவி

தொகு

இக்கோயிலின் மூலவர் அகத்தீசுவரர் உள்ளார். இறைவி அகிலாண்டேசுவரி ஆவார். சரங்கொண்றை மரம் இக்கோயிலின் தல தரமாக உள்ளது. தீர்த்தமாக தாமரைக்குளம் உள்ளது.[1]

அமைப்பு

தொகு

பாண்டியர்கள் பல கோயில்களைக் கட்டுவித்தும், புதுப்பித்தும் உள்ளனர். இக்கோயில் அவர்களால் கட்டப்பட்டதாகும். அவர்களது ஆட்சிக்காலத்தில் கட்டப்பட்டது என்பதை உணர்த்தும் வகையில் பல இடங்களில் மீன் சிற்பங்கள் காணப்படுகின்றன. கோயில் முகப்பில் சித்தி விநாயகர் காணப்படுகிறார். திருச்சுற்றில் சண்டிகேசுவரர் காணப்படுகிறார். மூலவர் கருவறைக்கு முன்பு இரு புறமும் துவார பாலகர்கள் உள்ளனர். வலது புறத்தில் முருகன் 12 கைகளுடன் காணப்படுகிறார். இடது புறத்தில் அம்மன் சன்னதி காணப்படுகிறது. மூலவருக்கு எதிரில் நந்தி உள்ளது. அருகே நவக்கிரக சன்னதி உள்ளது. அகத்தியருக்கு சிவன் காட்சி தந்த பெருமையுடைய தலமாகும். அவர் இறைவனை நேரில் காண்பதற்காக அமர்ந்த நிலையில் இங்கு தவம் செய்துள்ளார். 

ஓம் நமசிவாய

 படித்து பகிர்ந்தது இரா .இளங்கோவன் நெல்லிக்குப்பம்.

அன்னை ஶ்ரீ லலிதாம்பிகையின் ஆலயம் எங்கே இருக்கிறது?

_போதுமான அளவுக்கு செல்வ வளத்தை தரும் அன்னை ஶ்ரீ லலிதாம்பிகை..!!

உங்களின் குழந்தைக்கு 15 வயது நிரம்பி விட்டதா..? 

இந்த பதிவை அப்படியே பின்பற்ற உங்கள் குழந்தையை தயார் செய்யுங்கள்.!!

அதன் மூலமாக உங்கள் குழந்தை தனது வாழ்நாள் முழுவதும் பணக் கஷ்டம் இல்லாமல் சுபிட்சமாக வாழ்ந்து வரும் என்பது சத்தியம்!!!

கலியுகத்தில், இப்போது ஆன்டிராய்டு யுகம் ஒரு பகுதியாக  நடைபெற்று கொண்டு இருக்கிறது. இதில் ஒழுக்கமாக வாழ்ந்து வருவது மிக பெரிய சாதனை !!!  எனவே ,உங்கள் குழந்தையை இந்த ஆன்மீக முயற்சியில் ஈடுபட வைக்க வேண்டியது உங்கள் பொறுப்பு!!!

அகத்தியர் தான் நம்முடைய ஆன்மீக முதல் குரு!!! நாம் ஒவ்வொருவரும் தினமும் காலையில் தூங்கி எழுந்ததும் ஒரு முறை மட்டுமாவது "ஓம் அகத்தீசாய நமஹா" என்று ஜெபிக்க வேண்டும்.

கல்விக்கு கடவுள் சரஸ்வதி என்ற கலைமகள்!!! கலைமகளின் குரு குதிரை முகம் கொண்ட கடவுளான ஶ்ரீ ஹயக்ரீவர்!!!

இவர் அன்னை ஶ்ரீ லலிதாம்பிகை யின் ஆணைப்படி அகத்தியருக்கு ஶ்ரீ லலிதா சகஸ்ரநாமம் என்ற தெய்வீக படைப்பை உபதேசம் செய்தார்!!!

உபதேசம் செய்த பின்னர், "அன்னை ஶ்ரீ லலிதாம்பிகையின் ஆலயம் எங்கே இருக்கிறது? "என்று அகத்தியர் ,ஶ்ரீ ஹயக்ரீவரிடம் வேண்டினார்.

ஶ்ரீபுரம் என்ற பெயரில் ஒரு ஊர், ஆன்மீக தமிழ்நாட்டில் இருக்கிறது. அங்கே சென்று அன்னை ஶ்ரீ லலிதாம்பிகையை தரிசனம் செய்து வழிபடுங்கள் என்று வழிகாட்டினார்!!!  

இன்றைய 

திருமீயச்சூர் தான் அந்த காலத்தில் ஶ்ரீபுரம் என்ற பெயரில் இருந்தது.

இன்றைய மயிலாடுதுறை அருகில் பூந்தோட்டம் என்ற ஊரை கடந்து பேராளம் என்ற ஊருக்கு செல்ல வேண்டும். அங்கே இருந்து ஆறு கிலோ மீட்டர் தொலைவில் அமைந்துள்ளது.இங்கே தங்கும் வசதிகள் மிகவும் குறைவு.

இந்த ஊருக்கு அகத்தியர் தனது துணைவியாக இருக்கும் அன்னை லோபமுத்ராவுடன் வருகை தந்தார்.

இங்கே லலிதாம்பிகை சமேத மேகநாதர் திருக்கோவில் உள்ளது.

இங்கே லோபமுத்ரா உடன் அகத்தியர் வருகை தந்து ஶ்ரீ லலிதா சகஸ்ர நாமத்தை விடாமல் துதித்தார்!!! பூஜித்தார்!!! யாகங்கள் நடத்தி,அன்னதானம் செய்தார்!!!

அன்னை ஶ்ரீ லலிதாம்பிகை அகத்தியர் தம்பதிக்கு நவரத்தின கற்கள் போன்று காட்சி அளித்தார்!!! வரங்களை அருளினார்!!!

அதனால் நம் அனைவருக்கும் குரு வாக இருக்கும் அகத்தியர் ஒரு பாடல் தொகுப்பை இயற்றினார்.

அதற்கு பெயர் ஶ்ரீ லலிதா நவரத்தின மாலை!!!

எப்படி இந்த பாடலை பயன்படுத்தி போதுமான அளவுக்கு செல்வ வளத்தை பெறுவது?

இதை வாசிக்கும் நீங்கள் இன்று முதல் அடுத்த 64 நாட்களுக்கு கண்டிப்பாக அசைவம் சாப்பிடக் கூடாது. மது அருந்துதல் தவிர்க்க வேண்டும். போதை பொருட்கள் பயன்படுத்துவதை கைவிட வேண்டும். ( உங்களுடைய மகன் அல்லது மகளுக்கு 15 வயது நிறைந்து விட்டால் அவர்களும் இந்த முயற்சியில் ஈடுபடலாம்!!!)

தினமும் காலையில் 4.30 மணிக்குள் குளித்து முடித்து ரெடியாகி விட வேண்டும்.

ஒரு நெய் தீபம் ஏற்றி வைத்து கொண்டு,வாசனை மிகுந்த பத்தி குச்சி பொருத்தி கொண்டு, புதிய மஞ்சள் துண்டு மீது அமர்ந்து கொள்ள வேண்டும்.

ஶ்ரீ லலிதாம்பிகை போட்டோ ஒன்று கிழக்கு நோக்கி வைத்து கொள்ள வேண்டும். அருகில் இரண்டு டம்ளர் தண்ணீர் வைத்து கொண்டு ஜெபம் செய்ய வேண்டும். நீங்கள் சாப்பிடும் உணவு பொருள் அல்லது பழங்களை தினமும் அன்னைக்கு படையலாக வைக்க வேண்டும். ஜெபித்து முடித்த பிறகு அதை சாப்பிட்டு விட வேண்டும்.

பின்வரும் அகத்திய சித்தர் இயற்றிய. ஶ்ரீ லலிதா நவரத்தின மாலை பாடலை ஒரு நாளுக்கு 64 முறை ஜெபிக்க வேண்டும். அதற்கு இரண்டு மணி நேரம் வரை ஆகும்!!!

இப்படி தொடர்ந்து 64 நாட்கள் ஜெபிக்க வேண்டும். பல விதமான தடைகள் வரும்.... விட்டு விட்டாவது 64 நாட்கள் ஜெபித்து வர வேண்டும்.

63 ஆம் நாள்  அன்று திருமீயச்சூர் வந்து விட வேண்டும். அதற்கு மறுநாளும்  அந்த நாளும்  பவுர்ணமியாக இருந்தால் நல்லது 

அல்லது

ஏதாவது ஒரு வெள்ளிக் கிழமை நாளாக இருப்பது நல்லது. வியாழக்கிழமை அன்று மதியத்திற்குள் வந்து விட வேண்டும்.

இங்கே மேகநாதரை தரிசனம் செய்துவிட்டு வலம் வர வேண்டும். அப்போது பக்கவாட்டில் இருக்கும் துர்கை அம்மனை தரிசிக்க வேண்டும். அந்த தாயின் கையில் ஒரு கிளி சிறியதாக இருக்கும்... அதை பார்த்தவாறு ,

" என் பெயர்......நான் ......ஊரில் இருந்து வருகிறேன்.எனது கோத்திரம்...........கோத்திரம்!

கடந்த 64 நாட்களாக அன்னை ஶ்ரீ லலிதாம்பிகை யின் அருளை பெற வேண்டி அகத்தியர் அருளிய ஶ்ரீ லலிதா நவரத்தின மாலை பாடலை ஜெபித்து முடித்து விட்டேன்.

எனக்கு இந்த பிறவி முழுவதும் தேவையான அளவு செல்வ வளம் வேண்டும் ...என் சார்பாக கிளியாகிய தாங்கள் அன்னை ஶ்ரீ லலிதாம்பிகை யிடம் தெரிவித்து விடுங்கள். உங்களுக்கு நன்றிகள்!!!" என்று வேண்டிக் கொள்ள வேண்டும். (உங்கள் கோத்திரம் எது என்று தெரியாமல் இருக்கிறதா? பரவாயில்லை. அதை நினைக்க  வேண்டிய அவசியம் இல்லை)

அதன் பிறகு அன்னை ஶ்ரீ லலிதாம்பிகையின் சன்னதிக்கு சென்று விட வேண்டும். சன்னதியின் இருபுறமும் தலா ஒரு துவார பாலகி இருக்கிறார்கள். அவர்களில் யாராவது ஒரு தாயிடம்  இதே போல பிரார்த்தனை செய்ய வேண்டும்.

பின்னர் அன்னை ஶ்ரீ லலிதாம்பிகை யை தரிசனம் செய்ய வேண்டும்.

பின்னர் அன்னை ஶ்ரீ லலிதாம்பிகை சன்னதியை வெளிப்புறமாக 64 முறை வலம் வர வேண்டும்.

இதற்கு மூன்று மணி நேரம் வரை ஆகும்.(40 வயதை கடந்தவர்கள் 15 தடவை வலம் வந்து விட்டு சிறிது நேரம் ஓய்வு எடுத்துக் கொள்ளலாம். இப்படி ஒவ்வொரு 15 முறையும் வலம் வந்து சிறிது ஓய்வு எடுத்து கொண்டு 64 முறை வலம் வந்து முடிக்க வேண்டும்)

அதன் பிறகு அன்னை ஶ்ரீ லலிதாம்பிகை சன்னதி இருக்கும் பகுதியில் எந்த இடத்தில் வேண்டுமானாலும் அமர்ந்து கொண்டு இதே ஶ்ரீ லலிதா நவரத்தின மாலை பாடலை 64 முறை ஜெபிக்க வேண்டும்.

பின்னர் மீண்டும் அன்னை ஶ்ரீ லலிதாம்பிகை சன்னதி சென்று குங்கும பிரசாதம் வாங்கி கொண்டு ஊருக்கு திரும்ப வேண்டும்.

காப்பு

ஞான கணேசா சரணம் சரணம் 

ஞான ஸ்கந்தா சரணம் சரணம் 

ஞான ஸத்குரு சரணம் சரணம் ஞானானந்தா சரணம் சரணம்

 ஆகும் தொழில் ஐந்தனலாற்ற நலம் பூக்கும் நகையாள் புவனேஸ்வரி பால் சேர்க்கும் நவரத்தின மாலையினைக்

 காக்கும் கணநாயக வாரணமே!

மாதா ஜய ஓம் லலிதாம்பிகையே மாதா ஜய ஓம் லலிதாம்பிகையே

மாதா ஜய ஓம் லலிதாம்பிகையே மாதா ஜய ஓம் லலிதாம்பிகையே

வைரம்

கற்றும் தெளியார் காடே கதியாய் கண்மூடி நெடுங் கனவான தவம்

 பெற்றும் தெளியார் நிலைஎன்னில் அவர் பெருகும் பிழை என் பேசத்தகுமோ

 பற்றும் வயிரப் படைவாள் வயிரப் பகைவர்க் கெமனாக எடுத்தவளே

 வற்றாத அருட்சுனை வருவாய் மாதா ஜய ஓம் லலிதாம்பிகையே!

நீலம்

மூலக் கனலே சரணம் சரணம் முடியா முதலே சரணம் சரணம்

 கோலக்கிளியே சரணம் சரணம் குன்றாத ஒளி குவையை சரணம்

 நீலத்திருமேனியிலே நினைவாய் நினைவற் றெளியேன்  நின்றேன்

 அருள்வாய்

 வாலைக் குமரி வருவாய் வருவாய் மாதா ஜய ஓம் லலிதாம்பிகையே!

முத்து

முத்து வரும் முத் தொழிலாற்றிடவே முன் நின்ற ருளும் முதல்வீ சரணம்

 வித்தே விளைவே சரணம் சரணம் வேதாந்த நிவாஸினியே சரணம்

 தத்தேறிய நான் தனையன் தாய் நீ சாகாத வரம் தரவே வருவாய்

மத்தேறுத்திக் கிணை வாழ்வடை யேன் மாதா ஜய ஓம் லலிதாம்பிகையே!

பவளம்

 அந்தி மயங்கிய வானவிதானம் அன்னை நடம் செய்யும் ஆனந்த மேடை 

சிந்தை நிறம் பவளம் பொழி பாரேர் தேன் பொழி லாமிது  செய்தவளாரோ

 எந்த இடத்தும் மனத்தும் இருப்பாள் எண்ணுபவர்க்கருள் எண்ண மிகுந்தாள் 

 மந்திர வேதமயப் பொருளானாள் மாதா ஜய ஓம் லலிதாம்பிகையே!

மாணிக்கம் 

காணக்கிடையா கதியானவளே கருதக் கிடையாக் கலையானவளே 

பூணக் கிடையாப் பொலியானவளே  புனையக் கிடையாப் புதுமைத்தவளே

 நாணித் திருநாமமும் நின் துதியும் நவிலாதவரை நாடாதவளே

 மாணிக்க ஒளிக்கதிரே வருவாய் மாதா ஜய ஓம் லலிதாம்பிகையே!

மரகதம்

மரகத வடிவே சரணம் சரணம் மதுரித பதமே சரணம் சரணம் 

சுரபதி பணியத் திகழ்வாய் சரணம் ச்ருதி ஜதி லயமே இசையே சரணம்

 ஹர ஹர சிவ என்றடியவர் குழும அவரருள் பெற அருளமுதே சரணம்

 வரநவ  நிதியே சரணம் சரணம் மாதா ஜய ஓம் லலிதாம்பிகையே!

கோமேதகம்

பூமேவிய நான் புரியும் செயல்கள் பொன்றாப் பயனும் குன்றா வரமும்

தீ மேலிடினும் சக்தி எனதிடமாய் அடியேன் மொழியும்  திறமும்

 கோமேதகமே குளிர்வான் நிலவே குழல்வாய் மொழியே தருவாய் தருவாய்

 மாமேருவிலே வளர் கோகிலமே மாதா ஜய ஓம் லலிதாம்பிகையே!

புஷ்ப ராகம்

ரஞ்ஜனி நந்தினி அங்கணி பதும ராகவிகாஸ  வியாபிணி அம்பா

 சஞ்சல ரோக நிவாரணி வாணி சாம்பவி சந்த்ர கலாதரி ராணி

 அஞ்ஜன மேனி அலங்க்ருத பூரணி அம்ருத ஸ்வரூபணி நித்ய கல்யாணி

 மஞ்ஜுள மேரு ச்ருங்க நிவாஸினி மாதா ஜய ஓம் லலிதாம்பிகையே!

வைடூரியம் 

வலையொத்த வினை கலையொத்த மனம் அருளப்

பறையாற்றொளி யொத் தவிதால் 

நிலையற்றெளியேன் முடியத் தகுமோ நிகளம் துகளாக வரம் தருவாய்

 அலையற்ற சைவற்  றநுபூதி பெறும் அடியார் முடிவாழ் வைடூரியமே

 மலையத் துவசன் மகளே வருவாய் மாதா ஜய ஓம் லலிதாம்பிகையே !

நூற்பயன் 

எவர் எத்தினமும் இசைவாய் லலிதா நவரத்தின மாலை நவின்றிடுவார்

 அவர் அற்புத சக்தி எல்லாம் அடைவார் சிவ ரத்தினமாய் திகழ்வா ரவரே

 மாதா ஜய ஓம் லலிதாம்பிகையே மாதா ஜய ஓம் லலிதாம்பிகையே

 மாதா ஜய ஓம் லலிதாம்பிகையே

 மாதா ஜய ஓம் லலிதாம்பிகையே!

அரிதாக சில பேருக்கு 64 நாட்கள் இவ்வாறு முயற்சி செய்து போதுமான அளவு செல்வ வளம் கிடைக்காமல் போகலாம் ;அப்படிப்பட்டவர்கள் மொத்தம் 108 நாட்கள் இதேபோன்று முயற்சி செய்ய வேண்டும் !!!!

ஒவ்வொரு நாளும் 64 முறை இந்த பாடல்களை ஜெபம் செய்தால் போதுமானது.

மிகவும் உயர்ந்த வழிபாட்டு முறையை உங்களுக்கு அகத்தியர் அருளால் தெரிவித்து உள்ளோம்.....

ஓம் நமசிவாய 

படித்து பகிர்ந்தது

 இரா .இளங்கோவன் நெல்லிக்குப்பம்.

வில்வ ஓட்டில் சிவனுக்கு தீபம் ஏற்றி வைக்க திருமணம் ஆகாதவர்களுக்கு விரைவில் திருமணம் நடக்கும்..

_வில்வக்காய்_

இதில் ஏராளமான தாது சத்துக்கள் உள்ளது 

இதை ஜூஸ் போட்டு குடிக்க இது வாய்ப்புண் குடல் புண் சளி தலைபாரம் சளி நெஞ்சு எரிச்சல் காய்ச்சல் சர்க்கரை நோய் போன்றவை குணமாக்கும்.

இதன் சதை பகுதிகளை ஒரு வாரம் நல்லெண்ணெயில் ஊற வைத்து உடலில் தேய்த்து குளித்தால் சரும எரிச்சல் சரும வியாதிகள் நீங்கும்  உடல் சூடு தணியும்..

 

இளம் பசு போடும் சாணத்தை வாழை இலையில் கீழே விழாமல் பிடித்து  வெயிலில் நன்றாகக் காய வைத்து பிறகு எரித்து சாம்பலை எடுத்து ஒரு வில்வக்காயை ஓட்டை போட்டு அதில் இருக்கும் சோற்றை வெளியே எடுத்து விட்டு அதை காய வைத்த  பிறகு அதில் இந்த பசு விபூதியை நிரப்பி மண்ணில் 48 நாட்கள் புதைத்து வைத்து பின் எடுத்து மூடியை மட்டும் திறந்து அந்த விபூதியை வயதான நடக்க முடியாத படுத்த படுக்கையில் கிடக்கும் பெரியோர்களுக்கு படுத்த படுக்கையில் கிடக்கும் பெரியோர்களுக்கு சிறிது நாக்கில் தடவி நெற்றியில் இட்டு வந்தால் அவர்கள் எழுந்து நடப்பார்கள் நோயிலிருந்து விடுபடுவர் 

 இந்த காயில் உள்ளவற்றை  வெளியே எடுத்து விட்டு  ஓடை காய வைத்து சுத்தமான பசுஞ்சான  விபூதி போட்டு பூஜை அறையில் வைத்து உபயோகித்து வர ஜன வசியம் பணவசியம் சர்வ வசியம் கிடைக்கும் இதில் குங்குமமும் வைக்கலாம் ..

இந்த காயின் மீது சிறிய விளக்கு ஏற்றி வைத்து பூஜை அறையில் வைத்து வழி பட தொழில் தடை நீங்கும் தொழில் முன்னேற்றம் ஏற்படும்.

இதே வில்வ ஓட்டில் நல்லெண்ணெயில் சிவனுக்கு தீபம் ஏற்றி வைக்க திருமணம் ஆகாதவர்களுக்கு விரைவில் திருமணம் நடக்கும்..

இதை நான் சொல்லவில்லை ஆன்மீக பெரியோர்கள் சொல்லி இருக்கிறார்கள்.

ஓம் நமசிவாய

 படித்து பகிர்ந்தது

இரா. இளங்கோவன் நெல்லிக்குப்பம்

கோயில் கோபுரத்தின் உச்சியில் நாசி எனப்படும் சிலை இருக்கும் அது ஏன்?

_இறைவனை விட மேலானவன்._

பெரும்பாலான தென் இந்தியாவில் இருக்கும் கோயில் கோபுரத்தின் உச்சியில் நாசி எனப்படும் சிலை இருக்கும். 

கடவுளின் அவதாரங்கள், மனித சிற்பம் என பல்வேறு சிற்பங்கள் அடங்கிய கோபுரமாக இருந்தாலும், கோபுரத்தின் உச்சியில் நாசி எனப்படும் பூதம் போன்ற ஒரு முகத்துடன் இருக்கும் ஒரு சிற்பம் ஏன் பயன்படுத்தப் பட்டு இருக்கிறது.

கோபுர உச்சியில் செய்யப்படும் சிற்ப அமைப்பிற்கு மகாநாசி என்று பெயர் .

மகாநசியின் வடிவமைப்பு எந்த ஒரு இயற்கையான வடிவத்தை ஒத்தது அல்ல இயற்கை வடிவங்களில் பலவற்றில் ஒவ்வொன்றாக பிரித்து எடுத்து சேர்க்கப்பட்ட ஒரு கற்பனை வடிவம் குரங்கினுடைய காதும் பூதத்தினுடைய கண்களும் மூக்கும் அன்னப்பறவை யின் தோகை யானையின் தும்பிக்கை புலியின் பற்கள் ஒன்றாக சேர்த்து வடிவமைக்கப்பட்ட வடிவமாகும்.

*நாசி முகம் எப்படி வந்தது?*

ஒரு முறை அரக்கன் ஒருவன் சிவனை நோக்கி கடும் தவம் இருந்தான். சிவனை நோக்கி பக்தியுடன் பாடி அழைத்து கடும் தவம் இருந்தான்.

அரக்கனின் வேண்டுதலில் மகிழ்ந்த சிவ பெருமான் நேரில் தோன்றி, உனக்கு என்ன வரம் வேண்டும் கேள் என கேட்டார். எது குறித்தும் சிந்தனை இல்லாத சஞ்சலத்துடன் இருந்த அந்த அரக்கன், மிகவும் அசிங்கமாக ஏதோ ஒன்று கேட்டான்.

பல அரக்கர்கள் கடும் தவம் இருந்து சாகா வரம் வேண்டும் என வரம் கேட்பது வழக்கம். ஆனால் இந்த அராக்கனோ மோசமான, கேவளமான விஷயத்தை சிவபெருமானிடம் கேட்டதும், பொறுத்துக் கொள்ள முடியாத சிவபெருமான், உன்னை ஒழித்து கட்டுகின்றேன். உன்னை சாப்பிட ஒரு பெரிய பூதம் உண்டாகட்டும் என்றார்.

சிவன் கூறியதும் அந்த அரக்கனை சாப்பிட ஒரு பெரிய பூதம் (நாசி) உருவானது. அரக்கனை சாப்பிட துரத்தியது.

*நாசி உருவம்:*

பயந்து போன அரக்கன், தன் தவறை உணர்ந்து சிவ பெருமானின் காலில் விழுந்து, என்னை மன்னித்து விடுங்கள். நான் கேட்டது தவறு. என்னை காப்பாற்றுங்கள் என கதறினான்.

கருணை கொண்ட சிவபெருமான், பிழைத்துப் போ, இனி இப்படிப்பட்ட எண்ணத்துடன் இருக்காதே என அனுப்பினார்.

சிவன் உருவாக்கிய பூதமோ, அய்யனே அரக்கனை சாப்பிடத்தான் என்னை படைத்தீர்கள் ஆனால், அவனை மன்னித்து அனுப்பி வைத்து விட்டீர்கள். இப்போது நான் என்ன செய்வது? என கேட்டார்.

சரி அப்படியென்றால், உன்னை நீயே சாப்பிட்டுக் கொள் என்றார். சரி என்ற அந்த நாசி பூதம் தன்னைத் தானே சாப்ப்பிட்டுக் கொண்டிருந்தது.

*பெருமை கொடுத்த சிவன்:*

நாசி என்ற அந்த பூதத்தின் செயலைப் பார்த்த சிவபெருமான், அவனின் தலை மட்டும் இருப்பதை கண்டு அதிர்ந்தார். கடைசியாக உடலை சாப்பிட பயன்படுத்திய கையை சாப்பிட்டுக் கொண்டிருந்தது.

அப்போது சிவன் உன்னை நீயே சப்பிடுகிறாயே. நீ சாதாரணமானவன் அல்ல. 

நீ கடவுளுக்கும் மேலானவன். 

நீ கடவுள்கள் வீற்றிருக்கும் கோயிலில் கடவுளை விட 

உயரமான இடத்தில் இருப்பாய்.

பெரும் புகழுக்குரியதும், மதிக்கத் தக்கதுமாக உன் முகம் இருக்கும் என கூறி கோயிலின் கோபுர உச்சியில் இருப்பாயாக என சிவன் அருளினார்.

அப்படிப் பட்ட பெருமை வாய்ந்தது தான் கோயில்களின் உச்சியில் காணப்படும் அந்த நாசி எனும் பூத முகம். கோபுரத்தில் மட்டுமல்லாமல் கடவுள் சிலைக்கு பின்னர் திருவாட்சியின் நடுவிலும் இந்த நாசி எனப்படும் பூதம் காணப்படுகின்றது.

பொதுவாக கோபுரத்தில் இருக்கும் பூத முகத்திற்கு நாசி என அழைக்கப்படும். கோபுரத்தின் மேலே பெரிதாக இருக்கும் அந்த முகத்திற்கு மகா நாசி என அழைக்கப்படுகிறது.

    

*சிவாலயம்*

பொருள் ஆச்சரியம்..

சிவனில் லயிப்பது சிவ லயம் தரிசனம் அதுவே பிற்காலத்தில் சிவாலய தரிசனம் ஆயிற்று…

ஓம் நமசிவாய 

படித்து பகிர்ந்தது இளங்கோவன் நெல்லிக்குப்பம்.

தடாகபுரிஸ்வரர் கோயில்-மடம் -வந்தவாசி ❤️

தடாகபுரிஸ்வரர் கோயில்-மடம் -வந்தவாசி 

🌺மடம் என்னும் சிற்றூர் திருவண்ணாமலை மாவட்டம் சேத்துப்பட்டு வட்டம், பெரணமல்லூர் ஊராட்சி ஒன்றியத்தில் வந்தவாசி அருகே அமைந்துள்ளது. பல்லவ அரசன் கம்ப விக்ரமன் காலத்தில் இவ்வூர் பல்குன்றக் கோட்டத்து தென்னாற்றூர்   குளத்தூர் என்றும்,  முதலாம் குலோத்துங்கன் காலத்தில் ஜெயங்கொண்ட சோழ மண்டலத்து பல்குன்றக்கோட்டத்து தென்னாற்றூர் நாட்டுக் குளத்தூர்எனவும், கண்டராக் கூளி மாராய நாயக்கன் பாடலில் குளந்தை வளம்பதி என்றும், கிபி 1363ம் ஆண்டு கல்வெட்டில் இக்கோயில் இறைவன் மடத்து உடையார் என்றும் குறிக்கப்படுவதில் இதற்கு பிறகே இவ்வூர் பெயர் மடம் எனவாயிற்று என்பது தெளிவாகிறது.

🌺இக்கோயில் இறைவன் கல்வெட்டில் திருவக்னீஸ்வரமுடையார் என்றும், இறைவி அறம் வளர்த்த நாச்சியார் என்றும் குறிக்கப்பட்டுள்ளனர். பின்னர் இரண்டாம் இராஜராஜன் காலம் முதல் குளந்தை ஆண்டார் என்றும் விஜயநகர காலத்தில் மடத்து உடையார் என்றும் தற்போது தடாகபுரிஸ்வரர் என்றும் அழைக்கப்படுகிறார்.  தற்போது இக்கோயில் இறைவி பெயர் பெரியநாயகி ஆகும்.

🌺இக்கோயிலில் முதலாம் குலோத்துங்கன், விக்கிரமசோழன் , இரண்டாம் ராசாதிராசன், மூன்றாம் ராஜராஜன், மூன்றாம் ராஜேந்திரன்,மாறவர்மன் விக்ரம பாண்டியன், சடாவர்மன் சுந்தர பாண்டியன், வீரபுக்கன உடையார், கம்பண்ண உடையார், ஹரியண்ண உடையார்,வீர பிரதாப உடையார் மற்றும் தேவரடியாரின் கல்வெட்டுகள் இடம்பெற்றுள்ளன.

#கோயிலமைப்பு 

🌺கோபுரம், திருமண மண்டபம், மகாமண்டபம்,  கருவறை, முன்மண்டபம் மற்றும் பல்வேறு தனி சன்னதிகளை கொண்டு பெரியதாக இக்கோயில் விளங்குகிறது. இக்கோயில்  முதலாம் குலோத்துங்கன் காலத்தில் கற்றளியாக மாற்றப்பட்டு இருக்க வேண்டும்.

🌺கருவறையைச் சுற்றியுள்ள தேவகோட்டங்களில் வினாயகர், மிக அழகிய தட்சணாமூர்த்தி, விஷ்ணு, பிரம்மா, துர்க்கை ,சப்தமாதர்கள் போன்ற சோழர் கால சிற்பங்கள் உள்ளது. மேலும் இக்கோயிலில் உள்ள வீணாதரர், மிக அழகிய பைரவர், சூரியன், சுப்பிரமணியர், துவாரகபாலகர்கள் உள்ளனர். சஹஸ்ர லிங்கம், சுயம்பு லிங்கம், அடியார் சிற்பம் போன்றவையும் உள்ளது. விநாயகர்,பாலசுப்பிரமணி, சந்திரசேகர், பள்ளியறை நாயகர்,அம்மன், வீரபத்ரர், காளியம்மன், ரிஷப வாகன மூர்த்தி, நந்தி வாகனம் போன்ற பல்வேறு செப்பு திருமேனிகள் உள்ளன.

🌺கோயிலின்   முன்பாக ஒரு பெரிய அழகிய திருமண மண்டபம்  மிக நுண்ணிய வேலைப்பாடுகள்  கொண்டதாய் உள்ளது. இங்குள்ள தூண்களில் பல்வேறு சிற்பங்கள் நிறைந்துள்ளது.இம்  மண்டபத்தை சம்புவராய மன்ன்ன்  இராசநாராயணன் காலத்தில் கி.பி. 1368 இல் குளந்தை ஆண்டார் கோயில் தேவரடியாள் சம்பர் மகள் அமராபதி காத்தார் மகள் காதலியார் என்பவர் இம்மண்டபத்தை செய்வித்தார் எனும் சிறப்பான   செய்தியை தெரிவிக்கும்  கல்வெட்டு இம்மண்டபத்தின் தென்புறசுவரில் உள்ளது.

🌺தடாகபுரிஸ்வர்ர் கோயிலைச்சுற்றி உயரமான மதில் சுவர் நான்கு புறமும் கட்டப்பட்டுள்ளது. இதன் தென்புறத்தில் மிக உயராமான இராஜகோபுரம் கம்பீரமாக காட்சியளிக்கிறது. கி.பி. 1363 இல் கம்பண உடையார் காலத்தில் அவரின் படைத்தலைவன் சோமய்ய தண்டநாயக்கரின் மகன் கண்டர கூளி மாரய்ய நாயக்கர் என்பவர் வென்று மண்கொண்ட சம்புவராயனையும் அவனுடைய தலைநகராகிய படைவீட்டு இராசகம்பீர மலையையும் வெற்றி கொண்டதின் நினைவாக இந்த உயரமாக அழகிய இராஜகோபுரத்தை கட்டி அதற்கு கண்டர கூளி மாரய்ய நாய்க்கன் திருக்கோபுரம் என்று தன் பெயரை வைத்தார். இக்கோபுர வாயிற்கதவை  தூணாண்டார் ஆற்றுளார் என்பவர் செய்து கொடுத்துள்ளார். ஓராண்டிற்கு பின்னர் கி.பி. 1364 ல் இளங்காடு என்னும் ஊரைச்சேர்ந்த திருநல்லிக்கிழன் நல்ல கம்பன் தென்னவராயன் என்பவர் கோயிலைச்சுற்றி அழகிய திருச்சுற்று  மதிலை கட்டினார்.

 

🌺இக்கோயிலுக்கு பெரும்பாலும் கொடுத்த நிலக்கொடை,வரி நீக்கம், திருவிழாக்கள் நடக்க பல்வேறு ஊர்களை வரி நீக்கி தானமாக கொடுத்தது, விளக்கெரிக்க அளித்த தானங்கள் மற்றும் கட்டிடம் கட்டியது, மற்ற தெய்வங்களை பிரதிஷ்டை செய்தது போன்ற விவரங்கள் உள்ளது. திருமஞ்சன நீரை கொண்டு வர செய்யப்பட்ட ஏற்பாடுகள்,நந்தவனம் அமைத்தது, சந்தன காப்பு செய்ய ஏற்படுத்திய நிவந்தகளை பற்றியும் கல்வெட்டு செய்திகள் குறிப்பிடுகிறது.

🌺இச்சிறிய ஊரில் பிரமாண்டமாய் இருக்கும் இக்கோயில் பல்வேறு சிறப்பான சிற்பங்களையும் கல்வெட்டு செய்திகளையும் கொண்டு உள்ளது. இக்கோயில் கட்டாயம் காண வேண்டிய திருத்தலங்களில் ஒன்றாகும்,

ஓம் நமசிவாய 

படித்து பகிர்ந்தது

 இரா. இளங்கோவன் நெல்லிக்குப்பம்.

அகோபிலம் என்ற இந்த திவ்ய தேசம் ஆந்திரா மாநிலத்தில் கர்னூல் மாவட்டத்தில் அமைந்துள்ளது.

       ஆந்திர மாநிலத்தில் உள்ள இரண்டு திவ்ய தேசங்களுள் ஒன்று இந்த அஹோபிலம். 

மற்றொன்று   கண்கண்ட தெய்வமாய் கலியுக வரதனாய் திருமலையாய்  எழுந்தருளி சேவை சாதிக்கும் திருப்பதி . 

அகோபிலம் என்ற இந்த  திவ்ய தேசம் ஆந்திரா மாநிலத்தில்  கர்னூல் மாவட்டத்தில் அமைந்துள்ளது. "அஹோ' என்றால் "சிங்கம்'. "பிலம்' என்றால் "குகை'.

        >>  கிழக்கு தொடர்ச்சி மலையில் அமைந்துள்ள கருப்பு மலையிலுள்ள  அஹோபிலத்தில் ஒன்பது நவ கிரகங்களின் அம்சமாக ஒன்பது  நரசிம்ம மூர்த்தியாக சேவை சாதிக்கின்றார் பெருமாள்.

      >>  இது நரசிம்ம அவதாரம் நிகழ்ந்த தலமாக கருதப்படுகிறது. இங்கு பிரகலாதனுக்கு காட்சி கொடுத்ததால் மூலவர் பிரகலாத வரதன் எனப்படுகிறார். மலைக்கோயிலில் பிரகலாதனுக்காக நரசிம்மர் வெளிப்பட்ட "உக்கிர ஸ்தம்பம்' (தூண்) உள்ளது.

         >>  திருமாலின் நரசிம்ம அவதாரத்தைத் தரிசிக்க விரும்புவதாக கருடன் கேட்க, பகவான் அகோபிலத்தில் ஒன்பது நரசிம்ம வடிவங்களில் கருடனுக்குக் காட்சி கொடுத்தார். கருட பகவான் அந்த நரசிம்ம மூர்த்தங்களைப் பூஜித்து வழிபட்டதாக தல புராணம் கூறுகிறது.

        >>  இங்குள்ள அகோபில மடம் ஆதிவண் சடகோப மகாதேசிகரால் நிறுவப்பட்டது. இதுவே தென்னிந்தியாவின் மிகப்பெரிய வைணவ மடமாகும். இந்த மடத்தின் முதல் ஜீயரான இவருக்கு ‘அழகிய சிங்கர்’ என்ற பட்டம் உண்டு.

        >> அகோபிலம் என்னும் திவ்ய தேசத்தில் நரசிம்மர், அகோ பலம் என்று சிறப்பித்து சொல்லும் விதத்தில் சேவை சாதிக்கிறார். இரண்யனை சம்ஹாரம் செய்த போது, நரசிம்மரைப் பணிந்து நின்ற தேவர்கள் எல்லாரும் அகோ பலம்! அகோ பலம்! என்று சொல்லி வணங்கினர். அகோபிலம் என்பதற்கு சிங்க குகை என்பது பொருள். அகோ பலம் என்றால் ஆச்சரியம் மிக்க பலம் கொண்டவர் என்று பொருள்.  

         >>  இரண்டு தளங்களாக அமைந்துள்ளது அஹோபில ஷேத்திரம். கீழ் அஹோபிலத்தில் பிரகலாத வரதர் ஆலயமும், மேல் அஹோபிலத்தில் அகோர ந்ருஸிமஹர் ஆல்யமும் அமைந்துள்ளன. மலையடிவாரம் கீழ் அஹோபிலம் என்று அழைக்கப்படுகின்றது. அடிவாரத்திலிருந்து எட்டு கி.மீ தூரத்தில் சுமார் 3000 அடி உயரத்தில் உள்ள மலைப்பகுதி மேல் அஹோபிலம் என்று அழைப்படுகின்றது. மற்ற நவ நரசிம்மர் ஆலயங்கள் சுற்றிலும் பல்வேறு இடங்களில் அமைந்துள்ளன.

     >> மலையேற்றம் மற்றும் நடைப்பயணம் அவசியம் என்பதால் அந்த எம்பெருமானின் அருளும் உண்மையான உடல் உறுதியும் இருந்தால் மட்டுமே நவநரசிம்மர்களையும் சேவிக்க முடியும். எனவே தான் திருமங்கை ஆழ்வார் தமது பாசுரத்தில் "தெய்வங்களால் மட்டுமே சென்று தரிசிக்க முடியும்!" என்று பாடியுள்ளார்.

   >> நரசிம்மர் அவதாரம் எடுத்த தூணும், நரசிம்மர் தூணிலிருந்து வெளிப்பட்ட இடமும் உள்ளது. மலையடிவாரக்கோயிலின் முன்பு 85 அடி உயரமுள்ள ஒரே கல்லால் ஆன தூண் ஒன்று உள்ளது. இதை "ஜெயஸ்தம்பம்' அதாவது வெற்றித்தூண் என்கிறார்கள். இந்த தூணை பூமிக்கடியில் 30 அடி தோண்டி நிலை நிறுத்தி உள்ளார்கள் என்பது ஆச்சரியமான விஷயம். இந்த தூணின் முன்பு நாம் மனமுருகி வேண்டினால் அது நிறைவேறும் என்பது நம்பிக்கை.

      >>  ராமபிரான் சீதையை தேடி வரும் போது இந்த தூணின் முன்பு வழிபாடு செய்ததாகவும், வழிபாடு செய்தவுடன் சீதை கிடைத்து விட்டதைப்போன்ற உணர்வு ராமனுக்கு ஏற்பட்டதாகவும் புராணங்கள் கூறுகிறது

     >>   புகழ் பெற்ற இந்த அகோபிலம் தலம் அமைந்துள்ள மலைப்பகுதி ஆதிசேஷன் போன்ற தோற்றத்தில் அமைந்துள்ளது. இம்மலைத் தொடரின் ஒரு பக்கம் திருமலை அமைந்திருக்க, இன்னொரு பக்கம் ஸ்ரீசைலம் விளங்குகிறது. கருடன் வழிபட்ட ஒன்பது நரசிம்ம மூர்த்தங்களும் சுயம்பு வடிவங்களே! அவை வருமாறு:- 

1. அகோபில நரசிம்மர்: குரு 

     

      >>  உக்ரமூர்த்தியான இவர் மலைமீது எழுந்தருளியுள்ளார். புராதனப் பெருமாள் இவரே. 

2. பார்க்கவ நரசிம்மர்: சூரியன் 

   >>  மலையடிவாரத்திலிருந்து இரண்டு கிலோமீட்டர் தொலைவில் உள்ளார். ராமரால் வழிபடப்பட்டவர் இவர். (பார்க்கவன் என்பது ராமபிரானின் திருப் பெயர்களுள் ஒன்று.)

3. யோகானந்த நரசிம்மர்: சனி 

      >> மலைமீது, தென்கிழக்கு திசையில் நான்கு கிலோமீட்டர் தூரத்தில் உள்ளார். உக்கிரமாக அவதரித்த நரசிம்மர் இங்கே யோக நிலையில் அமர்ந்துள் ளார். பிரகலாதனுக்கு யோகம் கற்பித்த மூர்த்தி இவர். 

4. சத்ரவத நரசிம்மர்: கேது 

      >>  கீழ் அகோபிலத்திலிருந்து நான்கு கிலோமீட்டர் தொலைவில் உள்ளார். குடை வடிவில் அமைந்துள்ள கோவிலில் பத்மபீடத்தில் அமர்ந்த வண்ணம் காட்சி தருகிறார் நரசிம்மர். அரிய வகை கருங்கல்லாலான திருவடிவம். 

5. க்ரோத (வராக) நரசிம்மர்:ராகு 

      >>  பாபநாசினி நதிக்கரையின் கிழக்கில் லட்சுமி நரசிம்மரும் வராக நரசிம்மரும் கோவில் கொண்டுள்ள னர். இரட்டை நரசிம்மர் தலம் எனும் பெயரு டைய இவ்விடத்திலிருந்து பார்த்தால் வேதகிரி, கருடாத்ரி மலைகளுக்கிடையேயான பள்ளத் தாக்கு தெரியும். வராக குண்டத்திலிருந்து பாபநாசினி நதி ஓடி வருவதையும் காணலாம். 

6. கராஞ்ச (சாரங்க) நரசிம்மர்: சந்திரன் 

     >> மேல் அகோபிலத்திலிருந்து ஒரு கி.மீ. தூரத்தில் உள்ளார். கராஞ்ச மரத்தடியில் கோவில் கொண்டு, கையில் வில்லேந்தியுள்ளதால் இப்பெயர் பெற்றார். 

7. மாலோல நரசிம்மர்: சுக்கிரன் 

          >>   "மா' என்றால் லட்சுமி. "லோலன்' என்றால் பிரியமுடையவன். நரசிம்மரின் உக்கிரத்தை லட்சுமி தணித்த படியால், லட்சுமிப்பிரியனான பெருமாள் பிராட்டியை மடியில் அமர்த்தியபடி லட்சுமி நரசிம்மராகக் காட்சி கொடுக்கிறார். அகோபிலத்திலிருந்து இரண்டு கிலோ மீட்டர் தொலைவில் கோவில் கொண்டுள்ளார். 

8. பாவன நரசிம்மர்: புதன் 

     >> பவனி நதிக்கரையில் கோவில் கொண்டதால் இப்பெயர் பெற்றார். அகோபிலத்திலிருந்து ஆறு கிலோமீட்டர் தொலைவில் உள்ள இத்தலத்தில் வருடாந்திர உற்சவம் மிகச் சிறப்பாக நடக்கும். 

9. ஜ்வாலா நரசிம்மர்: செவ்வாய் 

    >>  மேரு மலையில் வீற்றுள்ளார். இரண்யனை வதைத்தவர் இவரே. வதைத்த இடமும் இதுவென்கின்றனர். இந்த நரசிம்மரைத் தரிசிக்க மிகக் குறுகிய வழியில் செல்ல வேண்டும். எட்டு கைகளுடனும், நான்கு கைகளுடனும் இரண்டு நரசிம்மர் திருவடிவங்கள் உள்ளன. 

        >>  மலையின் மேலும் கீழுமாக மொத்தம் 9 நரசிம்மர் கோயில்கள் உள்ளன. எனவே இதனை "நவ நரசிம்ம க்ஷேத்ரம்' என்பர். 

      >> இந்த 9 கோயில்களையும் தரிசித்தால் நவக்கிரகங்களை ஒன்றாக தரிசித்த பலன் கிடைக்கும் என்பது ஐதீகம். 

       >> காலை முதலே கோவிலில் இருந்தால் மட்டுமே மாலைக்குள் ஒன்பது நரசிம்மர்களையும் ஒரே நாளில் தரிசிக்க முடியும் .. 

      >> மேலே அஹோபிலம் செல்ல ஆட்டோ வசதி உள்ளது ..அதற்கு மேல் மலையேறிதான் மூன்று நரசிம்மர்களை தரிசிக்க முடியும்.

     >>  மலையேற்றம் கொஞ்சம் கடினம் தான் போக இரண்டு மணிநேரம் வர ரெண்டு மணி நேரம் ஆகும் ..ஊன்றுகோல் அங்கே கிடைகிறது ..

    >> மீதி நரசிம்மர்களை தரிசிக்க வண்டி வசதி உள்ளது .அகோபிலத்திலிருந்து ஆறு கிலோமீட்டர் தொலைவில் உள்ள பாவன நரசிம்மரை தரிசிக்க போகும் பாதை மிகவும் கடினமாக உள்ளது .வாழ்வில் மறக்க இயலாது ..

   

        >> ஒவ்வொரு நரசிம்மரையும் தரிசிக்க தரிசிக்க அருமையான அனுபவங்களை என்னால் உணர முடிந்தது .

   >> அவன் அருள் இருந்தால் மட்டுமே அகோபிலத்தை நம்மால் தரிசக்க இயலும் .ஆனால் வாழ்வில் ஒரு முறையேனும் தரிசக்க வேண்டிய ஈரப்பு மிக்க திவ்ய -திருத்தலம் ..

   >> மலை அடிவாரத்தில் உங்களை அழைத்து செல்ல கைடுகள்  இருகிறார்கள்..சிறு குழுவாக சேர்ந்து ஒரு கைடு என வைத்து கொள்ளலாம் ..ஒருவர்க்கு சுமார் 500 போதுமானது .. 

   >>  சென்னையில் இருந்து 400 கிலோ மீட்டர் தொலைவு இருக்கும் . இக்கோவிலுக்கு கோயிலுக்கு ஆலகட்டா (23 கீ.மி.) மற்றும் கடப்பாவில் (70 கி.மீ) இருந்து பேருந்து வசதி உள்ளது. நந்தியால் மற்றும் கர்நூல் ரயில் நிலையங்கள் அருகில் அமைந்துள்ளன..ஒருமுறை சென்று வாருங்கள்...

ஓம்நமசிவாய 

படித்து பகிர்ந்தது 

இரா .இளங்கோவன் 

நெல்லிக்குப்பம்.